გურია. კავშირი „ბავშვი, ოჯახი, საზოგადოება", პროექტის „კითხვა უკეთესი მომავლისათვის" – ფარგლებში მართავს ბანაკს მხედველობა დაქვეითებული და უსინათლო ბავშვთათვის და მათი მშობლებისთვის. ბანაკის ფარგლებში ჩატარდება აქტიური მუშაობა როგორც მშობლებთან, ასევე ბავშვებთან. მშორბლები გაეცნობიან მხედველობის დარღვევების მქონე ბავშვებთან სწორი კომუნიკაციის, მათთვის დამოუკიდებელი ცხოვრების, სივრცეში ორიენტაციის, სხვადასხვა სოციალური თუ აკადემიური უნარების განვითარების მეთოდებს და ა.შ. ცალკე აქტივობები გაიმართება ბავშვებისათვის – ტრენერები ყოველდღიურად იმუშავებენ საყოფაცხოვრებო, სივრცითი ორიენტციის, ეფექტური კომუნიკაციის, აკადემიური უნარების განვითარებაზე და ასე შემდეგ. ბანაკი მიმდინარეობს პროექტის „კითხვა უკეთესი მომავლისათვის" ფარგლებში, რომლის მხარდამჭერია აშშ–ის საერთაშორისო განვითარების სააგენტო. წყარო: ორგანიზაცია „ბავშვი, ოჯახი, საზოგადოება"

აჭარა. 21 აგვისტოს, არასამთავრობო ორგანიზაციამ „პროგრესმა" - სამაგისტრო პროგრამების პრეზენტაცია გამართა. დაინტერესებულ ახალგაზრდებს ორგანიზაციის დახმარებით შესაძლებლობა ექნებათ ჩეხეთის რესპუბლიკაში მაგისტრის ხარისხის მოსაპოვებლად ისწავლოს. ორგანიზაცია „პროგრესი" ჩეხეთის საელჩოსთან თანამშრომლობს, სწორედ ამიტომ აღნიშნული ორგანიზაცია უწევს კოორდინაციას აჭარის ტერიტორიაზე. აღნიშნული პროგრამის მიზანია, ხელი შეუწყოს ქართველ სტუდენტებს ევროპული დონის განათლების მითებაში. ჩეხეთის რესპუბლიკა მზადაა გასცეს საგანმანათლებლო სტიპენდიები და დაუფინანსოს პრაღის უმაღლეს სასწავლებელში სწავლება (3-4 წელი) რამდენიმე სტუდენტს. საბუთების მიღების ბოლო ვადა 30 სექტემბერია. სრულად სამაგისტრო პროგრამის შესახებ...

თბილისი. აშშ–ს საელჩო ინგლისური ენის მასწავლებლებისთვის, ასევე მომავალი მასწავლებლებისთვის ცოდნის გაღრმავების მიზნით ახალ ინფორმაციას ავრცელებს. „გაიღრმავეთ ცოდნა სახლიდან გაუსვლელად, ვებინარების საშუალებით. მონაწილეობისთვის აუცილებელია რეგისტრაციის გავლა...", ნათქვამია საელჩოს ვებგვერდზე. სრულად... წყარო: georgia.usembassy.gov

ქვემო ქართლი. 13 აგვისტოს, სიქას ოფისში მოეწყო თურქული ენის შემსწავლელი არაფორმალური გაკვეთილი, რომელსაც თურქი EVS- ევროპული მოხალისეობრივი სერვისის მოხალისეები უძღვებოდნენ.  გაკვეთილის მიზანი იყო თურქული ენის შესწავლა რუსთაველი ახალგაზრდებისთვის. მეთოდად გამოყენებული იქნა არაფორმალური ინსტრუმენტები როგორიც იყო კულტურული განსხვავებები, სიმღერა და თამაშები. წყარო: ორგანიზაციის გვერდი სოციალურ ქსელში

კახეთი. 9 აგვისტოს, ძალადობისგან დაცვის ეროვნულმა ქსელმა საქართველოს ადვოკატთა ასოციაციის სასწავლო ცენტრის ოფისში ტრენინგი - ,,ოჯახში ძალადობის აღკვეთის, მსხვერპლთა დაცვის და დახმარების საკითხებზე" - ჩაატარა. ტრენინგს დაესწრნენ იაკობ გოგებაშვილის თელავის სახელმწიფო უნივერსიტეტის იურიდიული კლინიკის სტუდენტები. შეხვედრაზე მოწვეული სტუმარი იყო თბილისის საქალაქო სასამართლოს მოსამართლე მირანდა ერემაძე. მონაწილეებმა სტუმართან ერთად განიხილეს საკითხები: სასამართლო პრაქტიკის ანალიზი, ადმინისტრაციული , სისხლის და სამოქალაქო მექანიზმები; ასევე სასამართლო უნარჩვევები. წყარო: ორგანიზაციის გვერდი სოციალურ ქსელში

თბილისი. Erasmus+ საქართველომ გამოაქვეყნა ინფორმაცია ახლად დაფინანსებული სამაგისტრო პროგრამების სია. სამაგისტრო პროგრამების კონკურსში მონაწილეობის მიღება შეუძლია საქართველოს მოქალაქეებსაც. სრულად... წყარო: erasmusplus.org.ge

თბილისი. 1 აგვისტოს ეროვნულ ბიბლიოთეკაში გაიმართა პროექტის – „წიგნი ყველა სოფელს" პრეზენტაცია. პროექტი, არასამთავრობო, სახელმწიფო, საქართველოს საპატრიარქოს და კერძო სექტორის ერთიანი ძალისხმევით და ორგანიზაცია ,,სტუდენტური ერთიანობის’’ და „წიგნის მეგობრების’’ ინიციატივით განხორციელდება. პროექტი რეგიონალური ცენტრებიდან მოშორებით მდებარე სოფლების მოსახლეობაში წიგნის პოპულარიზაციას ისახავს მიზნად. იგი 1 აგვისტოდან დაიწყო და საზოგადოებას აქვს შესაძლებლობა დედაქალაქის ცენტრალურ უბნებში განთავსებულ „ვისოლის" ავტოგასამართ სადგურებზე, სუპერმარკეტების ქსელ „სმარტის" და ქსელ „ვენდის" ობიექტებზე, „დავითიანნის" ოფისებში მიიტანოს წიგნები და გააჩუქონ ისინი მათთვის, ვისთვისაც წიგნი ხელმიუწვდომელია. ეროვნული ბიბლიოთეკის მიერ წიგნების დახარისხების შემდგომ, რეგიონების მოსახლეობისათვის წიგნების მიწოდებაზე ,,მოსიარულე ბიბლიოთეკა’’ იზრუნებს, რომელიც საქართველოს დიდ ქალაქებში გაჩერდება და დაგეგმილი ღონისძიებებისა და ცნობილი მწერლების დახმარებით იქაურ მოსახლეობასაც მისცემს საშუალებას გააჩუქონ წიგნები და ჩაერთონ საგანმანათლებლო პროექტში.„მოსიარულე ბიბლიოთეკა" სტარტს 14 აგვისტოს აიღებს და პირველად კახეთის რეგიონს ესტუმრება. სრულად... წყარო: ბავშვთა და ახალგაზრდობის ფონდი

შიდა ქართლი. საზოგადოებრივმა კავშირმა ,,მეგობრობის ხიდმა - ქართლოსმა" ახალგაზრდული ადგილობრივი თვითმმართველობის სკოლის მონაწილეებისთვის დაიწყო ტრენინგების კურსი. ორდღიანი ტრენინგების ფარგლებში გორის მუნიციპალიტეტში მცხოვრები ახალგაზრდები შეისწავლიან ადგილობრივ თემებში პრობლემების იდენტიფიცირების, მათი ლობირების და ადვოკატირების წესებს გადაწყვეტილების მიმღებ ორგანოებთან. შემდგომი ტრენინგების ფარგლბში კი გაეცნობიან თვითმმართველობის ფუნქციებს და უფლებამოსილებებს, გაანალიზებენ ერთობლივი მუშაობისთვის საჭირო პრინციპებს, მიიღებენ ინფორმაციას დემოკრატიის ძირითადი არსის შესახებ, გაიაზრებენ სამოქალაქო პასუხისმგებლობისა და ინიციატივის საკუთარ თავზე აღების საკითხებს, გაანალიზებენ სამოქალაქო საზოგადოებაში საკუთარ როლსა და ფუნქციას, გაეცნობიან საზოგადოებრივი ჩართულობის ფორმებს და შესაძლებლობებს. ტრენინგებს უძღვებიან არაფორმალური განათლების ახალგაზრდული ცენტრის ,,მზიანი სახლი" ტრენერები. გორის შემდეგ ტრენინგების კურსი ჩაუტარდებათ ქარელის, ხაშურის და კასპის მუნიციპალიტეტში მცხოვრებ ახალგაზრდებს, რის შემდეგაც დაგეგმილია სამუშაო ჯგუფების შექმნა პრობლემების კატეგორიზაციის და იდენტიფიცირების მიზნით მუნიციპალიტეტების მიხედვით.

თბილისი. 1 აგვისტოს, 13:00 საათზე გაიმართება პროექტის – „წიგნი ყველა სოფელს" პრეზენტაცია. „წიგნი ყველა სოფელს” - არასამთავრობო, სახელმწიფო, საქართველოს საპატრიარქოს და კერძო სექტორის ერთიანი ძალისხმევით და ორგანიზაცია ,,სტუდენტური ერთიანობის’’ და „წიგნის მეგობრების’’ ინიციატივით განხორციელდება. სპორტისა და ახალგაზრდობის საქმეთა სამინისტროს, სსიპ ბავშვთა და ახალგაზრდობის განვითარების ფონდის, „ვისოლ ჯგუფის", საპატრიარქოს ახალგაზრდული მოძრაობა „დავითიანნის", „ბაკურ სულაკაურის გამომცემლობის", „პალიტრა L”-ის, საქართველოს ეროვნული ბიბლიოთეკის და ქველმოქმედი საზოგადოების მხარდაჭერით სვანეთის, იმერეთის, კახეთის, მცხეთა-მთიანეთისა და აჭარის სოფლებისსასკოლო თუ ცენტრალური ბიბლიოთეკები საჭირო წიგნებით მომარაგდება. შესაბამისად, პროექტი რეგიონალური ცენტრებიდან მოშორებით მდებარე სოფლების მოსახლეობაში წიგნის პოპულარიზაციას ისახავს მიზნად. სრულად... წყარო: fondi.gov.ge

შიდა ქართლი. საქველმოქმედო ჰუმანიტარულმა ცენტრმა „აფხაზეთმა" ივლისში დაასრულა იუსტიციის სამინისტროს მიერ დაფინანსებული პროექტის - „ყოფილ მსჯავრდებულთა სტაჟირების ხელშეწყობა" - განხორციელება. პროექტის ფარგლებში 19-მა ყოფილმა მსჯავრდებულმა სამუშაოს მოძიების ტრენინგი გაიარა, რომლის შემდეგ თითოეულმა მათგანმა 3-თვიანი სტაჟირება გაიარა როგორც კერძო, ისე სახელმწიფო და არასამთავრობო ორგანიზაციებში. წყარო: ორგანიზაციის გვერდი სოციალურ ქსელში

აჭარა. 29 ივლისს, ბათუმის დემოკრატიული ჩართულობის ცენტრში, საზოგადოებრივმა ორგანიზაციამ „შშმ პირთა უფლებებისათვის" პრესკონფერენცია გამართა. ორგანიზაციის ხელმძღვანელი - თამაზ მჟავანაძე ერთაინ ეროვნულ გამოცდებზე შშმ პირთათვის დამატებითი დროის გამოყოფის ინიციატივაზე ისაუბრა. მისი განმარტებით, ამ დროისათვის მოქმედი დამატებითი დროის განსაზღვრის წესი უნდა შეიცვალოს და იგი ნახევარი საათიდან 45 წუთამდე გაიზარდოს. გაზრდილი დამატებითი დროიდან 30 წუთი წერითი დავალების შესრულებას, 15 წუთი კი ტესტირებას დაეთმოს. მოქმედი წესის თანახმად, წერითი დავალების შესასრულებლად 15 წუთია გამოყოფილი. თამაზ მჟავანაძე რომელიც წელს აბიტურიენტი იყო, პირადი გამოცდილებიდან ასკვნის, რომ მოტორული ფუნქციის დარღვევის შემთხვევაში ეს დრო შშმ პირისთვის არასაკმარისია. ინიციტივის შესახებ არასამთავრობო ორგანიზაციამ გამოცდებისა და შეფასების ეროვნულ ცენტრს უკვე მიმართა.

თბილისი. საჯარო პოლიტიკის კვლევისა და ტრენინგების ცენტრის რიგით მეოთხე საჯარო პოლიტიკის ანგარიშის -,,სახელმწიფო საგანმანათლებლო პოლიტიკა და მასწავლებელთა ხელფასები საქართველოში" - პრეზენტაცია-დისკუსია გაიმართა. ღონისძიებაზე კვლევის ავტორმა ილიას სახელმწიფო უნივერსიტეტის ასოცირებულმა პროფესორმა შორენა მაღლაკელიძემ პრეზენტაციაში მონაწილე საჯარო და არასამთავრობო ორგანიზაციების წარმომადგენლებს საქართველოში მასწავლებლების ხელფასის გამოთვლის სახელმწიფო ფორმულის ანალიზი და მისი შედარება დასავლეთ ევროპულ ქვეყნებში არსებულ სტანდართან გააცნო. სრულად...  წყარო: ორგანიზაციის გვერდი სოციალურ ქსელში

კახეთი. თელავის დემოკრატიული ჩართულობის ცენტრში, არასამთავრობო ორგანიზაციამ, „მაკლეინის ასოციაცია ბავშვებისთვის", ინკლუზიური განათლების შესახებ სასწავლო სემინარი ჩაატარა. შეხვედრას ესწრებოდნენ საჯარო სკოლების პედაგოგები, საბავშვო ბაღის აღმზრდელები და შშმ პირთა მშობლები. სასწავლო სემინარი მიზნად ისახავდა შეზღუდული შესაძლებლობების მქონე ბავშვებთან მომუშავე პედაგოგთა და მშობელთა ცნობიერების ამაღლებას. ნაირა ფალადაშვილი, თელავის №7 სკოლის პედაგოგი: ,,არის შემთხვევები, როდესაც პედაგოგები გამოუვალ სიტუაციაში ვართ თუ რა მეთოდები გამოვიყენოთ, ამის გარდა, გვინდა, რომ ბავშვმა გამოავლინოს შესაძლებლობების მაქსიმუმი, მეგობრებთან იურთიერთოს და იყოს გახსნილი, ამ საკითხებზე სასაუბროდ დღევანდელი ტრენინგი დროული და ინფორმაციულია".

თბილისი. სახალხო დამცველი განათლებისა და მეცნიერების სამინსიტროს მესტიის მუნიციპალიტეტის ერთ–ერთ საჯარო სკოლასთან დაკავშირებით რეკომენდაციით მიმართავს. საქართველოს სახალხო დამცველის აპარატის წარმომადგენლებმა მესტიის რაიონის სოფელ წვირმის საჯარო სკოლის ფიზიკური გარემო და სანიტარულ–ჰიგიენური პირობები შეისწავლეს. ასევე, შეხვდნენ სკოლის დირექტორსა და პედაგოგებს. სკოლის შენობა ავარიულია და 10 საკლასო ოთახი საფრთხის შემცველ პირობებში ფუნქციონირებს. სახალხო დამცველი მიმართავს საქართველოს სამინისტროს, უზრუნველყოს მესტიის რაიონის სოფელ წვირმის საჯარო სკოლა ახალი შენობით, რომელიც მორგებული იქნება შეზღუდული შესაძლებლობის /სპეციალური საგანმანათლებლო საჭიროებების მქონე ბავშვებზეც, დაინერგოს ინკლუზიური განათლების პროგრამა, განხორციელდეს ფინანსური და სამართლებრივი ღონისძიებები სკოლის უსაფრთხო და სათანადო ფიზიკური გარემოსა და სანიტარულ–ჰიგიენური პირობების გასაუმჯობესებლად. სრულად... წყარო: www.ombudsman.ge

ქვემო ქართლი. სიქას „სოციალური მედიის საზაფხულო სკოლამ" მუშაობა დაიწყო. 22 ივლისს ჩატარდა მეორე გაკვეთილი. მონაწილეებმა მიიღეს თეორიული და პრაქტიკული ცოდნა სოციალურ ქსელ „ფეისბუქის", „გუგლისა" და ელექტრონული ფოსტის შესახებ. მეცადინეობებში მონაწილეობდნენ სიქას მოხალისეები თურქეთიდან. საზაფხულ სკოლის გაკვეთილები ჩატარდება ყოველ სამშაბათსა და პარასკევს. წყარო: ორგანიზაციის გვერდი სოციალურ ქსელში

თბილისი. 18 ივლისს, საქართველოს ახალგაზრდა იურისტთა ასოციაციის იურიდიული განათლების ხელშეწყობის ფონდმა 2013-2014 სასწავლო წლის გამოშვება აღნიშნა. ეს იყო რიგით მეათე გამოშვება ფონდის არსებობის ისტორიაში. საიას სასწავლო კურსებზე 2013 წლის ოქტომბერში ჩაირიცხა 85 სტუდენტი,  რომელთაგან 23-მა სტუდენტმა მოიპოვა ფონდისა და საიას ერთობლივი დიპლომი. მოწვეულ სტუმრებს შორის იყვნენ პროფესორ-მასწავლებლები ადვოკატები და სხვადასხვა ადგილობრივი თუ საერთაშორისო ორგანიზაციებისა და ფონდების წარმომადგენლები. ფონდის და საიას ინიციატივითი 1 წარმატებული სტუდენტი სექტემბრის თვიდან სტაჟირებას გაივლის საქართველოს ახალგაზრდა იურისტთა ასოციაციის იურიდიული დახმარების ცენტრში. ამავე საღამოზე სერტიფიკატები გადაეცათ სამოქალაქო განათლების საკვირაო სკოლის 35 მოსწავლეს. მოსწავლეებს 6 თვის განმავლობაში ეკითხებოდათ ლექცია -სემინარები პრაქტიკული სამართლისა და სამოქალაქო განათლების აქტუალურ საკითხებზე. წყარო: ორგანიზაციის გვერდი სოციალურ ქსელში

თბილისი.  ჩიკაგო–კენტის ამერიკული სამართლის სკოლა 23 ივლისიდან 8 აგვისტომდე ატარებს ღია კარის დღეებსა და ინტენსიურ საკონსულტაციო შეხვედრებს. ინფორმაციის მიღება შეუძლია ამერიკული წინასამაგისტრო და სამაგისტრო პროგრამით დაინტერესებულ პირებს.  სრულად... წყარო: jobs.ge

თბილისი. ლიბერალიზმის სასწავლო ცენტრმა „ლიბცენტრის" მორიგი გადაცემა - „სასკოლო განათლების პრობლემები" - გამოაქვეყნა. „საერთაშორისო კვლევების მიხედვით ქართველი მოსწავლეების შედეგები მათემათიკაში, კითხვასა და საბუნებისმეტყველო საგნებში ევროპის ქვეყნების საშუალო მაჩვენებელზე გაცილებით დაბალია. არის თუ არა სასკოლო განათლება და მასწავლებელთა კომპეტენცია პრობლემა?”. თემაზე წამყვანთან ერთად სტუმარი, შეფასებისა და გამოცდების ცენტრის საგნობრივი კვლევის დეპარტამენტის კოორდინატორი საუბრობს. გადაცემა   წყარო: ორგანიზაციის გვერდი სოციალურ ქსელში

თბილისი. ორგანიზაცია „ახალგაზრდა ადვოკატები" განცხადებას ავრცელებენ, რომლითაც მიმართავენ საქართველოს მთავრობას ნეთბუქების შეძენის ტენდერის შესახებ. „...საქართველოს მთავრობას მიმართავს, დაუყოვნებლივ გადაიჭრას საქართველოს განათლებისა და მეცნიერების სამინისტროში მიმდინარე ტენდერში წარმოშობილი სირთულეები და გონივრულ ვადაში მოხდეს კონტრაქტორი კომპანიის დასახელება, რომელიც საგანმანათლებლო სკოლის პირველკლასელების ნეთბუქით უზრუნველყოფას შეძლებს..", ნათქვამია ორგანიზაციის მიმართვაში. სრულად... წყარო: ორგანიზაციის ვებგვერდი სოციალურ ქსელში

თბილისი. „ინტერნიუსი-საქართველომ" ახალგაზრდა ჟურნალისტებისა და ჟურნალისტიკის ფაკულტეტის დამამთავრებელი კურსის სტუდენტებისთვის გამართა სამდღიანი ტრენინგი, რომლის თემა იყო სიძულვილის ენა კონფლიქტების გაშუქებისას, სამშვიდობო ჟურნალისტიკა. სემინარი ჩატარდა პროექტის - „კონფლიქტების სენსიტიური გაშუქების ხელშეწყობა სამხრეთ კავკასიაში" - ფარგლებში, რომელიც არის საქართველოს, აზერბაიჯანის და სომხეთის ერთობლივი პროექტი დამოიცავს კონფლიქტურ რეგიონებს - ყარაბაღი, აფხაზეთი, სამხრეთ ოსეთი. პროექტის ფარგლებში ჩატარდება სემინარების ციკლი კონფლიქტების გაშუქების თემაზე. ყოველი თემატური სემინარის ბოლოს მონაწილეები მიიღებენ სერთიფიკატს და მეთოდურ მითითებებს. პირველი სემინარი გაიმართა 9-11 ივლისს, თბილისში „ინტერნიუსის" ოფისში. მას უძღვებოდნენ Media.Ge-ს თანამშრომლები, ასევე მოწვეული ექსპერტი მედიის განვითარების ფონდიდან. წყარო: media.ge

თბილისი. 2014 წლის ივნისიდან ტოლერანტობის და მრავალფეროვნების ინსტიტუტი ახორციელებს პროექტს - „ტოლერანტობის კულტურის ხელშეწყობა განათლების სისტემის მეშვეობით". ორი წლის განმავლობაში განათლების სფეროში დაგეგმილია შემდეგი აქტივობები: სასკოლო სახელმძღვანელოების რევიზია, მასწავლებელთა გადამზადება, სასერტიფიკაციო გამოცდების ტესტების მოდიფიცირება/მომზადება, საჯარო სკოლებში ტოლერანტობის კულტურის წამახალისებელი ღონისძიებები, ტოლერანტობის სკოლა. სრულად...  წყარო: ორგანიზაციის გვერდი სოციალურ ქსელში

იმერეთი. „თაობათა დიალოგის" ოფისში პროგრამის - „სემინარი ყველაფერზე და ყველასთვის" - ფარგლებში შეხვედრა ჩატარდა. სემინარის თემა იყო - „გაცვლითი და სასწავლო პროგრამები უცხოეთში". შეხვედრაზე აუდიტორიას მიეწოდა ინფორმაცია თუ როგორ და რა პროგრამის ფარგლებში შეიძლება ისწავლონ საზღვრებს მიღმა, კონკრეტულ სასწავლო პროგრამას რა მოთხოვნები გააჩნია, რა არის საჭირო იმისთვის, რომ განათლება უცხოეთში მიიღონ და რა ხანგრძლივობის პროგრამებით შეუძლიათ უცხოეთში წასვლა. სემინარის ბოლოს ახალგაზრდებს გადაეცათ სერთიფიკატები.აღნიშნული სემინარები მომავალშიც გაიმართება და მასზე დასწრების საუშალება ნებისმიერ ახალგაზრდას აქვს.