თბილისი. 29 ივნისს, ქუთაისის ახალგაზრდული ცენტრის წევრებისთვის ოჯახში ძალადობისა და ბულინგის თემაზე ფორუმ-თეატრი ჩატარდა. ფორუმ-თეატრის მიზანია პრობლემის წარმოჩენა და გამოსავლის ძიება, ადამიანების ჩართულობა და გააქტიურებაა სოციალურ გარემოში. სრულად... წყარო: ორგანიზაციის ვებ-გვერდი სოციალურ ქსელში

აჭარა. „ღირსეული სიბერის" ბენეფიციარებმა ძმები ნობელების სახელობის ბათუმის ტექნოლოგიურ მუზეუმში ახალი საექსპოზიციო კუთხე დაათვალიერეს. ექსკურსანტებმა მუზეუმში ისტორიაში პირველი ქართული კოსმოსური ობიექტის – „რეფლექტორული ანტენის" და მისი გენერალური კონსტრუქტორის, აკადემიკოსის და გენერალ-მაიორის, ელგუჯა მეძმარიაშვილის შესახებ ბევრი საინტერესო ინფორმაცია მიიღეს. სრულად... წყარო: ორგანიზაციის ვებ-გვერდი სოციალურ ქსელში

აჭარა. აჭარის სახელმწიფო მუზეუმის დირექტორის მიწვევით ასოციაცია „ღირსეული სიბერეს" ბენეფიციარები ბათუმში, თამარის დასახლებაში არსებულ რელიგიის მუზეუმს სტუმრობდნენ. „რელიგიის მუზეუმის წარმომადგენელმა მერი მახარაძემ ვიზიტორები რელიგიათა ისტორიაში ამოგზაურა. საგამოფენო დარბაზში ერთმანეთის გვერდითაა განლაგებული მართლმადიდებლური, კათოლიკური, გრიგორიანული, იუდაიზმის და ისლამური რელიგიებისათვის დამახასიათებელი ექსპონატები. ბენეფიციართათვის განსაკუთრებით ემოციური იყო ისტორია კომახიძეების ოჯახის მიერ მუზეუმის დაფუძნებაში და ექსპონატების შეგროვებაში შეტანილ წვლილის შესახებ", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. საქართველოს სტრატეგიული კვლევებისა და განვითარების ცენტრი და ასოციაცია „ათინათი" სოფელ ხაბუმეში ახორციელებენ პროექტს „ქალთა გაძლიერება ცვლილებებისათვის". პროექტის ფარგლებში ხაბუმეს საჯარო სკოლაში გაიხსნა დადიანისეული მუზეუმი, რომელსაც პედაგოგი ნარგიზა კვარაცხელია ხელმძღვანელობს. სასკოლო მუზეუმი პროექტის ხელმძღვანელმა და მუნიციპალიტეტის გამგებელმა ერთობლივად გახსნეს. პროექტის განხორციელებაში აქტიურად იყვნენ ჩართული ქალთა საინიციატივო ჯგუფ ,,ერთობის" წევრები. სასკოლო მუზეუმისთვის კეთილმოეწყო ოთახი, სკოლის ეზოში გაიწმინდა დადიანისეული ბილიკი, ჩამოყალიბდა სხვადასხვა კლუბი. დღეისათვის მუზეუმში 50–მდე ექსპონატი ინახება. პროექტი ჩხოროწყუს მუნიციპალიტეტის გამგეობის თანადაფინანსებით განხორციელდა. წყარო: ჩხოროწყუს მუნიციპალიტეტის გამგეობის ოფიციალური ფეისბუქგვერდი

ქობულეთი. 21 ივნისს, ასოციაციამ „ღირსეული სიბერე" ქობულეთის მუზეუმთან და კულტურის ცენტრთან ერთად ყვავილების საერთაშორისო დღესთან დაკავშირებით, ერთობლივ ღონისძიება გამართეს. ღონისძიება მოიცავდა ვორქშოპს „როგორ დავამზადოთ ხელოვნური ყვავილები და ცოცხალი ყვავილების თაიგულები", მუსიკალურ პერფორმანსს „ყვავილებში დამეკარგე", ყვავილების თემაზე შექმნილი ნამუშევრების გამოფენას. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჰაინრიხ ბიოლის ფონდის სამხრეთ კავკასიის ბიუროს ფემინისტურ ვებ-გვერდზე ფემინსტრიმის ვიზუალური ხელოვნების შესახებ პოდკასტი გამოქვეყნდა: „ფემინსტრიმი: ნათელა გრიგალაშვილი და მისი ფოტო ისტორიები". „მე ისტორიას ვქმნი, რომელსაც შემდეგი თაობები ნახავენ და გაიგებენ როგორ ვცხოვრობდით დღეს. პანკისის სოფლებში მცხოვრები ქალები თითქოს იზოლირებულნი არიან დანარჩენი სამყაროსგან. ეს ჩაკეტილობა ხელს უშლის ეკონომიკურ და სოციალურ განვითარებას, გადაწყვეტილებების დამოუკიდებლად მიღებას. ხეობაში არსებული კულტურულ-რელიგიური თავისებურებების გამო განქორწინების შემთხვევაში შვილები მამასთან რჩებიან, ამიტომაც აქ თითქმის არასდროს მიმართავენ განქორწინებას. მათი უმრავლესობა უსიტყვოდ ემორჩილება ადათ-წესებს, ტრადიციებს, ისინი აჩენენ და ზრდიან შვილებს, შემდეგ ზოგიერთი მათგანი მიდის ომში და დედას არაფერს ეკითხება", ამბობს ნათელა გრიგალაშვილი. სრულად... წყარო: www.feminism-boell.org

თბილისი. ჰაინრიხ ბიოლის ფონდის სამხრეთ კავკასიის ბიუროს ფემინისტურ ვებ-გვერდზე ფემინისტურ ლიტერატურაზე მორიგი პოდკასტის სერიის დროა. „ქალებთან დაკავშირებული ერთ-ერთი ყველაზე ფართოდ გავრცელებული სტერეოტიპი ისაა, რომ მეტისმეტად ემოციურები ვართ. ერთის მხრივ, ეს შეიძლება უწყინრადაც ჟღერდეს, მაგრამ საუკუნეების მანძილზე ამ ჩვენს ემოციურობას კაცები ხან მუშტით პასუხობდნენ, ხან კი მედიცინის ენით. ეს განსაკუთრებით მაშინ ხდებოდა საჭირო, როდესაც რომელიღაცა ქალი მისთვის გამოზომილ ქალურ ბედნიერებას გვერდზე გაწევდა და იტყოდა რომ ცხოვრებაში გაცილებით მეტის მიღწევა სურს. ასეთ ქალებს მაშინვე ისტერიის დიაგნოზს უსვამდნენ და უკეთეს შემთხვევაში ხანგრძლივი, სიმშვიდით მოცული დასვენების ტყვეებად ხდიდნენ. ისტერია, როგორც ასეთი, გამოგონილი დაავადებაა...", ნათქვამია პოდკასტში. სრულად... წყარო: www.feminism-boell.org

სამეგრელო. ასოციაცია „ათინათის" პროექტის „ახალგაზრდების ჩართულობა და განვითარება" ფარგლებში მოწვეულმა ფოტოგრაფმა ასლან ივანოვმა ორდღიანი ტრენინგი ჩაატარა. „ახალგაზრდებმა ისწავლეს ფოტოების სწორად გადაღება და ასევე ვიდეოების დამონტაჟება. აღნიშნული ტრენინგის საფუძველზე ჩატარდა ფოტო კონკურსი სახელწოდებით „ქალთა სახეები", რომელშიც კლუბის წევრები იღებდნენ მონაწილეობას. საუკეთესო ფოტოს ავტორი პროექტისგან ფოტოაპარატით დასაჩუქრდა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 2016 ლის 9 დეკემბერს, საქართველოს ახალგაზრდა იურისტთა ასოციაციამ, საზოგადოებას კვლევა - „მინისტრის ბინაში რეგისტრირებული კომპანია სახელმწიფოს მილიონზე მეტი ვალით" გააცნო. „მიუხედავად იმისა, რომ ინტერნეიშენალ ივენთს, ვალდებულებების შესრულების ბოლო ვადად 2017 წლის 1 იანვარი განესაზღვრა, საქართველოს ახალგაზრდა იურისტთა ასოციაციის მიერ მოპოვებული ინფორმაციის თანახმად, კომპანიას ხელშეკრულებით განსაზღვრული ვალდებულები არ შეუსრულებია. ყოველივე ზემოთ აღნიშნულიდან გამომდინარე, საქართველოს ახალგაზრდა იურისტთა ასოციაციის მნიშვნელოვნად მიაჩნია შემდეგი: - სახელმწიფომ უნდა გამოიყენოს ხელშეკრულებით მინიჭებული უფლებამოსილება და ინტერნეიშენალ ივენთსის მიერ არაერთხელ დარღვეული სახელშეკრულებო ვალდებულებების შემდეგ, შეწყვიტოს კომპანიასთან გაფორმებული ხელშეკრულება; - სახელმწიფო ქონების ეროვნულ სააგენტომ ყველა ღონე უნდა იხმაროს რომ შპს ინტერნეიშენალ ივენთსმა სრულად დაფაროს სახელმწიფოს წინაშე არსებული დავალიანება", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. CineDoc-Tbilis-ის მიერ დოკუმენტური ფილმის იდეაზე არასამთავრობო ორგანიზაციებისა და რეჟისორებისათვის გამოცხადებულ კონკურსში შემოვიდა 35 არასამთავრობო ორგანიზაციისა და 14 რეჟისორის განაცხადი. „19 აპრილს ფონდ „ღია საზოგადოება - საქართველოს’’ ოფისში შედგა შეხვედრა კონკურსში მონაწილეობის მსურველი არასამთავრობო ორგანიზაციების წარმომადგენლებსა და რეჟისორებს შორის, სადაც მათ წარადგინეს თავიანთი იდეები. წარდგენის შემდეგ რამდენიმე არასამთავრობო ორგანიზაცია და დაინტერესებული რეჟისორი საერთო იდეის ირგვლივ გაერთიანდა, შექმნა სამუშაო ჯგუფი. წარმოდგენილი განაცხადებიდან საეთაშორისო ჟიურის მიერ შერჩეული პროექტის ავტორები 13-15 მაისს მონაწილეობას მიიღებენ 2017 წლის დოკუმენტური ფილმების ფარგლებში დაგეგმილ CivilPitch-ის ორდღიან ტრენინგში, რის შემდეგაც ერთობლივად შექმნილი დოკუმენტური ფილმის იდეას წარუდგენენ დონორი ორგანიზაციების წარმომადგენლებს", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. აშშ-ის საელჩო მეგობრობის ფორუმის ფარგლებში წარმოგიდგენთ საგრანტო პროგრამებს, ამერიკაში სწავლის შესალებლობებს, საგანმანათლებლო პროექტებსა და პარტნიორ ორგანიზაციებს. „საქართველოს მოქალაქეებს, რომელთაც აინტერესებთ საგანმანათლებლო და გაცვლითი პროგრამები, სავიზო პროცედურები, თუ საგრანტო შესაძლებლობები უნდა ეწვიონ აშშ-ის საელჩოს მიერ ორგანიზებულ მეგობრობის ფორუმს. ღონისძიება დაგეგმილია 23 აპრილს, 11:00-დან 18:00 საათამდე სასტუმრო თბილისი რუმსში და ეძღვნება ამერიკისა და საქართველოს დიპლომატიური თანამშრომლობის 25 წლის იუბილეს”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. EWMI ACCESS-ის მხარდაჭერით, „რადარამი" იწყებს პიტერ პომერანცევის წიგნის „არაფერია ნამდვილი და ყველაფერი შესაძლებელია: მოგზაურობა თანამედროვე რუსეთში" მე-18 თარგმანის საჯარო განხილვებს საქართველოს 20 ქალაქში. „როგორ მუშაობს რუსული პროპაგანდა და რა გავლენა აქვს მას დღევანდელ მსოფლიოზე? როგორ ცდილობს კრემლი ადამიანის გონებაში შეღწევას? როგორ იქმნება ალტერნატიული რეალობა თანამედროვე რუსეთში?" - სწორედ ამ შეკითხვებს პასუხობს პიტერ პომერანცევის წიგნი რომელიც 2014 წელს გამოიცა. შეხვედრების განრიგი... წყარო: ewmi-access.org

თბილისი. ლიბერალიზმის სასწავლო ცენტრი აქვეყნებს ლევან ბუთხუზის საჯარო ლექციის ვიდეო-ჩანაწერს: „ოჯახის ევოლუცია - ბიოლოგიური და კულტურული საფუძვლები" წყარო: ორგანიზაციის ვებ-გვერდი სოციალურ ქსელში

აჭარა. ასოციაცია „ღირსეული სიბერის" ქალთა კლუბის წევრებმა და მოხალისეებმა კულტურულ-ისტორიული ტურები დაგეგმეს. „ამჯერად ხანდაზმულთა ჯგუფი სოფელ ზენითში ელინისტური პერიოდის საწნახელსა და ადრე შუასაუკუნეების თეთროსნის ეკლესიას ეწვია. კულტურული მემკვიდრეობის შესახებ მათ შესაბამისი ინფორმაცია ქობულეთის მუზეუმის დირექტორმა მიაწოდა. ტურში სოფელ ჭახათის საჯარო სკოლის მოსწავლეებიც მონაწილებდნენ. აქტივობები მიმდინარეობს ევროკავშირის მიერ დაფინანსებული კოალიციური პროექტის „ხანდაზმულთა უფლებების დაცვის ხელშეწყობისა და სოციალურ-ეკონომიკური გაძლიერების კამპანია აჭარის რეგიონში" ფარგლებში", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. თუ ხართ18-26 წლამდე ახალგაზრდა და ამავდროულად საქართველოს მოქალაქე, EU neighbours east გაძლევთ შანსს მიიღოთ მონაწილეობა კონკურსში #EUaroundU - გაგვიზიარე პირადი ამბავი და მოიგე მოგზაურობა ევროპაში! "თქვენს ამბავში მოთხრობილი უნდა იყოს იმის შესახებ, თუ რა გავლენა იქონია ევროკავშირმა თქვენს პირად ცხოვრებაზე ან საზოგადოებაზე. განაცხადების მიღების ბოლო ვადაა 31 მარტი”, ნათქვამია ორგანიზაციის ვებ-გვერდზე. მონაწილეობის შესახებ დამატებითი ინფორმაცია… წყარო: ორგანიზაციის ვებ-გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აქვეყნებს სულხან სალაძის ბლოგპოსტს ქართული მედიის დღევანდელ რეალობაზე. „ყველა ხელისუფლება რომელიც საქართველოში მოდის, მოსვლამდე და მოსვლის პირველ დღეებში მედიის თავისუფლების მნიშვნელობაზე საუბრობს. იფიცებიან, გვპირდებიან და გვარწმუნებენ, რომ მედიის თავისუფლება მათთვის „წმინდათა წმინდაა". მედიის თავისუფლების სიწმინდე დიდი ხანი არ გრძელდება. ყველაზე მეტი ერთი წელი ალბათ. მერე იწყება უცნაური გადაადგილებები, დანიშვნები და გათავისუფლებები, გაურკვეველი განცხადებები, სასამართლო დავები, მოულოდნელად დახურული რეიტინგული გადაცემები და ა.შ. მანამ, სანამ ხელისუფლებაში მყოფ ერთ პოლიტიკურ ჯგუფს მეორე არ ჩაანაცვლებს. ასე დავდივართ წრეზე და მორიგ წრეზე წასვლის დრო, 2012 წლის საპარლამენტო არჩევნების შემდეგ მოვიდა", ნათქვამია ბლოგპოსტში. სრულად... წყარო: gyla.ge

თბილისი. ფრონტლაინ კლუბი შოტა პაპავას ლექციის ვიდეო ჩანაწერს ავრცელებს: „ღარიბი გმირი ლიტერატურაში".   წყარო: ორგანიზაციის ვებ-გვერდი სოციალურ ქსელში

20 თებერვალს, 18:00 საათზე, ბერლინის ჰუმბოლდტის უნივერსიტეტში გაიხსნება გამოფენა „საზღვრების დაძლევა - გერმანელები სამშობლოს ძიებაში ვიურთემბერგსა და კავკასიას შორის". „გამოფენის ცენტრალურ თემებს წარმოადგენს ვიურთემბერგის დატოვების მიზეზები, კავკასიაში ჩასვლა, ცარისტული კოლონისტური პოლიტიკა და დასახლებათა სტრუქტურების შექმნა სამხრეთ კავკასიის მულტიკულტურულ გარემოში, საზოგადოებრივი, რელიგიური და ეკონომიკური ცხოვრება ცენტრალურ და უამრავ პატარა კოლონიებში, ქალაქური ცხოვრება და მეწარმეობა თბილისსა და ბაქოში, პირველი მსოფლიო ომის მიერ გამოწვეული ცვლილებები...", ნათქვამია ორგანიზაციის ვებ-გვერდზე. წყარო: ორგანიზაციის ვებ-გვერდი სოციალურ ქსელში

თბილისი. 5 თებერვალს, ფრონტლაინ კლუბში გაიმართება Tbilisi Photo Festival-ის სამხატვრო ხელმძღვანელის, ნესტან ნიჟარაძის მასტერკლასი. „მასტერკლასის მიზანია ინდივიდუალური სამუშაო სეანსების გზით დასრულებული ან დამუშავების პროცესში მყოფი ფოტოპროექტების რედაქტირება, პროექტების ფოტოგრაფიული ისტორიის/ სტილის და ინდივიდუალური ფოტოგრაფიული ხელწერის გამოკვეთა. ფოტოგრაფებთან შეხვედრის მიზანია იმ ახალი ფოტოგრაფიული პროექტების გამოვლენა, რომლებიც Tbilisi Photo Festival -ის სამხატვრო საბჭოს განხილვის საგანი გახდება „ფოტოგრაფიის ღამის" (2017 წლის სექტემბერი) პროგრამისთვის სლაიდშოუების შერჩევის პროცესში", ნათქვამია ფრონტლაინ კლუბის ვებ-გვერდზე სოციალურ ქსელში. სრულად... წყარო: ფრონტლაინ ჯორჯიას ვებ-გვერდი სოციალურ ქსელში

ბათუმი. 21 იანვარს, 13:00 საათზე, ბათუმის შოთა რუსთაველის სახელმწიფო უნივერსიტეტში (აუდიტორია #21) გაიმართება საჯარო ლექცია-დისკუსია თემაზე: კედლის მხატვრობის და ფასადის დეკორატიული ელემენტების საკონსერვაციო პროექტის მომზადება და პრაქტიკა. მოცემული ლექციის ფარგლებში, მონაწილეთათვის მიმოხილული იქნება კედლის მხატვრობის და ისტორიული შენობის ფასადების დეკორატიული ელემენტების კონსერვაცია-რესტავრაციის საკითხები - პროექტირება, მართვა და ფიზიკური რესტავრაცია. ლექციის ხანგრძლივობა: 2 საათი. ლექციის ფორმატი: თავისუფალი (შესაძლებელი იქნება კითხვების დასმა ნებისმიერ დროს და დისკუსიაში მონაწილეობის მიღება). ლექციას გაუძღვება - ლელა ნინოშვილი. ლექცია ტარდება ორგანიზაცია "ბათომისა" და ლურჯი ფარის საქართველოს ეროვნული კომიტეტის პროექტის "კულტურული მემკვიდრეობა საფრთხის ქვეშ - სამოქალაქო საზოგადოებისა და მედიის ჩართვა" ფარგლებში, რომელიც დაფინანსებულია შვედეთის ინსტიტუტის მიერ. სრულად..  

აჭარა. საზოგადოება „ბათომი" ღია წერილით მიმართავს აჭარის მთავრობის თავმჯდომარეს - ზურაბ პატარაძეს. დაახლოებით ანალოგიური შინაარსის წერილით „ბათომმა" ბათუმის მერს – გიორგი ერმაკოვსაც მიმართა გასული წლის დეკემბრის თვეში. ზურაბ პატარაძისადმი გაგზავნილი წერილის შინაარსი კულტურული მემკვიდრეობის შენარჩუნებისა და მის გადასარჩენად შესაბამისი ზომების მიღების აუცილებლობას უსვამს ხაზს. დაწვრილებით იხილეთ ტექსტი

თბილისი. შემოქმედებითი საქართველო აქვეყნებს ონლაინ სწავლების კურსის „კულტურა და კრეატიულობა" - ვიდეო ლექციას: „მასობრივი და მაღალი ხელოვნება". სრულად... წყარო: creativegeorgia.ge