თბილისი. AFEW International-მა, ევროკავშირის ფინანსური მხარდაჭერით და People in Need და Netherlands Helsinki Committee-თან თანამშრომლობით დაიწყო რეგიონული COVID-19-ის სოლიდარობის პროგრამის განხორციელება. პროექტი მხარს დაუჭერს სამოქალაქო საზოგადოების ორგანიზაციებს აღმოსავლეთ პარტნიორობის ქვეყნებში COVID-19 პანდემიით გამოწვეულ შედეგებზე რეაგირების საქმეში. გააკეთეთ განაცხადი აქედან... წყარო: ორგანიზაციის გვერდი სოციალურ ქსელში

თბილისი. საქართველოს პარლამენტის 2020 წლის 31 ოქტომბრის არჩევნებს, ადგილობრივი სადამკვირვებლო ორგანიზაცია - განვითარებისა და დემოკრატიის ცენტრი (CDD), საერთაშორისო სადამკვირვებლო ორგანიზაცია - დემოკრატიის, მედიისა და კულტურული გაცვლის ინსტიტუტთან (IDEM) პარტნიორობით, 100 კაციანი ერთობლივი სადამკვირვებლო მისიით დააკვირდა საქართველოს ყველა რეგიონსა და ქვეყნის გარეთ გახსნილ საარჩევნო უბნებზე. „ჩვენი ერთობლივი მისიის შეფასებით, საქართველოს პარლამენტის 31 ოქტომბრის არჩევნები კონკურენტულ გარემოში და ზოგადად ძირითადი თავისუფლებების დაცვით ჩატარდა. კენჭისყრის პროცესმა შედარებით მშვიდ და ორგანიზებულ გარემოში ჩაიარა, ერთეული პროცედურული დარღვევების ფონზე. თუმცა რიგი ხარვეზები - დარღვევები გამოიკვეთა ხმების დათვლისა და შედეგების შეჯამების პროცესში. COVID-19 პანდემიასთან დაკავშირებული გამოწვევების ფონზე, აღსანიშნავია ამომრჩეველთა მაღალი აქტივობა, რითაც კიდევ ერთხელ დადასტურდა ქართველი ამომრჩევლის მხარდაჭერა შეცვლილი საარჩევნო სისტემისადმი, რომლის ერთერთი მთავარი მიზანი, სწორედ უფრო პროპორციული, წარმომადგენლობითი და მრავალფეროვანი საკანონმდებლო ორგანოს ფორმირება იყო“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. 18 ნოემბერს, აშშ-ს სახელმწიფო მდივანი მაიკ პომპეო სამოქალაქო საზოგადოების წარმომადგენლებს, მათ შორის საქართველოს დემოკრატიული ინიციატივის კანონის უზენაესობის პროგრამის დირექტორს, გვანცა წულუკიძეს შეხვდა.  „სახელმწიფო მდივანთან საუბარი შეეხებოდა სასამართლო რეფორმასა და საქართველოს განვითარებაში სამოქალაქო საზოგადოების როლს. შეხვედრაზე ყურადღება გაამახვილეს ქვეყანაში არსებულ არაფორმალურ მმართველობაზე, ხელისუფლების შტოებს შორის ურთიერთშეკავებისა და ურთიერთბალანსის პრინციპის რღვევაზე, სასამართლო სისტემის - პოლიტიკური ოპონენტების გასანეიტრალებენ პოლიტიკურ იარაღად ქცევაზე, რომლის ნათელ მაგალითსაც ის მრავალი გახმაურებული საქმე წარმოადგენს, რომლებშიც სასამართლომ ცალსახად ხელისუფლების ინტერესის სასარგებლო გადაწყვეტილებები მიიღო და ხშირ შემთხვევაში პატიმრობა შეუფარდა ხელისუფლებისთვის არასასურველ პირებს, მაგალითად: გიორგი რურუას საქმე, კარტოგრაფების - ივერი მელაშვილის და ნატალია ილოჩოვას საქმე, სამოქალაქო აქტივისტების დაჯარიმება/დაპატიმრების საქმეები და სხვა“. სრულად... წყარო: gdi.ge

კახეთი. ქედელის დაარსებიდან 21 წელი გავიდა. ორგანიზაცია განვითარების სამ შვიდწლეულზე წიგნიდან (ელ. ვერსიით) მოგვითხრობს და მას ლევან ლიპარტელიანის ხსოვნას უძღვნის. „მადლობას ვუხდით ყველა გულშემატკივარს, მოყვარეს, მხარდამჭერსა და ქედელის მეგობარს, ვინც 21 წლის მანძილზე ჩვენ გვერდით იყო“. წიგნი... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. შშმ პირთა საკითხებზე მომუშავე სამოქალაქო საზოგადოების 30 ორგანიზაცია წერილით მიმართავს საქართველოს პრემიერ მინისტრსა და ჯანდაცვის მინისტრს თხოვნით, უზრუნველყოს შშმ პირთათვის უფასო სამედიცინო მომსახურება თანაგადახდის პირობის გარეშე.  „დღეს არსებული კანონმდებლობა სრულ სამედიცინო მომსახურებას ითვალისწინებს მხოლოდ მკვეთრად გამოხატული შშმ პირებისთვის, რაც სერვისის გარეშე ტოვებს ყველა დანარჩენ შშმ ბავშვსა თუ პირს, რომელთაც არ აქვთ მკვეთრად გამოხატული შეზღუდვები. გეგმიური თუ ამბულატორიული მომსახურების მისაღებად შშმ ბავშვებსა და მოზრდილებს სჭირდებათ 20% იანი თანამონაწილეობა, რაც ხშირ შემთხვევაში სოციალური დახმარების ოდენობას აღემატება და შშმ პირებსა და ოჯახებს აყენებს წარმოუდგენელი ვალდებულებების წინაშე“ , ნათქვამია ერთობლივ განცხადებაში. სრულად... წყარო: www.epfound.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. „საერთაშორისო გამჭვირვალობა - საქართველოსა“ და „სამართლიანი არჩევნებისა და დემოკრატიის საერთაშორისო საზოგადოების” (ISFED) მიერ შეტანილი საჩივრები რამდენიმე ოლქში სხვადასხვა უსაფუძვლო მიზეზით განუხილველი დატოვეს, ხოლო განხილული საჩივრების უმრავლესობა არ დააკმაყოფილეს. „საოლქო საარჩევნო კომისიები საჩივრების განუხილველად დატოვების ერთ-ერთ მიზეზად დამკვირვებლების მხრიდან მინდობილობის წარუდგენლობას ასახელებდნენ. საოლქო საარჩევნო კომისიების სხდომები ჩაინიშნა და სხდომაზე დაიბარეს ორგანიზაციის წარმომადგენლები. მიუხედავად იმისა, რომ სხდომაზე ორივე ორგანიზაციის წარმომადგენლებმა მინდობილობები წარადგინეს, რითაც დასტურდებოდა, რომ არა მხოლოდ სხდომაზე, არამედ საჩივრის შეტანის მომენტშიც ჩვენი დამკვირვებლები ორგანიზაციის სახელით მოქმედებდნენ, საჩივრები მაინც არ განიხილეს“. სრულად... წყარო: transparency.ge

თბილისი. საქართველოს სამოქალაქო საზოგადოების ორგანიზაციები 2020 წლის საპარლამენტო არჩევნებს აფასებენ. „31 ოქტომბერს საქართველოში საპარლამენტო არჩევნები განახლებული საარჩევნო სისტემით ჩატარდა. საქართველოს მოქალაქეებს ჰქონდათ შესაძლებლობა, პროპორციულ სისტემასთან მიახლოებული მოდელით აერჩიათ კანონშემოქმედებითი ორგანო, რაც მნიშვნელოვან წინგადადგმულ ნაბიჯად უნდა შეფასდეს. ამ ცვლილების მიუხედავად, მიგვაჩნია, რომ საქართველოს მთავრობამ ვერ უზრუნველყო არჩევნების დემოკრატიული სტანდარტების შესაბამისად ჩატარება. მეტიც, ჩვენი შეფასებით, 2020 წლის საპარლამენტო არჩევნები „ქართული ოცნების“ ხელისუფლების პირობებში ჩატარებულ არჩევნებს შორის ყველაზე ნაკლებ დემოკრატიული და თავისუფალი იყო“. ორგანიზაციები მოითხოვენ იმ უბნების შედეგების ხელახალ დათვლას, რომელთა ოქმებშიც დისბალანსი შეიმჩნევა, ასევე, წარდგენილი საჩივრების კანონიერად და მიუკერძოებლად განხილვას. სრულად... წყარო: transparency.ge

თბილისი. საია გაცნობებთ, რომ საქართველოს ახალგაზრდა იურისტთა ასოციაციის მორიგი (XXVIII ) საერთო კრება ჩატარდება 2020 წლის 5 დეკემბერს, დისტანციურ რეჟიმში. „კრებაზე დასასწრებად საჭირო ბმულს წევრები მიიღებთ ინდივიდუალურად. საერთო კრებაზე სხვა მნიშვნელოვან საკითხებთან ერთად, დაგეგმილია საიას წესდებაში შესატანი ცვლილებების განხილვა და დამტკიცება. გთხოვთ, გაეცნოთ წესდებაში შესატან ცვლილებებს“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ღია მმართველობის პარტნიორობა (OGP) მიზნად ისახავს წევრ სახელმწიფოებში სამთავრობო უწყებების ანგარიშვალდებულების გაზრდას, ღიაობისა და გამჭვირვალობის სტანდარტების ამაღლებას და გადაწყვეტილების მიღების პროცესში მოქალაქეთა ჩართულობის გაძლიერება. „IDFI OGP-ის საქმიანობაში 2011 წლიდან აქტიურად არის ჩართული და ადვოკატირებას უწევს ხელისუფლების ღიაობის და მოქალაქეთა ჩართულობის სხვადასხვა ინიციატივას. IDFI-ს აღმასრულებელი დირექტორი გიორგი კლდიაშვილი კი, რომელიც OGP-ის ერთ-ერთ გლობალურ მხარდამჭერს და სახეს წარმოადგენს, 2017 წლის ივნისში აირჩიეს მმართველი კომიტეტის წევრად, როგორც სამოქალაქო საზოგადოების წარმომადგენელი. 2020 წლის ოქტომბერში ამოიწურა IDFI-ის აღმასრულებელი დირექტორის, გიორგი კლდიაშვილის OGP-ის მმართველი კომიტეტის წევრობის ვადა“, ნათქვამია ორგანიზაციის ვებგვერდზე. სრულად... წყარო: idfi.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საზოგადოებრივი ორგანიზაციების ერთიანი ვებ-პორტალი - CsoGeorgia.org გთხოვთ, შეავსოთ კითხვარი. ჩვენთვის მნიშვნელოვანია მომხმარებლების მოსაზრება. 2012 წლიდან დღემდე ბევრი სიახლე წამოვიწყეთ და ბევრ განახლებასაც ვგეგმავთ. გაგვიზიარეთ თქვენი შეხედულება, რათა უფრო უკეთ მოგაწოდოთ სასურველი ინფორმაცია, უკეთ შეგიწყოთ ხელი საქმიანობაში. კითხვარის შევსების ბოლო ვადა: 27 ნოემბერი, 2020 კითხვარი...

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საზოგადოებრივი ორგანიზაციები ქვეყანაში უკიდურესად გართულებულ ეპიდემიოლოგიურ ვითარებას ეხმაურებიან. ორგანიზაციები მომცემულ სიტუაციას აფასებენ და სახელმწიფოს მოუწოდებენ მაქსიმალურად გამჭვირვალედ მიიღოს კოვიდ 19-ის დაძლევასთან დაკავშირებული გადაწყვეტილებები. სსო-ები თვლიან, რომ აუცილებელია მოსახლეობას მიეწოდოს ინფორმაცია სიტუაციის სხვადასხვა სცენარით განვითარების შემთხვევაში, რა გეგმები აქვს სახელმწიფოს. „გვსურს, გამოვხატოთ ჩვენი გულისტკივილი საქართველოში „კოვიდ-19”-ით ინფიცირებულებისა და გარდაცვლილების რაოდენობის მნიშვნელოვან ზრდასთან დაკავშირებით. ინფიცირებულების რიცხვის ზრდასთან ერთად, როგორც ჩანს, სახელმწიფოს სულ უფრო მეტად უჭირს კრიზისთან გამკლავება“. სრულად... წყარო: transparency.ge

თბილისი. „საერთაშორისო გამჭვირვალობა-საქართველომ” ამბროლაურისა და ონის მუნიციპალიტეტების თანამდებობის პირთა 39 ქონებრივი დეკლარაცია შეისწავლა. შედეგად, დეკლარაციების არასრულად შევსების 14, მათ შორის, თანამდებობსთან შეუთავსებელი საქმიანობის 4, საკუთარი და ოჯახის წევრების კუთვნილი წილების არადეკლარირების 4 ფაქტი გამოვლინდა. სრულად... წყარო: transparency.ge

თბილისი. საზოგადოებრივი ორგანიზაციები ცხინვალის რეგიონში დამძიმებულ ეპიდსიტუაციას ეხმიანებიან და მოუწოდებენ საქართველოს ხელისუფლებას, დაუყოვნებლივ გააძლიეროს მოლაპარაკებები ცხინვალის დე-ფაქტო რეჟიმთან, ასევე გამოიყენოს საერთაშორისო პოლიტიკური მექანიზმები გადაადგილების თავისუფლების დროულად აღსადგენად და სამედიცინო სერვისებზე ხელმისაწვდომობის გასაზრდელად. სრულად... წყარო: gyla.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს დოკუმენტს: ადგილობრივი თვითმმართველობის ორგანოებისა და საჯარო მოხელეების უფლება-მოვალეობები წინასაარჩევნო კამპანიის პერიოდში - 2020. სრულად... წყარო: isfed.ge

თბილისი. კონსულტაციისა და ტრენინგის ცენტრმა (CTC) ახალი ვებ-გვერდი შექმნა - www.tvitmmartveloba.ge. „აქ წარმოდგენილია ადგილობრივი თვითმმართველობის განვითარების მიმართულებით CTC -ის საქმიანობა, მისი პროდუქტები და შექმნილი რესურსები“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოში მოქმედი საზოგადოებრივი ორგანიზაციები საქართველოს მთავრობასა და მის რელევანტურ უწყებებს, ასევე საერთაშორისო ორგანიზაციებსა და დიპლომატიურ კორპუსს თხოვნით მიმართავენ და მოუწოდებენ, რომ მათი მანდატის ქვეშ, მიიღონ ყველა სათანადო ზომა ოკუპირებულ აფხაზეთში დაკავებული ირაკლი ბებუას სიცოცხლის, უსაფრთხოებისა და უფლებების დაცვის მიზნით და ხელი შეუწყონ საქართველოს კონტროლირებად ტერიტორიაზე მისი გადმოყვანის პროცესს. სრულად... წყარო: emc.org.ge