თბილისი. ადამიანის უფლებების სწავლებისა და მონიტორინგის ცენტრი (EMC) გია ნოდიას ბლოგ პოსტს, რომელიც ქამრან მამედოვს ეძღვნება.  „არ ვიცი, რამდენად კარგად გამომივიდა ის, რაც განვიზრახე, მაგრამ ქამრან მამედოვს ამის შეფასება თავის პასუხში არც უცდია. მისი კრიტიკა მთლიანად იმ არასწორ დაშვებაზეა აგებული, რომ ის, რასაც მე აღვწერ, სინამდვილეში ჩემი ნორმატული დამოკიდებულებაა. ამის გამო, მისი კრიტიკული შენიშვნები ჩემი ნაშრომის შინაარსს ფაქტიურად აცდენილია: ის სხვა თემაზე საუბრობს, მე - სხვაზე“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს შრომის კოდექსის პროექტის შენიშვნებს.  „მიუხედავად იმისა, რომ კოდექსის პროექტი მნიშვნელოვნად აუმჯობესებს დასაქმებული სამართლებრივ მდგომარეობას, საიას კოდექსის პროექტზე წარადგენს შენიშვნებს, რომელთა ერთი ნაწილი პრინციპული ხასიათისაა და მათზე შეთანხმება მნიშვნელოვანია საკანონმდებლო პროცესის შემდგომ გაგრძელებამდე, მეორე ნაწილი შეეხება იმ საკითხებს, რომლებიც ვფიქრობთ, რომ დამატებით უნდა იყოს გათვალისწინებული საკანონმდებლო პაკეტში, ხოლო რაც შეეხება შენიშვნების მესამე ნაწილს, ვფიქრობთ, რომ მნიშვნელოვანია ისინი განხილული იყოს კანონპროექტზე შემდგომი მუშაობის დროს“, ნათქვამია ორგანიზაციის ვებგვერდზე.  სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ინფორმაციას ბათუმში აღმოჩენილი საბჭოთა რეპრესიები მსხვერპლთა სამაროვანის შესახებ.  „IDFI საწყის ეტაპზე აქტიურად ჩაერთო ბათუმში და აჭარაში რეპრესირებული პირების შესახებ საარქივო დოკუმენტების მოძიებაში. ორგანიზაციის მიერ არქივებში ჩატარებული კვლევით, კერძოდ კი სასჯელის უმაღლესი ზომის სისრულეში მოყვანის ოქმების შესწავლით დადგინდა, რომ 1937-1938 წლებში სხვადასხვა სადამსჯელო ოპერაციის შედეგად (როგორიც არის კულაკური ოპერაცია, სტალინური სიები, ნაციონალური ოპერაციები და სხვა) აჭარაში სულ 1050 ადამიანი დახვრიტეს, რაც რამდენიმე ასეულით აღემატებოდა მანამდე გავრცელებულ რაოდენობას“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. 3 ოქტომბერს, საქართველოში უკვე ტრადიციად ქცეული ნატოს დღეები ოფიციალურად დაიწყება.  „ღონისძიება საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით ტარდება და მიზნად ისახავს საქართველოს მოქალაქეების ინფორმირებულობის გაზრდას ჩრდილოატლანტიკური ალიანსის, საქართველოსა და ნატოს შორის არსებული თანამშრომლობის და სამომავლო პერსპექტივების შესახებ“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ქამრან მამედოვის ბლოგ პოსტს: ვინ არის ქართველი: პასუხი გია ნოდიას. „უფრო სწორად, ქაღალდზე ლამაზი სიტყვები კი გვიწერია, რომ „ჩვენ საქართველოს მოქალაქენი“-ო, მაგრამ ყოველდღიური ნარატივი, არსებული სისტემა და დომინანტი კულტურა ერთობლიობაში ქმნიან ვიწრო ეთნიკურ ქართულ „წარმოსახვით საზოგადოებას,“ რომელიც ყველა განსხვავებულის მარგინალიზებას ახდენს. სწორედ ამის შედეგია, ულტრამემარჯვენე ფაშისტური ჯგუფების მიერ ეთნიკურად ქართველ ხალხში ეთნო-ნაციონალიზმის და შოვინიზმის წარმატებით გავრცელება და დამკვიდრება“, ნათქვამია ორგანიზაციის ვებგვერდზე.  სრულად...  წყარო: emc.org.ge

იმერეთი. ქუთაისის ახალგაზრდული ცენტრის წევრებმა მონაწილეობა მიიღეს აქციაში „ევროპის დღე საგზაო მსხვერპლის გარეშე“. მისი მიზანია, საგზაო მოძრაობის მონაწილეთა ცნობიერების ამაღლებით, საგზაო შემთხვევების მსხვერპლთა რიცხვის შემცირება. კამპანია 2016 წლიდან იღებს სათავეს და მასში ყოველწლიურად ევროპის თითქმის ყველა ქვეყანა მონაწილეობს.  სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) თბილისის იურიდიული დახმარების ცენტრში თანაშემწეთა/სტაჟიორთა კონკურსის მონაწილეთა საყურადღებოდ ინფორმაციას და გასაუბრების ეტაპზე გადასულ პირთა სიას აქვეყნებს.  სრულად... წყარო: gyla.ge

თბილისი. დღეს, ევროპის ფონდმა „ევროკავშირის მიმართ დამოკიდებულებებისა და ცოდნის შეფასება საქართველოში“კვლევის ანგარიში წარმოადგინა.  გამოკითხვას ევროპის ფონდი 2009 წლიდან, ყოველ ორ წელიწადში ერთხელ ატარებს. კვლევა წარმომადგენლობითია ქვეყნის მასშტაბით (ოკუპირებული ტერიტორიების გარდა) და მაქსიმალურად იდენტური კითხვარის გამოყენებით ტარდება, რათა საშუალება მოგვეცეს შევაფასოთ რამდენად იცვლება საქართველოს მოსახლეობის ცოდნა და მოლოდინები ევროკავშირის, საქართველო-ევროკავშირის ურთიერთობებისა და ევროინტეგრაციის პროცესის მიმართ. წელს, კვლევის ფარგლებში, საქართველოს 2,746 მოქალაქე გამოიკითხა.  სრულად…  წყარო: ორგანიზაციის ვებგვერდი

თბილისი. 20 სექტემბერს, სიდას ორგანიზებითა გაიმართა სამუშაო შეხვედრა, რომელიც ეხებოდა საქართველოში გაეროს მდგრადი განვითარების მიზნების შესრულებისა და ამ მიმართულებით რეგიონში არსებული გამოწვევების შესახებ. „ღონისძიებაზე ორგანიზატორებმა ისაუბრეს 2019 წელს რეგიონებში და თბილისში ჩატარებულ შეხვედრებზე მდგრადი განვითარების თემაზე: თუ რა გამოწვევები გამოიკვეთა და თანაშრომლობის ფარგლებში, როგორ შეგვიძლია ვუპასუხოთ ამ გამოწვევებს”, ნათქვამია ორგანიზაციის გვერდზე.  სრულად... წყარო: ორგანიზაციის გვერდი სოციალურ ქსელში

კახეთი. ცოდნის კაფეში „პენსიონერთა ასოციაციის“ წევრებმა ინტელექტუალური თამაში: რა? სად? როდის? გამართეს. თამაშის წამყვანით, მონაწილეებიც და კითხვების ავტორების ხანდაზმულები იყვნენ. ინტელექტთამაში საქართველოს სტრატეგიული კვლევებისა და განვითარების ცენტრის მხარდაჭერით, პროექტის „სამოქალაქო საზოგადოების განვითარების ინიციატივის“ ფარგლებში გაიმართა. პროექტს მართავს კონსორციუმი კონრად ადენაუერის ფონდის ხელმძღვანელობით. კონსორციუმში შედის 4 ქართული საზოგადოებრივი ორგანიზაცია. პროექტი დაფინანსებულია ევროკავშირის მიერ, ხოლო თანადამფინანსებელია კონრად ადენაუერის ფონდი.

თბილისი. ადამიანის უფლებების სწავლებისა და მონიტორინგის ცენტრმა (EMC) იპოთეკით დაზარალებულებთან შეხვედრა გამართა. „მონაწილეებმა იმსჯელეს იმ უმნიშვნელოვანეს გამოწვევებზე, რომლის წინაშეც მოქალაქეები დგანან. შეხვედრის ფარგლებში, ასევე, განიხილეს სათანადო საცხოვრებლის უფლების გარანტიები, გამოსახლებისა და უსახლკარობის პრევენციისა და აღმოფხვრის საკითხებზე შესაბამისი სახელმწიფო უწყებების ვალდებულებები“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. საქართველოს სტრატეგიის და საერთაშორისო ურთიერთობების კვლევის ფონდი აქვეყნებს შოთა უტიაშვილის ბლოგპოსტს: რა კავშირია ნატოსა და აფხაზეთის დაბრუნებას შორის?.  „ამ კითხვას ბევრნაირ პასუხს სცემენ, მაგრამ საბოლოო ჯამში ყველაფერი დაიყვანება იქამდე, რომ რუსეთს უფრო სწრაფად შეუძლია მთელი საქართველოს სამხედრო ოკუპაცია, ვიდრე ნატოს - საქართველოში ჯარების გადმოსროლა და მისთვის გადამწყვეტი სამხედრო დახმარების გაწევა. ანუ, რომ წარმოვიდგინოთ სცენარი, სადაც ხვალ ნატომ გამოაცხადა, რომ იღებს საქართველოს და ზეგ რუსეთი თავს დაგვესხას, საქართველო ვერ შეძლებს ნატოს მაშველი ძალის მოსვლამდე თავის დაცვას“, ნათქვამია ფონდის ვებგვერდზე.  სრულად... წყარო: www.gfsis.org

2019 წლის 5 მარტს ამოქმედდა „შრომის უსაფრთხოების შესახებ“ საქართველოს ორგანული კანონი, რომელიც ადგენს სამუშაო ადგილზე შრომის უსაფრთხოების ძირითად მოთხოვნებსა და პრევენციული ღონისძიებების პრინციპებს. გარდამავალ ეტაპზე კანონი ვრცელდებოდა მხოლოდ მომეტებული საფრთხის შემცველ მძიმე, მავნე და საშიშპირობებიან სამუშაოებზე. თუმცა, 2019 წლის 1 სექტემბრიდან კანონის მოქმედება გავრცელდა ყველა დამსაქმებელზე, მათ შორის ყველა კერძო სამართლის იურიდიულ პირზე, ფიზიკურ პირსა და პირთა გაერთიანებაზე. კანონი სხვა ვალდებულებებთან ერთად, ითვალისწინებს დამსაქმებლის ვალდებულებას - დანიშნოს ან მოიწვიოს სერტიფიცირებული შრომის უსაფრთხოების სპეციალისტი (პირი რომელსაც გავლილი აქვს კანონით გათვალისწინებული აკრედიტებული სპეციალური პროგრამა). შრომის უსაფრთხოების სპეციალისტის ფუნქციაა შრომის უსაფრთხოების ღონისძიებების დანერგვა და მართვა. დამსაქმებელს, რომელსაც 20 ან ნაკლები დასაქმებული ჰყავს, შეუძლია პირადად შეასრულოს შრომის უსაფრთხოების სპეციალისტის პროფესიული მოვალეობები (იმ პირობით, რომ მას გავლილი აქვს კანონით გათვალისწინებული აკრედიტებული პროგრამა). თუ დამსაქმებელს 20-დან 100-მდე დასაქმებული ჰყავს, იგი ვალდებულია ჰყავდეს არანაკლებ 1 შრომის უსაფრთხოების სპეციალისტი, ხოლო 100 ან მეტი დასაქმებულის ყოლის შემთხვევაში დამსაქმებელი ვალდებულია შექმნას შრომის უსაფრთხოების სამსახური არანაკლებ 2 შრომის უსაფრთხოების სპეციალისტით.

თბილისი. 16 სექტემბერს, 14:30 საათზე, ევროპის ფონდის ოფისში (კავსაძის #3, მე-2 სართული), ღია კარის საგრანტო პროგრამის თაობაზე, საინფორმაციო შეხვედრა გაიმართება.  დაინტერესებულ სამოქალაქო საზოგადოების ორგანიზაციებს ღია კარის საგრანტო მექანიზმის პირობებსა და კრიტერიუმებს გააცნობენ და კონკრეტულ საპროექტო იდეასთან დაკავშირებულ შეკითხვებზე უპასუხებენ.  სრულად  წყარო: გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრის (EMC) ინფორმაციით, ბათუმის მეჩეთის საქმეზე დასკვნითი სხდომა ბათუმის საქალაქო სასამართლოში ხვალ, 12 სექტემბერს, 10:00 საათზე დაიწყება.  „დიდი ალბათობით, საქმეზე გადაწყვეტილებაც სწორედ ხვალ გამოცხადდება“. სრულად...  წყარო: emc.org.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციის თანახმად, 2019 წელს (იანვარი-ივლისი) დანაშაულის რიცხვი 17,23%-ით გაიზარდა.  „2019 წელს ასევე, უარყოფითი ტენდენციაა დანაშაულის გახსნის თვალსაზრისით, რომლის მაჩვენებელი 2018 წელთან შედარებით, დაახლოებით 4%-ით გაუარესდა. შესაბამისად, თანაბარი მეთოდოლოგიის და აღრიცხვიანობის პირობებშიც დანაშაულის რიცხვი კვლავ ზრდას განაგრძობს, ხოლო მისი გახსნის მაჩვენებლები შემცირებას“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. პარტნიორობა ადამიანის უფლებებისთვის (PHR) აქვეყნებს ლიზა ქორიძის ბლოგ პოსტს: როგორ გავხდი დიდი.  „პირველად შერლოკ ჰოლმსი რომ წავიკითხე, ალბათ, 10-11 წლის ვიყავი. მაშინვე მივხვდი, რისი კეთება მინდოდა მთელი ცხოვრება, ოღონდ იმ დროს ამას სხვა სახელს ვარქმევდი. ნელ-ნელა გავაცნობიერე, რომ მარტივი არ არის იყო შერლოკი, თუ ასეთად არ იბადები, მაგრამ ამას ხელი არ შეუშლია ჩემთვის. იმდენად მინდოდა უსამართლობის წინააღმდეგ ბრძოლა, რომ ყველას და ყველაფერს ვუპირისპირდებოდი, ოღონდ სამართალზე ჩამებარებინა“, ნათქვამია ბლოგ პოსტში.  სრულად... წყარო: phrgeorgia.wordpress.com

თბილისი. საქართველოს ახალგაზრდა იურისტთა ასოციაცია (საია) იურიდიული დახმარების ცენტრში თანაშემწეთა/სტაჟიორთა შესარჩევად გამოცხადებულ კონკურსში მონაწილე კანდიდატთა დიდი რაოდენობის გათვალისწინებით, კონკურსის პირველ ეტაპს (წერითი გამოცდა) რამდენიმე ნაკადად ჩაატარებს. „გთხოვთ, თანდართულ დოკუმენტში იხილოთ შესაბამისი გადანაწილებები“, ნათქვამია ორგანიზაციის ვებგვერდზე.  სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) საქართველოს ახალი პრემიერის მიერ ქვეყნის პარლამენტისთვის წარდგენილ სამთავრობო პროგრამას აფასებს.  „საქართველოს პარლამენტში უკვე წარდგენილია პრემიერ-მინისტრისა და მთავრობის განახლებული შემადგენლობა და სამთავრობო პროგრამა, რომელიც პრაქტიკულად იმეორებს ყოფილი პრემიერის, მამუკა ბახტაძის მიერ პარლამენტისთვის წარდგენილი იპროგრამის შინაარსს.პროგრამებს შორის მსგავსება მიანიშნებს იმაზე, რომ რეალურად, ახალ სამთავრობო გუნდს პოლიტიკის, პრიორიტეტებისა და ხედვის განახლებაზე არ უმუშავია და მთავრობის შემადგენლობის ცვლილებების მიზეზი რეალური სოციალური და პოლიტიკური ცვლილებების მიღწევა არც ყოფილა.პროგრამის ტექსტი, მათ შორის, არ პასუხს ბოლო თვეებში ქვეყანაში გამოვლენილ ღრმა კრიზისს, რომელიც სახელმწიფო ინსტიტუტებისა და პოლიტიკური სისტემის დემოკრატიულ ფუნციონირებას უკავშირდება. ამ პირობებში, სამთავრობო პროგრამას უფრო ტექნიკური მნიშვნელობა აქვს და ის რაციონალური პოლიტიკური განხილვისა და ამ პროცესში საპარლამენტო კონტროლის რეალურ მნიშვნელობას ვერ ატარებს“, - ვკითხულობთ შეფასებაში.  სრულად  წყარო: ორგანიზაციის ვებგვერდი

თბილისი. სამოქალაქო საზოგადოების ორგანიზაციები მოუწოდებენ პარლამენტის წევრებს ნდობა არ გამოუცხადონ გიორგი გახარიას კანდიდატურას.  „მიგვაჩნია, რომ – სულ მცირე – მანამ, სანამ მკაფიოდ არ დადგინდება 20-21 ივნისის აქციის ძალადობრივი დაშლის საქმეზე მინისტრის პასუხისმგებლობის სახე და ფარგლები, პარლამენტმა თავი უნდა შეიკავოს გახარიას აღმასრულებელი ხელისუფლების უმაღლესი ორგანოს ხელმძღვანელის თანამდებობაზე დანიშვნისგან. პარლამენტის მიერ ამ პასუხისმგებლობის აღება, დამატებით ბიძგს მისცემს მმართველ პოლიტიკურ ძალას, საზოგადოებრივ აზრთან კონსენსუსით შეარჩიოს პრემიერ-მინისტრობის ღირსეული კანდიდატი და 2020 წლის პროპორციული საპარლამენტო არჩევნების მშვიდობიანი ჩატარება უზრუნველყო“, ნათქვამია ერთობლივ განცხადებაში.  სრულად... წყარო: gyla.ge

თბილისი. საქართველოს სტრატეგიის და საერთაშორისო ურთიერთობების კვლევის ფონდი აქვეყნებს შოთა უტიაშვილის ბლოგპოსტს: ანტისაოკუპაციო პოლიტიკის ახალი აქცენტები. „ცხადია, მხოლოდ რამდენიმე ოჯახის გამოძევებაზე რომ იყოს საუბარი, ეთნიკურ წმენდად კვალიფიცირება არასერიოზული იქნებოდა, მაგრამ ჩვენ გვაქვს ყველა მტკიცებულება, რომ, როგორც მინიმუმ, 2008 წლიდან რუსეთი და მისი მარიონეტული რეჟიმი „სამხრეთ ოსეთის“ ტერიტორიაზე ატარებს ქართველების ეთნიკური წმენდის მიზანმიმართულ პოლიტიკას, რომლის მსხვერპლიც უკვე გახდა 25 ათასზე მეტი ეთნიკური ქართველი. ქართული სოფლები ჯერ გადაწვეს, მერე დაანგრიეს და ბოლოს გადახნეს. სოფელ ერედვის ტერიტორიაზე, იქ, სადაც ათასზე მეტი ქართული ოჯახი ცხოვრობდა, აწყობენ ნაგავსაყრელს. მტკიცებულება იმდენია, რომ მათ ჩამოთვლას აზრი არა აქვს“, ნათქვამია ბლოგპოსტში.  სრულად... წყარო: www.gfsis.org

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს დავით გოგიშვილის სინთეზურ შესავალს თარგმანზე: კუმშვადი ქალაქები: გლობალიზაციის ურბანული გამოწვევები. „საშუალო და მცირე ზომის საქალაქო დასახლებები ხშირად კარგავენ მაცხოვრებლებს. ეს მნიშვნელოვანი ცვლილება გლობალიზაციის და მსოფლიო ეკონომიკური სისტემის ცვლილების გავლენით ხდება და გამოკვეთილ სივრცით და დემოგრაფიულ ხასიათს ატარებს. თუმცა, ეს პროცესი არათანაბარი, სივრცობრივად უთანასწოროა“, ნათქვამია ორგანიზაციის ვებგვერდზე. სრულად... წყარო: emc.org.ge