თბილისი. 11 ივნისს, 16:00 საათზე, IREX-ის განათლების მულტიმედია ცენტრში გაიმართება ონლაინ კონფერენცია თემაზე - „მედიის როლი სამოქალაქო საზოგადოების განვითარებაში". თემის ირგვლივ მოსწავლეების კითხვებს უპასუხებს საქართველოს საზოგადოებრივი მაუწყებლის ჟურნალისტი ნინო ზაუტაშვილი. კონფერენციის პირდაპირ ეთერში ნახვა შესაძლებელია ბმულიდან bambuser.com წყარო: სამოქალაქო ინიციატივების გვერდი სოციალურ ქსელში

თბილისი. საერთაშორისო გამჭვირვალობა საქართველო განცხადებას ავრცელებს, რომლითაც მოუწოდებს აჭარის უმაღლესი საბჭოს წარმომადგენლებს თავი შეიკავონ მედიის საქმიანობაში ნებისმიერი ტიპის ჩარევისგან. ორგანიზაციამ განცხადება ტელეკომპანია ტვ 25–ის ჟურნალისტისა და აჭარის უმაღლესი საბჭოს დეპუტატის მედეა ვასაძის სატელეფონო საუბრის გასაჯაროების შემდეგ გააკეთა. „საუბარის შინაარსი ეხება 8 ივნისს ტვ 25-ის ეთერში გასულ საგამოძიებო ფილმს სახელად „უმაღლესი კომფორტი", სადაც მოთხრობილია როგორც აჭარის უმაღლესი საბჭოს აქტივობებზე, ისე კონკრეტული დეპუტატების საქმიანობაზე. ფილმის ეთერში გასვლის შემდეგ აჭარის უმაღლესი საბჭოს დეპუტატი და ადამიანის უფლებათა დაცვის კომიტეტის თავმჯდომარე მედეა ვასაძე დაუკავშირდა გადაცემის ავტორს, ჯაბა ანანიძეს და ის ფაქტების დამახინჯებაში დაადანაშაულა. ჩანაწერში ისმის, როგორ ემუქრება მედეა ვასაძე ჟურნალისტს მის საწინააღმდეგოდ მოქმედებების დაწყებით... „საერთაშორისო გამჭვირვალობა – საქართველო" მოუწოდებს აჭარის ა/რ უმაღლესი საბჭოს წარმომადგენლებს თავი შეიკავონ მედიის საქმიანობაში ნებისმიერი ტიპის ჩარევისგან და ჟურნალისტების მიმართ მუქარის შემცველი განცხადებებისგან. ასევე, მოვუწოდებთ აჭარის უმაღლეს საბჭოს იმსჯელოს მომხდარ ფაქტზე და მიიღოს შესაბამისი გადაწყვეტილება". სრულად... წყარო: transparency.ge

თბილისი. რეგიონულ მაუწყებელთა ასოციაცია (GARB) „ტელეარხი 25"-ის ჟურნალისტს ჯაბა ანანიძეს სოლიდარობას უცხადებს და „შეშფოთებას გამოთქვამს აჭარის უმაღლესი საბჭოს დეპუტატის, მედეა ვასაძის მხრიდან ჟურნალისტ ჯაბა ანანიძის მიმართ განხორციელებული ზეწოლის გამო". სრულად... წყარო: media.ge

თბილისი. მედიის განვითარების ფონდმა „ტელეარხ 25"– ის ჟურნალისტის ჯაბა ანანიძისა და აჭარის უმაღლესი საბჭოს დეპუტატის მედა ვასაძის სატელეფონო საუბრის შესახებ, განცხადება გაავრცელა. ორგანიზაცია „აჭარის ავტონომიური რესპუბლიკის უმაღლესს საბჭოსა და ფრაქცია „ქართულ ოცნებას" აღნიშნულ ფაქტთან დაკავშირებით რეაგირების მოხდენას და ჟურნალისტის მიმართ მუქარის მცდელობის მიმართ გამიჯვნას სთხოვს", ნათქვამია media.ge-ზე. სრულად... წყარო: media.ge

თბილისი. საქართველოს სახალხო დამცველი საჯარო ინფორმაციაზე ხელმისაწვდომობის უზრუნველყოფას ითხოვს. განცხადებაში ნათქვამია, რომ „შსს კახეთის სამხარეო მთავარმა სამმართველომ უარი განუცხადა საინფორმაციო ცენტრების ქსელის რედაქტორს გელა მთივლიშვილს საჯარო ინფორმაციის გაცემაზე". სახალხო დამცველი წინადადებით მიმართავს საქართველოს შინაგან საქმეთა მინისტრს ალექსანდრე ჭიკაიძეს, }შსს კახეთის სამხარეო მთავარი სამმართველოს საჯარო ინფორმაციის ხელმისაწვდომობის უზრუნველყოფაზე პასუხისმგებელი პირის მიერ საქართველოს კანონმდებლობით გარანტირებული უფლების დარღვევის ფაქტთან დაკავშირებით", სრულად... წყარო: ombudsman.ge

თბილისი. საიას მედიის სამართლებრივი დაცვის ცენტრი, „ტელეარხ 25"–ის ჟურნალისტის ჯაბა ანანიძისა და აჭარის უმაღლესი საბჭოს დეპუტატის მედეა ვასაძის სატელეფონო საუბრის შესახებ, განცხადებას ავრცელებს. „...ჯაბა ანანიძესა და მედეა ვასაძეს შორის სატელეფონო საუბარი წარმოადგენს ზეწოლას ჟურნალისტზე მომავალში არ მოამზადოს კრიტიკული მასალა აჭარის ა/რ უმაღლესი საბჭოს საქმიანობის შესახებ. მაღალი თანამდებობის პირის მიერ ჟურნალისტის მიმართ მსგავსი დამოკიდებულება საფრთხის ქვეშ აყენებს კრიტიკულ ჟურნალისტურ საქმიანობას. მომხდარი წარმოადგენს მედიის თავისუფლებაში უხეშ ჩარევას და შეუთავსებელია დემოკრატიულ სახელმწიფოში მედიის თავისუფლებისა და გამოხატვის თავისუფლების უმნიშვნელოვანეს ღირებულებებთან....", ნათქვამიაგ ანცხადებაში სრულად... წყარო: gyla.ge

თბილისი. ჟურნალისტური ეთიკის ქარტია „ტელეარხ 25"-ის მიერ გამოქვეყნებულ ჟურნალისტ ჯაბა ანანიძისა და აჭარის უმაღლესი საბჭოს დეპუტატის მედეა ვასაძის სატელეფონო ჩანაწერს ეხმაურება. „ჟურნალისტური ეთიკის ქარტიის საბჭო კატეგორიულად მიუღებლად მიიჩნევს სახელმწიფო თანამდებობის მქონე პირების მედიასთან ურთიერთობის მსგავს ფორმებს და დეპუტატის ზარს ჟურნალისტთან და მის შინაარსს აფასებს, მუქარად და ზეწოლის მცდელობად. ქარტიის საბჭო მიიჩნევს რომ უნდა დადგეს დეპუტატ მედეა ვასაძის პასუხისმგებლობის საკითხი და მოუწოდებს აჭარის უმაღლეს ორგანოს უსწრაფესი რეაგირება მოახდინოს დეპუტატის ქმედებაზე”. სრულად ... წყარო: qartia.org.ge

იმერეთი. 6 ივნისს მოხალისეთა გაცვლითი პროგრამის ფარგლებში, ქუთაისის და ახალციხის ახალგაზრდული ცენტრის წევრებისათვის ჩატარდა სემინარი - „მასობრივ საინფორმციო საშუალებებთან ურთიერთობის გზები და საშუალებები". ტრენინგ-სემინარს მოწვეული ექსპერტი დავით ლიკლიკაძე გაუძღვა და მას ცენტრის 43-მა წევრმა მიიღო მონაწილეობა. სემინარის მიზანს წარმოადგენდა ახალგაზრდების ინფორმირება მასობრივ საინფორმაციო საშუალებებთან ურთიერთობის და ეფექტური თანამშრომლობის საკითხებზე. სემინარის მიმდინარეობისას განიხილეს საკითხები: მედიის უპირატესობა და საშუალებანი, მედიასთან ურთიერთობის საჭიროება, მას მედიასთან მუშაობის სტრატეგიის ნაბიჯები, მას მედიასთან მუშაობის გზები, მედიასთან ურთიერთობისათვის აუცილებელი უნარ-ჩვევები და სხვა. წყარო: ორგანიზაციის გვერდი სოციალურ ქსელში

თბილისი. 5 ივნისს, ჯიპა-ფრიდმანის პრიზის დაჯილდოების ცერემონია „ფრონტლაინ კლუბში" გაიმართა. საუკეთესო საგამოძიებო ჟურნალისტური ნამუშევრისთვის ჯიპა ფრიდმანის მთავარი პრიზი „სტუდია მონიტორის" ხელმძღვანელმა ნინო ზურიაშვილმა მიიღო. მას პრიზი კოლუმბიის უნივერსიტეტის პროფესორმა, პულიცერის პრემიის ლაურეატმა ჯოშუა ფრიდმანმა გადასცა. საუეთესო გამომძიებელ ჟრნალისტებს ჯიპა-ფრიდმანის ჯილდო მესამე წელია გადაეცემათ. სრულად...  წყარო: www.media.ge

თბილისი. „ინტერნიუსი - საქართველომ" რეგიონული ტელეარხების წინასაარჩევნო მონიტორინგის პირველი ანგარიში გამოაქვეყნა. ანგარიში 2014 წლის 12-25 მაისის პერიოდს და 16 რეგიონალურ ტელეკომპანიას მოიცავს. პროექტი ხორციელდება  საარჩევნო სისტემების საერთაშორისო ფონდის (IFES) ოთხწლიანი პროექტის - „ნდობის გაზრდა საარჩევნო პროცესებისადმი" - ფარგლებში, ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით. ტელეკომპანიების მონიტორინგი 2014 წლის 12 მაისიდან 15 ივნისის ჩათვლით განხორციელდება. ანგარიში წყარო: media.ge

შიდა ქართლი. 2 ივნისს, საზოგადოება „ბილიკის" მედიასკოლის დახურვა და შედეგების პრეზენტაცია გაიმართა. მედიასკოლაში მუშაობდა სამი ჯგუფი: საგაზეთო, რადიო და სატელევიზიო. თითოეული ჯგუფის წევრებმა პრეზენტაციის სახით წარმოადგინეს სკოლის მუშაობის შედეგი. მსმენელებს გადაეცათ სერტიფიკატები. წყარო: ორგანიზაციის გვერდი სოციალურ ქსელში

თბილისი. კავკასიის კვლევითი რესურსების ცენტრი (CRRC - საქართველო) ეხმიანება 23 მაისს „ტვ3"-ის მიერ გავრცელებულ საგანგებო განცხადებას, რომელშიც არხი არ ეთანხმება CRRC საქართველოს მიერ სატელევიზიო მონიტორინგის პირველ ანგარიშში გამოთქმულ მოსაზრებებს. „CRRC საქართველო დადებითად აფასებს ტელევიზიების დაინტერესებას მონიტორინგის შედეგებით და გამოთქვამს მზადყოფნას, შემდგომშიც უპასუხოს მათ კითხვებს", ნათქვამია განცხადებაში. სრულად... წყარო: www.crrc.ge

თბილისი. ჟურნალისტური ეთიკის ქარტია განცხადებით ეხმაურება მთავარი პროკურორის ვიზიტს აჭარაში. კერძოდ კი, ადგილობრივი მედიის მიერ გავრცელებულ ვიდეოჩანაწერებს, რომლებშიც მთავარი პროკურატურის საზოგადოებასთან ურთიერთობის სამსახურის უფროსი ჟურნალისტების კითხვებს პასუხობს. „ჩანაწერში ჩანს და ამას ადასტურებენ მედიის წარმომადგენლებიც, რომ მთავარი პროკურატურის საზოგადოებასთან ურთიერთობის სამსახურის უფროსი შეუარცხმყოფელი ტონით რეაგირებს ჟურნალისტთა შეკითხვებზე.... ქარტიის საბჭო მიმართავს სახელმწიფო უწყებების საზოგადოებასთან ურთიერთობისა და პრესასთან ურთიერთობის სამსახურების ხელმძღვანელებს და ახსენებს, რომ ისინი არიან სახელმწიფო მოხელეები და აქვთ თმენის მაღალი ვალდებულება, ისევე, როგორც აქვთ ვალდებულება კანონით დადგენილ ვადებში მიაწოდონ მედიას მოთხოვნილი საჯარო ინფორმაცია", ნათქვამიაგ ანცხადებაში. სრულად... წყარო: qartia.org.ge

კახეთი. ფონდ „ღია საზოგადოება საქართველოს” წარმომადგენლები, 29 მაისს, თელავის სახელმწიფო უნივერსიტეტის სტუდენტებს შეხვდნენ. საუბრის მთავარი თემა მედია გაყიდვების სფეროში ახალგაზრდების დასაქმება იყო. აქცენტი დღევანდელ მედია ბაზარზე არსებულ ისეთ პრობლემეზე გაკეთდა, როგორებიცაა: ონლაინ მედიარესურსებისა და დამოუკიდებელი სატელევიზიო სტუდიების მიერ საზოგადოებრივი ინტერესის გამომხატველი მედიაკონტენტის შექმნა, მედიის, როგორც ბიზნესის განვითარებისთვის საჭირო უნარების გაუმჯობესება, ჟურნალისტური სტანდარტისა და მედიაწიგნიერების დონის ამაღლება, ციფრულ მაუწყებლობაზე გადასვლის შეუფერხებელი და არადისკრიმინაციული პროცესის უზრუნველყოფა. ირაკლი ცერცვაძე, მედია პროგრამების კოორდინატორი: „სტუდენტებს ჩვენი ფონდის ახალი ინიციატივა – მედია პროგრამა წარვუდგინეთ, რომელიც მიზნად გაყიდვების კუთხით მცირე მედია ორგანიზაციების დახმარებას ისახავს. დღევანდელი გასაუბრების შედეგად შევარჩევთ აქტიურ, კომუნიკაბელურ სტუდენტებს, ისინი შესაბამისი ტრენინგ-კურსის გავლის შემდეგ აღნიშნულ სფეროში დასაქმდებიან." დაინტერესებულ პირებს დამატებითი ინფორმაციის მისაღებად შეუძლიათ ეწვიონ ფონდ ღია საზოგადოება – საქართველოს საიტს: www.osgf.ge

თბილისი. 28 მაისს „სიდას" ორგანიზებით რეგიონული პრობლემატიკის მედიატურის–კონკურსის გამარჯვებულთა დაჯილდოების ცერემონია გაიმართა. კონკურსის გამარჯვებულად შემდეგი ჟურნალისტები დასახელდნენ: I ადგილი – თამარ კვინიკაძე - მედიასაშუალება – ჟურნალი „გზა", II ადგილი – ოლიკო ცისკარიშვილი – „iReporter", „Eko Fact", თამთა კაკაურიძე – „გურია ნიუსი", III ადგილი - თინათინ ოსმანოვა – „რეზონანსი" და ქრისტინე ქარჩხაძე – news.ge; TV „Mega". სრულად...  წყარო: cso.ge

თბილისი. ჟურნალისტური ეთიკის ქარტიამ მედიამონიტორინგის შუალედური ანგარიში გამოაქვეყნა. საქართველოს ჟურნალისტური ეთიკის ქარტიამ 1 აპრილს დაიწყო 7 ეროვნული სატელევიზიო არხისა (საზოგადოებრივი მაუწყებლები – საქართველოს საზოგადოებრივი მაუწყებელი, აჭარის ტელევიზია და კერძო მაუწყებლები – იმედი, კავკასია, მაესტრო, რისთავი 2 და ტაბულა) და 6 რეგიონული მაუწყებლის (აჭარის 25-ე არხი, გურჯაანი (კახეთი), ქვემო ქართლის ტელევიზია, (ქვემო ქართლი), ოდიში (სამეგრელო), რიონი (იმერეთი) და თრიალეთი (შიდა ქართლიდან) მონიტორინგი. აღნიშნული მონიტორინგის პერიოდია 2014 წლის 1– 30 აპრილი. სრულად... წყარო: qartia.org.ge

თბილისი. არასამთავრობო ორგანიზაციამ „ახალგაზრდა ადვოკატებმა" ჟურნალისტური ეთიკის ქარტიას მიმართა. „ორგანიზაცია მიიჩნევს, რომ ტელეკომპანია „რუსთავი 2"–ის ჟურნალისტმა, გიორგი გაბუნიამ, დაარღვია ჟურნალისტის ეთიკური სტანდარტები. და ბოროტად გამოიყენა „სიტყვისა და გამოხატვის შესახებ" საქართველოს კანონი, როცა 2014 წლის 8 აპრილს გადაცემა „არჩევანში" მიწვეულ თავდაცვის მინისტრთან, ირაკლი ალასანიასთან საუბრისას „ახალგაზრდა ადვოკატები" შს სამინისტროს „ქოლგის ქვეშ" მყოფ ორგანიზაციად დაახასიათ", ნათქვამია media.ge– ზე. სრულად... წყარო: media.ge

თბილისი. საქართველოს აზერბაიჯანელ სტუდენტთა ასოციაცია „გატამ", მედიის განვითარების ფონდმა (MDF), საქართველოს დემოკრატიულმა ინიციატივამ (GDI) და ტოლერანტობისა და მრავალფეროვნების ინსტიტუტმა (TDI) 22 მაისს ტელეკომპანია კავკასიის თვითრეგულირების ორგანოს მიმართეს. მიმართვის საგანია – 14 მაისის ტელეკომპანია „კავკასიის" ტოქშოუ „სპექტრში" გადაცემის წამყვანის დავით აქუბარდიას მიერ გაკეთებული განცხადებები. სრულად... წყარო: media.ge

თბილისი. მედიამონიტორგის პორტალზე მედია მონიტორინგის ანგარიშები გამოქვეყნდა. დოკუმენტი მოიცავს 15 აპრილიდან 2 მაისამდე პერიოდს და წარმოდგენილია სატელევიზიო თოქ-შოუების, რადიო საშუალებების, ბეჭდური მედიისა და ონლაინ მედიის მონიტორინგის ანგარიშები. სრულად ...  წყარო: mediamonitor.ge

თბილისი. საერთაშორისო გამჭვირალობა - საქართველომ ნანა საჯაიას ბლოგპოსტი - „ჟურნალისტებზე ზეწოლის გამოუძიებელი ფაქტები" - გამოაქვეყნა. „ბოლო წელიწადნახევრის განმავლობაში მედია პლურალიზმის თვალსაზრისით საქართველოში მდგომარეობა მნიშვნელოვნად გაუმჯობესდა და აღარც ჟურნალისტებზე ზეწოლისა და ძალადობის ფაქტები შეინიშნება. თუმცა კვლავ გამოუძიებელი რჩება 2012 წლის საპარლამენტო არჩევნებამდე ჟურნალისტებზე განხორციელებული ძალადობის, ზეწოლის, შეურაცხყოფის და საქმიანობის ხელშეშლის შემთხვევები”, ნათქვამია ბლოგპოსტში. სრულად წყარო: transparency.ge

თბილისი. საერთაშორისო გამჭვირვალობა – საქართველომ გამოაქვეყნა განცხადება – „მთავრობა ტელეკომპანია „მაესტროს" არ უნდა კიცხავდეს კრიტიკული სიუჟეტის გამო". „საქართველოს მთავრობამ გაავრცელა განცხადება, რომელშიც ტელეკომპანია „მაესტროს" ჟურნალისტის ვახო სანაიას საავტორო გადაცემაში 18 მაისს გასული სიუჟეტი გააკრიტიკა. მიმართვაში ნათქვამია, რომ სიუჟეტი ტენდენციურ ხასიათს ატარებდა და ჟურნალისტი ცდილობდა, შეექმნა ისეთი სურათი, თითქოს ხელისუფლებამ არც ერთი წინასაარჩევნო დაპირება არ შეასრულა... ვფიქრობთ, რომ ხელისუფლების ნებისმიერი წარმომადგენელი უნდა შეეგუოს იმ ფაქტს, რომ ყველა მედიასაშუალება მათთვის მისაღები ფორმით არ გააშუქებს მიმდინარე პროცესებს. ასევე, ხელისუფლების საქმიანობისა და პარტიების წინასაარჩევნო დაპირებების კრიტიკული ანალიზი განსაკუთრებით მნიშვნელოვანია მოახლოვებული ადგილობრივი თვითმმართველობის არჩევნების წინ, რათა ამომრჩეველს ინფორმირებული არჩევანის გაკეთების საშუალება მიეცეს. მედიის მხრიდან მთავრობის მუშაობის მონიტორინგი და საზოგადოების ლეგიტიმური ინტერესების დაცვა მედიის უმნიშვნელოვანესი ფუნქციაა. სწორედ ეს, ხშირად უსიამოვნო, საჯარო კონტროლი უწყობს ხელს მოხელეებისა და პოლიტიკოსების ანგარიშვალდებულების ამაღლებას და ქვეყანაში დემოკრატიული მმართველობის სისტემის დამკვიდრებას...", ნათქვამია გამჭვირვალობის განცხადებაში. სრულად... წყარო: transparency.ge

იმერეთი. წისაარჩევნოდ და არჩევნების შემდგომ ერთი კვირის განმავლობაში, ქუთაისის დემოკრატიული ჩართულობის ცენტრში, მედიაცენტრი იმუშავებს. ადგილობრივი თვითმმართველობის არჩევნების ეფექტურად გაშუქების მიზნით, ცენტრი მუშაობა სამ ეტაპად განხორციელდება. „პირველი ეტაპი მთლიანად წინასაარჩევნო პერიოდს დაეთმობა, სადაც ჟურნალისტებს საშუალება მიეცემათ არჩევნებში მონაწილე სუბიექტებს შეკითხვები დაუსვან", - განაცხადა დემოკრატიული ჩართულობის ცენტრის კოორდინატორმა, ქეთი ციბაძემ. რაც შეეხება ცენტრის მუშაობის მეორე ეტაპს, არჩევნების დღეს, ჟურნალისტები ოფიციალური ინფორმაციის მიღებას უბნებისა და ქალაქების მიხედვით არჩევნების წინასწარი შედეგების შესახებ მთელი დღის განმავლობაში შეძლებენ. მესამე ეტაპი კი არჩევნების შემდეგ ერთკვირიან პერიოდს ითვალისწინებს და ჟურნალისტები ინფორმაციის მიღებას არჩევნების შედეგების საბოლოო გამოცხადებამდე შეძლებენ.