11 ნოემბერს, 17:00 საათზე თბილისის სახელმწიფო უნივერსიტეტის ბიბლიოთეკაში გაიმართება შეხვედრა ახალგაზრდა მწერალთან - ლია ლიქოკელთან. სრულად... მისამართი: თბილისი, ი. ჭავჭავაძის გამზ. #1, თსუს ბიბლიოთეკა, მარო მაყაშვილის სახელობის დარბაზი

11 ნოემბერს, 14:00 საათზე საიას ქუთაისის ფილიალის წარმომადგენლები გამართავენ შეხვედრას სტუდენტებთან, ფილიალის წარმომადგენლები მიაწვდიან მათ ინფორმაციას საქმიანობის შესახებ. დეტალურად იქნება წარმოდგენილი თუ რას სთავაზობს საქართველოს ახალგაზრდა იურისტთა ასოციაციის ქუთაისის ფილიალი სტუდენტებს იურიდიული განათლების ხელშეწყობის მიმართულებით. მისამართი: ქუთაისი, აკაკი წერეთლის სახელმწიფო უნივერსიტეტი, „მწვანე დარბაზი"

11 ნოემბერს, 12:00 საათზე სამოქალაქო საზოგადოების ინსტიტუტი, ოზურგეთში გამართავს დისკუსიას სამოქალაქო სექტორის თვითრეგულირების საკითხებზე. სრულად... მისამართი: ოზურგეთი, 26 მაისის ქ. #11ა, ოზურგეთის ახალგაზრდა მეცნიერთა კლუბის ოფისი

11 ნოემბერს, 11:00 საათზე ბათუმის მერია გამართავს 2017 წლის ქალაქის ბიუჯეტის პროექტის პრეზენტაციას. მას დაესწრებიან პროექტის „მართე შენი ქალაქის" მონაწილე ახალგაზრდები და ღია შეხვედრების „შენი ხმა საბჭოში" – ფარგლებში გამოვლენილ ინიციატივებს, რეკომენდაციების სახით მიაწვდიან შეხვედრის მონაწილეებს. მისამართი: ბათუმი, ლუკა ასათიანის #25

თბილისი. 9 ნოემბერს, ვანო ხუხუნაიშვილის სახელობის ეფექტიანი მმართველობის სისტემის და ტერიტორიული მოწყობის რეფორმის ცენტრისა და საქართველოში გაეროს განვითარების პროგრამის (UNDP) ორგანიზებით, ადგილობრივი თვითმმართველობის მოხელეთა უწყვეტი სწავლების სისტემის პრეზენტაცია გაიმართა. „პრეზენტაციაზე ცენტრის დირექტორის მოვალეობის შემსრულებელმა, მაკა კორძაძემ წარმოადგინა ადგილობრივი თვითმმართველობის მოხელეთა უწყვეტი სწავლების სისტემა, რომლის მიზანია ადგილობრივი თვითმმართველობის ადამიანური რესურსის გაძლიერების ხელშეწყობა მუნიციპალიტეტის მოხელეთა საჭიროებებზე მორგებული, ხარისხიანი სასწავლო პროგრამებით", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს გიორგი ღვინჯილიას ბლოგპოსტს: „ჭიათურა: კონტროლი და სიძულვილი". „რას გვეუბნება მაღაროდან გამოსული მუშა, რომელიც ინტერვიუს შეთავაზებაზე პასუხობს, რომ სამსახურში პრობლემები შეექმნება? როგორ განსხვავდება ეს ფიგურა პოლიციელისგან, რომელიც ჟურნალისტებს შსს-ს პრესცენტრთან ამისამართებს? პოლიციელი სისტემის სიძულვილს მალავს, არაფერი არაპოლიტკორექტული არ უნდა წამოსცდეს. ქუჩური მანერები კარგად იფარება; ენა და სხეულის მოძრაობა ათასგვარ საცერში გადის, რადგან ქუჩის ჟარგონის ყველა ნაპრალიდან სიძულვილი მოჟონავს. მუშა დიამეტრალურად განსხვავებული ფიგურაა და ინტერვიუზე უარის მომენტში სისტემის მიმართ სიძულვილს უნდა მალავდეს, მალავდეს იმიტომ, რომ გადარჩეს და ოჯახი შიმშილს გადაარჩინოს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „საჯარო და კერძო სექტორებს შორის დიალოგის ხარისხის შეფასების პირველი წლიური ანგარიში (2014-2016)". „საჯარო პოლიტიკის შემუშავების საწყის ეტაპებზე ჩართულობის მხრივ პირდაპირი სამართლებრივი ვალდებულებების არარსებობის პირობებში საჯარო სექტორის წარმომადგენლების უმეტესობა ვერ ხედავს კერძო სექტორთან დიალოგის საჭიროებას. ეს პრობლემა განსაკუთრებით მნიშვნელოვანია პარლამენტის წევრთა მიერ ინიცირებული კანონპროექტების შემთხვევაში, რომელთაც კერძო და საჯარო სექტორებს შორის დიალოგის არასაკმარისი ხარისხი აჩვენეს", ნათქვამია ორგანიზაციის ვებ-გვერდზე. საჯარო და კერძო სექტორებს შორის დიალოგის ხარისხის შეფასების პირველი წლიური ანგარიში... წყარო: idfi.ge

თბილისი. კოალიცია თანასწორობისთვის უერთდება ტრანსგენდერ ადამიანთა ხსოვნის აღნიშვნის დღეს და მოუწოდებს სახელმწიფოს, ეფექტურად გამოიძიოს ტრანსგენდერ ადამიანთა წინააღმდეგ მიმართული ძალადობის შემთხვევები. „ტრანსგენდერ ადამიანთა მიმართ ძალადობრივი გამოცდილების სისტემურობის მიუხედავად, სახელმწიფოს არ გააჩნია ჰომო/ტრანსფობიურ დანაშაულებთან ბრძოლის ეფექტიანი პოლიტიკა. სახელმწიფოს არ გააჩნია სენსიტიური და ეფექტიანი ინსტიტუციური მექანიზმები სიძულვილით მოტივირებულ დანაშულებთან საბრძოლველად...," ნათქვამია კოალიციის განცხადებაში. სრულად... წყარო: emc.org.ge

თბილისი. 9 ნოემბერს, ომბუდსმენთან არსებული შშმ პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის საკონსულტაციო საბჭოს მორიგი შეხვედრა გაიმართა. „საკონსულტაციო ორგანომ განიხილა სხდომის დღის წესრიგით გათვალისწინებული საკითხები: შეზღუდული შესაძლებლობის მქონე პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის მიზნით დაგეგმილი და განხორციელებული ღონისძიებები, მოისმინა ინფორმაცია შშმ პირთა უფლებების კონვენციის იმპლემენტაციის მონიტორინგის ანგარიშის თაობაზე", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. გენდერული საინფორმაციო პორტალი კვლევის შედეგად მაღალმთიან რეგიონებში გამოვლენილი გენდერული დისკრიმინაციის პრობლემებზე ამახვილებს ყურადღებას. „საქართველოს მთიან დასახლებებში ქალების ეკონომიკურ დამოუკიდებლობას და ქონების გადანაწილებას თან სდევს გენდერული სტერეოტიპები - ასეთია კვლევა, რომელიც საქართველოს მაღალმთიან რეგიონებში საჭიროებებსა და პრიორიტეტებს შეეხება. ის გაეროს ქალთა ორგანიზაციამ სოციალურ მეცნიერებათა ცენტრთან ერთად განახორციელა", ნათქვამია პორტალზე. ინფორმაციას თან ახლავს ჯამპ სტარტ ჯორჯიას ინფოგრაფიკა. სრულად... წყარო: ginsc.net

თბილისი. პორტალი ადამიანის უფლებების შესახებ აქვეყნებს ინფორმაციას მუნიციპალური აიპის „რუსთავის კორპუსის" ხელმძღვანელის ირმა მესხის გათავისუფლებასთან დაკავშირებით. „ირმა მესხი, რომელიც წინასაარჩევნო პერიოდში „ქართული ოცნების" შტაბის ერთ-ერთი პროგრამის ხელმძღვანელიც იყო, აცხადებს რომ ქალაქის მერმა ის ბიულეტენზე ყოფნის დროს გაათავისუფლა", ნათქვამია ორგანიზაციის ვებ-გვერდზე. სრულად... წყარო: humanrights.ge

თბილისი. ამ წუთებში, არასამთავრობო ორგანიზაცია „მედიის და კომუნიკაციის საგანმანათლებლო და კვლევითი ცენტრის" (MCERC) ორგანიზებით და „დოიჩე ველე აკადემიის" (DW Akademie) დაფინანსებით, კავკასიის მედიის სკოლაში საერთაშორისო კონფერენცია მიმდინარეობს. „კონფერენციაში სახელწოდებით „ახალი სტანდარტები და მიდგომები: ჟურნალისტური განათლება, მედიის და მასკომუნიკაციის კვლევები" მონაწილეობენ საქართველოს, სომხეთისა და აზერბაიჯანის მედია სკოლების წარმომადგენლები", ნათქვამია მედია პორტალის ვებ-გვერდზე. სრულად... წყარო: www.media.ge

აჭარა. 9 ნოემბერს, აღმაშენებლის საზოგადოებრივ დარბაზში, გაიმართა ღია შეხვედრა - „შენი ხმა საბჭოში". „შეხვედრის ფარგლებში გამოიკვეთა შემდეგი ინიციატივები: ლეონიძის 15-ის მიმდებარე ტერიტორიაზე სპორტის სასახლის განთავსება, მუნიციპალური ტრანსპორტისთვის მოსაცდელების გაკეთება, კორპუსების ადაპტირება, ასევე, კორპუსების ეზოებში წყლის შადრევნების დამონტაჟება, აღმაშენებლის ქუჩაზე არსებული ავტობაზრობისთვის ტერიტორიის შეცვლა და ლეონიძის ქუჩაზე მდებარე სკვერის მოწესრიგება/გალაკტიონის ძეგლის რეაბილიტაცია. პროექტი „მართე შენი ქალაქი” ხორციელდება სამოქალაქო საზოგადოების ინსტიტუტის Civil Society Institute ბათუმის ფილიალის და აღმოსავლეთ-დასავლეთის მმართვის ინსიტუტის EWMI Access პროექტის ფარგლებში USAID ფინანსური მხარდაჭერით", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

10 ნოემბერს, 18:00 საათზე, „მშვიდობის ფონდი „ტოლერანტობის კვირეული 2016-ის” ფარგლებში, მართავს ტოლერანტობის საერთაშორისო დღისადმი მიძღვნილ დისკუსიას ტოლერანტობის თეორიისა და მულტიკულტურალიზმის შესახებ ქართულ საზოგადოებაში. სრულად... მისამართი: თბილისი, Frontline Georgia, ლ. ასათიანის #62

10 ნოემბერს, 17:00 საათზე, ილიაუნის სამართლის სკოლის სამაგისტრო პროგრამა და ადამიანის უფლებათა მიმართულება, მასპინძლობს ომბუდსმენის დეპარტამენტის უფროსის საჯარო ლექციას: „ანტიდისკრიმინაციული კანონმდებლობის აღსრულება საქართველოში - სახალხო დამცველის აპარატში შემოსული თანასწორობის დარღვევასთან დაკავშირებული განცხადება/საჩივრები". სრულად... მისამართი: თბილისი, ილიაუნი, ი. ჭავჭავაძის გამზ. #32, C414 აუდიტორია

10 ნოემბერს, 12:00 საათზე, ბათუმის დემოკრატიული ჩართულობის ცენტრში, სამოქალაქო საზოგადოების ინსტიტუტი გამართავს სამოქალაქო სექტორის თვითრეგულირების საკითხებზე დისკუსიას. სრულად... მისამართი: ბათუმი, ფარნავაზ მეფის ქ. #62-64

თბილისი. გენდერული საინფორმაციო პორტალი აქვეყნებს ინფოგრაფიკას, სადაც ამერიკის შეერთებული შტატების საპრეზიდენტო არჩევნების სოციალური ეგზიტპოლის შედეგებია წარმოდგენილი. იხ. ინფოგრაფიკა... წყარო: ginsc.net

თბილისი. სახალხო დამცველის ცხელი ხაზი ერთი წლისაა. 14–81-ზე დარეკვა შესაძლებელია, როგორც საქალაქო, ასევე მობილური ოპერატორების ნომრებიდან. „ომბუდსმენის ცხელი ხაზი 14–81 ადამიანის უფლებების დარღვევის შესახებ ინფორმაციას საქართველოს ნებისმიერი კუთხიდან 24 საათის განმავლობაში იღებს და მოქმედებს კანონით მინიჭებული მანდატის ფარგლებში", ნათქვამია ომბუდსმენის ვებ-გვერდზე სოციალურ ქსელში. სრულად... ადამიანის უფლებები

თბილისი. გაეროს ბავშვთა ფონდის კვლევის თანახმად, შეზღუდული შესაძლებლობის მქონე ბავშვების მიმართ ძალადობა 3-4-ჯერ უფრო ხშირია მთელი მსოფლიოს მასშტაბით. „საქართველოში შეზღუდული შესაძლებლობის მქონე ბავშვების ძალიან მცირე ნაწილია იდენტიფიცირებული, როგორც ძალადობის მსხვერპლი. ამის მიზეზი სოციალური მუშაკების არასაკმარისი ცოდნა და უნარებია, რის გამოც ისინი ვერ ახერხებენ ძალადობის ფაქტების დროულ გამოვლენას. აუცილებელია სოციალური მუშაკების კვალიფიკაციის ამაღლება, რათა შეზღუდული შესაძლებლობის მქონე ბავშვების მეტად დაცულნი იყვნენ ძალადობისა და უგულებელყოფისაგან", ნათქვამია ორგანიზაცის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა საქართველო აქვეყნებს ბლოგპოსტს: „არასაშტატო თანამშრომლები და ატესტაციის პროცესი კომუნიკაციების ეროვნულ კომისიაში". „კომისიაში არასაშტატო თანამშრომლების დანიშვნის პრაქტიკა არ შეესაბამება საჯარო სამსახურში შტატგარეშე მოსამსახურეების საქმიანობის პრინციპებს. საჯარო სამსახურში არასაშტატო თანამშრომლები დროებით, მკაფიოდ განსაზღვრულ დავალებებს ასრულებენ, კომისიაში კი მათი საქმიანობა არ განირჩევა საშტატო თანამშრომლების საქმიანობისაგან", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებებისა და მონიტორინგის ცენტრი (EMC) მამაკაცებისთვის ბავშვის მოვლის გამო შვებულების და მისი ანაზღაურების უფლების არარსებობას საკონსტიტუციო სასამართლოში ასაჩივრებს. „მოქმედი შრომის კოდექსი ბავშვის მოვლის გამო შვებულების უფლებას ანიჭებს დასაქმებულს, რაც ერთი შეხედვით ნეიტრალური ჩანაწერია, თუმცა, მოსარჩელე მხარე ასაბუთებს, რომ არსებული ჩანაწერისა და მასთან კავშირში მყოფი ნორმების ერთობლივი ანალიზით ნათელია, რომ შვებულების უფლების მქონე დასაქმებულში მოიაზრება მხოლოდ ქალი და დასახელებული შვებულების უფლებით ვერ სარგებლობენ ბავშვის ბიოლოგიური მამები", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. 7 ნოემბერს, გაიმართა კონფერენცია, რომელიც საქართველოს ასოცირებას ევროკავშირის კვლევისა და ინოვაციის ჩარჩო პროგრამასთან „ჰორიზონტი 2020" და მასში საქართველოს მეცნიერთა მონაწილეობის გაძლიერებას მიეძღვნა. „ღონისძიებაზე განიხილეს: ევროკავშირის კვლევისა და ინოვაციის ჩარჩო პროგრამის Horizon 2020 მიმოხილვა (დაფინანსების შესაძლებლობები, საერთაშორისო თანამშრომლობა); საქართველოს მონაწილეობა ჩარჩო პროგრამაში; საქართველოს საერთაშორისო თანამშრომლობის ხელშემწყობი კვლევისა და განვითარების პროგრამები; გამოცდილების გაზიარება და სამომავლო ეროვნული საქმიანობის მხარდაჭერის გაძლიერება", ნათქვამია შოთა რუსთაველის ეროვნული სამეცნიერო ფონდის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში