2 თებერვალს, 18:00 საათზე, ასოციაცია „ანიკა" გიწვევთ ახალგაზრდა პოეტების საღამოზე, რომელიც პროექტის "Anika Room" ფარგლებში ტარდება. სრულად... მისამართი: თბილისი, ც. დადიანის #136

თბილისი. ქალთა საინფორმაციო ცენტრმა საქართველოს შინაგან საქმეთა სამინისტროსთან თანამშრომლობით გამართა ტრენინგი „უსაფრთხოების სექტორში გენდერული თანასწორობის და ქალების, მშვიდობისა და უსაფრთხოების პრინციპების ინტეგრირება". „ტრენინგი მიზნად ისახავდა გენდერული პრინციპების ინტეგრირების ხელშეწყობას შინაგან საქმეთა სამინისტროში და უწყებაში მომუშავე მაღალი გადაწყვეტილების მიმღები პირების ცნობიერების ამაღლებას გენდერულ საკითხებზე", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. კოალიცია დამოუკიდებელი და გამჭვირვალე მართლმსაჯულებისთვის ეხმიანება საქართველოს მოსამართლეთა რიგგარეშე კონფერენციის დანიშვნას. „მოვუწოდებთ საქართველოს მოსამართლეთა XVI რიგგარეშე კონფერენციას, რომელიც ა.წ. 1 თებერვალს იმართება, წინა კონფერენციისაგან განსხვავებით, ეფექტურად გამოიყენოს ეს შესაძლებლობა და კონფერენციის დღის წესრიგის მეორე საკითხზე გამართოს მხოლოდ საქმიანი, შედეგებზე ორიენტირებული დისკუსია სასამართლო სისტემაში რეალური რეფორმის გატარების აუცილებლობაზე, კონკრეტულად: დისციპლინური სამართალწარმოების სისტემის ცვლილებაზე, საქმეთა ელექტონული განაწილების წესის დროულად ამოქმედებაზე და მოსამართლეთა შერჩევა-დანიშვნის წესის ცვლილების საკითხზე", ნათქვამია კოალიციის განცხადებაში. სრულად... წყარო: gyla.ge

თბილისი. 31 იანვარს, შეზღუდული შესაძლებლობის მქონე პირთა საკითხებზე მომუშავე ექსპერტების ჯგუფმა შეხვედრა გამართა შშმ ბავშვების მშობლების ორგანიზაციისთვის „ოჯახები დისკრიმინაციის წინააღმდეგ" (FAD). „შეხვედრის მიზანს წარმოადგენდა მშობლების გაძლიერება და შეზღუდული შესაძლებლობის მქონე პირთა უფლებების შესახებ მათი ცნობიერების ამაღლება. ექსპერტებმა ისაუბრეს სახელმწიფო პოლიტიკის შემუშავების პროცესში შეზღუდული შესაძლებლობის მქონე პირთა ოჯახის წევრების ჩართულობის მნიშვნელობის შესახებ, ასევე დეინსტიტუციონალიზაციის პროცესისა და ამ მიმართულებით ამერიკული გამოცდილების შესახებ", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 1 თებერვალს საქართველოს საკონსტიტუციო სასამართლოში მეორე განმწესრიგებელი სხდომა იმართება საქმეზე სახარების რწმენის ეკლესია საქართველოს მთავრობის წინააღმდეგ. სასამართლოს წინაშე ეკლესიის ინტერესებს ადამიანის უფლებების სწავლებისა და მონიტორინგის ცენტრი (EMC) წარმოადგენს. „განსახილველ საქმეზე საკონსტიტუციო სასამართლო დეტალურად სწავლობს საბჭოთა პერიოდში სახარების რწმენის ეკლესიის, იგივე ორმოცდაათიანელთა ეკლესიის, რეპრესირებისა და მისთვის მიყენებული მატერიალური და მორალური ზიანის ისტორიას. ასევე, მოქმედი ეკლესიის ისტორიულ და დოქტრინალურ კავშირს საბჭოთა პერიოდში მოღვაწე ორმოცდაათიანელთა ეკლესიასთან. დევნის ისტორიისა და მემკვიდრეობის საკითხების დადასტურების მიზნით მოსარჩელე მხარე განმწესრიგებელ სხდომაზე დამატებით მტკიცებულებებს წარადგენს", ნათქვამია ორგანიზაციის ვებ-გვერდზე. სრულად... წყარო: emc.org.ge

იმერეთი. ქუთაისში ცენტრი „აფხაზეთის" და პარტნიორი ადგილობრივი არასამთავრობო ორგანიზაციის წარმომადგენლების მონაწილეობით პირველი კონფერენცია გაიმართა. შეხვედრის მიზანი იყო საინფორმაციო ქსელის შექმნის საკითხების განხილვა და სამომავლო თანამშრომლობის პირობების შეთანხმება. „საინფორმაციო ქსელის ჩამოყალიბება ხელს შეუწყობს დევნილების საარსებო წყაროების კუთხით მიმართული საქმიანობის ეფექტურად მართვას, ასევე, თავად პარტნიორ ორგანიზაციებს დაეხმარება შემდგომ განვითარებაში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

1 თებერვალს, 15:00 საათზე, გორის სახელმწიფო სასწავლო უნივერსიტეტის პირველი კორპუსის N208 აუდიტორიაში გაიმართება საინფორმაციო შეხვედრა პროექტ „უცნობი საბჭოთა წარსული”-ს ფარგლებში. პროექტში მონაწილეობის მსურველ, დაინტერესებულ ადამიანებს შესაძლებლობა ექნებათ პროექტის შესახებ მიიღონ მათთვის საჭირო ინფორმაცია. სრულად... მისამართი: გორი, გორის სახელმწიფო სასწავლო უნივერსიტეტი

1 თებერვალს, 12:00 საათზე, „პირველ პრესკლუბში” „სამოქალაქო ჩართულობის ცენტრის” წარმომადგენლები პრესკონფერენციას გამართავენ. თემა: „თანამედროვე ჟურნალისტიკის განვითარების პროგრამის” პროექტი. „სამოქალაქო ჩართულობის ცენტრი” განსაკუთრებით რეგიონებში არსებულ მედია საშუალებებს მოუწოდებს დაინტერესდნენ აღნიშნული პროექტით და ჩაერთონ მაქსიმალურად. მისამართი: თბილისი, წერეთლის 116, ბიზნეს ცენტრი „დიდუბე პლაზა”, მეორე სართული

30 იანვარს, 14:00 საათზე, კინოფესტივალი CinéDOC სტუმრად წნორში, „სამოქალაქო ინციატივის" სივრცეში: წარმოგიდგენთ ნიდერლანდელი რეჟისორის იოს დე პუტერის ფილმს „სოლო – ოცნების მიღმა". სრულად... მისამართი: წნორი, რუსთაველის #41

თბილისი. 29 იანვარს, სასტუმრო „ჰოლიდეი ინ-ში”, გაიმართა პროექტის „შეზღუდული შესაძლებლობის მქონე პირთა უფლებებისა და შესაძლებლობის მხარდაჭერა, თვითმმართველობის ორგანოების მუშაობაში და მონაწილეობის უზრუნველსაყოფად” შემაჯამებელი ღონისძიება. პროექტის მიზანი იყო ადგილობრივი თვითმართველობის განხორციელების პროცესში შეზღუდული შესაძლებლობის მქონე პირთა ჩართულობის ხელშეწყობა და ადგილობრივი თვითმართველობების ანგარიშვალდებულებისა და გამჭვირვალობის გაზრდა. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. ასოციაცია „ათინათში" დასაქმების პროგრამის პირველი ეტაპის დასკვნითი ღონისძიება გაიმართა. „პროგრამის მონაწილეებმა 5 თვიანი მუშაობა შეაჯამეს და მოწვეულ სტუმრებს ანგარიში წარუდგინეს, რომელიც პროგრამის მიმდინარეობას, დინამიკას, სირთულეებსა და შედეგებს შეიცავდა. სტუმრებს შორის იყვნენ ადგილობრივი თვითმმართველობის, არასამთავრობო ორგანიზაციების, ბიზნეს სექტორისა და დონორი ორგანიზაციის წარმომადგენლები, რომლებმაც აღნიშნეს დასაქმების პროგრამის მნიშვნელობა და აქტუალობა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. არასამთავრობო ორგანიზაციები მოუწოდებს საქართველოს პარლამენტს პლენარულ სხდომაზე განიხილოს საქართველოს ეროვნული ბანკის ანგარიში. „მოვუწოდებთ, საქართველოს პარლამენტს, პატივი სცეს საქართველოს კანონმდებლობას და გაითვალისწინოს საზოგადოების ინტერესი, შეასრულოს პარლამენტის რეგლამენტით განსაზღვრული იმპერატიული მოთხოვნა და პლენარულ სხდომაზე განიხილოს საქართველოს ეროვნული ბანკის ანგარიში. ლარის კურსის დასტაბილურება სახელმწიფოს მნიშვნელოვანი ინტერესი უნდა იყოს, ხოლო ეს პროცესი ყოველგვარი პირადი და პოლიტიკური დაპირისპირების გარეშე უნდა წარიმართოს", ნათქვამია ორგანიზაციის ვებ-გვერდზე. სრულად... წყარო: www.cida.ge

თბილისი. კოალიცია მედიის ადვოკატირებისთვის თბილისის მასშტაბით მოძრავ მიკროავტობუსებში რადიო-მონოპოლიის დამყარებას ეწინააღმდეგება და განცხადებას ავრცელებს. „მიუღებლად მიგვაჩნია მუნიციპალური სატრანსპორტო კომპანიის მიერ ამგვარი ხელშეკრულების გაფორმება, ვინაიდან ის აწესებს მოსახლეობის ძალიან ფართო სეგმენტზე ფაქტობრივ რადიო-მონოპოლიას, რაც შეუთავსებელია დემოკრატიისა და ადამიანის უფლებათა სამართლის ფუნდამენტურ პრინციპებთან: არჩევანის თავისუფლებასა და მრავალფეროვან ინფორმაციაზე ხელმისაწვდომობის უფლებასთან, რასაც ყველა სახელმწიფო უწყება თუ მუნიციპალური კომპანია უნდა იცავდეს და პატივს სცემდეს", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. საქართველოს დემოკრატიული ინიციატივა დეკემბრის თვის საინფორმაციო ბიულეტენს აქვეყნებს. ბიულეტენში მიმოხილულია ადამიანის უფლებათა სფეროს მნიშვნელოვანი საკითხები - წამების პრევენციის ევროპული კომიტეტის (CPT) საქართველოში 2014 წლის დეკემბრის ვიზიტის ანგარიში, NDI-ს კვლევა ტელეკომპანია „რუსთავი 2"-თან დაკავშირებით, ე.წ. კორტების საქმეში განვითარებული მოვლენები, შეწყალების კომისიაზე შესაძლო ზეწოლის ფაქტები და სხვა. სრულად... წყარო: gdi.ge

იმერეთი. 27 იანვარს, ინფორმაციის თავისუფლების განვითარების ინსტიტუტის ორგანიზებით (IDFI), აკაკი წერეთლის სახელმწიფო უნივერსიტეტში გაიმართა სალექციო კურსი „საქართველო 2020 - კონკურენციის რეგულირება სატელეკომუნიკაციო სფეროში". ლექცია ჩატარდა პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება"-ს ფარგლებში. პროექტი ხორციელდება IDFI-ს მიერ ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს დაფინანსებით. სალექციო კურსის მიზანი იყო სტრატეგიული გეგმა „საქართველო 2020"-ს შემუშავების გაანალიზება სტრატეგიულ ჭრილში, ასევე სატელეკომუნიკაციო სექტორში კონკურენციის რეგულირების მხრივ არსებული მდგომარეობის განხილვა", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. „ქალთა საინფორმაციო ცენტრი" აბიტურიენტთა ესეების შეფასებას აქვეყნებს. „როგორი დამოკიდებულება აქვთ აბიტურიენტებს გენდერული თანასწორობის მიმართ, ყველაზე ხშირად რომელ სტერეოტიპებს იყენებენ, რა პროფესიას მიიჩნევენ ქალებისთვის შეუფერებლად, რამდენად ინფორმირებულები არიან გენდერული საკითხების მიმართ - კვლევა, რომელიც აბიტურიენტების ესეებს აფასებს, „ქალთა საინფორმაციო ცენტრისა" და აშშ-ის განვითარების სააგენტოს (USAID) მხარდაჭერით, სოციალური კვლევისა და ანალიზის ინსტიტუტმა მოამზადა. გენდერული თანასწორობის მიმართ 1700 ნაშრომიდან პოზიტიური დამოკიდებულება ნაშრომების 70% - ში ჩანდა, უარყოფითი დამოკიდებულება 27,8%- ში, ხოლო ნაშრომების 2.2% ში პოზიცია არ იყო გამოკვეთილი", ნათქვამია ორგანიზაციის ვებ-გვერდზე. სრულად... წყარო: www.ginsc.net

სამცხე-ჯავახეთი. ინფორმაციის თავისუფლების განვითარების ინსტიტუტის (IDFI) ორგანიზებით, საქართველოს სამცხე-ჯავახეთის სახელმწიფო უნივერსიტეტში გაიმართა სალექციო კურსი „საქართველო 2020 - კონკურენციის რეგულირება სატელეკომუნიკაციო სფეროში”, რომელსაც გაუძღვნენ IDFI-ის და ტელეკომუნიკაციის მიმართულების ხელმძღვანელი - უჩა სეთური და IDFI-ის პროექტის კოორდინატორი – საბა ბუაძე. ღონისძიება ჩატარდა პროექტ „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება”-ს ფარგლებში. პროექტი ხორციელდება IDFI-ს მიერ ბრემენის უნივერსიტეტთან პარტნიორობით და გერმანიის საგარეო საქმეთა სამინისტროს დაფინანსებით. სრულად... წყარო: idfi.ge

29 იანვარს, 18:00 საათზე, „ფრონტლაინ ჯორჯია" გთავაზობთ დოკუმენტური ფილმის „როგორ შევცვალოთ მსოფლიო" ჩვენებაზე დასწრებას. სრულად... მისამართი: თბილისი, ლადო ასათიანის #62

29 იანვარს, 17:00 საათზე, საქართველოს სახალხო დამცველი უჩა ნანუაშვილი მორიგ საჯარო დებატებს გამართავს თემაზე: „უსახლკარობა – რა ხედვა აქვს სახელმწიფოს?". სრულად... მისამართი: თბილისი, ი. ჭავჭავაძის გამზ. #1, თსუ, I კორპუსში, 101-ე აუდიტორია

29 იანვარს, 15:00 საათზე, „სამოქალაქო ჩართულობის ცენტრი” ორგანიზაციის პრესკლუბში „თანამედროვე ჟურნალისტიკის განვითარების პროგრამის” პრეზენტაციას გამართავს. პრეზენტაციაზე წარმოდგენილი იქნება პროექტის მიზნები, განხორციელების გზები და პროექტთან დაკავშირებული ყველა საკითხები, რომლებიც მნიშვნელოვანია პროექტში მონაწილე ჟურნალისტებისთვის. მისამართი: თბილისი, მარჯანიშვილის #16, 4 კორპუსი, 1 სადარბაზო, ბინა 2ა

29 იანვარს, 11:00 საათზე, სოხუმის სახელმწიფო უნივერსიტეტის ადმინისტრაციული კორპუსის მე-7 სართულზე, საპრეზენტაციო დარბაზში, ილიას უნივერსიტეტის ასოცირებული პროფესორი ნინო ჭიაბრიშვილი საჯარო ლექციას თემაზე: „მედიაწიგნიერება და ცოდნის ეკონომიკა” წაიკითხავს. ლექცია ინფრომაციული განათლების საერთაშორისო ასოციაციის პროექტის ფარგლებში, ფონდ „ღია საზოგადოება - საქართველოს” მხარდაჭერით ჩატარდება. მისამართი: თბილისი, ანა პოლიტკოვსკაიას ქ. 62

თბილისი. საქართველოს ახალგაზრდა იურისტთა ასოციაცია გარდაბნის მუნიციპალიტეტის გამგებლის 2016 წლის 28 იანვრის რიგგარეშე არჩევნებს აკვირდება. „დღის 15:00 საათისთვის, კენჭისყრის პროცესი ცალკეული შემთხვევების გარდა, მშვიდ ვითარებაში მიმდინარეობს. იმ საარჩევნო უბნების უმრავლესობა, სადაც საია გახსნის პროცედურებს აკვირდებოდა, დროულად იყო მზად პირველი ამომრჩევლის მისაღებად", ნათქვამია ორგანიზაციის ვებ-გვერდზე. სრულად... წყარო: gyla.ge