თბილისი. 27 ოქტომბერს, „თავისუფალ ჟურნალისტთა სახლი“ დისკუსიათა ციკლს „მედიის თავისუფლება - გზა ევროინტეგრაციისკენ“ გამართავს.  დისკუსია შეეხება ურბანულ პოლიტიკას, მედიის თანამშრომლობას ამ დარგის სპეციალისტებთან, გამოწვევებსა და შესაძლებლობებს. განხილული იქნება, რა გავლენას ახდენს კვალიფიციური მედიაგაშუქება მიმდინარე პროცესებზე და რამდენად მნიშვნელოვანია დამოუკიდებელი ჟურნალისტიკა ქალაქზე მორგებული ურბანული გადაწყვეტილებების ადვოკატირებისთვის. სრულად... წყარო: თავისუფალ ჟურნალისტთა სახლი

თბილისი. საერთაშორისო გამჭვირვალობა-საქართველო მაუწყებლობის შესახებ კანონში შეტანილ ცვლილებებს ანალიტიკური მასალით ეხმაურება – „კანონის ძალით: ქართული მედია ცენზურის საფრთხის პირისპირ“.  ორგანიზაცია მოუწოდებს საქართველოს პრეზიდენტს ვეტო დაადოს „მაუწყებლობის შესახებ“ კანონში დაჩქარებული წესით მიღებულ ცვლილებებს. საერთაშორისო გამჭვირვალობა-საქართველო მიიჩნევს, რომ „მსგავსი მნიშვნელობის ცვლილებები არ უნდა მიიღებოდეს დაინტერესებულ მხარეებთან კონსულტაციებისა და ფართო ჩართულობის გარეშე, რასაც მოითხოვს ევროდირექტივაც აუდიოვიზუალური მედიამომსახურების შესახებ“, ნათქვამია განცხადებაში სრულად... წყარო: საერთაშორისო გამჭვირვალობა-საქართველო

თბილისი. სოციალური სამართლიანობის ცენტრი მაუწყებლობის კანონში შეტანილ ცვლილებებს ეხმაურება.  „19 ოქტომბერს მაუწყებლობის კანონში შეტანილი ცვლილებები, რაც განსაკუთრებულად აფართოებს ეროვნული კომისიის უფლებამოსილების ფარგლებს ჩაერიოს მაუწყებლების პროგრამების შინაარსში, საქართველოში მედია ორგანიზაციების კონტროლისა და ცენზურის დაწესების საფრთხეს ზრდის.“ - ნათქვამია განცხადებაში.  სრულად... წყარო: სოციალური სამართლიანობის ცენტრი

შიდა ქართლი. კავკასიის გარემოსდაცვითი არასამთავრობო ორგანიზაციების ქსელი (CENN), შვეიცარიული ორგანიზაციის HEKS/EPER-ის ფინანსური მხარდაჭერით, კლიმატის მიმართ მედეგი სოფლის მეურნეობის პროექტის ფარგლებში,  მედიატურისთვის იწვევს მედიის წარმომადგენლებს მარნეულის მუნიციპალიტეტში. მედიატური გაიმართება 6 ოქტომბერს, რომლის მიზანია რეგიონული თუ ცენტრალური მედიის წარმომადგენლებისთვის კლიმატის ცვლილების მიმართ მედეგი სოფლის მეურნეობის თანამედროვე პრაქტიკებისა და საგრანტო კონკურსის ფარგლებში დაფინანსებული ინიციატივების გაცნობა, ასევე, ცნობიერების ამაღლება სოფლის მეურნეობის კლიმატის ცვლილებასთან ადაპტაციის აუცილებლობის შესახებ. მედიატური მოიცავს პროექტის ფარგლებში დაფინანსებული კლიმატის ცვლილების მიმართ მედეგი სასოფლო-სამეურნეო ინიციატივების მონახულებას.  მონაწილეობის მსურველებს რეგისტრაციის გავლა 4 ოქტომბრის ჩათვლით შეუძლიათ.  სრულად...  წყარო: ორგანიზაციის გვერდი სოციალურ ქსელში

თბილისი. საქართველოში მომუშავე 25 ჟურნალისტი ორდღიანი ტრენინგის ფარგლებში გადამზადდა.  ტრენინგი მიზნად ისახავდა ჟურნალისტების გაძლიერებას იმ პრაქტიკული უნარ-ჩვევებით, რაც მათ საპროტესტო აქციებისა და არეულობების გაშუქებისას რისკის შემცირებაში დაეხმარებათ.  ტრენინგი ევროკავშირის მიერ მხარდაჭერილი EU4IM პროექტის ფარგლებში ჩატარდა. სრულად... წყარო: ევროკავშირის წარმომადგენლობა საქართველოში 

თბილისი. მედიის ადვოკატირების კოალიცია განცხადებას ავრცელებს.  კოალიცია განცხადებაში გმობს „ ოთარ ფარცხალაძის დაცვის მიერ ტელეკომპანია „პირველისა და „ფორმულას“ გადამღებ ჯგუფებზე თავდასხმისა და პროფესიული საქმიანობის განხორციელების უკანონოდ ხელშეშლის ფაქტებს. კოალიცია მოუწოდებს ხელისუფლებას სასწრაფოდ გამოიძიოს აღნიშნული ფაქტები და პასუხისმგებაში მისცეს დამნაშავე პირები“.  სრულად... წყარო: მედიის ადვოკატირების კოალიცია

თბილისი.მედიის ადვოკატირების კოალიცია განცხადებას ავრცელებს და ქვეყანაში არსებულ მედიაგარემოზე აკეთებს ხაზგასმას, რომელიც მათ თქმით, კიდევ უფრო გაუარესებულია.  „...ქვეყანაში... სადაც ჟურნალისტებს ისედაც რთულ ვითარებაში უწევთ საქმიანობა. სახიფათოა პარლამენტის თავმჯდომარის, შალვა პაპუაშვილის, თავდასხმები წამყვანი მედიის, “მთის ამბების”, წინააღმდეგ, და მისი მცდელობები, ცენზურას დაუქვემდებაროს დამოუკიდებელი მედია OC Media. საგანგაშოა, ასევე, სპეციალური საგამოძიებო სამსახურის გადაწყვეტილება მიშა მშვილდაძეზე თავდასხმის საქმის დახურვასთან დაკავშირებით.“  მედიის ადვოკატირების კოალიცია მოუწოდებს მმართველ პარტიას, „დაუყოვნებლივ მიიღოს ზომები მედიის თავისუფლების დასაცავად. ევროინტეგრაციის გზაზე მყოფი ქვეყნისთვის სიტყვისა და გამოხატვის თავისუფლების პრინციპების დაცვა სასიცოცხლოდ მნიშვნელოვანია“.  სრულად... წყარო: მედიის ადვოკატირების კოალიცია

თბილისი.სოციალური მედიის მონიტორინგის ფარგლებში „სამართლიანი არჩევნები” ყოველკვირეულ მიმოხილვას აცნობს საზოგადოებას.  ორგანიზაცია ყურადღებას ამახვილებს იმ გზავნილებზე, რომლებიც ეხმიანება პოლიტიკურ საკითხებს, კვირის განმავლობაში სოციალურ ქსელში (მეტნაკლებად) ვირუსულად ცირკულირებს და მის გავრცელებაში ერთზე მეტი აქტორი, ანგარიში თუ გვერდია ჩართული. რიგ შემთხვევებში წარმოდგენილია კვირის განმავლობაში ყველაზე მაღალინტერაქციული პოსტები.  მონაცემთა დამუშავებისთვის ორგანიზაცია იყენებს ფეისბუქის მონიტორინგის ინსტრუმენტ Crowdtangle-ს და ეყრდნობა დისკრედიტაციულ კამპანიებში ჩართული გვერდების/ანგარიშების არსებულ განახლებად ბაზას. გვერდები ხელმისაწვდომია პლატფორმაზე www.disinfoobserver.ge  კვირის მონიტორინგის შედეგი – https://bit.ly/48418tI  სრულად...  წყარო: სამართლიანი არჩევნები

თბილისი. მედიაწიგნიერების სკოლაში აქტიური შაბათები კვლავ იწყება. მითლაბის მე–13 ნაკადს წინ ტრენინგები და ფაქტების გადამოწმების პრაქტიკული გამოცდილება ელის. მედიის განვითარების ფონდის (MDF) და დოიჩე ველე აკადემიის მედიაწიგნიერების პროგრამა - ”მითების დეტექტორის ლაბორატორია” - 2017 წელს დაარსდა და უკვე 251 კურსდამთავრებული ჰყავს. პროგრამით გათვალისწინებული სტაჟირების ფარგლებში კურსის მონაწილეებმა ფაქტების გადამოწმების პლატფორმა მითების დეტექტორი-ზე ჯამში 500-ზე მეტი სტატია გამოაქვეყნეს.  სრულად... წყარო: მედიის განვითარების ფონდი

თბილისი. გავრცელებული ინფორმაციით, ჟურნალისტსა და ტელეკომპანია „ფორმულას” გადაცემა „კონტექსტის” წამყვანს ირაკლი ტაბლიაშვილს რამდენიმე დღეა უცნობი რუსულენოვანი პირები სხვადასხვა ნომრიდან უკავშირდებიან და ემუქრებიან. „ჟურნალისტმა შინაგან საქმეთა სამინისტროს უკვე მიმართა. Ბოლო წლებში Საქართველოში საგანგაშო ტენდენციად იქცა კრიტიკულად განწყობილი ჟურნალისტების დაშინება, დისკრედიტაცია და მათზე ძალადობა, პოლიტიკური ზეწოლა თუ სამართლებრივი შევიწროება. ირაკლი ტაბლიაშვილის წინააღმდეგ მუქარა არის კრიტიკული ხმის გაჩუმებისა და ჟურნალისტის დაშინების კიდევ ერთი აშკარა მცდელობა. მედიის ადვოკატირების კოალიცია საქართველოს ხელისუფლებას მოუწოდებს, ირაკლი ტაბლიაშვილის წინააღმდეგ მუქარის შემთხვევები სასწრაფოდ გამოიძიოს და პასუხისმგებელი პირები კანონის მთელი სიმკაცრით დასაჯოს“. სრულად... წყარო: mediacoalition.ge

თბილისი. როგორ მიმდინარეობს „ფრანკლინის კლუბის“ წინააღმდეგ მიმართული დისკრედიტაციის კამპანია და ვინ არიან მისი მთავარი აქტორები - გაეცანით თემო კობახიძის მულტიმედია მასალას. „„ფრანკლინის კლუბი“ ხელისუფლებისა და სამთავრობო მედიის შეტევის ერთ-ერთი მთავარი ობიექტი ე.წ. აგენტების კანონის საწინააღმდეგო, 7-9 მარტის აქციების შემდგომ გახდა. 12 მარტს, საქართველოს პრემიერ მინისტრმა, ირაკლი ღარიბაშვილმა კლუბის წევრები ძალადობაში დაადანაშაულა და განაცხადა, რომ ისინი “სატანისტების ფორმებში” ჩაცმულები ნახა. პრემიერის მსგავსად, კლუბის შესახებ სხვადასხვა სახის დეზინფორმაციული ნარატივი მმართველი გუნდის წევრებმა და სამთავრობო მედიამ გაავრცელა. ამ მულტიმედიურ პროექტში განვიხილავთ: თუ რა კამპანიას აწარმოებს მმართველი პარტია და სამთავრობო მედიასაშუალებები „ფრანკლინის კლუბის“ წინააღმდეგ და რა მიზნები შესაძლოა ჰქონდეთ მათ“. სრულად... წყარო: kobakhidzetemo.wixsite.com

თბილისი. მედიის ადვოკატირების კოალიცია ეხმიანება „ტელეკომპანია პირველის“ ყოფილი წამყვანის, ვასილ დაბრუნდაშვილის საჯარო განცხადებას ჟურნალისტის კუთვნილი ბინიდან პირადი დოკუმენტების დაკარგვის და მის მიმართ შესაძლო თვალთვალის თაობაზე. „სპეციალურმა საგამოძიებო სამსახურმა შეტყობინება შინაგან საქმეთა სამინისტროს ექვსი დღის შემდეგ გადაუგზავნა, ჟურნალისტი კი მნიშვნელოვანი საფრთხის შესახებ ინფორმაციის გასაჯაროებიდან რამდენიმე დღის შემდეგ, 19 ივლისს გამოიკითხა. მედიის წინაშე არსებული გამოწვევების და მზარდი საფრთხეების გათვალისწინებით, ხელისუფლება ვალდებულია ჰქონდეს მყისიერი რეაგირება ჟურნალისტების თვალთვალის და დაშინების ყველა მცდელობასთან დაკავშირებით“, ნათქვამია ორგანიზაციის განცხადებაში. იხილეთ განცხადება ვრცლად... წყარო: mediacoalition.ge

კახეთი. სოციალური სამართლიანობის ცენტრი ეხმაურება სახელისუფლებო მედიასაშუალებების მიერ გავრცელებულ არასწორ ინფორმაციას წინანდალში ორგანიზებულ შეხვედრასთან დაკავშირებით. „სახელისუფლებო მედია საშუალებებმა ამ შეხვედრას სრულიად გაუმართლებელი პოლიტიკური კონოტაცია მისცეს ისე, რომ ჩვენთან, როგორც ამ შეხვედრის ორგანიზატორებთან არც კი გადაამოწმეს შეხვედრის მიზნებისა და შინაარსის შესახებ ინფორმაცია. სინამდვილეში, წინანდალში მიმდინარე სამდღიანი გასვლითი შეხვედრა კონფლიქტებისა და სამშვიდობო პოლიტიკის, ასევე ეთნიკური და რელიგიური უმცირესობების უფლებების დაცვისა და ინკლუზიის საკითხებს დაეთმო. შეხვედრაზე მოწვეული იყო ქართული ოცნების არა ერთი წევრი, თუმცა ღონისძიებას არცერთი მათგანი არ შეუერთდა. ამ ფონზე სრულიად დაუსაბუთებლად და თვითნებურად სახელისუფლებო მედია ირწმუნება, რომ წინანდალში „რევოლუციური გეგმა“ მზადდებოდა და ამ შეხვედრას ბიზნესმენი თემურ ჭყონია და პრეზიდენტი, სალომე ზურაბიშვილიც ესწრებოდნენ. ხაზგასმით აღვნიშნავთ, რომ ჩვენს ღონისძიებასთან პრეზიდენტსა და ბიზნესმენს არანაირი კავშირი არ ჰქონიათ და მათ მონაწილეობა არ მიუღიათ შეხვედრის არცერთ კომპონენტში. უკვე რამდენიმე წელია პოლიტიკური პოლარიზაციის მაღალი დონე და სახელისუფლებო მედიის პროპაგანდისტული მიდგომები ართულებს საზოგადოებრივ ინტერესებზე დაფუძნებული დღის წესრიგის შექმნას და ამ დღეებში მიმდინარე მოვლენები ამის აშკარაა მაგალითია. ამგვარი აგრესიული თავდასხმების მიზანი სამოქალაქო ორგანიზაციების მუშაობის პარალიზება და აპათიის დათესვაა. პოლარიზაციისა და მტრობის კულტურის ხელოვნური კულტივირების მიუხედავად, ჩვენ მომავალშიც შევეცდებით შევქმნათ შინაარსზე, საზოგადოებრივ ინტერესებზე და დემოკრატიულ კულტურაზე დაფუძნებული სივრცეები პოლიტიკურ, აკადემიურ და საზოგადოებრივ ჯგუფებს შორის“, ნათქვამია განცხადებაში. სოციალური სამართლიანობის ცენტრი ყალბი ინფორმაციის გავრცელების საკითხზე ჟურნალისტური ეთიკის ქარტიას მიმართავს. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველომ კიდევ ერთი ჟურნალისტის, თენგო გოგოტიშვილის საქმე მოიგო. ორგანიზაციის იურისტებმა საქმე სამივე ინსტანციის სასამართლოში მოიგეს. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველომ კიდევ ერთი ჟურნალისტის საქმე მოიგო - ტელეკომპანია რუსთავი 2 პაატა იაკობაშვილს კუთვნილ ხელფასს და კომპენსაციას გადაუხდის. ორგანიზაციამ 2010 წლიდან დღემდე 400-ზე მეტ ჟურნალისტს გაუწია უფასო სამართლებრივი დახმარება. სრულად... წყარო: ორგანიზაციის გვერდი სოციალურ ქსელში

შიდა ქართლი. საქართველოს ახალგაზრდა იურისტთა ასოციაცია, გორში, ადგილობრივი მედიის წარმომადგენლებს შეხვდა და მათი უფლებების შესახებ დეტალური ინფორმაცია გააცნო. ჟურნალისტებმა მიიღეს ინფორმაცია იმ საერთაშორისო სტანდარტების შესახებ, რომლებიც საჯარო შეკრებების გაშუქების დროს მოქმედებს. მსმენელები გაეცნენ ასევე იმ ძირითად სამართლებრივ მექანიზმებს, რომლებიც ჟურნალისტებს დარღვეული უფლებების აღდგენაში დაეხმარება ეროვნულ და საერთაშორისო დონეზე. იხილეთ სახელმძღვანელო... სრულად... პროექტი ხორციელდება USAID სამართლის უზენაესობის პროგრამის მხარდაჭერით. წყარო: ორგანიზაციის გვერდი სოციალურ ქსელში

თბილისი. საქართველოს გაეროს ასოციაციის მედია პლატფორმა Civil.ge 22 წლისაა. პლატფორმა ახალ ამბებს სამ ენაზე - ქართულ, ინგლისურ და რუსულ ენაზე აცნობს მკითხველს. „ონლაინ ჟურნალი 2001 წელს შეიქმნა და მალევე გახდა ინფორმაციის ერთ-ერთი მთავარი წყარო, როგორც ადგილობრივი, ასევე საერთაშორისო მკითხველისთვის. ბოლო 1 წლის განმავლობაში, Civil.ge -ს მსოფლიოს სხვადასხვა წერტილიდან, 1,350,000-ზე მეტი უნიკალური მომხმარებელი ჰყავდა“. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველოს“ ორგანიზებით, საქართველოს უნივერსიტეტში გაიმართა ტრენინგი თემაზე „როგორ ვიკვლიოთ კორუფცია?“ შეხვედრა ჩაატარა ორგანიზაციის მთავარმა იურისტმა გიგი ჩიხლაძემ. ტრენინგს ესწრებოდნენ ჟურნალისტები, მკვლევარები და სამოქალაქო აქტივისტები. მონაწილეებმა იმსჯელეს პოლიტიკური კორუფციის ცნებაზე და მის სახეებზე, ღია მონაცემებზე და იმ ინსტრუმენტებზე, რომელებიც ხელს უწყობს კორუფციის გამოვლენას. ტრენინგი აშშ-ის საერთაშორისო განვითარების სააგენტოს (USAID) მხარდაჭერით ჩატარდა. სრულად... წყარო: ორგანიზაციის გვერდო სოციალურ ქსელში

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა მიესალმება 28 ივნისს, საქართველოს პარლამენტის მიერ, პირველი მოსმენით მიღებულ ცვლილებებს „მაუწყებლობის შესახებ“ კანონში. „ჩვენ დადებითად ვაფასებთ მიღებული ცვლილებების პაკეტს, რომელშიც ასახული და გათვალისწინებულია სამოქალაქო საზოგადოების წარმომადგენლებისა და ევროპის საბჭოს რეკომენდაციები“. სრულად... წყარო: პლატფორმის გვერდი სოციალურ ქსელში

თბილისი. მედიის ადვოკატირების კოალიცია ეხმიანება მმართველი პარტიის მიერ შემოთავაზებულ ცვლილებებს „მაუწყებლობის შესახებ” კანონში, რომელიც კოალიციის შეფასებით, ბევრ სადაო მუხლთან ერთად აჭარის ტელევიზიის მრჩეველთა საბჭოს გაუქმებას ითვალისწინებს.  „აღნიშნული კანონპროექტი ცალსახად ეწინააღმდეგება საზოგადოებრივი მაუწყებლის ფუნდამენტურ პრინციპებს, გამოუსწორებელ ზიანს აყენებს ქვეყანაში საზოგადოებრივი მაუწყებლის არსებულ მოდელს და სამეურვეო საბჭოს თავმჯდომარის ვასილ მაღლაფერიძის ძალაუფლების განმტკიცებას ემსახურება. მედიის ადვოკატირების კოალიცია მოუწოდებს მმართველ პარტიას გაითვალისწინოს ის პოტენციური მძიმე შედეგები, რაც ამ ცვლილებას შეიძლება მოჰყვეს, როგორც  დემოკრატიის პრინციპების, ასევე საზოგადოებრივი მაუწყებლებისთვის შესაძლებლობის, სრულფასოვნად შეასრულონ თავიანთი ფუნქცია, შეზღუდვით. “ქართულმა ოცნებამ” სასწრაფოდ უნდა გაიწვიოს აღნიშნული კანონპროექტი და ამგვარი რეგრესული ინიციატივების წამოყენების ნაცვლად, გადადგას ნაბიჯები ევროკავშირის 12 რეკომენდაციის და, კონკრეტულად, მედიასთან დაკავშირებული პუნქტების შესასრულებლად“, ნათქვამია კოალიციის განცხადებაში. სრულად... წყარო: mediacoalition.ge

თბილისი. საქართველოს ჟურნალისტური ეთიკის ქარტია მიშა მშვილდაძეზე თავდასხმის ფაქტს ეხმაურება და საგამოძიებო უწყებებს მოუწოდებს, დროულად და ეფექტიანად გამოიძიონ ეს საქმე. „კიდევ ერთხელ ვაცხადებთ, რომ ბოლო პერიოდში მედიის წარმომადგენლებზე გახშირებული თავდასხმების გამომწვევი ფაქტორები ხელისუფლების მხრიდან მედიის წარმომადგენლების მიმართ აგრესიული რიტორიკა და დანაშაულების გაჭიანურებული და გამოუძიებელი საქმეებია“. სრულად... წყარო: www.qartia.ge

თბილისი. მედიის ადვოკატირების კოალიცია გმობს ტელეკომპანია „ფორმულას“ თანადამფუძნებელსა და წამყვანზე, მიშა მშვილდაძეზე ფიზიკური თავდასხმის ფაქტს. „ქვეყანაში მედიის წარმომადგენლებზე თავდასხმა კვლავ სერიოზულ გამოწვევად რჩება. ხელისუფლების მხრიდან მედიის მიმართ დანაშაულებზე უმოქმედობა, კრიტიკული აზრის მიმართ ანტაგონისტური რიტორიკა თუ მიზანმიმართული დისკრედიტაცია მსგავსი სახის დანაშაულებს კიდევ უფრო ახალისებს. მშვილდაძის განცხადებით, „... მას სახეში მუშტი დაარტყეს, შემდეგ წაიქცა და სანამ წამოდგებოდა, თავდამსხმელი ფიზიკურ ანგარიშსწორებას აგრძელებდა.”“ კოალიცია მოუწოდებს ხელისუფლებას, დროულად გამოიძიოს მიშა მშვილდაძეზე თავდასხმის ფაქტი და დასაჯოს დამნაშავეები კანონის სრული სიმკაცრით. სრულად... წყარო: mediacoalition.ge