4 ნოემბერს, 11:00 საათზე, განათლების განვითარების და დასაქმების ცენტრი მართავს დასაქმების ფორუმს. სრულად... მისამართი: ბათუმი, ნინოშვილის #1

4 ნოემბერს, 11:00 საათზე, საქართველო-კავკასიის სტრატეგიული კვლევითი ინსტიტუტის წარმომადგენლები თემურ თუმანიშვილი და ირაკლი ტორონჯაძე პორტალ „კვირას" პრესკლუბში პრესკონფერენციას გამართავენ. თემა: კლინტონი-ტრამპი - საქართველო-კავკასია. მისამართი: თბილისი, ნუცუბიძის ქუჩა #14ბ, სადარბაზო 1, სართული 2.

4 ნოემბერს, 11:00 საათზე, სასტუმრო „ამბასადორში” სახალხო დამცველი საქართველოს გაერთიანებულ პროფკავშირებთან ერთად მინიმალური ხელფასის პოლიტიკის შესაბამისობის შემოწმების შესახებ ჩატარებული კვლევის პრეზენტაციას გამართავს. მისამართი: თბილისი, იოანე შავთელის #17

3ნოემბერს, 19:00 საათზე ჰაინრიჰ ბიოლის ფონდში გაიმართება საჯარო დისკუსია: „ქართული პოლიტიკის ლანდშაფტი არჩევნების შემდეგ". მისამართი: თბილისი, ზოვრეთის 38, ჰაინრიჰ ბიოლის ფონდი სრულად...

3 ნოემბერს, 19:00 საათზე განათლების ლაბორატორია უმასპინძლებს საქართველოს ახალგაზრდობის წარმომადგენელს გაეროში. იგი ისაუბრებს განათლების მნიშვნელობაზე, განსხვავებებსა და გამოწვევებზე. მისამართი: თბილისი, ვაჟა–ფშაველას 3

თბილისი. ფონდი „ღია საზოგადოება – საქართველო" და ელექტრონული წიგნების სახლი "საბა" 4 ნოემბერს გამართავენ  ხმოვანი წიგნების პრეზენტაციას. აპლიკაციის SABA Reader საშუალებით უკვე ხელმისაწვდომია 300-მდე ხმოვანი წიგნი, რომელიც უსინათლო ადამიანებს საჩუქრად გადაეცემა. „საბას" აპლიკაცია სრულადაა ადაპტირებული უსინათლოებზე, რაც ნიშნავს რომ ისინი ხმოვანი წიგნების მოსმენას დამოუკიდებლად, სხვისი დახმარების გარეშე შეძლებენ. ეს არის ტექნოლოგიურად დახვეწილი, თანამედროვე სტანდარტების შესაბამისი ხმოვანი წიგნები. მათი მოსმენა შესაძლებელი იქნება ნებისმიერ სმარტფონსა და პლანშეტში, ინტერნეტის გარეშე. კატალოგი მოიცავს როგორც ქართულ კლასიკურ თუ თანამედროვე ლიტერატურას, ისე უცხოური ლიტერატურის ქართულ თარგმანებს. წიგნები გახმოვანებულია მსახიობების და თავად ავტორების მიერ. პრეზენტაცია გაიმართება 4 ნოემბერს, 18:00 საათზე, „მზიურის" კაფეში. სრულად... წყარო: ფონდის ვებგვერდი სოციალურ ქსელში

თბილისი. ნატოსა და ევროკავშირის შესახებ საინფორმაციო ცენტრსა და განვითარებისა და დემოკრატიის ცენტრს (CDD) შორის თანამშრომლობის მემორანდუმი გაფორმდა. მემორანდუმი თანამშრომლობის გაღრმავებასა და ერთობლივი პროექტების განხორციელებას ითვალისწინებს. სრულად... წყარო: infocenter.gov.ge

თბილისი. ლიბცენტრის ინიციატივით ჟურნალისტმა ნიკო ნერგაძემ წაიკითხა ლექცია: პოლიტიკური იუმორის გავლენა არჩევნებზე. მათ ვინც ვერ შეძლო ლექციაზე დასწრება, ცენტრი საშუალებას აძლევს იხილოს მისი ვიდეოჩანაწერი. წყარო: ლიბცენტრის ვებგვერდი სოციალურ ქსელში

თბილისი. საიას ოფისის თბილისის ოფისის დახმარებით 2015 წლის 13–14 ივნისის სტიქიით დაზარალებული პირები კომპენსაციას მიიღებენ, – ნათქვამია ორგანიზაციის ვებგვერდზე. „საია თბილისის საქალაქო სასამართლოში წარმოადგენდა ხუთი ოჯახის ინტერესებს ქალაქ თბილისის მერიის, ქალაქ თბილისის მთავრობისა და ქალაქ თბილისის მუნიციპალიტეტის ქონების მართვის სააგენტოს წინააღმდეგ. მოსარჩელეები ითხოვდნენ 2015 წლის 13-14 ივნისის სტიქიით მიყენებული ზიანის ანაზღაურებას ქალაქ თბილისის საკრებულოს დადგენილების საფუძველზე, რადგან მათ სტიქიის ზონაში ათეულობით წლის წინ დაკავებული ჰქონდათ მიწის ნაკვეთები და მათზე აღმართული ჰქონდათ საცხოვრებელი სახლები და შესაბამისად, წარმოადგენდნენ დაკავებული მიწის ნაკვეთების მოსარგებლეებს. ... თბილისის საქალაქო სასამართლოს ადმინისტრაციულ საქმეთა კოლეგიამ მიიჩნია, რომ კომპენსაციის გაცემა შესაძლებელი იყო საკუთრების უფლების აღიარების გარეშეც და სრულად დააკმაყოფილა სარჩელი. თბილისის საქალაქო სასამართლოს გადაწყვეტილების შესაბამისად, ...", ნათქვამია საიას ინფორმაციაში. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტი აქვეყნებს პუბლიკაციას: „ქართველი ჯარისკაცების მონაწილეობა 1956 წლის უნგრეთის მოვლენებში". „60 წელი გავიდა მას შემდეგ, რაც 1956 წლის 23 ოქტომბერი - 11 ნოემბრის უნგრეთის რევოლუცია საბჭოთა კავშირმა სამხედრო ინტერვენციის გზით ჩაახშო. ქვეყანაში 30,000-ზე მეტი საბჭოთა ჯარისკაცი და 1,000-ზე მეტი ტანკი შევიდა. ოფიციალური მონაცემებით, საბჭოთა დანაკარგი შეადგენდა 720 ადამიანს, აქედან 669 დაღუპული და 51 უგზოუკვლოდ დაკარგული. აჯანყებას 2,500-ზე მეტი უნგრელის, სამხედრო და მშვიდობიანი მოსახლეობის სიცოცხლე შეეწირა. საბჭოთა კავშირის ამ სამხედრო ინტერვენციაში საქართველოდან გაწვეული ჯარისკაცებიც მონაწილეობდნენ. ეს ინფორმაცია დაცულია საქართველოს შინაგან საქმეთა სამინისტროს არქივის II განყოფილების (პარტიული არქივი) ე.წ. „საიდუმლო ფონდში", ნათქვამია ვებგვერდზე. სრულად...  წყარო: ორგანიზაციის ვებგვერდი სოციალურ ქსელში

1 ნოემბერს, 17:00 საათზე, ანა კორძაია-სამადაშვილი წაიკითხავს საჯარო ლექციას - „ნობელის პრემიის ლაურიატი - ბობ დილანი". ქალთა საინფორმაციო ცენტრი გიწვევთ ღონისძიებაზე: „ახალგაზრდები ერთიანდებიან მშვიდობისთვის”. სრულად... მისამართი: თბილისი, სასტუმრო „ფაბრიკა", ე. ნინოშვილის #8

1 ნოემბერს, 19:00 საათზე, კივი კაფე გეპატიჟებათ მსოფლიო ვეგანობის დღეზე. სრულად... მისამართი: თბილისი, ი. მაჩაბლის #6

სამოქალაქო საზოგადოების ინსტიტუტი, პარტნიორ საზოგადოებრივ ორგანიზაციებთან ერთად იწყებს საზოგადოებრივი ორგანიზაციების ძირითადი პრინციპების დეკლარაციის განხილვებს რეგიონებში. განვითარების სფეროში დღეს არსებული ტენდენციებიდან გამომდინარე, მნიშვნელოვანია საზოგადოებრივი ორგანიზაციების თვითრეგულირების საკითხზე ფართო მსჯელობის განახლება და მონაწილეობითი მიდგომებისა და ღირებულებების გამოყენებით, საზოგადოებრივი ორგანიზაციების ძირითად პრინციპებზე შეთანხმება და პრაქტიკულ საქმიანობაში მისი დანერგვა. სამოქალაქო საზოგადოების ინსტიტუტს, თავის პარტნიორებთან ერთად დიდი სურვილი აქვს განაახლოს საზოგადოებრივი ორგანიზაციების თვითრეგულირების საკითხზე მუშაობა. სამოქალაქო სექტორის თვითრეგულირების საკითხზე მსჯელობის დაწყება საქართველოს საზოგადოებრივი ორგანიზაციების ფართო მონაწილეობისა და მხარდაჭერის გარეშე, შეუძლებელია. ქ. გორი, 7 ნოემბერი, 14:00 საათი - შეხვედრა გაიმართება ქ. გორის დემოკრატიული ჩართულობის ცენტრში. მისამართი: სტალინის ქ. №7; ქ. ქუთაისი, 8 ნოემბერი, 12:00 საათი - ქ. ქუთაისის დემოკრატიული ჩართულობის ცენტრი. მისამართი: პუშკინის ქ. №6;  ქ. ზუგდიდი, 9 ნოემბერი, 10:00 საათი - ქ. ზუგდიდის დემოკრატიული ჩართულობის ცენტრი. მისამართი: რუსთაველის ქ. №52;  ქ. ბათუმი, 10 ნოემბერი, 12:00 საათი - ქ. ბათუმის დემოკრატიული ჩართულობის ცენტრი. მისამართი:  ფარნავაზ მეფის ქ. №62–64; ქ. ოზურგეთი, 11 ნოემბერი, 12:00 საათი - ოზურგეთის „ახალგაზრდა მეცნიერთა კლუბის" ოფისი. მისამართი: 26 მაისის ქ. №11ა. სრულად... დეკლარაციის სამუშაო ვერსია...

თბილისი. 27 ოქტომბერს, ორგანიზაციის „პირველი მუხლი (ადამიანის უფლებებზე ზრუნვის სახლი)" პროექტის „დავლიოთ ჩაი და ვისაუბროთ ადამიანის უფლებებზე" ფარგლებში პირველი ღონისძიება ე.წ. ჩაი-ფართი გაიმართა. „მოწვეული საპატიო სტუმარი იყო საქართველოს სახალხო დამცველის მოადგილე, ექსპერტი ქალთა უფლებების საკითხებში ქალბატონი ეკატერინე სხილაძე. მან ახალგაზრდებს წარუდგინა გაეროს სპეციალური მომხსენებლის 2016 წლის ანგარიში „ქალთა მიმართ ძალადობის, ძალადობის მიზეზებისა და შედეგების შესახებ". პრეზენტაციის ფარგლებში საპატიო სტუმარმა ახალგაზრდებს მიაწოდა ინფორმაცია ისეთ აქტუალურ თემებზე, როგორიცაა ოჯახში ძალადობა, სექსუალური შევიწროება, ქალთა თვითმკვლელობა, ნაადრევი ქორწინება, სელექციური აბორტი, „ქალწულების" ტესტი, სუროგაცია და სხვ. ასევე მიმოიხილა მთავარი რისკ-ჯგუფები, ძალადობის ხელშემწყობი ძირითადი ფაქტორები და ქალთა მიმართ ძალადობასთან ბრძოლის სფეროში არსებული მიღწევები და ხარვეზები", ნათქვამი ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. გენდერული საინფორმაციო პორტალი 2016 წლის მოწვევის პარლამენტში ქალთა პროცენტულ მაჩვენებელზე ინფოგრაფიკას აქვეყნებს. „მეორე ტურის შემდეგ, ბოლო მონაცემების მიხედვით, პარლამენტში 24 ქალი და 126 კაცი მოხვდა", ნათქვამია პორტალზე. სრულად... წყარო: ginsc.net

თბილისი. „საერთაშორისო გამჭვირვალობა - საქართველო" 30 ოქტომბრის საპარლამენტო არჩევნების მეორე ტურს 250 ადგილობრივი დამკვირვებლით უწევდა მონიტორინგს. „ჩვენმა დამკვირვებლებმა მთელი დღის განმავლობაში 70-მდე მეტნაკლებად სერიოზული ძირითადად პროცედურული დარღვევა აღმოაჩინეს. ჩვენ მიერ დაიწერა 11 საჩივარი. აღნიშნულ დარღვევებს ამომრჩევლის ნების ფორმირებასა და არჩევნების შედეგებზე მნიშვნელოვანი გავლენა ვერ ექნებოდა. საარჩევნო ადმინისტრაციამ სამივე დონეზე ძირითადად დამაკმაყოფილებლად იმუშავა. ცესკო მთლიანობაში დროულად უზრუნველყოფს კენჭისყრის შედეგების შეჯამებას და გამოქვეყნებას. ეს უწყება პერიოდულად ატარებდა ბრიფინგებს ამომრჩევლების ინფორმირების მიზნით", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. სამართლიანი არჩევნებისა და დემოკრატიის საერთაშორისო საზოგადოება აქვეყნებს ბლოგპოსტს ხმების პარალელური დათვლის შედეგებზე. „...ხმების პარალელური დათვლის საფუძველზე მიღებული მონაცემებით შეგვიძლია განვაცხადოთ, რომ ხმის დათვლის პროცესში გამოვლენილი დარღვევები წარმოადგენდა ცალკეულ საყურადღებო შემთხვევებს, თუმცა, მას არ ჰქონდა სისტემური ხასიათი და ვერ მოახდენდა მაჟორიტარული არჩევნების შედეგებზე არსებითი ხასიათის ზეგავლენას," ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. ნატოსა და ევროკავშირის შესახებ საინფორმაციო ცენტრის დირექტორის მოადგილე აზერბაიჯანელი ეთნიკური უმცირესობების წარმომადგენელ სტუდენტებს შეხვდა. დისკუსიის მთავარი თემა იყო: საქართველოს ევროპული და ევროატლანტიკური ინტეგრაციის მნიშვნელობა, დასავლური ღირებულებები და ამ პროცესში ახალგაზრდების ჩართულობა. სრულად... წყარო: ორგანიზაციის ვებ-გვერდი სოციალურ ქსელში

სამოქალაქო საზოგადოების ინსტიტუტი (CSI) ატარებს ონლაინ გამოკითხვას არასამეწარმეო იურიდიული პირების მარეგულირებელ კანონმდებლობაში შეტანილი ცვლილებები როგორ მუშაობს პრაქტიკაში. შეგახსენებთ, რომ სამოქალაქო საზოგადოების ინსტიტუტის ლობირებით საგადასახადო კოდექსში ცვლილებები შევიდა, რომელმაც გავლენა მოახდინა საზოგადოებრივი ორგანიზაციების ფინანსურ მდგრადობასა და საარსებო გარემოზე. აღნიშნული გამოკითხვით ინსტიტუტს, ასევე სურს გამოავლინოს ის დამაბრკოლებელი გარემოება, რომელიც ხელს უშლის საზოგადოებრივ ორგანიზაციებს საქმიანობის ეფექტურად განხორციელებაში. კითხვარი...

თბილისი. ინფორმაციის თავისუფლების განვითარების ინსტიტუტი აქვეყნებს ბლოგპოსტს: „ინფორმაციის თავისუფლების კანონმდებლობის რეიტინგის ახალი ლიდერი - მექსიკა". „...აღნიშნული რეიტინგის მიზანია ინფორმაციაზე წვდომის უფლებასთან დაკავშირებული ეროვნული სამართლებრივი მექანიზმების შეფასებითი ანალიზის განხორციელება. რეიტინგში შესული ქვეყნების რაოდენობა ყოველწლიურად იზრდება და დღეისთვის 112 ქვეყანას შეადგენს. საყურადღებოა, რომ ინფორმაციის თავისუფლების კანონმდებლობის გლობალური რეიტინგის შექმნის დღიდან, მის უპირობო ლიდერს სერბეთი წარმოადგენდა, თუმცა განახლებული რეიტინგის თანახმად, 135 ქულიანი მაჩვენებლით სერბეთმა ინფორმაციის თავისუფლების კანონმდებლობის რეიტინგის მეორე ადგილი დაიკავა, ხოლო 136 ქულიანი მაჩვენებლით პირველ ადგილზე მექსიკამ გადაინაცვლა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრის (EMC) ორგანიზებით, ეფექტური შრომის ინსპექციის მოთხოვნით აქცია გაიმართა. „შრომის ინსპექცია არის ის დაწესებულება, რომელსაც სულ მცირე შეუძლია ადამიანი გადაარჩინოს, რომელსაც შეუძლია სულ მცირე ადამიანებს მისცეს შედარებით ნორმალურ გარემოში ცხოვრების უფლება. ჩვენ ვსაუბრობთ შრომის ინსპექციაზე და არა ტექნიკურ ზედამხედველობის კანტორაზე", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. გარემოსდაცვითი ინფორმაციისა და განათლების ცენტრს ორგანიზაციის GREENVOL – „მწვანე მოხალისე" წევრები ესტუმრნენ. შეხვედრა პროექტების წერის ძირითად ასპექტებს დაეთმო. „... გარემოსდაცვითი ცნობიერების ამაღლების მიზნით ცენტრში მსგავსი შეხვედრები კვლავ გაიმართება," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში