თბილისი. ჰაინრიჰ ბიოლის ფონდის სამხრეთ კავკასიის რეგიონულმა ბიურომ, თავის პარტნიორებთან შინაგან საქმეთა სამინისტროს არქივთან, ინფორმაციის თავისუფლების განვითრების ინსტიტუტთან და შვეიცარიის საელჩოსთან ერთად, მკითხველს შესთავაზა საქართველოს უახლესი ისტორიის კიდევ ერთი დოკუმენტთა კრებული ,,სტალინური სიები საქართველოდან". კრებული მალე სრულად იქნება ხელმისაწვდომი ინტერნეტ სივრცეში. წყარო: ორგანიზაციის გვერდი სოციალურ ქსელში

თბილისი. ორგანიზაციამ „ჯამპსტარტს ჯორჯიამ" ფერად ინფოზე ქვათა ღაღადის ფოტოების სერია „აგვისტოს ომიდან 6 წლის შემდეგ" გამოაქვეყნა. სრულად... წყარო: ფერადი ინფო

შიდა ქართლი. გორში, საზოგადოებრივი კავშირის „მეგობრობის ხიდი–ქართლოსის" ორგანიზებით, რუსეთ–საქართველოს ომის 6 წლისთავთან დაკავშირებით სამშვიდობო აქცია სახელწოდებით „ახალგაზრდები ცვლილებებისთვის" იმართება აქციის მონაწილეებმა მსვლელობა გორის მთავარი მოედნიდან დაიწყეს. მოგვიანებით გვირგვინით შეამკობენ დაღუპულთა მემორიალს. აქციის დასასრულს ახალგაზრდები თავის ოს თანატოლებს სპეციალურ განცხადებას გაუგზავნიან, რომლითაც ნდობის აღდგენასა და მშვიდობის მშენებლობაში აქტიური ჩართვისკენ მოუწოდებენ. წყარო: ორგანიზაციის ვებგვერდი სოციალურ ქსელში

წელს პირველად 2011 წლის შემდეგ ღია მმართველობის მმართველი კომიტეტი არჩევნების გზით დაკომპლექტდა. მმართველი კომიტეტის წევრობის 8 ვაკანტური ადგილისთვის 11 სახელმწიფო იბრძოდა, მათ შორის საქართველოც. 30 ივლისს ჩატარებული არჩევნების შედეგები 4 აგვისტოს გახდა ცნობილი: აშშ, ბრაზილია, გაერთიანებული სამეფო, ფილიპინები და ტანზანია ხელახლა აირჩიეს მმართველი კომიტეტის წევრებად, ხოლო საქართველო, საფრანგეთი, და ხორვატია პირველად შეუერთდნენ კომიტეტს. სრულად... წყარო: ogpgeoblog.wordpress.com

შიდა ქართლი. 6 აგვისტოს, ასოციაცია „ინვალიდთა კლუბთან" არსებულმა გორის ახალგაზრდული ცენტრის წევრებმა ნასვამი მძღოლების წინააღმდეგ მშვიდობიანი აქცია მოაწყეს. აქციის მიზანი იყო კიდევ წარმოეჩინათ მოსახლეობისთვის ის საშიშროება, რომელსაც ნასვამი მძღოლი უქმნის საზოგადოებას. აქცია გაიმართა ეროვნული ინტეგრაციის გაძლიერების პროგრამის ფარგლებში, რომელსაც გაეროს ასოციაცია ახორციელებს. წყარო: ორგანიზაციის ვებგვერდი სოციალურ ქსელში

სამცხე–ჯავახეთი. სოფლად ფოტოკლუბების შექმნის იდეა ფოტოხელოვან ნათელა გრიგალაშვილს ეკუთვნის, რომელმაც ფონდის „ღია საზოგადოება საქართველოს" მხარდაჭერით ნინოწმინდის მუნიციპალიტეტის სოფელ გორელოვკაში დაიწყო მისი განხორციელება. ფონდის „ღია საზოგადოება საქართველოს" მიერ დაფინანსებული პროექტის „სოფლის ფოტოკლუბი - გორელოვკა" – ფარგლებში შეირჩა მსურველები და ჩამოყალიბდა ფოტოკლუბი, რომელშიც გაერთიანდა 15-დან 62-წლამდე ასაკის ქართველი, რუსი და სომეხი ეროვნების 12 ფოტომოყვარული. მონაწილეებს დაურიგდათ ფოტოაპარატები; ფოტოხელოვანებმა გურამ წიბახაშვილმა, თეა სოსელიამ და ნათელა გრიგალაშვილმა ჩაუტარათ ვორკშოპები და სემინარები; მოეწყო ფოტოტურები. 4 აგვისტოს სოფელ სოფელ გორელოვკის კულტურის სახლში გაიმართა სოფლის ფოტო კლუბის წევრების ნამუშევრების გამოფენა. სრულად... წყარო: osgf.ge

თბილისი. ინფორმაციის თავისუფლების განვითარების ინსტიტუტი (IDFI) განცხადებას ავრცელებს, რომ პარტნიორი ორგანიზაციის „ინფორმაციის თავისუფლების ფონდის" დამფუძნებლის ოჯახი რუსეთიდან დეპორტაციის საფრთხის წინაშეა. IDFI მხარდაჭერას უცხადებს პარტნიორი ორგანიზაციის დამფუძნებლის ოჯახსა და რუსეთის ინფორმაციის თავისუფლების განვითარების ფონდს. სრულად... წყარო: idfi.ge

თბილისი. მიმდინარე ამბასადორიალის ფარგლებში, მასში მონაწილეები სამოქალაქო სექტორის წარმომადგენლებს დღეს შეხვდებიან. წყარო: სამართლიანი არჩევნების ვებგვერდი სოციალურ ქსელში

ქვემო ქართლი. 8 აგვისტოს, საქართველოს რეფორმების ასოციაცია, ევროკავშირის მობილურ საინფორმაციო ცენტრთან თანამშრომლობით, ქვემო ქართლის რეგიონში გამართავს მოსახლეობასთან შეხვედრებს. ადგილობრივ მოსახლეობას მიაწვდიან ინფორმაციას საქართველოს ევრო–ატლანტიკური ინტეგრაციის შესახებ, ასევე დარიგდება პრომო–მასალები და დამსწრე საზოგადოება იხილავს მოკლემეტრაჟიან, ანიმაციურ ფილმებს ევროკავშირსა და ასოცირების შეთანხმების შესახებ. ღონისძიებების განრიგი... წყარო: osgf.ge

თბილისი. ინფორმაციის თავისუფლების განვითარების ინსტიტუტი აქვეყნებს ღია მმართველობის პარტნიორობის 2014–15 წლების სამოქმედო გეგმას. საქართველო ღია მმართველობის პარტნიორობას 2011 წლის სექტემბერში შეუერთდა. თითქმის სამი წლის განმავლობაში საქართველომ მოახერხაპირველი სამოქმედო გეგმის დამტკიცება (2012-13 წლები) და იმპლემენტაცია, OGP მმართველი კომიტეტის წევრობაზე განაცხადის შეტანა და მეორე სამოქმედო გეგმის (2014-15) დამტკიცება. მნიშვნელოვანი გარემოებაა ის, რომ 2014-15 წლების სამოქმედო გეგმა მთავრობის, არასამთავრობო ორგანიზაციებისა და სამოქალაქო საზოგადოების კოორდინირებული მუშაობით შეიქმნა. სრულად... წყარო: idfi.ge

თბილისი. სამოქალაქო პლატფორმაში „არა ფობიას!" – შემავალი არასამთავრობო ორგანიაზციები, საფეხბურთო გუნდ „ჩიხურას" მატჩების დროს მომხდარ ინციდენებს ეხმაურებიან და განცხადებას ავრცელებენ. „ვეხმაურებით საჩხერეს "ჩიხურას” უკანასკნელი მატჩების დროს მომხდარ ინციდენტებს, რამაც ჩრდილი მიაყენა არა მხოლოდ ქართული სპორტს, არამედ საქართველოს სახელმწიფო ინტერესები და მისი საერთაშორისო იმიჯიც დააზარალა...", ნათქვამია განცხადებაში. სრულად... წყარო: emc.org.ge

თბილისი. 1 აგვისტოს, ინფორმაციის თავისუფლების განვითარების ინსტიტუტსა (IDFI) და სსიპ „სახელმწიფო დაცვის სპეციალურ სამსახურს" შორის გაფორმდა ურთიერთანამშრომლობის მემორანდუმი. აღნიშნული მემორანდუმის მიხედვით, მხარეები შეთანხმდნენ, რომ IDFI სახელმწიფო დაცვის სპეციალურ სამსახურს მიაწვდის რეკომენდაციებს სამსახურის მეტი გამჭვირვალობისა და საზოგადოებრივი ანგარიშვალდებულების ამაღლების უზრუნველსაყოფად, რასაც სსიპ „სახელმწიფო დაცვის სპეციალური სამსახური" გამოიყენებს პრაქტიკულ საქმიანობაში. მემორანდუმის ფარგლებში, ინსტიტუტის ექსპერტების მიერ სახელმწიფო დაცვის სპეციალური სამსახურის თანამშრომლებს ჩაუტარდათ ტრეინინგი ინფორმაციის თავისუფლების, ღია მმართველობის და საჯარო ინფორმაციის პროაქტიულ გამოქვეყნებას და ელექტრონული ფორმით საჯარო ინფორმაციის მოთხოვნის სამართლებრივ საკითხებზე და პრაქტიკულ განხორციელების შესახებ. წყარო: idfi.ge

იმერეთი. 31 ივლისს ქუთაისის ახალგაზრდული ცენტრის წევრებისათვის გაიმართა შეხვედრა–დისკუსია საქართველოს ევროპასა და ევროატლანტიკურ სივრცეში ინტეგრაციის საკითხებზე. შეხვედრის მიზანს წარმადგენდა ახალგაზრდებს მიეღოთ ინფორმაცია ნატოსა და ევროკავშირის შესახებ, საქართველოს ნატოსა და ევროკავშირში ინტეგრაციის საკითხებზე, საქართველოსა და ნატოს წევრ და ნატოს პარტნიორ სახელმწიფოებს შორის ურთიერთობების გაღრმავების ხელშეწყობის, ევროკავშირის პოლიტიკის, მიზნებისა და ინსტიტუტების შესახებ, მოქალაქეთა ცნობიერების ამაღლების და ევროკავშირის დახმარების საკითხებზე. შეხვედრა გაიმართა საქართველოში ეროვნული ინტეგრაციის გაძლიერების პროექტის ფარგლებში, რომელსაც საქართველოს გაეროს ასოციაცია ახორციელებს.

თბილისი. 1 აგვისტოს, „საერთაშორისო გამჭვირვალობა – საქართველომ" და თბილისის სააპელაციო სასამართლომ ურთიერთთანამშრომლობის მემორანდუმი გააფორმეს. მემორანდუმის თანახმად, თბილისის სააპელაციო სასამართლო და გამჭვირვალობა საქართველო ერთობლივად განახორციელებენ მართლმსაჯულების საქმიანობის ეფექტურობისა და ხარისხის განვითარებისაკენ მიმართულ სასწავლო, კვლევით და ანალიტიკურ პროექტებს. წყარო: ორგანიზაციის ვებგვერდი სოციალურ ქსელში

კახეთი. ქალთა საინფორმაციო ცენტრმა და კახეთის რეგიონული განვითარების ფონდმა, 31 ივლისს, სოფელ დუისში შეხვედრა გამართა. შეხვედრა ახმეტის მუნიციპალიტეტის ადგილობრივი თვითმმართველობის წარმომადგენლებთან შედგა და მისი მიზანი იყო არასამთავრობო ორგანიზაციებსა და ადგილობრივ ხელისუფლებას შორის ჯანსაღი, საქმიანი და კოორდინირებული ურთიერთთანამშრომლობის ჩამოყალიბება. ,,ბევრი მნიშვნელოვანი პროექტი განვახორციელეთ, რომელმაც სარგებელი მოუტანა მოსახლეობას. გვაქვს საერთაშორისო ორგანიზაციებთან მუშაობის კარგი გამოცდილება და ფართო შესაძლებლობები, რომ მომავალშიც მოვამზადოთ საინტერესო პროექტები და მოვიზიდოთ თანხები მათ დასაფინანსებლად, მაგრამ გვჭირდება ადგილობრივი ხელისუფლების თანადგომა. ერთობლივი ძალისხმევით უკეთესად შევძლებთ ახმეტის მუნიციპალიტეტის მოსახლეობისთვის საჭირო პროექტების განხორციელებას”, – განაცხადა კახეთის რეგიონული განვითარების ფონდის წარმომადგენელმა იზა ბექაურმა.

აჭარა. 30 ივლისს, საქართველოს ადვოკატთა ასოციაციის ბათუმის ფილიალის გახსნასთან დაკავშირებით შეხვედრა გამართთა. ასოციაცია ბათუმში ადვოკატთა სახლს ხსნის. ფილიალი პრაქტიკოსი იურისტების გადამზადებას შეუწყობს ხელს. ოფისში მოეწყობა ტრენინგ დარბაზი, სადაც 35-მდე იურისტი ერთდორულად მოთავსდება. მათ სხვადასხვა მიმართულებით ტრენინგებსა და სემინარებს ქართველი და უცხოელი ექსპერტები ჩაუტარებენ. ოფისში ადვოკატებს სტრასბურგში გასაგზავნი საჩივრების მომზადებაშიც დაეხმარებიან. ხელმძღვანელების განცხადებით, ცენტრი მუშაობას განსაკუთრებით ახალბედა იურისტებს გაუმარტივებს. სახლი იურისტებს სექტემბრიდან მოემსახურება. ადვოკატების მომსახურება უფასო იქნება.

თბილისი. ასოციაცია „უსაფრთხო სივრცე" ქალაქის ეკოლოგიურ საკითხებზე მუშაობს. ორგანიზაციამ დავასრულა პროექტი „საზოგადოებრივი პრიორიტეტები", რომელიც აღმოსავლეთ–დასავლეთის მართვის ინსტიტუტის მხარდაჭერით ხორცილდებოდა და მისი პარტნიორი ორგანიზაციები იყვნენ: „კავკასიური სახლი", „ტფილისის ჰამქარი" და „მწვანე ალტერნატივა". ჩვენ დავაფუძნეთ ინტერნეტ ტელევიზია „Tv-sivrtse.com”, რომელიც ყოველ დღე 6 საათის განმავლობაში მაუწყებლობდა. მის ეთერში საზოგადოებისათვის მნიშვნელოვან და აქტუალურ თემებზე მოზადებული სიუჟეტები, ფილმები, გადაცემები, ფოტო და ვიდეო კოლაჟები გადიოდა. შეგიძლიათ იხილოთ ორგანიზაციის მიერ მომზადებული გადაცემები და ფილმები www.youtube.com/channel წყარო: უსაფრთხო სივრცე

სამცხე–ჯავახეთი. 30 ივლისს, რეგიონის სამ მუნიციპალიტეტში, ნინოწმინდაში, ახალქალაქსა და ახალციხეში, საქართველოს რეფორმების ასოციაციის ორგანიზებით, ტრენინგები ჩატარდა, რომელიც ევრო–ატლანტიკური ინსტიტუტებისა და საქართველოს ევროინტეგრაციის საკითხებს ეხებოდა. ტრენინგს ადგილობრივი თვითმმართველობის, არასამთავრობო ორგანიზაციებისა მედია–საშუალებების წარმომადგენლები ესწრებოდნენ ევროკავშირის და ნატოს ინსტიტუტები და ინსტრუმენტები; ევროკავშირის საგარეო და სავაჭრო პოლიტიკა; ევროატლანტიკური ღირებულებები და ევროკავშირის შესახებ გავრცელებული მითები – ამ საკითხების გარშემო დისკუსიის ფორმატში იმსჯელეს. საქართველოს რეფორმების ასოციაციის ხელმძღვანელის განმარტებით ტრენინგების ციკლი სამცხე–ჯავახეთიდან დაიწყო და მთელი საქართველოს მასშტაბით ჩატარდება. ხოლო შეხვედრების მიზანი იყო ადგილობრივი მოსახლეობის დამოკიდებულების გაგება აღნიშნულ საკითხთან დაკავშირებით.

თბილისი. საერთაშორისო გამჭვირვალობა - საქართველომ ბლოგპოსტი - „სოციალურ რეკლამასთან დაკავშირებული ცვლილებების მიღებისას აუცილებელია მაუწყებლებთან თანამშრომლობა" - გამოაქვეყნა. „პარლამენტში „მაუწყებლობის შესახებ" კანონში სოციალურ რეკლამასთან დაკავშირებით იუსტიციის სამინისტროს მიერ მომზადებულისაკანონმდებლო ცვლილებების პროექტი განიხილება, რომელსაც დეპუტატებმა კენჭი მეორე მოსმენით, დღეს, 30 ივლისს უნდა უყარონ. კანონპროექტის მიხედვით, პრინციპულად არ იცვლება სოციალური რეკლამის რეგულირების წესები, თუმცა შემოთავაზებული ცვლილებები რამდენიმე ახალ ასპექტს მოიცავს", ნათქვამია ბლოგპოსტში. სრულად... წყარო: transparency.ge

თბილისი. სტუდენტურმა მოძრაობამ „მწვანე მუშტმა" ორგანიზაციის მანიფესტთან დაკავშირებით განცხადება გაავრცელა.  „მივესალმებით ყველა ადამიანს თუ ორგანიზაციას, რომელმაც ჩვენი მანიფესტი წაიკითხა, შეაფასა თუ გააკრიტიკა. ამ შემთხვევაში გვინდა გამოვეხმაუროთ ორგანიზაცია „მსოფლიო გამოცდილება საქართველოსთვის" განცხადებას. …მათი ეს განცხადება გამოიწვია საკონსულტაციო ორგანიზაციების კრიტიკამ ჩვენი მხრიდან, რომელთა შორისაც აღმოჩნდა ეს ორგანიზაციაც".  სრულად... წყარო: gfist.wordpress.com

თბილისი. ადამიანის უფლებეის სწავლებისა და მონიტორინგის ცენტრი (EMC) აქვეყნებს რელიგიური სიძულვილით მოტივირებულ დანაშაულებზე გამოძიების დაწყების სტატისტიკურ მონაცემებს. 7 ივლისს ცენტრმა განცხადებით მიმართა საქართველოს შინაგან საქმეთა სამინისტროსა და მთავარ პროკურატურას და გამოითხოვა საჯარო ინფორმაცია. სრულად... წყარო: emc.org.ge

სამცხე–ჯავახეთი. საერთო- სამოქალაქო მოძრაობა „მრავალეროვანი საქართველოს" ორგანიზებით და ხელშეწყობით ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა ახალქალაქში, ადგილობრივი არასამთავრობო ორგანიზაციების წარმომადგენლებთან შეხვედრა გამართა. შეხვედრაზე მინისტრმა და არასამთავრობო სექტორის წარმომადგენლებმა საქართველოს ევროპული და ევროატლანტიკური ინტეგრაციის პერსპექტივებსა და სამცხე-ჯავახეთის რეგიონში არსებულ სოციალურ-ეკონომიკურ ვითარებაზე იმსჯელეს. ალექსი პეტრიაშვილმა სხვადასხვა სფეროებში დაგეგმილი რეფორმებისა და სამცხე-ჯავახეთში არსებული სოციალურ-ეკონომიკური პრობლემების მოგვარების შესახებ ხელისუფლების გეგმების თაობაზე შეხვედრების მონაწილეების შეკითხვებს უპასუხა. სრულად... წყარო: ორგანიზაციის ვებგვერდი სოციალურ ქსელში