CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. როგორც ცნობილია, პირველი აგვისტოდან, უკრაინელი მოქალაქეების სასტუმროებში ცხოვრების დაფინანსების სახელმწიფო პროგრამა დასრულდა. საქართველოს ღია საზოგადოების ფონდი გთხოვთ, გავერთიანდეთ და დავეხმაროთ უკრაინელ ლტილვილებს. „ქალები, ბავშვები, პენსიონრები, რომლებმაც ჩვენი თანადგომის იმედით საქართველოს მოაშურეს, ღია ცის ქვეშ დარჩნენ. მათი მამები, ქმრები, შვილები - ქვეყნის თავისუფლებისთვის იბრძვიან. ჩვენ ყველაზე მეტად შეგვიძლია განვიცადოთ ომით მიღებული ტკივილი, საყვარელი ადამიანების დაკარგვა და დევნილობაში ყოფნის სიმწარე. დღეს, ჩვენ შეგვიძლია გავერთიანდეთ, რომ უკრაინელ მეგობრებს ყველაზე რთული პერიოდი გადავატანინოთ. ანგარიშზე ჩარიცხული თითოეული ლარი, უკრაინის მოქალაქეების დაბინავებას მოხმარდება“, ნათქვამია ორგანიზაციის განცხადებაში. GEL: #GE51TB7324636080100018 USD: #GE63TB7324636180100012 სრულად... წყარო: ფონდის გვერდი სოციალურ ქსელში

საზოგადოებრივი ორგანიზაციების ერთიანი პორტალი (www.csogeorgia.org) საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. „საფარის“ გუნდის წევრებმა ორგანიზაციის 2023-2025 წლების სტრატეგია და საკომუნიკაციო გეგმა განიხილეს. ორგანიზაციის ცნობით, პროცესში ჩართული იყო ორგანიზაციის ყველა თანამშრომელი, მათ შორის იურისტები აჭარის, იმერეთის, ქვემო ქართლისა და კახეთის რეგიონებიდან. „შეხვედრებზე ვიმსჯელეთ, როგორ შეიძლება ორგანიზაციის სერვისების ხელმისაწვდომობის გაზრდა მთელი ქვეყნის მასშტაბით. გარდა ამისა, დავსახეთ მომდევნო წლების სამოქმედო გეგმა, რომელიც გულისხმობს როგორც არსებული რესურსების ეფექტიანობის გაზრდას, ისე ახალი სერვისების შემუშავებასა და დანერგვას“, ნათქვამია ორგანიზაციის ვებგვერდზე. სრულად... წყარო: sapari.ge

იმერეთი. „ადგილობრივი დემოკრატიის სააგენტო საქართველომ” სამუშაო შეხვედრა გამართა ბაღდათის ახალგაზრდული საბჭოს წევრებთან.  შეხვედრის მიზანი გახლდათ  ადგილობრივი ახალგაზრდების საჭიროებებზე დაფუძნებით შემუშავებული მუნიციპალური პროგრამის წარდგენა და განხილვა.  საბჭოს წევრების ინიციატივებზე დაფუძნებით მომზადებული მუნიციპალური ახალგაზრდული პროგრამა შემდგომი განხილვისთვის წარედგინება ბაღდათის მუნიციპალიტეტს.  ბაღდათის ახალგაზრდული საბჭოს გაძლიერება ხდება პროექტის “სამოქალაქო საზოგადოების ინიციატივის” ფარგლებში, ევროკავშირისა და კონრად ადენაუერის ფონდის მხარდაჭერით. სრულად...  წყარო: ორგანიზაციის გვერდი სოციალურ ქსელში

თბილისი. „უფლებები საქართველოს“ დახმარებით, ყოფილმა ლექტორმა, რომელიც თბილისის სახელმწიფო უნივერსიტეტს დისკრიმინაციაში ადანაშაულებდა, უნივერსიტეტის წინააღმდეგ დავა სააპელაციო სასამართლოშიც მოიგო. ...სასამართლომ დაადასტურა, რომ თსუ, განსხვავებული მოსაზრებების გამოხატვის გამო, ლექტორს - დავით ნიჟარაძეს დისკრიმინაციულად მოეპყრო.  შესაბამისად, სააპელაციო სასამართლომ უნივერსიტეტს ლექტორის სასარგებლოდ, მატერიალური და მორალური ზიანის ასანაზღაურებლად, 4350 ლარის გადახდა დააკისრა. სრულად...  წყარო: rights.ge

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, კონსულტაციები გასცა სამოქალაქო საზოგადოებრივი და სათემო ორგანიზაციების წარმომადგენლებისათვის ტყიბულის მუნიციპალიტეტში. შეხვედრის ფარგლებში დამსწრე პირებს: გაეცნოთ  CSI-ს  მიერ ჩატარებული კვლევის შედეგები, რომელიც ეხებოდა სამოქალაქო საზოგადოებრივი ორგანიზაციების საგადასახადო გარემოს; კონსულტაცია გაეწიათ ორგანიზაციის მართვის საკითხებზე მათი გაძლიერების მიზნით; ინფორმაცია მიეწოდათ  იმერეთის რეგიონში გამოცხადებული საგრანტო კონკურსების შესახებ; კონსულტაციების გაცემა გაგრძელდება იმერეთის მხარის მუნიციპალიტეტებში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად...  წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის ინფორმაციით, 28 ივლისს თბილისის საქალაქო სასამართლოში არასრულწლოვანი შშმ პირის მიმართ არაადამიანურ მოპყრობაში ბრალდებული პოლიციელის საქმეზე ნაფიც მსაჯულებმა გამამტყუნებელი ვერდიქტი გამოიტანეს და სასჯელის ზომად 5 წლით თავისუფლების აღკვეთა განისაზღვრა. წარდგენილ ბრალდებაში გამამტყუნებელი ვერდიქტის გამოტანას 12-დან 8 ნაფიც მსაჯულმა დაუჭირა მხარი. საქმე ეხებოდა ფაქტს, რომლის შესახებაც ინფორმაცია 2022 წლის 24 იანვარს გავრცელდა მედიასაშუალებებში. გავრცელებული ვიდეო-ჩანაწერის მიხედვით, მეტროპოლიტენის საპატრულო პოლიციის თანამშრომლები არასრულწლოვანი შშმ პირის მიმართ ახორციელებდნენ ძალადობრივ ქმედებას. დაზარალებულის ინტერესებს საია იცავდა. სრულად... წყარო: gyla.ge

ამ წუთებში, ინგოგოყვას 22-ში, ჩეკას სახლთან - შენობასთან სადაც 1921-1934 წლებში საბჭოთა ტერორის მტავარი ცენტრი, ჩეკას შტაბ-ბინა მდებარეობდა - საბჭოთა წარსულის კვლევის ლაბორატორია სტალინური ტერორის მსხვერპლთა ხსოვნის დღეს აღნიშნავს. სრულად...

თბილისი. სოციალური სამართლიანობის ცენტრის ინფორმაციით, ორგანიზაცია ქვეყანაში არადომინანტური ეთნიკური ჯგუფების მხარდასაჭერად გაწეული ძალისხმევისთვის OSCE-ს ეროვნული უმცირესობების საკითხებში უმაღლესი კომისრის ოფისის პრესტიჟული გლობალური ჯილდოს - Max van der Stoel 2022 წლის გამარჯვებული გახდა. ეს პრიზი 2011 წელს დაარსდა და ერთ-ერთი მნიშვნელოვანი ჯილდოა ადამიანის უფლებათა სფეროში, რომელსაც გადასცემენ ორგანიზაციებსა და პერსონებს, თავიანთ ქვეყნებში ეთნიკური/ეროვნული უმცირესობების მიმართულებით გაწეული განსაკუთრებული შრომისა და მიღწევებისთვის. სრულად... წყარო: socialjustice.org.ge

თბილისი. შავი ზღვის ფონდის (Black Sea Trust for Regional Cooperation) ფინანსური და „სამართლიანი არჩევნების“ ტექნიკური მხარდაჭერით მიმდინარე პროექტის „სამოქალაქო საზოგადოების ადგილობრივი ლიდერების ახალი თაობის გაძლიერება საქართველოში“ ფარგლებში, 11-12 ივნისს, შემაჯამებელი შეხვედრა გაიმართა. შეხვედრაში მონაწილეობა მიიღეს სამოქალაქო განათლების ვორკშოპების კურსდამთავრებულმა ახალგაზრდა ლიდერებმა საქართველოს სხვადასხვა მუნიციპალიტეტიდან. შეხვედრის მთავარი მიზანი იყო კურსდამთავრებულებისთვის მიეცა საშუალება ერთმანეთისთვის გაეცნოთ პროექტში მონაწილეობის შედეგად დაგროვებული წარმატების ისტორიები. სრულად...  წყარო: isfed.ge

თბილისი. სამოქალაქო საზოგადოების ინსტიტუტმა გამოაქვეყნა ახალი სახელმძღვანელო მონაწილეობითი ბიუჯეტირების მონიტორინგისა და შეფასების შესახებ. მისი მიზანია დაეხმაროს მუნიციპალიტეტებს, ასევე სამოქალაქო საზოგადოების ორგანიზაციების წარმომადგენლებს ბიუჯეტირების პროცესის განხორციელებაში.  სახელმძღვანელოში დეტალურად არის მიმოხილული როგორც მონიტორინგის, ისე შეფასების პროცესის არსი, მნიშვნელობა და მიზნები. რაც შეეხება შეფასებას, სახელმძღვანელოში განხილულია შეფასების ორი სახის მიდგომა, რაც, თავის მხრივ, მუნიციპალიტეტს აძლევს როგორც ერთ-ერთის არჩევის, ისე - მათი კომბინირების საშუალებას.  შესაბამისად, დღეს, როდესაც აქტიურად ხდება მონაწილეობითი ბიუჯეტირების დანერგვა, სახელმძღვანელო მნიშვნელოვან დამატებით რესურსს წარმოადგენს ადგილობრივი თვითმმართველობის დონეზე კარგი მმართველობის პრინციპების წარმატებით დანერგვის პროცესში.  წინამდებარე სახელმძღვანელო მომზადდა „ადგილობრივი განვითარების აქტორებს შორის მყარი კავშირების დამყარების“ (მეორე ფაზა) პროექტის ფარგლებში, რომელსაც სამოქალაქო საზოგადოების ინსტიტუტი ახორციელებს ორგანიზაცია „პური მსოფლიოს“ (BftW) მხარდაჭერით .  სახელმძღვანელო ...

თბილისი. საზოგადოებრივი ორგანიზაციები ეხმაურებიან სახელმწიფო უსაფრთხოების სამსახურის უფროსის ყოფილი მოადგილის, იოსებ (სოსო) გოგაშვილის, დაკავებას და შემდეგ განვითარებულ მოვლენებს. „მიგვაჩნია, რომ ხელისუფლებას გოგაშვილის ფიზიკური უსაფრთხოებისა და ჯანმრთელობის დაცვის, მის მიმართ მართლმსაჯულების მაღალი სტანდარტით წარმართვის და მის მიერ გავრცელებული ინფორმაციის დაუყოვნებლივ გამოძიების განსაკუთრებული ვალდებულება აკისრია“, ნათქვამია ერთობლივ განცხადებაში. სრულად... წყარო: socialjustice.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

28 ივლისს, 19:00 საათზე, მშობლის სკივრი გამართავს ონლაინ შეხვედრას ქცევის მართვაზე და მასთან დაკავშირებულ კითხვებზე. მსმენელის კითხვებს უპასუხებს ფსიქოლოგი და ქცევის ანალიტიკოსი, ანა ბარქაია. სრულად...

28 ივლისს, 17:00 საათზე, სოციალური სამართლიანობის ცენტრი გიწვევთ საჯარო დისკუსიაზე: „უკრაინელი ლტოლვილები საქართველოში: მათი საჭიროებები და დახმარების სქემები“. სრულად...

28 ივლისს, 16:00 საათზე, საქართველოს სტრატეგიის და განვითარების ცენტრი - GCSD გთავაზობთ ონლაინ დისკუსიას - „ნატოს მედეგობა: გაკვეთილები საქართველოსთვის”. სრულად...

28 ივლისს, 15:00 საათზე, მიგრაციის საერთაშორისო ორგანიზაცია (IOM) ჯგუფში „უვიზოდ ევროპაში“ გამართავს ონლაინ შეხვედრას. თემა: ტრავმული გამოცდილება ადამიანით ვაჭრობის (ტრეფიკინგის) კონტექსტში. მოწვეული სტუმარი: ნინო მაღედანი - სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ფსიქოლოგი. სრულად...

28 ივლისს, 15:00 საათზე, ორგანიზაცია „ახალგაზრდა ადვოკატები“ სასტუმრო „WYNDHAM GRAND TBILISI-ში“ საქართველოს იუსტიციის სამინისტროს საგრანტო პროგრამით გამარჯვებული პროექტის: „ბავშვთა უფლებების დაცვა საქართელოში ჰააგის კონვენციის მიხედვით“ შემაჯამებელ ღონისძიებას გამართავს. მისამართი: თბილისი, ლადო გუდიაშვილის ქ. #3

28 ივლისს, 12:00 საათზე, მრგვალი მაგიდა „ქალთა ეკონომიკური და პოლიტიკური გაძლიერება საქართველოში - შესაძლებლობები და გამოწვევები“ ჩატარდება. ღონისძიებას საქართველოს პარლამენტის წევრები, პოლიტიკოსი ქალები, სამოქალაქო სექტორისა და ექსპერტთა წრეების წარმომადგენლები დაესწრებიან. მის: თბილისი, Axis Towers, ჭავჭავაძის გამზირი #37მ, თბილისი

28 ივლისს, 12:00 საათზე ,საქართველოს უსინათლოთა კავშირის წევრები ესმა გუმბერიძე და გიორგი ენუქიძე საქართველოს ფინანსთა სამინისტროს საგამოძიებო სამსახურთან ბრიფინგს გამართავენ. თემა: „უსინათლოთა კავშირში მიმდინარე მოვლენები. უსაფუძვლო გათავისუფლებები და ასევე გამოუძიებელ საქმეები, რომლის გამოძიებასაც დიდი ხანია ითხოვენ“. მისამართი: თბილისი, უნივერსიტეტის #2ა

რუსეთის მიერ უკრაინის წინააღმდეგ მიმდინარე აგრესიული ომის საპასუხოდ, ახლახან ევროკავშირმა შემზღუდველი ზომების „შენარჩუნებისა და ჰარმონიზაციის“ პაკეტი მიიღო, რომელიც რუსეთის წინააღმდეგ არსებული ეკონომიკური სანქციების გამკაცრებას, მათი განხორციელების სრულყოფას და ეფექტიანობის გაძლიერებას ისახავს მიზნად. დეტალები ნახეთ აქ... წყარო: www.eeas.europa.eu