თბილისი. სამოქალაქო საზოგადოების ორგანიზაციები მედიაციის პროცესში ჩართულ პოლიტიკოსებს მიმართავენ. „მოგიწოდებთ, რომ გამოიყენოთ მედიაციის მეორე რაუნდით მონიჭებული შესაძლებლობა და ზემოთაღნიშნული პუნქტების გათვალისწინებით მიაღწიოთ შეთანხმებას, რათა ქვეყანა დაუბრუნდეს ნორმალურ რიტმს, სადაც სხვადასხვა პოლიტიკური პოზიციიდან, თუმცა ერთობლივად იმუშავებთ, საერთო მიზნის, ქვეყნის განვითარებისთვის. მიმართვა ღიაა ნებისმიერი ორგანიზაციისა და ფიზიკური პირის ხელმოწერისთვის“. სრულად... წყარო: gyla.ge

თბილისი. სამოქალაქო საზოგადოების წარმომადგენლები მიესალმებიან ევროკავშირის და აშშ-ის ჩართულობას ქვეყანაში არსებული პოლიტიკური კრიზისის განმუხტვის პროცესში. „სამწუხაროდ, ბატონი დანიელსონის აქტიური ჩართულობის მიუხედავად, მხარეთა შორის კონსესუსის მიღწევა ამ დრომდე ვერ ხერხდება. ხელმომწერი ორგანიზაციები, სინანულს გამოვთქვამთ, რომ მედიაციის პროცესი დახურულ კარს მიღმა მიმდინარეობს და საზოგადოებისთვის ნაკლებად გამჭვირვალეა. აღნიშნული კი, საშუალებას აძლევს როგორც ხელისუფლებას, ასევე ოპოზიციას, შეთანხმების მიუღწევლობა ერთმანეთს გადააბრალონ. იმის გათვალისწინებით, რომ ევროკავშირი აგრძელებს მხარეებს შორის მედიაციას სამოქალაქო საზოგადოების წარმომადგენლები გამოვთქვამთ სურვილს, მიუკერძოებელ და ნეიტრალურ მედიატორთა მხრიდან, საზოგადოებას მიეწოდოს მეტი ინფორმაცია უშუალოდ მედიაციის პროცესის, ამ პროცესში პოლიტიკური ძალების პასუხისმგებლობისა და შედეგების შესახებ. მიგვაჩნია რომ, მედიაციის ამგვარად წარმართვა, ხელს შეუწყობს მოსახლეობის ინფორმირებულობის გაზრდას და თავიდან აგვაცილებს დამატებით სპეკულაციებს, დეზინფორმაციისა და ანტიევროპული ნარატივების გაძლიერებას, როგორც ქვეყნის შიგნით, ასევე – მის საზღვრებს გარეთ“, ნათქვამია ერთობლივ განცხადებაში. სრულად... წყარო: osgf.ge

თბილისი. საქართველოს სტრატეგიული კვლევებისა და განვითარების ცენტრი (CSRDG) გიზიარებთ საქართველოში, 2019-2020 წლებში მოქმედი სათემო ორგანიზაციების კვლევას. „კვლევის მიზანი იყო საქართველოს სოფლებსა თუ მცირე დასახლებებში მოქმედი ჯგუფების, მათი სამუშაო გარემოს და დაბრკოლებების შესწავლა. კვლევის შედეგების და თანმდევი რეკომენდაციების გარდა ასევე დაზუსტდა მოქმედი სათემო ორგანიზაციების სია. აღნიშნული სია, საჯარო გახდება 2021 წლის გაზაფხულზე. იხილეთ კვლევა ქართულ ენაზე იხილეთ კვლევა ინგლისურ ენაზე კვლევა განხორციელდა CDC სათემო განვითარების ცენტრი/Community Development Centre-ის მიერ 2019-2020 წლებში, საქართველოს სტრატეგიული კვლევებისა და განვითარების ცენტრისა (CSRDG) და ღია საზოგადოების ფონდი I Open Society Georgia Foundation-ს მხარდაჭერით. დოკუმენტი ინგლისურ ენაზე ითარგმნა, პროექტის „სამოქალაქო საზოგადოების განვითარების ინიციატივა“ ფარგლებში“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. „საერთაშორისო გამჭვირვალობა-საქართველოს“ უფასო იურიდიული დახმარების ფარგლებში ორგანიზაციამ 2020 წელს 29 საქმე მოიგო. „თუ გჭირდებათ სამართლებრივი დახმარება, მოგვწერეთ ონლაინ ან ტელეფონის/ელექტრონული ფოსტის მეშვეობით მიმართეთ ჩვენს იურისტებს“. ელ-ფოსტა: alac@transparency.ge სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ქალთა ფონდი თავისი პროგრამებით მხარს უჭერს ქალი უფლებადამცველების გაძლიერებას, აღიარებას და უსაფრთხოებას. ორგანიზაცია სოლიდარობას უცხადებს „პარტნიორობა ადამიანის უფლებებისთვის“ თანამშრომლებს და მიმართავს საქართველოს პარლამენტსა და ადამიანის უფლებათა საკითხებში პრემიერ მინისტრის მრჩეველს, რათა შეახსენოს - ქალი უფლებადამცველების უსაფრთხოებაზე ზრუნვა, მათი შრომის დაფასება, იმ სახელმწიფო ინსტიტუტების გაძლიერება, რომლებიც ადამიანის უფლებათა დაცვაზეა პასუხიმგებელი, სახელმწიფოს მოვალეობაა. სრულად... წყარო: womenfundgeorgia.org

თბილისი. EWMI-PROLoG შეშფოთებულია ქალთა უფლებადამცველების მიმართ გაჟღერებული მუქარით, სიძულვილის ენით და მხარდაჭერას უცხადებს PHR-ის, საფარის და სხვა ორგანიზაციების იურისტ ქალებს. „ქალი აქტივისტები განსაკუთრებით დაჟინებულები და თავდადებულები არიან. მათ ხშირად კაც კოლეგებზე უფრო რთულ პირობებში უწევთ მუშაობა. ჩვენ წლებია მხარს ვუჭერთ ადამიანის უფლებების, მათ შორის, ქალებისა და ბავშვების უფლებების დამცველებს და ვამაყობთ ჩვენი პარტნიორების მუშაობითა და მიღწევებით ამ წლების განმავლობაში. ჩვენ გვწამს, რომ ამ მძიმე, დაუღალავ და ხშირად - დაუფასებელ შრომასა და ერთგულებას მოაქვს პროგრესი, მსხვერპლთა უფლებებისა და ღირსების აღდგენის გზით“. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) სოლიდარობას უცხადებს ქალ უფლებადამცველებს. „გვსურს, სოლიდარობა გამოვხატოთ ქალი უფლებადამცველების მიმართ, რომლებიც განსაკუთრებული აგრესიისა და თავდასხმის სამიზნე გახდნენ ქართველი ჩოგბურთელის, ნიკოლოზ ბასილაშვილის მიერ ერთ-ერთ ტურნირში მოპოვებული გამარჯვების შემდეგ. ფაქტს სოციალურ მედიაში ორგანიზებული აგრესიის კამპანიის მოჰყვა, როგორც არასამათავრობო ორგანიზაციების, ასევე უფლებადამცველების მიმართ. აღნიშნული განაპირობა მათმა საჯარო პოზიციონირებამ ჩოგბურთელის წინააღმდეგ მიმდინარე ოჯახში ძალადობის საქმესთან დაკავშირებით. ქალი უფლებამდაცველების მიზანმიმართული, გენდერული ნიშნით განხორციელებული თავდასხმა მიანიშნებს საზოგადოებაში მყარად ფესვგადგმულ მიზოგენიურ განწყობებზე და აფერხებს ძალადობის ფაქტების საჯარო მხილების პროცესს“, ნათქვამია განცხადებაში.  სრულად... წყარო: isfed.ge

თბილისი. 1 მარტიდან „უფლებები საქართველომ“ დაიწყო ახალი პროექტის - „რისკის ქვეშ მყოფი უფლებადამცველების და აქტივისტების მხარდაჭერა“- განხორციელება. „პროექტის ამოცანაა უფლებადამცველების/აქტივისტების სამართლებრივი დახმარებით უზრუნველყოფა, მათი უსაფრთხოების და დაცვის გარანტიების ზრდაზე ზრუნვა და ცნობიერების ამაღლება ისეთ სამართლებრივ საკითხებზე, რომლებიც აქტუალურია მათი საქმიანობიდან გამომდინარე“. სრულად... წყარო: ორგანიზაციის გვერდი სოციალურ ქსელში

თბილისი. 12 მარტს, ვებ-გვერდ Goal.ge-ზე გავრცელდა ინფორმაცია, რომ ქართულმა არასამთავრობო ორგანიზაციებმა სახალხო დამცველთან ერთად, ნიკოლოზ ბასილაშვილის დოჰას ტურნირიდან მოხსნა მოითხოვეს. მითების დეტექტორის წყაროები ადასტურებენ, რომ ეს ინფორმაცია ცალსახა სიცრუეა. სრულად... წყარო: www.mythdetector.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

13, 14 16,18 და 20, 21 მარტს მეგობრობის ხიდი ქართლოსისა Fundacja HumanDoc-ის ორგანიზებით გაიმართება ონლაინ ვებინარების სერია თემაზე: „არასამთავრობო ორგანიზაციების მიერ ონლაინ პროექტების განხორციელების შესაძლებლობების და პროფესიონალიზაციის გაზრდა საქართველოში“. აღნიშნული ვებინარების სერიას გაუძღვება გიორგი კალატოზიშვილი (პიარ კონსულტანტი; ლექტორი; ტრენერი; ბიზნეს ქოუჩი). ვებინარის ხანგრძლივობა 19:00 – 21:00 სთ. სარეგისტრაციო ბმული  დამატებითი ინფორმაცია ვებინარის შესახებ... ონლაინ ვებინარების სერია დაფინანსებულია პროგრამა „დახმარების ფონდი არასამთავრობო ორგანიზაციებისა და სამოქალაქო ინიციატივებისთვის ”, რომელიც შეიქმნა პოლონურ-ამერიკული თავისუფლების ფონდის მიერ და ახორციელებს ფონდი „განათლება დემოკრატიისთვის“. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციები ეხმიანებიან პოლიტიკური პარტიების დიალოგის განახლებას და მიესალმებიან ქვეყნის ევროპელი პარტნიორების აქტიურ როლს ამ პროცესში.  „ევროპული საბჭოს პრეზიდენტის, შარლ მიშელის მედიაციით შემოთავაზებული 6 პუნქტის გარშემო შეთანხმების მიღწევა კრიზისიდან გამოსვლის საშუალებას მოგვცემს. მიგვაჩნია, რომ კრიზისიდან გამოსვლის მიზნით, უნდა გადაიდგას რამდენიმე მნიშვნელოვანი ნაბიჯი: სიტუაციის განმუხტვის, ნდობის აღდგენის და მოლაპარაკებებისთვის ხელისშემწყობი გარემოს შექმნის მიზნით გათავისუფლდეს ოპოზიციური პარტიის ლიდერი, ნიკა მელია და ხელისუფლებისადმი კრიტიკული სარედაქციო პოლიტიკის მქონე ტელემაუწყებლის მეწილე, გიორგი რურუა; გატარდეს რეალური საარჩევნო რეფორმა; გაძლიერდეს პარლამენტის საზედამხედველო ფუნქცია და ოპოზიციას პოლიტიკურ პროცესზე გავლენის გარკვეული ბერკეტები გადაეცეს; გადაიდგას ნაბიჯები მართლმსაჯულების სისტემის დამოუკიდებლობის მიმართულებით; ჩატარდეს ეფექტური ანტიკორუფციული რეფორმა“;  სრულად... წყარო: transparency.ge

თბილისი. ბაბალე • Babale საქართველოს სტრატეგიული კვლევებისა და განვითარების ცენტრის (CSRDG) მიერ გამოცხადებული საგრანტო კონკურსის, ერთ-ერთი გამარჯვებული გახდა. პროექტის ფარგლებში ბაბალემ: „შეიმუშავა წინდების ხუთი ახალი დიზაინი; მოამზადა, პროდუქტის პერსონალური შეფუთვა, სადაც გადატანილია წინდის ინსპირაციის რეპროდუქცია და პატარა ისტორია ავტორისა თუ მემკვიდრეობის შესახებ. კომპანია Beechwood Trading-ს დახმარებით, გეგმავს ბრიტანულ ამაზონზე პროდუქტის განათავსებს. დაიწყო მოლაპარაკება ამაზონის ამერიკულ ოფისთან“. დაწვრილებით ინფორმაცია დაფინანსებული პროექტების შესახებ იხილეთ ბმულზე... სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება პარლამენტში „მინისტრის საათის“ ფორმატში შინაგან საქმეთა მინისტრის, ვახტანგ გომელაურის მოსმენის საკითხს. „შინაგან საქმეთა სამინისტრო არსებითად ვერ უზრუნველყოფს საპოლიციო და საგამოძიებო საქმიანობის დამოუკიდებლად წარმართვას და ბოლო წლებში კვლავ ჩანს უწყების პოლიტიზირების მზარდი ტენდენცია, რაც ყველაზე აშკარად ოპოზიციური პოლიტიკური და სამოქალაქო ჯგუფების შეკრების თავისუფლების შეზღუდვის, ასევე პოლიტიკური კონტექსტის მქონე საქმეების გამოძიების პროცესში გამოვლინდა. ამასთან, ხაზგასასმელია, რომ ბატონი ვ. გომელაურის მმართველობის პირობებში უწყება ჩაიკეტა სამოქალაქო ორგანიზაციებთან თანამშრომლობისთვის და სამწუხაროდ, შეჩერდა წარსულში დაგეგმილი ინსტიტუციური რეფორმის პროცესები“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. 12 მარტს, 16:00 საათზე, გაიმართება კითხვა-პასუხის სესია წიგნის თარგმანის საგრანტო პროგრამის შესახებ. „შეკითხვები აღნიშნულ დროს აშშ-ის საელჩოს ფეისბუქის გვერდზე გამოქვეყნებული პოსტის კომენატრებში მოგვწერეთ“, ნათქვამია საელჩოს გვერდზე სოციალურ ქსელში. სრულად... წყარო: საქართველოში აშშ-ს საელჩოს გვერდი სოციალურ ქსელში

თბილისი. 5 მარტს, 15:00 საათზე, ღია კარის საგრანტო პროგრამის ფარგლებში გაიმართება საკონსულტაციო შეხვედრა დაფინანსებით დაინტერესებული სამოქალაქო საზოგადოების ორგანიზაციებისთვის. დარეგისტრირდით ლინკზე... სრულად... წყარო: ორგანიზაციის გვერდი სოციალურ ქსელში

თბილისი. კოალიცია „დამოუკიდებელი და გამჭვირვალე მართლმსაჯულებისთვის“ შეშფოთებას გამოხატავს „საერთაშორისო გამჭვირვალობა - საქართველოს“ წინააღმდეგ თბილისის სააპელაციო სასამართლოს მიერ მიღებული გადაწყვეტილების გამო. სასამართლომ ცილისწამებად მიიჩნია ორგანიზაციის მიერ კვლევაში გამოთქმული მოსაზრებები. „ხაზგასმით ვაცხადებთ, რომ აღნიშნული გადაწყვეტილების ძალაში დარჩენის შემთხვევაში საფრთხე შეექმნება ქვეყანაში სიტყვისა და გამოხატვის თავისუფლებას და უფლებადამცველ ორგანიზაციათა საქმიანობის ფუნდამენტურ პრინციპებს“. სრულად... წყარო: gyla.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. დისკრიმინაციის, სიძულვილის ენისა თუ სიძულვილით მოტივირებული დანაშაულების საკითხებზე მომუშავე ორგანიზაციების საჭირო სევრისების ერთ სივრცეში თავმოყრის მიზნით, ევროპის საბჭოსა და ომბუდსმენის აპარატის თანამშრომლობით, ინტერაქციული რუკა შეიქმნა. „თუ დისკრიმინაციის მსხვერპლი ხარ და გჭირდება იურიდიული, ფსიქოლოგიური, სამედიცინო, სოციალური მუშაკისა თუ თავშესაფრით დახმარება, გადადი ვებ-გვერდზე... ნახე ინტერაქციული რუკა, სადაც დეტალურად შეიტყობ იმ სერვისების შესახებ, რომელსაც სთავაზობენ არასამთავრობო ორგანიზაციები და სახელმწიფო უწყებები დისკრიმინაციის მსხვერპლებს. თუ გაქვთ სურვილი, თქვენი ორგანიზაციის სერვისის შესახებ ინფორმაცია განთავსდეს რუკაზე, გთხოვთ, მოგვწეროთ ელ-ფოსტაზე: info@ombudsman.ge“.  სრულად... წყარო: მე ვირჩევ თანასწორობას გვერდი სოციალურ ქსელში

თბილისი. თბილისის საქალაქო სასამართლომ სრულად დააკმაყოფილა „ინფორმაციის თავისუფლების განვითარების ინსტიტუტის“ სასარჩელო მოთხოვნა „მედიააკადემიის“ წინააღმდეგ დავაში და მოპასუხე მხარეს საჯარო ინფორმაციის გაცემა დაავალა. „სასამართლო დავის აღნიშნული გადაწყვეტა მეტად მნიშვნელოვანია პრაქტიკის პოზიტიურად განვითარების თვალსაზრისით, რადგან ეს გახლავთ მკაფიო გზავნილი საჯარო დაწესებულებების მიმართ, რომ საკუთარ უფლებამოსილებათა კერძო სამართლის იურიდიულ პირებზე დელეგირების გზით ისინი ვერ აირიდებენ საზოგადოების წინაშე პასუხისმგებლობასა და საჯარო ინფორმაციის გაცემის ვალდებულებას“, ნათქვამია ორგანიზაციის ვებგვერდზე. სრულად... წყარო: idfi.ge