სამეგრელო. ზუგდიდში, დემოკრატიული ჩართულობის ცენტრების ქსელმა ცხოველების დამცველ და მოყვარულებთან, სამოქალაქო სექტორის, მედიის, თვითმმართველობის, სურსათის ეროვნული სააგენტოს წარმომადგენლებთან ერთად „შინაურ ბინადარ ცხოველთა კეთილდღეობის შესახებ“კანონპროექტის საჯარო დისკუსია გამართა.  დისკუსია შეეხო იმ ძირითად შენიშვნებს, რომლებიც კანონპროექტის მიმართ ცხოველთა დამცველებსა და მოყვარულებს აქვთ.  ყურადღება გამახვილდა შინაური ცხოველის ჩიპირების,იდენტიფიცირების, რეგისტრაციის სახელმწიფო პროგრამის შექმნის აუცილებლობაზე.  ცხოველთა დამცველები მიიჩნევენ, რომ რაოდენობრივ შეზღუდვაზე მეტად კანონმა მოვლა-პატრონობის წესი უფრო მკაცრი სანქციებით უნდა განსაზღვროს.  ცხოველთა მოყვარულებმა შენიშვნა გამოთქვეს საშენების მოწყობის ლიცენზიების საკითხთან დაკავშირებით.  სრულად...   წყარო: დემოკრატიული ჩართულობის ცენტრების ქსელი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

შიდა ქართლი.მცხეთა–მთიანეთის რეგიონული ჰაბი ავრცელებს ანიმაციას, რომელიც გვიამბობს მოქალაქეთა ჩართულობის ფორმებისა და ადგილობრივი თვითმმართველობის განხორციელებაში იძულებით გადაადგილებული პირების მონაწილეობის შესახებ. ანიმაცია წყარო: მცხეთა–მთიანეთის რეგიონული ჰაბი

თბილისი. საქართველოს სტრატეგიული კვლევებისა და განვითარების ცენტრი აქვეყნებს ვიდეოს წყლის რესურსების მართვის შესახებ.  „საქართველო, წყლის რესურსებით საკმაოდ მდიდარი ქვეყანაა, თუმცა თუ წყალი სუფთა არ არის, ის ყველაფრისთვის უვარგისი ხდება.  თუ როგორ უნდა მოვიხმაროთ ეს მნიშვნელოვანი რესურსი ისე, რომ რაც შეიძლება ნაკლებად დავაზიანოთ და მისგან მაქსიმალური სარგებელი მივიღოთ“, ნათქვამია ორგანიზაციის გვერდზე სოციალურ ქსელში, ვიდეო რგოლი შეიქმნა #CSRDG-ის მიერ, პროექტის "სამოქალაქო საზოგადოების ინიციატივა" ფარგლებში, ევროკავშირისა და კონრად ადენაუერის ფონდის (KAS) მხარდაჭერით.  ვიდეო წყარო: საქართველოს სტრატეგიული კვლევებისა და განვითარების ცენტრი

იმერეთი. ადგილობრივი დემოკრატიის სააგენტო საქართველომ ჩაატარა საინფორმაციო შეხვედრები ქუთაისის უნივერსიტეტსა და აკაკი წერეთლის სახელმწიფო უნივერსიტეტში.  შეხვედრაზე დეტალურად იქნა განხილული პროექტის „ახალგაზრდების ხმა ადგილობრივ თვითმმართველობაში“ მიზნები, აქტივობები და მათში ჩართვის შესაძლებლობები.  განსაკუთრებული ყურადღება დაეთმო პროექტის ფარგლებში დაგეგმილი ახალგაზრდული საინიციატივო ჯგუფების შექმნის მიზანსა და ფუნქციას. პროექტი „ ახალგაზრდების ხმა ადგილობრივ თვითმმართველობაში ხორციელდება ამერიკის შეერთებული შტატების საერთაშორისო განვითარების სააგენტოს(USAID) ფინანსური მხარდაჭერით და მიზნად ისახავს ახალგაზრდების ჩართულობის გაზრდას ადგილობრივ დონეზე გადაწყვეტილებების მიღების პროცესში. სრულად... წყარო: ადგილობრივი დემოკრატიის სააგენტო საქართველო

თბილისი. საქართველოს ახალგაზრდა იურისტთა ასოციაცია ნინო ნოზაძის ბლოგს „ანგარიშვალდებულების ნაკლებობა იუსტიციის უმაღლეს საბჭოში“ აქვეყნებს.  ბლოგი მომზადდა ნინო ნოზაძის მიერ, USAID Rule of Law Program I USAID სამართლის უზენაესობის პროგრამა მხარდაჭერით მიმდინარე, საიას პროექტის ფარგლებში.  USAID სამართლის უზენაესობის პროგრამას ახორციელებს აღმოსავლეთ - დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) დაფინანსებით.  იხილეთ ბლოგი ვრცლად...   წყარო: საქართველოს ახალგაზრდა იურისტთა ასოციაცია

თბილისი. საქართველოს ახალგაზრდა იურისტთა ასოციაცია ინფორმაციას აქვეყნებს. ადამიანის უფლებათა ევროპულმა სასამართლომ საიას მიერ წარდგენილი საჩივრის არსებითი განხილვა დაიწყო.  კარვის გაშლის გამო პირის ადმინისტრაციულ სამართალდამრღვევად ცნობის საქმე ევროპულ სასამართლოში არსებითი განხილვის ეტაპზე გადავიდა.  „საჩივარი, რომელიც 2023 წლის 14 სექტემბერს გაიგზავნა, ეხება პოლიციელთა მხრიდან სამოქალაქო აქტივისტ, ზურაბ ქარჩავას უკანონოდ დაკავებასა და კარვის მეშვეობით მშვიდობიანი პროტესტის გამოხატვის უფლების შეზღუდვას.“ - ნათქვამია ორგანიზაციის ვებ გვერდზე  სრულად... წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი ახალ ანალიტიკურ დოკუმენტს აქვეყნებს.  „მნიშვნელოვანია, რომ საქართველოს ხელისუფლებამ განსაკუთრებული ყურადღება მიაქციოს გალის რაიონში ქალთა მიმართ ძალადობის შემთხვევებზე და ამ რეგიონში მცხოვრები ადამიანების მობილობის გათვალისწინებით, ადგილობრივ საჭიროებებზე დაფუძნებული და ადვილად ხელმისაწვდომი მოქნილი პროგრამები დანერგოს.“ - აღნიშნულია დოკუმენტში  სრულად...  წყარო: სოციალური სამართლიანობის ცენტრი

სამეგრელო-ზემო სვანეთი. საქართველოს ადგილობრივ თვითმმართველობათა ეროვნული ასოციაციის (ათეა) ორგანიზებითა და გაეროს ბავშვთა ფონდის (UNICEF) მხარდაჭერით, პროექტის: „ადგილობრივი და ცენტრალური ხელისუფლების მხარდაჭერა ბავშვზე მორგებული სოციალური პროგრამირების განვითარებაში“ ფარგლებში, ქალაქ ფოთში, სამეგრელო-ზემო სვანეთის ინტერმუნიციპალური პლატფორმის IV სამუშაო შეხვედრა გაიმართა.  შეხვედრაში, რომელიც მუნიციპალური სოციალური სერვისების დაგეგმვის მექანიზმებზე მსჯელობასა და საუკეთესო პრაქტიკების გაზიარებას დაეთმო, სამეგრელო-ზემო სვანეთის მუნიციპალიტეტების ხელმძღვანელი პირები, ასევე სოციალური სამსახურებისა და ბავშვის განყოფილებების უფროსები/სპეციალისტები იყვნენ ჩართულნი.  სრულად... წყარო: საქართველოს ადგილობრივ თვითმმართველობათა ეროვნული ასოციაცია

თბილისი. სამართლიანი არჩევნები საქართველოში ფეისბუქისა და ინსტაგრამის პლატფორმებზე განთავსებული რეკლამების რაოდენობის, მათი განმთავსებელისა და დანახარჯების კვარტალურ მიმოხილვას აქვეყნებს. „„მეტას“ პოლიტიკური რეკლამების ბიბლიოთეკის (Ad Library) მონაცემების მიხედვით, 2023 წლის 1 ოქტომბრიდან 29 დეკემბრის ჩათვლით პერიოდში ფეისბუქისა და ინსტაგრამის პლატფორმებზე საქართველოში მყოფი მომხმარებლებისთვის სოციალური/პოლიტიკური რეკლამა 846-მა გვერდმა/ანგარიშმა განათავსა, 288-ით მეტმა, ვიდრე წინა კვარტალში.“ - ნათქვამია მიმოხილვაში სრულად... წყარო: სამართლიანი არჩევნები

თბილისი. 8 მარტი ქალთა უფლებებისთვის ბრძოლის საერთაშორისო დღეა. ქალები საერთაშორისო მომავლისთვის და გაეროს განვითარების პროგრამა 7 მარტს კვლევის „ქართველი შრომითი მიგრანტი ქალების სოციალურ-ეკონომიკური სტაბილურობა“ ონლაინ პრეზენტაციას გამართავს. კვლევა მოამზადა არასამთავრობო ორგანიზაციამ „ქალები საერთო მომავლისათვის (WECF) – საქართველო“ გაეროს განვითარების პროგრამის (UNDP), შვედეთისა და ევროკავშირის მხარდაჭერით.  სრულად... წყარო: ქალები საერთაშორისო მომავლისთვის

თბილისი. 27 თებერვალს, ინფორმაციის თავისუფლების განვითარების ინსტიტუტმა და USAID-ის ეკონომიკური მმართველობის პროგრამამ კერძო სექტორისთვის ღია სამთავრობო მონაცემების საჭიროების საკითხებზე კერძო-საჯარო დიალოგი გამართა.  კვლევის ფარგლებში ამავე საკითხზე მომზადებული კვლევის შედეგები იქნა წარდგენილი.  აღნიშნული კვლევა არის ერთ-ერთი პირველი ანალიტიკური ნაშრომი, რომელშიც ევროკავშირის ქვეყნებში გამოყენებული მეთოდოლოგიების ადაპტირებითა და საქართველოს ეკონომიკური მაჩვენებლების გათვალისწინებით, გამოთვლილია ღია მონაცემების ბაზრის, მათ შორის პირდაპირი და არაპირდაპირი ბაზრის ზომა საქართველოსთვის, ასევე, გამოვლენილია ღია მონაცემებზე მაღალი გავლენისა და პოტენციალის მქონე სექტორები  სრულად... წყარო: ინფორმაციის თავისუფლების განვითარების ინსტიტუტი

იმერეთი. იმერეთის რეგიონული ჰაბის - ადგილობრივი დემოკრატიის სააგენტო საქართველოს ორგანიზებით გაიმართა სამდღიანი სემინარი საქთარვის საჯარო სკოლის ახალგაზრდული კლუბის წევრებთან თერჯოლის მუნიციპალიტეტში. ემინარებზე ჰაბის წარმომადგენლებმა განიხილეს სამოქალაქო საზოგადოების დემოკრატიული ფუნქციები; სოციალური კაპიტალი; სამოქალაქო საზოგადოების მნიშვნელობა და როლი. შეხვედრები ჩატარდა ევროკავშირისა და კონრად ადენაუერის ფონდის მხარდაჭერით, პროექტის "სამოქალაქო საზოგადოების ინიციატივა" ფარგლებში. სრულად... წყარო: სამოქალაქო საზოგადოების ინიციატივა

თბილისი. 12 საზოგადოებრივი ორგანიზაციის კოალიციამ, სამოქალაქო საზოგადოების ფონდის ლიდერობით, შეიმუშავა დეტალური ხედვა, თუ როგორ უნდა შესრულდეს ეფექტურად ევროკომისიის მიერ განსაზღვრული 9 ნაბიჯი, რათა ქვეყანა გადავიდეს ევროინტეგრაციის შემდგომ ეტაპზე და ევროკავშირთან გაწევრიანების შესახებ მოლაპარაკებები გაიხსნას.  9 ნაბიჯის ეფექტურად შესრულების ხედვის შემუშავებაზე მუშაობენ ის ორგანიზაციები (CSF, GDI, DRI, Sapari, Court Watch, GMC, GRASS, GFSIS), რომლებიც საქართველოსთვის კანდიდატის სტატუსის მისაღებად ევროკომისიის მიერ განსაზღვრული 12 პრიორიტეტის შესრულებას აკვირდებოდნენ - მათი ჩართულობით, გასული წლის მანძილზე გამოიცა მონიტორინგის ექვსი ანგარიში - სტატუსმეტრი, რომელიც დიდწილად თანხვედრაში იყო ევროკომისიის შეფასებებთან. ამჟამად კოალიციას შემოუერთდა კიდევ ოთხი ორგანიზაცია (GYLA, ISFED, SJC, IDFI).  „ევროკომისიის მიერ განსაზღვრული 9 ნაბიჯი მრავალგანზომილებიანია და მათი შესრულება კომპლექსურ მიდგომებს მოითხოვს. წარმოდგენილი ხედვის საფუძველზე, არაფორმალური კოალიცია ამ პროცესის მონიტორინგს გააგრძელებს“.  9 ნაბიჯის შესრულების ხედვა წყარო: csf.ge

თბილისი. ევროკავშირის წარმომადგენლობა საქართველოში, ევროკავშირის ელჩის განცხადებას, არასამთავრობო ორგანიზაციების მსოფლიო დღესთან დაკავშირებით აქვეყნებს.  „არასამთავრობო ორგანიზაციების საერთაშორისო დღესთან დაკავშირებით, ნება მიბოძეთ კვლავ დავადასტურო ევროკავშირის ერთგულება, მხარი დაუჭიროს არასამთავრობო ორგანიზაციების მუშაობას საქართველოში და მის ფარგლებს გარეთ.  მათი არსებითი ჩართულობის უზრუნველყოფა გადამწყვეტია ყველასთვის უფრო სამართლიანი, თანასწორუფლებიანი და კეთილდღეობით აღსავსე მომავლის ასაშენებლად.“ - ნათქვამია განცხადებაში  იხილეთ ვრცლად...  წყარო: ევროკავშირის წარმომადგენლობა საქართველოში

გურია. ახალგაზრდა პედაგოგთა კავშირის ლიდერთა სკოლის თანატოლგანმანათლებლების ორგანიზებით ჩატარდა თემატური ტრენინგი ნარჩენების მართვის შესახებ.  შეხვედრები ჩატარდა ოზურგეთისა და ჩოხატაურის მუნიციპალიტეტის საჯარო სკოლებში ( სოფ. ასკანა, სოფ. ვაკიჯვარი, სოფ. გურიანთა, სოფ. გუთური, სოფ. შუა ამაღლება, დაბა ლაითური, N2, N4).  სესიები მოიცავდა ისეთ მნიშვნელოვან საკითხებს, როგორიცაა: ევროპული სტანდარტით ნარჩენების მართვის იერარქია, სპეციფიკური ნარჩენები, ელემენტების ხელახალი გამოყენება, 3R ინიციატივა, მწარმოებლის გაფართოებული პასუხისმგებლობა და სხვ. პროექტი „უკეთესი მომავლისთვის“ ხორციელდება „ახალგაზრდა პედაგოგთა კავშირის“ მიერ გერმანული ფონდის Brot für die Welt ფინანსური მხარდაჭერით  სრულად... წყარო: ახალგაზრდა პედაგოგთა კავშირი

თბილისი. საქართველოს ადვოკატთა ასოციაციის ორგანიზებითა და USAID–ის სამართლის უზენაესობის პროგრამის მხარდაჭერით, ეთიკის კომისიის წევრებისა და აპარატის იურისტებისთვის სამუშაო შეხვედრა ჩატარდა თემაზე: პროცესის მართვის ტექნიკა და გადაწყვეტილების დასაბუთება.  შეხვედრაზე ისეთი საკითხები განიხილეს, როგორებიცაა ნეიტრალური არბიტრის მნიშვნელობა, მხარეებთან კომუნიკაცია, საქმის გადაწყვეტის უფლებამოსილების მასშტაბი, პროცესის მართვის ტექნიკები და გადაწყვეტილების დასაბუთების სტანდარტები. ტრენინგს თბილისის სააპელაციო სასამართლოს მოსამართლე, ქეთევან მესხიშვილი უძღვებოდა.  სრულად...  წყარო: საქართველოს ადვოკატთა ასოციაცია

თბილისი. 26 თებერვალს, საქართველოს დემოკრატიულმა ინიციატივამ და მედიის ადვოკატირების კოალიციამ გამართეს სამუშაო შეხვედრა კომუნიკაციების ეროვნული კომისიის მიერ შემუშავებული გაიდლაინის შესახებ, რომელიც სიძულვილის ენას. ტერორიზმისკენ მოწოდებასა და უხამსობას ეხება.  შეხვედრაზე, კოალიციის “მედია ადვოკატირების“ წევრებმა, მედიის თავისუფლებაზე მომუშავე სხვა ორგანიზაციებმა და მაუწყებლების წარმომადგენლებმა განიხილეს საქართველოს კომუნიკაციების ეროვნული კომისიის მიერ „მაუწყებლობის შესახებ" საქართველოს კანონის 55 (2)მუხლისა (სიძულვილის ენა და ტერორიზმისკენ მოწოდება) და 56 (1)მუხლის მე-3 პუნქტის (უხამსობა) აღსრულების სახელმძღვანელო პრინციპები.  შეხვედრის მონაწილეები, დოკუმენტის შესწავლისა და პოტენციური რისკების იდენტიფირების შემდეგ, შეთანხმდნენ რეკომენდაციებზე, რომლებიც შემდგომში წერილობითი ფორმით გაეგზავნება კომუნიკაციების ეროვნულ კომისიას სამოქალაქო საზოგადოების ორგანიზაციებისა და მაუწყებლების სახელით. სრულად...  წყარო: საქართველოს დემოკრატიული ინიციატივა

ქვემო ქართლი.23 თებერვალს, დმანისის ახალგაზრდულ ცენტრში გაიმართა კიბერ უსაფრთხოების საკითხებზე შეხვედრა.  მისი მიზანი იყო, კიბერ უსაფრთხოების კუთხით ცნობიერების ამაღლების ხელშეწყობა. შეხვედრა გაიმართა პროგრამის „ერთიანობა მრავალფეროვნებაშია" – ფარგლებში, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს მხარდაჭერით.  სრულად... წყარო: დმანისის ახალგაზრდული ცენტრი

თბილისი. პლატფორმა „კომენტარი“ ახალ სტატიას „რატომ არის მნიშვნელოვანი ეთნიკური უმცირესობის მონაწილეობა ადგილობრივ დონეზე გადაწყვეტილების მიღების პროცესში?“ აქვეყნებს.  სტატიაში განხილულია ადგილობრივ დონეზე გადაწყვეტილების მიღების პროცესში ეთნიკური უმცირესობების ჩართულობა. სტატია მომზადებულია პროექტის ,,საზოგადოების მედეგობის გაზრდა ეთნიკური უმცირესობებით დასახლებულ რეგიონებში ინფორმაციისა და ანალიზის ხელმისაწვდომობის გზით“ ფარგლებში, ომისა და მშვიდობის გაშუქების ინსტიტუტის (IWPR) მიერ გაცემული ფონდებით, გაერთიანებული სამეფოს მთავრობის ფინანსური მხარდაჭერით.  იხილეთ სტატია ვრცლად...  წყარო: კომენტარი 

თბილისი.სოციალური სამართლიანობის ცენტრი დამოუკიდებელი კვლევითი ჯგუფის, Exodus-22-ის ერთ-ერთი წევრის სტატიას აქვეყნებს. “მიგრაციის მთავარი მიზეზებია: პოლიტიკური დევნის საფრთხე, ცენზურა, მძიმე ფსიქოლოგიური მდგომარეობა, მობილიზაციის საფრთხე და პერსპექტივის უქონლობა.  მიგრანტების პასუხებიდან გამომდინარე, ეს მიგრაცია შეიძლება შეფასდეს, როგორც ძირითადად პოლიტიკური, მაგრამ გასათვალისწინებელია ისიც, რომ დღევანდელ რუსეთში ეკონომიკური მიზეზების გამოყოფა პოლიტიკურისგან თითქმის შეუძლებელია”. სრულად... წყარო: სოციალური სამართლიანობის ცენტრი

თბილისი.საერთაშორისო გამჭვირვალობა საქართველო ახალ ბლოგს აქვეყნებს -"ხობის მერიის 10.8 მილიონიანი ტენდერი, სავარაუდოდ, სსო "არქეოპოლისზეა" მორგებული".  "მოვუწოდებთ ხობის მუნიციპალიტეტის მერიას, დაუყოვნებლივ შეწყივტვიტოს აღნიშნული ტენდერი, ექვსივე დასახლებაში გზის რეაბილიტაციაზე ტენდერი გამოაცხადოს ცალ-ცალკე, სატენდერო პირობები კი ჩამოაყალიბოს იმდაგვაად, რომ მომსახურების მიმწოდებელი კომანია კონკურენციის პირობებში შეირჩეს." - ნათქვამია ინფორმაციაში  სრულად... წყარო: საერთაშორისო გამჭვირვალობა-საქართველო