თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) აქვეყნებს პოლიტიკის დოკუმენტს - „საქართველოს ევროპეიზაციის გრძელვადიანი პერსპექტივები". „საქართველოსა და ევროკავშირს შორის გაფორმებული ასოცირების შესახებ ხელშეკრულება და ღრმა და ყოვლისმომცველი თავისუფალი ვაჭრობის შეთანხმება გაერთიანებაში ინტეგრაციის მაღალ საფეხურს წარმოადგენს, თუმცა, არა საბოლოოს. მიუხედავად იმისა, რომ საქართველოს გაცხადებული აქვს ევროკავშირში გაწევრების სურვილი, ევროკავშირი საკმაოდ ფრთხილია ევროპული პერსპექტივის, გაერთიანებაში გაწევრების ერთგვარი წინაპირობის ოფიციალურად გაცემის მხრივ. ეს განსაკუთრებით შესამჩნევია ბოლო დროს ევროკავშირის წინაშე არსებული საშინაო და საგარეო გამოწვევების ფონზე. ევროკავშირის ბოლო გაფართოება 2013 წელს მოხდა, როცა გაერთიანებას რიგით ოცდამერვე წევრი, ხორვატია შეუერთდა. თუმცა, მას შემდეგ რაც დიდი ბრიტანეთი ევროკავშირს დატოვებს, გაერთიანების შემადგენლობაში კვლავ ოცდაშვიდი ქვეყანა იქნება. თუკი 2013 წლის შემდეგ ევროკავშირის გაფართოების პოლიტიკა პასიური იყო, მალე ეს ტენდენცია შესაძლოა შეიცვალოს", - ვკითხულობთ დოკუმენტში. სრულად  წყარო: ორგანიზაციის ვებგვერდი

აჭარა. „ქალაქში რამის შეცვლა რომ შემეძლოს", „იმდენ რამეს გავაკეთებდი!" – ყველას ჰქონია ასეთი ფიქრები საკუთარი ქალაქის, იმ საერთო სივრცის შესახებ, სადაც ვცხოვრობთ. ინტერნეტპლატფორმა www.idea.batumi.ge სწორედ მათთვისაა, ვისაც ბათუმში რამის შეცვლა სურს, აქვს იდეა და განხორციელების გზებს ეძებს. პროექტს ახორციელებს ბათუმის მუნიციპალიტეტის მერია. მხარდაჭრები: აშშ–ს საერთაშორისო განვითარების სააგენტოს (USAID) დემოკრატიული მმართველობის ინიციატივა (GGI), პური მსოფლიოს (BftW) და სამოქალაქო საზოგადოების ინსტიტუტი (CSI). სრულად... წყარო: batumelebi.netgazeti.ge

თბილისი. დღეს კამპანია „იცურე მშვიდად" მონაწილე ორგანიზაციებმა საპროტესტო აქცია გამართეს თბილისის წყალსაცავის ტერიტორიაზე - ე. წ. ჩანჩქერთან, რომელიც ერთ-ერთი ყველაზე საფრთხის შემცველი ადგილია საქართველოში. „აქციაში მონაწილეობა მიიღეს ადამიანის უფლებათა ცენტრის, პროგრესის ცენტრის, „კონსტიტუციის 42-ე მუხლის", ფონდი „კრისტალის" წარმომადგენლებმა და სამოქალაქო აქტივისტებმა”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. თითქმის ერთკვირიანი შეფერხების შემდეგ, ფეისბუქის პლატფორმაზე ქალთა ინიციატივების მხარდამჭერი ჯგუფის (WISG) ოფიციალურ გვერდზე განთავსებული ვიდეომასალა და ორგანიზაციის ვებსაიტიდან გაზიარებული ბმულები კვლავ ხელმისაწვდომია. „თუმცა, მომხდარმა გვაჩვენა, რა მასშტაბებს აღწევს Facebook-ის პლატფორმაზე ჰომოფობიური და ექსტრემისტული ჯგუფების მოქმედება, რომლებიც ყალბი ანგარიშების მობილიზებით, რეპორტინგით და გვერდების დაჰაკვით, ერთი მხრივ, ხელს უშლიან ადამიანის უფლებათა დამცველი ორგანიზაციების და აქტივისტების საქმიანობას, მეორე მხრივ კი, ფართო აუდიტორიის წინაშე ავრცელებენ ჰომოფობიურ, მიზოგინიურ, რასისტულ თუ სხვა ტიპის სიძულვილის ენის შემცველ და მიზანმიმართულად მცდარ ინფორმაციას", ნათქვამია ორგანიზაციის ვებგვერდზე. სრულად... წყარო: women.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს კახა გოგოლაშვილის ბლოგპოსტს: 10 წელი აღმოსავლეთ პარტნიორობის დაარსებიდან. „2019 წლის 7 მაისს აღმოსავლეთ პარტნიორობას 10 წელი შეუსრულდა. „აღმოსავლეთ პარტნიორობის ინიციატივას" ევროკავშირმა და აღმოსავლეთ ევროპის ექვსმა სახელმწიფომ საფუძველი 2009 წლის პრაღის სამიტზე მიღებული ერთობლივი დეკლარაციით ჩაუყარეს. მთავრი მიზანი იყო პარტნიორებს შორის პოლიტიკური ასოცირებისა და ეკონომიკური ინტეგრირებისთვის სათანადო პირობების შექმნა. მას უნდა გაემყარებინა რეგიონში სტაბილურობა და მრავალმხრივი თანამშრომლობა, გაეღრმავებინა კავშირი ქვეყნებს შორის, ხელი შეეწყო რეფორმებისთვის და დაეჩქარებინა რეგიონის სოციალურ-ეკონომიკური განვითარება", ნათქვამია ბლოგპოსტში. სრულად... წყარო: www.gfsis.org

სამცხე-ჯავახეთი. ახალქალაქის ახალგაზრდული ცენტრის აქტივისტებმა #2 საბავშვო ბაღში მოხალისეობრივი აქცია გამართეს. სრულად... წყარო: ორგანიზაციის გვერდი სოციალურ ქსელში

შიდა ქართლი. 15 მაისს, „კეთილდღეობისა და განვითარების ცენტრთან” არსებულმა გორის სამოქალაქო აქტივიზმის ცენტრის მოხალისეებმა საგზაო უსაფრთხოების კვირეულის ფარგლებში, მოხალისეობრივი აქტივობა დაგეგმა გორის N3 საბავშო ბაღში. ახალგაზრდებმა ბავშვებს კიდევ ერთხელ აუხსნეს საგზაო უსაფრთხოების წესები და სიმულაციურად გაითამაშეს თუ რას ნიშნავს სხვადასხვა საგზაო ნიშნები. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) საქართველოს დემოკრატიული რესპუბლიკის 100 წლის საიუბილეო თარიღთან დაკავშირებით, მუშაობს სხვადასხვა პროექტზე, რომლის მიზანია დემოკრატიული რესპუბლიკის პოპულარიზაცია. „მეხსიერების კვლევების პროექტებს შორის, ერთ-ერთია რესპუბლიკის გამორჩეული პოლიტიკური მოღვაწის, ნიკოლოზ (კარლო) ჩხეიძის მემორიალური ალბომის გამოცემა. ალბომში შესული იქნება აქამდე გამოუქვეყნებელი საარქივო და ფოტო მასალა, ასევე ვრცელი ანოტაციები და კარლო ჩხეიძის ბიოგრაფიული და საზოგადო მოღვაწეობის ამსახველი დეტალები", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ირინა არაბიძის ბლოგპოსტს: როგორ შევაჩეროთ რუსეთი. „უსაფრთხოების არსებულ რთულ გარემოში რა არჩევანი გვაქვს ჩვენი პოზიციების გასაუმჯობესებლად? არსებობს ორი გზა: აუცილებელია მნიშვნელოვნად გავაძლიეროთ ჩვენი სამხედრო პოტენციალი და ვეძებოთ ძლიერი მოკავშირეები. ამ ალტერნატივების საპირისპიროდ, ზოგი მიიჩნევს, რომ ტერიტორიული მთლიანობის აღსადგენად და ომის თავიდან ასაცილებლად რუსეთთან დათმობაზე უნდა წავიდეთ. ამ იდეას ნეიტრალიტეტის და მიუმხრობლობის ცნებებით ნიღბავენ, მაგრამ, რეალურად, ეს ცივი ომის დროინდელი „ფინლანდიზაციის" კონცეფციაა. ამ მოდელის მიხედვით, უნდა დავთმოთ დამოუკიდებელი საგარეო პოლიტიკა. შესაბამისად, უარი უნდა ვთქვათ ნატოსა და ევროკავშირში ინტეგრაციაზე. სანაცვლოდ, რუსეთისგან იმას მივიღებთ, რომ არ დაგვიპყრობს და ნომინალურ სუვერენიტეტს და ცარიელ მშვიდობას შევინარჩუნებთ", ნათქვამია ორგანიზაციის ვებგვერდზე. სრულად... წყარო: www.gfsis.org

შიდა ქართლი. 8 მაისს, საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრში, „ევროკავშირის აღმოსავლეთ სამეზობლოს (EU NEIGHBOURS east)" პროექტთან თანამშრომლობით გაიხსნა სემინარი: „ახალგაზრდა ევროპელი ელჩები". „ორი დღის განმავლობაში მონაწილეებმა მოისმინეს ინფორმაცია საქართველოს ევროპული ინტეგრაციის პროცესის, ამ მიმართულებით არსებული მიღწევებისა და გამოწვევების შესახებ. მნიშვნელოვანია, რომ სემინარზე მიღებული პრაქტიკული ცოდნა ახალგაზრდებმა გამოიყენონ განსახორციელებელ პროექტებში და გახდნენ ევროინტეგრაციის საკითხებზე კომუნიკატორები თავიანთ რეგიონებში", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

8-9 მაისს, სამოქალაქო საზოგადოების ინსტიტუტმა, პროგრესის სახლთან თანამშრომლობის ჩოხატაურის და ოზურგეთის მუნიციპალიტეტებში მონაწილეობითი ბიუჯეტირების შესახებ შეხვედრა გამართა. ორგანიზაციის წარმომადგენლებმა და მოწვეულმა ექსპერტმა – დავით ყიფიანმა მუნიციპალიტეტების წარმომადგენლებს მონაწილეობით ბიუჯეტის სტანდარტებსა და პროცედურებზე ისაუბრეს.  შეხვედრაზე შეთანხმდნენ მონაწილეობითი ბიუჯეტირების ძირითად მიდგომებზე, რომელიც სამიზნე მუნიციპალიტეტების სპეციფიკის გათვალისწინებით დაინერგება. შეხვედრებს გამოცდილების გაზიარების მიზნით ესწრებოდნენ ხელვაჩაურისა და ბათუმის მუნიციპალიტეტების მერიის წარმომადგენლები. აღნიშნულ პროცესში ჩართვის მზაობა ზემოთ აღნიშნულ ოთხივე მუნიციპალიტეტს აქვს, ბათუმში პროგრამის განხორციელების პროცესი უკვე მიმდინარეობს. ოზურგეთში მონაწილეობითი ბიუჯეტირების საკითხებზე ასევე მუშაობს გურიის ახალგაზრდული რესურსცენტრი NDI ფინანსური მხარდაჭერით. შეხვედრა ჩატარდა პროექტის „ადგილობრივი აქტორების მდგრადი კავშირის შექმნის" – ფარგლებში, რომლის მხარდამჭერია საერთაშორისო ორგანიზაცია „პური სამყაროსთვის" (Bread For The World), რომელიც ხორციელდება სამ რეგიონში: აჭარაში, გურიასა და ქვემო ქართლში. პროექტი შვიდ მუნიციპალიტეტს ფარავს. პროექტის მიზანია სამიზნე რეგიონებში საზოგადოების მონაწილეობის გაძლიერება და თვითმმართველობის აქტორებს შორის თანამშრომლობის სტიმულირება.

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პუბლიკაციას: „ძალაუფლების კოლონიურობა", პროექტის „სოციალური სამართლიანობა კრიზისის დროს" ფარგლებში. სრულად... წყარო: emc.org.ge

თბილისი. „მედიის განვითარების ფონდი" აქვეყნებს კვლევას: „რუსული სამყარო". ის მიზნად ისახავს საქართველოში რუსული რბილი ძალის მოქმედების და ამ პროცესში ჩართული აქტორების შესახებ ინფორმაციის შესწავლას. „კვლევა ღია წყაროებზე დაყრდნობით განხორციელდა და ძირითადად რუსეთის ფედერაციის პრეზიდენტის ბრძანების საფუძველზე შექმნილ ფონდ „რუსული სამყაროს” («Русский мир») ვებ-გვერდს, ასევე იმ ორგანიზაციების შესახებ არსებულ ღია ინფორმაციას ეფუძნება, რომლებიც „რუსულ სამყაროს" პარტნიორთა ნუსხაში ჰყავს მითითებული. დოკუმენტური ანალიზი მოიცავდა საჯარო რეესტრის მონაცემებს, ასევე მედიაში ამ ორგანიზაციების აქტივობების გაშუქებაზე დაკვირვებასაც", ნათქვამია ორგანიზაციის ვებგვერდზე. სრულად... წყარო: mdfgeorgia.ge

თბილისი. „მითების დეტექტორი" გთავაზობთ შექმნათ მიმი და ჩაერთოთ კამპანიაში: არა ნეიტრალიტეტს. სრულად... წყარო: სოციალური ქსელი

თბილისი. 5 მაისს რიყის პარკში ევროპის დღე აღინიშნა, „ევროსოფელში“ მისულებს მთელი დღის განმავლობაში შეეძლოთ მიეღოთ ინფორმაცია ევროპის შესახებ და გასართობი აქტივობების საშუალებით ემოგზაურათ ევროკავშირში

თბილისი. ევროკავშირის დღის აღსანიშნავად, ევროკავშირის წარმომადგენლობა საქართველოში, ევროკავშირის წევრი ქვეყნების საელჩოებსა და თბილისის მერიასთან ერთად, კვირას, 5 მაისს რიყეზე გიწვევთ. ღონისძიებებზე დასწრება უფასოა, დღის წესრიგი კი, ასეთი: 12:00-17:00 იმოგზაურეთ რიყეზე გამართულ ევროსოფელში - გაიცანით ევროკავშირის წევრი ქვეყნები, ისიამოვნეთ კულტურული ღონისძიებებით, თამაშებით, გაიგეთ მეტი ევროკავშირის შესახებ; 12:00-19:00 უქომაგეთ სპორტსმენებს „ევროპის მოედანზე" გამართულ ქუჩის კალათბურთში; 15:00-15:30 დაესწარით ღონისძიების ოფიციალურ გახსნას „რიყის პარკში"; 19:00 ისიამოვნეთ კონცერტით, რომელიც „ევროპის მოედანზე" ჩატარდება, თქვენ წინაშე ჯგუფი „33ა" და და DJ ნიკოლ სეტი წარსდგებიან.  სრულად... წყარო: eeas.europa.eu

თბილისი. „კონსულტაციისა და ტრენინგის ცენტრი" (CTC) ახალი ინიციატივის შესახებ აცხადებს. „ევროპული კლუბები საქართველოში” - ასე ეწოდება პროექტს, რომელსაც ორგანიზაცია „კონრად ადენაუერის ფონდსა" და „რობერტ შუმანის ფონდის" პოლონეთის ოფისთან თანამშრომლობით განახორციელებს. ევროპული კლუბები (Clubbing Europe) ევროპის ქვეყნებში უკვე მრავალ წელია პოპულარულია. საქართველოში ახალი ინიციატივის განხორციელების პროცესში, ეს მოდელი, მისი იდეა ქართულ რეალობას მოერგება. ამისთვის, პროექტს 6 საჯარო სკოლაში მოსინჯავენ. მიღებული შედეგების გათვალისწინებით, შემდგომი განვითარების სტრატეგიის ფორმირება და პროექტში საქართველოს სხვა სკოლების ჩართვა იგეგმება.  სრულად... წყარო: გვერდი სოციალურ ქსელში

თბილისი. დღეს ინფორმაციის თავისუფლების განვითარების ინსტიტუტმა (IDFI) საჯარო ინფორმაციის ხელმისაწვდომობის 2018 წლის ანგარიში წარადგინა და 43 ყველაზე ღია საჯარო დაწესებულება დააჯილდოვა. სიგელები გადაეცა ყველა იმ უწყებას, რომელმაც 2018 წელს საჯარო ინფორმაციის ხელმისაწვდომობის 100%-იანი მაჩვენებელი აჩვენა: საჯარო სამსახურის ბიურო, სტატისტიკის ეროვნული სამსახური, გარემოს დაცვის და სოფლის მეურნეობის სამინისტრო, სახმელეთო ტრანსპორტის სააგენტო, გარემოს ეროვნული სააგენტო, განათლების მართვის საინფორმაციო სისტემა, სურსათის ეროვნული სააგენტო და სხვა.  სრულად... წყარო: ორგანიზაციის ვებგვერდი

თბილისი. მოსალოდნელი ცუდი ამინდის გამო, თბილისში ევროპის დღის აღნიშვნის თარიღი შეიცვალა. დაგეგმილი ღონისძიებები, შაბათის ნაცვლად, კვირას, 5 მაისს გაიმართება. ევროკავშირის წარმომადგენლობა საქართველოში, ევროკავშირის წევრი ქვეყნების საელჩოებსა და თბილისის მერიასთან ერთად, ევროპის დღის აღსანიშნავად, ყველას რიყის პარკში ეპატიჟება. კვირას, 2019 წლის 5 მაისს, რიყის პარკი, გადაიქცევა „ევროსოფლად", სადაც, ბავშვებისა და მოზრდილებისთვის, საინფორმაციო და გასართობი აქტივობები ჩატარდება. ღონისძიებებზე დასწრება უფასოა. სრულად  წყარო: eeas.europe.eu

თბილისი. პრევენციის ეროვნული მექანიზმის ფუნქციების შესრულების მიზნით, საქართველოს სახალხო დამცველის აპარატმა, ღია კონკურსის საფუძველზე, სპეციალური პრევენციული ჯგუფის წევრები შეარჩია. ჯგუფი პენიტენციური დაწესებულებების, დაკავებისა და თავისუფლების შეზღუდვის სხვა ადგილების, სამხედრო ნაწილების, ბავშვთა სახლებისა და შეზღუდული შესაძლებლობის მქონე პირთა ინსტიტუციების მონიტორინგის მიმართულებებით პრევენციის ეროვნული მექანიზმის ფუნქციების ეფექტიანი განხორციელების უზრუნველსაყოფად იმუშავებს.  სრულად... წყარო: ორგანიზაციის ვებგვერდი

„ღია საზოგადოების ფონდის", „საერთაშორისო გამჭვირვალობა - საქართველოს", „სამართლიანი არჩევნებისა და დემოკრატიის საერთაშორისო საზოგადოების", „ატლანტიკური საბჭოს" წარმომადგენლებმა ვაშინგტონში დაგეგმილი შეხვედრები გამართეს. ოთხდღიანი ვიზიტის ფარგლებში, შეხვედრები გაიმართა: აშშ-ის სახელმწიფო მდივნის თანაშემწის მოადგილე ჯორჯ კენტთან, დემოკრატიის, ადამიანის უფლებებისა და შრომის საკითხებში მდივნის თანაშემწის მოადგილის მოვალეობის შემსრულებელ მაიკლ კელეჰერთან და დეპარტამენტის სხვა წარმომადგენლებთან; სენატორების - რობ პორტმანის, რონ ჯონსონის და კრის მერფის, კონგრესმენ ჯერი კონოლის ოფისებისა და USAID-ის წარმომადგენლებთან.  დელეგაციის წევრები, ასევე, შეხვდნენ აშშ-ის ეროვნული დემოკრატიული ინსტიტუტის (NDI), საერთაშორისო რესპუბლიკური ინსტიტუტის (IRI), საარჩევნო სისტემების საერთაშორისო ფონდის (IFES), ფრიდომ ჰაუსის, ჰერითიჯის ფონდის და NED-ის წარმომადგენლებს.  სრულად... წყარო: გვერდი სოციალურ ქსელში

თბილისი. 25 აპრილს, „საერთაშორისო გამჭვირვალობა-საქართველოს" ორგანიზებით, გაიმართა სამუშაო შეხვედრა კანონპროექტის განმარტებითი ბარათის შედგენასთან დაკავშირებულ პრობლემებზე. „სამუშაო შეხვედრაზე არასამთავრობო ორგანიზაციების წარმომადგენლებმა, პარლამენტის წევრებმა და აპარატის თანამშრომლებმა, უცხოელ ექსპერტთან ერთად განიხილეს განმარტებითი ბარათის სახელმძღვანელოს პირველადი ვერსია, რომელიც პარლამენტის ბიურომ საგაზაფხულო სესიაზე უნდა დაამტკიცოს", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში