თბილისი. „შემოქმედებითი საქართველო“ გიზიარებთ შემოქმედებითი მეწარმეობის რესურსცენტრს, რომელიც წარმოადგენს პრაქტიკულ გზამკვლევს შემოქმედებითი ბიზნესებით დაინტერესებული ადამიანებისთვის. ვებგვერდი აერთიანებს სხვადასხვა სახელმძღვანელოს, ოფიციალურ დოკუმენტს, კვლევებსა და ვიდეო ლექციებს. პროექტი განხორციელებულია შემოქმედებითი საქართველოს ბრიტანეთის საბჭოს საგრანტო პროგრამის, შემოქმედებითი ნაპერწკალი: სამეწარმეო განათლება უმაღლესებისათვის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. მულტიმედიური გამოფენა „რამ შემქმნა ადამიანად?“ 21 დეკემბრამდე იმუშავებს: 10:00 -17:00, თბილისის სახელმწიფო სამხატვრო აკადემიის საგამოფენო დარბაზში. გამოფენის ორგანიზატორები და მხარდამჭერები არიან ევროკავშირი (EU) და გაეროს განვითარების პროგრამა (UNDP) ადამიანის უფლებების კვირეულის კვირეულის ფარგლებში. სრულად... წყარო: www.undp.org

თბილისი. პეტრე სოციალური ინკლუზიის მხარდამჭერი ორგანიზაციის „ხელი ხელს“ ოჯახის წევრია. ინსტიტუციებში გატარებული მრავალი წლის შემდეგ, ის ახლა საოჯახო ტიპის საცხოვრისში, დამოუკიდებელი ცხოვრებით ცხოვრობს. პეტრემ საკუთარ თავში იპოვა ახალი უნარები და ახლა ის მხატვრობით არის დაკავებული. მის პერსონალურ გამოფენას ღია საზოგადოების ფონდმა უმასპინძლა. 2011 წლიდან, ორგანიზაცია „ხელი ხელს“ „ღია საზოგადოების ფონდის“ მხარდაჭერით, არაერთ პროექტს ახორციელებს, რომელებიც შშმ პირთა უფლებრივ მდგომარეობას სულ უფრო მეტად აუმჯობესებს. ორგანიზაციის „ხელი ხელს“ და „ღია საზოგადოების ფონდის“ მრავალწლიანი წარმატებული თანამშრომლობის შედეგად, დღეს 50-მდე შშმ პირი ჩაკეტილ ინსტიტუციებში იზოლირებულად ცხოვრების ნაცვლად, საზოგადოებაში, თანასწორ გარემოში ცხოვრობს და არის სოციუმის ღირსეული წევრი. სრულად... წყარო: ორგანიზაციის გვერდი სოციალურ ქსელში

თბილისი. საინტეგრაციო შეხვედრების ციკლის ფარგლებში ომით დაზარალებული უკრაინელი ბავშვები ქართული სამზარეულოს ძირითად ტრადიციებს გაეცნენ და კულინარიულ მასტერკლასშიც მიიღეს მონაწილეობა. პროექტი პროგრამის „ევროკავშირი გენდერული თანასწორობისთვის: ერთად გენდერული სტერეოტიპებისა და გენდერული ძალადობის დასაძლევად“ ნაწილია, რომელიც ერთობლივად ხორციელდება გაეროს ქალთა ორგანიზაციის (UN Women) და გაეროს მოსახლეობის ფონდის (UNFPA) მიერ, ევროკავშირის მხარდაჭერით. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. ტოლერანტობის საერთაშორისო დღესთან დაკავშირებით, USAID-ის პროგრამის ერთიანობა მრავალფეროვნებაშია მონაწილეები, ტოლერანტობის სიმბოლოს, რაბათს და მის ტერიტორიაზე არსებულ ისტორიულ და რელიგიური ძეგლებს ესტუმრნენ. მოწველი ტრენერის (გიდის) ლიანა ჩილაშვილის დახმარებით კი დეტალურად გაეცვნენ ისტორიული მნიშვნელობის ფაქტებს მათ შესახებ. სრულად... პროგრამის შესახებ იხილეთ ბმულზე... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრი (GCSD) გთავაზობთ პუბლიკაციას „პოლიტიკური კულტურის პრობლემები საქართველოში - პრობლემის აღწერა და გადაჭრის გზების ძიება“. სრულად... პუბლიკაცია მოიცავს საქართველოში პოლიტიკური კულტურის საკითხზე ექსპერტებთან გამართული დისკუსიის ანგარიშს. პუბლიკაცია მომზადდა პროექტის „დემოკრატიული მოქალაქეობის ხელშეწყობა საქართველოში“ ფარგლებში, რომელიც განხორციელდა ევროკავშირის მხარდაჭერით, ევროკავშირის აღმოსავლეთ პარტნიორობის სამოქალაქო საზოგადოების გაძლიერების პროგრამის ფარგლებში. წყარო: ორგანიზაციის გვერდი სოციალურ ქსელში

თბილისი. საქართველოს დემოკრატიული ინიციატივას (GDI) ინფორმაციით, ომბუდსმენმა საქართველოს კულტურის, სპორტის და ახალგაზრდობის სამინისტროს ზოგადი წინადადებით მიმართა. სახალხო დამცველმა სამინისტროს მოუწოდა დისკრიმინაციის წამახალისებელი პრაქტიკის თავიდან ასაცილებლად შეცვალოს სამხატვრო ხელმძღვანელების კანდიდატთა შესარჩევი სარეკომენდაციო საბჭოს დებულება, ხოლო მოქმედი კანონმდებლობით მინიჭებული დისკრეციული უფლებამოსილება - კონკურსის გარეშე ხელმძღვანელის დანიშვნასთან დაკავშირებით, მხოლოდ გამონაკლის შემთხვევაში გამოიყენოს. საქმე ეხება პროფესიული სახელმწიფო დრამატული თეატრების სამხატვრო ხელმძღვანელების შესარჩევი კონკურსის სამი მონაწილის, მათ შორის ლაშა ჩხვიმიანის განცხადებას, რომელიც განსხვავებული შეხედულებების გამო დისკრიმინაციის თაობაზე დაობდა. სრულად... წყარო: gdi.ge

გურია.  ანასეულის სათემო მომსახურების ხანდაზმულები ოზურგეთის სახელმწიფო დრამატულ თეატრში სპექტაკლს „იმერული რეკვიემი“ დაესწრნენ. ღონისძიება განხორციელდა სამწლიანი პროექტის „უფლებებზე დაფუძნებული სოციალური მომსახურების განვითარება შეზღუდული შესაძლებლობების მქონე პირების და ხანდაზმულებისთვის“ ფარგლებში, რომელსაც ახორციელებს საქართველოს სტრატეგიული კვლევებისა და განვითარების ცენტრი  (CSRDG), ახალგაზრდა პედაგოგთა კავშირთან (YPU) და საქართველოს საზოგადოებრივი ინტერესების დაცვის ასოციაცია (GPIDA) ერთად. პროექტის ფინანსური მხარდამჭერია ევროკავშირი. სრულად... წყარო: ორგანიზაციის გვერდი სოციალურ ქსელში

საქართველო. ევროკავშირისა და გაეროს განვითარების პროგრამის ხელშეწყობით, საქართველოს პარლამენტმა საკომიტეტო თემატური მოკვლევა ჩაატარა საქართველოს ციხე-სიმაგრეების მდგომარეობისა და განვითარების პერსპექტივების შესახებ. გაეროს განვითარების პროგრამის ცნობით, საქართველოს პარლამენტმა შეისწავლა ისტორიული საფორტიფიკაციო ნაგებობების - ციხე-სიმაგრეების, კოშკებისა და გალავნების რევიტალიზაციის პერსპექტივები, რაც დაცვასთან და აღდგენასთან ერთად, ამ ულამაზესი ისტორიული ძეგლებისთვის ახალი ფუნქციებისა და დანიშნულების შეძენას გულისხმობს. რევიტალიზაციის შედეგად, ისტორიული ძეგლი ეკონომიკური და სოციალური მიზიდულობის ცენტრად იქცევა, რაც დადებითად აისახება მიმდებარე რეგიონის განვითარებაზე. სრულად... წყარო: www.undp.org

ქვემო ქართლი. USAID-ის სამოქალაქო საზოგადოების ჩართულობის პროგრამის მხარდაჭერით, დმანისის საინიციატივო ჯგუფი ერთი წლის განმავლობაში დმანისის მუნიციპალიტეტში 50-ზე მეტ თეატრალურ წარმოდგენას და სხვა საგანმანათლებლო ღონისძიებებს გამართავს. 10 ოქტომბრიდან დმანისის სოფლებში ღია ცის ქვეშ სპექტაკლის ჩვენებები დაიწყო და თვის ბოლომდე გაგრძელდება. სრულად... წყარო: ორგანიზაციის გვერდი სოციალურ ქსელში

ფონდი „ტასო“ გირჩევთ ნახოთ სოფლად მცხოვრები ქალების თემაზე გადაღებული სამწუთიანი ფილმი „მედეას შთამომავლები“. ლენა ჭაღალიძის ფილმმა „მედეას შთამომავლები“ სამწუთიანი ფილმების კონკურსის პირველი საპრიზო ადგილი მოიპოვა. სრულად... წყარო: ორგანიზაციის გვერდი სოციალურ ქსელში

თბილისი. გოგოების საერთაშორისო დღეს, UNFPA Georgia-მ ევროკავშირთან ერთად, თბილისის თოჯინების სახელმწიფო თეატრის სცენაზე თოჯინური წარმოდგენა „ესმამ დაქოქა მანქანა” დადგა. ორგანიზაციის გადმოცემით, „ესმამ დაქოქა მანქანა“ არის სპექტაკლი გოგოებისთვის და ბიჭებისთვის, რომლებიც ოცნებობენ, ამსხვრევენ სტერეოტიპებს, სურთ, სამყარო უკეთესობისკენ შეცვალონ და რომელთა ოჯახებიც სქესის მიუხედავად ამაყობენ თავიანთი შვილებით. წაიკითხეთ მეტი... წყარო: eu4georgia.eu

სამეგრელო. ევროკავშირმა ქალაქ ზუგდიდს, კულტურის განვითარების ახალი სტრატეგიის განსახორციელებლად, 300 000 ევრომდე გრანტი გადასცა. ზუგდიდის კულტურის განვითარების 5-წლიანი სტრატეგია, ასახავს ქალაქის მთავარ კულტურულ თემებს, პრიორიტეტებს, 2022-2026 წლების მიზნებს, შესაძლებლობებსა და პერსპექტივებს. ქალაქმა შემდეგი ძირითადი სტრატეგიული მიმართულებები გამოკვეთა: ზუგდიდი, როგორც კულტურული მემკვიდრეობის, ინოვაციების, რეწვისა და გასტრონომის შემოქმედებითი ქალაქი. სრულად... წყარო: eu4georgia.eu

თბილისი. ასოციაცია „ანიკას“ ინფორმაციით, გრძელდება პროექტი „INKuLtur – ინკლუზიისა და კულტურულ ცხოვრებაში მონაწილეობისათვის“. პროექტის მიზანია გაზარდოს შეზღუდული შესაძლებლობის მქონე პირთა მონაწილეობა კულტურულ ცხოვრებაში. პროექტს „INKuLtur – ინკლუზიისა და კულტურულ ცხოვრებაში მონაწილეობისათვის“ ახორციელებს ორგანიზაცია „Dialogue for Understanding e.V.“ აღმოსავლეთ პარტნიორობის ქვეყნებთან ერთად, გერმანიის საგარეო საქმეთა სამინისტროს დაფინანსებით. სრულად... წყარო: ორგანიზაციის გვერდი სოციალურ ქსელში

თბილისი. სოციალური თერაპიის სახლი ახალ ინიციატივას გთავაზობთ - გაჩნდა იდეა შექმნილიყო თეატრალური სტუდია - “Theater Studio For Everybody”, რომელიც ეპატიჟება ყველა მსურველს, 14 წელს ზემოთ, ვისაც თეატრი და ხელოვნება უყვარს. სრულად... წყარო: ორგანიზაციის გვერდი სოციალურ ქსელში

კახეთი. ცოდნის კაფე არის სოციალური საწარმო, რომელიც კახეთში მცხოვრებლებს სთავაზობს სივრცეს არა მარტო თავიანთი ინიციატივებისა და იდეებისათვის მხარდაჭერის მოსაპოვებლად, არამედ უზრუნველყოფს მათ წვდომას ტრენინგებზე, კურსებზე, მულტიმედია ბიბლიოთეკაზე, წიგნის მაღაზიასა და მრავალ სხვა რესურსზე. ეს ყველაფერი შესაძლებელი გახდა ევროკავშირის პროექტის ფარგლებში, Mercy corps-ის გრანტის საშუალებით. სრულად... წყარო: ევროკავშირის გვერდი სოციალურ ქსელში

სამცხე-ჯავახეთი. აგვისტოში სოციალური სამართლიანობის ცენტრმა ჯავახეთის სოფლები მოინახულა. ორგანიზაცია გიზიარებთ ფოტო ისტორიას ჯავახეთის რეგიონიდან.  „სოფელი ეშტია ნინოწმინდის მუნიციპალიტეტის სიდიდით მეორე სოფელია. ამ დროისთვის სოფელში 1700-მდე ადამიანი ცხოვრობს. მოსახლეობის დიდი ნაწილი კათოლიკე სომხები არიან. წინა წლებთან შედარებით მოსახლეობის რაოდენობა სოფელში თითქმის განახევრდა. ადგილობრივები ჰყვებიან, რომ სოფელში მიგრაციის მაღალი ტალღაა, რადგან რეგიონში დასაქმების და განვითარების შანსები შეზღუდულია. სოფლის მოსახლეობა ძირითადად მესაქონლეობითა და მეკარტოფილეობით ირჩენს თავს. სოფელი ფოკა ფარავნის ტბის სამხრეთ ნაპირას, ზღვის დონიდან 2080 მ-ზე მდებარეობს. სოფელი ქალაქ ნინოწმინდიდან 28 კმ-ით არის დაშორებული. 2014 წლის აღწერის მონაცემებით, სოფელში 1176 მოსახლეა. აქვეა საჯარო სკოლა და საზოგადოებრივი ცენტრი. მოსახლეობა ძირითადად დაკავებულია მესაქონლეობით და მეთევზეობით. სწორედ მდინარე ფარავანი არის ადგილობრივებისთვის მნიშვნელოვანი სასიცოცხლო რესურსი. სოფელში პრობლემად რჩება მცირემიწიანობა, მიგრაცია და სამუშაო ადგილების სიმწირე. ამას კი მძიმე კლიმატური პირობები ემატება“. სრულად...  წყარო: ორგანიზაციის გვერდი სოციალურ ქსელში

სამცხე-ჯავახეთი. სოციალური სამართლიანობის ცენტრის ინფორმაციით, ჯავახეთის რეგიონის სოფელ განძაში ადგილობრივი მოსახლეობა ვაჰან ტერიანის დაბადების დღეს ზეიმობს. ვაჰან ტერიანი ეთნიკურად სომეხი პოეტი და საზოგადო მოღვაწე იყო, რომელიც 1885 წელს ჯავახეთის რეგიონის სოფელ განძაში დაიბადა. სრულად... წყარო: socialjustice.org.ge

თბილისი. ქალთა საინფორმაციო ცენტრი აქვეყნებს ანასტასია ლორთქიფანიძის ბლოგპოსტს: რისი ეშინია შიშს.? „ჩვენი უბედურება დღესდღეობით იმაში მდგომარეობს რომ ჩვენი საზოგადოება (არ ვსაუბრობ იმ ნაწილზე, რომელიც დღის სინათლეზე დიდი ხანია გამოვიდა) ქალს აღიქვამს, როგორც ნივთს, რომელიც მამაკაცის ღირსების საზომია და რომელსაც ძალიან მცირე შეცდომის დაშვება სჭირდება იმისათვის რომ აღარ იყოს სასურველი ან მისაღები. სამაგიეროდ მამაკაცს ბევრი რამ ეპატიება, რაც ვფიქრობ მისი განვითარებისთვისვეა დამღუპველი. ალბათ ამიტომაც გვყავს ბევრი რეალობას აცდენილი კაცი, რომელსაც იმდენი ეძახეს, შენ კაცი ხარ ასეთი და ასეთი უნდა იყო, ამის და ამის უფლება გაქვს, შენ მეტი ხარ, შენ გეპატიება, მერე რა და ა.შ. მათ ყველაფერი აპატიეს, გაუტარეს, მისცეს უამრავი უფლება, მისცეს მეტი ხელფასი იგივე საქმეში, რასაც ქალიც აკეთებს, რითაც ერთგვარი დათვური სამსახური გაუწიეს და შეაფერხეს მათი განვითარება“. სრულად... წყარო: ginsc.net

შიდა ქართლი. „საერთაშორისო გამჭვირვალობა - საქართველოს“ ორგანიზებით, საქართველოს სხვადასხვა რეგიონში, ბესო სოლომონაშვილის ფილმის „ბოსტანი კონფლიქტის ზონაში“ ჩვენება გაიმართება. ამჯერად, ფილმის ჩვენება გაიმართა კასპის მუნიციპალიტეტის სოფელ ქვემო გომში, სადაც ფილმის გადაღებები მიმდინარეობდა. „ფილმის შემქმნელებს და აუდიტორიას აერთიანებდათ სურვილი, რომ, ჩვენ, ყველამ ერთად გადავდგათ ნაბიჯი ევროპისკენ, რომელიც მშვიდობის და უსაფრთხოების სივრცეა, რომლის ერთადერთი მტერი დღეს - ჩვენი საერთო მტერი - რუსეთია“, ნათქვამია გამჭვირვალობის ვებგვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს ლელა ჯობავას ბლოგპოსტს: „ყველა და ყველაფერი ერთმანეთთან კავშირშია“. ბლოგპოსტში საუბარია წოვათის თუშებზე (ბაცბები/წოვათუშები), რომელთა ენაც გაქრობის პირასაა. „ჩემი ყურადღება წოვათის თუშებმა (ბაცბებმა/წოვათუშებმა) იმით მიიქციეს, რომ მათ, თუშეთის დანარჩენი თემების მცხოვრებთაგან, თავიანთი ენა - წოვათუშური - განასხვავებთ. დღესდღეობით, წოვათუშურ ენაზე მოსაუბრეთა რაოდენობა რამდენიმე ათეულ ადამიანს არ აღემატება და მასზე ძირითადად უფროსი თაობის ხალხი ლაპარაკობს. ხოლო უფრო ახალგაზრდებს კი ან ესმით ან არ ლაპარაკობენ, რადგან ზოგიერთ ოჯახშიც მხოლოდ ქართულია სასაუბრო ენა.“ სრულად... წყარო: socialjustice.org.ge

თბილისი. ღირსეული შრომის პლატფორმა ეხმიანება საქართველოს კულტურის, სპორტისა და ახალგაზრდობის სამინისტროში მიმდინარე თანამშრომელთა მასშტაბურ გათავისუფლების ფაქტებს, რაც, სავარაუდოდ, დასაქმებულთა კრიტიკული შეხედულებების ან/და პროფესიული კავშირის წევრობის ნიშნით, საკადრო წმენდას გულისხმობს. ღირსეული შრომის პლატფორმის წევრი ორგანიზაციები დეტალურად სწავლობენ მუზეუმის სისტემიდან თანამშრომელთა გათავისუფლებისა და რეორგანიზაციის კანონიერების საკითხს და საჭიროების შემთხვევაში, კულტურის სამინისტროს სისტემაში დასაქმებულ სხვა პირთა შრომითი უფლებების სასამართლო წესით დაცვის პარალელურად, უზრუნველყოფენ მეცნიერების, განათლებისა და კულტურის პროფკავშირს წევრთა სამართლებრივ მხარდაჭერასაც. სრულად... წყარო: socialjustice.org.ge