სამეგრელო. „საერთაშორისო გამჭვირვალობა - საქართველოს“ სამოქალაქო საბჭოების ადვოკატირების შედეგად, ზუგდიდში, ლაზის და დარასელიას ქუჩების მცხოვრებლებს 1 მაისიდან სამარშრუტო ტაქსი მოემსახურება. „ზუგდიდის მერიის ტრანსპორტის სამსახურის წარმომადგენლები სამოქალაქო საბჭოს წევრებს და ადგილობრივ მოსახლეობას 28 აპრილს შეხვდნენ და მგზავრობის ტარიფსა და გრაფიკზე შეთანხმდნენ. აღნიშნული ქუჩებისათვის საზოგადოებრივი ტრანსპორტის გამოყოფის მოთხოვნით ზუგდიდის მერიას 15 აპრილს მივმართეთ. მიმართვას ხელს 40 მოქალაქე აწერდა“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს სტრატეგიისა და განვითარების ცენტრს (GCSD) ახალი დირექტორი ჰყავს. „Მარიამ თოხაძე მომდევნო ოთხი წლის განმავლობაში უხელმძღვანელებს ორგანიზაციას. აქამდე მარიამი GCSD-ის TRC-Terrorism Research Center-ტერორიზმის კვლევითი ცენტრი დირექტორის პოზიციას იკავებდა. ცვლილებებამდე, GCSD-ის დირექტორი გიორგი გოგუაძე იყო, იგი, საკუთარი გადაწყვეტილებით, სხვა სფეროში განაგრძობს მუშაობას. GCSD-ის გუნდი მადლობას უხდის მას ორგანიზაციისთვის გაწეული შრომისათვის და წარმატებას უსურვებს ახალ პოზიციაზე“. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ (LDA Georgia) დაასრულა ტრენინგების სერია სამოქალაქო საზოგადოებრივი ორგანიზაციებისათვის. „ამჯერად, ტრენინგი ჩატარდა იმერეთის მხარის შემდეგი მუნიციპალიტეტების: საჩხერე, ჭიათურა, თერჯოლა, ტყიბული, ზესტაფონი,სამტრედია, წყალტუბო, ხონი, სამოქალაქო საზოგადოებრივი ორგანიზაციების წარმომადგენლებისთვის. ტრენინგის მოდულით გათვალისწინებული იყო ისეთი საკითხები, როგორიცაა: მოქალაქეთა ჩართულობის მექანიზმები; მოქალაქეთა მონაწილეობა ადგილობრივი თვითმმართველობის განხორციელებაში; მრჩეველთა საბჭოს როლი/ფუნქცია ადგილობრივი თვითმმართველობის განხორციელების პროცესში; პროგრამული საბიუჯეტო პროცესები და ეტაპები; ადგილობრივი თვითმმართველობის მთავარი პრინციპები/უფლებამოსილებები; ადგილობრივი თვითმმართველობა დემოკრატიულ სახელმწიფოში; მუნიციპალიტეტის ფინანსები“. სრულად... წყარო: ორგანიზაციის ვებგვერდი სოციალურ ქსელში

„სამოქალაქო საზოგადოების ინიციატივა“ – ახალი პროექტია, რომლის ფინანსური მხარდამჭერია ევროკავშირი და კონრად ადენაუერის ფონდი. პროექტის მიზანია სამოქალაქო საზოგადოების, როგორც დამოუკიდებელი, მდგრადი, გამჭვირვალე და ანგარიშვალდებული აქტორის გაძლიერების ხელშეწყობა. პროექტის სიახლეების, კონკურსებისა თუ გამოცემების შესახებ შეგიძლიათ მიიღოთ ინფორმაცია სოციალურ ქსელში არსებულ გვერდზე – სამოქალაქო საზოგადოების ინიციატივა  ესტუმრე გვერდს და იყავი ინფორმირებული ევროკაშვირისა (#EU) და კონრად ადენაუერის ფონდის (#KAS) მხარდაჭერით პროექტს ახორციელებენ: საქართველოს სტრატეგიული კვლევებისა და განვითარების ცენტრი (#CSRDG), სამოქალაქო საზოგადოების ინსტიტუტი (#CSI), კონსულტაციისა და ტრენინგის ცენტრი (#CTC), განათლების განვითარების და დასაქმების ცენტრი (#EDEC) და ევროპული პოლიტიკის ინსტიტუტი (#IEP).  „სამოქალაქო საზოგადოების ინიციატივა“ – ემყარება ევროკავშირის მიერ მხარდაჭერილი პროექტის -„სამოქალაქო საზოგადოების განვითარების ინიციატივა" - (CSSIGE 2017-2020) განხორციელების პროცესში მიღებულ ცოდნასა და გამოცდილებას.

იმერეთი. 21 აპრილს, წყალტუბოს მაგისტრატმა სასამართლომ განიხილა ადმინისტრაციული სამართალდარღვევის საქმე კომპანია „ენკა რინიუებზლის“ მიმართ გარემოსდაცვითი გადაწყვეტილებით განსაზღვრული მთელი რიგი პირობების დარღვევის გამო. საიას ინფორმაციით, აღნიშნულ საქმეზე გადაწყვეტილებას წყალტუბოს მაგისტრატი სასამართლო მიმდინარე წლის 28 აპრილს, 12:00 საათზე გამოაცხადებს. „ამავე საქმეზე 2021 წლის 10 მარტს სასამართლო პროცესი ნამოხვანჰესების კასკადის მშენებელი კომპანიის არასაპატიო მიზეზით გამოუცხადებლობის გამო ერთხელ უკვე გადაიდო. კომპანია ,,ენკა რინიუებზლის“ წარომადგენელი სასამართლო სხდომაზე კვლავ არ გამოცხადდა და სასამართლოსთვის საპატიო მიზეზით გამოუცხადებლობის დამადასტურებელი არც რაიმე სახის დოკუმენტი არ წარუდგენია“. სრულად... წყარო: gyla.ge

თბილისი. სოციალური სამართლიანობის ცენტრი (ყოფილი EMC) 2020 წლის საქმიანობის შეჯამებას წარმოგიდგენთ. დოკუმენტში მიმოხილულია ორგანიზაციის საქმიანობა, ქვეყანაში მიმდინარე პროცესებისა და ადამიანის უფლებების მხრივ არსებული მდგომარეობის კვალდაკვალ. სრულად... წყარო: socialjustice.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. 27 აპრილს, 11:00 საათზე, ევროპის ფონდი საგამოძიებო ჟურნალისტიკის მხარდასაჭერად გამოცხადებული საგრანტო კონკურსით დაინტერესებული ორგანიზაციებისთვის ონლაინ კითხვა-პასუხის სესიას გამართავს. შეუერთდით სესიას ლინკზე... წყარო: ორგანიზაციის გვერდი სოციალურ ქსელში

თბილისი. განვითარებისა და დემოკრატიის ცენტრი (CDD) გიზიარებთ გზამკვლევს ადგილობრივი თვითმმართველობის განხორციელების პროცესში მოქალაქეთა ჩართულობის შესახებ.  მოქალაქეთა ჩართულობისთვის... „გადაწყვეტილების მიღების პროცესში მოქალაქეთა ჩართულობა დემოკრატიის ქვაკუთხედია და ძალიან ეფექტიანია ადგილობრივ თვითმმართველობასთან დაკავშირებული პროცესებისა და საკითხების გადაწყვეტის არსებითი გაუმჯობესებისათვის“, აღნიშნულია ნაშრომში. წყარო: ორგანიზაციის გვერდი სოციალურ ქსელში თვითმმართველობა

თბილისი. საზოგადოებრივი ორგანიზციების ნაწილი ავრცელებს განცხადებას ევროპული საბჭოს პრეზიდენტის მიერ მედიაციის პროცესში წარმოდგენლილი ახალი დოკუმენტის შესახებ.  "ევროპული საბჭოს პრეზიდენტმა, შარლ მიშელმა, მედიაციის პროცესში ჩართულ მხარეებს საქართველოში შექმნილი პოლიტიკური კრიზისის დაძლევის მიზნით ახალი, კომპრომისული წინადადება შესთავაზა. წინადადება ითვალისწინებს პოლიტიზებულ მართლმსაჯულებად აღქმულ საკითხებზე რეაგირებას, საარჩევნო და სასამართლო რეფორმას, პარლამენტში ძალაუფლების გადანაწილების საკითხს და მათი განხორციელების ვადებს. შესაძლოა, დოკუმენტი ბოლომდე არ ასახავდეს ჩართული მხარეების ყველა მოთხოვნასა და ინტერესს, თუმცა კომპრომისი სწორედ ასეთ შეუთანხმებელ საკითხებზე დათმობასა და კონსესუსის მიღწევას გულისხმობს.", - აღნიშნულია განცხადებაში.  სრულად...  წყარო: isfed.ge

თბილისი. საგარეო საქმეთა სამინისტრომ 1 წლის სამართლებრივი დავის შედეგად მედიის განვითარების ფონდს ის დოკუმენტები გადასცა, რომელსაც ორგანიზაცია ერთ წელზე მეტია ითხოვდა.  პროცესი 1 წელი მიმდინარეობდა და მხოლოდ მას შემდეგ შეწყდა, რაც 2021 წლის 12 აპრილს, საგარეო საქმეთა სამინისტრომ მოთხოვნილი დოკუმენტები მედიის განვითარების ფონდს ჩააბარა.  სრულად...   წყარო: ორგანიზაციის ვებგვერდი

თბილისი. „საქართველოს დემოკრატიული ინიციატივა“ (GDI) ეხმაურება 2021 წლის 14 აპრილს, პარტია „ქართული ოცნების“ ოფისთან მიმდინარე მოვლენებს და მიაჩნია, რომ პოლიციის ქმედებები მიმართულია შეკრების თავისუფლების გაუმართლებელი შეზღუდვისაკენ, ხოლო სისხლისსამართლებრივი მექანიზმების ამოქმედება აქტივისტების წინააღმდეგ არის ავტორიტარული რეჟიმისკენ გადადგმული კიდევ ერთი ნაბიჯი. „მოვუწოდებთ საქართველოს ხელისუფლებას შეწყვიტოს სისხლისსამართლებრივი დევნა და რეპრესიული პოლიტიკის გატარება სამოქალაქო აქტივისტების წინააღმდეგ მათ მიერ შეკრებისა და მანიფესტაციის ფარგლებში პროტესტის გამოხატვის გამო და იმოქმედოს კონსტიტუციური პრინციპების შესაბამისად“, - ნათქვამია GDI-ის მიერ გავრცელებულ განცხადებაში. სრულად...  წყარო: ორგანიზაციის ვებგვერდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოში არსებული კრიზისის თაობაზე, საზოგადოებრივმა ორგანიზაციებმა ამერიკელ სენატორებს წერილით მიმართეს.  შექმნილი ვითარების გახანგრძლივება, წერილის თანახმად, ხელს მხოლოდ კრემლს აძლევს იმ ფონზე, როცა ქვეყანა სერიოზული გეოპოლიტიკური საფრთხეების წინაშე დგას, კრიზისის დაძლევა და ქვეყნის დემოკრატიის შემდგომი განვითარება კი, მნიშვნელოვანი ფაქტორებია საქართველოს ევროატლანტიკურ სტრუქტურებში სწრაფად გაწევრიანებისთვის.  სრულად...   წყარო: osgf.ge

საქართველო. ხართ საწარმო, რომელიც სოციალურ ან გარემოს დაცვით ღირებულებებს ატარებს? მაშინ გაქვთ შესაძლებლობა, მონაწილეობა მიიღოთ საქართველოში პირველ სოციალური და მწვანე საწარმოების გამოფენაში. გამოფენა ეწყობა ევროკავშირის მხარდაჭერილი პროექტის EU4Youth: სოციალური მეწარმეობის ეკოსისტემის განვითარება (SEED) მწვანე ზრდისთვის" ფარგლებში, რომელსაც ახორციელებს CENN, პარტნიორ ორგანიზაციებთან - KRDF და Green Lane (სომხეთი) ერთად. გაიარეთ რეგისტრაცია აქ  რეგისტრაციის ბოლო ვადაა 2021 წლის 25 აპრილი. სრულად...  წყარო: გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი... 

თბილისი. სახელმწიფო ინსპექტორის სამსახურის ანგარიშთან დაკავშირებით, IDFI და სოციალური სამართლიანობის ცენტრი განცხადებას ავრცელებენ. IDFI და სოციალური სამართლიანობის ცენტრი (ყოფილი EMC) მიიჩნევენ, რომ სახელმწიფო ინსპექტორის სამსახურის გაძლიერების მიზნით, არსებითად მნიშვნელოვანია: სწრაფი და ქმედითი საკანონმდებლო ნაბიჯების გადადგმა საგამოძიებო და საპროკურორო ფუნქციების გამიჯვნის მიმართულებით;  სახელმწიფო ინსპექტორის სამსახურის მანდატის გაზრდა, რათა მის კომპეტენციაში მოექცეს სამართალდამცავთა მიერ ჩადენილი ყველა დანაშაული;  საგამოძიებო უწყების მანდატის გავრცელება შინაგან საქმეთა მინისტრის, სახელმწიფო უსაფრთხოების სამსახურის ხელმძღვანელთა შესაძლო დანაშაულებზე;  სახელმწიფო ინსპექტორის სამსახურისთვის დაცვის სპეციალური ღონისძიების გამოყენების უფლებამოსილების მინიჭება, რაც მსხვერპლის, მისი ახლო ნათესავის ან ოჯახის წევრის უსაფრთხოების დაცვის მყარ გარანტიებს უზრუნველყოფს;  ინსპექტორის სამსახურის სათანადო მატერიალური და ადამიანური რესურსით უზრუნველყოფა. სრულად...  წყარო: socialjustice.org.ge

თბილისი. „უფლებები საქართველომ“, 2021 წლის პირველი მარტიდან, ახორციელებს უფლებადამცველებისა და აქტივისტების მხარდამჭერ ახალ პროექტს - „რისკის ქვეშ მყოფი უფლებადამცველების და აქტივისტების მხარდაჭერა“. პროექტის ამოცანაა უფლებადამცველების/აქტივისტების სამართლებრივი დახმარებით უზრუნველყოფა, მათი უსაფრთხოებისა და დაცვის გარანტიების ზრდაზე ზრუნვა, მათი პროფესიული უნარების გაძლიერება და ცნობიერების ამაღლება ისეთ სამართლებრივ საკითხებთან დაკავშირებით, რომელიც აქტუალურია მათი საქმიანობიდან გამომდინარე. პროექტი, სხვადასხვა აქტივობასთან ერთად, ითვალისწინებს ქვეყნის მასშტაბით, ადამიანის უფლებათა დამცველებისა და აქტივისტების ქსელის შექმნას/აღწერას. ამან, მომავალში, ხელი უნდა შეუწყოს მხარდამჭერი და ურთიერთდახმარების სწრაფი და ეფექტიანი საკომუნიკაციო სისტემის ფორმირებას. „უფლებები საქართველო“ სთხოვს ორგანიზაციებს, მათთან დასაქმებულებმა, რომლებიც ეწევიან აქტივიზმს, უფლებადამცეველობით საქმიანობას ან თემის ლიდერები არიან შეავსონ სარეგისტრაციო ფორმა, ასევე, მიაწოდოთ ინფორმაცია ყველა იმ აქტივისტს, ვისთანაც კომუნიკაცია აქვთ. სრულად...  წყარო: ორგანიზაციის ვებგვერდი

თბილისი. 5 აპრილს გამართულ სხდომაზე, ბათუმის საქალაქო სასამართლომ არ დააკმაყოფილა „სოციალური სამართლიანობის ცენტრის“ (ყოფილი EMC) და “საზოგადოება ბათომის” მოთხოვნა, შეჩერებულიყო 19-სართულიანი (3 სართული - მიწის ქვეშ) სასტუმროს მშენებლობა კულტურული მემკვიდრეობის ძეგლის - ბათუმის ბულვარის - ტერიტორიაზე.  „სოციალური სამართლიანობის ცენტრში“ მიაჩნიათ, რომ ამ გადაწყვეტილებით სასამართლომ ვერ შეძლო საჯარო ინტერესის დაცვის სადარაჯოზე დადგომა, აღმასრულებელი ხელისუფლების თვითნებური გადაწყვეტილებების რეალური შეკავება და კონტროლი. „სოციალური სამართლიანობის ცენტრი“, “საზოგადოება ბათომის” სახელით, მიღებულ განჩინებას ქუთაისის სააპელაციო სასამართლოში გაასაჩივრებს.  სრულად...  წყარო: ორგანიზაციის ვებგვერდი

თბილისი. 2 აპრილს, 16:30 საათზე, გაიმართება ონლაინ შეხვედრა შეზღუდული შესაძლებლობის მქონე პირთა საკითხებზე მომუშავე ორგანიზაციებთან. შეხვედრის მიზანია ამ თემასთან დაკავშირებით ევროპის ფონდის ხედვისა და გეგმების გაზიარება. შეხვედრას შეუერთდებიან სტუმრები UNICEF-დან და ინკლუზიური პოლიტიკის ცენტრიდან, რომლებიც ისაუბრებენ შშმ პირთა რაოდენობრივ მონაცემებზე, შეზღუდული შესაძლებლობის სტატუსის ახალი სისტემის დამკვიდრებასა და შშმ ბავშვთა სოციალური დაცვის ღონისძიებებზე. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...