თბილისი. 28 ოქტომბერს, საქართველოს საგარეო საქმეთა მინისტრის მოადგილე შშმ პირთა ორგანიზაციების „ოჯახები დისკრიმინაციის წინააღმდეგ" და „კავშირი ჩვენი ბავშვები"-ის წარმომადგენლებს შეხვდა. „შეხვედრაზე მშობლებმა და სამინისტროს წარმომადგენლებმა ისაუბრეს შეზღუდული შესაძლებლობების მქონე ბავშვთა უფლებების დაცვის მხრივ საქართველოში არსებულ ვითარებაზე, ამ საკითხზე საქართველოს ხელისუფლების მიერ აღებულ საერთაშორისო ვალდებულებებსა და მათი შესრულების პროცესზე", ნათქვამი ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 27-28 ოქტომბერს, შოთა რუსთაველის ეროვნული სამეცნიერო ფონდის ორგანიზებით, ჩატარდა ტრეინინგი საქართველოს მეცნიერთათვის და კვლევითი ინსტიტუციების მიერ დასახელებული პირებისათვის. „ტრეინინგი - „Navigating H2020 and its rules principles Opportunities and challenges for Georgian scientists" შეეხო ევროკავშირის კვლევისა და ინოვაციის ჩარჩო პროგრამა „ჰორიზონტი 2020"-ში და საერთაშორისო სამეცნიერო-კვლევით კონკურსებში საქართველოს მეცნიერთა ჩართულობის შესაძლებლობებს, კვლევითი პროექტების დაფინანსების მოპოვების საშუალებებს, საერთაშორისო სამეცნიერო კავშირების დამყარებისა და კოლაბორაციის გაზრდის გზებს," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

31 ოქტომბერს, 16:00 საათზე, ფრონტლაინ ჯორჯიაში ისაუბრებენ რა ეტაპზეა სახელმწიფო რეფორმა, რომლის მიზანია შეზღუდული შესაძლებლობის მქონე პირების შეფასების და სტატუსის განსაზღვრის სოციალურ მოდელზე გადასვლა... სრულად... მისამართი: თბილისი, ლ. ასათიანის #62

თბილისი. „კოალიცია ევრო-ატლანტიკური საქართველოსთვის" ხელისუფლებას რუსეთის მიმართ მკაფიო პოლიტიკის განსაზღვრისკენ მოუწოდებს. „მცდელობები და მოწოდებები შეიქმნას ან გააქტიურდეს სხვადასხვა ორმხრივი მოლაპარაკებების ფორმატები რუსეთთან, რომლებიც დააკნინებენ ჟენევის ფორმატს და აქვთ ბუნდოვანი მანდატი, საზიანოა საქართველოს ეროვნული ინტერესებისათვის. ასეთი ტიპის ძალისხმევა მხოლოდ ართულებს საქართველოს მდგომარეობას, ქმნის არსებული ვითარების მცდარ აღქმას ზოგიერთი ჩვენი პარტნიორის მხრიდან და მხოლოდ ოკუპანტი ქვეყნის ინტერესებს ემსახურება", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. „სამართლიანმა არჩევნებმა" 8 ოქტომბრის საპარლამენტო არჩევნების კენჭისყრის დღის, ხმის დათვლის პროცესისა და არჩევნების შემდგომ დარღვევებზე 244 საჩივარი წარადგინა. „უნდა აღინიშნოს, რომ, ძირითადად, „სამართლიანი არჩვენების" საჩივრების განხილვა საარჩევნო კანონმდებლობის მოთხოვნების დაცვით მიმდინარეობდა. ორგანიზაციის წარმომადგენლებს შესაძლებლობა ჰქონდათ დასწრებოდნენ საჩივრების განხილვას და სრულყოფილად დაეფიქსირებინათ ორგანიზაციის პოზიცია წარდგენილ საჩივრებზე. თუმცა, საჩივრების განხილვასთან და საოლქო კომისიების მიერ მიღებულ გადაწყვეტილებებთან დაკავშირებით გამოიკვეთა შემდეგი პრობლემები...", ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. 27 ოქტომბერს, „პარტნიორობა ადამიანის უფლებებისთვის" (PHR) და უნისეფის ორგანიზებით პროექტის ფარგლებში - „ბავშვზე მორგებული მართლმსაჯულების სისტემის ხელმისაწვდომობის გაძლიერება და განვითარება საქართველოში" სამუშაო შეხვედრა გაიმართა. „შეხვედრის მიზანს საკუთარი უფლებების დაცვის მექანიზმებისა და პროცედურების შესახებ ბავშვებისთვის საჭირო ინფორმაციის მიწოდების ფორმებისა და საშუალებების განსაზღვრა წარმოადგენდა, რაც შემდგომში, აისახება აღნიშნული მიმართულებით ბავშვის გაზრდილ ცნობიერებასა და სამოქალაქო განათლებაზე", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „ბათილი ბიულეტენების სტატისტიკა 2002 – 2016". „ყოველ არჩევნებზე ხმების დათვლისას ბიულეტენების გარკვეული რაოდენობა ბათილად ცხადდება. წარმოგიდგენთ 2016 წლის 8 ოქტომბრის არჩევნებზე მაჟორიტარული და პროპორციული და ასევე 2002 წლიდან ჩატარებულ არჩევნებზე გაბათილებული ბიულეტენების სტატისტიკას", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევას: „უსახლკარობა - სახელმწიფო პოლიტიკის ანალიზი". „უსახლკარობა და სათანადო საცხოვრისის არქონა საქართველოში მნიშვნელოვან პრობლემას წარმოადგენს, თუმცა პოლიტიკურ და საზოგადოებრივ სივრცეებში ეს საკითხი არასათანადოდ არის აღიარებული. უსახლკარობის პრობლემის სიმწვავის მიუხედავად, არ ხდება ამ გამოწვევის წინაშე მდგარ პირთა საჭიროებების, ასევე უსახლკარობისა თუ სათანადო საცხოვრისის არქონის ფორმებისა და გამომწვევი მიზეზების შესწავლა", ნათქვამია ორგანიზაციის ვებ-გვერდზე. კვლევა... წყარო: emc.org.ge

თბილისი. საქართველოს დემოკრატიული ინიციატივა (GDI) სოფელ მოხეში განვითარებული მოვლენების შესახებ განცხადებას ავრცელებს. „კიდევ ერთხელ შეშფოთებით ვეხმაურებით ადიგენის მუნიციპალიტეტის სოფელ მოხეში განვითარებულ მოვლენებს და მოვუწოდებთ სახელმწიფოს, შეწყვიტოს დისკრიმინაციული და რეპრესიული პოლიტიკა საქართველოს მუსლიმი თემის მიმართ და მსგავსად დომინანტი რელიგიური ჯგუფისა, მისცეს მას რელიგიური რიტუალების ღირსეულ და ადეკვატურ პირობებში შესრულების შესაძლებლობა", ნათქვამია ორგანიზაციის განცხადებაში. სრულად... წყარო: gdi.ge

თბილისი. საქართველოს ახალგაზრდა იურისტთა ასოციაცია „პანორამა თბილისის" პროექტის ფარგლებში გაცემული ნებართვის გაბათილებას ითხოვს. „საიას სარჩელის საფუძველზე, თბილისის საქალაქო სასამართლოში, „პანორამა თბილისის" საქმეზე დღეს დასრულდა მოსამზადებელი სასამრთლო სხდომა. სასამართლომ საქმეზე 2016 წლის 17 ნოემბერს, მთავარი სხდომა დანიშნა," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

28 ოქტომბერს, 18:00 საათზე, Erasmus + საინფორმაციო შეხვედრას გამართავს. სრულად... მისამართი: თბილისი, თბილისი სახელმწიფო სამედიცინო უნივერსიტეტი, ვაჟა-ფშაველას #33

28 ოქტომბერს, 13:00 საათზე, კანცელარიასთან გაიმართება გამაფრთხილებელი აქცია, შრომის პოლიტიკის დაუყოვნებლივ გადახედვისა და ეფექტური შრომის ინსპექციის შექმნის მოთხოვნით. სრულად... მისამართი: თბილისი, საქართველოს მთავრობის კანცელარია, ინგოროყვას #7

სამცხე-ჯავახეთი. 25 ოქტომბერს, ომბუდსმენის წარმომადგენლები და პრევენციის ეროვნული მექანიზმის წევრები სისხლის სამართლის მიმართულებით მომუშავე ადვოკატებს და ადგილობრივ არასამთავრობო ორგანიზაციებს შეხვდნენ. „შეხვედრის ძირითად მიზანს წარმოადგენდა პოლიციის მხრიდან ძალის გადამეტებისა და დაკავებულთა უფლებრივი მდგომარეობის შესახებ დამატებითი ინფორმაციის მიღება," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. პროექტის „სამოქალაქო მონაწილეობის გაძლიერება საარჩევნო პროცესებში" შემაჯამებელი ღონისძიება გაიმართა. „პროექტის ფარგლებში ქვემო ქართლისა და სამცხე-ჯავახეთის რეგიონში მცხოვრები ახალგაზრდა თაობის ეთნიკური უმცირესობათა წარმომადგენელებისათვის განხორციელდა სხვადასხვა სახის საგანმანათლებლო - საინფორმაციო ხასიათის ღონისძიებები, რომლის მეშვეობითაც ახალგაზრდებს მიეწოდათ ინფორმაცია ისეთ საკითხებზე როგორიცაა: არჩევნების გზით ქვეყნის მართვის პროცესში მოქალაქეთა მონაწილეობის მნიშვნელობა, საარჩევნო უფლებების რეალიზების საკანონმდებლო მექანიზმები, არჩევნითი ინსტიტუტის კომპეტენციები, გენდერული ასპექტები და კენჭისყრის პროცედურები. მომზადდა ვიდეო რგოლები (ქართულ, სომხურ და აზერბაიჯანულ ენებზე), რომელიც განთავსდა რეგიონში არსებულ მედია საშუალებებში", ნათქვამია ორგანზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 27 ოქტომბერს, სახალხო დამცველის აპარატს სომხეთის არასამთავრობო ორგანიზაციების წარმომადგენლები ეწვივნენ. „შეხვედრაზე სახალხო დამცველის პირველმა მოადგილემ და სტრუქტურული ერთეულების ხელმძღვანელებმა სტუმრებს სახალხო დამცველის მანდატი და აპარატის საქმიანობის სხვადასხვა მიმართულებები გააცნეს; მათ შორის, ანტი-დისკრიმინაციული კანონის იმპლემენტაციისა და სიძულვილით მოტივირებული დანაშაულის გამოძიების პრობლემები, პრევენციის ეროვნული მექანიზმის მუშაობის პრინციპები, გენდერული თანასწორობის თვალსაზრისით მიმდინარე საქმიანობა, შეკრებისა და მანიფესტაციების თავისუფლების და სხვა საკითხები", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

მცხეთა-მთიანეთი. 26 ოქტომბერს, „საზოგადოებრივმა დამცველმა" „საქართველოში დაბრუნებულ მიგრანტთა სარეინტეგრაციო დახმარების" პროგრამის ფარგლებში შეხვედრა გამართა თიანეთის მუნიციპალიტეტის საკრებულოში. „შეხვედრა მიზნად ისახავდა მიმდინარე პროექტის - „საქართველოში დაბრუნებულ მიგრანტთა სარეინტეგრაციო დახმარების" შესახებ თიანეთის მოსახლეობისთვის შესაბამისი ინფორმაციის მიწოდებას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 27 ოქტომბერს, ასოციაცია „ათინათის" ახალგაზრდული ცენტრის წევრებმა ჩაატარეს „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" პრეზენტაცია. პრეზენტაცია ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში. პროექტს ასოციაცია „ათინათი" ახორციელებს. სრულად... წყარო: ორგანიზაციის ვებ-გვერდი სოციალურ ქსელში

28 ოქტომბერს, 19:00 საათზე „ლიბცენტრი" გამართავს ჟურნალისტ ნიკო ნერგაძის საჯარო ლექციას: პოლიტიკური იუმორის გავლენა არჩევნებზე. სრულად... მისამართი: თბილისი, ჭავჭავაძის #32

28 ოქტომბერს, 14:00 საათზე, CSR კლუბის სამდივნოს წევრები, კომპანია „ჯეპრას", „IPM კვლევებისა" და არასამთავრობო ორგანიზაცია „სიდას" წარმომადგენლები გააკეთებენ კვლევის დიზაინის პრეზენტაციას. შეხვედრაზე დაინტერესებულ პირებს მიეწოდებათ დეტალური ინფორმაცია პროექტის, მასში მონაწილეობის პირობებისა და უპირატესობების შესახებ. სრულად... მისამართი: თბილისი, ჩოლოყაშვილის 3/5, ილიას სახელმწიფო უნივერსიტეტის E207 აუდიტორია

28 ოქტომბერს, 12:00 საათზე, ორგანიზაცია „ახალგაზრდა ადვოკატების” ხელმძღვანელი, არჩილ კაიკაციშვილი, პორტალ „კვირას” პრეს-კლუბში პრესკონფერენციას გამართავს. თემა: ნიკა რურუას მხრიდან მთაწმინდის ამომრჩევნებთან ფარული ნომრიდან განხორციელებული ზარები; რატომ მოხდა გიორგი პაპუაშვილთან სადავო ქონებაზე სააპელაციო პალატის აცილება?! მისამართი: თბილისი, ნუცუბიძის ქუჩა #14ბ, სადარბაზო 1, სართული 2.

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „საქართველო კანონის უზენაესობის გლობალურ ინდექსში". „„მსოფლიო სამართლის პროექტის" ყოველწლიური ინდექსის თანახმად საქართველო ლიდერია აღმოსავლეთ ევროპისა და ცენტრალური აზიის რეგიონში. 2012 წლიდან დღემდე ქვეყანამ მნიშვნელოვანი პროგრესი განიცადა კანონის უზენაესობის მხრივ. მიუხედავად ამისა უნდა ითქვას, რომ 2016 წელს საქართველომ იგივე შედეგი აჩვენა რაც წინა - 2015 წელს, შესაბამისად საერთო ჯამში არ შეიმჩნევა გაუმჯობესება ბოლო წლის განმავლობაში", ნათქვამია ორგანიზაციის ვებ-გვერდზე. სრულად... წყარო: https://idfi.ge

თბილისი. 26 ოქტომბერს, საზოგადოებრივი დამცველის დამკვირვებელმა საქართველოს პარლამენტის არჩევნების მეორე ტურისთვის, საარჩევნო ბიულეტინებისა და შემაჯამებელი ოქმების ბეჭდვის პროცესზე მონიტორინგი განახორციელა. „საქართველოს პარლამენტის არჩევნების მეორე ტურებისთვის 50 მაჟორიტარულ საარჩევნო ოლქში სულ 2 226 600 ბიულეტენი იბეჭდება, მათ შორის სომხურ-ქართული, აზერბაიჯანულ-ქართული და სომხურ-ქართულ-აზერბაიჯანული”, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში