აჭარა. 23 ივნისს ახალგაზრდული ორგანიზაციის „არტ ვეის" ორგანიზებით ბათუმის მუსიკალურ ცენტრში გაიმართა ცნობილი კინოდოკუმენტალისტისა და კინომუსიკოსის – ბრუნო მონსანჟანის ფილმის ჩვენება. ფილმი  ჩვენების დასრულების შემდეგ გაიმართა შეხვედრა ფილმის ავტორთან. წყარო:ორგანიზაციის გვერდი სოციალურ ქსელში

იმერეთი. 22 ივნისს საქართველოს ახალგაზრდა იურისტთა ასოციაციის ქუთაისის ფილიალის რიგგარეშე საერთო კრება გაიმართა. კრებას ქუთაისის ფილიალის ოცამდე წევრი დაესწრო. საერთო კრებაზე განიხილეს და დაამტკიცეს ფილიალის დებულება. წყარო:ორგანიზაციის გვერდი სოციალურ ქსელში

კახეთი. 23 ივნისს ნუკრიანის საკვირაო სკოლის ახალგაზრდებმა დასუფთავების აქცია მოაწყეს. ახალგაზრდებმა დაასუფთავეს სკვერი, სადაც სათემო კავშირი „ნუკრიანი" საზაფხულო კაფეს გამართავს.  წყარო:ნუკრიანის სახელოსნოების გვერდი სოციალურ ქსელში

თბილისი.ინფორმაციის თავისუფლების განვითარების ინსტიტუტმა სახალხო დამცველის აპარატიდან მიღებული ინფორმაცია გამოაქვეყნა. აპარატმა სრულყოფილად გასცა პასუხი ორგანიზაციის მოთხოვნას. ვებგვერდზე განთავსდა ინფრომაცია  თანამდებობის პირების პრემიების, თანამშრომლების პრემიების, მოქმედი საშტატო ნუსხისა და თანამდებობრივი სარგოს, ორგანიზაციის ბალანსის, ავტოპარკის ხარჯების, საკუთარი განცხადების საფუძველზე განთავისუფლებული თანამშრომლების, ხელმძღვანელობის მიერ განთავისუფლებული თანამშრომლების, დაფინანსებული ღონისძიებების, სამივლინებო ხარჯების, 2012 წლის 20 ოქტომბრიდან დანიშნული თანამდებობის პირების ბიოგრაფიული მონაცემების, შიდა აუდიტის ანგარიშის, საჯარო ინფორმაციის გაცემის ანგარიშების შესახებ. სრულად წყარო: opendata.ge

თბილისი.საერთაშორისო გამჭვირვალობა-საქართველო სწავლობს 2005-2012 წლებში პრეზიდენტის მიერ პირდაპირი განკარგვის წესით კერძო პირებისთვის სიმბოლურ თანხად 1 ლარად გადაცემულ ქონებას.  „დოკუმენტაციის შესწავლისას გამოიკვეთა კერძო პირთა სია, რომლებსაც უსასყიდლოდ და ყოველგვარი საინვესტიციო პირობის გარეშე გადაეცათ ქონება. აღნიშნულ პირთა სიაში შედის პრეზიდენტის მიერ ხსენებული ლევან ქარდავა. 2011 წლის 16 ნოემბერს პრეზიდენტის  განკარგულებით ლევან ქარდავას 1 ლარად გადაეცა 2501 კვადრატული მეტრი არასასოფლო-სამეურნეო დანიშნულების მიწის ნაკვეთი კოჯორში.  აღნიშნული ქონება საჯარო რეესტრის ეროვნული სააგენტოში ლევან ქარდავას სახელზეა რეგისტრირებული და მის თანამდებობრივ დეკლარაციაშიაც არის აღნიშნული", ნათქვამია ორგანიზაციის ვებგვერდზე. სრულად წყარო: transparency.ge

თბილისი. ლიბერალიზმის სასწავლო ცენტრში 19 ივნისს გაიმართა ლევან ბერძენიშვილის  საჯარო ლექცია. ლექციის თემა იყო პიროვნების ჩამოყალიბების მამარდაშვილისეული კონცეფცია. მათთვის, ვისაც სურს რომ მოისმიონს ლექციის ჩანაწერი ჟურნალმა „ლიბერალმა" თავის ვებგვერდზე განათავსა ლევან ბერძენიშვილის ლექციის ამსახველი ვიდეო. ლევან ბერძენიშვილის საჯარო ლექცია (ნაწილი 1)

თბილისი.ინფორმაციის თავისუფლების განვითარების ინსტიტუტმა ხორვატიისა და საქართველოს ინფორმაციის თავისუფლებასთან დაკავშირებული კანონმდებლობების შედარებითი–სამართლებრივი ანალიზი გამოაქვეყნა. სტატია წარმოადგენს საქართველოსა და ხორვატიის 2013 წლის 15 თებერვალის ინფორმაციის ხელმისაწვდომობის უფლების შესახებ ახალი კანონის შედარებით-სამართლებრივ ანალიზს და უზრუნველყოფს საქართველოს კანონმდებლობაში შესატანი ცვლილებების თაობაზე რეკომენდაციების წარმოდგენას საჯარო დაწესებულებაში დაცული ინფორმაციის ხელმისაწვდომობის გაუმჯობესების მიზნით. სტატიაში შედარებით-სამართლებრივ კონტექსტში განხილულია შემდეგი საკითხები: ინფორმაციის მფლობელები, პროაქტიული გამოქვეყნება, ინფორმაციის ხელმისაწვდომობის უფლების შეზღუდვები და პროპორციულობისა და საჯარო ინტერესის ტესტი, ინფორმაციის ხელმისაწვდომობის პირობები და პროცედურები, ინფორმაციის ხელმისაწვდომობაზე ზედამხედველობის მექანიზმი და ინფორმაციის გაცემის დარღვევისათვის პასუხისმგებლობა, ასევე ინფორმაციის ხელახლა გამოყენების ინსტიტუტი. სრულად წყარო: www.idfi.ge

თბილისი. საბჭოთა წარსულის კვლევის ლაბორატორიამ მორიგი ზეპირი ისტორია გამოაქვეყნა. ისტორია ჩაწერილია გორში. ისტორია ჩაწერილია გორში და მას ყვება მზიური ოქროპირიძე, რომელიც მშობლებთან და ძმასთან ერთად გადაასახლეს ყაზახეთში 1951 წელს, მამის ტყვედნამყოფობის საბაბით. ზეპირი ისტორია #12  წყარო:sovlab.ge

შიდა ქართლი. 20 ივნისს ლტოვილთა საერთაშორისო დღე აღნიშნეს ასოციაცია გორის ინვალიდთა კლუბთან არსებულმა ახალგაზრდული ცენტრის წევრებმა. ცენტრის წევრები შეზღუდული შესაძლებლობების მქონე ბავშვებთან ერთად სკრის დევნილთა ჩასახლებას სტუმრობდნენ, სადაც ცხოვრობენ დევნილები ლიახვის ხეობიდან. ახალგაზრდულმა ცენტრმა მათთან ჯანდაცვის სპეციალისტები ჩაუყვანეს. ჩართული. აქტივობა დაიგეგმა „ეროვნული ინტეგრაციის გაძლიერება საქრთველოში" პროექტის ფარგლებში, რომელიც ხორციელდება საქართველოს გაეროს ასოციაციის მიერ, აშშ-ს საერთაშორისო განვითარების სააგენტოს (USAID) მხარდაჭერით. გორში პროექტის პარტნიორი ორგანიზაციაა გორის ინვალიდთა კლუბი. წყარო: ორგანიზაციის გვერდი სოციალურ ქსელში

თბილისი. ჰაინრიჰ ბიოლის ფონდის სამხრეთ კავკასიის რეგიონული ბიუროს ინიციატივით თბილისში ჩატარებული საერთაშორისო კონფერენციის – „გამადიდებელი შუშით დანახული გენდერის წახნაგები" კრებულის სახით გამოიცა. კრებულში შესულია მოხსენებების მხოლოდ ნაწილი, რომელიც მკვლევარებმა და აქტივისტებმა კონფერენციაზე წაიკითხეს. მსურველებს დღეიდან კრებულის შეძენა თბილისისა და ბათუმის წიგნების მაღაზიებში შეეძლებათ. წყარო: ორგანიზაციის გვერდი სოციალურ ქსელში

თბილისი. ახალგაზრდა იურისტთა ასოციაციამ, საერთაშორისო გამჭვირვალობამ და სამართლიანმა არჩევნებმა 20 ივნისს შსს–ში გამართული შეხვედრის შესახებ განცხადება გაავრცელეს.  „მიზანშეწონილი იქნებოდა, თუ შინაგან საქმეთა სამინისტროს მიერ დაგეგმილი შეხვედრა უფრო მეტად საქმიან ხასიათს მიიღებდა. ამ მიმართებით უმჯობესი იქნებოდა თუ სამინისტრო წარმოადგენდა დასაბუთებულ ანალიტიკურ ანგარიშს აღნიშნული ვიდეო კადრების გამოძიების მიმდინარეობის შესახებ....შეხვედრის დაწყებამდე მნიშვნელოვანი იყო მიგვეღო შესაბამისი გარანტიები იმისა, რომ ვიდეო კადრები საკმარისად დაფარული იყო და მინიმალურადაც კი არ იძლეოდა პირების იდენტიფიცირების შესაძლებლობას. ამგვარ გარანტიებს არსებითი მნიშვნელობა ჰქონდა მით უფრო იმ პირობებში, რომ შეხვედრის დამსწრე პირებს გააჩნდათ შესაბამისი ტექნიკა და ამ კადრების გადაღებისა და გავრცელების რისკები არსებობდა", ნათქვამია გავრცელებულ განცხადებაში. სრულად წყარო: gyla.ge

ქვემო ქართლი. პროექტის ,,სამოქალაქო ადვოკატირების ინიციატივა" ფარგლებში, ,,სიდასა" და რუსთავის საზოგადოებრივი საბჭოს ორგანიზებით, 20 ივნისს,  საზოგადოებრივ საბჭოსა და ადგილობრივ მოსახლეობას შორის შეხვედრა გაიმართა. შეხვედრის მიზანი იყო ადგილობრივი მოსახლეობისათვის აქტუალური პრობლემების გამოკვეთა შემდგომში ადგილობრივ თვითმმართველობასთან მათი ადვოკატირების მიზნით. შეხვედრის დროს საბჭოს წევრებმა გააცნეს მოსახლეობას საბჭოს მიზნები, ამოცანები და დაგეგმილი საქმიანობა. პროექტი „სამოქალაქო ადვოკატირების ინიციატივა" ხორციელდება აშშ საერთაშორისო განვითარების სააგენტოს (USAID) დემოკრატიული მმართველობის პროექტის მხარდაჭერით. სრულად წყარო: cida.ge

21 ივნისს, 16:00 საათზე, გაიმართება არასამთავრობო ორგანიზაცია „კონსტიტუციის 42-ე მუხლის" დაარსებიდან 15 წლის იუბილესადმი მიძღვნილი ღონისძება. მისამართი: თბილისი, სასტუმრო ამბასადორი

თბილისი. საქართველოს ჟურნალისტური ეთიკის ქარტიამ, 20 ივნისს საღამოს, სოციალურ ქსელში განცხადება განათავსა. „შინაგან საქმეთა სამინისტროს საზოგადოებასთან ურთიერთობის სამსახურის მხრიდან უკმაყოფილება მოჰყვა, როგორც ქარტიის წევრი ჟურნალისტების კომენტარებს, იმის შესახებ, რომ უწყებაში გამართული ჩვენება ქმნიდა კადრებზე ასახული ადამიანების იდენტიფიცირების საფრთხეს, ასევე ჟურნალისტური ეთიკის ქარტიის განცხადებას... ჟურნალისტური ეთიკის ქარტია მიმართავს შინაგან საქმეთა სამინისტროს, მეტი სიფრთხილე და ზომიერება გამოიჩინონ როგორც მედიასთან, ისე არასამთავრობო სექტორთან ურთიერთობისას", ნათქვამია ქარტიის გვერდზე. სრულად წყარო:ორგანიზაციის გვერდი სოციალურ ქსელში

აჭარა. 19 და 20 ივნისს ღირსეულმა სიბერემ ჩაატარა საინფორმაციო სემინარი – „როგორ დავიწყოთ საკუთარი ბიზნესი". შეხვედრას ესწრებოდნენ 50–დან 65 წლამდე ასაკის ბენეფიციარები, რომლებიც საკუთარი მიკრო თუ მცირე ბიზნესის წამოწყებას გეგმავენ. სემინარები ჩატარდა პროექტ – „ხანდაზმულთა სოციალურ ცენტრის" ფარგლებში და ის ხანდაზმულთა თვითდასაქმების ხელშეწყობას ემსახურება. წყარო:ორგანიზაციის გვერდი სოციალურ ქსელში

შიდა ქართლი. ქალთა საინფორმაციო ცენტრის წარმომადგენლებმა ჩაატარეს შეხვედრა, რომელსაც შიდა ქართლის ჟურნალისტები დაესწრნენ. შეხვედრაზე მთავარი აქცენტი ქალთა საკითხების გაშუქებასა და გენდერულ ტემებზე გაკეთდა.  წყარო:ორგანიზაციის გვერდი სოციალურ ქსელში

21 ივნისს, 15:00 საათზე, „უფლებადამცველთა გაერთიანება" შს მინისტრთან არასამთავრობოებისა და მედიის შეხვედრის თაობაზე ბრიფინგს გამართავს. თემა: „ლუსტრაციის პროცესის დაწყება საქართველოში". მისამართი:თბილისი, კოსტავას 75გ (სასტუმრო „მორკინალთან")

საქართველოს წითელი ჯვრის საზოგადოების წარმომადგენლებმა შსს სპეციალური და საგანგებო ღონისძიებეის ცენტრის მართვის დეპარტამენტში უწყებათშორისო ვარჯიშში მიიღეს მონაწილეობა. ვარჯიშის – „ერთიანი ჰორიზონტი – 2013" –მიზანს წარმოადგენდა ბუნებრივი და ტექნოგენური ხასიათის აგანგებო სიტუაციებზე ეროვნული რეაგირების გეგმის მიხედვით, საგანგებო სიტუაციების დროს სამინისტროებისა და უწყებების ერთიანი და კოორდინირებული მუშაობის მექანიზმის დახვეწა.ვარჯიშის თანაორგანიზატორი იყო თავდაცვის სამინისტროს ეროვნული გვარდი, სხვადასხვა სამინისტროებისა და საქართველოს წითელი ჯვრის წარმომადგენლები. ვარჯიშის თანაორგანიზატორი იყო საქართველოს თავდაცვის სამინისტროს ეროვნული გვარდია და მასში ჩართულნი იყვნენ სხვადასხვა სამინისტროებისა და საქართველოს წითელი ჯვრის წარმომადგენლები. ვარჯიში ხორციელდებოდა აშშ-ს ჯორჯიის შტატის ეროვნული გვარდიისა და ევროპაში აშშ-ს სამხედრო სარდლობის მხარდაჭერითა და დაფინანსებით. წითელი ჯვრის საზოგადოების წარმომადგენლები აქტიურ მონაწილეობას იღებდნენ როგორც კრიზისების მართვის საუწყებათაშორისო ოპერატიულ ცენტრში, ასევე საველე ოპერაციების ცენტრში. წყარო: წითელი ჯვრის ვებგვერდი სოციალურ ქსელში

21 ივნისს, 14:00 საათზე სამოქალაქო მრჩეველთა საბჭოს ორგანიზებით  შპს  სოკარის ადმინისტრაცია საზოგადოებრივი დარბაზის წევრებს შეხვდება. მისამართი: ბათუმი, ფარნავაზ მეფის 62–64. ბათუმის დემოკრატიული ჩართულობის ცენტრი.

21 ივნისს, 13:00 საათზე,  ახალგაზრდა იურისტთა ასოციაციის თავმჯდომარემ კახა კოჟორიძე პრესკონფერენციას გამართავს. თემა: სამალავში აღმოჩენილი ვიდეო მასალები. მისამართი:თბილისი, პრაიმტაიმის პრესკლუბი

21 ივნისს, 12:30 საათზე, პოლიტიკისა და ანალიზის ცენტრის ხელმძღვანელი, ოთარ კახიძე პრესკონფერენციას გამართავს. მისამართი:თბილისი, აწყურის 41

21 ივნისს, 12:00 საათზე, თავისუფლებისა და დემოკრატიის განვითარების ინსტიტუტის აღმასრულებელი დირექტორი თეა თუთბერიძე პრესკონფერენციას გამართავს. მისამართი:თბილისი, აწყურის 41