CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი...

თბილისი. შრომითი ინტეგრაციის სოციალური მეწარმეობის საგრანტო კონკურსით დაინტერესებული პოტენციური აპლიკანტებისათვის 26 თებერვალს 11:00 საათზე გაიმართება ონლაინ საკონსულტაციო შეხვედრა.  გთხოვთ, შეხვედრამდე გაიაროთ რეგისტრაცია... საგრანტო კონკურსში მონაწილეობის მიღება შეუძლიათ, როგორც მოქმედ საწარმოებს ასევე, სოციალური საწარმოს შექმნით დაინტერესებულ საინიციატივო ჯგუფებს - კახეთის, გურიისა და ქვემო ქართლის რეგიონიდან. დამატებითი ინფორმაცია საგრანტო კონკურსის შესახებ იხილეთ ბმულზე... სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრი გიზიარებთ საქართველოში, 2019-2020 წლებში მოქმედი სათემო ორგანიზაციების კვლევას. „კვლევის მიზანი იყო საქართველოს სოფლებსა თუ მცირე დასახლებებში მოქმედი ჯგუფების, მათი სამუშაო გარემოს და დაბრკოლებების შესწავლა. კვლევის შედეგების და თანმდევი რეკომენდაციების გარდა დაზუსტდა მოქმედი სათემო ორგანიზაციების სიაც. აღნიშნული სია, საჯარო გახდება 2021 წლის გაზაფხულზე“, ნათქვამია ორგანიზაციის გვერდზე სოციალურ ქსელში.  იხილეთ კვლევა... წყარო: ორგანიზაციის გვერდი სოციალურ ქსელში

ქვემო ქართლი. არასამთავრობო ორგანიზაცია „ახალი აზროვნების ინსტიტუტი“ და ქვემო ქართლის სოფლების სათემო ცენტრები 20 თებერვლიდან მოსახელობას უფასო მომსახურებას გაუწევენ.  სერვისები შემდეგი მიმართულებებით:  ქსეროქსი; თარგმანი; განცხადებების წერა; ინტერნეტ მომსახურება; კონსულტაცია საჯარო დაწესებულებების მომსახურებებისა და პასუხისმგებლობის შესახებ; ინფორმაციია COVID-19-ის შესახებ; ოჯახის ექიმების უფლებამოსილებები და პასუხისმგებლობები; მოსახლეობას სერვისების მიღება შეუძლია მოლაოღლის, ხულდარას, ალგეთის, ქვემო სარალის, კასუმლოს, აღმამედლოს და ნაზარლოს სათემო ცენტრებში კვირაში სამი დღე. პროექტი ხორციელდება EWMI ACCESS-ის მხარდაჭერით და მისი მიზანია ქვემო ქართლის სოფლების მოსახლეობის საჭიროებებისა და პრობლემების შესწავლა და მათი გადაჭრის ადვოკატირება. სრულად... წყარო: ორგანიზაციის გვერდი სოციალურ ქსელში

თბილისი. 8 მარტს, 17:00 საათზე, ქალთა მოძრაობის და სამოქალაქო აქტივისტების მიერ დაანონსებულ საპროტესტო მსვლელობას „1000 მშობლის მარში“ რეგიონებიც უერთდებიან. საპროტესტო მარში გაიმართება შემდეგ მისამართებზე: გორი - თეატრის მიმდებარე სკვერი. ზუგდიდი - ცენტრალური ბულვარის ტერიტორია. ბათუმი - ვარდების სკვერი. თელავი - ცენტრალური მოედანი, თეატრის წინ. მარნეული - იუსტიციის სახლთან. ქობულეთი - 9 აპირილის სკვერი ქუთაისი - ცენტრალური მოედანი კოლონადებთან. რუსთავი - ზვიად გამსახურდიას სახელობის სკვერი, თეატრის წინ. ახალციხე - ცენტრალური პარკი. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოებას (ISFED) ახალი აღმასრულებელი დირექტორი ჰყავს. ორგანიზაციის გამგეობამ აღნიშნულ პოზიციაზე ნინო დოლიძე აირჩია. „ნინო დოლიძე არის საჯარო პოლიტიკის მაგისტრი. მას გააჩნია სხვადასხვა ადგილობრივ და საერთაშორისო ორგანიზაციებში მუშაობის 14 წლიანი გამოცდილება. ის კარგად იცნობს ორგანიზაციას, რადგან 2007-2011 წლებში ის იყო სამართლიანი არჩევნების თანაშრომელი. სხვადასხვა პოზიციებზე, მას მონაწილეობა აქვს მიღებული 15-ზე მეტ ადგილობრივ და საერთაშორისო (OSCE/ODIHR, IRI, NDI, ENEMO) საარჩევნო სადამკვირვებლო მისიაში, როგორც საქართველოში, ასევე ქვეყნის ფარგლებს გარეთ“, ნათქვამია ორგანიზაციის ვებგვერდზე. სრულად... წყარო: isfed.ge

1921 წლის 21 თებერვალს საქართველომ პირველი კონსტიტუცია მიიღო, იმ დროს იგი ერთ–ერთ პროგრესულ დოკუმენტს წარმოადგენდა მსოფლიოში. აღიარებდა და ეყრდნობოდა პროგრესულ პრინციპებსა და დემოკრატიულ ღირებულებებს. •კანონის წინაშე მოქალაქეთა თანასწორობა •პიროვნების ხელშეუხელობა •რწმენისა და გამოხატვის თავისუფლება •გენდერული თანასწორობა •შეკრებისა და მანიფესტიის უფლება •სიკვდილით დასჯის გაუქმება •და სხვა 1921 წელს კონსტიტუციის სტამბური გამოცემა ვერ მოესწრო თბილისში ოკუპაციის გამო. საქართველოს პირველი კონსტიტუცია...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. 8 მარტს, 17:00 საათზე ქალთა მოძრაობისა და სამოქალაქო აქტივისტების ორგანიზებით გაიმართება „1000 მშობლის მარში“.  „#მომისმინე #პროტესტის100დღე არის კამპანია, რომელიც უპირისპირდება სქესობრივ ძალადობას გოგოების და ქალების მიმართ. ჩვენ ვითხოვთ რეფორმებს სისტემური პრობლემების აღმოსაფხვრელად. მოდი თბილისში, ვარდების მოედანზე, რათა კანცელარიის წინ სახელმწიფოს საჯაროდ გავაგებინოთ ჩვენი მოთხოვნები: შეცვალეთ: სისხლის სამართლის კოდექსში გაუპატიურების მუხლი, რითიც თანხმობის არარსებობა გახდება ცენტრალური ამოსავალი; შექმენით: პროკურატურაში სპეციალიზირებული დეპარტამენტი, რომელიც სექსუალური ძალადობის საქმეებს ეფექტიანად გამოიძიებს; გახადეთ: ფორმალური განათლების ნაწილი, რითიც ბავშები შეძლებენ სქესობრივი ძალადობის ამოცნობასა და მისგან თავის დაცვას; გაზარდეთ: ფსიქოლოგების და სოცმუშაკების რაოდენობა; დადგეს: ნინის საქმის პროკურორის პასუხისმგებლობის საკითხი სამსახურეობრივი გულგრილობის გამო“, ნათქვამია კამპანიის აღწერაში. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველოს ინფორმაციით, ევროკომისიამ 2021 წლის 8 თებერვლიდან ევროკავშირის წევრი ქვეყნების მიერ ქალთა მიმართ გენდერული ძალადობისა და ოჯახში ძალადობის აღმოსაფხვრელად გატარებული ზომების შესახებ ინფორმაციის მიღების მიზნით კონსულტაციები დაიწყო. „ევროკომისია მიზნად ისახავს კონსულტაციების პროცესში მაქსიმალურად ჩართოს გენდერული ძალადობისა და ოჯახში ძალადობის საკითხებით დაინტერესებული ყველა მხარე. შეხვედრების მიზანია, კომისიამ მიიღოს სათანადო ინფორმაცია, რათა შეძლოს გააუმჯობესოს ძალადობის წინააღმდეგ კოორდინირებული პრევენციისა და დაცვის საკითხებზე მუშაობა. კონსულტაციაში მონაწილეობა შეგიძლიათ მიიღოთ რეგისტრაციის გავლის შემდეგ ონლაინ კითხვარის შევსების გზით“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 23 თებერვალს, 16:00 საათზე, ევროპის ფონდი მცირე საგრანტო კონკურსით დაინტერესებული განვითარებადი სათემო ორგანიზაციებისთვის გაიმართება საკონსულტაციო შეხვედრა. გთხოვთ, დარეგისტრირდეთ... სრულად... წყარო: www.epfound.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

შიდა ქართლი. გაეროს განვითარების პროგრამის ხელშეწყობით, ნიქოზის ამბულატორიამ ახალი სამედიცინო დანადგარები შეიძინა. ასევე, განახლდა და აღიჭურვა ბიოქიმიური ლაბორატორია და რენტგენის კაბინეტი, ხოლო პორტატიული სამედიცინო აპარატურის მეშვეობით, ხანდაზმული პაციენტები შეძლებენ კვლევის ჩატარებასა და სხვა მომსახურების მიღებას როგორც კლინიკაში, ისე სახლის პირობებში. მეტი ინფორმაცია იხილეთ პრეს-რელიზში... წყარო: ორგანიზაციის გვერდი სოციალურ ქსელში

თბილისი. ევროპის ფონდი 5 თებერვალს, 15:00 საათზე, ონლაინ საკონსულტაციო საათს გამართავს დაფინანსებით დაინტერესებული სამოქალაქო საზოგადოების ორგანიზაციებისთვის.  დარეგისტრირდით ბმულზე... წყარო: ორგანიზაციის გვერდი სოციალურ ქსელში

2021 წლის 28-29 იანვარს ონლაინ ფორმატში ჩატარდა სამოქალაქო საზოგადოების ორგანიზაციების ეროვნული ფორუმი. ფორუზე თავი მოიყარა სამოქალაქო საზოგადოების და სხვა სექტორების 200-მდე წარმომადგენელმა საქართველოს ყველა რეგიონიდან და ასევე აღმოსავლეთ პარტნიორობის ქვეყნებიდან. ფორუმის მიმდინარეობისას ყურადღება გამახვილდა სამოქალაქო საზოგადოების როლზე რეფორმების განხორციელებაში და მის წინაშე მდგარ გამოწვევებზე. ფორუმის მონაწილეებს მიესალმა საქართველოში ევროკავშირის დელეგაციის წარმომადგენელი, ქალბატონი დომინიკა სკუბიდა. მან ხაზი გაუსვა სამოქალაქო საზოგადოების, როგორც პარტნიორის მნიშვნელობას საქართველოს ევროკავშირთან დაახლოებისთვის საჭირო რეფორმების განხორციელების პროცესში: ”ბოლო ოთხი წლის განმავლობაში მქონდა პატივი, დავკვირვებოდი სამოქალაქო საზოგადოების განვითარებას საქართველოში. მოხარული ვარ, რომ ვხედავ რამდენად აქტიური და მრავალფეროვანი გახდა სამოქალაქო საზოგადოება, განსაკუთრებით რეგიონებში.” „სამოქალაქო საზოგადოების გავნითარების ინიციატივა“ პროექტის წარმომადგენლებმა ფორუმის მონაწილეებს გააცნეს ევროკავშირის მხარდაჭერილი ოთხწლიანი პროგრამის ძირითადი მიღწევები ისეთ სფეროებში, როგორიცაა სამოქალაქო საზოგადოების დაფინანსების წყაროების დივერსიფიცირება (ამ შემთხვევაში აქცენტი გაკეთდა სახელმწიფო დაფინანსებაზე, რომელიც ხელმისაწვდომია სამოქალაქო საზოგადოების ორგანიზაციებისთვის); სამოქალაქო საზოგადოებასა და ბიზნესს შორის თანამშრომლობის გაღრმავება კორპორაციული სოციალური პასუხისმგებლობის (CSR) ფარგლებში; ახალგაზრდების, როგორც სამოქალაქო აქტივისტების გაძლიერება; სამოქალაქო საზოგადოების პოპულარიზაციის კამპანია - “ეს ქვეყანა შენია.” ფორუმის შემდეგ პანელში მონაწილეებს შორის გაიმართა დისკუსია საქართველოს რეგიონებში არსებული სამოქალაქო საზოგადოების როლისა და გამოწვევების შესახებ. ბოლო პანელის მიმდინარეობისას, საერთაშორისო ექსპერტებმა წარმოადგინეს საკუთარი მოსაზრებები აღმოსავლეთ პარტნიორობის რეგიონში სამოქალაქო საზოგადოებაში არსებული ვითარების შესახებ. პროექტს „სამოქალაქო საზოგადოების განვითარების ინიციატივა“ ახორციელებს კონსორციუმი კონრად ადენაუერის ფონდის (KAS) ხელმძღვანელობით, რომელშიც ასევე შედის ოთხი ქართული სამოქალაქო ორგანიზაცია: სამოქალაქო საზოგადოების ინსტიტუტი (CSI), საქართველოს სტრატეგიული კვლევებისა და განვითარების ცენტრი (CSRDG), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC). პროექტი დაფინანსებულია ევროკავშირის მიერ, ხოლო თანადამფინანსებელია კონრად ადენაუერის ფონდი.

თბილისი. საქართველოს პოლიტიკის ინსტიტუტის (GIP) ორგანიზებით, მემარჯვენე რადიკალური ჯგუფების მედია გაშუქების საკითხზე, 3 დოკუმენტური მასალის გარშემო, საჯარო ონლიან დისკუსია გაიმართა. დისკუსიაზე განხილული იქნა: Deutsche Welle-ს 2019 წლის დოკუმენტური ფილმი “მემარჯვენე პოპულისტები და ევროკავშირი”, BBC-ის მოკლე დოკუმენტურ ფილმი “Georgia’s rave revolution”, რადიო თავისუფლების მოკლე მედია სიუჟეტი “უნდა გვეშინოდეს, თუ არა თანამედროვე ფაშიზმის”. დისკუსიის მთავარი შეკითხვა შეეხებოდა იმას, თუ რამდენად შეუძლიათ ჟურნალისტებს შეინარჩუნონ ობიექტურობა მემარჯვენე რადიკალური ჯგუფების ნარატივებზე სიუჟეტების მომზადებისას და ზოგადად მათი გაშუქებისას. ასევე, თუ სად გადის ზღვარი მიუკერძოებელ მედია გაშუქებასა და რადიკალი მემარჯვენე ნარატივების წახალისებას შორის.  ღონისძიება გაიმართა საჯარო დისკუსიების სერიის, „ანტილიბერალური ტენდენციების ანალიზი საქართველოში“ ფარგლებში, რომელიც ხორციელდება ფონდი ღია საზოაგდოების (OSGF) დაფინანსებული პროექტით და მისი მიზანია საქართველოში მემარჯვენე რადიკალიზაციის გამომწვევი ფაქტორების გამოვლენა.  სრულად...  წყარო: osgf.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

2021 წლის 26 იანვარს გაერთიანებული ერების ორგანიზაციაში, უნივერსალური პერიოდული მიმოხილვის (UPR) მესამე ციკლის ფარგლებში გაეროს წევრმა ქვეყნებმა ადამიანის უფლებათა დაცვის მდგომარეობის გასაუმჯობესებლად საქართველოს რეკომენდაციები გაუზიარეს. პერიოდული მიმოხილვის სესიაზე წევრი ქვეყნების მიერ სამოქალაქო საზოგადოების მიერ გაზიარებული თითქმის ყველა მნიშვნელოვანი თემა რეკომენდაციის სახით გაჟღერდა.  გაეროს უნივერსალური პერიოდული მიმოხილვის მესამე ციკლის ფარგლებში არასამთავრობო ორგანიზაციების ჩართულობით განხოციელებული ონლაინ ადვოკატირების კამპანია UPR Info-სა და ღია საზოგადოების ფონდის მხარდაჭერით მიმდინარეობდა.  სრულად...   წყარო: osgf.ge

თბილისი. 2020 წელს, ევროკავშირის მხარდაჭერით, საქართველოს სტრატეგიული კვლევების და განვითარების ცენტრმა ჩაატარა კვლევა „უფლებებზე დაფუძნებული სოციალური მომსახურება ხანდაზმულების და შშმ პირებისთვის“.  საერთაშორისო გამოცდილებაზე დაყრდნობით, კვლევაში გაანალიზებულია საქართველოში არსებული სოციალური მომსახურების პოლიტიკა და პრაქტიკა უფლებებზე დაფუძნებული ძირითადი სტანდარტის მიხედვით.  სრულად...   წყარო: გვერდი სოციალლურ ქსელში

თბილისი. ევროკავშირის მიერ მხარდაჭერილი პროექტი, „სამოქალაქო საზოგადოების განვითარების ინიციატივა“, 28-29 იანვარს გიწვევთ სამოქალაქო საზოგადოების ორგანიზაციების ონლაინ ფორუმზე.  ფორუმზე გაეცნობით: პროექტის "სამოქალაქო საზოგადოების განვითარების ინიციატივა" ოთხწლიან საქმიანობას, ძირითად მიღწევებსა და გამოწვევებს; საქართველოს რეგიონებში სამოქალაქო საზოგადოების კუთხით არსებულ ვითარებას; აღმოსავლეთ პარტნიორობის ქვეყნებში (უკრაინა, მოლდოვა, ბელარუსი) სამოქალაქო საზოგადოების გამოცდილებას.  ფორუმში მონაწილეობისთვის, 27 იანვრის ჩათვლით, გაიარეთ რეგისტრაცია შემდეგ ბმულზე  სრულად...   წყარო: გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...