სამოქალაქო საზოგადოების ინსტიტუტი (CSI) გორში, ქუთაისსა და ბათუმში 16–დან 18 მარტის ჩათვლით გამართავს საინფორმაციო შეხვედრას, სადაც საზოგადოებრივ ორგანიზაციებს მიაწვდის ინფორმაციას შედეგზე ორიენტირებული პროექტის მართვის ახალი პროგრამის შესახებ. პროგრამა საზოგადოებრივი ორგანიზაციების წარმომადგენლებს სთავაზობს 5 ტრენინგ მოდულს, რომელიც მოიცავს შემდეგი საკითხების სიღრმისეულ მიმოხილვას: სისტემური ცვლილება; სისტემურ ცვლილებაზე ორიენტირებული პროექტის/პროგრამის დაგეგმვა; ცვლილების ინდიკატორები; პროექტის მართვის ციკლი; მონიტორინგის და შეფასების სისტემა; მონაწილეობითი ფასილიტაცია . პროგრამაში მონაწილეთა რეგისტრაცია უკვე დაიწყო. პროგრამის შესახებ დეტალური ინფორმაცია... ინსტიტუტი ასევე, გააცნობს საზოგადოებრივ ორგანიზაციებს დისტანციური სწავლების ახალ პორტალის (www.e-learning.ge) შესაძლებლობებსა და სწავლების პირველი ციკლის შედეგებს და დაანონსებს სწავლების მეორე ციკლის გამოცხადებას. შეხვედრების განრიგი რეგიონებში... გორი, 16 მარტი, 13:00 საათი, გორის დემოკრატიული ჩართულობის ცენტრი. ქუთაისი, 17 მარტი, 13:00 საათი, ქუთაისის დემოკრატიული ჩართულობის ცენტრი. ბათუმი, 18 მარტი, 13:00 საათი, ბათუმის დემოკრატიული ჩართულობის ცენტრი

თბილისი. საგანმანათლებლო სააგენტო „ელლი" (ELL) 2015 წლის 29 მარტს 11:00 საათი დან 18:00 საათამდე, სასტუმრო „ქორთიარდ მარიოტში" აწყობს გამოფენას – „სწავლა საზღვარგარეთ უნივერსიტეტებში, კოლეჯებსა და საზაფხულო სკოლებში". სრულად... წყარო: ორგანიზაციის ვებგვერდი

თბილისი. 5 მარტს, ევრაზიის თანამშრომლობის ფონდის ოფისში, კონკურსის „სტუდენტები სოციალური მეწარმეობის მხარდასაჭერად", მეორე მიმართულების (ახალი სოციალური საწარმო) გუნდებისათვის გაიმართა მორიგი მასტერკლასი. მასტერკლასების მიზანია დაეხმაროს სტუდენტებს, გაიზიარონ პროფესიონალების ცოდნა და პრაქტიკული გამოცდილება და დაგეგმვიდან გაყიდვებამდე ყველა მნიშნელოვანი ასპექტი გაითვალისწინონ და ასახონ სრულ ბიზნეს პროექტში, რომელსაც ისინი კონკურსის დასკვნით ღონისძიებაზე, 2015 წლის აპრილში წარმოადგენენ. წყარო: ევრაზიის თანამშრომლობის ცენტის ვებგვერდი სოციალურ ქსელში

ქვემო ქართლი. 5 მარტს, სიქამ რუსთავის დემოკრატიული ჩართულობის ცენტში ინგლისური ენის ხელმისაწვდომობის სასტიპენდიო პროგრამის დახურვის ღონისძიება გამართა. სიქამ ორწლიანი პროგრამის მეორე ნაკადს უმასპინძლა. პროგრამა ხორციელდება აშშ საელჩოს მხარდაჭერითა და PH International-ის ორგანიზებით. პროგრამის ფარგლებში ორი წლის განმავლობაში 25-მა მოსწავლემ შეჭირვებული ოჯახებიდან, მაღალკვალიფიციური პედაგოგის დახმარებით გაიღრმავა ინგლისური ენის ცოდნა, აიმაღლა ლიდერული თვისებები. წყარო: სიქას ვებგვერდი სოციალურ ქსელში

თბილისი. „ლიბერალმა" გამართა დისკუსია „ინკლუზიური განათლების ფასადი", სადაც საჯარო სკოლებში ინკლუზიური განათლებისა და მისი ხარისხის შესახებ მსჯელობენ. „ლიბერალმა" აღნიშნული დისკუსიის ვიდეოჩანაწერი განათავსა ვებგვერდზე და დაინტერესებულ პირებს შეუძლიათ გაეცნონ მას. დისკუსია... წყარო: „ლიბერალი" ვებგვერდი

თბილისი. კავკასიის კვლევითი რესურსების ცენტრი აქვეყნებს ბლოგს „რეგიონული უთანასწორობა საქართველოს საგანმანათლებლო სისტემაში". აღნიშნული ბლოგი საქართველოში ერთიანი ეროვნული გამოცდების მიხედვით რეგიონულ უთანასწორობას აღწერს. სრულად... წყარო: blog.crrc.ge

თბილისი. აშშ-ის საელჩო შეგახსენებთ, რომ გაცვლით პროგრამაში (UGRAD) მონაწილეობის ვადა იწურება 27 თებერვალს. იგი გათვლილია ბაკალავრიატის სტუდენტებისთვის და აშშ–ის უნივერსიტეტში სრული დაფინანსებით 1–2 სემესტრამდე სწავლას ითვალისწინებს. დეტალებისთვის გაეცანით განცხადებას: წყარო: აშშ–ის საელჩოს ვებგვერდი სოციალურ ქსელში

იმერეთი. 25 თებერვალს, ქუთაისის საქალაქო სასამართლოს, საიას სამოქალაქო განათლების საკვირაო სკოლის მოსწავლეები სტუმრობდნენ. ვიზიტის ფარგლებში, საკვირაო სკოლის მოსწავლეები დაესწრნენ რეალურ სასამართლო პროცესს და უშუალოდ გაეცნენ სასამართლოს ფუნქციებს და მნიშვნელობას. წყარო: საიას ქუთაისის ფილიალის ვებგვერდი სოციალურ ქსელში

თბილისი. საგანმანათლებლო სააგენტო ი ელ ელ (ELL) და ბრიტანული საგანმანათლებლო კომპანია (Global University System) 4 მარტს გამართავენ პრეზენტაციას სხვადასხვა ქვეყნებში სწავლის მსურველებისთვის. კერძოდ, პრეზენტაცია განკუთვნილია მათთვის, ვისაც სურს სწავლის საბაკალავრო, სამაგისტრო და სხვა პროფესიულ კურსებზე დიდი ბრიტანეთის, ირლანდიის, ამერიკის, კანადის და ა.შ. კონკრეტულ უნივერსიტეტებში. სრულად... წყარო: ორგანიზაციის ვებგვერდი სოციალურ ქსელში

თბილისი. „ერასმუმს – საქართველო" გაცვლითი პროგრამების შესახებ „ხშირად დასმული კითხვების" ფორმატით, მომხმარებელს დამატებით ინფორმაციას აწვდის პროგრამების შესახებ. სრულად... წყარო: erasmusplus.org.ge

თბილისი.13 თებერვალს გაიმართა პროექტის, საჯარო დებატები უმაღლესი განათლების სფეროში, დასკვნითი ღონისძიება, რომელმაც შეაჯამა 2014 წელს საქართველოს მასშტაბით უნივერსიტეტებში ჩატარებული დისკუსიების შედეგები. ამ პროექტს, 2014 წლის მაისიდან ახორციელებდა ფონდი „საერთაშორისო განათლების ცენტრი" ფონდი „ღია საზოგადოება-საქართველოს" ფინანსური მხარდაჭერით. პროექტი მიზნად ისახავდა უმაღლესი განათლების სფეროში მიმდინარე რეფორმებში საზოგადოების ჩართულობის გაძლიერებას, აკადემიურ საზოგადოებას, სამოქალაქო სექტორსა და სახელმწიფოს შორის დიალოგის ხელშეწყობასა და უნივერსიტეტებს შორის ჰორიზონტალური კავშირების გაძლიერებას. დისკუსიებში მონაწილეობას იღებდნენ ღია საზოგადოების ფონდებისა (OSF) და საქართველოს განათლებისა და მეცნიერების სამინისტროს მიერ ერთობლივად დაფინანსებული პროგრამის „საქართველოს განათლების პროფესიონალების" კურსდამთავრებულები (სტიპენდიანტები), უმაღლესი განათლების ექსპერტები, უნივერსიტეტების აკადემიური და ადმინისტრაციული პერსონალი, სტუდენტები, სამოქალაქო საზოგადოების წარმომადგენლები და სხვა დაინტერესებული პირები. სრულად... წყარო: osgf.ge

კახეთი. თელავის სახელმწიფო თეატრში, განათლებისა და დასაქმების ორდღიანი გამოფენა – ,,მომავალი შენია" გაიმართა. ღონისძიება ბიბერახი-თელავის პარტნიორობის კომიტეტის ინიციატივით ჩატარდა. გამოფენაში კახეთის 4 მუნიციპალიტეტის: თელავის, გურჯაანის, ყვარლისა და ახმეტის განათლებისა და დასაქმების სფეროში მომუშავე რამდენიმე ათეულმა ბიზნეს კომპანიისა და საგანმანათლებლო დაწესებულებების წარმომადგენლებმა მიიღეს მონაწილეობა. პროგრამის ხელმძღვანელის, დანიელ ბირკენმაიერის თქმით, მისი მიზანია განათლების პროვაიდერებისა და პოტენციური დამსაქმებლების ერთმანეთთან დაკავშირება, რომელიც შემდგომ ხელს შეუწყობს რეგიონის მდგრად განვითარებას. პროექტის ფინანსური მხარდამჭერია გერმანიის ტექნიკური თანამშრომლობის ორგანიზაცია.

სამეგრელო. 28 მარტს, ზუგდიდში, ამერიკული ქსელი „განათლება ამერიკის შეერთებულ შტატებში" გამართავს ამერიკული კოლეჯებისა და უნივერსიტეტების გამოფენას. შეხვედრის სტუმრებს საშუალება ექნებათ, გაიგონ, როგორ ჩააბარონ აშშ-ის უნივერსიტეტებში, რა პროგრამებში შეუძლიათ ისწავლონ, როგორია ჩარიცხვის კრიტერიუმები, როგორ მოიპოვონ დაფინანსება და სხვა. გარდა ამისა, გაიცნობენ ამერიკული უნივერსიტეტის კურსდამთავრებულებს. ღონისძიების მხარდამჭერია ამერიკის შეერთებული შტატების საელჩო და ამერიკული საბჭოები თბილისში. სრულად... წყარო: ორგანიზაციის გვერდი სოციალურ ქსელში

თბილისი. 13 თებერვალს, საქართველოს ახალგაზრდა იურისტთა ასოციაციის იურიდიული განათლების ხელშეწყობის ფონდმა  პროექტის -„სამოქალაქო და სამართლებრივი განათლების ხელშეწყობა" - პრეზენტაცია გამართა. ღონისძიებაზე დამსწრეებს მიმართეს პარლამენტის თამჯდომარემ და განათლების მინისტრის მოადგილე ლია გიგაურმა. ღონისძიება საქართველოს ეროვნულ ბიბლიოთეკაში გაიმართა. წყარო: ორგანიზაციის გვერდი სოციალურ ქსელში

თბილისი. 27-28 თებერვალს, 11:00-19:00 საათზე გამოფენების ცენტრი ექსპო-ჯორჯია გამართავს უმაღლესი და პროფესიული განათლების, საზღვარგარეთ სწავლისა და სტუდენტური სერვისების მე-5 საერთაშორისო გამოფენას. ღონისძიებაზე წარმოდგენილი იქნება როგორც კერძო, ასევე სახელმწიფო სასწავლო დაწესებულებები და სტუმრებს საშუალება ექნებათ მიიღონ მათთვის სასურველი ყველანაირი ინფორმაცია. სრულად წყარო: ორგანიზაციის გვერდი სოციალურ ქსელში

კახეთი. ნიდერლანდების მრავალპარტიული დემოკრატიის ინსტიტუტის (NIMD) თელავის დემოკრატიის სკოლამ მსმენელთა მეხუთე ნაკადი გამოუშვა, მონაწილეებმა 5 თვიანი პროგრამა დაასრულეს. სკოლაში შემაჯამებელი ტრეინინგი ორგანიზაციის წარმომადგენელმა, პოლიტოლოგმა ლევან ცუცქირიძემ წაიკითხა. დასკვნით ღონისძიებას თელავში არასამთავრობო ორგანიზაციების წარმომადგენლები, საჯარო მოხელეები, პოლიტიკური პარტიის წევრები, სტუდენტები, აკადემიური წრეების წარმომადგენლები და აქტიური მოქალაქეები ესწრებოდნენ. NIMD-ის თელავის დემოკრატიის სკოლის ხელმძღვანელის, ნიკოლოზ შარვაშიძეს თქმით, ლექციაზე საუბარი შეეხო NIMD-ის სამომავლო გეგმებს და კურსდამთავრებულებთან თანამშრომლობის გაგრძელებას: ,,კურსი მოიცავდა იმ ძირითად აქტუალურ საკითხებს, რაც საჭიროა თანამედროვე პოლიტიკურ და საზოგადოებრივ საქმიანობაში ჩართული და პოლიტიკით დაინტერესებული ადამიანებისათვის. რაც შეეხება ტრენინგს, ლევან ცუცქირიძემ წაიკითხა ლექცია საერთაშორისო პოლიტიკაზე, საქართველოს, მიმდინარე საერთაშორისო პოლიტიკაზე და ზოგადად საქართველოს როლზე და საგარეო მიმართულებაზე/პრიორიტეტებზე. დამსწრეებმა ისაუბრეს უკრაინაში მიმდინარე მოვლენებსა და საქართველო-რუსეთის ურთიერთობებზე’’.

თბილისი. 8 თებერვალს, საქართველოს ახალგაზრდა იურისტთა ასოციაციის იურიდიული განათლების ხელშეწყობის ფონდის საკვირაო სკოლამ უმასპინძლა საქართველოს სახალხო დამცველს უჩა ნანუაშვილს. ომბუდსმენმა საკვირაო სკოლის მოსწავლეებს გააცნო სახალხო დამცველის აპარატის საქმიანობა. ისაუბრა საქართველოში ადამიანის უფლებების მდგომარეობის შესახებ. შეხვედრა ინტერაქტიული ხასიათის იყო და საკვირაო სკოლის მოსწავლეებმა სახალხო დამცველისაგან პასუხი მიიღეს, მათთვის საინტერესო ყველა სამართლებრივ საკითხზე. წყარო: ორგანიზაციის ვებგვერდი სოციალურ ქსელში

თბილისი. ამერიკის საელჩო საქართველოში აქვეყნებს ვებ-გვერდს, სადაც ნებისმიერ მსურველს აქვს შესაძლებლობა იპოვოს მისთვის სასურველი ონლაინ კურსი. „ეს არაჩვეულებრივი შესაძლებლობაა, სახლიდან გაუსვლელად შეიძინოთ ცოდნა. მსგავსი კურსების უმეტესობა უფასოა, თუმცა ისინი თქვენს ძალისხმევასა და დროს მოითხოვენ. გაეცანით აშშ-ის განათლების დეპარტამენტის რჩევებს, რომელიც ონლაინ კურსების დაგეგვმასა და დროის გადანაწილებაში დაგეხმარებათ", ნათქვამია საელჩოს გვერდზე. ვებ-გვერდი წყარო: საელჩოს გვერდი სოციალურ ქსელში

იმერთი. ქუთაისის მე-17 საჯარო სკოლაში თანასწორგანმანათლებლებმა ჩაატარეს ტრენინგი აივ ინფექციასთან დაკავშირებით. მოსწავლეებმა მიიღეს ინფორმაცია აივ ინფექციის, სტატისტიკის, გადაცემის გზების, სტიგმის, პროფილაქტიკისა და დაავადების პრევენციის საკითხებზე. გამართა ასევე დისკუსია. ტრენინგი ორგანიზებული იქნა - „შიდსის, ალკოჰოლიზმის, ნარკოტიკის და თამბაქოს მოხმარებისგან თავისუფალი და დაცული ჯანსაღი მომავალი თაობა" -ფარგლებში, რომელსაც ახორციელებს ქუთაისის განათლების განვითარების და დასაქმების ცენტრი, აშშ საელჩოს (US Embassy Tbilisi, Georgia) ფინანსური მხარდაჭერით. წყარო: ორგანიზაციის გვერდი სოციალურ ქსელში

იმერეთი. ქუთაისის ახალგაზრდული ცენტრის წევრებისათვის ჩატარდა ტრენინგ-სემინარი - „ჟესტიკულაციის ენა, ეფექტური კომუნიკაცია, ლიდერობის უნარ–ჩვევები ფსიქოლოგიის კუთხიდან". შეხვედრას მოწვეული ფსიქოლოგი მამუკა გელაშვილი გაუძღვა. ტრენინგ-სემინარის მიზანს წარმოადგენდა ახალგაზრდების ცნობიერების ამაღლება და ახალი უნარ-ჩვევების გამომუშავება ჟესტიკულაციის ენის, როგორც ეფექტური კომუნიკაციის, ლიდერობის, გუნდური მუშაობის, სამოქალაქო აქტიურობის და ჩართულობის შესახებ. ტრენინგ-სემინარზე განხილული იქნა საკითხები: ჟესტების ანუ სხეულის ენა, მათი ნაირსახეობა, არავერბალური კომუნიკაცია, საკუთარი თავის ფლობა, ფორმისა და შინაარსის ურთიერთქმედება, ლიდერობის უნარ-ჩვევები, გუნდური მუშაობის პრინციპები, კომუნიკაციის ტექნიკები და სხვა. წყარო: ორგანიზაციის გვერდი სოციალურ ქსელში

კახეთი. ინფორმაციის თავისუფლების განვითარების ინსტიტუტმა (IDFI), 30 იანვარს, თელავის სახელმწიფო უნივერსიტეტში, პროექტ საქართველო 2020-ის ფარგლებში გამართა გასვლითი ლექცია. ლექცია პროექტის „სტრატეგიული გეგმა საქართველო 2020 – სამოქალაქო საზოგადოების ჩართულობის გაძლიერება" ფარგლებში წაიკითხეს პროექტის კოორდინატორმა დავით მაისურაძემ და ბრემენის (გერმანია) უნივერსიტეტის ლექტორმა, უცხოური ინვესტიციების ექსპერტმა სებასტიან ტიდემანმა. შეკრებილ 50-მდე სტუდენტსა და პროფესორ-ლექტორებს დავით მაისურაძე მომხმარებელთა უფლებების დაცვასა და კონკურენციის პოლიტიკაზე ესაუბრა. ტიდემანმა ყურადღება გაამახვილა საქართველო 2020 და პირდაპირ უცხოურ ინვესტიციებზე. ინფორმაციის თავისუფლების განვითარების ინსტიტუტი (IDFI) ბრემენის უნივერსიტეტთან ერთად გერმანიის საგარეო საქმეთა სამინისტროს დაფინანსებით ახორციელებს პროექტს: „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება". პროექტი მიზნად ისახავს სამოქალაქო საზოგადოების ჯგუფების მაქსიმალურად ფართო სპექტრის დაინტერესების გამოწვევასა და მათი ცოდნის გაღრმავებას, საქართველოს მთავრობის მიერ დადგენილებით დამტკიცებული სოციალურ-ეკონომიკური განვითარების სტრატეგია "საქართველო - 2020"-თან დაკავშირებით, რათა ისინი მომავალში უფრო აქტიურად ჩაერთონ საჯარო განხილვების პროცესში. წყარო: idfi.ge

სამეგრელო. 29 იანვარს საიას ზუგდიდის ოფისში დებატკლუბის მორიგი შეხვედრა გაიმართა. ზუგდიდის ოფისში სტუდენტური დებატები ხშირად იმართება, ამჯერად განსახილველი თემა იყო ,,უნდა დაინერგოს თუ არა სკოლამდელ დაწესებულებებში ინკლუზიური განათლება''. დებატების შემდეგ საიას საზოგადოებასთან ურთიერთობის მენეჯერმა, სტუდენტებს, ჩაუტარა მასტერკლასი - კომუნიკაციის ხელოვნებაში. წყარო: საის ვებგვერდი სოციალურ ქსელში