თბილისი. საქართველოს ახალგაზრდა იურისტთა ასოციაციის დახმარებით პენსიონერმა კუთვნილი პენსიის სრულად მიღება შეძლო. ორგანიზაციის ცნობით, ამ ტიპის პრობლემასთან დაკავშირებით ბოლო პერიოდში სხვა მოქალაქეებმაც მომართეს. ამდენად, ამ საქმეზე დადგენილი პრაქტიკა შესაძლოა სხვა ბენეფიციარებისთვისაც იყოს სასარგებლო. „პრობლემის გადაჭრის მიზნით, პირველ რიგში, პენსიონერმა საბანკო დაწესებულებას უნდა მიმართოს საჩივრით (საპრეტენზიო განაცხადით) და მოითხოვოს პენსიის გაცემა, აგრეთვე, ინფორმაცია პენსიის დაკავების მიზეზთან დაკავშირებით“. სრულად... წყარო: gyla.ge

თბილისი. აქტივისტები სხვადასხვა თემიდან საუბრობენ სოლიდარობის პლატფორმაზე, რომელიც 2019 წელს შეიქმნა და აერთიანებს საქართველოს სხვადასხვა ეთნიკურ და რელიგიურ ჯგუფს. „სოლიდარობის პლატფორმა არის სივრცე, სადაც ჩვენ ვცდილობთ, დავინახოთ ამ ჯგუფების შეხების წერტილები, ვსაუბრობთ ჩვენს ყოფაზე და იმ ექსკლუზიურ გამოცდილებებზე, რომელიც შეიძლება განსაკუთრებით მწვავედ იდგეს საქართველოს სხვადასხვა ეთნიკური და რელიგიური ჯგუფებისთვის“. სრულად... წყარო: socialjustice.org.ge

თბილისი. „უფლებები საქართველოს“ დახმარებით, ირანის მოქალაქემ თბილისის სააპელაციო სასამართლოში დავა მოიგო. „თბილისის სააპელაციო სასამართლოში მიმდინარე დავისას ბენეფიციარის ინტერესებს იცავდა  „უფლებები საქართველოს“ იურისტი მარიამ მაღრაძე, IOM-ის პროექტის - „COVID-19 და მიგრანტების საჭიროებები სამხრეთ კავკასიაში“ ფარგლებში, რომელიც ხორციელდება მოსახლეობის, ლტოლვილთა და მიგრაციის ბიუროს მხარდაჭერით“. თუ ხართ მიგრანტი და მიგაჩნიათ, რომ საჭიროებთ იურიდიულ დახმარებას, დაუკავშირდით ორგანიზაციას ნომერზე: (+995) 577 28 22 77. სრულად... წყარო: ორგანიზაციის გვერდი სოციალურ ქსელში

იმერეთი. გაეროს ბავშვთა ფონდისა და ორგანიზაცია ჰელფინგ ჰენდ (Helping Hand)-ის პროექტის ფარგლებში, რომელიც USAID/Georgia-ს მხარდაჭერით ხორციელდება, საქართველოს 63 მუნიციპალიტეტში მოზარდებმა ახალგაზრდული კლუბები დააფუძნეს, რომელთა ძირითადი მიზანი ადგილობრივ თემებში ჰიგიენის საკითხებისა და მოხალისეობის პოპულარიზაცია, ასევე მოზარდებში COVID-19-ის გავრცელების პრევენციაა. პროექტის ფარგლებში, 2 მაისს, ქუთაისში გაიმართა საგანმანათლებლო ღონისძიება-გამოფენა, რომლის მიზანიც პროექტის ფარგლებში ჩამოყალიბებული ჰიგიენის კლუბების საქმიანობის ფართო საზოგადოებისთვის ჩვენება გახლდათ. სრულად... წყარო: ორგანიზაციის გვერდი სოციალურ ქსელში

გურია. 3 მაისს, „ქალთა ეკონომიკური გაძლიერების პროექტის“ ფარგლებში, „ფონდი ტასოს“ წარმომადგენლებმა ოზურგეთის მუნიციპალიტეტის სოფელ ოზურგეთში ჩამოყალიბებულ ქალთა თვითდახმარების ჯგუფს საჩუქრად წიგნები ჩაუტანეს.  „წიგნების ნაწილი „ფონდი ტასოს“ საბიბლიოთეკო ფონდში არსებული  სხვადასხვადროინდელი გამოცემებია, ხოლო ნაწილი ქალთა ჯგუფს ნორვეგიის სამეფოს საგანგებო და სრულუფლებიანმა ელჩმა საქართველოში ჰელენ სანდ ანდრესენმა გაუგზავნა, მათი ინიციატივის მხარდაჭერის ნიშნად, რომელიც სოფელ ოზურგეთში პირველი ბიბლიოთეკის დაარსებას გულისხმობს“. სრულად... წყარო: ორგანიზაციის გვერდი სოციალურ ქსელში

4 მაისს, 14:00 საათზე, 15:00 საათსა და 16:00 საათზე, პლატფორმა „მშობლის სკივრის“ ორგანიზებით, გაიმართება უფასო, დისტანციური კონსულტაცია ენისა და მეტყველების თერაპევტთან. რეგისტრაცია... სრულად...

4 მაისს, 16:00 საათზე, გაიმართება ვებინარი - „ბიზნეს პროცესების ოპტიმიზაცია - როგორ გავხადოთ სამუშაო პროცესები ეფექტიანი?“ სრულად...

თბილისი. ინფორმაციის თავისუფლების განვითარების ინსტიტუტის (IDFI) სხვა არასამთავრობო ორგანიზაციებთან ერთად აქტიურად შეაქვს წვლილი ანტიდასავლურ პროპაგანდასა და დეზინფორმაციასთან ბრძოლაში. 3 მაისს პრესის საერთაშორისო დღესთან დაკავშირებით ორგანიზაცია აზიარებს სტატიას: ქართული პრესისა და ბეჭდვითი მედიის ცენზურის მიმოხილვა. „თანამედროვე საქართველოში, ბეჭდურ და ტექსტურ მედიაში პირდაპირი ცენზურა თითქმის აღარ არსებობს. დღესდღეობით ბეჭდურ მედიაში ჭარბობს მძლავრი, კოორდინირებული სადეზინფორმაციო კამპანიებისა და სიძულვილის ენის არსებობა. არსებობს უამრავი ქართული ბეჭდური თუ ინტერნეტ გამოცემა, რომლებიც მიზანმიმართულად იყენებენ ზემოთქმულს. ყალბი ამბების მასობრივი გავრცელებითა და  სიძულვილის ენის გამოყენებით აღნიშნული მედიასაშუალებები საზოგადოების პოლარიზებას უწყობენ ხელს. ასევე, არანაკლებ პრობლემას წარმოადგენს ამა თუ იმ მედიასაშუალებაზე ზეწოლა, მათი მოსყიდვა ინფორმაციის დამახინჯების მიზნით, პოლიტიკური მიზნებისთვის გამოყენება და თავისუფლების ხარისხის დაქვეითება“. სრულად... წყარო: idfi.ge

თბილისი. ევროკავშირის ელჩმა საქართველოში, კარლ ჰარცელმა ექვს საპრიზო კატეგორიაში 2021 წლის გამარჯვებული ჟურნალისტები დააჯილდოვა. „ევროკავშირის პრიზი ჟურნალისტიკაში“ 2021 წლის კონკურსის გამარჯვებულები არიან: თამარ ბაბუაძე, ანასტასია სლოვინსკაია, ზურაბ მოდებაძე, ხატია ღოღობერიძე, თინათინ ნაჭყებია, გიორგი შენგელია, ზვიად მჭედლიშვილი. პირველ ექვს კატეგორიაში თითოეული გამარჯვებული ფულადი ჯილდოს სახით დაახლოებით 6 000 ლარს მიიღებს, ხოლო ევროკავშირის სადამკვირვებლო მისიის პრიზის მფლობელი გაივლის ერთთვიან სტაჟირებას „ომისა და მშვიდობის გაშუქების ინსტიტუტში“ ლონდონში. სრულად... წყარო: eu4georgia.eu

შიდა ქართლი. ევროკავშირის მხარდაჭერით ორგანიზებული მედია ტურის „აღმოაჩინე სოციალური და მწვანე მეწარმეები გორში“ ფარგლებში, გორის მუნიციპალიტეტის ქალ ახალგაზრდა მეწარმეებს 10-მდე ჟურნალისტი ეწვია. მედია ტურის მიზანი იყო ადგილობრივი მწვანე და სოციალური ბიზნესინიციატივების ფართო საზოგადოებისათვის გაცნობა და მუნიციპალიტეტში ევროკავშირისა და CENN-ის საქმიანობის შედეგების წარმოჩენა. სრულად... წყარო: environment.cenn.org

თბილისი. საერთაშორისო გამჭვირვალობა - საქართველოს კვლევის თანახმად, სახელმწიფო რწმუნებულების ადმინისტრაციებმა 2021 წელს ჯამში 5,5 მილიონ ლარზე მეტი დახარჯეს. „აღსანიშნავია, რომ სახელმწიფო რწმუნებულის ინსტიტუტი სახელმწიფოს ფუნქციონირებისათვის აუცილებელ არც ერთ კრიტიკულ ფუნქციას არ ასრულებს, არსებული პრაქტიკა კი გვიჩვენებს, რომ „სახელმწიფო რწმუნებულების“ გავლენა მუნიციპალიტეტებზე მაღალია, ისინი ხშირად ერევიან პირდაპირი წესით არჩეული მერების და საკრებულოების საქმიანობაში და მნიშვნელოვნად ზღუდავენ მათ დამოუკიდებლობას. დეცენტრალიზაციის დაბალი დონის პირობებში, „სახელმწიფო რწმუნებულის“ ინსტიტუტი ცენტრალური ხელისუფლებისთვის მნიშვნელოვანი ბერკეტია მუნიციპალიტეტებზე ფორმალური თუ არაფორმალური კონტროლის განსახორციელებლად“, ნათქვამია ორგანიზაციის ვებგვერდზე. სრულად... წყარო: transparency.ge

სამცხე-ჯავახეთი. გრძელდება ღია კარის დღეები, რომლის ფარგლებში ახალციხეში მცხოვრები ახალგაზრდები ამჯერად ახალციხის ახალგაზრდული ცენტრის, მეცხრე არხის და დემოკრატ მესხთა კავშირის (UDM) წარმომადგენლებს შეხვდნენ. პროექტი ხორციელდება, პროექტ Civil Society STAR Initiativeს ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. Საქართველოს სახალხო დამცველი აქვეყნებს სპეციალურ ანგარიშს თანასწორობის შესახებ, რომელიც 2021 წლის ტენდენციებს აჯამებს. სრულად... წყარო: ombudsman.ge

გურია. 2 მაისს, „ქალთა ეკონომიკური გაძლიერების პროექტის“ ფარგლებში, ჩოხატაურის რაიონის სოფელ ჩხაკაურას თემში ჩამოყალიბებულ ქალთა თვითდახმარების ჯგუფს გაეროს ქალთა ორგანიზაციის წარმომადგენლები და ნორვეგიის სამეფოს საგანგებო და სრულუფლებიანი ელჩი საქართველოში ჰელენ სანდ ანდრესენი ეწვივნენ. „სტუმრებმა სოფლად მცხოვრები ქალებისგან მოისმინეს აღნიშნულ პროექტში ჩართულობის უპირატესობებისა და ადგილობრივ დონეზე არსებული საჭიროებების შესახებ, რომელთა გადაჭრას ისინი საერთო ძალებით ცდილობენ“. პროექტს „ფონდი ტასო“ გაეროს ქალთა ორგანიზაციის (UN Women) და ნორვეგიის მთავრობის მხარდაჭერით, შიდა ქართლის, სამეგრელოს, გურიის, იმერეთისა და რაჭა-ლეჩხუმის რეგიონებში ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. 3 მაისი პრესის თავისუფლების საერთაშორისო დღეა. „გვსურს მადლობა ვუთხრათ ჟურნალისტებს და მედიის სხვა წარმომადგენლებს ამ რთული პროფესიის ერთგულებისთვის. საზოგადოება ხედავს მხოლოდ ნაწილს იმ მძიმე შრომისა, რომელშიც ყოველდღიურად ჩართულია მედია. განსაკუთრებულ მხარდაჭერას იმსახურებენ უკრაინელი ჟურნალისტები, რომლებიც უწყვეტად აშუქებენ რუსეთის ომს მათი ქვეყნის წინააღმდეგ. კოალიცია უერთდება უკრაინული მედიის მხარდამჭერ კამპანიას, რომელიც 20 ივნისამდე გაგრძელდება და რომლის მიზანიც საქართველოდან 100 000 ამერიკული დოლარის შეგროვებაა. კამპანიაში უკვე მონაწილეობენ საერთაშორისო მედიასაშუალებები და ფონდები“. ვრცლად... წყარო: კოალიციის გვერდი სოციალურ ქსელში

კახეთი. საქართველოს ახალგაზრდა იურისტთა ასოციაციის ინფორმაციით, რეორგანიზაციის გამო შტატების შემცირების მოტივით სამსახურიდან გათავისუფლებულმა პირმა თელავის მუნიციპალიტეტის მერიას დავა მოუგო. მის ინტერესებს საია იცავდა.  „სამივე ინსტანციის სასამართლომ მიიჩნია, რომ სამსახურიდან გათავისუფლება არ შეესაბამებოდა კანონის მოთხოვნებს, შესაბამისად, თელავის მუნიციპალიტეტის მერიას დაევალა გათავისუფლებული თანამშრომლის ტოლფას თანამდებობაზე აღდგენა და 2018 წლის 30 იანვრიდან სამსახურში აღდგენის დღემდე იძულებითი განაცდური ხელფასის ანაზღაურება“. სრულად... წყარო: gyla.ge

თბილისი. EU NEIGHBOURS east პროექტმა EU4Energy პროგრამასთან ერთად დაიწყო საინფორმაციო კამპანია ბავშვებისათვის ენერგოეფექტურობის შესახებ ცნობიერების ასამაღლებლად. კამპანიის ფარგლებში შეიქმნა ახალი კომიქსი „ნათურა“, რომლის მთავარი პერსონაჟია „ზაზუნა ოზი“ და ბავშვებს თავისი რჩევებით ენერგიის დაზოგვაში დაეხმარება. კომიქსის მიზანია, ახალგაზრდა თაობამ უკეთ გაიაზროს ენერგიის ეფექტიანობის მნიშვნელობა და ენერგიის გაფლანგვის უარყოფითი გავლენა ბუნებასა და გარემოზე. წიგნი ბავშვებს ენერგიის დაზოგვის ისეთ მარტივ გზებს ასწავლის, როგორიცაა, მაგალითად, გათბობის დაბალ ტემპერატურაზე დაყენება ან იმ მოწყობილობების გამორთვა, რომლებსაც არ ვიყენებთ. კამპანიის ფარგლებში, კომიქსთან ერთად შეიქმნა სპეციალური გვერდი, სადაც ბავშვებს და მასწავლებლებს აქვთ შესაძლებლობა გაეცნონ რჩევებს, ჩამოტვირთონ კომიქსი ქართულად და უყურონ მოკლე ანიმაციურ ვიდეოს ოზის მონაწილეობით...  სრულად... დაეხმარე ოზის ენერგიის დაზოგვაში... წყარო: euneighbourseast.eu

3 მაისს, 18:30 საათზე, რონდელის ფონდი და თბილისის ფოტოგრაფიისა და მულტიმედიის მუზეუმი წარმოგიდგენთ ფოტო-ჩვენებას „დესტრუქციის გზა“, სადაც წარმოდგენილი იქნება გამოჩენილი ფოტოგრაფების ნამუშევრები ომით დაზარალებული ადგილებიდან. სრულად...

3 მაისს, 16:00 საათზე, CENN-ისა და სოციალურ საწარმოთა ალიანსის ორგანიზებით გაიმართება ვებინარი თემაზე: სოციალური მეწარმეობა ომისშემდგომი კრიზისის დასაძლევად. სრულად...

3 მაისს, 14:00 საათზე, დემოკრატიული ჩართულობის ცენტრში ახალგაზრდა ელჩების პროგრამასთან დაკავშირებით საინფორმაციო შეხვედრა გაიმართება. თუ ხარ 18-29 წლის ცხოვრობ საქართველოში ხედავ შენს რეგიონში საზოგადოებრივ და გარემოსდაცვით გამოწვევებს და გსურს მნიშვნელოვანი როლი ითამაშო მათ მოგვარებაში მაშინ ჩაერთე ახალგაზრდა ელჩების პროგრამაში. შეხვედრაზე რეგისტრაცია... სრულად...

3 მაისს, 12:00 საათზე, პრესის თავისუფლების მსოფლიო დღის, 3 მაისის აღსანიშნავად, ISFED-ი, ევროკავშირის ფინანსური მხარდაჭერით, კონფერენციას გამართავს. კონფერენციას ნინო დოლიძე და ევროკავშირის ელჩი საქართველოში კარლ ჰარცელი გახსნიან. თემა: „ქართული მედიაგარემო: არსებული გამოწვევები და ახალი გზების ძიება“. მისამართი: თბილისი, ი. ჭავჭავაძის გამზ. 64ბ, სასტუმრო „ჰილტონ გარდენ ინნ თბილისი“.

თბილისი. საქართველოს ახალგაზრდა იურისტთა ასოციაციის ინფორმაციით, ევროპულმა სასამართლომ დაადგინა, რომ მომჩივნის მიმართ პოლიციელთა მხრიდან განხორციელდა არასათანადო მოპყრობა და ამ ფაქტზე მიმდინარე გამოძიება არ იყო სრულყოფილი. „გამოძიების ინტერესების მიღმა დარჩა მომჩივნისთვის მიყენებული ისეთი მძიმე დაზიანება, როგორიცაა ნეკნების მოტეხილობა, რაც საქმის მასალებში წარმოდგენილი ექსპერტიზის დასკვნით დასტურდებოდა. მიუხედავად აღნიშნულისა, არცერთ პოლიციელს არ წაეყენა ბრალი აღნიშნულ ფაქტზე. დამატებით, სასამართლომ არასათანადო მოპყრობის საქმეებზე საგამოძიებო პროცესის ფარგლებში დროული სამედიცინო გამოკვლევის/ექსპერტიზის საჭიროებაზე კიდევ ერთხელ გაამახვილა ყურადღება“, ნათქვამია ორგანიზაციის ვებგვერდზე. სრულად... წყარო: gyla.ge