ქვემო ქართლი.14 თებერვალს მარნეულში გაიმართა მუნიციპალიტეტის მერიისა და საკრებულოს წარმომადგენლებისთვის ტრენინგი სისტემური ხედვისა და სტრატეგიული დაგეგმარების შესახებ, რომელსაც ექსპერტი ლიზი სოფრომაძე უძღვებოდა.  მანამდე ტრენინგების კურსი გაიმართა დმანისში, ჩოხატაურსა და ბათუმში, რომელშიც საკრებულოს და მერიის 100–ზე მეტი წარმომადგენელი მონაწილეობდა. აღნიშნული ტრენინგი, მუნიციპალიტეტების შესაძლებლობების გაძლიერების პროგრამის ნაწილია, რომელიც მოქალაქეთა მონაწილეობის ხარისხის თვითშეფასებას (www.ppmeter.ge) ეყრდნობა. დამსწრე აუდიტორიამ მიიღო ინფორმაცია და ცოდნა იმ სტანდარტების შესახებ, რომელიც სამთავრობო დადგენილებების, სამოქმედო გეგმების, ასევე სტრატეგიული დოკუმენტების შექმნისთვის არის მნიშვნელოვანი და საჭირო.  მუნიციპალიტეტების თანამშრომლებისთვის შესაძლებლობის განვითარების პროგრამა, სამოქალაქო საზოგადოების ინსტიტუტმა, აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში გამართა. წყარო: სამოქალაქო საზოგადოების ინსტიტუტი

თბილისი. მე-100 საჯარო სკოლის მოხალისეები პროექტის “მოხალისეები მოხალისეებისათვის” ფარგლებში საინგილოში მცხოვრები ახალგაზრდებისათვის ქართული წიგნების შეგროვებას იწყებენ.  წიგნები ნამიქ ალაჰვერდიევის სახელობის N2 სკოლა-ლიცეუმსა და საინგილოში მცხოვრებ ახალგაზრდებს გადაეცემა. პროექტი “მოხალისეები მოხალისეებისათვის” იმართება “ჰელფინგ ჰენდის” მიერ, USAID-ის სამოქალაქო განათლების პროგრამის ფარგლებში გაცემული გრანტით.  პროგრამა ხორციელდება ორგანიზაცია PH International-ის მიერ, აშშ საერთაშორისო განვითარების სააგენტოს (USAID) დაფინანსებითა და საქართველოს განათლებისა და მეცნიერების სამინისტროს მხარდაჭერით. სრულად... წყარო: ჰელფინგ ჰენდ (Helping Hand)

თბილისი. 8 თებერვალს 11 საათზე, კონსულტაციისა და ტრენინგის ცენტრი საჯარო დისკუსიას „ზოგადი განათლების ეროვნული მიზნები“ გამართავს.  შეხვედრა მიზნად ისახავს ზოგადი განათლების ეროვნული მიზნების (ზგემი) შესახებ ფართო საზოგადოებრივი დისკუსიების ხელშეწყობას.  სრულად...  წყარო: კონსულტაციისა და ტრენინგის ცენტრი

აჭარა.30–31 იანვარს, სამოქალაქო საზოგადოების ინსტიტუტმა ბათუმის მუნიციპალიტეტის მერიისა და საკრებულოს წარმომადგენლებისთვის გამართა ტრენინგი სისტემური ხედვისა და სტრატეგიული დაგეგმარების მიმართულებით. ტრენინგს უძღვებოდა ექსპერტი ლიზი სოფრომაძე. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge). ტრენერმა ლიზი სოფრომაძემ აუდიტორიას მიაწოდა ინფორმაცია იმ სტანდარტებისა და კომპონენტების შესახებ, რომელიც სამთავრობო დადგენილებებისა და საერთაშორისო გამოცდილებებით სტრატეგიული დოკუმენტებისა და სამოქმედო გეგმების შექმნისთვის გამოიყენება. აღნიშნული პროგრამა დაეხმარება მუნიციპალიტეტებს შეიმუშაონ სტრატეგია და სამოქმედო გეგმა მოქალაქეთა მონაწილეობის მიმართულებით.  მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი, აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში მართავს.

სამოქალაქო საზოგადოების ინსტიტუტმა (CSI), ახალი სასწავლო ონლაინ პროგრამის – „ადგილობრივი თვითმმართველობა და მოქალაქეთა მონაწილეობა – პრეზენტაცია გამართა, რომელიც შეიქმნა USAID–ის ადგილობრივი თვითმმართველობის პროგრამის ფარგლებში. პლატფორმა ZOOM–ში გამართულ შეხვედრას ესწრებოდნენ სხვადასხვა რეგიონის მუნიციპალიტეტების წარმომადგენლები. პროგრამის მიზნების და სასწავლო თემატიკის წარდგენის შემდგომ, პრეზენტაცია კითხვა–პასუხის რეჟიმში წარიმართა.  პროგრამა განკუთვნილია მუნიციპალიტეტის საკრებულოს წევრებისა და აპარატის საჯარო მოხელეებისთვის, მუნიციპალიტეტის მერიის საჯარო მოხელეებისა და მუნიციპალიტეტის ინსტიტუციების წარმომადგენლებისთვის, მათ შორის სათათბირო საბჭოების წევრებისთვის.  ონლაინ ახალი სასწავლო პროგრამა მოიცავს 3 მოდულს:  მოდული I - ადგილობრივი თვითმმართველობის საფუძვლები, უფლებამოსილებები და მოქალაქეთა მონაწილეობის გარანტიები;  მოდული II - მუნიციპალიტეტის საკრებულოს საქმიანობაში მოქალაქეთა მონაწილეობა;  მოდული III - მუნიციპალიტეტის მერიის საქმიანობაში მოქალაქეთა მონაწილეობა. შეგახსენებთ, რომ პროგრამაში მონაწილეობის მსურველებს განაცხადის წარდგენა 4 თებერვლის ჩათვლით შეუძლიათ.  პროგრამის შესახებ დეტალური ინფორმაცია

თბილისი. გაეროს განვითარების პროგრამა განათლების საერთაშორისო დღესთან დაკავშირებით ვიდეო-რგოლს ავრცელებს.  ვიდეო-რგოლში პედაგოგი ლადო აფხაზავა ამბობს, რომ იგი ხშირად საუბრობს ბავშვებთან განათლებასა და თავისუფლებაზე და მისი აზრით, სწორედ ეს ღირებულებები განაპირობებს იმ უნარების ჩამოყალიბებას, რომლებიც ახალგაზრდებს მომავალი გამოწვევების დასაძლევად სჭირდებათ.  სრულად...   წყარო: გაეროს განვითარების პროგრამა

თბილისი. ,,ახალგაზრდა პედაგოგთა კავშირთან“ არსებული არაფორმალური განათლების ცენტრის ,,ლიდერთა სკოლის" თბილისის ფილიალში მოზარდთა რეგისტრაცია განახლდა.  ლიდერთა სკოლაში ახალგაზრდები გაიუმჯობესებენ შემდეგ უნარ-ჩვევებს: გუნდურობა, კომუნიკაცია, დებატები, ემპათია და ასე შემდეგ. რეგისტრაციისთვის ეწვიეთ ბმულს... სესიები ჩატარდება კვირაში ერთი დღე, ერთი საათი ახალგაზრდა პედაგოგთა კავშირის ოფისში. სრულად...  წყარო: ახალგაზრდა პედაგოგთა კავშირი

სამცხე–ჯავახეთი.ახალქალაქის მუნიციპალიტეტის უმცირესობებით დასახლებულ სოფლებში, საჯარო სკოლებმა ევროკავშირის მხარდაჭერით, შექმნეს ციფრული ჰაბები. ჰაბებმა ადგილობრივ ახალგაზრდებს ახალი ცოდნის მიღებისა და ახალი შესაძლებლობებით სარგებლობის საშუალება მისცა. მათ ახლა შეუძლიათ ჩაერთონ ონლაინ ტრენინგებში, კონფერენციებსა და სხვადასხვა სასწავლო ღონისძიებებში. უყურეთ და გაიგეთ მეტი ვიდეოდან. წყარო: ევროკაშვირის წარმომადგენლობის გვერდი სოციალურ ქსელში

თბილისი. ფინანსური წიგნიერება, ასე ჰქვია პროგრამას, რომელიც კინგს საქართველომ განახორციელება აშშ–ის საერთაშორისო განვითარების სააგენტოს (USAID) სამოქალაქო განათლების პროგრამის მხარდაჭერით.  პროექტის მიზანი იყო მოსწავლეებში ფინანსური განათლების პოპულარიზაცია და მოიცავდა სესიებს დარგის სპეციალისტებთან, პრე-ტესტებსა და ტესტებს, ფინალურ ეტაპზე კი გაიმართა ოლიმპიადა. ღონისძიების მსვლელობისას დაჯილდოვდა თითოეული საკლასო კატეგორიის 12 საუკეთესო მოსწავლე. სრულად...  წყარო: USAID -ის სამოქალაქო განათლების პროგრამა

თბილისი. საქართველოს ახალგაზრდა მკვლევარ-სოციოლოგთა ასოციაცია, ინჰუას აკადემიასთან თანამშრომლობით 29 დეკემბერს, საჯარო ლექციას, ლეგენდები და იეროგლიფების გასაღები ჩინურ ენაში გამართავს. ლექციაზე დასასწრებათ გაიარეთ რეგისტრაცია...  სრულად... წყარო: საქართველოს ახალგაზრდა მკვლევარ-სოციოლოგთა ასოციაცია

თბილისი. კივიტას გეორგიკამ ელექტრონული ბროშურა „ცოტა რამ ადრეულ ასაკში ფიზიკური და სენსორული განვითრების შესახებ“ მოამზადა. მოცემულ ბროშურაში საუბარია ბავშვის განვითარების ფიზიკურ და სენსორულ განვითარებაზე.  ბროშურა განკუთვნილია ადრეული ასაკის ბავშვების მშობლებისთვის.  პროექტი დაფინანსებულია პოლონეთის საგარეო საქმეთა სამინისტროს მიერ და განხორციელებულია საერთაშორისო ასოციაცია კივიტას გეორგიკას მიერ პოლონურ ორგანიზაცია "ედუკატორთან"- თან ერთად, საქართველოს სკოლამდელი განათლების ეროვნულ ასოციაციასთან პარტნიორობით.  სრულად...  წყარო: კივიტას გეორგიკა

თბილისი. გაეროს განვითარების პროგრამის, შვედეთისა და შვეიცარიის ხელშეწყობით, 21 საგანმანათლებლო დაწესებულების 64 სტუდენტმა მიიღო სტიპენდიები აგრარულ და გარემოსდაცვით დარგებში, რომლებიც საქართველოს სხვადასხვა უნივერსიტეტსა და პროფესიულ სასწავლებელში.  2023-2024 აკადემიური წლის სტიპენდიანტები გამოცხადდა 19 დეკემბერს.  64-მა გამარჯვებულმა მიიღო სტიპენდიების დამადასტურებელი სერტიფიკატები საქართველოს გარემოს დაცვისა და სოფლის მეურნეობის სამინისტროს, გაეროს განვითარების პროგრამის, შვედეთის საელჩოსა და შვეიცარიის განვითარების სააგენტოს წარმომადგენლებისგან. სტიპენდიების პროგრამის მიზანია აგრარული და გარემოსდაცვითი დარგების განვითარება და სტუდენტების დაინტერესება საქართველოსთვის პრიორიტეტული პროფესიებით.  სტიპენდიების პროგრამა 21 საგანმანათლებლო დაწესებულებაზე, მათ შორის უნივერსიტეტსა და პროფესიულ კოლეჯზე გავრცელდა. სრულად...  წყარო: გაეროს განვითარების პროგრამა

თბილისი. 16 დეკემბერს, ახმეტის ინოვაციების ცენტრში, სამუშაო შეხვედრა „ჩინური ენა და ჩინეთის სტიპენდიები“ გაიმართება. სრულად...  წყარო: საქართველოს ახალგაზრდა მკლევარ-სოციოლოგთა ასოციაცია

სამცხე-ჯავახეთი. ევროპის ინტერკულტურული ფორუმის პროექტის "აღმოაჩინე კავკასია" 2023-2024 წლის ფარგლებში ახალციხეში ჩასულმა მოხალისეებმა პიტერმა და ლუსიმ ახალციხის ახალგაზრდების წევრებს ტრენინგი ჩაუტარეს, თემაზე დებატების ხელოვნება.  ღონისძიება დაიგეგმა USAID-ის პროგრამის ერთიანობა მრავალფეროვნებაშია, ფარგლებში, რომელსაც ახორციელებს UNA Georgia • საქართველოს გაეროს ასოციაცია USAID-ის ფინანსური მხარდაჭერით.  პროგრამის პარტნიორი ახალციხესა და ახალქალაქში საზოგადოებრივი ორგანიზაცია დემოკრატ მესხთა კავშირი • Union of Democrat Meskhs,UDM  სრულად... წყარო: დემოკრატ მესხთა კავშირი

ინფორმაციის თავისუფლების განვითარების ინსტიტუტმა ჟურნალისტებისათვის საჯარო ინფორმაციის უფლების პრაქტიკულ-სიმულაციური სწავლება ჩაატარა.  სწავლების მიზანი იყო ჟურნალისტთა მედეგობის გაძლიერება საჯარო დაწესებულებების ინფორმაციის მოპოვებაზე დადგენილი ხელოვნური დაბრკოლებების მიმართ; ღონისძიება საქართველოში ნიდერლანდების საელჩოს MATRA პროგრამის მხარდაჭერით განხორციელდა.  სრულად... წყარო: ინფორმაციის თავისუფლების განვითარების ინსტიტუტი

დღეს, ონლაინ სასწავლო კურსის ერთ–ერთი კურსდამთავრებულის მოსაზრებებს გაგიზიარებთ თინათინ მაღედანი გარემოსდაცვითი საზოგადოებრივი ორგანიზაციის – „ეკო ცენტრის“ დამფუძნებელია.  ადგილობრივ დონეზე მიმდინარე პროცესების შესახებ თინათინს არც თუ ცოტა ინფორმაცია აქვს, მიუხედავად ამისა, ამბობს რომ ონლაინ სასწავლო კურსი – „საზოგადოებრივი მონაწილეობა ადგილობრივი განვითარებისთვის“ – ძალიან საინტერესო და სასარგებლო აღმოჩნდა მისთვის.  „თავი მოვუყარე არსებულ ცოდნას და არაერთი სიახლე შევიტყვე. გადავწყვიტე ჩემს სასწავლო პროგრამაშიც მეტი ყურადღება დავუთმო იმ საკითხებს, რომელიც კურსის განმავლობაში გავიარე. შესაბამისად, მიღებულ ცოდნას პრაქტიკაშიც უკვე აქტიურად ვიყენებ.  ჩემი აზრით, კურსი სასარგებლოა ნებისმიერი მოქალაქისთვის, რომელსაც სურს, რომ აქტიურად იყოს ჩართული ადგილობრივი განვითარების პროცესებში“.  ონლაინ სასწავლო პროგრამა USAID–ის ადგილობრივი თვითმმართველობის პროგრამის მხარდაჭერით წარიმართა.

თბილისი. საერთაშორისო გამჭვირვალობა-საქართველომ, 1 დეკემბერს, შავი ზღვის საერთაშორისო უნივერსიტეტში (IBSU) ჩაატარა ტრენინგი თემაზე - „როგორ ვიპოვოთ ინფორმაციის დიდ ზღვაში კორუფციის კენჭები?“.  ტრენინგს ჟურნალისტიკის ფაკულტეტის „საგამოძიებო ჟურნალისტიკის“ საგნის სტუდენტები დაესწრნენ. სტუდენტები გაეცნენ ღია მონაცემებთან მუშაობის სპეციფიკას, შესაძლო კორუფციული გარიგებების, ძალაუფლების ბოროტად გამოყენებისა და ბიუჯეტის დაუსაბუთებლად ხარჯვის ფაქტების გამოვლენის ხერხებს. სტუდენტებმა ასევე მიიღეს ინფორმაცია ღია მონაცემების გზამკვლევზე, რომელიც მომზადდა ჟურნალისტებისა და სამოქალაქო აქტივისტებისთვის.  სრულად...  წყარო: ორგანიზაციის გვერდი სოციალურ ქსელში

აჭარა.ევროპის იურისტ სტუდენტთა ასოციცია ბათუმი (Elsa Batumi) და საქართველოს ახალგაზრდა იურისტთა ასოციაციის აჭარის ფილიალი 7 დეკემბერს გამართავენ საჯარო ლექციას თემაზე – „სამოქალაქო სარჩელის წერის მეთოდიკა“.  სრულად... წყარო: საია

თბილისი.ახალგაზრდა პედაგოგთა კავშირი ახალ სახელმძღვანელოს წარმოადგენს, რომელიც სასკოლო დონეზე სამეწარმეო განათლების, კარიერული დაგეგმვისა და პროფესიული ორიენტაციის დანერგვას უწყობს ხელს.  სახელძღვანელოს მიზანია, მოზარდებს განუვითარდეთ სამეწარმეო და კარიერული დაგეგმვის უნარ-ჩვევები, რათა მომავალში შეძლონ დასაქმება სხვადასხვა ფორმით (მათ შორის თვითდასაქმება), საკუთარი ინტერესების შესაბამისად. სრულად...  წყარო: ახალგაზრდა პედაგოგთა კავშირი

გურია.ოზურგეთის ახალგაზრდული ცენტრის წევრებისთვის ბიზნეს ინგლისურის კურსი დაიწყო. კურსის მიზანია, განავითაროს პროგრამაში ჩართული ახალგაზრდების ენობრივი კომპეტენციები სამეწარმეო/ბიზნეს კონტენტზე დაფუძნებული სწავლების მეშვეობით.  სწავლების ეს მეთოდი აერთიანებს სამეწარმეო განათლებას და ბიზნეს ინგლისურს, რათა ხელი შეუწყოს ახალგაზრდების კარიერულ განვითარებას. კურსი მიმდინარეობს პროგრამის “ერთიანობა მრავალფეროვნებაშია” ფარგლებში, რომელსაც ახორციელებს საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.  გურიის რეგიონში პროგრამის პარტნიორი ორგანიზაციაა "ახალგაზრდა პედაგოგთა კავშირი". სრულად...  წყარო: ოზურგეთის ახალგაზრდული ცენტრი

თბილისი.15 ნოემბერს „სამართლიანი არჩევნების“ ორგანიზებით ჩატარდა ფორუმი: “სკოლების (დე)პოლიტიზება - გამოწვევები და გადაჭრის გზები”.  პანელური დისკუსიის ფორმატით ჩატარდა და განხილული იყო საჯარო სკოლების პოლიტიზების საარჩევნო მიზნები და მექანიზმები, საჯარო სკოლების დემოკრატიზაცია და სამომავლო ნაბიჯები.  სრულად... წყარო: სამართლიანი არჩევნები

თბილისი. არასამთავრობო ორგანიზაცია „მშობლები განათლებისთვის“ იწყებს ვიდეო ბლოგების გამოქვეყნებას. პირველი ვიდეო მშობლებისა და მასწავლებლების ურთიერთობას ეხება.  კერძოდ, როგორ უნდა დავამყაროთ მასწავლებლებთან და სკოლის დირექციასთან ჯანსაღი ურთიერთობა?რა შემთხვევაშია სასარგებლო მშობელსა და მასწავლებელს შორის სატელეფონო საუბარი და როგორ შეიძლება იყოს ის მაქსიმალურად ეფექტური? რა ძალა და მნიშვნელობა აქვს მასწავლებელთან პირისპირ შეხვედრას? რა შეცდომები არ უნდა დავუშვათ მშობელთა კრებაზე? რა არის წერითი კომუნიკაციის გასათვალისწინებელი სპეციფიკა - ჩათებსა თუ დახურულ ჯგუფებში მიმოწერის მახასიათებლები, რომლებზეც უნდა დავფიქრდეთ. ვიდეობლოგების სერია მომზადებულია USAID-ის სამოქალაქო საზოგადოების ჩართულობის პროგრამის მხარდაჭერით.  სრულად... წყარო: მშობლები განათლებისთვის