თბილისი. Erasmus+ პროგრამის შესახებ ხშირად დასმულ შეკითხვებზე პასუხებს ავრცელებს. შეუძლია თუ არა ბაკალავრიატის დამამთავრებელი კურსის სტუდენტს მაგისტრატურაში სწავლაზე განაცხადის შევსება? პროგრამის ამჟამინდელ სტიპენდიანტებს თუ აქვთ კიდევ ერთხელ კონკურსში მონაწილეობის მიღების უფლება? - და სხვა კითხვებზე პასუხებს პროგრამა სოციალურ ქსელში პასუხობს. სრულად... წყარო: პროგრამის გვერდი სოციალურ ქსელში

თბილისი. Erasmus Mundus–ის გაცვლითი რამდენიმე სასწავლო პროგრამის საკონკურსო ვადები გამოქვეყნდა. მათ, ვისაც სურს მონაწილეობა მიიღოს საკონკურსო პროგრამებში დეტალური ინფორმაციისათვის მიმართეთ პროგრამებში მონაწილე ქართულ უნივერსიტეტებს. ინფორმაცია კონკურსების შესახებ... წყარო: Erasmus+ საქართველოს ეროვნული ოფისის ვებგვერდი

აჭარა. 17 ოქტომერს, ბათუმის საჯარო ბიბლიოთეკაში საინფორმაციო შეხვედრა გაიმართა, სადაც მოწვეულ სტუმრებს საზოგადოებრივმა ორგანიზაციამ „ცვლილებები საზღვრებს გარეშე" – „მოსწავლეთა ჩართულობის" პროგრამის გაგრძელების შესახებ ისაუბრა. არასამთავრობო ორგანიზაციისა და ამერიკის საელჩოს ორგანიზებით ბათუმში სოციალურად დაუცველი, შეჭირვებული და მრავალშვილიანი ოჯახების ბავშვვები 2 წლის განმავლობაში ინგლისურ ენას უფასოდ შეისწავლიან. მოზარდებს გაკვეთილები კვირაში ორჯერ, ბათუმის საჯარო ბიბლიოთეკის „ამერიკულ კუთხეში" ჩაუტარდებათ. 25 შერჩეულ ახალგაზრდას წინა ნაკადის მოსწავლეებმა საზეიმო დახვედრა მოუწყვეს. აღნიშნული პროგრამა ბათუმში უკვე მეორე წელი მიმდინარეობს.

თბილისი. 20 ოქტომბერს, 15:30 საათზე სასტუმრო „ჰოლიდეი ინნ–ის" საპრეზენტაციო დარბაზში ევროპის კერძო უნივერსიტეტის Università Cattolica del Sacro Cuore (UCSC) - პრეზენტაცია-სემინარი გაიმართება. შეხვედრის სტუმრებს საშუალება ექნებათ გაესაუბრონ უნივერსიტეტის საერთაშორისო დეპარტამენტის წარმომადგენელს და სააგენტო „ლიბრას" სერტიფიცირებულ კონსულტანტებს, ასევე მიიღებენ ინფორმაციას ინგლისური და იტალიურ ენოვანი პროგრამებისა და დაფინანსების შესაძლებლობასთან დაკავშირებით. სრულად... წყარო: cspinfo.ge

თბილისი. ახალი ეკონომიკური სკოლა – საქართველო, 17 ოქტომბერს გამართავს სალექციო კურსის პირველ ლექციას თემაზე: ეკონომიკური თავისუფლება ევროპის კავშირში გაწევრიანების შემდეგ - ცენტრალური და აღმოსავლეთ ევროპის გამოცდილება. სრულად... წყარო: ახალი ეკონომიკური სკოლა – საქართველო

კახეთი. თელავში, თესაუში არასამთავრობო ორგანიზაციამ ,,ეკონომიკური პოლიტიკის ექსპერტთა ცენტრმა" საჯარო ლექცია გამართა. ლექციების მიზანია სტუდენტებისათვის ეკონომიკური თავისუფლებისა და კერძო საკუთრების ეკონომიკური მნიშვნელობების გაცნობა.

თბილისი. Erasmus+საქართველო ინფორმაციას აქვეყნებს, რომ 15 ოქტომბერს Erasmus Mundus გაცვლითი პროექტი "MEDEA" გამოაცხადებს კონკურსს. აღნიშნული პროექტი მხოლოდ მედიცინის სფეროს სტუდენტებსა და პროფესორებს ეხებათ. სრულად... წყარო: პროგრამის ვებგვერდი სოციალურ ქსელში

თბილისი. „ინტერნიუსი-საქართველომ" ახალგაზრდა ჟურნალისტებისა და ჟურნალისტიკის ფაკულტეტის დამამთავრებელი კურსის სტუდენტებისთვის სამდღიანი ტრენინგი გამართა. ტრენინგის თემა იყო ინფორმაციის გადამოწმება და ბალანსი. სემინარს უძღვებოდა ირაკლი ბერულავა, „ინტერნიუსი-საქართველოს" წარმოების მენეჯერი. ღონისძიება ჩატარდა პროექტის - „კონფლიქტების სენსიტიური გაშუქების ხელშეწყობა სამხრეთ კავკასიაში" - ფარგლებში. ეს არის საქართველოს, აზერბაიჯანის და სომხეთის ერთობლივი პროექტი, რომელიც ასევე მოიცავს კონფლიქტურ რეგიონებს (ყარაბაღი, აფხაზეთი, სამხრეთ ოსეთი). პროექტის ფარგლებში ჩატარდება კიდევ ერთი სემინარი კონფლიქტების გაშუქების თემაზე. ყოველი თემატური სემინარის ბოლოს მონაწილეები იღებენ სერთიფიკატებს და მეთოდურ მითითებებს. წყარო: media.ge

თბილისი. 17 ოქტომბერს, 18:00 საათზე, ბულგარეთის ამერიკული უნივერსიტეტი და „საერთაშორისო განათლების ცენტრი" სკოლის მე–10, მე–11 და მე–12 კლასელებისათვის გამართავენ ბულგარეთის ამერიკული უნივერსიტეტის ღია კარის დღეს. უნივერსიტეტის წარმომადგენელი – ტრეისი მინარდი, ჟურნალისტიკისა და მასკომუნიკაციის ფაკულტეტის პროფესორები – მელოდი გილბერტი და მარკ ვოლმანი და „საერთაშორისო განათლების ცენტრის" პროგრამების მენეჯერი – ნათია ნანავა, ჩაატარებენ პრეზენტაციას ბულგარეთის ამერიკულ უნივერსიტეტში სწავლის შესაძლებლობების შესახებ.დასწრება თავისუფალია.მისამართი: თბილისი, ჭოველიძის ქ. #10, ფონდი „ღია საზოგადოება – საქართველოს" საკონფერენციო დარბაზი.  სრულად წყარო: საერთაშორისო განათლების ცენტრის გვერდი სოციალურ ქსელში

თბილისი. შეზღუდული შესაძლებლობის მქონე ახალგაზრდებმა ადვოკატირებასა და ტრენინგის წამყვანის უნარ-ჩვევების შესახებ ტრენინგ-კურსები გაიარეს. ტრენინგებს უძღვებოდნენ - გიორგი ძნელაძე, რატი იოანთამიშვილი და ნიკა დონჯაშვილი. ტრენინგი მიზნად შშმ პირთა გააქტიურებასა და სამოქალაქო უფლებების დაცვის პროცესში ჩართულობას ისახავდა მიზნად. ტრენინგი ჩატარდა პროექტის - „შეზღუდული შესაძლებლობის მქონე მეწარმეთა დასაქმების კავშირის” - ფარგლებში, რომელიც გერმანიის საელჩოს მხარდაჭერით ხორციელდება. წყარო: ორგანიზაციის გვერდი სოციალურ ქსელში

მცხეთა–მთიანეთი. 7 ოქტომბერს, გუდამაყრის ხეობაში, დაბა კიტოხში არასამთავრობო ორგანიზაციამ „კონსტიტუციის 42–ე მუხლმა" დისკუსია და კონსულტაციები გამართა. შეხვედრა სოფლად მცხოვრები ქალების ძირითადი უფლებებისა და თავისუფლებების შესახებ ცოდნის ამაღლებას, სამოქალაქო საზოგადოების როლის გაძლიერებასა და დემოკრატიული პროცესების სტიმულირებას მიეძღვნა. დისკუსიის შემდეგ, ორგანიზაციის იურისტებმა იურიდიული კონსულტაციები გაუწიეს როგორც დისკუსიის მონაწილეებს, ასევე რაიონის მოსახლეობის დაინტერესებულ ნაწილს. შეხვედრა პროექტის „ქალთა გაძლიერება სოციალური განვითარებისათვის" ფარგლებში ჩატარდა. პროექტი „გერმანიის საერთაშორისო თანამშრომლობის საზოგადოების" (GIZ) მხარდაჭერით ხორციელდება და საქართველოს 15 რაიონსა თუ სოფელს მოიცავს. სრულად... წყარო: ორგანიზაციის გვერდი სოციალურ ქსელში

თბილისი. 21 ოქტომბრიდან, Erasmus+ ახალი საგრანტო კონკურსის პირობების გაცნობის მიზნით საინფორმაციო სემინარებს ჩაატარებს. შეხვედრები ჩატარდება თბილისში, თელავში, ქუთაისსა და ბათუმში. ასევე დამატებით ჩატარდება მიზნობრივი ტრენინგები ინსტიტუციური თანამშრომლობის პროექტების, ჟან მონეს პროექტების და მობილობისა და ერთობლივი სამაგისტრო პროექტების შესახებ. სრულად... წყარო: erasmusplus.org.ge

თბილისი. აშშ–ის საელჩო აწყობს ფულბრაიტის პროგრამით დაინტერესებული პირებისთვის ონლაინ კონსულტაციას. ვებ–ჩატის საშუალებით შეგიძლიათ მიიღოთ ინფორმაცია პროგრამის შესახებ და თქვენს კითხვებს პროგრამის კოორდინატორი უპასუხებს. ვებ–ჩატი გაიმართება 15 ოქტომბერს. სურალდ... წყარო: აშშ–ს საელჩოს ვებგვერდი სოციალურ ქსელში

თბილისი. ორგანიზაცია „მოქალაქის" პროექტებში მონაწილეობის მსურველთა რეგისტრაცია დღეიდან იწყება. „მოქალაქემ" ორი პროექტის – „სამოქალაქო განათლების ოლიმპიადა" და „სტუდენტები თვითმმართველობისათვის" პრეზენტაცია 6 ოქტომბერს გამართა. „სამოქალაქო განათლების ოლიმპიადა" მოსწავლეებში სამოქალაქო ღირებულებების დამკვიდრების ხელშეწყობას ისახავს მიზნად. მეორე პროექტის - „სტუდენტები თვითმმართველობისათვის" - მიზანია, ახალგაზრდების ჩართვა სამოქალაქო საზოგადოების განვითარების პროცესში, ადგილობრივი დემოკრატიის გაძლიერება, თვითმმართველობის იდეის პოპულარიზაცია ახალგაზრდებში. სრულად... წყარო: ორგანიზაციის გვერდი სოციალურ ქსელში

თბილისი. ამერიკის საელჩო აქვეყნებს ინფორმაციას ვებგვერდის შესახებ, რომელიც განკუთვნილია ინგლისური ენის მასწავლებლისა და მოსწავლისათვის. ვებ-გვერდზე ვიზიტორებს შეუძლიათ გაეცნონ უფასო წიგნებს, აუდიო მასალებს, ჟურნალებს, ვიდეოებს და სხვა მრავალი სახის მასალას. საძიებო ველი საშუალებას აძლევს მომხმარებლებს ზუსტად შეარჩიონ სასურველი ინფორმაცია ცოდნის დონის, უნარის, მასალის სახის, პედაგოგიური კატეგორიებისა და თემების მიხედვით. ვებ-გვერდი... წყარო: ამერიკის საელჩოს გვერდი სოციალურ ქსელში

კახეთი. არასამთავრობო ორგანიზაციამ, ,,კახეთის სამოქალაქო ლიგამ", საბავშვო ბაღების მართვის გაუმჯობესების პროექტი დაასრულა და შემაჯამებელი პრეზენტაცია გამართა. პროექტი მიზნად ისახავდა თელავის მუნიციპალიტეტის საბავშვო ბაღებისთვის მართვის მინიმალური სტანდარტის შემუშავებას უშუალოდ ამ სფეროს სპეციალისტებთან და ამ სფეროს ექსპერტებთან თანამშრომლობით. პროექტის ფარგლებში ჩატარდა 4 სრულყოფილი კვლევა, დამუშავდა სკოლამდელი აღზრდის პროცესში მშობელთა ჩართულობის მექანიზმები და გრძელდება მუშაობა ამ მიმართულებით. ეს კვლევები და შესაბამისი რეკომენდაციები წარედგინა თელავის მუნიციპალიტეტის საკრებულოს, აცხადებს ორგანიზაციის ხელმძღვანელი თინათინ ხანჯალიაშვილი.

თბილისი. 4 ოქტომბერს გაიხსნა „კავკასიური სახლის” შაბათ-კვირის მრავალეროვანი სკოლის მე-20 ნაკადი. მასში მონაწილეობდნენ მოსწავლეთა ახალი კონტინგენტი, მათი მშობლები, მასწავლებლები, წინა ნაკადების მოსწავლეები, „კავკასიური სახლის" თანამშრომლები და სტუმრები. სკოლის იდეის ავტორმა და „კავკასიური სახლის” ხელმძღვანელმა, მწერალმა, მთარგმნელმა და საზოგადო მოღვაწემ, ნაირა გელაშვილმა დამსწრე საზოგადოებას წარუდგინა სკოლის პედაგოგიური კოლექტივი, ისაუბრა სკოლის შინაარსსა და პრიორიტეტებზე, სიახლეებზე. წყარო: ორგანიზაციის გვერდი სოციალურ ქსელში

შიდა ქართლი. საქველმოქმედო ჰუმანიტარული ცენტრი „აფხაზეთი" აგრძელებს პროექტის - „ახალგაზრდების მონაწილეობა და განვითარება" – იმპლემენტაციას გორის მუნიციპალიტეტის 8 სოფლის საჯარო სკოლაში. აღნიშნული პროექტის ფარგლებში, 2 ოქტომბერს, შინდისისა და ახალდაბის საჯარო სკოლის მათემატიკის კლუბების წევრებს შორის გაიმართა შეჯიბრება მათემატიკის ცოდნასა და ლოგიკურ აზროვნებაში. შეჯიბრების დაწყებამდე ბავშვებმა ერთმანეთი სახალისო თამაშით გაიცნეს და შემდეგ სამ შერეულ ჯგუფში გადანაწილდნენ. თითოეული მონაწილე აქტიურად ჩაერთო სხვადასხვა მაგალითისა, თუ ამოცანის ამოხსნის პროცესში. მოსწავლეებმა აღნიშნეს, რომ გარდა იმისა, რომ შეჯიბრს ყოველთვის თან ახლავს აზარტი, მათ კიდევ ერთხელ შეამოწმეს თავი მათემატიკის ცოდნასა და სწრაფ ლოგიკურ აზროვნებაში და ახალი მეგობრებიც შეიძინეს. პროექტი დაფინანსებულია აშშ–ის საერთაშორისო განვითარების სააგენტოს (USAID) მიერ და ხორციელდება გაეროს ბავშვთა ფონდთან (UNICEF) თანამშრომლობით.

თბილისი. აშშ–სა და მსოფლიოში ერთ–ერთი საუკეთესო სასწავლებელია ტაფტის უნივერსიტეტი. აშშ–ში სწავლით დაინტერესებულ პირებს შესაძლებლობა ეძლევათ პირად შეხვდნენ ადამიანს, რომელიც ტაფტში საერთაშორისო სტუდენტთა აპლიკაციებს განიხილავს. ბენ ბაუმთან შეხვედრა 7 ოქტომბერს, 18:00 საათზე საერთაშორისო განათლების ცენტრში შედგება. სრულად... წყარო: აშშ–ს საელჩოს ვებგვერდი სოციალურ ქსელში

კახეთი. კახეთის სამხარეო განვითარების პროგრამის ფარგლებში, თელავში ჩატარდა შეხვედრა, რომელზეც სააღმზრდელო დაწესებულებებში არსებულ მდგომარებაზე ისაუბრეს. შეხვედრაზე დამსწრე არასამთავრობო სექტორის წარმომადგენლებმა ადრეული და სკოლამდელი განათლების სტრატეგიისა და სამოქმედო გეგმის 2015-2020 წლების სამუშაო ვერსია განიხილეს. არასამთავრობო და სამთავრობო სექტორის გარდა, შეხვედრას ესწრებოდნენ გურჯაანის, ყვარელის და თელავის სკოლამდელი დაწესებულებების ხელმძღვანელები, მენეჯერები და აღმზრდელები.

თბილისი. 30 სექტემბერს, კლუბ „ფრონტლაინ ჯორჯიაში", „ლიბერალის ორგანიზებით გაიმართა დისკუსია: „უნდა ისწავლებოდეს თუ არა რელიგიის საგანი სკოლაში?". დისკუსიაში მონაწილეობას იღებდნენ ნათია ჯოხაძე (ეროვნული სასწავლო გეგმების დეპარტამენტის ხელმძღვანელი), თამთა მიქელაძე (ადამიანის უფლებების სწავლებისა და მონიტორინგის ცენტრი), ზურაბ ვარაზი (საქართველოს საპატრიარქოს სოციალური დაცვის დეპარტამენტის ხელმძღვანელი). დისკუსიას რელიგიების სააგენტოს სამართლებრივი უზრუნველყოფის სამსახურის ხელმძღვანელი, არჩილ მეტრეველი დაესწრო.  საჯარო დისკუსიები ტარდება აშშ–ის საელჩოს ფინანსური მხარდაჭერით.  მათ, ვინც ვერ შეძლო დისკუსიაზე დასწრება. „ლიბერალი" საშუალებას აძლევს იხილოს დისკუსიის ვიდეოჩანაწერი. წყარო: liberali.ge

2 ოქტომბერს, სამოქალაქო საზოგადოების ინსტიტუტმა რეგიონული ტურნე თელავში დაასრულა. ინსტიტუტის წარმომადგენლებმა საინფორმაციო შეხვედრები 7 ქალაქში გამართეს, რომლებზეც საზოგადოებრივი ორგანიზაციების წარმომადგენლებს, სტუდენტებსა და დაინტერესებულ პირებს დისტანციური სწავლების ახალი ქართული პორტალის - E-learning.ge-ს შესახებ მიაწოდეს ინფორმაცია. დამსწრეებს საჩუქრად ასევე გადაეცათ სამოქალაქო საზოგადოების ინსტიტუტის მიერ გამოცემული წიგნი - „სამოქალაქო საზოგადოება- პუბლიცისტიკა ესეები".