CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. სახალხო დამცველის ბრიფინთან დაკავშირებით, სამოქალაქო საზოგადოების ორგანიზაციები განცხადებას ავრცელებენ.  „სამოქალაქო ორგანიზაციები მხარდაჭერას უცხადებენ სახალხო დამცველს და მოუწოდებენ შესაბამის სახელმწიფო უწყებებს, დაინტერესდნენ პენიტენციურ დაწესებულებებში კრიმინალური სუბკულტურის არსებობით და უზრუნველყონ მსჯავრდებულთა უსაფრთხოება. აგრეთვე გარანტირებული იყოს სახალხო დამცველის თანამშრომლებისთვის უსაფრთხო და ადეკვატური სამუშაო პირობები პენიტენციურ დაწესებულებებში“, - ვკითხულობთ განცხადებაში.  სრულად...   წყარო: gyla.ge

თბილისი. OECD-SIGMA-ს რეკომენდაციების შესრულებასთან დაკავშირებით, ინფორმაციის თავისუფლების განვითარების ინსტიტუტი და საქართველოს ახალგაზრდა იურისტთა ასოციაცია ერთობლივ განცხადებას ავრცელებენ.  „ეკონომიკური თანამშრომლობისა და განვითარების ორგანიზაციისა და ევროკავშირის მმართველობისა და მენეჯმენტის გაუმჯობესების ხელშეწყობის ერთობლივმა პროექტმა (SIGMA) საქართველოში საჯარო მმართველობის რეფორმის (PAR) ფარგლებში შეაფასა პოლიტიკის დაგეგმვისა და კოორდინაციის მიმართულება. SIGMA-ს 2018 წლის საბაზისო შეფასებაში წარმოდგენილი 21 მოკლევადიანი რეკომენდაციიდან 2020 წლისთვის შვიდი სრულად შესრულდა, 10 - არასრულად, ოთხი კი შეუსრულებელია“, - ვკითხულობთ განცხადებაში.  სრულად...  წყარო: gyla.ge

იმერეთი. საერთაშორისო გამჭვირვალობა - საქართველო იმერეთის სამოქალაქო საბჭოების მიერ 2019-2020 წლებში გაწეული მუშობის შედეგებს აქვეყნებს. „ქუთაისში საზოგადოებრივი ტრანსპორტის სისტემის გამართვა, წყალტუბოს, ტყიბულის სოფლებში სასმელი წყლის მიწოდებისა და გარე განათების ბოძების მოწესრიგება, გზის საფარის რეაბილიტაცია და დაგება სხვადასხვა მუნიციპალიტეტებში, - ეს მცირე ჩამონათვალია იმ განხორციელებული პროექტებიდან, რომელთა ადვოკატირებაც შესაბამისი მუნიციპალიტეტების წინაშე „საერთაშორისო გამჭვირვალობა - საქართველოს” სამოქალაქო საბჭოები წევრებს უკავშირდება. 2019 წელს ჩვენი საბჭოების წევრებმა იმერეთში 38 პრობლემა მოიკვლიეს, ადგილობრივმა თვითმმართველობებმა კი 2020 წელს 15 მათგანი მოაგვარეს მუნიციპალური ბიუჯეტების რესურსებით“, - აღნიშნულია ორგანზიაციის მიერ გამოქვეყნებულ ინფორმაციაში. სრულად...  წყარო: ორგანიზაციის ვებგვერდი

იმერეთი. განათლების განვითარების და დასაქმების ცენტრმა (EDEC) პროექტის „სამოქალაქო საზოგადოების განვითარების ინიციატივა“ სახელმძღვანელო ფარგლებში „საკითხავი მოხალისეობაზე“ გამოსცა.  სახელმძღვანელო მკითხველთა ფართო წრისთვისაა განკუთვნილი, მათ შორის ახალგაზრდებისთვის, მასწავლებლებისთვის, სამოქალაქო საზოგადოების ორგანიზაციების, კერძო სექტორის წარმომადგენელებისა და იმ ადამიანებისთვის, რომლებსაც სურთ მეტი შეიტყონ მოხალისეობის შესახებ.  სრულად...   წყარო: გვერდი სოციალურ ქსელში

თბილისი. „თანამონაწილეობა და მონიტორინგი ცვლილებებისათვის“ პროგრამის ფარგლებში გამოცხადებული საგრანტო კონკურსში მონაწილეობის მსურველებისთვის ევროპის ფონდი განცხადებას ავრცელებს.  „თანამონაწილეობა და მონიტორინგი ცვლილებებისათვის“ პროგრამის ფარგლებში გამოცხადებული საგრანტო კონკურსის შესახებ 18 იანვარს, 16:00 საათზე გაიმართება ონლაინ კითხვა-პასუხის შეხვედრა დაფინანსებით დაინტერესებული სამოქალაქო საზოგადოების ორგანიზაციებისთვის. დარეგისტრირდით ბმულზე“, - ვკითხულობთ განცხადებაში.   სრულად...   წყარო: გვერდი სოციალურ ქსელში

აჭარა. საერთაშორისო გამჭვირვალობა - საქართველო სამოქალაქო საბჭოების მიერ 2019 წელს აჭარაში გამოვლენილ პრობლემებსა და მათ მოსაგვარებლად გაწეული მუშაობის შედეგებს აქვეყნებს.  შედეგების მიხედვით, - აჭარაში გამოვლენილი 43 პრობლემიდან 25 მოგვარებულია ან მომზადებულია საპროექტო წინადადებები. აჭარის მაღალმთიანი დასახლებებისთვის სასიცოცხლოდ მნიშვნელოვანია: შიდა გზების დაგება, მნიშვნელობისაა სოფლებში სასმელი და სარწყავი წყლების სისტემების მოწესრიგება, სკოლების ინფრასტრუქტურისგან განსხვავებით, საბავშვო ბაღების რეაბილიტაცია სრულად არის ადგილობრივი მუნიციპალიტეტების კომპეტენცია, შესაბამისად, მწირი რესურსების გათვალისწინებით, ბევრ საბავშვო ბაღში ვერ ხერხდება სარეაბილიტაციო სამუშაოების ჩატარება და ა.შ.  სრულად...  წყარო: ორგანიზაციის ვებგვერდი

თბილისი. საზოგადოებრივი ორგანიზაციები სვრცელებნ სპეციალურ გაცხადებას, რელიგიის თავისუფლების შეზღუდვისა და დისკრიმინაციული სახელმწიფო პოლიტიკის შესახებ.  „სამოქალაქო პლატფორმა “არა-ფობიას!” და “კოალიცია თანასწორობისთვის” წარმომადგენელი ორგანიზაციები მივიჩნევთ, რომ ბოლო თვეების განმავლობაში საქართველოში რელიგიისა და რწმენის თავისუფლების დაცვის კუთხით მდგომარეობა მკვეთრად გაუარესდა. სახელმწიფო არღვევს სეკულარობისა და თანასწორუფლებიანობის პრინციპებს, ლახავს არადომინანტური რელიგიური ჯგუფების უფლებებს და ავლენს უთანასწორო დამოკიდებულებას განსხვავებული რელიგიური მრწამსის ადამიანების მიმართ“, - აღნიშნულია განცხადებაში, - „ამ კუთხით, განსაკუთრებით საგანგაშოა ჩოხატაურის მუნიციპალიტეტის სოფელ ბუკნარში მუსლიმი მოქალაქეების მიმართ გამოვლენილი რელიგიური შეუწყნარებლობა და თანასწორუფლებიანობის დარღვევა; პანდემიის დროს ხელისუფლების დისკრიმინაციული პოლიტიკა რელიგიური გაერთიანებების მიერ დღესასწაულების აღნიშვნისას და ბოლო დროს მართლმადიდებელი ეკლესიის მაღალი იერარქების მხრიდან გამოვლენილი ანტისემიტური რიტორიკის უგულებელყოფა“.  სრულად...  წყარო: osgf.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. „თანამონაწილეობა და მონიტორინგი ცვლილებებისათვის“ პროგრამის ფარგლებში გამოცხადებული საგრანტო კონკურსის შესახებ 18 იანვარს, 16:00 საათზე, გაიმართება ონლაინ კითხვა-პასუხის შეხვედრა დაფინანსებით დაინტერესებული სამოქალაქო საზოგადოების ორგანიზაციებისთვის. დარეგისტრირდით ბმულზე... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. სსო-ები ავრცელებენ ერთობლივ განცხადებას, ოპოზიციური პარტიების წინააღმდეგ დაანონსებული სანქციების შესახებ. არასამთავრობო ორგანიზაციები უკიდურეს შეშფოთებას გამოხატავენ ხელისუფლების მიერ გაცხადებულ ინიციატივასთან დაკავშირებით, რომელიც არსობრივად მიზნად ისახავს ოპოზიციური პარტიებისთვის სანქციების დაწესებას მათ მიერ გამოხატული პროტესტის გამო, რაც ოპოზიციონერი დეპუტატების მიერ საკუთარ მანდატებზე უარის თქმაში გამოიხატა. „მსგავსი განცხადებები კიდევ ერთხელ მიუთითებს იმაზე, რომ ხელისუფლება სათანადოდ ვერ აცნობიერებს საკუთარ პასუხისმგებლობას არსებული კრიზისების გადაჭრის პროცესში, ხოლო მისი რიტორიკა აღიქმება როგორც მუქარა ოპოზიციური პარტიების მისამართით – იმოქმედონ ხელისუფლების დირექტივების შესაბამისად, რათა არ გახდნენ მმართველი პარტიის მხრიდან სანქციების მსხვერპლნი“, ნათქვამია ერთობლივ განცხადებაში. სრულად... წყარო: osgf.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ინფორმაციის თავისუფლების განვითარების ინსტიტუტმა (IDFI), საერთაშორისო მკვლევრებთან ერთად, 2019-2020 წლებში განახორციელა პროექტი - „სახელმწიფო არქივების ღიაობის შეფასება ყოფილ საბჭოთა რესპუბლიკებში და აღმოსავლეთის ბლოკის ქვეყნებში“. კვლევამ გამოავლინა რეგიონის 18 ქვეყნის სახელმწიფო არქივების გამჭვირვალობის რეიტინგი და ასევე საკმაოდ საინტერესო მიგნებები და სპეციფიკა, რომლებიც ამა თუ იმ ქვეყანაში სახელმწიფო არქივებს გააჩნიათ. „COVID-19-ით გამოწვეულმა რეალობამ განსაკუთრებით თვალსაჩინოდ წარმოაჩინა არქივების ვებგვერდების გამართული ფუნქციონირებისა და მომხმარებლებთან ონლაინ კომუნიკაციის მნიშვნელობა, რაც მოცემული კვლევითაც დასტურდება. მაშინ, როდესაც ადამიანებს მთელი მსოფლიოს მასშტაბით მოუწიათ სახლში ყოფნა და დისტანციურად მუშაობა, ისტორიკოსებისა და მკვლევრებისთვის საარქივო დოკუმენტებზე წვდომის ერთადერთი საშუალება გახდა ინტერნეტი, არქივების ვებგვერდი, იქ განთავსებული ფონდები და ელექტრონული მონაცემთა ბაზები“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. „საერთაშორისო გამჭვირვალობა - საქართველოს” სამოქალაქო საბჭოების წევრებმა ახალციხესა და ადიგენში 40-ზე მეტი ინფრასტრუქტული პრობლემა/საჭიროება გამოავლინეს. „სოფლების დიდ ნაწილში პრობლემურია შიდა საუბნო გზების, სანიაღვრე არხების არსებული მდგომარეობა, გარეგანათებისა და სასმელი და სარწყავი წყლის სისტემების გაუმართაობა, ახალციხესთან დამაკავშირებელ გზაზე კლდოვანი მასიდან ქვათა ცვენა და ა.შ. ქალაქის ნაწილში კი ქვეითთა გადასასვლელები და ტროტუარებია გასაახლებელი, ზოგან კი მოსაწყობი; დასანიშნია მუნიციპალური ტრანსპორტი ქალაქის რამდენიმე უბანში, ბევრგან საზოგადოებრივი ტრანსპორტის მოსაცდელია დასამონტაჟებელი“, ნათქვამია ორგანიზაციის გვერდზე სოციალურ ქსელში. სრულად... წყარო: transparency.ge

თბილისი. 2020 წლის მარტიდან ოქტომბრამდე კოვიდ-19 ინფექციის გავრცელების პრევენციისა და პანდემიით გამოწვეული შედეგების შემსუბუქების მიზნით ღია საზოგადოების ფონდმა საქართველოში 1.5 მილიონ აშშ დოლარამდე ოდენობის დაფინანსება გამოყო. „კოვიდ-19 შედეგებთან გამკლავებისთვის გაწეულმა მხარდაჭერამ რამდენიმე მიმართულება მოიცვა, მათ შორის მშრომელთა უფლებების დაცვა, სოციალურ-ეკონომიკურ დახმარებები, ჯანდაცვის ინსტიტუციების და სამედიცინო პერსონალის გაძლიერება, ეთნიკური უმცირესობების, შეზღუდული შესაძლებლობების მქონე პირების და რეგიონული მოსახლეობის ინფორმირება, უფასო სამართლებრივი და ფსიქოლოგიური სერვისები მოქალაქეებისთვის, მოსწავლეების ხელშეწყობა ონლაინ სწავლების პროცესში“, ნათქვამია ორგანიზაციის ანგარიშში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) და საქართველოს ახალგაზრდა იურისტთა ასოციაცია (GYLA) საჯარო მმართველობის პოლიტიკის დოკუმენტების შემუშავებასთან დაკავშირებით ერთობლივ განცხადებას ავრცელებენ. საჯარო მმართველობის რეფორმის გზამკვლევის და 2019-2020 წლების სამოქმედო გეგმის ვადის გასვლის შესაბამისად, მთავრობის ადმინისტრაციამ ახალ სტრატეგიასა და სამოქმედო გეგმაზე დაიწყო მუშაობა. პროცესი სამოქალაქო საზოგადოების წარმომადგენელთა ჩართულობით დაიწყო. ორგანიზაციები მიესალმებიან სამოქმედო გეგმის შემუშავების პროცესში სამოქალაქო საზოგადოების ჩართულობის უზრუნველყოფას და ამავდროულად, ხაზს უსვამენ წინა სტრატეგიულ დოკუმენტებთან დაკავშირებული ხარვეზების აღმოფხვრის აუცილებლობას... სრულად... წყარო: gyla.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს სტრატეგიული კვლევებისა და განვითარების ცენტრის ინფორმაციით, მუნიციპალიტეტის მერს და მუნიციპალიტეტის საკრებულოს წევრს გაწეული მუშაობის შესახებ ანგარიშების წარდგენას კანონი ავალდებულებს. „ასევე, კანონი მოითხოვს, რომ მუნიციპალიტეტის ორგანოებმა გამოაქვეყნონ, მინიმუმ მათივე ოფიციალურ ვებ-გვერდზე, მუნიციპალიტეტის მერის და საკრებულოს წევრების მიერ გაწეული მუშაობის შესახებ ანგარიშები, შესაბამისი ანგარიშის წარდგენიდან 10 დღის ვადაში; მოქალაქეების ჩართულობა ადგილობრივი თვითმმართველობის საქმიანობაში აძლიერებს ქვეყანას. საქართველოს სტრატეგიული კვლევებისა და განვითარების ცენტრი ახორცილებს პროექტს ადგილობრივ თვითმმართველობის განხორციელებაში მოქალაქეთა მონაწილეობის უზრუნველყოფის ხელშეწყობა. პროექტის მხარდამჭერია ფრიდრიხ ებერტის ფონდის წარმომადგენლობა საქართველოში“, ნათვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. 30 ნოემბერს, „ჰელფინგ ჰენდის“ ორგანიზებით, შედგა ახალი პროექტისა და მოხალისეთა ონლაინ-პლატფორმის - www.helpinghand.ge-ს პრეზენტაცია. „შეხვედრის მიზანი იყო: პანდემიის პირობებში ონლაინ-მოხალისეობის შესაძლებლობების განხილვა და განახლებული პლატფორმის ფართო საზოგადოებისთვის წარდგენა. ღონისძიებას ესწრებოდნენ სხვადასხვა არასამთავრობო ორგანიზაციის წარმომადგენლები, სამოქალაქო განათლების მასწავლებლები და ონლაინ-მოხალისეობით დაინტერესებული მოქალაქეები. პლატფორმის პრეზენტაციის შემდეგ შედგა დისკუსია ონლაინ-მოხალისეობის პერსპექტივებისა და სამომავლო თანამშრომლობის საკითხებზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ორგანიზაციის დირექტორის, გიორგი კლდიაშვილის სტატიას: ღია მმართველობის პარტნიორობის გაზრდილი მნიშვნელობა - პერსპექტივა დაკვირვების საფუძველზე (OGP 2030). „OGP გახდა ხელისუფლებისა და სამოქალაქო საზოგადოების ურთიერთთანამშრომლობის ნათელი მაგალითი, რომლის ფარგლებშიც, საზოგადოებას მიეცა შესაძლებლობა, მრგვალი მაგიდის ფორმატში, წარედგინა მოთხოვნები მთავრობისადმი, ხოლო სახელისუფლებლო ორგანოებს გაუჩნდათ ამ მოთხოვნების მიღებისა და მათ საპასუხო ქმედებების განხორციელების ვალდებულება. ამრიგად, OGP გახდა 78 წევრი ქვეყნის საერთაშორისო მხარდამჭერი პლატფორმა, რომელშიც სტაბილურად მზარდია ადგილობრივი თვითმმართველობების რაოდენობა და სადაც დაინტერესებულ მხარეებს შეუძლიათ განიხილონ სახელმწიფო მმართველობის მიმართულებით არსებული გამოწვევები მსოფლიოში და მიაღწიონ კონსენსუსს პოტენციურ გადაწყვეტილებებთან დაკავშირებით“, ნათქვამია მასალაში. სრულად... წყარო: idfi.ge