თბილისი. „საერთაშორისო გამჭვირვალობა - საქართველო" მე-8 მოწვევის პარლამენტში სპორტსმენი და ხელოვანი დეპუტატების აქტივობაზე ბლოგპოსტს აქვეყნებს. ორგანიზაცია მონიტორინგს უწევს პარლამენტის საქმიანობას. „მონიტორინგის ფარგლებში პარლამენტის წევრების აქტივობასა და მათი საქმიანობის შედეგებზე დაკვირვება მიმდინარეობს. ჩვენ მიერ განხორციელებული კვლევებზე დაყრდნობით შეგვიძლია ვთქვათ, რომ მე-8 მოწვევის საკანონმდებლო ორგანოს მთავარ პრობლემას დეპუტატთა პროფესია არ წარმოადგენს. ... პარლამენტში ათეულობით ისეთი დეპუტატია, რომელსაც არასოდეს მოუხდენია კანონპროექტის ინიცირება და არასოდეს გამოსულა სიტყვით პარლამენტში. (დაწვრილებითი ინფორმაცია იხილეთ პარლამენტის საქმიანობის ყოველწლიურ შეფასებაში) პარლამენტის ასეთ წევრებს შორის მრავლად არიან იურისტები, ეკონომისტები და სხვა პროფესიის წარმომადგენლები", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ინფორმაციის თავისუფების განვითარების ინსტიტუტმა (IDFI) „საჯარო და კერძო სექტორებს შორის დიალოგის ხარისხის კონტროლი საქართველოში" პროექტის ფარგლებში ტრენინგი ჩაატარა. ტრენინგზე მოწვეულნი იყვნენ არასამთავრობო სექტორის წარმომადგენლები, რომლებიც ეკონომიკურ საკითხებზე მუშაობენ. „პროექტი ხორციელდება ამერიკის შეერთებული შტატების საერთაშორისო განვითარების სააგენტოს (USAID) პროგრამა „მმართველობა განვითარებისთვის საქართველოში" (G4G) ფინანსური მხარდაჭერით. პროექტის მიზანია შეიქმნას პლატფორმა საჯარო-კერძო დიალოგისთვის, რომელიც შეაფასებს საქართველოს მთავრობის მიერ დაგეგმილი და განხორციელებული საკანონმდებლო და მარეგულირებელი რეფორმების პროცესში კერძო სექტორის ჩართულობის ხარისხს", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია სპეც. უბნების თემაზე თავდაცვის მინისტრის მიერ მედიისთვის გაკეთებულ განცხადებას ეხმაურება. „სამწუხაროა, რომ საპირწონე არგუმენტების არარსებობის პირობებში, ხელისუფლების წარმომადგენლები არასამთავრობო ორგანიზაციებისა და მათი წარმომადგენლების შეურაცხყოფასა და მათი საქმიანი ავტორიტეტის შელახვას ცდილობენ. განსაკუთრებით სამწუხაროა, როცა ამას არასამთავრობო სექტორის ყოფილი წარმომადგენლები აკეთებენ. მიგვაჩნია, რომ პროფესიონალიზმი არასამთავრობო ორგანიზაციების მხრიდან უპირველესად კეთილსინდისიერებას მოითხოვს და კანონმდებლობასა თუ პრაქტიკაში არსებულ ხარვეზებზე ღიად საუბარს. ჩვენ მუდმივად მზად ვართ, გავმართოთ ხელისუფლების ნებისმიერ წარმომადგენელთან თუ უწყებასთან საგნობრივი დისკუსია, მაგრამ მიუღებელია არასამთავრობო ორგანიზაციის გაჩუმების მცდელობა, რა ფორმითაც არ უნდა ხდებოდეს ეს", ნათქვამია ორგანიზაციის განცხადებაში. სრულად... წყარო: gyla.ge

თბილისი. „საერთაშორისო გამჭვირვალობა - საქართველო" ანაკლიელ მეთევზეთა პრობლემებით დაინტერესდა და ბლოგპოსტი გამოაქვეყნა. „მეთევზეთა უმრავლესობისათვის თევზჭერა და თევზის რეალიზაცია შემოსავლის ერთადერთ წყაროს წარმოადგენს. შესაბამისად, ანაკლიელი მეთევზეები მოითხოვენ, რომ მათ გაუმარტივდეთ ლიცენზიის მისაღებად დადგენილი პირობები ან მიეცეთ მათთვის ხელმისაწვდომ ადგილას (გარდა დაცული ტერიტორიებისა) ლიცენზიის გარეშე თევზჭერის ნებართვა. „საერთაშორისო გამჭვირვალობა - საქართველო" მოუწოდებს გარემოს ეროვნულ სააგენტოს, მიმდინარე წელს თევზჭერის ლიცენზიაზე მორიგი აუქციონის გამოცხადებისას იმგვარად განსაზღვროს პირობები, რომ ლიცენზია ხელმისაწვდომი იყო არა მხოლოდ მსხვილ კომპანიების, არამედ მწირი ფინანსური შესაძლებლობის მქონე მეთევზეებისთვისაც", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. „ფრიდომ ჰაუსის" შეფასებით, 2015 წელი ბოლო ათწლეულის განმავლობაში მსოფლიოში თავისუფლების კუთხით ყველაზე უარესი იყო. „ფრიდომ ჰაუსის" შეფასებით, საქართველო წინა წლების მსგავსად ნაწილობრივ თავისუფალი ქვეყნების კატეგორიაში რჩება. ორგანიზაციას შეფასებული აქვს ვითარება ე.წ. სადავო ტერიტორიებზეც, მათ შორის საქართველოს ოკუპირებულ რეგიონებში. უფლებადამცველი ორგანიზაციის შეფასებით, აფხაზეთი ნახევრად თავისუფალია, სამხრეთი ოსეთი კი არათავისუფალთა კატეგორიაშია", ნათქვამია ანგარიშში. სრულად... წყარო: www.radiotavisupleba.ge

თბილისი. საქართველოს სახალხო დამცველის ბრძანებით დამტკიცდა სპეციალური პრევენციული ჯგუფის განახლებული შემადგენლობა. „პრევენციის ეროვნული მექანიზმის ფუნქციების ეფექტიანი განხორციელების უზრუნველსაყოფად სპეციალური პრევენციული ჯგუფი დაკომპლექტებულია სხვადასხვა დარგის სპეციალისტებით. ჯგუფის შემადგენლობაში შედის 6 იურისტი, 5 ექიმი, 2 ექსპერტი ჯანდაცვის საკითხებში, 2 ფსიქიატრი, 6 ფსიქოლოგი, 5 სოციალური მუშაკი, 4 ექსპერტი დისკრიმინაციის საკითხებში (მათ შორის 2 შშმ პირი), 2 ექსპერტი არასრულწლოვანთა მართლმსაჯულების საკითხებში", ნათქვამია ომბუდსმენის განცხადებაში. სრულად... წყარო: www.ombudsman.ge

თბილისი. „ფერადი ინფო" აქვეყნებს ვიზუალიზაციას: „ლარი აგრძელებს გაუფასურებას" – 2014 წლის ნოემბრიდან 2016 წლის იანვრამდე ლარი დოლართან მიმართებით 42,43%-ით გაუფასურდა. სრულად... წყარო: feradi.info

სამეგრელო. 27 იანვარს, მარტვილში, ზოგადსაგანმანათლებლო სკოლა „სხივში" გაიმართა სამოქალაქო განათლების პროგრამა „მომავლის თაობის" შემაჯამებელი ღონისძიება. „ღონისძიების ფარგლებში, პროგრამაში ჩართულმა სხვადასხვა სკოლებმა წარმოადგინეს პროგრამის ფარგლებში განხორციელებული ინიციატივების, პროექტებისა და ღონისძიებების პრეზენტაციები. ღონისძიება ორგანიზებულია სამოქალაქო განათლების პროგრამა „მომავლის თაობის" ფარგლებში, რომელსაც ახორციელებს ამერიკული ორგანიზაცია PH International, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. პროგრამა სამეგრელოს რეგიონში ხორციელდება ასოციაცია „ათინათის" მიერ", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ფერადი ინფო" აქვეყნებს ვიზუალიზაციას: რაგბი ჩვენი თამაშია". „მიუხედავად იმისა, რომ ქართველები ლელოს, რაგბის მსგავს თამაშს, საუკუნეების განმავლობაში თამაშობდნენ, საქართველოს ნაკრები შედარებით ახალგაზრდა გუნდია. მან საერთაშორისო ასპარეზზე პირველად 1989 წელს ითამაშა. საქართველო რაგბის სფეროში მსოფლიოს ერთერთი ყველაზე სწრაფად მზარდი ქვეყანაა. ევროპის ერთა თასსა და მსოფლიო ჩემპიონატზე საქართველოს წარმატებულმა ასპარეზობამ ბიძგი მისცა მოწოდებებს, რომ გაფართოვდეს ექვსი ერის ტურნირი და საქართველოს მიეცეს შესაძლებლობა, ეთამაშოს უფრო მაღალი რანგის გუნდებს", ნათქვამია ვიზუალიზაციაში. სრულად... წყარო: feradi.info

28 იანვარს, 14:00 საათზე, არასამთავრობო ორგანიზაცია „იდენტობა” გიწვევთ იურისტის, დავით კლდიაშვილის საჯარო ლექციაზე: „აზროვნების აჯანყება”. ლექცია ჩატარდება ქუთაისის დემოკრატიული ჩართულობის ცენტრში სრულად... მისამართი: ქუთაისი, დემოკრატიული ჩართულობის ცენტრი, პუშკინის #6

28 იანვარს, 12:00 საათზე, „პირველ პრესკლუბში" „ახალგაზრდა ფინანსისტთა და ბიზნესმენთა ასოციაციის – აფბას” ანალიტიკოსი ზურაბ კუკულაძე ბრიფინგს გამართავს. თემა: აფბა ონლაინ-თამაშების მკაცრ რეგულაციას ითხოვს, ორგანიზაცია დარგის რეგულირების კონცეფციაზე მუშაობას იწყებს. მისამართი: თბილისი, წერეთლის 116, ბიზნეს ცენტრი „დიდუბე პლაზა”, მეორე სართული.

თბილისი. არასამთავრობო ორგანიზაციები ეხმაურებიან აღმასრულებელი ხელისუფლების მიერ მომზადებულ საკანონმდებლო ცვლილებებს, სამხედრო მოსამსახურეების არჩევნებში მონაწილეობის წესზე. „აღნიშნული ცვლილებებით უქმდება სპეციალური უბნების შექმნის შესაძლებლობა სამხედრო ნაწილებში და უფრო დეტალურად განისაზღვრება სამხედრო მოსამსახურეთა არჩევნებში მონაწილეობის ცალკეული საკითხები, რაც დადებითად უნდა შეფასდეს. თუმცა, ამის მიუხედავად, ხელისუფლების პროექტი არსებითად ვერ ცვლის სამხედრო მოსამსახურეების მიერ არჩევნებში მონაწილეობის კუთხით არსებულ პრობლემას", ნათქვამია ერთობლივ განცხადებაში. სრულად... წყარო: www.isfed.ge

თბილისი. ადამიანის უფლებების სწავლებისა და მონიტორინგის ცენტრი (EMC) რელიგიის თავისუფლების შეზღუდვისა და რელიგიური ნიშნით სავარაუდო დისკრიმინაციაზე ანგარიშს აქვეყნებს. „წინამდებარე ანგარიშის მიზანია, საზოგადოებას გაუზიაროს ინფორმაცია იმ საქმეების შესახებ, რომლებსაც EMC აწარმოებდა და რომლებიც რელიგიის თავისუფლების შეზღუდვის ან რელიგიური კუთვნილების ნიშნით სავარაუდო დისკრიმინაციის ფაქტებს უკავშირდება. დოკუმენტი მოიცავს მიმდინარე საქმეების დავის არსისა და დასაბუთების მოკლე მიმოხილვას, ასევე, ინფორმაციას საქმეების მიმდინარეობისა და მნიშვნელობის შესახებ", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. „საქართველოს დემოკრატიული ინიციატივა" ავრცელებს ნოემბრის ბიულეტენს, რომელშიც თავმოყრილია ამ თვის მნიშვნელოვანი მოვლენები ადამიანის უფლებათა კუთხით. „აღნიშნულ პერიოდში კვლავ მნიშვნელოვან გამოწვევად რჩებოდა რუსთავი 2-ის საქმე. ბიულეტენში ასევე გამახვილებულია ყურადღება ხელისუფლების წარმომადგენელთა მხრიდან საკონსტიტუციო სასამართლოზე განხორციელებულ ზეწოლაზე. ბიულეტენი შეეხება წამების საკითხებში გაეროს სპეციალური მომხსენებლის ანგარიშსა და გაეროს ადამიანის უფლებათა საბჭოს უნივერსალური პერიოდული მიმოხილვის ფარგლებში საქართველოში ადამიანის უფლებათა მდგომარეობის განხილვასაც", ნათქვამია ორგანიზაციის ვებ-გვერდზე. სრულად... წყარო: gdi.ge

თბილისი. 28 იანვარს, განვითარებისა და დემოკრატიის ცენტრი (CDD) გარდაბანის მუნიციპალიტეტის გამგებლის რიგგარეშე არჩევნების მონიტორინგს განახორციელებს. „CDD-ს სადამკვირვებლო მისია 20 აკრედიტირებული და დატრენინგებული დამკვირვებლისგან შედგება, მათ შორის 4 მობილური ჯგუფი. დამკვირვებლები გადანაწილებული არიან როგორც საუბნო საარჩევნო კომისიებში, ისე საოლქო საარჩევნო კომისიაში. სადამკვირვებლო მისიის წევრები დააკვირდებიან კენჭისყრის დღის პროცედურებს, რაც მოიცავს: უბნის გახსნას, კენჭისყრის პროცესს, უბნის დახურვასა და შედეგების შეჯამებას. მისია ასევე დააკვირდება ვაზიანში განთავსებულ გამონაკლის შემთხვევაში შექმნილ N64 საარჩევნო უბანს", ნათქვამია ორგანიზაციის ვებ-გვერდზე. სრულად... წყარო: cdd.ge

თბილისი. 27 იანვარი ჰოლოკოსტის მსხვერპლთა ხსოვნის საერთაშორისო დღეა. საქართველოს სახალხო დამცველთან არსებულმა ტოლერანტობის ცენტრმა და საერთაშორისო ფონდმა „ლეამ" ამ დღისადმი მიძღვნილი ღონისძიება გამართეს. „შეხვედრის გახსნისას სახელმწიფო უწყებების, დიპლომატიური კორპუსის, საერთაშორისო ორგანიზაციების, სახალხო დამცველთან არსებული რელიგიათა და ეთნიკური უმცირესობების საბჭოების წევრებმა წუთიერი დუმილით პატივი სცეს ჰოლოკოსტის მსხვერპლთ. ... ღონისძიების მონაწილეებმა მენორაზე სანთლები დაანთეს და პატივი მიაგეს ჰოლოკოსტის დროს დაღუპული 6 მილიონი ებრაელის, 2 მილიონი ბოშას და ნაცისტური რეჟიმის ყველა სხვა მსხვერპლის ხსოვნას. დასასრულს, რაბი ავიმელეხ როზენბლატმა მოსახსენიებელი ლოცვა წაიკითხა", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. „საერთაშორისო გამჭვირვალობის" სამდივნოს მიერ დღეს გამოქვეყნებულ კორუფციის აღქმის ინდექსში (CPI) საქართველო 100 შესაძლებელი ქულიდან 52 ქულით 48-ე ადგილზეა 168 ქვეყანას შორის. „კორუფციის აღქმის ინდექსში საქართველომ 2012 წელს 52 ქულა მიიღო (51-ე ადგილი), 2013 წელს 49 ქულა (55-ე ადგილი), ხოლო 2014 წელს - კვლავ 52 ქულა (50-ე ადგილი). ვინაიდან, კორუფციის აღქმის ინდექსის მეთოდოლოგიის თანახმად, ქვეყანაში კორუფციის აღქმის დონის მნიშვნელოვან ცვლილებაზე საუბარი მხოლოდ მისი მაჩვენებლის 4 ან მეტი ქულით მატების ან კლების შემთხვევაში შეიძლება, ეს შედეგები იმაზე მეტყველებს, რომ საქართველოში კორუფციის აღქმის დონე ბოლო ოთხი წლის მანძილზე სტაბილურია და ამ პერიოდში მნიშვნელოვანი პროგრესი ან უკუსვლა არ მომხდარა", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრმა (EMC) 21 თბილისის სააპელაციო სასამართლოში 17 მაისის საქმესთან დაკავშირებით სასამართლო მეგობრის მოსაზრება (Amicus Curiae) წარადგინა. „სასამართლო მეგობრის მოსაზრება ხაზს უსვამს სახელმწიფოს ვალდებულებას სამართლიანი, ობიექტური და დასაბუთებული შეფასება მისცეს ბრალდებულთა მიერ განხორციელებულ ქმედებას, გამოკვეთოს შესაძლო დისკრიმინაციული მოტივი და საქმეზე ობიექტური გადაწყვეტილება მიიღოს. მნიშვნელოვანია, რომ სასამართლომ გაიაზროს აღნიშნული საქმის მნიშვნელობა საზოგადოების, ლგბტ თემისა და დემოკრატიული ღირებულებების დაცვისთვის. სახელმწიფო ვალდებულია, აღმოფხვრას დაუსჯელობის ატმოსფერო, რაც საბოლოო ჯამში ხელს შეუწყობს ლგბტ პირთა მიმართ დისკრიმინაციული პრაქტიკისა და ძალადობის შემცირებას ქვეყანაში”, ნათქვამია ორგანიზაციის ვებ-გვერდზე. სრულად... წყარო: emc.org.ge

27 იანვარს, 18:30 საათზე, კავკასიის კვლევითი რესურსების ცენტრი (CRRC-საქართველო), ამერიკული საბჭოები და სამხრეთ კავკასიის ამერიკული კვლევითი ინსტიტუტი (ARISC) წარმოგიდგენთ 2016 წლის გაზაფხულის სეზონის მეორე სესიას: „Nomen est omen: უმცირესობებით დასახლებული სოფლების სახელის გადარქმევა საქართველოში". სრულად... მისამართი: თბილისი, ჩხიკვაძის #5

27 იანვარს, 14:00 საათზე, „პირველ პრესკლუბში" სამი არასამთავრობო ორგანიზაციის: „სამართლიანი არჩევნებისა და დემოკრატიის საერთაშორისო საზოგადოების", „საერთაშორისო გამჭვირვალობა - საქართველოს" და „საქართველოს ახალგაზრდა იურისტთა ასოციაციის" ხელმძღვანელები პრესკონფერენციას გამართავენ. თემა: არასამთავრობოები სპეციალურ უბნებთან დაკავშირებით პარლამენტს მიმართავენ. მისამართი: თბილისი, წერეთლის 116, ბიზნეს ცენტრი „დიდუბე პლაზა", მეორე სართული

27 იანვარს, 11:00 საათზე, სახალხო დამცველი საქართველოს პარლამენტის ეროვნული ბიბლიოთეკის საგამოფენო დარბაზში ჰოლოკოსტის ხსოვნისადმი მიძღვნილ ღონისძიებას გამართავს. მისამართი: თბილისი, ლადო გუდიაშვილის #7

27 იანვარს, 11:00 საათზე, „პირველ პრესკლუბში" ორგანიზაცია „ახალგაზრდა ადვოკატების" ხელმძღვანელი, არჩილ კაიკაციშვილი სპეციალურ განცხადებას გააკეთებს და საქართველოს პრეზიდენტს, საქართველოს ეროვნული ბანკის საბჭოს წევრობის კანდიდატად საერთაშორისო ფინანსურ ინსტიტუტებში აღიარებულ სპეციალისტს წარუდგენს. მისამართი: თბილისი, წერეთლის 116, ბიზნეს ცენტრი „დიდუბე პლაზა", მეორე სართული