21 ივნისს, 17:00 საათზე ჰაინრიჰ ბიოლის ფონდის სამხრეთ კავკასიის რეგიონული ბიურო აწყობს დისკუსიას: ქალაქი და მოქალაქეები. მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

თბილისი. საქართველოს ახალგაზრდა იურისტთა ასოციაცია 26 ივნისს, წამების მსხვერპლთა დაცვის საერთაშორისო დღეს საჯარო ლექცია/დისკუსიის ჩაატარებს. შეხვედრაზე დასწრება ნებისმიერ მსურველს შეუძლია. სრულად წყარო:ორგანიზაციის გვერდი სოციალურ ქსელში

თბილისი. ჟურნალისტური ეთიკის ქარტია ბავშვთა საკითხების გაშუქების მედიამონიტორინგს იწყებს. პროექტი გაეროს ბავშვთა ფონდის მხარდაჭერით ხორციელდება. მიმდინარე წლის ივნისის, ივლისის და აგვისტოს პერიოდში ქარტიის მკვლევრები 25 მედიასაშუალებას დააკვირდებიან, მათ შორის 10 ტელევიზიაა, 8 ელექტრონული და 7 ბეჭდური გამოცემა. ჟურნალისტური ეთიკის ქარტიის აღმასრულებელი დირექტორის განცხადებით, მონიტორინგის ქვეშ მოხვდება ყველა ის მასალა, რომელიც ბავშვის შესახებ მომზადდება. დააკვირდებიან რამდენად შეესაბამება გაშუქება  „მაუწყებელთა ქცევის კოდექსს", პროფესიულ და ეთიკურ სტანდარტებს. სრულად წყარო:media.ge

თბილისი. სასტუმრო „ქორთიარდ მარიოტში"  სასჯელაღსრულების, პრობაციისა და იურიდიული დახმარების საკითხთა სამინისტრომ და ფონდმა „ღია საზოგადოება-საქართველომ" სასჯელაღსრულების დაწესებულებებში C ჰეპატიტის პრევენციის, დიაგნოსტირებისა და მკურნალობის პროგრამული დოკუმენტი წარადგინეს. პროგრამა სასჯელაღსრულების სისტემისთვის ფონდ  „ღია საზოგადოება საქართველოს" მხარდაჭერით  ქართველმა და უცხოელმა ექსპერტებმა შეიმუშავეს.   პროგრამული დოკუმენტის განხილვა  მოხდება  სამოქალაქო საზოგადოებასთან, რის შემდეგაც ის მთავრობას და დონორ ორგანიზაციებს დასაფინანსებლად   წარედგინებათ. სრულად წყარო: mcla.gov.ge

თბილისი. ჟურნალისტური ეთიკის ქარტია შეშფოთებულია იმ ფორმებით, როგორც შინაგან საქმეთა სამინისტრომ სამეგრელოში აღმოჩენილი მასალები დღეს მედიასა და არასამთავრობო სექტორს წარუდგინა. „ეთიკის ქარტია მიმართავს მედიის წარმომადგენლებს, განსაკუთრებული სიფრთხილით მოეკიდონ უკანონოდ მოპოვებული ფარული ვიდეოჩანაწერების შესახებ ინფორმაციის გავრცელებას, გამოიჩინონ თუნდაც სახელმწიფო სტრუქტურებზე მეტი კეთილგონიერება და დაიცვან მასზე ასახული ადამიანების, როგორც მსხვერპლის, ისე მოძალადის ანონიმურობა", ნათქვამია ორგანიზაციის მიერ გავრცელებულ განცხადებაში. სრულად წყარო: qartia.org.ge

თბილისი. 20 ივნისს, საქართველოს რეგიონული განვითარებისა და ინფრასტრუქტურის მინისტრი არასამთავრობო სექტორის წარმომადგენლებს შეხვდა. შეხვედრაზე სამინისტროს წარმომადგენლებმა მესამე სექტორს გააცნეს  2013 წლის პირველი კვარტლის ანგარიში, რეგიონებში განსახორციელებელი პროექტების ფონდისა და სოფლის მხარდაჭერის პროგრამის ფარგლებში განსახორციელებელი პროექტები. ასევე წარმოადგინეს სამინისტროს 6 თვის ანგარიში საჯარო ინფორმაციის მოთხოვნის დაკმაყოფილების შესახებ.  ანგარიშების წარმოდგენის შემდგომ გაიმართა დისკუსია კითხვა–პასუხის რეჟიმში. შეხვედრის ბოლოს საქართველოს რეგიონული განვითარებისა და ინფრასტრუქტურის სამინისტრომ სამოქალაქო საზოგადოების რეგიონული ქსელის ფასილიტატორ სამოქალაქო განვითარების სააგენტო „სიდასთან" ურთიერთთანამშრომლობის მემორანდუმი გააფორმა.

აჭარა. 19 ივნისს, აჭარის რადიოს ახალი პროექტის ფარგლებში პირველი გადაცემა გავიდა. პროექტით გათვალისწინებულია საზოგადოებრივი ორგანიზაციებისთვის საეთერო დროის დათმობა. პირველი გადაცემის  წამყვანი სამოქალაქო საზოგადოების ინსტიტუტის ბათუმის ფილიალის წარმომადგენელი ნათია აფხაზავა იყო, ხოლო  სტუმრები: თავისუფალ ჟურნალისტთა სახლის ხელმძღვანელი ასლან ჭანიძე, ახალგაზრდული ორგანიზაცია „არტ ვეის" წარმომადგენელი ნინო ჩხაიძე, საერთაშორისო გამჭვირვალობა - საქართველოს წარმომადგენელი გვანცა დავითაშვილი და აჭარის მთავრობის თავმჯდომარის თანაშემწე ხათუნა ნაყეური. გადაცემის თემა თანამშრომლობა სამოქალაქო სექტროსა და ხელისუფლებას შორის. საზოგადოებრივმა ორგანიზაციებმა ერთი საათის განმავლობაში ისაუბრეს სამოქალაქო კუთხით არსებულ პრობლემებსა და გამოწვევებზე. სურვილის შემთხვევაში  ყველა საზოგადოებრივ ორგანიზაციას შეუძლია პროექტში ჩართვა.

მცხეთა–მთიანეთი. 20 ივნისს ბაზალეთში , „სამოქალაქო განათლების საზაფხულო ბანაკი - 2013" -ის პირველი ნაკადი დაიწყო. ბანაკი „სამოქალაქო განათლებისა და პედაგოგთა გადამზადების პროგრამის" ფარგლებში ხორციელდება, რომელსაც აფინანსებს USAID - აშშ საერთაშორისო განვითარების სააგენტო, ხოლო პროგრამას საქართველოში ახორციელებს PH-International. ბანაკის ორგანიზატორია სიქა - საგანმანათლებლო ინიციატივების ქართული ასოციაცია, რომელიც ამავდროულად პროგრამის პარტნიორი ორგანიზაციაა ქვემო ქართლის რეგიონში. „სამოქალაქო განათლების საზაფხულო ბანაკი 2013-ში" მონაწილეობას იღებენ მოსწავლეები და პედაგოგები საქართველოს 11 რეგიონიდან. ბანაკის სამ ნაკადად წარიმართება და სულ მონაწილეობას მიიღებს 276 მონაწილე - სასკოლო სამოქალაქო კლუბების აქტიური წევრები, რომლებიც წლის განმავლობაში ინიცირებას უკეთებენ და ახორციელებენ სხვადასხვა სახის სამოქალაქო აქტივობებს. ბანაკის განმავლობაში მონაწილეებს უტარდებათ ტრენინგები სამოქალაქო აქტივობების დაგეგმვისა და განხორციელების კუთხით, წერენ პროექტებს, რომლებსაც განახორციელებენ თავიანთ სამოქალაქო კლუბებში სასწავლო წლის განმავლობაში. ბანაკის ყოველი დღე დატვირთულია სახალისო - შემეცნებითი საბანაკე აქტივობებით, რაც ხელს უწყობს სხვადასხვა რეგიონის მოსწავლეების დაახლოებას. წყარო: ორგანიზაციის გვერდი სოციალურ ქსელში

თბილისი. „ინტერნიუს საქართველოს" მონიტორებმა დაიწყეს საქართველოს საპრეზიდენტო არჩევნების წინა პერიოდში 12 ქართული რადიოსადგურის საინფორმაციო გამოშვებების მონიტორინგი ჩატარდება, როგორც რაოდენობრივი ისე თვისობრივი კვლევა, რომელიც მომდინარე წლის 15 ივნისიდან 15 ნოემბრამდე პერიოდს მოიცავს. სრულად  წყარო: media.ge

სამეგრელო. 19 ივნისს, ასოციაცია ათინათის ახალგაზრდული ცენტრი „ორტუსის" წევრებმა ჩაატარეს პრეზენტაცია ახალგაზრდული ცენტრის მუშაობის შესახებ. პრეზენტაციაზე ყურადღება გამახვილდა პროექტის მიზნებზე. პრეზენტაციის  მიზანი იყო  დაინტერესება ცენტრის საქმიანობით და მუშაობით. პრეზენტაციას ესწრებოდა ზუგდიდის რაიონის სხვადასხვა სკოლის 30-მდე ახალგაზრდა. წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა ზოგადი ადმინისტრაციული კოდექსით განსაზღვრული საჯარო კონსულტაციების წესის სრულყოფის წინადადებები გამოაქვეყნა. „მიუხედავად იმისა, რომ გარკვეულწილად საქართველოს ზოგადი ადმინისტრაციული კოდექსი ითვალისწინებს ადმინისტრაციული წარმოების პროცესში დაინტერესებული მხარეების ჩართულობას, ვფიქრობთ, სათანადოდ არ არის გაწერილი იმგვარი ქმედითი პროცედურები, რომლებიც უფრო ხელმისაწვდომს გახდიან ინფორმაციის მიღებას, გაამარტივებენ ინფორმაციის გავრცელების და საკუთარი მოსაზრებების წარდგენის პროცესს, ასევე უზრუნველყოფენ ოფიციალური წარმოების დაწყებამდე ყველა დაინტერესებული ჯგუფის მონაწილეობას პროცესში. ვფიქრობთ, რომ უნდა მოხდეს საუკეთესო საერთაშორისო პრაქტიკის დანერგვა ზოგად ადმინისტრაციულ კოდექსში ცვლილებების შეტანის გზით, კერძოდ, იმ სფეროებთან დაკავშირებით სადაც პირთა ფართო წრის ინტერესებია მოაზრებული", ნათქვამია ორგანიზაციის ვებგვერდზე. ზოგადი ადმინისტრაციული კოდექსით განსაზღვრული საჯარო კონსულტაციების წესის სრულყოფის წინადადებები წყარო: idfi.ge

იმერეთი. სამეცნიერო-ინტელექტუალური კლუბი „თაობათა დიალოგი" ახორციელებს პროექტს სახელწოდებით „ანტი-ბეთი", რომელიც ითვალისწინებს აზარტულ თამაშებში არასრულწლოვანთა ჩართულობის მაჩვენებლის პროცენტების შემცირებას და შესაბამის კანონში მუხლობრივი ცვლილებების შესატანად რეკომენდაციების მომზადებას. აღნიშნული პროექტის ფარგლებში მათ აზარტული თამაშების წინააღმდეგ აქცია–პერსფომანსი მოაწყვეს და ვიდეო–რგოლი დაამზადეს. ვიდეო–რგოლი წყარო:ორგანიზაციის გვერდი სოციალურ ქსელში

თბილისი.  პარლამენტის გენდერული თანასწორობის საბჭოსა და გაეროს ქალთა ორგანიზაციის (UN Women) პროექტის „ქალები თანასწორობის, მშვიდობისა და განვითარებისათვის" ინიციატივით სპეციალური საინფორმაციო შეხვედრა გაიმართა. საინფორმაციო შეხვედრა მიეძღვნა შიდა ქართლში ადმინისტრაციულ სასაზღვრე ზოლთან მიმდებარე სოფლებში ქალთა საჭიროებების მხრივ არსებულ სიტუაციას.  წყარო: ქალები თანასწორობის, მშვიდობისა და განვითარებისათვის გვერდი სოციალურ ქსელში

თბილისი. სამოქალაქო საზოგადოების ინსტიტუტი 25 ივნისს ჟურნალისტთა კონკურსში გამარჯვებულებს დააჯილდოვებს.  კონკურსი საზოგადოებრივი პრობლემების გაშუქებაზე გაიმართა ოთხ ნომინაციაში: საუკეთესო სტატია, საუკეთესო ტელე–სიუჟეტი, საუკეთესო რადიო–სიუჟეტი, საუკეთესო ფოტო ნამუშევარი. გამარჯვებულთა დაჯილდოვება გაიმართება 25 ივნისს, 15:00 საათზე, სასტუმრო თბილისი მარიოტში.

თბილისი. ინფორმაციის თავისუფლების განვითარების ინსტიტუტმა გამოაქვეყნა კონკურენციისა და სახელმწიფო შესყიდვების სააგენტოდან მიღებული ინფორმაცია. ინსტიტუტის ვებ გვერდზე დაინტერესებულ პირებს შეუძლიათ გაეცნონ სააგენტოდან მიღებულ შემდეგ ინფორმაციას: თანამშრომლების პრემიების, საშტატო ნუსხისა და თანამდებბრივი სარგოს, ორგანიზაციის ბალანსის და ავტოპარკის ხარჯების შესახებ, ინფორმაციას სამივლინებო ხარჯების და ა.შ. სრულად წყარო: opendata.ge

ევროპის კულტურულმა ფაბრიკამ დაიწყო მუშაობა. მისი პირველი აქტივობა ქუჩის არტ ფესტივალი „არტ აქტივმა" სტარტი 16 ივნისს ზუგდიდში აიღო. ფესტივალი მიზნად ისახავს ევროპული ქალაქების მემკვიდრეობის გაზიარებას. ფესტივალი საზოგადოებას აცნობს ქუჩის ხელოვნების საუკეთესო ნიმუშებს ევროპი სხვადასხვა ქვეყნიდან. ქუჩის არტ ფესტივალი თოთეულ ქალაქს აძლევს საშუალებას აჩვენოს საკუთარი ინდივიდუალური იდენტობა და სული. ფესტივალი საშუალებას იძლება საფუძველი ჩაუყაროს ურბანული ხელოვნების ტრადიციის ახალ ფორმას. ზუგდიდის შემდეგ, 3–4 აგვისტოს იგეგმება ღონისძიება მესტიაში, 15–17 ოქტომბერს რუსთავში. ევროპის კულტურული ფაბრიკის მიერ ორგანიზებული ღონისძიებები ხორციელდება ინტერნიუს საქართველოს მიერ. სრულად წყარო: ევროკავშირის წარმომადგენლობის ვებგვერდი

თბილისი. 20 ივნისს საზოგადოების ინიციატივით აქცია – „ნუ აყალბებ ჩემს უფლებებს!" სასტუმრო რედისონთან  გაიმართა გაიმართა.  სასტუმროში საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მუშაობის შემეჯამაბელი შეხვედრა მიმდინარეობს. „ჩვენი აქციის მიზანია პარლამენტის ადამიანის უფლებათა კომიტეტს და მის თავმჯდომარეს, ქალბატონ ეკა ბესელიას ვაჩვენოთ, რომ პეტიციას ნამდვილი ადამიანები აწერენ ხელს, რომლებსაც აქვთ ჩამოყალიბებული პოზიცია 17 მაისის მოვლენებთან დაკავშირებით", ნათქვამია „საზოგადოების" გვერდზე სოციალურ ქსელში. წყარო:„საზოგადოების" გვერდი სოციალურ ქსელში

თბილისი. საქართველოს დემოკრატიული ინიციატივის გამგეობის წევრმა, გიორგი მშვენიერაძემ,  მოუწოდა მედიასაშუალებების ხელმძღვანელებს,  არ წავიდნენ  შს სამინისტროში ადამიანთა წამების ამსახველი იმ ვიდეოების სანახავად, რომელიც სამეგრელოში იარაღის სამალავებში აღმოაჩინეს. „„საქართველოს კონსტიტუციით დაცულია ადამიანის პირადი საიდუმლოება. ამ ტიპის ინფორმაცია, მიუხედავად მისი მოპოვების ფორმისა,  წარმოადგენს პირად საიდუმლოებას. ეს ინფორმაცია დღეს არის სახელმწიფოს ხელში და მან არ უნდა განასაჯაროოს ეს მონაცემები. კადრების  განსაჯაროება ხდება  მათი გაცნობით ნებისმიერი  პირისათვის, ვინც  სამსახურებრივი მოვალეობით  არ არის დაკავშირებული ამ მასალების დამუშავებასთან. ასევე მისი განსაჯაროება დიდ ტკივილს მიააყენებს თავად დაზარალებულ პირებსაც", განაცხადა მშვენიერაძემ. სრულად წყარო: media.ge

თბილისი. ინფორმაციის თავისუფლების განვითარების ინსტიტუტმა საგადასახადო ომბუდსმენის აპარატიდან მიღებული ინფორმაცია გამოაქვეყნა. ვებგვერდზე განთავსდა ინფორმაცია თანამშრომლების პრემიების, მოქმედი საშტატო ნუსხისა და თანამდებობრივი სარგოს, ავტოპარკის ხარჯების, საფუძველზე  და ადმინისტრაციის მიერ განთავისუფლებული თანამშრომლების, დაფინანსებული ღონისძიებების, სამივლინებო ხარჯების, თანამდებობის პირების ბიოგრაფიული მონაცემების შესახებ. სრულად წყარო: opendata.ge

თბილისი. კავკასიური ფემინისტური ინიციატივა შვედური ფონდის KVINNA TILL KVINNA-ს ფინანსური მხარდაჭერით გაიხსნება საზაფხულო ფემინისტური სკოლა. 20 ივლისიდან 26 ივლისამდე (I ჯგუფი) და 26 ივლისიდან 31 ივლისამდე (II ჯგუფი) ანაკლიაში ჩატარდება საზაფხულო ფემინისტურ სკოლა. საზაფხულო სკოლის მსმენელთა შერჩევის მიზნით კავკასიური ფემინისტური ინიციატივა აცხადებს კონკურსს. სრულად წყარო: ginsc.net

ქვემო ქართლი. 18 და 19 ივნისს „სიდას" ინიციატივით ბოლნისში გაიმართა „პიროვნული განვითარების" ტრენინგი. ტრენინგში მონაწილეობა მიიღეს პირობითი მსჯავრის მქონე, განრიდებისა და მედიაციის პროგრამაში ჩართულმა არასრულწლოვნებმა და ადგილობრივი არასამთავრობო ორგანიზაციების წარმომადგენელმა ახალგაზრდებმა. ტრენინგი განხორციელდა პროექტის „არასრულწლოვანთა მართლმსაჯულების რეფორმის მხარდაჭერა ქვემო ქართლისა და სამცხე-ჯავახეთის ეროვნული უმცირესობების თემებში" ფარგლებში, რომელიც დაფინანსებულია ევროკავშირის მიერ. წყარო:ორგანიზაციის გვერდი სოციალურ ქსელში

20 ივნისს, 14:00 საათზე ეთიკის ქარტია და გაეროს ბავშვთა ფონდი გამართავენ ერთობლივ პრესკონფერენციას. თემა გაეროს ბავშვთა ფონდი და ჟურნალისტური ეთიკის ქარტია იწყებენ ერთობლივ პროექტს „ბავშვთა საკითხების გაშუქება მედიაში". მისამართი: თბილისი, ერისთავის 9, გაეროს სახლი