კახეთი. დემოკრატიული ჩართულობის ცენტრების ქსელმა გამართა დისკუსია შინაურ ბინადარ ცხოველთა კეთილდღეობის შესახებ“ კანონპროექტის შესახებ.  დისკუსიას „ცხოველთა უფლებების კომიტეტის თავმჯდომარე“ თინათინ ჭავჭანიძე უძღვებოდა, რომელმაც იმ პუნქტებზე გაამახვილა ყურადღება, რასაც კანონპროექტში ეწინააღმდეგება.  როგორც დისკუსიის მონაწილეებმა აღნიშნეს, საზოგადოებრივი ცნობიერების ამაღლება, სავალდებულო რეგისტრაცია, კასტრაცია და სტერილიზაცია მთავარი ფაქტორებია მიუსაფარი ცხოველების პრობლემის მოსაგვარებლად.  სრულად... წყარო: დემოკრატიული ჩართულობის ცენტრების ქსელი

სამეგრელო. ზუგდიდში, დემოკრატიული ჩართულობის ცენტრების ქსელმა ცხოველების დამცველ და მოყვარულებთან, სამოქალაქო სექტორის, მედიის, თვითმმართველობის, სურსათის ეროვნული სააგენტოს წარმომადგენლებთან ერთად „შინაურ ბინადარ ცხოველთა კეთილდღეობის შესახებ“კანონპროექტის საჯარო დისკუსია გამართა.  დისკუსია შეეხო იმ ძირითად შენიშვნებს, რომლებიც კანონპროექტის მიმართ ცხოველთა დამცველებსა და მოყვარულებს აქვთ.  ყურადღება გამახვილდა შინაური ცხოველის ჩიპირების,იდენტიფიცირების, რეგისტრაციის სახელმწიფო პროგრამის შექმნის აუცილებლობაზე.  ცხოველთა დამცველები მიიჩნევენ, რომ რაოდენობრივ შეზღუდვაზე მეტად კანონმა მოვლა-პატრონობის წესი უფრო მკაცრი სანქციებით უნდა განსაზღვროს.  ცხოველთა მოყვარულებმა შენიშვნა გამოთქვეს საშენების მოწყობის ლიცენზიების საკითხთან დაკავშირებით.  სრულად...   წყარო: დემოკრატიული ჩართულობის ცენტრების ქსელი

ქვემო ქართლი.დმანისის მუნიციპალიტეტმა, „ჩაერთე მართვის“ კლუბის ინიციატივით, დაიწყო მიუსაფარი ცხოველების მართვის პოლიტიკის შემუშავება. ამ მიზნით, 21 თებერვალს, გაიმართა საჯარო კონსულტაცია დაინტერესებულ მოქალაქეებთან და სამოქალაქო სექტორის წარმომადგენლებთან. შეხვედრა წარიმართა, მოქალაქეთა მონაწილეობის ინოვაციური ინსტრუმენტის გამოყენებით, რომელიც მოიცავდა მოქალაქეების სწავლების ფაზას, რეკომენდაციებზე მუშაობის და ხმის მიცემის ფაზას. შეხვედრა დმანისის მუნიციპალიტეტის საკრებულოს თავმჯდომარემ პაატა ყულიაშვილმა და USAID-ის ადგილობრივი თვითმმართველობის პროგრამის ხელმძღვანელმა კევინ მაკლოკლინმა გახსნეს. მათ ისაუბრეს რამდენად მნიშვნელოვანია აღნიშნული პრობლემის მოგვარებაში მოქალაქეთა მონაწილეობა და აქტიურობა. სფეროს ექსპერტებმა, კონსულტაციებში მონაწილეებს გააცნეს თუ რა გზებით არის შესაძლებელი მიუსაფარი ცხოველების პრობლემებზე მუშაობა. ზვიად ასანიშვილმა, ცხოველთა მონიტორინგის სააგენტოს დირექტორის მოადგილემ, მონაწილეებს გააცნო თბილისის გამოცდილება და ის პრაქტიკა, რასაც თბილისის მუნიციპალიტეტი ახორციელებს. ანა მეცხვარიშვილმა - ორგანიზაცია Mayhew Georgia-ს წარმომადგენელმა ისაუბრა ორგანიზაციის გამოცდილებაზე და იმ სტანდარტებზე, მიდგომებზე რაც მნიშვნელოვანია ცხოველთა პოპულაციის მართვის და კეთილდღეობისთვის. ხოლო ლუსინე დოსტიბეგიანმა, თეთრიწყაროს ახალგაზრდული ცენტრის ხელმძღვანელმა, მონაწილეებს გაუზიარა თეთრიწყაროს მუნიციპალიტეტის გამოცდილება. რეკომენდაციების შემუშავების ეტაპზე, მოქალაქეებმა მცირე ჯგუფებში იმუშავებს ექსპერტებთან ერთად და ჯამში 31 რეკომენდაცია შეიმუშავეს. შეხვედრის ბოლო ეტაპზე კენჭისყრის საშუალებით მოქალაქეებმა სამი პრიორიტეტული მიმართულება გამოკვეთეს: მიუსაფარი ცხოველების კასტრაცია და სტერილიზაცია;  საზოგადოების ცნობიერების ამაღლების კამპანია;  მუნიციპალიტეტის მიერ მიუსაფარი ცხოველების სტრატეგიის და საბიუჯეტო პროგრამის შემუშავება. აღნიშნულ რეკომენდაციებს დაეფუძნება დმანისის მუნიციპალიტეტის მიუსაფარი ცხოველების მართვის პოლიტიკა. როგორც უკვე აღვნიშნეთ, აქტიურად იყვნენ ჩართულნი საკონსულტაციო შეხვედრაში ადგილობრივი მაცხოვრებლები. მათი ინტერესი საკმაოდ მაღალი იყო, ამას მოწმობს კონსულტაციის უკუკავშირიც. მაგალითად, „შეხვედრა იყო სახალისო, ინფორმაციული და არაჩვეულებრივი“; „შეხვედრა იყო ძალიან გუნდური და მიზანმიმართული“; „შეხვედრა იყო მეგობრული და შედეგზე ორიენტირებული“; „დავინახე შედეგის მომტანი საქმიანობა“. ღონისძიება გაიმართა დმანისის მუნიციპალიტეტის,  სამოქალაქო საზოგადოების ინსტიტუტის (CSI), დმანისის „ჩაერთე მართვის“ კლუბის ინიციატივით, USAID–ის ადგილობრივი თვითმმართველობის პროგრამის მხარდაჭერით.

ქვემო ქართლი. მარნეულში დემოკრატიული ჩართულობის ცენტრების ქსელმა მიუსაფარი ცხოველების შესახებ დისკუსია გამართა. შეხვედრაზე განიხილეს მიუსაფარი ცხოველების კრიტიკულად მძიმე მდგომარეობა. როგორც შეხვედრის მონაწილეებმა აღნიშნეს, მარნეულის მუნიციპალიტეტის თვითმმართველობა ყოველწლიურად აცხადებს ტენდერს მიუსაფარი ცხოველების სტერილიზაცია/კასტრაციის, ვაქცინაციის ჩატარებისა და ბუნებრივ გარემოში დაბრუნების მიზნით. მათივე თქმით, „ტენდერში ერთიდაიგივე კომპანია იმარჯვებს, რომელსაც ცხოველები აღნიშნული პროცედურების ჩასატარებლად ოზურგეთში მიჰყავს.  სამედიცინო პუნქტის არარსებობის გამო მოსახლეობის უმრავლესობას აღნიშნული სერვისის მისაღებად თბილისში უწევს ცხოველების წაყვანა.“ - ნათქვამია დემოკრატიული ჩართულობის ცენტრების ქსელის ვებ გვერდზე  მარნეულის დემოკრატიული ჩართულობის ცენტრი ცხოველთა უფლებადამცველებთან, აქტივისტებთან და ადგილობრივ თვითმმართველობასთან ერთად გეგმავს მომავალშიც აქტიურად გააგრძელოს მუშაობა ცხოველებთან მოპყრობის წესების, პასუხისმგებლიანი პატრონობისა და ცხოველების მიტოვების საკითხებზე მოსახლეობის ცნობიერების ამაღლებისთვის.  ასევე, ადგილზე ცხოველებისათვის შესაბამისი სამედიცინო სერვისების შესაქმნელად.  სრულად... წყარო: დემოკრატიული ჩართულობის ცენტრების ქსელი

სამეგრელო. საერთაშორისო გამჭვირვალობა - საქართველოს ინფორმაციით, ზუგდიდის საკრებულოში „შინაური ცხოველების სტერილიზაცია-კასტრაციის მუნიციპალური პროგრამის“ დანერგვის მოთხოვნით პეტიცია დარეგისტრირდა. პეტიციას ხელს აწერს 710 მოქალაქე. „იდეა ზუგდიდელ ცხოველთა მოყვარულ სალომე ფარცვანიას ეკუთვნის, რომელსაც ჩვენი სამოქალაქო საბჭოების წევრები პეტიციის მომზადებასა და ხელმოწერების შეგროვებაში დაეხმარნენ. პეტიციის მიზანია ზუგდიდის მუნიციპალიტეტში 2024 საბიუჯეტო წლიდან შეიქმნას შინაური ცხოველების სტერილიზაცია-კასტრაციის პროგრამა, რომლითაც მოქალაქეები პირველი ორი წელი  უფასოდ ისარგებლებენ“. საერთაშორისო გამჭვირვალობა - საქართველო მოუწოდებს ზუგდიდის მუნიციპალიტეტის საკრებულოს კანონით დადგენილ ვადაში განიხილოს და მხარი დაუჭიროს წარდგენილ პეტიციას. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო გიზიარებთ ინფორმაციას თუ რა სიახლეები შევიდა კანონმდებლობაში ცხოველებთან დაკავშირებით. ძაღლის საბელის ან ალიკაპის გარეშე ღია სივრცეში გასეირნება 150 ლარით დაჯარიმდება (20 ლარის ნაცვლად), ხოლო 1 წლის განმავლობაში განმეორებით ჩადენა - 300 ლარით (50 ლარის ნაცვლად). ცხოველის დასახიჩრება დაისჯება ჯარიმით, საზოგადოებისათვის სასარგებლო შრომით, შინაპატიმრობით ან თავისუფლების აღკვეთით ვადით 2 წლამდე (ნაცვლად 1 წლისა). ცხოველზე ძალადობა და წამება, რომელმაც მისი დაღუპვა გამოიწვია დაისჯება ჯარიმით, შინაპატიმრობით ან თავისუფლების აღკვეთით ვადით 4 წლამდე (ნაცვლად 1 წლისა). სრულად... წყარო: ორგანიზაციის გვერდი სოციალურ ქსელში

იმერეთი. ორგანიზაცია „როდემდეს?!“ პროექტმა „მიუსაფარი ძაღლების მართვის სტრატეგია უსაფრთხო გარემოსათვის“ სათემო იდეების საგრანტო კონკურსში გაიმარჯვა. პროექტის ფარგლებში, „როდემდეს?!“ მიზანია შეიმუშაოს მიუსაფარი ცხოველების მართვის ჰუმანური პოლიტიკა და ამგვარად, უზრუნველყოს საცხოვრებელი გარემოს უსაფრთხოება ქუთაისის მუნიციპალიტეტის მოსახლეობისათვის.  რა იგეგმება? მოსახლეობისთვის ინფორმაციის მიწოდება ძაღლების მოვლა-პატრონობის რეგულაციებისა და სერვისების შესახებ; შემუშავდეს და ხელი შეეწყოს მიუსაფარი ძაღლების ჰუმანური მართვის სტრატეგიის დანერგვასა და განხორციელებას. პროექტის განხორციელების 10 თვის მანძილზე გექნებათ შესაძლებლობა მიიღოთ მონაწილეობა: საჯარო ღონისძიებებში; საზოგადოებრივ დისკუსიებში; მოქალაქეთა გამოკითხვაში; პეტიციის შემუშავებაში; და სხვა. პროექტი ხორციელდება საქართველოს სტრატეგიული კვლევებისა და განვითარების ცენტრის მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) ცხოველთა კეთილდღეობის უზრუნველყოფის საკანონმდებლო გარანტიებსა და მათ პრაქტიკაში აღსრულებას პერიოდულად მიმოიხილავს. ორგანიზაციამ ცხოველთა მონიტორინგის სააგენტოდან ცალკეული საჯარო ინფორმაცია გამოითხოვა. წინამდებარე ანალიზი საჯარო ინფორმაციის მოთხოვნის წერილების საფუძველზე მომზადდა. მიუხედავად რიგი საკანონმდებლო ცვლილებებისა, ცხოველთა არაკონტროლირებადი გამრავლება, ცხოველებისადმი სასტიკი მოპყრობა და მათი ორთაბრძოლები, ცოფისა და ცხოველთა სხვა დაავადებების გავრცელება,  ცხოველების მომშენებლებისა და სავაჭრო ობიექტების დაურეგულირებელი საქმიანობა - არსებულ პრობლემათა მხოლოდ მცირე ჩამონათვალს წარმოადგენს. სრულად... წყარო: idfi.ge

თბილისი. ინფორმაციის თავისუფლების განვითარების ისტიტუტი (IDFI) შინაური ბინადარი ცხოველების მოვლა-პატრონობასთან დაკავშირებით, განცხადებას ავრცელებს.  „ბოლო დროს განვითარებულმა მოვლენებმა კიდევ ერთხელ მიაქცია საზოგადოების ყურადღება საქართველოში შინაურ ბინადარ ცხოველთა მოვლა-პატრონობის საკითხისადმი. ცხადად წარმოჩინდა საზოგადოების ცნობიერებაში, კანონმდებლობასა და პრატიკაში არსებული კომპლექსური პრობლემები, რომლებიც საჭიროებენ დაუყოვნებლივ რეაგირებას სისტემურ დონეზე“, - ვკითხულობთ განცხადებაში, - „საჭიროა, შინაურ ბინადარ ცხოველთა კეთილდღეობისა და მოვლა-პატრონობის მიმართულებით არსებული პრობლემები სრულად იქნეს გააზრებული მაღალ პოლიტიკურ დონეზე. ამის შემდეგ კი უნდა გადაიდგეს ქმედითი ნაბიჯები საზოგადოებრივი ცნობიერების ამაღლებისა და სრულყოფილი საკანონმდებლო ბაზის შექმნის მიზნით“.  სრულად  წყარო: ორგანიზაციის ვებგვერდი

თბილისი. 24 აპრილს, ახალგაზრდა პედაგოგთა კავშირის ინიციატივით, ქუჩის ძაღლების პრობლემებთან დაკავშირებით დემოკრატიული ჩართულობის ცენტრში სამუშაო შეხვედრა გაიმართა. „დისკუსიაზე ყურადღება მოქალაქეთა უსაფრთხოების საკითხებზე გამახვილდა. ბოლო პერიოდში გაიზარდა მუნიციპალიტეტის ტერიტორიაზე აგრესიული ძაღლების რიცხვი, გადაუმოწმებელი მონაცემებით ბოლო 3 თვის განმავლობაში მუსაფარი ძაღლებისგან დაკბენილი ადამიანებს რაოდენობა 250 სცილდება. კამათი გამოიწვია პრობლემასთან ბრძოლის მეთოდებმა. როგორ უნდა მოხდეს მაწანწალა ძაღლების იზოლაცია ჰუმანური მეთოდების გამოყენებით განსაკუთრებული განხილვის საგანი გახდა. საუბარი შეეხო საკანონმდებლო რეგულაციებსაც. შეხვედრის დასასრულს მხარეები შეთანხმდნენ, რომ ოზურგეთის მუნიციპალიტეტის საკრებულო და მერია ერთობლივად, მოქმედი კანონის შესაბამისად შეიმუშავებს ქუჩის ძაღლებთან დაკავშირებულ რეგულაციებს", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

<div style="text-align: justify;"><span style="font-weight: bold;">თბილისი. </span>„ადამიანის უფლებების სწავლებისა და მონიტორინგის ცენტრი" (EMC) აქვეყნებს ინფოგრაფიკას, სხვადასხვა წელს, საწარმოო შემთხვევების შედეგად დაშავებულთა რაოდენობის შესახებ.</div> <div style="text-align: justify;">მონაცემების მიხედვით, რომელიც EMC-მ საქართველოს შინაგან საქმეთა სამინისტროსგან გამოითხოვა, 2012 წელს - საწარმოო შემთხვევების შედეგად, დაშავებულთა, 2018 წელს კი, ამ მიზეზით დაღუპულთა ყველაზე მაღალი რაოდენობა ფიქსირდება.</div> <div style="text-align: justify;"><a href="http://emc.org.ge/ka/products/2018-tsels-satsarmoo-shemtkhvevebis-shedegad-dashavebulta-raodenoba-gaizarda" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს თბილისის ქუჩის ცხოველების სტატისტიკურ ანალიზს.  მის მიხედვით, თავშესაფარში ყველაზე მეტი ცხოველი 2016 წელს გადაიყვანეს, ცხოველთა მონიტორინგის სააგენტოს ბიუჯეტი 3.2 მილიონიდან 3.7-მდე მერყეობს. სრულად... წყარო: www.datalab.ge

თბილისი. „საერთაშორისო გამჭვირვალობა - საქართველო" ადამიანის კომპანიონ ცხოველთა კეთილდღეობის შესახებ საქართველოს პარლამენტში დარეგისტრირებულ საკანონმდებლო წინადადებებს აფასებს. საკანონმდებლო წინადადებები ცხოველთა უფლებების დაცვაზე მომუშავე არასამთავრობო ორგანიზაციებმა საქართველოს პარლამენტში გასულ წელს წარადგინეს. ისინი ადამიანის კომპანიონ ცხოველთა კეთილდღეობის შესახებ ახალი კანონის პროექტისა და თანმდევ კანონებში ცვლილებების შეტანას გულისხმობს. "საერთაშორისო გამჭვირვალობა - საქართველოს” შეფასებით, აღნიშნული კანონპროექტის მიღება წინგადადგმული ნაბიჯი იქნება ცხოველთა დაცვის კუთხით. „მნიშვნელოვანია, ეფექტური იყოს რეაგირება არსებული კანონდებლობის დარღვევაზე, ასევე გამკაცრდეს საკანონმდებლო ნორმა ცხოველისადმი სასტიკ მოპყრობასთან დაკავშირებით და ზოგადად, შეიქმნას ერთიანი საკანონმდებლო ჩარჩო, რომელიც დაარეგულირებს ცხოველთა უფლებების დაცვასთან დაკავშირებულ საკითხებს", - მიიჩევენ ორგანიზაციაში. სრულად  წყარო: ორგანიზაციის ვებგვერდი

თბილისი. "მომავლის ფერმერმა" და "როქმა" სტიქიითა დაზარალებულ ძაღლებისთვის უფასო ქირურგიული და ამბულატორიული მომსახურება გაწია. ასევე, უფასოდ გადაეცა ძაღლების თავშესაფარს ცხოველებისთვის საჭირო ვეტპრეპარატები. სრულად... წყარო: ორგანიზაციის ვებ-გვერდი სოციალურ ქსელში

თბილისი. 4 აპრილს, „ცხოველთა გადარჩენის სახალხო ფრონტის" ინიციატივით, ცხოველთა დაცვის მოთხოვნით მსვლელობა გაიმართა. აქციის მონაწილეები ქალაქ თბილისის საკრებულოს მიერ იმ ახალი რეგულაციების მიღებას აპროტესტებდნენ, რომელიც მიხედვითაც, პატრონი ვალდებულია, დაარეგისტრიროს შინაური ცხოველი 6 თვის ვადაში და განმეორებითი რეგისტრაცია განახორციელოს ყოველ წელს. მსვლელობა რუსთაველის მეტროდან დაიწყო და საკრებულოს შენობის გავლით პრეზიდენტის რეზიდენციასთან დასრულდა სრულად წყარო: ორგანიზაციის გვერდი სოციალურ ქსელში

იმერეთი. „საერთაშორისო გამჭვირვალობა - საქართველოს" ქუთაისის წარმომადგენლობამ ქუთაისის მუნიციპალიტეტის მიუსაფარ ცხოველთა თავშესაფრის შესახებ კვლევა ჩაატარა. „კვლევამ აჩვენა, რომ ... თავშესაფარი არ არის სათანადოდ აღჭურვილი, რის გამოც დიდია დაავადებული ცხოველების უკონტროლობის და, ამის შედეგად, მათ მიერ ცოფის გავრცელების საფრთხე. ...ქუთაისის მუნიციპალიტეტის მერიას მოუწოდებს, მეტი ყურადღებით მოეკიდოს თანხების სწორად ხარჯვისა და მომსახურების შესყიდვის პროცესს... ასევე აუცილებელია, ქალაქ ქუთაისის მუნიციპალიტეტის მერიის მხრიდან რაიმე სახის დროებითი ღონისძიების განხორციელება, იმ საფრთხის თავიდან აცილების მიზნით, რომელსაც უპატრონოდ მოხეტიალე ცხოველები ქალაქის მოსახლეობას უქმნიან.", ნათქვამია განცხადებაში. სრულად... წყარო: transparency.ge

თბილისი. საერთაშორისო გამჭვირვალობა - საქართველო სოციალურ ქსელში განცხადებას ავრცელებს. „1 სექტემბერს ქალაქ ზუგდიდის მერიამ ფეისბუქის გვერდზე გაავრცელა ინფორმაცია მაწანწალა ძაღლების დაჭერისა და მათი სამტრედიის უპატრონო ძაღლთა თავშესაფარში გადაყვანის შესახებ. ძაღლების იზოლირებას ინდმეწარმე გიორგი მაღლაფერიძე უზრუნველყოფს, რომლის საქმიანობის შესახებ „საერთაშორისო გამჭვირვალობა – საქართველომ" ივნისში ვრცელი კვლევა გამოაქვეყნა. ჩვენ დავადგინეთ, რომ გიორგი მაღლაფერიძის მიერ ოზურგეთის სოფელ ბაილეთში მოწყობილი თავშესაფარი უმძიმეს მდგომარეობაშია, დაჭერილ ძაღლებს კი სასტიკი მეთოდებით ხოცავენ”. ორგანიზაცია მიმართავს მუნიციპალიტეტებს მოიძიონ შესაბამისი თანხები და დაიწყონ მუშაობა მიუსაფარი ცხოველებისთვის თავშესაფრის მოსაწყობად.  სრულად... წყარო: ორგანიზაციის გვერდი სოციალურ ქსელში

სამეგრელო. საერთაშორისო გამჭვირვალობა – საქართველო აქვეყნებს მალხაზ ჭკადუას და არჩილ თოდუას ბლოგპოსტს – "მიუსაფარ ცხოველთა მიმართ სასტიკი მოყრობის ფაქტები სამეგრელოში”. ორგანიზაციის ზუგდიდის წარმომადგენლობამ რეგიონში ამ საკითხზე კვლევა ჩაატარა, რომელმაც აჩვენა, რომ სამეგრელო–ზემო სვანეთის არცერთ მუნიციპალიტეტს არ აქვს მიუსაფარ ცხოველთა იზოლირებისა და მოვლა–პატრონობისათვის აუცილებელი თავშესაფარი. „მეტიც, რეგიონში მასობრივად ირღვევა ცხოველთა უფლებები და შესააბმისად, ქვეყნის კანონმდებლობით გათვალისწინებული მოთხოვნები, თუმცა ამის გამო კონკრეტული პირების პასუხისმგებლობის საკითხი დღემდე არ დამდგარა...", ნათქვამია ორგანიზაციის ვებგვერდზე. სრულად... წყარო: transparency.ge

თბილისი. 5 აპრილს, ვაკის პარკში, პარტიზანი მებაღეებისა და ცხოველთა უფლებების კომიტეტის ორგანიზებით, უსახლკარო ცხოველთა საერთაშორისო დღე აღინიშნა. მოეწყო შეფარებულ ცხოველთა შოუ, სადაც გამარჯვებულებს პრიზები გადაეცათ. გასაჩუქებლად მოიყვანეს უსახლკარო ძაღლებიც. ვაკის პარკში შეკრებილი მხარდამჭერები ხელს აწერდნენ პეტიციას, რომლითაც ცხოველთა დამცველი არასამთავრობო ორგანიზაციები და მოქალაქეები საქართველოს ხელისუფლებას პრევენციული ზომების გატარებისკენ მოუწოდებენ. პარტიზან მებაღეებს ერევნიდანაც შეუერთდნენ უფლებადამცველები. წყარო:liberali.ge

აჭარა. 4 აპრილს, ბათუმში, ვარდების ბაღის მიმდებარე ტერიტორიაზე საქართველოს ცხოველთა დაცვისა და გადარჩენის საზოგადოებამ აქცია გამართა - „ნუ გასწირავ, დაეხმარე!". 4 აპრილი უსახლკარო ცხოველთა საერთაშორისო დღეა, რომელიც საქართველოში შარშან პირველად აღინიშნა. აქციის მონაწილეები აცხადებენ, რომ მათ წერილობითი მიმართვა საქართველოს პრეზიდენტის, პრემიერ-მინისტრისა და პარლამენტის თავმჯდომარის სახელზე უკვე მოამზადეს, რომლითაც ცხოველთა დაცვის სფეროში რეგულაციების გამკაცრებას მოითხოვენ.

თბილისი. „საქართველოს ახალგაზრდა მწვანეებმა" სოციალურ ქსელში განცხადება გაავრცელა. „4 აპრილს უსახლკარო ცხოველთა საერთაშორისო დღეა. ეს პრობლემა საქართველოში რატომღაც ნაკლებად პრიორიტეტულად ითვლება და მისი არც სათანადოდ აქცენტირება ხდება და არც სახელმწიფოს მიერ ადეკვატური რეაგირება. ახალგაზრდა მწვანეები ვთვლით, რომ საჭიროა სახელწიფოს მიერ ამ პრობლემის საკანონმდებლო და ინსტიტუციანონალურ დონეზე დარეგულირება, რადგანაც უსახლკარო ცხოველთა პოპულაციის მართვა არ მოხერხდება, სანამ შესაბამისი კანონი არ იქნება საქართველოში. აგრეთვე, საჭიროა საზოგადოების ცნობიერებისა და სენსიტიურობის გაზრდა ამ საკითხებისადმი. მოქალაქეები უნდა აცნობიერებდნენ იმ პასუხისმგებლობას, რაც დგას ცხოველებზე მზრუნველობის უკან", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

თბილისი. „საქართველოს ახალგაზრდა მწვანეებმა" სოციალურ ქსელში განცხადება გაავრცელეს. „კრწანისის რაიონში გაიმართა ე.წ. ძაღლების ჩხუბი, შემგომი იგეგმება 25 იანვარს. ახალგაზრდა მწვანეები ვეწინააღდმეგებით ცხოველების გართობის მიზნით გამოყენებას და ვთხოვთ ამ თამაშების ორგანიზატორებს პატივი სცენ ცხოველის სიცოცხლეს. აგრეთვე დახმარებას ვთხოვთ სამართალ დამცავებს, რათა მოახდინონ მოცემული ვანდალური აქტების პრევენცია", ნათქვამია განცხადებაში. წყარო:ორგანიზაციის გვერდი სოციალურ ქსელში