თბილისი. კავკასიის გარემოსდაცვითი არასამთავრობო ორგანიზაციების ქსელი (CENN) პროექტის „WASH ინიციატივა საქართველოში სოფლად მცხოვრები სოციალურად დაუცველი ქალებისა და ბავშვებისათვის“ ფარგლებში შემეცნებითი სამაგიდე თამაშის „მიაწოდე“ გაყიდვიდან შემოსული თანხით, რეგიონებში ყველაზე მოწყვლად ჯგუფებს დაეხმარება. „სამაგიდე თამაშის გაყიდვიდან შემოსული თანხა სრულად მოხმარდება საქართველოში მცხოვრებ სოციალურად დაუცველ ოჯახებს, მათთვის საკვები პროდუქტებისა და სხვა აუცილებელი საყოფაცხოვრებო ნივთების უზრუნველსაყოფად. “მიაწოდე” არის შემეცნებითი საოჯახო სამაგიდე თამაში, რომლის მიზანი მოთამაშეებისთვის სახალისო გზით სასმელ წყალზე და ჰიგიენაზე ინფორმაციის მიწოდებაა. თამაშში, მოთამაშეები, ქალაქში არსებული წყლის კომპანიების როლს ირგებენ და ცდილობენ, სოფლებსა და ქალაქებში წყლის ინფრასტრუქტურა განავითარონ და გაზარდონ მოსახლეობისთვის სასმელ წყალზე ხელმისაწვდომობა“. სრულად... წყარო: ორგანიზაციის გვერდი სოციალურ ქსელში

თბილისი. მაკლეინის ასოციაცია ბავშვებისთვის გთავაზობთ რამდენიმე თამაშს, რომელიც სწავლის პროცესს უფრო სახალისოსა და საინტერესოს გახდის. მაგ: „სამოსის დაჯგუფება“ - მიეცით ბავშვს სხვადასხვა სამოსის ფოტოები და სთხოვეთ მათი თემატური დაჯგუფება ფორმატის ქაღალდზე. მაგ: სთხოვეთ სამოსი სეზონების შესაბამისად გაანაწილოს, ან განასხვავოს სუფთა და ჭუჭყიანი სამოსი და სხვა. ფოტოების მოძიება შესაძლებელია ონლაინ სივრცეში ან შეგიძლიათ თავად გადაუღოთ ფოტოები ბავშვის, ან ოჯახის სხვა წევრების ტანსაცმელს“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

4 ივნისს, 12:00 საათზე, სექტორთა პარტნიორობის თემაზე გაიმართება დაინტერესებულ მხარეთა ფორუმი: „სექტორთა პარტნიორობა საზოგადოებრივი ღირებულების შესაქმნელად“. სრულად...

4 ივნისს, 19:00 საათზე, გაიმართება ლაივ ჩართვა თემაზე: რასიზმი, გაყოფილი საზოგადოება და სახელმწიფო ინსტიტუტების ჩავარდნა. სრულად...

4 ივნისს, 17:00 საათზე, ტოლერანტობისა და მრავალფეროვნების ინსტიტუტი (TDI) გიწვევთ რასიზმისა და ეთნიკური ნიშნით დისკრიმინაციაზე მომზადებული ვიდეოს ონლაინ პრეზენტაციასა და დისკუსიაზე. სრულად...

თბილისი. 30-31 მაისს გაიმართა სოლიდარობის პლატფორმის მეხუთე შეხვედრა. ღონისძიების ფარგლებში მიმდინარე დისკუსიები ეხებოდა რასიზმის კონცეფციას. „სოლიდარობის პლატფორმა აერთიანებს აქტივისტებს თბილისიდან, აჭარიდან, ქვემო ქართლიდან, პანკისიდან და სამცხე-ჯავახეთიდან და მიზნად ისახავს, რელიგიური და ეთნიკური უმცირესობებით დასახლებულ რეგიონებში მოღვაწე აქტივისტების ერთმანეთთან დაკავშირებას და საჯარო ცხოვრებაში მათი გავლენების და მონაწილეობის გაძლიერებას“. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი (IDF) აქვეყნებს კვლევას, რომელიც მიმოიხილავს საქართველოს ლობისტურ საქმიანობას 2015-2020 წლებში, რაც მოიცავს დადებული ხელშეკრულებების ანალიზსა და საქართველოდან განხორციელებული ფაქტობრივი გადარიცხვების შესახებ ინფორმაციას. სრულად... წყარო: idfi.ge

თბილისი. გაეროს განვითარების პროგრამის (UNDP) ხელშეწყობით, დევნილთა, შრომის, ჯანმრთელობისა და სოციალური დაცვის სამინისტრომ შეიმუშავა და დაამტკიცა სახელმძღვანელოები და პროტოკოლები, რომლებიც ხელს შეუწყობს პაციენტების უსაფრთხო მართვას ფსიქიკური ჯანმრთელობის სტაციონარულ და სტაციონარგარეთა სერვისებში.  სრულად... წყარო: ორგანიზაციის გვერდი სოციალურ ქსელში

თბილისი. მაკლეინის ასოციაცია ბავშვებისთვის (MAC Georgia) აქვეყნებს რეკომენდაციებს ყურადღების დეფიციტისა და ჰიპერაქტივობის სინდრომის მქონე ბავშვებისთვის.  „ყურადღების დეფიციტისა და ჰიპერაქტივობის სინდრომი ნეირობილოგიური საფუძვლის მქონე დარღვევაა, რომელიც ბავშვების დაახლოებით 5%-ს აღენიშნება და ყურადღების დეფიციტით, იმპულსურობითა და ჰიპერაქტივობით ვლინდება, თუმცა გარკვეულ შემთხვევებში იგი ჰიპერაქტივობის გარეშეც შეიძლება შეგვხდეს“. შეამცირეთ მხედველობითი და სმენითი გამაღიზიანებლები ბავშვის ოთახში; სასურველია, ბავშვს ცალკე ოთახი ჰქონდეს სამეცადინოდ. თუ ეს ვერ ხერხდება, სულ მცირე სამუშაო კუთხე მაინც უნდა ჰქონდეს სათანადოდ მოწყობილი და უმჯობესია თუ მეცადინეობისას ოთახში სხვა ოჯახის წევრები არ იქნებიან; დაუყავით ბავშვს სასკოლო თუ სხვა სახის დავალებები და წაახალისეთ; ნუ მოსთხოვთ დავალების მაგიდასთან შესრულებას. მიეცით უფლება, იჯდეს დივანზე, პუფზე... თუ თქვენს შვილს სკამზე ჯდომა უჭირს, გამოიყენეთ დამხმარე საშუალებები, რომელიც მას საშუალებას მისცემს დავალების შესრულების პარალელურად სხვადასხვა აქტივობაც აკეთოს... სრულად... წყარო: ორგანიზაციის გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი (EMC)” დასაქმების პოლიტიკასთან დაკავშირებით, 3 პოლიტიკის დოკუმენტს აქვეყნებს, რომლებიც საქართველოში არსებულ დასაქმების პოლიტიკას, შრომის ბაზრის სტრუქტურას, უმუშევრობასა და უმუშევართა მხარდამჭერ სოციალურ მექანიზმებს აანალიზებს. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტმა უნივერსალური პერიოდული მიმოხილვის მესამე ციკლის ფარგლებში გაერთიანებული ერების ორგანიზაციის ადამიანის უფლებათა საბჭოს ანგარიში წარუდგინა. ანგარიში შეეხება ისეთ საკვანძო და აქტუალურ საკითხებს, როგორიც არის: 1) მართლმსაჯულება და სამართლიანი სასამართლოს უფლება; 2) გამოხატვის თავისუფლება/ინფორმაციის ხელმისაწვდომობა; 3) პირადი ცხოვრების ხელშეუხებლობა. სრულად... წყარო: idfi.ge

თბილისი. ევროკავშირის მხარდაჭერით, საქართველოში იწყება სამი ახალი პროექტი, რომელიც დახმარებას გაუწევს მოწყვლად ჯგუფებს Covid-19-ით გამოწვეული კრიზისის პერიოდში შექმნილი პრობლემების დაძლევაში. „ევროკავშირი, კრიზისის დაწყების დღიდან მხარში უდგას საქართველოს და ასე გააგრძელებს. ჩვენ მაქსიმალურად მოკლე დროში მოვახდინეთ საჭირო რესურსების მობილიზება და დღეს, მე დიდი სიამაყით შემიძლია განვაცხადო, რომ იწყება სამი მნიშვნელოვანი პროექტი, რომელთა მიზანია იძულებით გადაადგილებული პირთა, შეზღუდული შესაძლებლობების მქონე პირთა და ოჯახში ძალადობის მსხვერპლთა დახმარება. პროექტებს შესაბამის სფეროში გამოცდილების მქონე საზოგადოებრივი ორგანიზაციების განახორციელებენ. ჩვენ მოუთმენლად ველოდებით მათთან თანამშრომლობის დაწყებას “, - განაცხადა კარლ ჰარცელმა, ევროკავშირის ელჩმა საქართველოში. სრულად... წყარო: eeas.europa.eu

3 ივნისს, 18:00 საათზე, გაიმართება ვებინარი: ყრუ-უსინათლო პირების სოციალურ-სამართლებრივი მდგომარეობა და კოვიდ-19 პანდემიის გავლენა. სრულად... 

3 ივნისს, 17:00 საათზე ადამიანის უფლებების სწავლებისა და მონიტორინგის ცენტრის (EMC) ფეისბუქ გვერდზე გაიმართება დისკუსია: თემირლან მაჩალიკაშვილის საქმე - არ აღიარებული უსამართლობა. სრულად...

3 ივნისს, საქართველოს პოლიტიკის ინსტიტუტის (GIP) ორგანიზებით გაიმართება ვებინარი ZOOM-ის საშუალებით - „თურქეთი, საგარეო პოლიტიკური მიდგომის ძიებაში სამხრეთ კავკასიაში“. სრულად...

3 ივნისს, 14:00 საათზე, საქართველოს პარლამენტის საფინანსო-საბიუჯეტო კომიტეტისა და ბიზნესისა და ეკონომიკის ცენტრის ორგანიზებით, საქართველოს ეკონომიკისა და მდგრადი განვითარების სამინისტროსთან და საქართველოს ეროვნულ ბანკთან თანამშრომლობით, გაიმართება ონლაინ დიალოგი საჯარო და კერძო სექტორებს შორის, საქართველოს პარლამენტში ინიცირებული „საინვესტიციო ფონდების შესახებ“ კანონის პროექტის განსახილველად. სრულად...

თბილისი. „დემოკრატიული ჩართულობის ცენტრების ქსელი“ წარმოგიდგენთ ახალი კორონავირუსით (SARS-COV-2) გამოწვეული ინფექციის (COVID-19) შედეგად მიყენებული ზიანის შემსუბუქების მიზნობრივი სახელმწიფო პროგრამის განმარტებებსა და ხშირად დასმული კითხვებს. დოკუმენტი ხელმისაწვდომია ქსელის ვებ-გვერდზე. სრულად... წყარო: ncce.ge

თბილისი. ადამიანის უფლებების სწავლებისა და მონიტორინგის ცენტრმა (EMC) საქმეთა განაწილების სისტემის მუშაობაში მნიშვნელოვანი გამოწვევები გამოავლინა. მაგ: სასამართლოს თავმჯდომარე კვლავ ინარჩუნებს პრობლემურ უფლებამოსილებებს, მათ შორის, მორიგეობის დადგენის, მასში ცვლილების შეტანის და მოსამართლეთა ვიწრო სპეციალიზაციის შემადგენლობის განსაზღვრის უფლებებს; სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია (საია) იქვევს რეგიონულ არასამთავრობო ორგანიზაციებს საჯარო მმართველობის რეფორმის (PAR) საკითხებზე ტრენინგში მონაწილეობისთვის. „მონაწილეები გაიღრმავებენ ცოდნას საჯარო მმართველობის რეფორმის საკითხებთან დაკავშირებით, გაეცნობიან საჯარო მმართველობის რეფორმის სამოქმედო გეგმის ალტერნატიული მონიტორინგის მეთოდოლოგიას და მიიღებენ ინფორმაციას PAR-ის განხორციელებისა და მონიტორინგის პროცესში ჩართულობის შესაძლო გზების შესახებ. ტრენინგის დასრულების შემდეგ, საია მონაწილეებიდან კონკურსის წესით შეარჩევს 11 ორგანიზაციას და მათთვის გამოყოფს მცირე გრანტებს. რაც მათ საშუალებას მისცემთ შეაფასონ ადგილობრივ დონეზე PAR-ის რეფორმის განხორციელება, ასევე, ყველა ადგილობრივი დაინტერესებული მხარის ჩართულობით გამართული საჯარო განხილვებისა და სამუშაო შეხვედრების საშუალებით, გამოკვეთონ გამოწვევები და შესაძლებლობები“. სრულად... წყარო: gyla.ge

თბილისი. საქართველოს ჟურნალისტური ეთიკის ქარტიის საბჭომ მიიღო გადაწყვეტილება შემდეგ საქმეებზე: •ნელი უკლება თამთა დოლენჯაშვილის წინააღმდეგ. •მამუკა ჟღენტი ნატა მახვილაძის წინააღმდეგ. ქარტიის საბჭოს გადაწყვეტილებით ორივე შემთხვევაში ინფორმაციის სიზუსტე დაირღვა. სრულად... წყარო: www.qartia.ge

თბილისი. „საერთაშორისო გამჭვირვალობა - საქართველო“ საგანგებო მდგომარეობის განმავლობაში განხორციელებულ ტენდერებს და პირდაპირ შესყიდვებს აკვირდება, მათ შორის სასტუმროებთან დადებული ხელშეკრულებების გარემოებებს სწავლობს. „მომატებული კორუფციული რისკებიდან გამომდინარე, ყურადღება მიიქცია შპს „ყვარლის ედემთან“ გაფორმებულმა ხელშეკრულებამ, რომლის მიხედვითაც, სასტუმროში მაღალი რისკის ზონად გამოცხადებული რეგიონებიდან შემოსული საქართველოს მოქალაქეები უნდა განთავსდნენ. ხელშეკრულების მიხედვით, სასტუმრომ 45 ნომერი უნდა გამოყოს 2 თვის ვადით. შპს „ყვარლის ედემის“ მფლობელებმა და დირექტორმა 2020 წლის 20 და 23 მარტს „ქართულ ოცნებას” ჯამში 65,000 ლარი შესწირეს და რამდენიმე დღეში საქართველოს ტურიზმის ეროვნული ადმინისტრაციისგან გამარტივებული შესყიდვის გზით 277,300 ლარიანი კონტრაქტი მიიღეს“. სრულად… წყარო: transparency.ge