აჭარა. 12 ივლისს, ბათუმში მონოპიესების ფესტივალის ფარგლებში მორიგი სპექტაკლი გაიმართა. ხელოვნების უნივერსიტეტში მსახიობმა ეკა ჩავლეიშვილმა მისი და ოთარ ქათამაძის მიერ შექმნილი პიესა „თეთრი, ფუმფულა, სურნელოვანი'' წარმოადგინა. პიესა უსარგებლო საკვების მიღებას, ჭარბი წონის პრობლემასა და მასთან დაკავშირებულ დიეტებს ეხებოდა. წარმოდგენილი იყო პერსონაჟი ქალის ისტორია, ვისთვისაც ზედმეტი კილოგრამები ცხოვრების ტრაგედიად იქცა. თეატრალური წარმოდგენები ახალგაზრდული ორგანიზაცია „არტ-ვეისა" და ბათუმის მერიის ორგანიზებით იმართება.

აჭარა. 7 ივლისს, ბათუმში გაიხსნა „მონოპიესების ფესტივალი", რომლის ორგანიზატორები ახალგაზრდული არასამთავრობო ორგანიზაცია „არტ ვეი" და ბათუმის მერია. საზოგადოებამ პირველ დღეს იხილა ირაკლი კაკაბაძის პიესის მიხედვით დადგმული სპექტაკლი „აუტისტი „ტერორისტის" განცხადება". სრულად... წყარო: ორგანიზაციის ვებგვერდი სოციალურ ქსელში

თბილისი. 8 ივლისს, ხელოვნების საერთაშორისო ცენტრმა მცირე გრანტების კონკურსის „საქართველოს ტრადიციული რეწვის განვითარება და სექტორის ეკონომიკური მდგრადობის ხელშეწყობა" გამარჯვებულები დააჯილდოვა. საგრანტო კონკურსი ხელოვნების საერთაშორისო ცენტრმა, ევროკავშირის, საქართველოს პრეზიდენტის სარეზერვო ფონდის და სპორტისა და ახალგაზრდობის სამინისტროს ბავშვთა და ახალგაზრდობის განვითარების ფონდის მხარდაჭერით განახორციელა. ხელოვნების საერთაშორისო ცენტრმა ევროკავშირის პროექტის Investing in People-ის ფარგლებში დამოუკიდებლად 7, თანადაფინანსებით კი 5, სულ 12 პროექტი დააფინანსა. ცენტრმა არჩევანი გააკეთა ახალგაზრდა ოსტატებზე, რეგიონებზე, პროდუქციის ხარისხსა და ბიზნეს ხედვაზე. სრულად... წყარო: ორგანიზაციის ვებ-გვერდი სოციალურ ქსელში

აჭარა. ახალგაზრდული ორგანიზაცია „არტ ვეი" და ბათუმის მერია 7–15 ივლისს, გამართავს „მონოპიესების ფესტივალს". ფესტივალის მიზანია: ახალგაზრდა დრამატურგების, მსახიობებისა და რეჟისორების პროფესიული განვითარების ხელშეწყობა და მოტივაციის ამაღლება,  შემოქმედ ახალგაზრდებს შორის თეატრის მეშვეობით კომუნიკაციის დამყარება, მონო სპექტაკლების მიმართ საზოგადოების ინტერესის ზრდის ხელშეწყობა... სრულად...  წყარო: ორგანიზაციის ვებ-გვერდი სოციალურ ქსელში

კახეთი. არასამთავრობო ორგანიზაციამ „მემკვიდრეობა მომავლისათვის" გამართა შეხვედრა, სადაც არამატერიალურ კულტურულ მემკვიდრეობაზე იმსჯელეს. ორგანიზაცია ახორციელებდა პროექტს, რომელიც ეხებოდა არამატერიალურ კულტურულ მემკვიდრეობას. პროექტის ფარგლებში ორგანიზაციამ ჩაატარა საველ სამუშაოები და აღრიცხა არამატერიალური მემკვიდრეობა. მათ შორის ჩურჩხელას დამზადების ტექნოლოგია და კულტურა, კახური შოთის ცხობის ტექნოლოგია, კახური ქუდის დამზადების ტექნოლოგია და ა.შ. ორგანიზაციის წარმომადგენლების განმარტებით, გეგმავენ დოკუმენტირებული და სააღრიცხვო ბარათების შესაბამისი სამსახურისთვის გადაცემას, რათა არამატერიალური კულტურული მემკვიდრეობის ძეგლის სტატუსის მინიჭების პროცედურა დაიწყოს. ამ ეტაპისთვის წარდგენილია კახური ქუდის დამზადების ტექნოლოგია და ჩურჩხელას დამზადების ტექნოლოგია და კულტურა.

თბილისი. 10 მაისიდან ვაჟა–ფშაველასა და პეკინის ქუჩის გადაკვეთის ადგილას ოთხი ათასმა მინიატურულმა ჯარისკაცმა დაიკავა. „მწვანე საფარი" ასე ჰქვია აღნიშნულ ინსტალაციას, რომელიც არასამთავრობო ორგანიზაციის „იარე ფეხით" – წამოწყებული არტპროექტის ფარგლებში იმართება. აღნიშნული პროექტის ფარგლებში 5 გამარჯვებული მაისის თვის განმავლობაში სხვადასხვა საჯარო სივრცეში გამოჩნდება და ქალაქში არსებული სოციალური თუ ეკოლოგიური საკითხების მიმართ ახალგაზრდა არტისტების ხედვას წარმოადგენს. სრულად... წყარო: ორგანიზაციის ვებგვერდი სოციალურ ქსელში

ქვემო ქართლი. 16 მაისს დაბა კაზრეთში საყდრისი ყაჩაღიანის არქეოლოგიური ობიექტის დათვალიერების შემდეგ საიამ ადგილზე არსებული მდგომარეობა გადაიღო. ვიდეო მასალა... წყარო: ორგანიზაციის ვებგვერდი სოციალურ ქსელში

თბილისი. „ტფილისის ჰამქარი" მირზა შაფის პროექტის შესახებ განცხადებას ავრცელებს. „2015 წლის 2 მარტს თბილისის არქიტექტურის სამსახურმა და ინვესტორმა (შპს „აპოლო გ.ს.") თბილისში მირზა შაფის ქუჩის განვითარების ესკიზური პროექტის შექმნაზე კონკურსი გამოაცხადეს.. ... მირზა შაფის კონკურსმა გვაჩვენა, რომ ცხრავე წარმოდგენილი პროექტი: არღვევს ტრადიციულად ჩამოყალიბებული უბნის ერთიან მასშტაბს. უგულებელყოფს ლანდშაფტის თავისებურებას. არ ითვალისწინებს ტრადიციულად ჩამოყალიბებული ურბანული ქსოვილის ხასიათსა და მხატვრულ-არქიტექტურულ მთლიანობას. ეწინააღმდეგება ისტორიული ქალაქის განვითარების საერთაშორისო პრინციპს „ფაქიზი განახლების" შესახებ. ... „ტფილისის ჰამქარი" მიიჩნევს, რომ თბილისის მერიამ, როგორც ქალაქის ხელისუფლებამ უნდა გამოავლინოს პოლიტიკური ნება, არ დაასახელოს გამარჯვებული პროექტი და მკაცრად და საპროექტო უბნისთვის შესაფერისად გაწერილი პირობების და მიმართულების საფუძველზე გამოაცხადოს კონკურსის მეორე ეტაპი, რომელშიც მონაწილეობის მიღება შეეძლება ახალ საპროექტო ჯგუფებსაც", ნათქვამია ორგანიზაციის განცხადებაში. სრულად... წყარო: ორგანიზაციის ვებგვერდი სოციალურ ქსელში

აჭარა. 5 მაისს, ბათუმის ხელოვნების უნვიერსიტეტის საკონფერენციო დარბაზში ლექცია გაიამრთა – „ანტიკური სამოსის ისტორია ბიზანტიურ ეპოქამდე". ლექციას ხელოვნების უნიევერსიტეტის სტუდენტებისთვის იენის უნივერსიტეტის პროფესორი დოქტორი ანეგრეტ პლოტკე ლუნინგი კითხულობს. პროფესორი უნივერისტეტში სპეცილური პროექტის ფარგლებში მოიწვიეს. აღნიშნული „ხელოვნათა კლუბის" ერთ-ერთი პროექტია იმ ოთხს შორის, რომელმაც აჭარის განათლების, კულტურისა და სპორტის სამინისტროს კონკურსში გაიმარჯვა და 18 000 ლარის ოდენობით სახელმწიფო დაფინანსება მოიპოვა. პროექტის ფარგლებში, თეორიული ლექციების პარალელურად, მოეწყობა პრაქტიკული მეცადინეობები, რომელზეც სტუდენტები ანტიკურ-ბიზანტიური ელემენტების გამოყენებით სტილიზებულ კოსტიუმებს შექმნიან. კრეატიული იდეების რეალიზების საშულება სტუდენტებს უნივერსიტეტის შემოქედებითი ლაბორატორიის მოწყობის დროსაც შეეძლებათ.

კახეთი. „გოუ ჯგუფი" და ახალგაზრდული ორგანიზაცია „დრონი" იზოლირებულ სოფელ უდაბნოში ფესტივალს აწყობენ. ღონისძიებაში ჩაერთვებიან საერთაშორისო მოხალისეები, არტისტები, და ხელოვანები, რომლებიც ადგილობრივ მოსახლეობას საკუთარი ინრტერესებისა და პოტენციალის გააზრებაში დაეხმარება. ფესტივალი ხორციელდება მხოლოდ „გოუ ჯგუფისა" და „დრონის" მოხალისეების ძალებით, ამიტომაც მას მხარდაჭერა სჭირდება. სრულად... წყარო: ორგანიზაციის ვებ-გვერდი სოციალურ ქსელში

აჭარა. 28 აპრილს, ბათუმის პლაზას საგამოფენო სივრცეში, „თავისუფალი ერთჯერადი პროექტების" აჭარის სპორტისა და ახალგააზრდობის საქმეთა დეპარტამენტის მხარდაჭერით „მოყვარულ ფოტოხელოვანთა კონკურსი" გაიმართა. პროექტი ცხოვრების ჯანსაღი წესის პროპაგანდას და დამწყები ფოტოხელოვანების ხელშეწყობას ითვალისწინებს. 15-მა ბათუმელმა მოყვარულმა ფოტოგრაფმა ჯერ სწავლების მცირე კურსი გაიარა, შემდგომ კი, სპორტის თემაზე სხვადასხვა ფოტო გადაიღო. 70 ნამუშევრიდან 12-მდე მოყვარული ფოტოგრაფის 30 ფოტო შეირჩა. სამკაციანმა ჟიურიმ მათგან სამ საუკეთესო შეარჩია.

თბილისი. საქართველოს ახალგაზრდა იურისტთა ასოციაცია მიმართავს საქართველოს მთავარ პროკურატურას და „2014 წლის 13 დეკემბერს საყდრისი–ყაჩაღიანის არქეოლოგიური ობიექტის აფეთქების ფაქტზე გამოძიების დაწყებისკენ მოუწოდებს". „...საიას ხელთ არსებული ოფიციალური ინფორმაციის თანახმად, 2014 წლის 13 დეკემბერს, შპს „RMG-Gold”-ს საყდრის-ყაჩაღიანის N1 სალიცენზიო უბანზე განხორციელებული აფეთქების დროს ტექნიკური და სამშენებლო ზედამხედველობის სააგენტოსგან მიღებული შესაბამისი ნებართვა არ ჰქონდა", ნათქვამია ორგანიზაციის მიერ გავრცელებულ მიმართვაში. სრულად... წყარო: gyla.ge

აჭარა. 18 აპრილს, „დაკარგული გმირები - საბჭოთა პერიოდის მოზაიკები" - ბათუმის თანამედროვე ხელოვნების სივრცეში „გეოარის" მიერ ორგანიზებული გამოფენა და პუბლიკაციების პრეზენტაცია მოეწყო. გამოფენაზე ნაჩვენები იყო ავტორების პირადი არქივებიდან დოკუმენტები და ესკიზები, კატალოგები, ჩანახატები და ფოტომასალა. აღნიშნული გამოფენა, ბათუმის თანამედროვე ხელოვნების სივრცეში 15 დღის განმავლობაში გაგრძელდება.

კახეთი. სიღნაღში, არასამთავრობო ორგანიზაციის „რეგიონის განვითარების ცენტრის" ინიციატივით გაიმართა მუნიციპალიტეტში კულტურის სფეროში მიმდინარე პროექტების განხილვა. შეხვედრას ესწრებოდნენ არასამთავრობო სექტორის წარმომადგენლები, სტუდენტები და აქტიური ახალგაზრდები. შეხვედრა დიალოგის რეჟიმში მიმდინარეობდა და განიხილეს სიღნაღის მუნიციპალიტეტში მიმდინარე კულტურული პროექტები და სამომავლო გეგმებზე ისაუბრეს. აღნიშნული ღონისძიების მიზანია ახალგაზრდების ჩართვა დემოკრატიულ პროცესებში, სამუშაო შეხვედრებსა და მათ მიერ დაგეგმილი პროექტის განხორციელების საშუალებით ჩამოყალიბდეს მოქალაქეთა ჩართულობის მაგალითები და ფორმები.

აჭარა. 7 აპრილს, ხარების დღესასწაულთან დაკავშირებით - თანამედროვე ხელოვნების სივრცე ბათუმის #6 სკოლასთან არსებული ინკლუზიური ჯგუფის აღსაზრდელებს დაეთმო. გამოფენაზე, შეზღუდული შესაძლებლობების მქონე პირთა ფერწერული, თექაზე, თიხასა და სხვა მასალით შესრულებული ნამუშევრები იყო წარმოდგენილი. დამთვალიერებელს სასურველი ნივთის ყიდვაც შეეძლო. ღონისძიების ორგანიზატორი ინკლუზიისა და ინტეგრირების კავშირი „თანადგომა 21" იყო.

აჭარა. ახალგაზრდულ ორგანიზაციასთან „არტ ვეისთან" არსებულმა დასმა, 24 მარტს, ბათუმის დრამატულ თეატრში გამართა სპექტაკლის – „დაარქვი რაც გინდა" შიდა ჩვენება. სპექტაკლი დაიდგა ოთარ ქათამაძის პიესის მიხედვით და მოქმედება ცირკში მიმდინარეობს. ძმები ჯამბაზები არსებული რეალობისგან გაქცევას ცდილობენ, თუმცა არ უმართლებთ... სპექტაკლის მთლიანი სიუჟეტი კომუნისტურ რეჟიმსა და მის შედეგებს ასახავს. აღნიშნული სპექტაკლით ახალგაზრდული დასი მერზიფონის საერთაშორისო თეატრალურ ფესტივალზე წარსდგება.  

ქვემო ქართლი. გაზაფხულის ფორუმი 21 მარტს იწყება და 31 მაისამდე გაგრძელდება. ბოლნისელები და ჩამოსული ხელოვანები, კულტურის მოღვაწეები და ორგანიზაციები ერთად ეცდებიან ფორუმის ფარგლებში, რომ ბოლნისი იქცეს თანამედროვე ხელოვნებისა და კულტურის ქალაქდ. პროექტი ხორციელდება „სამხრეთ კავკასიის ხელოვნებისა და კულტურის რეგიონული პროგრამის" ფარგლებში. პროგრამის ფინანსურ მხარდაჭერას უზრუნველყოფს შვეიცარიის განვითარებისა და თანამშრომლობის სააგენტო (SDC). სრულად... წყარო: სოციალური ქსელი

თბილისი. ორგანიზაცია „მემკვიდრეობა მომავლისთვის" ავრცელებს ინფორმაციას, რომ საქართველო იუნესკოში (UNESCO) წარსადგენად ამზადებს ნომინაციას „ქართული ანბანის სამი დამწერლობა" –ასომთავრული, ნუსხური და მხედრული. „ნომინაციაში წარსადგენად აუცილებელი პირობაა ხელმოწერების შეგროვება... გთხოვთ მიიღოთ პეტიციაში მონაწილეობა...", ნათქვამია ინფორმაციაში. პეტიცია... წყარო: ორგანიზაციის ვებგვერდი სოციალურ ქსელში

კახეთი. ევროკავშირის კინოფესტივალი საქართველოს სხვადასხვა ქალაქში იმართება. მათ შორის გაიხსნა თელავშიც. კინოფესტივალის მიზანია კინოხელოვნების გზით ევროპული კულტურის მრავალფეროვნებისა და ძირითადი ღირებულებების გაცნობა. რაც თავისთავად ხელს უწყობს საქართველოს ევროკავშირთან დაახლოებას. თელავში ფესტივალი 8 მარტის ჩათვლით გაიმართა და ბულგარეთში გადაღებული ფილმით „უცხოელით" გაიხსნა. ღონისძიებას ადგილობრივი არასამთავრობო ორგანიზაციების წარმომადგენლები, ჟურნალისტები, უნივერსიტეტის პროფესორ-მასწავლებლები, სტუდენტები და დაინტერესებული პირები ესწრებოდნენ.

თბილისი. „ლიბერალის" ინფორმაციით, თბილისის სააპელაციო სასამართლომ კომპანია RMG GOLD-ის, კულტურული მემკვიდრეობის სააგენტოსა და საქართველოს მთავრობის სარჩელი არ დააკმაყოფილა. ამის შესახებ სასამართლოდან „ლიბერალის" კორესპონდენტი იტყობინება. ისინი საქალაქო სასამართლოს გადაწყვეტილებას აპროტესტებენ, რომელმაც „მწვანე ალტერნატივისა" და მოქალაქე დავით სახვაძის სარჩელი ნაწილობრივ დააკმაყოფილა. სრულად... წყარო: liberali.ge

თბილისი. დღეს, 20 თებერვალს იხსნება ევროკავშირის ფილმების ფესტივალი საქართველოში. იგი 1 მარტის ჩათვლით გაგრძელდება. ფესტივალი გაიმართება საქართველოს მასშტაბით 5 ქალაქში: თბილისში, გორში, ქუთაისში, ზუგდიდსა და ფოთში. სეანსებზე დასწრება უფასოა. კინოფესტივალის აფიშა... წყარო: www.eufilm.ge

თბილისი. 20 თებერვლიდან 1 მარტის ჩათვლით ევროკავშირის საქართველოს წარმომადგენლობა იწყებს ,,ევროკავშირის ფილმების ფესტივალს 2015'' საქართველოში. ფილმების ჩვენება გაიმართება მთელი საქართველოს მასშტაბით 5 ქალაქში: თბილისში, გორში, ქუთაისში, ზუგდიდსა და ფოთში. კინოფესტივალის დეტალური განრიგი... წყარო: www.eufilm.ge