<div style="text-align: justify;"><span style="font-weight: bold;">თბილისი. </span>ჰაინრიხ ბიოლის ფონდის სამხრეთ კავკასიის ბიურო აქვეყნებს გენდერის კვლევის ინსტიტუტის კურსდამთავრებულების, ნინო ცქიფურიშვილის და ლანა მუშკუდიანის სტატიას მარიკა მიქელაძის ბიოგრაფიულ ცნობებზე.</div> <div style="text-align: justify;">„ათამდე წიგნისა და უამრავი თარგმანის მიუხედავად, პოეტი მარიკა მიქელაძე ქართული ლიტერატურის ისტორიაში თითქმის სრულიად უცნობია. მისთვის, როგორც ქალისთვის, ისეთ პატრიარქალურ გარემოში, როგორიც იმ დროს ლიტერატურა და მწერალთა კავშირი იყო, თავის დამკვიდრება იოლი არ უნდა ყოფილიყო", ნათქვამია ორგანიზაციის ვებგვერდზე.</div> <div style="text-align: justify;"><a href="http://feminism-boell.org/ka/2019/03/14/marika-mikelaze?fbclid=IwAR1zIg-Pt123uxVysKW_5mcKqVx9d_BeaC0fVxkmFo8K5jxXStEqv6wAtag" target="_blank" style="font-weight: bold;">სრულად...</a></div> <div style="text-align: justify;">წყარო: feminism-boell.org</div> <div style="text-align: justify;"><br /> </div>

<div style="text-align: justify;"><span style="font-weight: bold;">შიდა ქართლი. </span>20 მარტს „კეთილდღეობისა და განვითარების ცენტრთან" არსებულმა გორის სამოქალაქო აქტივიზმის ცენტრმა, გორელ ფოტოგრაფთა კლუბთან და გორის მუნიციპალიტეტის მერიის მოსწავლე ახალგაზრდობის კულტურულ საგანმანათლებლო ცენტრთან ერთად გამართა კამპანია „ნუ დატოვებ ... მიღმა".</div> <div style="text-align: justify;">„დაუნის სინდრომის მსოფლიო დღეს გორის სამოქალაქო აქტივიზმის ცენტრი ყოველწლიურად აღნიშნავს. წლევანდელ წელს კი დაუნის სინდრომის მქონე პირების მონაწილეობით მოხდა 10 წუთიანი ფილმის გადაღება „ჩემი ოცნების პროფესია", სადაც სხვადასხვა უწყებები და კომპანიები იყვნენ ჩართულები", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PITAgorisaxalgardzulicentri/photos/?tab=album&album_id=3104877062871274" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div>

<div style="text-align: justify;"><span style="font-weight: bold;">თბილისი. </span>რონდელის ფონდი უფროსი მკვლევარის, ექსპერტ, ვალერი ჩეჩელაშვილის აზრს აქვეყნებს: „საქართველოს საგარეო ვაჭრობა 2018 წელს: ტენდენციები და გამოწვევები".</div> <div style="text-align: justify;"><a href="http://www.gfsis.org/ge/library/view-opinion-paper/118?fbclid=IwAR1Mzp_-0ObvVNmklIgEVFim89KrWwLPX1mYudR1A0nUcRvirn6PPtMCVmo" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> დაუნის სინდრომის საერთაშორისო დღესთან დაკავშირებით, საქართველოს სახალხო დამცველი განცხადებას ავრცელებს.</div> <div style="text-align: justify;">„2019 წელს დაუნის სინდრომის საერთაშორისო დღის გზავნილია „არავინ დატოვო მიღმა", რაც გულისხმობს გაეროს 2030 წლის მდგრადი განვითარების მიზნების განხორციელების პროცესში დაუნის სინდრომის მქონე ყველა ადამიანის თანაბარ შესაძლებლობას, იცხოვროს თანასწორ გარემოში, ჰქონდეს უწყვეტი პიროვნული განვითარების, განათლების ხელმისაწვდომობის, ჯანმრთელობის დაცვის, სამუშაო და საცხოვრებელი გარემოსა და საზოგადოებრივ ცხოვრებაში ჩართულობის თანაბარი შესაძლებლობები", - ვკითხულობთ განცხადებაში, - „საქართველოში მცხოვრები დაუნის სინდრომის მქონე ადამიანებისთვის პრობლემად რჩება დასახელებული შესაძლებლობების უზრუნველყოფა. გარკვეული ნაბიჯების მიუხედავად, ქვეყანაში გამოწვევაა ამ პირთა ინდივიდუალურ საჭიროებაზე მორგებული მომსახურებების არარსებობა, მათი პიროვნული განვითარების ხელშეწყობა, ხარვეზები ადამიანის ძირითადი უფლებებისა და თავისუფლებების რეალიზების პროცესში".</div> <div style="text-align: justify;"><a href="http://ombudsman.ge/geo/akhali-ambebi/sakhalkho-damtsvelis-gantskhadeba-daunis-sindromis-saertashoriso-dghestan-dakavshirebit" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>პარტნიორობა ადამიანის უფლებებისთვის მიერ გავრცელებული ინფორმაციის თანახმად, ჯანდაცვის სამინისტრო სოციალურ მუშაკებთან მედიაციის პროცესისთვის ხელის შეშლას ცდილობს.</div> <div style="text-align: justify;">„20 მარტს, სოციალურმა მუშაკებმა ბრიფინგი გამართეს. საჯარო განცხადებაში მათ ისაუბრეს ჯანდაცვის სამინისტროს მხრიდან სოციალურ მუშაკებზე შესაძლო ზეწოლის ფაქტსა და მედიაციის პროცესის ხელის შეშლის შესახებ. შეგახსენებთ, რომ სოციალურმა მუშაკებმა სოციალური მუშაობის სფეროში სისტემური ცვლილებების მოთხოვნით სამინისტროს განცხადებით მიმართეს. ორგანიზაცია "პარტნიორობა ადამიანის უფლებებისთვის” იზიარებს სოციალური მუშაკების მოთხოვნებს და მხარს უჭერს მათ მიმდინარე პროცესებში", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/03/20/%E1%83%AF%E1%83%90%E1%83%9C%E1%83%93%E1%83%90%E1%83%AA%E1%83%95%E1%83%98%E1%83%A1-%E1%83%A1%E1%83%90%E1%83%9B%E1%83%98%E1%83%9C%E1%83%98%E1%83%A1%E1%83%A2%E1%83%A0%E1%83%9D-%E1%83%A1%E1%83%9D%E1%83%AA/?fbclid=IwAR1VbrvfFHCUTAGkp7R-7EOSHpnrgqbu9WsHvKr7S3C27_6qj9vDoOIXvxs" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">თბილისი.</span> მედიის განვითარების ფონდი (MDF) აქვეყნებს კვლევას: საქართველოს ევროატლანტიკური ინტეგრაციის საკითხებზე უმცირესობებით დასახლებული რეგიონების ინფორმირება.</div> <div style="text-align: justify;">„კვლევის მიზანი იყო ეთნიკური უმცირესობებით კომპაქტურად დასახლებულ რეგიონებში ევროატლანტიკური ინტეგრაციის შესახებ მოქალაქეთა ინფორმირებულობის საკითხის შესწავლა.</div> <div style="text-align: justify;">ამ მიზნით მოხდა სამცხე-ჯავახეთისა და ქვემო ქართლის რეგიონების მცხოვრებთა ინფორმაციის ძირითადი წყაროების იდენტიფიცირება; მათზე დაყრდნობით იმ მედია გზავნილების შესწავლა, რომლებიც ანტიდასავლური განწყობების გაღვივებას უწყობს ხელს. ამავე დროს კვლევის საგანი იყო, თუ რამდენად ასრულებს საქართველოს საზოგადოებრივი მაუწყებელი კანონმდებლობით მასზე დაკისრებულ შინაარსობრივ ვალდებულებებს ევროატლანტიკური ინტეგრაციის საკითხების შესახებ უმცირესობების ინფორმირების თაობაზე", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.mdfgeorgia.ge/geo/view-library/107?fbclid=IwAR3RZp5KqZ1OSyaxc_zZBCreTJueDWRDlRs3cWxnCVUwFq_dNnStOFywI3Q" target="_blank" style="font-weight: bold;">სრულად...</a></div> <div style="text-align: justify;">წყარო: www.mdfgeorgia.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> ადამიანის უფლებების სწავლებისა და მონიტორინგის ცენტრი (EMC) აქვეყნებს პუბლიკაციას პროექტის „სოციალური სამართლიანობა კრიზისის დროს" ფარგლებში, რომელიც Open Society Foundations-ის მხარდაჭერით ხორციელდება.</div> <div style="text-align: justify;"><a href="http://emc.org.ge/ka/products/samkhretits-arsebobs-el-sur-tambien-existe" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div>

<div style="text-align: justify;"><span style="font-weight: bold;">თბილისი.</span> მითების დეტექტორის ინფორმაციით, 12 მარტს, ფეისბუკში რამდენიმე ულტრა-ნაციონალისტური გვერდი გაუქმდა, რომლებიც ქსენოფობიური, რასისტული ანტი-მიგრანტული შინაარსის პოსტებით გამოირჩეოდნენ და ხშირად დეზინფორმაციას აქვეყნებდნენ.</div> <div style="text-align: justify;">„გაუქმებულ გვერდებს შორის არის: „ეროვნული ძალა", „ქართული იდეა", „ალფა დომინანტი", „იბერიული ერთობა", „წინააღმდეგობა" და „ეროვნება". ამ ფაქტს სხვა ულტრა-ნაციონალისტური ფეისბუკ გვერდების, ასევე ე.წ. „ქართული მარშის" წევრების მხრიდან გამოხმაურება მოჰყვა. მათი გზავნილი იდენტური იყო და გვერდების გაუქმებას „ანტილიბერალური გვერდების წმენდის მორიგი ტალღა" უწოდეს", ნათქვამია ორგანიზაციის ვებგვერდზე.</div> <div style="text-align: justify;"><a href="http://mythdetector.ge/ka/myth/peisbukshi-dezinpormatsiis-gamavrtselebeli-ultra-natsionalisturi-gverdebis-nacili-gaukmda?fbclid=IwAR3srysIy96LLvcC1czEqdPFTsuuRaVeE0u30VCCvaUZ5427XSSSc4fV-yU" target="_blank" style="font-weight: bold;">სრულად...</a></div> <div style="text-align: justify;">წყარო: mythdetector.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> „კოალიცია თანასწორობისთვის" კრიტიკულად აფასებს საქართველოს პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის საკანონმდებლო ინიციატივას. კოალიციის შეფასებით, ის რელიგიის თავისუფლების სფეროში კანონმდებლობის აშკარა გაუარესებას და მართლმადიდებელი მღვდელმსახურების გარდა, ყველა სხვა რელიგიის სასულიერო პირისთვის სამხედრო სავალდებულო სამსახურის გადავადების უფლების ჩამორთმევას ითვალისწინებს.</div> <div style="text-align: justify;">„კოალიცია აღნიშნავს, რომ კეთილსინდისიერი წინააღმდეგობის უფლება, რომელიც საკუთარი სინდისის, რწმენის და რელიგიის საწინააღმდეგო ქმედებისგან ადამიანის დაცვის გარანტიებს ითვალისწინებს, რელიგიის თავისუფლების განუყოფელი ელემენტია და ეროვნული და საერთაშორისო სასამართლოების მიერ არის აღიარებული და დაცული უფლება.</div> <div style="text-align: justify;">კონკრეტული ჯგუფისთვის უფლების ჩამორთმევის შესახებ ინიციატივას, განსაკუთრებით იმ პირობებში, როდესაც მსგავს მდგომარეობაში მყოფ დომინანტური რელიგიის წარმომადგენელ სასულიერო პირებს ანალოგიური უფლება უნარჩუნდებათ, შეუძლებელია მოეძებნოს ლეგიტიმური გამართლება და რელიგიური ნიშნით აშკარა დისკრიმინაციას წარმოადგენს", ნათქვამია განცხადებაში.</div> <div style="text-align: justify;"><a href="http://gyla.ge/ge/post/koalicia-tanastsorobistvis-kritikulad-afasebs-aramartlmadidebeli-sasuliero-pirebistvis-samkhedro-savaldebulo-samsakhuris-gadavadebis-uflebis-chamortmevis-shesakheb-iniciativas?fbclid=IwAR03ewQevHS9Y_5zTpkXXzDUb7qA2FppHw2KEusALeCiEh0xWP_oGwTDtJs#sthash.1BTVd0gp.qsKPHrL9.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საქართველოს პოლიტიკის ინსტიტუტი (GIP) აქვეყნებს ლევან კახიშვილის სტატიას: „ქართული პოლიტიკური პარტიების მიმართ ნდობის კლებადი ტენდენცია: რას ნიშნავს ეს დემოკრატიისთვის საქართველოში და როგორ შეიძლება უარყოფითი შედეგების თავიდან აცილება.?</div> <div style="text-align: justify;">„საქართველოში პოლიტიკური პარტიების მიმართ ნდობა 2012 წელს 21%-დან 2017 წელს 8%-მდე შემცირდა. მიუხედავად იმისა, რომ ნდობის ხარისხი არასდროს ყოფილა განსაკუთრებულად მაღალი, ეს ტენდენცია პოლიტიკური პარტიებისთვის შეშფოთების საფუძველი და მოქმედებისთვის ბიძგის მიმცემი უნდა გახდეს. პოლიტიკურ ნდობას ძირითადად სოციალური რწმენები და პოლიტიკური ინსტიტუტები განაპირობებს.წინამდებარე დოკუმენტში უნდობლობის საფუძვლების გამოსავლენად, ეს ორი მიმართულებაა გაანალიზებული", ნათქვამია ორგანიზაციის ვებგვერდზე.</div> <div style="text-align: justify;"><a href="http://gip.ge/ge/%E1%83%A5%E1%83%90%E1%83%A0%E1%83%97%E1%83%A3%E1%83%9A%E1%83%98-%E1%83%9E%E1%83%9D%E1%83%9A%E1%83%98%E1%83%A2%E1%83%98%E1%83%99%E1%83%A3%E1%83%A0%E1%83%98-%E1%83%9E%E1%83%90%E1%83%A0%E1%83%A2%E1%83%98/?fbclid=IwAR1bMYNErQ-nEICVuDx2oEqH3BWZj5W1ahtLjLysv-556Op0EKXaoNuAY2g" target="_blank" style="font-weight: bold;">სრულად...</a></div> <div style="text-align: justify;">წყარო: gip.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> 2019 წლის თებერვალში, საია-ში მიდინარე სტრუქტურული ცვლილების პირველი ეტაპი დასრულდა. შედეგად, მნიშვნელოვანი სიახლეა ორგანიზაციის მმართველობით ნაწილში. შეიქმნა თავმჯდომარის საკოორდინაციო სტრუქტურულ რგოლი - დირექტორთა საბჭო და მიმდინარე წლის 11 მარტიდან, საია-ში, თამჯდომარის პარალელურად, ადმინისტრაციულმა და პროგრამულმა დირექტორებმა დაიწყეს მუშაობა.</div> <div style="text-align: justify;">საია-ს გამგეობის თანხმობით, დირექტორთა საბჭოს შემადგენლობა ასე განისაზღვრა:</div> <div style="text-align: justify;">- ირმა პავლიაშვილი - ადმინისტრაციული დირექტორი;</div> <div style="text-align: justify;">- ქეთევან შუბაშვილი - ადამიანის უფლებების დაცვის პროგრამის დირექტორი;</div> <div style="text-align: justify;">- ნონა ქურდოვანიძე - სამართლებრივი დახმარების პროგრამის დირექტორი;</div> <div style="text-align: justify;">- ვახუშტი მენაბდე - დემოკრატიული ინსტიტუტების მხარდაჭერის პროგრამის დირექტორი.</div> <div style="text-align: justify;"><a href="http://gyla.ge/ge/post/saias-gamgeobam-direqtorta-sabtchos-shemadgenloba-daamtkica#sthash.3qqi33uy.dpbs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">გურია.</span> რა უნდა იცოდნენ პედაგოგებმა ლურჯი ვეშაპის და სხვა კიბერ თამაშების შესახებ? ნანა რაფავა ლანჩხუთელ პედაგოგებს კიბერბულინგზე, პერსონალურ მონაცემებზე და პირადი ცხოვრების ხელშეუხებლობაზე ესაუბრება.</div> <div style="text-align: justify;"><a href="http://www.facebook.com/MediaDevelopmentFoundation/photos/pcb.1778200448947064/1778196112280831/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;">csogeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.</div> <div style="text-align: justify;"><a href="http://mailchi.mp/94620eeab069/d5ja9d6c1o-337481?fbclid=IwAR14u4enqAV7TscRaJYLwqSwf7Iu38jtXEkz_Z4muW66hjhAFZ1HSy1f43s" target="_blank" style="font-weight: bold;">ელ-ბიულეტენი... </a></div>

<div style="text-align: justify;"><span style="font-weight: bold;">თბილისი. </span>პარტნიორობა ადამიანის უფლებებისთვის (PHR) და ქალთა ინიციატივების მხარდამჭერი ჯგუფი (WISG) გივი სიხარულიძისთვის „ხელოვნების ქურუმის" წოდების მინიჭების ფაქტს ეხმაურებიან.</div> <div style="text-align: justify;">„ბათუმის სახელმწიფო მუსიკალურ ცენტრში 2019 წლის 1 მარტს მსახიობ გივი სიხარულიძის საიუბილეო საღამო გაიმართა, სადაც აჭარის განათლების, კულტურისა და სპორტის მინისტრმა ინგა შამილიშვილმა გივი სიხარულიძეს „ხელოვნების ქურუმის" ჯილდოსთან ერთად საპატიო სიგელიც გადასცა. მოგვიანებით, ჯილდოს გადაცემასთან დაკავშირებით საქართველოს განათლების, მეცნიერების, კულტურისა და სპორტის სამინისტრომ განმარტა, რომ მსახიობს ჯილდო ქორეოგრაფთა კავშირის წარდგენით მიენიჭნა.</div> <div style="text-align: justify;">გივი სიხარულიძემ გასული წლის ნოემბრის თვეში ტელეკომპანია იმედის გადაცემა „სიცრუის დეტექტორში" საჯაროდ აღიარა, რომ ქალზე იძალადა. ამასთან, მსახიობი ცნობილია ქალთა მიმართ თავისი სექსისტური დამოკიდებულებით. მას არაერთ გადაცემასა თუ ინტერვიუში საჯაროდ გამოუხატავს სიძულვილი ჰომოფობიურ და სექსისტურ ნიადაგზე, აღუნიშნავს, რომ არ აღიარებს გენდერულ თანასწორობას და ქალებს კაცთა დაქვემდებარებაში მყოფებად მოიაზრებს", ნათქვამია ერთობლივ განცხადებაში.</div> <div style="text-align: justify;"><a href="http://phrgeorgia.wordpress.com/2019/03/06/phr-%E1%83%98-%E1%83%93%E1%83%90-wisg-%E1%83%98-%E1%83%92%E1%83%98%E1%83%95%E1%83%98-%E1%83%A1%E1%83%98%E1%83%AE%E1%83%90%E1%83%A0%E1%83%A3%E1%83%9A%E1%83%98%E1%83%AB%E1%83%98%E1%83%A1%E1%83%97/?fbclid=IwAR17V-g5DSWJH_JkbZCU4XbkaTPZE-kE0slp9hwKjbEIVyzUbqMzd4mh8D0" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„ახალგაზრდა ადვოკატები" საქორწინო კონტრაქტების არსებობის შემოწმების და ქორწინებასთან დაკავშირებული მეუღლეთა უფლებებისა და ვალდებულებების კანონით რეგისტრაციის ფაქტების მონიტორინგის შედეგებს აქვეყნებს.</div> <div style="text-align: justify;">„ორგანიზაცია აღნიშნავს, რომ ბოლო სამი წლის განმავლობაში, საქართველოში სანოტარო წესით დამოწმდა 151 საქორწინო კონტრაქტი. ამასთან, დაცული მონაცემების მიხედვით, მხარეებმა გააუქმეს 3 საქორწინო ხელშეკრულება. ერთიანი ელექტრონული რეესტრის სპეციფიკიდან გამომდინარე, საქორწინო ხელშეკრულების მონაწილე პირების ასაკის შესახებ ინფორმაცია არ მუშავდება. უცნობი რჩება კონტრაქტის სტანდარტული პირობებიც, ვინაიდან მხარეები ხელშეკრულების პირობებს განსაზღვრავენ ინდივიდუალურად. ამასთან, ადგილი აქვს სამწუხარო რეალობას, როდესაც სასამართლო არ ახდენს მოთხოვნილი დავის საგნით ინფორმაციის (გადაწყვეტილებების) სტატისტიკურ აღრიცხვას. ამასთან, საქორწინო ხელშეკრულებების გაფორმებისა და შეწყვეტის შესახებ ინფორმაციის დამუშავება - შენახვა არ ხდება სსიპ სახელმწიფო სერვისების განვითარების სააგენტოს მიერ", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.barristers.ge/ge/page/news_item/1359?fbclid=IwAR1byas40P9592Z0CiK3OYOHgq-9YnalKXw7LySIT0n6Fr5fsdKW5zVUFBk" target="_blank" style="font-weight: bold;">სრულად...</a></div> <div style="text-align: justify;">წყარო: www.barristers.ge</div>

<div style="text-align: justify;"><span style="font-weight: bold;">თბილისი. </span>The FINANCIAL-ის ორგანიზებით, თბილისში კორპორაციული სოციალური პასუხისმგებლობის ფორუმი გაიმართა.</div> <div style="text-align: justify;">„ფორუმში მონაწილეობა მიიღო სიდა-ს აღმასრულებელმა დირექტორმა სალომე ზურაბიშვილმა, რომელმაც განიხილა CSR-ის იმპლემენტაციის მიმართულებით საზოგადოებასთან, ბიზნესთან და მთავრობასთან მუშაობის პროცესში არსებული გამოწვევები", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/cidacso/photos/a.134078886651250/2190636464328805/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრი" (EMC) აქვეყნებს ანალიტიკურ დოკუმენტს „ისტორიული პროცესების გავლენა მუსლიმ თემზე აჭარაში".</div> <div style="text-align: justify;">„დღევანდელი აჭარა საქართველოს ავტონომიური ადმინისტრაციულ-ტერიტორიული ერთეულია. ავტონომიის სტატუსი რეგიონმა ათათურქისეულ თურქეთსა და ბოლშევიკურ რუსეთს შორის გაფორმებული ყარსის ხელშეკრულებით მიიღო. თუმცა, ამ შეთანხმების არსებობა განაპირობა მთელი რიგი პროცესების, ჯგუფების თუ პირების მოქმედებამ. ეს სამართლებრივი აქტი, მოგვიანებით, არაერთი აკადემიური, სოციალური თუ პოლიტიკური პროექტისა და მსჯელობის საგანს წარმოადგენდა. თუმცა, ჩვენ ყურადღებას გავამახვილებთ არა ამ „ფაქტის” წარმომავლობაზე ან მის ირგვლივ განვითარებულ პროცესებზე, არამედ იმ მომენტზე, თუ როგორ ახორციელებდა სხვადასხვა რეჟიმი ამ რეგიონში სხვადასხვა „შემაკავებელ” პროექტს (რომელის ერთ-ერთ სახესაც ავტონომია წარმოადგენდა)”, - ვკითხულობთ დოკუმენტის წინასიტყვაობაში.</div> <div style="text-align: justify;"><a href="http://emc.org.ge/ka/products/istoriuli-protsesebis-gavlena-religiur-temze-muslimebi-acharashi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ორგანიზაცია „ახალგაზრდა ადვოკატები" ე.წ. ელიავას ბაზრობის მოდერნიზაციის პროექტის პრეზენტაციას დაესწრო, რომელიც „სანაპირო საინვესტიციო ჯგუფის" ინიციატივითა და ავტორობით ჩატარდა.</div> <div style="text-align: justify;">„აღნიშნული კომპანია ე.წ. ელიავას ბაზრობის ტერიტორიის თითქმის ნახევრის მესაკუთრეა. მათ წარმოადგინეს პროექტი და ხედვა, თუ როგორ უნდა განვითარდეს და იქცეს ტერიტორია რეგიონულ მოლად. მათივე ცნობით, „სანაპირო საინვესტიციო ჯგუფს" მომზადებული აქვს რამდენიმე პროექტი. აღსანიშნავია, რომ აქედან ერთ-ერთი კონცეფცია - „ელიავა - რეგიონული მოლი", რომლის საფუძველზეც განვითარების რეგულირების გეგმა შექმნილი და თბილისის არქიტექტურის სამსახურს დამტკიცებული აქვს, 2016 წლის ზაფხულში დასამტკიცებლად საკრებულოსაც წარედგინა, თუმცა, ამ პროექტის განხილვა ამ დრომდე, არ მომხდარა", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.barristers.ge/ge/page/news_item/1357?fbclid=IwAR3B8cHK8nOEG5KJl0LUeeWxs3gH6KR8n9scVHDUfk1hIspevvCXhgpFVf4" target="_blank" style="font-weight: bold;">სრულად...</a></div> <div style="text-align: justify;">წყარო: www.barristers.ge</div> <div><br /> </div>

<div style="text-align: justify;"><span style="font-weight: bold;">აჭარა.</span> 28 თებერვალს, ბათუმის ახალგაზრდული ცენტრის მობილური ჯგუფის წევრებმა: ამირან აბაშიძემ და მირიან კახაძემ მახინჯაურის საჯარო სკოლაში ჩაატარეს ტრენინგი თემაზე: „ევროკავშირი და ნატო". </div> <div style="text-align: justify;">„ტრენინგის განმავლობაში მომხსენებლებმა ისაუბრეს ევროკავშირის, საქართველოსა და ნატოს შორის არსებულ ურთიერთობებზე. ასევე, გაიმართა დისკუსია აღნიშნულ თემასთან დაკავშირებით, განიხილეს მითები და ანტიდასავლური პროპაგანდა", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.facebook.com/pg/batumiyouthcenter/photos/?tab=album&album_id=1267636243399686" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">ქვემო ქართლი. </span>26 თებერვალს, პროექტის „ახალგაზრდა მეწარმეთა სინერგია - ქსელი საქართველოსა და აზერბაიჯანის ტრანსსასაზღვრო თანამშრომლობისთვის" მონაწილე აზერბაიჯანელი და ქართველი მეწარმეები ქვემო ქართლის ღირსშესანიშნავ ადგილებს ეწვივნენ. მათ ადგილობრივი კულტურული მემკვიდრეობის ძეგლები მოინახულეს - ბოლნისის სიონი და ყოფილი გერმანული კოლონია სოფ. ასურეთში (თეთრიწყაროს მუნიციპალიტეტი).</div> <div style="text-align: justify;"><a href="http://www.facebook.com/pg/cidacso/photos/?tab=album&album_id=2184687048257080" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;">საერთაშორისო კვლევითმა ინსტიტუტმა CEVRO, საქართველოს საბჭოთა ტოტალიტარული სისტემიდან დემოკრატიისკენ ტრანსფორმაციის შესახებ სტატიების კრებული გამოსცა, რომელშიც IDFI-ს სამი სტატიაა შესული.</div> <div style="text-align: justify;">2018 წელს IDFI-ის აღმასრულებელმა დირექტორმა, გიორგი კლდიაშვილმა, პროგრამების დირექტორმა ლევან ავალიშვილმა და საარქივო და საბჭოთა კვლევების მიმართულების ხელმძღვანელმა, ანტონ ვაჭარაძემ მონაწილეობა მიიღეს პოლიტიკური სწავლებების საერთაშორისო კვლევითი ინსტიტუტის, CEVRO-ს პროექტში, რომელიც ითვალისწინებდა საქართველოში საბჭოთა ავტორიტარული რეჟიმიდან დემოკრატიის დამყარებისკენ გადადგუმული ნაბიჯების შესახებ სტატიების კრებულის (ჟურნალის) გამოქვეყნებას.</div> <div style="text-align: justify;">ინსტიტუტი CEVRO 1999 წელს დაარსდა პრაღაში, ჩეხეთში, როგორც საჯარო პოლიტიკის კვლევითი ცენტრი („თინქ-თენქი") და დღემდე მრავალ პროექტს ახორციელებს განათლების და დემოკრატიის გაძლიერების სფეროში. ბოლო რამდენიმე წელია უნივერსიტეტს გააჩნია საბაკალავრო და სამაგისტრო პროგრამების აკრედიტაცია ადგილობრივი და საერთაშორისო სტუდენტებისთვის. ორგანიზაციის პროექტები ძირითადად მოიცავს გარდამავალი დემოკრატიის პროცესში მყოფ ქვეყნებს მსოფლიოს მასშტაბით.</div> <div style="text-align: justify;"><a href="http://idfi.ge/ge/idfi_articles_in_cevro_journal" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>კოალიცია თანასწორობისთვის ეხმიანება საქართველოს პარლამენტის განათლების, მეცნიერებისა და კულტურის კომიტეტის თავმჯდომარის, მარიამ ჯაშის საჯარო განცხადებას, საქართველოს აზერბაიჯანელ თემთან დაკავშირებით. ორგანიზაცია მოუწოდებს პარლამენტის წევრს, მისი პოლიტიკური ხედვები და განცხადებები მოქალაქეობის კონსტიტუციურ იდეას დაუახლოვოს და არ დაუშვას ჩვენი ქვეყნის მოქალაქეების პოლიტიკური ინსტრუმენტალიზება.</div> <div style="text-align: justify;">„ცხადია, ვიზიარებთ აზერბაიჯანის ტერიტორიაზე მცხოვრები ეთნიკურად ქართველი თემის მძიმე უფლებრივ მდგომარეობას და მათ შორის, მათ მიმართ ეთნიკური და რელიგიური ნიშნით დისკრიმინაციის პრაქტიკებს და მიგვაჩნია, რომ ამ საკითხებზე საჯარო დისკუსიების დაწყება და საერთაშორისო სამართლის პრინციპების დაცვით, საქართველოს სახელმწიფოს მხრიდან ქმედითი ნაბიჯების გადადგმა, მნიშვნელოვანია. მეტიც, კოალიციის წევრები მზად არიან ამ პროცესში კონტრიბუცია შეიტანონ. თუმცა, მარიამ ჯაშის განცხადებაში პრობლემას ის აზრი ქმნიდა, სადაც მან საქართველოს ტერიტორიაზე ისტორიულად მცხოვრები აზერბაიჯანელი თემი სხვა სახელმწიფოსთან მოლაპარაკებების საგნად განიხილა და საკუთარი მოქალაქეების მიმართ ნაცვალგების მიდგომა გამოიყენა", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/koalitsia-tanastsorobistvis-sakartvelos-azerbaijanelebtan-dakavshirebit-mariam-jashis-gantskhadebas-ekhmianeba" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div> <div style="text-align: justify;"><br /> </div>