თბილისი. 17 ივლისს, პარტნიორობა ადამიანის უფლებებისთვის (PHR) ადვოკატები და ახალგაზრდა ქალი ფეხბურთელები ქუთაისიდან, აშშ-ს ელჩს, კელი დეგნანს შეხვდნენ.  „შეხვედრაზე ისაუბრეს ქალი ადვოკატებისა და უფლებადამცველების მიერ გაწეულ შრომაზე ქალთა უფლებების მიმართულებით. ასევე, ხაზი გაესვა ქალი ფეხბურთელების გამბედაობას და სწრაფვას სამართლიანობისკენ.  აშშ-ს მთავრობა, USAID-ის ჩათვლით, მზად არის მუდმივად შეუწყოს ხელი ქართველი ხალხის საყოველთაო უფლებების დაცვას“. სრულად... წყარო: ორგანიზაციის გვერდი სოციალურ ქსელში

კახეთი. პროექტის „აღმოაჩინე მაღრაანი“ ყველაზე მნიშვნელოვანი გათვლა არის ტურიზმის განვითარების ხარჯზე მაღრაანის თემის სოფლების: მაღრაანის, ფიჩხოვანის, არგოხის ეკონომიკური და სოციალური წინსვლა. საქართველოს სტრატეგიული კვლევებისა და განვითარების ცენტრის ინფორმაციით, ადგილობრივებში პროექტის მოტივაციით უკვე შეინიშნება ინტერესი და ტურიზმის განვითარების მიმართულებით პირველი ნაბიჯების გადადგმის მცდელობა. „ახმეტის მუნიციპალიტეტის, სოფელ მაღრაანს აქვს უდიდესი ბუნებრივი და კულტურული რესურსი ტურიზმის განვითრებისთვის, თუმცა ჩვენს პროექტამდე ეს ყველაფერი მხოლოდ პოტენციალად განიხილებოდა. ახლა კი, ჩვენი პროექტით დაგეგმილი აქტივობები სწორედ რომ მაღრაანის, როგორც ახალი ტურისტული მიმართულების შექმნა-პოპულარიზაციას გულისხმობს“, ნათქვამია ორგანიზაციის ვებგვერდზე სოციალურ ქსელში. პროექტი მიმდინარეობს CSRDG-ის მხარდაჭერით, ევროკავშირისა და კონრად ადენაუერის ფონდის დაფინანსებით მიმდინარე „სამოქალაქო საზოგადოების ინიციატივის“ ფარგლებში. სრულად... წყარო: ორგანიზაციის გვერდი სოციალურ ქსელში

გურია. 28 მარტს ინოვაციებისა და ცვლილებების ინსტიტუტში გაიმართა თემატური შეხვედრა თემაზე: „ტურიზმის მიმართულებით არსებული მდგომარეობა გურიაში და სამომავლო ხედვები“. შეხვედრაზე განიხილეს გურიაში ტურიზმის განვითარების პოტენციალი.  პროექტს „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!)“ განათლების განვითარების და დასაქმების ცენტრი (EDEC), თელავის განათლების განვითარების და დასაქმების ცენტრთან (TEDEC), აჭარის ავტონომიური რესპუბლიკის დასაქმების სააგენტოსთან (EAARA), ფონდთან „აფხაზინტერკონტი“ (AIC) და ინოვაციებისა და ცვლილებების ინსტიტუტთან (ICI) ერთად, ევროკავშირის ფინანსური მხარდაჭერით ახორციელებს. სრულად... წყარო: ორგანიზაციის გვერდი სოციალურ ქსელში

შიდა ქართლი. 14 თებერვალს, გორში, გიორგი ერისთავის სახელობის დრამატულ თეატრში პროექტის „აღმოაჩინე გორი“ პრეზენტაცია გაიმართა. პროექტმა „აღმოაჩინე გორი“ ქალაქის კულტურული იდენტობის უკეთ წარმოსაჩენად, გორში არსებული ისეთი ლოკაციები და პერსონები გააცოცხლა, რომლებიც ხაზს უსვამენ ქალაქის მნიშვნელობას ქვეყნის სოციალ-ეკონომიკურ განვითარებაში. სრულად... წყარო: idfi.ge

თბილისი. პარტნიორობა ადამიანის უფლებებისთვის (PHR) ორგანიზებით, გაიმართა დიალოგი ქართველ ქალ ათლეტებს შორის, რომლის მიზანი იყო გამოცდილების გაზიარება, ერთმანეთის მხარდაჭერა და წახალისება. ორგანიზაციის გადმოცემით, მონაწილე ათლეტებმა ისაუბრეს ქალთა სპორტის არსებითი მხარდაჭერის და თანაბარი პირობების შექმნის აუცილებლობაზე. უფრო ცხადი და ძლიერი სახელმწიფო პოლიტიკის აუცილებლობაზე, სტიგმებთან და სტერეოტიპებთან საბრძოლველად, დაფინანსების თანასწორობაზე და რეგიონებში გოგო ბავშვების მხარდაჭერაზე ჩაერთონ სხვადასხვა სპორტის სახეობებში. სრულად... წყარო: phr.ge

ქვემო-ქართლი. ევროკავშირის მიერ მხარდაჭერილი პროექტის „ეს წალკაა“ ფარგლებში, რომელსაც კავკასიის გარემოსდაცვითი არასამთავრობო ორგანიზაციების ქსელი (CENN) ახორციელებს პარტნიორ ორგანიზაციებთან ერთად, წალკაში ფესტივალი გაიმართა. ფესტივალი ორგანიზებული იყო საქართველოს ფერმერთა ასოციაციის, CENN-ისა და წალკის ადგილობრივი განვითარების ჯგუფის მიერ. ფესტივალის მიზანი იყო წალკის მუნიციპალიტეტის შესახებ ცნობიერების ამაღლება. ფესტივალმა უზრუნველყო ახალგაზრდების, ადგილობრივი მეწარმეების, სახელმწიფო სტრუქტურების წარმომადგენლების, ორგანიზატორებისა და სხვა სტუმრების წალკაში, ერთ სივრცეში შეკრება და გამოცდილებისა და ცოდნის გაზიარება. სრულად... წყარო: eu4georgia.eu

თბილისი. პარტნიორობა ადამიანის უფლებებისთვის აქვეყნებს თამარ აქუბარდიას სტატიას: ქალები სპორტში - სტერეოტიპების წინააღმდეგ. „როდესაც ძიუდოში თითქმის ყველა წონით კატეგორიაში გვყავდა კაცი წარმომადგენელი, ამავე სპორტის სახეობაში მხოლოდ ორი ქალი ასპარეზობდა, რის გამოც გუნდურ შეჯიბრებებში ვერ მივიღეთ მონაწილეობა. თითქოს აკრძალული არაფერია, ქალებს შეუძლიათ იმ სპორტის სახეობას მიჰყვნენ, რომელიც მოსწონთ. მაშინ სად არის პრობლემა? რატომ არიდებენ თავს ქალები სპორტს? მოდი, განვიხილოთ ეს თემა ერთი ქალის თვალით, რომელსაც უბრალოდ უნდა რომ სპორტში სცადოს ბედი“, ნათქვამია სტატიაში. სრულად... წყარო: phr.ge

თბილისი. ინფორმაციის თავისუფლების განვითარების ინსტიტუტის (IDFI) შეფასებით, კულტურის, სპორტისა და ახალგაზრდობის სამინისტროს ცალკე გამოყოფის შემდეგ, მნიშვნელოვნად შესუსტებულია სპორტული ფედერაციების ფინანსებისა და კორუფციული რისკების მონიტორინგის შესაძლებლობა. „ზოგიერთი სპორტული ფედერაციის შესწავლის შედეგად, შეიძლება დავასკვნათ, რომ ზოგადად სექტორი გამოირჩევა გამჭვირვალობისა და ანგარიშვალდებულების დაბალი ხარისხით, გარე და შიდა კონტროლის სუსტი მექანიზმებით, ხშირად პოლიტიკურად მოტივირებული და სხვა ისეთი პროცესებით, რომელიც ეწინააღმდეგება კარგი მმართველობის პრინციპებს“, ნათქვამია ორგანიზაციის კვლევაში. სრულად... წყარო: idfi.ge

თბილისი. ორგანიზაციამ „პარტნიორობა ადამიანის უფლებებისთვის“ (PHR) პრეცედენტული სასამართლო დავა მოიგო. „პირველად საქართველოში, მოსამართლემ ქალი ათლეტების მიმართ, მწვრთნელი კაცის მხრიდან, სექსუალური შევიწროების ფაქტი დაადგინა. საქმის პრეცედენტულობა ასევე მდგომარეობს იმაში, რომ ეს იყო პირველი საქმე, როდესაც სასამართლომ ბავშვის მიმართ სექსუალური შევიწროების საქმე განიხილა“, ნათქვამია ორგანიზაციის განცხადებაში. სრულად... წყარო: phr.ge

თბილისი. ორგანიზაციამ „პარტნიორობა ადამიანის უფლებებისთვის (PHR) საქართველოში პირველი საქმე მოიგო სპორტში ქალების, მათ შორის არასრულწლოვანი გოგოების მიმართ სექსუალურ შევიწროებაზე. ორგანიზაციის ინფორმაციით, შევიწროებას კაცი მწვრთნელი ახორციელებდა. „მოსამართლემ სრულად დააკმაყოფილა მორალური ზიანის მოთხოვნაც. ეს გადაწყვეტილება დასაწყისია საქართველოში ათლეტი ქალებისთვის უსაფრთხო გარემოს შესაქმნელად“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. Caucasus Cycling Network ველომოყვარულების მიერ შექმნილი ორგანიზაციაა, რომელიც კავკასიის რეგიონში ველოკულტურის განვითარებას და ჯანსაღი ცხოვრების პოპულარიზაციას ისახავს მიზნად. ორგანიზაცია, 2019 წლიდან, ქვეყნის მასშტაბით, მოხლისეობრივად ახორციელებს პროექტებს და ღონისძიებებს საგანმანათლებლო, სათავგადასავლო და სპორტული მიმართულებებით. ქსელის ინიციატივით „ბრევეტი“ - მასშტაბური ველოგამოწვევა ჩატარდა. აქტივობა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანალიტიკურ სტატიას, რომლის ავტორია ანატოლი კორეპანოვი. სტატია დაიწერა კონკურსისთვის „მონაცემები ცვლილებებისთვის“. ანატოლი კორეპანოვი კონკურსის პირველი ადგილის მფლობელია. „წინამდებარე დოკუმენტში გაანალიზებულია იმერეთის რეგიონის 11 მუნიციპალიტეტის (12-დან) სპორტის პოლიტიკა და პროგრამული ხარჯები, ასევე მიმოხილულია მერიებს დაქვემდებარებული სპორტული ორგანიზაციების -არაკომერციული (ააიპ) და შეზღუდული პასუხისმგებლობის (შპს) იურიდიული პირების საქმიანობის არაერთი ასპექტი: გამჭვირვალობა, ფინანსები და შემოსავლის წყაროები, მოქმედი პროგრამები და ბენეფიციართა ჯგუფები, მწვრთნელთა კვალიფიკაცია და ანაზღაურება, აგრეთვე შეზღუდული შესაძლებლობების მქონე პირთა სპორტში ჩართულობის ხელშეწყობად არსებული მიდგომები. ანალიზი ეფუძნება სამაგიდე კვლევას, რომლის ფარგლებში დამუშავდა მუნიციპალიტეტების მერიებისგან მიღებული ინფორმაცია (2021 წლის მაისი-ივნისი) და საჯაროდ ხელმისაწვდომი მონაცემები“.  სრულად... წყარო: idfi.ge

თბილისი. 2017 წელს, საქართველომ სოფლის განვითარების ძირეული რეფორმა წამოიწყო, რომლის განხორციელების შედეგად, საქართველოს სოფელმა თანამედროვე ეკონომიკური დატვირთვა უნდა შეიძინოს. „რეფორმის განხორციელების პირველივე დღეებიდან, ევროკავშირი (EU) და გაეროს განვითარების პროგრამა (UNDP) აქტიურად უჭერენ მხარს ამ უმნიშვნელოვანეს გარდაქმნას და ხელს უწყობენ შესაბამისი პოლიტიკის შემუშავებასა და სოფლად პრაქტიკული ინიციატივების განხორციელებას. ამ დახმარების ფარგლებში, 2020 და 2021 წლებში, 9 მილიონი ლარის (დაახლოებით 3 მილიონი აშშ დოლარი) ღირებულების საგრანტო პროგრამა განხორციელდა, რომლითაც მთლიანობაში 80-ზე მეტმა მცირე მეწარმემ ისარგებლა“. სრულად... წყარო: eu4georgia.eu

ქვემო ქართლი. მარნეულში გამართულ აგროტურისტულ ფესტივალზე საქართველოს რვა მუნიციპალიტეტიდან 65-მა მეწარმემ საკუთარი პროდუქცია და მომსახურებები წარადგინა. ფესტივალი ევროკავშირის, ავსტრიისა და შვედეთის მიერ იყო ორგანიზებული. „მეწარმეებს სამთო რეგიონებიდან საშუალება ჰქონდათ შეხვედროდნენ სასტუმროების, რესტორნებისა და კაფეების წარმომადგენლებს. ფესტივალმა ხელი შეუწყო აგროტურიზმისა და ორგანული სოფლის მეურნეობის სფეროების პოპულარიზაციას“. სრულად... წყარო: eeas.europa.eu

კახეთი. USAID/Zrda-სა და პანკისის ხეობის ტურიზმისა და განვითარების ასოციაციის თანამშრომლობით პანკისის ხეობის მოგზაურთა გიდი შეიქმნა. მისი მიზანია პანკისისა და ქისტური ბუნებრივი და კულტურული სიმდიდრისა და მრავალფეროვნების პოპულარიზაცია. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაციამ „პარტნიორობა ადამიანის უფლებებისთვის“ (PHR), პროექტ „ქალთა მიმართ სექსუალური შევიწროება სპორტში“ ფარგლებში, სხვადასხვა სპორტის სახეობაში მოღვაწე სპორტსმენებთან დაიწყო შეხვედრების სერია, რომლის მიზანია ცნობიერების ამაღლების და პრევენციის მიზნით ახალგაზრდა სპორტსმენებისთვის ძალადობის ფორმებზე და სექსუალურ შევიწროებაზე ინფორმაციის მიწოდება. სრულად... წყარო: phr.ge

ქვემო ქართლი. USAID/Zrda წარმოგიდგენთ ახალ კულინარიულ კრებულს - „ეთნო ტაბლა“. „ეთნო ტაბლა“ წარმოადგენს USAID/Zrda-ს მიერ საქართველოს გასტრონომიის ასოიაციასთან ერთად შემუშავებულ ახალ ტურისტულ პროდუქტს, რომელშიც თავმოყრილია ქვემო ქართლის რეგიონში არსებული ეთნიკური უმცირესობების (სომეხი, აზერბაიჯანელი, ბერძენი, გერმანელი, ასირიელი) ძველი კულინარიული რეცეპტები. სრულად... წყარო: ორგანიზაციის გვერდი სოციალურ ქსელში

კოვიდ პანდემიის საპასუხოდ, USAID/Zrda-ს მიერ გამოცხადებული საგრანტო პროგრამის ფარგლებში, სამველ მარგარიანის „ოჯახური კუთხე“ სხვადასხვა გასართობი და სალაშქრო ინვენტარით აღიჭურვა. „USAID/Zrda-მ ახალ კოვიდ-რეგულაციებთან ადაპტაციაში დახმარების მიზნით ტურისტული სექტორის მონაწილეებისთვის გამოაცხადა საგრანტო პროგრამა უკვე არსებული ბენეფიციარებისთვის. ამ მიზნით, USAID/Zrda-მ გამოყო 300,000 ლარი და 14 მეწარმეს გადასცა 30,000 ლარამდე ოდენობის თანხა, რათა მათ სამუშაო ადგილების შენარჩუნებაში, ახალი ტურისტული აქტივობების დაწყებასა და ბაზარზე კონკურენტუნარიანობის შენარჩუნებაში დახმარებოდა“. სრულად... წყარო: ორგანიზაციის გვერდი სოციალურ ქსელში

თბილისი. USAID/Zrda-ს მხარდაჭერით შემუშავდა ტურისტული გიდის გადამზადების პროგრამა, რომელიც ავტორიზაციის ბოლო ეტაპზეა. „Zrda-ს მხარდაჭერით ასევე პროფესიულ სასწავლებლებს შესაბამისი ტექნიკური აღჭურვილიბაც გადაეცათ. პროფესიული გადამზადების პროგრამები რამდენიმე თვეს გრძელდება და მათი მიზანია მოკლე პერიოდში კომპეტენციების შეძენა და განვითარება იმავე სფეროში პროფესიული საქმიანობისთვის. პროგრამის წარმატებით გავლის შემთხვევაში, გაიცემა სახელმწიფოს მიერ აღიარებული სერტიფიკატი“.                                     წყარო: ორგანიზაციის გვერდი სოციალურ ქსელში

აჭარა. ინფორმაციის თავისუფლების განვითარების ინსტიტუტი დეკომუნიზაციის და ზოგადად, დერუსიფიკაციის პროცესში, წლებია აწარმოებს კვლევებსა და შესაბამის ადვოკატირებას საზოგადოებაში.  ამ ეტაპზე, ორგანიზაცია ქობულეთს ესტუმრა, რომლის შემადგენლობაშიც შედის ადმინისტრაციული ერთეული - „ციხისძირი, სტალინისუბანი, შუაღელე“. IDFI თვლის, რომ სახელი „სტალინისუბანი“ პრობლემურია, რასაც ადგილობრივი ხელისუფლებაც იზიარებს, თუმცა შეხვედრაზე დამსწრე მოსახლეობის ნაწილი კვლავ ეწინააღმდეგება სტალინისუბნისთვის სახელის შეცვლას.  ორგანიზაცია აღნიშნავს, რომ შესაძლებელია, ტურისტებმა, რომლებსაც სწორი და ობიექტური ინფორმაცია აქვთ სტალინზე, კურორტზე ჩამოსვლისგან თავი შეიკავონ, ეს კი მოსახლეობის შემოსავალს უფრო შეამცირებს. IDFI გააგრძელებს დიალოგს ტოტალიტარული რეჟიმის ტოპონიმიკასა და მისი მატერიალური თუ სიმბოლური მემკვიდრეობის მნიშვნელობაზე ადგილობრივებთან. სრულად... წყარო: idfi.ge

თბილისი. ქალთა მიმართ ძალადობის წინააღმდეგ ცნობიერების ასამაღლებლად, საქართველოს მორაგბეთა ეროვნული ნაკრები 2 და 9 ივლისს მსოფლიოს მოქმედი ჩემპიონის, სამხრეთ აფრიკის წინააღმდეგ გაეროს ქალთა ორგანიზაციის ლოგოიანი კვართებით ითამაშებს. „მატჩების მნიშვნელობას რამდენიმე ფაქტორი ზრდის: სამხრეთ აფრიკისთვის 2019 წლის მსოფლიო ჩემპიონატის მოგების შემდეგ ეს პირველი თამაშები იქნება, 2003 წლის შემდეგ საქართველოს და სამხრეთ აფრიკის გუნდები ერთმანეთს პირველად შეხვდებიან და ბოლოს: მატჩებს რაგბის სამყაროც განსაკუთრებით ელოდება, რადგანაც, პანდემიის გამო, არაერთი მასშტაბური ღონისძიება, მათ შორის - სპორტულიც, ხანგრძლივად იყო შეჩერებული“. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაციამ „პარტნიორობა ადამიანის უფლებების“ (PHR) სპორტში ქალთა მიმართ სექსუალური შევიწროების თემაზე პროექტი დაიწყო. „პროექტის მიზანია სპორტში ქალთა მიმართ სექსუალური შევიწროების თემაზე ცნობიერების ამაღლება, სექსუალური შევიწროების შემთხვევების გამოვლენის გაუმჯობესება და სამართალდამცავი ორგანოებისადმი მიმართვიანობის გაზრდა“.  სრულად... წყარო: phr.ge