თბილისი. ყოფილ პატიმართა რესოციალიზაციის, ეკონომიკური მხარდაჭერის, დასაქმების ხელშეწყობისა და ოჯახის გაძლიერების მიზნით, არასამთავრობო ორგანიზაცია „სიდა" ევროკავშირის დაფინანსებით ახორციელებს პროექტს „ტრენინგებისა და დასაქმების ხელშეწყობის ინიცირება მართლმსაჯულების სექტორში." ორგანიზაცია პროექტის ფარგლებში დაფინანსებული ბენეფიციარების წარმატების ისტორიებს გაგაცნობთ. მათ შეძლეს მცირე გრანტებით ახალი ცხოვრების დაწყება. სრულად... წყარო: ორგანიზაციის გვერდი სოციალურ ქსელში

თბილისი. დამარცხდა თუ არა ე.წ. „ისლამური სახელმწიფო" და რა საფრთხეების წინაშე დგას საქართველო და რეგიონი პოსტ ISIS-ის პერიოდში - გაეცანით ვრცლად რონდელის ფონდის მკვლევრის, ზურაბ ბატიაშვილის მიმოხილვას. სრულად... წყარო: www.gfsis.org

თბილისი. „საერთაშორისო გამჭვირვალობა - საქართველო" საზოგადოებრივი აზრის გამოკითხვის შედეგებს აქვეყნებს, რომლის თანახმადაც გამოკითხულთა თითქმის ნახევარი 2019 წლის საპარლამენტო არჩევნების პროპორციული წესით ჩატარებას ემხრობა. გაეცანით, კვლევის მნიშვნელოვან მიგნებებს... წყარო: www.transparency.ge

შიდა ქართლი. 6 აპრილს სასკოლო თვითმართველობის განვითარების პროგრამის ფარგლებში, ახალგაზრდებისთვის ჩატარდა ტრენინგი თემაზე „შშმ პირთა ჩართულობა და ადაპტირება საზოგადოებასთან", აღნიშნული ტრენინგის მიზანი იყო ახალგაზრდებში შშმ პირების როლი სამოქალაქო აქტივიზმსა და სხვადასხვა აქტივობებში ჩართულობის მნიშვნელობა. „ახალგაზრდებმა მოირგეს სხვადასხვა შშმ პირის როლი და თავად შეაფასეს ჯგუფებში მომზადებულ აქტივობებში ჩართულობა, პლიუსები და მინუსები. აღნიშნული აქტივობის შედეგად პროექტში მონაწილე ახალგაზრდებმა ისწავლეს თუ რამდენად მნიშვნელოვანია წინასწარ განსაზღვრო და გაითვალისწინო პროექტში მონაწილე ახალგაზრდების საჭიროებები, რაც ერთთავად პროექტის წარმატებით ჩატარების საწინდარია", ნათქვამია ორგანიზაციის გვერდზე სოციალურ ქსელში. სრულად...  წყარო: ორგანიზაციის გვერდი სოციალურ ქსელში

აჭარა. 6 აპრილს ბათუმის ახალგაზრდულ ცენტრში გაიმართა ფილმის „კაპერნაუმი" ჩვენება/განხილვა. „„კაპერნაუმი" კანის 71-ე საერთაშორისო ფესტივალის პრიზიორი დრამაა, სადაც მოვლენები პოლიტიკური და სოციალური კრიზისის ფონზე ახლო აღმოსავლეთის ტერიტორიაზე ვითარდება. მონაწილეებმა ისაუბრეს იმ პრობლემებზე, რომლებსაც სოციალური განსხვავება იწვევს საზოგადოებაში, აგრეთვე ნაადრევ ქორწინებასა და მის უარყოფით მხარეებზე", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ეროვნული უსაფრთხოების საბჭოს შესახებ კანონში განხორციელებულ ცვლილებებს აფასებს. „ფორმალური შესაძლებლობის არსებობის მიუხედავად, დაინტერესებულ ჯგუფებს უშუალოდ კანონპროექტის შემუშავების პროცესში ჩართულობის შესაძლებლობა, არ ჰქონია. EMC-იმ ინიცირებულ ცვლილებებთან დაკავშირებით, საქართველოს მთავრობას და პარლამენტს, პირველადი მოსაზრებები მიმდინარე წლის იანვარში გაუზიარა. მოგვიანებით, 25 თებერვალს კი EMC-ის ორგანიზებით გაიმართა მრგვალი მაგიდა, რომელიც მიზნად ისახავდა ეროვნული უსაფრთხოების საბჭოს ფორმირებასთან დაკავშირებით ინიცირებული კანონპროექტის განხილვას სხვადასხვა ჯგუფთან, ძირითად საკითხებთან დაკავშირებით მოსაზრებების შეჯერების მიზნით. სამწუხაროა, რომ დაინტერესებულ პირებს არ მიეცათ ძირითადი საკითხების განხილვის და დისკუსიის შესაძლებლობა კანონპროექტის ინიციატორი ორგანოს და პარლამენტის წარმომადგენლებთან", ნათვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თამთა ხალვაშის ბლოგპოსტს: პოსტსოციალისტური ქალაქი - დეკოლონიზაციის ძიებაში. „აქ თავმოყრილი მსჯელობა მცდელობაა, მიმდინარე აზრებს ენა მოვუძებნო და ადგილობრივ გამოცდილებაზე დაყრდნობით, ორ განსხვავებულ „შემდგომობას" შორის დიალოგზე ფიქრი გავაგრძელო. სოციალიზმისა და კოლონიალიზმის „შემდგომობის" შესაძლო ურთიერთკავშირზე ფიქრი, როგორც სათაურიდანაც ჩანს, ამ კავშირის ძიებაა როგორც აკადემიურ, ისე ურბანულ სივრცეში. ძიება ამ შემთხვევაში ნიშნავს პროცესს, რომელიც დაუსრულებელია, მაგრამ ამავე დროს ის მიემართება ჯერაც არნახული ჰორიზონტების აღმოჩენასა და გადახსნას", ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრმა (EMC) ჩაატარა სამართლებრივი და სოციოლოგიური კვლევა შრომითი მედიაციის მექანიზმთან დაკავშირებით. ვიდეო თავს უყრის სოციოლოგიური კვლევის ძირითად მიგნებებს მედიაციის მექანიზმის ეფექტიანი ფუნქციონირების ხელისშემშლელ სისტემურ გამოწვევებს. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ბლოგპოსტს: რატომაა მნიშვნელოვანი 2019 წლის 31 მარტს თურქეთში ჩატარებული ადგილობრივი არჩევნები. „ამ არჩევნების უმთავრესი მოვლენა უდავოდ არის ოპოზიციის მიერ სტამბოლში მოპოვებული გამარჯვება, სადაც მათ მცირედი სხვაობით (21 000 ხმით, რაც 0,25%-ია) ხელისუფლების ცნობად სახეს, ყოფილ პრემიერ-მინისტრ ბინალი ილდირიმის სძლიეს. აღსანიშნავია, რომ მემარცხენეებმა სტამბოლის მერის არჩევნებში ბოლოს 30 წლის წინ გაიმარჯვეს. თუმცა, ახლანდელი წარმატება უფრო კოალიციური გამარჯვებაა, რაზეც დიდი გავლენა იქონია ბოლო პერიოდში ქვეყანაში წარმოქმნილმა სირთულეებმა. შესაბამისად, არჩევნების შედეგების მიხედვით, ოპოზიციამ ფსიქოლოგიური უპირატესობა მოიპოვა. ოპოზიციონერებმა ამავე დროს დაიბრუნეს რწმენა საკუთარ თავში და იგრძნეს, რომ შესაძლებელია მმართველი პარტიის დამარცხება (ბოლო 16 წლის განმავლობაში თურქეთში ჩატარებულ ვერც ერთ არჩევნებში მათ ვერ შეძლეს ერდოღანისა და მისი პარტიის დამარცხება)", ნათქვამია ორგანიზაციის გვერდზე. სრულად... წყარო: www.gfsis.org

სამცხე-ჯავახეთი. ახალციხეში დემოკრატ მესხთა კავშირი/Union of Democrat Meskhs,UDM-ის ოფისში მედიის განვითარების ფონდმა უმცირესობებით კომპაქტურად დასახლებულ რეგიონებში რუსული პროპაგანდის შესახებ ჩატარებული კვლევის პრეზენტაია და დისკუსია გამართა. დისკუსიაში ადგილობრივი ხელისუფლების, პოლიტიკური პარტიების, არასამთავრობო ორგანიზაციებისა და მედიის წარმომადგენლები მონაწილეობდნენ. სრულად... წყარო: ორგანიზაციის გვერდი სოციალურ ქსელში

თბილისი. ღია საზოგადოების ფონდი (OSGF) აქვეყნებს სოციოლოგიური კვლევის შედეგებს საქართველოს დემოკრატიის მდგომარეობის შესახებ, რომელიც სწავლობს მოსახლეობის ნდობას სახელმწიფო უწყებების მიმართ და განწყობებს სხვადასხვა საკითხების მიმართ. „მოსახლეობის გამოკითხვის დღეს წარმოდგენილი შედეგები საქართველოს დემოკრატიის მდგომარეობის შეფასების დიდი კვლევის ნაწილია, რომელიც 2019 წლის გაზაფხულის ბოლოს გამოქვეყნდება. ამ გამოკითხვის გარდა, საქართველოს დემოკრატიის მდგომარეობა შეფასება დაეყრდნობა წინასწარ განსაზღვრული კითხვარის და 10-მდე ფოკუს ჯგუფის შედეგებს და სხვა წყაროებს. შეფასების ინსტრუმენტი მოიცავს ისეთ თემებს, როგორიცაა მართლმსაჯულება, მოქალაქეობა, სამოქალაქო და სოციალური უფლებები, მედია, პოლიტიკური პარტიები, მთავრობისა და პარლამენტის მუშაობა", ნათქვამია ორგანიზაციის ვებგვერდზე. სრულად... წყარო: osgf.ge

თბილისი. საქართველოს დემოკრატიულმა ინიციატივამ (GDI) საქმეზე „საქართველოს მოქალქე გიორგი ლოგუა საქართველოს პარლამენტის წინააღმდეგ" საკონსტიტუციო სასამართლოს სასამართლო მეგობრის მოსაზრება წარუდგინა. „სასამართლოს მეგობრის მოსაზრებაში განხილულია პორნოგრაფიულ ნაწარმოებებთან დაკავშირებული რეგულაციები სხვადასხვა იურისდიქციაში (სამხრეთ აფრიკის რესპუბლიკა, გერმანია, ნიდერლანდების სამეფო, დიდი ბრიტანეთი და ამერიკის შეერთებულ შტატები), ასევე „სექსუალური ექსპლუატაციისა და სექსუალური ძალადობისაგან ბავშვთა დაცვის შესახებ" ევროპის საბჭოს კონვენციის მიზნები და ის ვალდებულებები, რომელიც საქართველოს, როგორც ხელშემკვრელ ქვეყანას ეკისრება. ამასთან, გაანალიზებულია პორნოგრაფიულ დანაშაულებთან დაკავშირებით სისხლის სამართლის კოდექსის შესაბამისი მუხლები და მათში განხორციელებული საკანონმდებლო ცვლილებების ისტორია", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. 29 მარტს საქართველოს სტრატეგიისა და საერთაშორისო ურთიერთობების კვლევის ფონდში (რონდელის ფონდი) გაიმართა საჯარო ლექცია „ამერიკის პოლიტიკა რეგიონის მიმართ". „ლექციას უძღვებოდა ამერიკა-რუსეთის ფონდის პრეზიდენტი და აღმასრულებელი დირექტორი, 2013-2017 წწ.-ში ამერიკის პრეზიდენტის ყოფილი სპეციალური თანაშემწე და ეროვნული უშიშროების საბჭოში რუსეთისა და ევრაზიის საკითხებში უფროსი დირექტორი სელესტ ვალანდერი. მომხსენებელმა ისაუბრა რუსეთი-ამერიკის ურთიერთობების, რეგიონის მიმართ თეთრი სახლის პოლიტიკისა და ნატო-საქართველოს ურთიერთობების, გამოწვევებისა და პერსპექტივების შესახებ", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

იმერეთი. აუტიზმის შესახებ ინფორმაციის გავრცელების მსოფლიო დღესთან დაკავშირებით, ქუთაისის ახალგაზრდული ცენტრის წევრები შშმ ბავშვთა დღის ცენტრს ეწვივნენ. ახალგაზრდებმა, ცენტრის ბენეფიციარებთან ერთად, შემეცნებით-გასართობი აქტივობები განახორციელეს. ღონისძიების მიზანს წარმოადგენდა აუტისტური სპექტრის მქონე ბავშვების სოციალიზაცია და ინტეგრაცია საზოგადოებაში, მხარეთა სოციალური პასუხისმგებლობების განაწილება. სრულად... წყარო: ორგანიზაციის გვერდი სოციალურ ქსელში

თბილისი. „ღია საზოგადოების ფონდი", დემოკრატიული მაჩვენებლების მიმართ, საქართველოს მოსახლეობის განწყობების თაობაზე, სოციოლოგიურ კვლევას აქვეყნებს. სოციოლოგიური კვლევა ეხება საქართველოს დემოკრატიის მდგომარეობას, სწავლობს მოსახლეობის ნდობას სახელმწიფო უწყებების მიმართ და განწყობას პოლიტიკური პარტიების, კორუფციის, მედიის, სოციალური სამართლიანობის, რელიგიური გაერთიანებებისა და სხვა საკითხების შესახებ. საქართველოს ტერიტორიაზე მოსახლეობის გამოკითხვა ჩაატარა კავკასიის კვლევითი რესურსების ცენტრმა (CRRC), ღია საზოგადოების ფონდისა და საერთაშორისო ორგანიზაცია International IDEA (ინთერნეშენალ აიდია) ერთობლივი პროექტის ფარგლებში. სრულად... წყარო: osgf.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ორგანიზაციის იურისტის, გიორგი ანთაძის ბლოგპოსტს: დუმილი მორიგ მსხვერპლამდე. „სამწუხაროდ, ისევ ისმის ტირილის ხმა სახლებში სადაც ძალადობენ ბავშვზე, ქალზე ან მოხუცზე, ისევ ტირიან მუშების ოჯახებში, რომლებიც არაეფექტურ შრომით კანონმდებლობას ეწირებიან, თუმცა .. რამდენიმე დღის წინ სოციალური მუშაკების სახით ისევ კანტიკუნტად შეიკრიბა ხალხი მთავრობის სასახლესთან და ცდილობდნენ რეალური ცვლილებების საჭიროება დაენახებინათ ქვეყნისთვის, თუმცა ძლიერნი ამა ქვეყნისანი, ისევ არარსებული პრობლემების მოგვარებით არიან გართულნი. საინტერესოა, ამჯერად რამდენი დაობლებული ბავშვისა თუ გაუბედურებული მშობლის ნახვა იქნება საკმარისი, რათა სახელმწიფომ დაიწყოს ადამიანებზე ორიენტირებული სოციალური დაცვის თუ შრომითი კანონმდებლობის ფორმირება. საინტერესოა, კიდევ რამდენი ადამიანის სიკვდილი იქნება საჭირო საზოგადოების გამოსაფხიზლებლად", ნათქვამია ორგანიზაციის ვებგვერდზე. სრულად... წყარო: gyla.ge

აჭარა. 30 მარტს, საიას აჭარის ფილიალის თავმჯდომარემ, ანნა მდინარაძემ, ბათუმის სახელმწიფო უნივერსიტეტში, შრომის უსაფრთხოების შესახებ ქვეყანაში შექმნილი გამოწვევების, ახალი საკანონმდებლო რეგულაციების და სფეროში არსებული პრობლემების შესახებ ისაუბრა.  სრულად... წყარო: ორგანიზაციის გვერდი სოციალურ ქსელში

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრმა" (EMC) 2016-2018 წლებში, ყოველწლიური საბიუჯეტო სუბსიდირების მიღმა, სახელმწიფოს მხრიდან საპატრიარქოსთვის ფინანსური და ქონებრივი რესურსის გადაცემის პრაქტიკა შეისწავლა.</div> <div style="text-align: justify;">EMC-ის მიერ გავრცელებული ინფორმაციის თანახმად, 2016-2017 წლებთან შედარებით, 2018 წელს, საპატრიარქოსთვის გადაცემული ქონების მასშტაბი იმატებს, რაც სავარაუდოდ მიმდინარე პოლიტიკურ პროცესებს, მათ შორის, წინასაარჩევნო კონტექსტს უკავშირდება.</div> <div style="text-align: justify;"><a href="http://emc.org.ge/ka/products/sakartvelos-mtavroba-agrdzelebs-sapatriarkostvis-didi-odenobit-udzravi-konebis-gadatsemis-praktikas" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი</span>. ყოველწლიურ კონფერენციაზე „ქალის როლი ეკონომიკის ზრდასა და რეფორმების შემუშავებაში", როგორც წლის ლიდერი ქალი მთავრობაში – საქართველოს სახალხო დამცველი, ნინო ლომჯარია დააჯილდოვეს.</div> <div style="text-align: justify;">ნინო ლომჯარია სპეციალურმა კომიტეტმა შეარჩია, რომელშიც ბიზნესის მხარდამჭერი, კვლევითი და არასამთავრობო 70 ორგანიზაციის წარმომადგენლები არიან გაერთიანებული.</div> <div style="text-align: justify;">ღონისძიება ამერიკის საერთაშორისო განვითარების სააგენტოს (USAID) პროექტის „მმართველობა განვითარებისათვის" (G4G) საქართველოში და „მეწარმე ქალთა საბჭოს" (WBCG) ერთობლივი ორგანიზებითა და თბილისის მერიის, საქართველოს ბანკის და ევროპის განვითარების და რეკონსტრუქციის ბანკის მხარდაჭერით გაიმართა.</div> <div style="text-align: justify;"><a href="http://ombudsman.ge/geo/akhali-ambebi/sakartvelos-sakhalkho-damtsveli-tslis-lider-kalad-daasakheles" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს შოთა უტიაშვილის ბლოგპოსტს: ვის სჯერა რუსული პროპაგანდის.?</div> <div style="text-align: justify;">„თუ თქვენ რუსეთის მოქალაქე ხართ და გჯერათ, რომ თბილისში, „ლუგარის ლაბორატორიაში", წამლების და/ან ბიოლოგიური იარაღის გამოცდის მიზნით, ადამიანებზე ექსპერიმენტებს ატარებენ და ამ ექსპერიმენტების შედეგად მხოლოდ ერთ დღეში 27 ადამიანი გარდაიცვალა და თანაც ამ ექსპერიმენტების საბოლოო მიზანი რუსი ხალხია, მაშინ, თქვენ, როგორც მინიმუმ, თავს შორს დაიჭერდით იმ ქალაქისა და ქვეყნისგან, სადაც ასეთი საშინელება ხდება.</div> <div style="text-align: justify;">თუ თქვენ საქართველოს მოქალაქე ხართ და გჯერათ რომ ამერიკელები ქართველებზე საიდუმლო ბიოლოგიურ ექსპერიმენტებს ატარებენ, რომელსაც უკვე 45-ზე მეტი უდანაშაულო ქართველის სიცოცხლე შეეწირა, როგორც მინიმუმ, კიდევ ერთხელ კარგად უნდა დაფიქრდეთ ნატოში გაწევრიანების მიზანშეწონილობაზე", ნათქვამია ბლოგპოსტში.</div> <div style="text-align: justify;"><a href="http://www.gfsis.org/ge/blog/view/933?fbclid=IwAR2VXPMXcgENSqXNEvRdGyqfOIKMvi6iwXt0RxUeUohVSM54IoQFU_4PeZY" target="_blank" style="font-weight: bold;">სრულად...</a></div> <div style="text-align: justify;">წყარო: www.gfsis.org</div>

<div style="text-align: justify;"><span style="font-weight: bold;">თბილისი. </span>საქართველოს სტრატეგიული კვლევებისა და განვითარების ცენტრი (CSRDG) აქვეყნებს პუბლიკაციას: როგორ შევარჩიოთ ჩაი და ყავა? ინფოგრაფიკა მოიცავს სასარგებლო ინფორმაციებს ჩაის და ყავის სახეობების, მათი მომზადების წესისა და პროდუქტის ვარგისიანობის შესახებ.</div> <div style="text-align: justify;"><a href="http://momxmarebeli.ge/images/file_778618.pdf?fbclid=IwAR31BSFcut2gg_6K9VV7BM8Zt8b_PrUZA2z8b-7qfx9Cj-NnVTyNim0zI0Y" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 2019 წლის 28 მარტს, ხუთშაბათს, „ღია საზოგადოების ფონდის" ოფისში (მისამართი - თამარ ჭოველიძის #10) გრანტის მაძიებლებთან საკონსულტაციო შეხვედრა ჩატარდება. პროგრამების წარმომადგენლები დაინტერესებული პირების შეკითხვებს უპასუხებენ.</div> <div style="text-align: justify;">საკონსულტაციო შეხვედრები ჩატარდება შემდეგი პროგრამების ბიხედვით:</div> <div style="text-align: justify;">ეროვნული ინტეგრაცია – 11:00 სთ;</div> <div style="text-align: justify;">საზოგადოებრივი ჯანმრთელობა – 12:00 სთ;</div> <div style="text-align: justify;">მონაწილეობითი დემოკრატიის პროგრამა – 14:00;</div> <div style="text-align: justify;">მედია – 15:00 სთ;</div> <div style="text-align: justify;">ადამიანის უფლებები – 16:00 სთ;</div> <div style="text-align: justify;">ევროინტეგრაცია – 17:00 სთ;</div> <div style="text-align: justify;">როგორ შევავსოთ საგრანტო განაცხადი ონლაინ – 15.30, 16.30.</div> <div style="text-align: justify;"><a href="http://osgf.ge/konsultaciis-dghe-3/" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>