თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას: ვიზალიბერალიზაციის პროცესი და მისი შეფერხების მიზეზები „წინამდებარე სტატიის მიზანია საქართველოსა და ევროკავშირს შორის სავიზო რეჟიმის ლიბერალიზაციის პროცესის პროცედურული მიმოხილვა და ვიზა ლიბერალიზაციის პროცესის დასრულების შესაძლო შეფერხების მიზეზების ანალიზი. სტატიაში განხილულია ვიზა ლიბერალიზაციის პროცესში ჩართული ევროკავშირის ინსტიტუტების თავისებურებები, მათი როლი და გავლენა პროცესის წარმატებით დასრულებაზე. სტატიაში ასევე გაანალიზებულია ვიზა ლიბერალიზაციის პროცესის დასრულების შემაფერხებელი ოფიციალური და სავარაუდო არაოფიციალური მიზეზები," ნათქვამია ორგანიზაციის ვებ-გვერდზე. სრულად... წყარო: idfi.ge

აჭარა. 14 ივნისს, სასუმრო „შერატონში” ორგანიზაცია „დიაკონია”-სა და „ცვლილებები თანაბარი უფლებებისათვის” ერთობლივი ორგანიზებით შშმ პირთა უფლებების დაცვის დღისადმი მიძღვნილი ღონისძიება გაიმართა. „შექმენი სილამაზე სიკეთის ფერებით” - შეზღუდული შესაძლებლობის მქონე პირთა უფლებების დაცვის დღეს მიეძღვნა. მოეწყო ფოტო-გამოფენა, დიზაინერ თაკო მექვაბიძის მოდების ჩვენება და აუქციონი. შეხვედრაზე აუქციონის სახით გაყიდულ იქნა ცნობილი ადამიანების ნივთები, შემოსული თანხა კი ცვლილებები თანაბარი უფლებებისათვის ინიციატივას, სოციალური დანიშნულების თავისუფალი სივრცის შექმნას მოხმარდება.

თბილისი. 15 ივნისს, ასოციაცია ანიკაში, დღის ცენტრის სპეციალისტებისთვის დაიწყო ტრენინგი ეიდეტიკური სწავლების მეთოდოლოგიაში. „ტრეინინგი მიმდინარეობს პროექტის „თემზე დაფუძნებული სერვისების განვითარება შეზღუდული შესაძლებლობის მქონე ბავშვებისათვის", ფარგლებში, რომელიც ხორციელდება Save the Children International - საქართველოს წარმომადგენლობის ფინანსური მხარდაჭერით,” ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 15 ივნისს, ომბუდსმენმა სარჩელით მიმართა საკონსტიტუციო სასამართლოს, რომელშიც სადავოდ მიიჩნია ადმინისტრაციულ სამართალდარღვევათა კოდექსის 45-ე და სისხლის სამართლის კოდექსის 273-ე მუხლების კონსტიტუციურობა. „საქართველოს სახალხო დამცველის აზრით, ექიმის დანიშნულების გარეშე ნარკოტიკული საშუალების მოხმარებისათვის ერთ შემთხვევაში 15 დღიანი ადმინისტრაციული პატიმრობა და განმეორების შემთხვევაში 1000 ლარამდე ჯარიმა და ვადით ერთ წლამდე პატიმრობა, არ შეესაბამება ამ მუხლებით გათვალისწინებული ქმედებებისგან მომდინარე საზოგადოებრივ საფრთხეს, რაც ეწინააღმდეგება საქართველოს კონსტიტუციის მე-17 მუხლის პირველ და მე-2 პუნქტებს, რომლებიც ადამიანს ღირსების შემლახველი და არაჰუმანური სასჯელის დაკისრებისგან იცავს," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

აჭარა. ახალგაზრდა მეცნიერთა კავშირი „ინტელექტი" ევროკავშირისა და გაეროს განვითარების პროგრამის ფინანსური მხარდაჭერით ხულოს მუნიციპალიტეტის რიყეთის თემში ახორციელებს პროექტს „სოფლის განვითარების ხელშეწყობის საპილოტე პროგრამა". პროექტის მიზანია ახალგაზრდა მეცნიერთა კავშირ „ინტელექტის" მიერ შემოთავაზებული - სოფლის აქტიურ მოქალაქეთა გაერთიანების ჩამოყალიბების, სოფლის განვითარების სტრატეგიების ფორმირების, განვითარებაზე ორიენტირებული პროგრამების შემუშავებისა და განხორციელების მეთოდოლოგიის აპრობაცია. პროექტის ფარგლებში „ინტელექტმა" ხულოს მუნიციპალიტეტის რიყეთის თემში ჩამოაყალიბა ორგანიზაცია, ე.წ „ამაგ-ი", აქტიურ მოქალაქეთა ადგილობრივ გაერთიანება, რომელსაც მინიჭებული აქვს არაკომერციული არასამეწარმეო იურიდიული პირის სტატუსი და დამოუკიდებლად ეწევა საქმიანობას სოფლის განვითარების პოტენციალის გამოვლენის, საჭიროებების შესწავლისა და განვითარების სტრატეგიების ფორმირება-განხორციელების მიმართულებით.

16 ივნისს,15:00 საათზე, გაიმართება პროექტის „დაცული ბუნებრივი ტერიტორიების მდგრადი მართვის ინოვაციები (4GreeInn)" შედეგების პრეზენტაცია. მისამართი: ბათუმი, სასტუმრო „დივან სუიტი"

16 ივნისს, 19:00 საათზე, ჰაინრიჰ ბიოლის ფონდის სამხრეთ კავკასიის რეგიონული ბიურო გიწვევთ საჯარო დისკუსიაზე: „13 ივნისის გაკვეთილები". სრულად... მისამართი: თბილისი, ზოვრეთის #34

16 ივნისს, 17:00 საათზე, ნიდერლანდების ინსტიტუტი მრავალპარტიული დემოკრატიისათვის აღმოსავლეთ ევროპის სამეზობლოს ოფისის ორგანიზებით, ვიზა ლიბერალიზაციისა და მასთან დაკავშირებული საკითხების შესახებ დისკუსიას გამართავს. მისამართი: თბილისი, ლუარსაბ შარაშიძის ქ. #7

16 ივნისს, 11:00 – 15:00 საათზე, „კავკასიური სახლი" და ჰაინრიჰ ბიოლის ფონდის სამხრეთ კავკასიის რეგიონალური ბიურო გიწვევთ სტუდენტურ კონფერენციაზე თბილისის ივანე ჯავახიშვილის სახელობის უნივერსიტეტის პირველ კორპუსში, აუდიტორია # 115-ში. სრულად... მისამართი: თბილისი, ილ. ჭავჭავაძის გამზ. #1

16 ივნისს, 16:00-18:00 საათზე, ქუთაისის დემოკრატიული ჩართულობის ცენტრში ევროპის ფონდი გამართავს ანგარიშის პრეზენტაციას რეგიონებში „სურსათის უვნებლობის სახელმწიფო რეგულირება: საქართველოს ხელისუფლების მიერ 2015 წელს გაწეული საქმიანობის შეფასება". მისამართი: ქუთაისი, პუშკინის ქ. #6

16 ივნისს, 11:00 საათზე, ახალციხის დემოკრატიული ჩართულობის ცენტრში ევროპის ფონდი გამართავს ანგარიშის პრეზენტაციას რეგიონებში „სურსათის უვნებლობის სახელმწიფო რეგულირება: საქართველოს ხელისუფლების მიერ 2015 წელს გაწეული საქმიანობის შეფასება". მისამართი: ახალციხე, მანველიშვილის ქ. #19

16 ივნისს, 10:00 საათზე, სასტუმრო „რუმს თბილისში" გაიმართება კონფერენცია „თვითმმართველობის ორგანოების საქმიანობა და დეცენტრალიზაციის პროცესი." კონფერენცია არასამთავრობო ორგანიზაციების „სიდა” და ISFED-ის ორგანიზებით იმართება. შეხვედრაზე სამოქალაქო ორგანიზაციები წარმოადგენენ ანგარიშს, რომლის მიზანია თავი მოუყაროს სამოქალაქო სექტორის მიერ უკანასკნელი პერიოდის მანძილზე თვითმმართველობის რეფორმისა და საქმიანობის შესახებ შეფასებებს. მისამართი: თბილისი, კოსტავას #14

თბილისი. საერთაშორისო გამჭვირვალობა საქართველო აქვეყნებს ბლოგპოსტს: „საკრებულოს ფრაქციების ანგარიში აჭარის ავტონომიური რესპუბლიკის მუნიციპალიტეტებში". „კვლევის შედეგად შეიძლება ითქვას, რომ: ხშირ შემთხვევაში ფრაქციების შექმნა ბიუჯეტიდან შრომის ანაზღაურების დანიშვნის მიზნით ხდება. საკრებულოს წევრების საქმიანობა, გარდა საკრებულოს თანამდებობის პირებისა, ანაზღაურებადი არ არის, ამიტომ ფრაქციათა შექმნას უმეტესად შრომის ანაზღაურების საფუძველი აქვს...," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საქართველოს ეროვნული პლატფორმა საპარლამენტო არჩევნებთან დაკავშირებით აქვეყნებს განცხადებას. „განსაკუთრებით მნიშვნელოვანია, რომ წინასაარჩევნო გარემო იყოს თავისუფალი სიძულვილის ენის, აგრესიისა და ძალადობისაგან. ხელისუფლებამ უნდა უზრუნველყოს მშვიდი და თანასწორი წინასაარჩევნო გარემო, სადაც დაცული იქნება საქართველოს კონსტიტუცია და კანონები და რომელიც შექმნის სათანადო გარანტიებს ამომრჩევლის მიერ ნების თავისუფლად გამოხატვისა და საარჩევნო ადმინისტრაციისთვის მშვიდ გარემოში არჩევნების ადმინისტრირებისათვის. ამასთან, საარჩევნო პროცესში ჩართულმა ყველა მხარემ უარი უნდა თქვას ძალადობაზე და პატივი სცეს არჩევნების მშვიდ და სამართლიან გარემოში ჩატარების აუცილებლობას," ნათქვამია ორგანიზაციის ვებ-გვერდზე. სრულად... წყარო: cdd.ge

თბილისი. „ახალგაზრდა ფინანსისტთა და ბიზნესმენთა ასოციაცია" ა/ო „ჯანდაცვის პლატფორმასთან" ერთად, განაგრძნობს მედიკამენტების ბაზარზე ფასების მონიტორინგს. „უკანასკნელი კვლევის მიხედვით ინდექსი 17,43%-ით გაიზარდა და 13 პუნქტი შეადგინა, რაც იმაზე მეტყველებს, რომ მედიკამენტების ბაზარზე ფასები მნიშვნელოვნად არის მომატებული. 200 დასახელების მედიკამენტიდან, რაც წარმოადგენს დაკვირვების ობიექტს, 78 მათგანზე ფასები გაზრდილია, ხოლო 6-ზე უმნიშვნელოდ შემცირებული, რამაც „ფანასკერტელის ინდექსის" ზრდა განაპირობა," ნათქვამია ორგანიზაციის ვებ-გვერდზე. სრულად... წყარო: afba.ge

თბილისი. ახალგზარდა ადვოკატები აქვეყნებს ბლოგპოსტს: „სასამართლომ სახელმწიფოს გიორგი პაპუაშვილთან მორიგებაზე დრო ამჯერად საბოლოოდ, 8 ივლისამდე განუსაზღვრა". „არჩილ კაიკაციშვილის განცხადებით, სასამართლომ მართლმსაჯულების ისტორიაში ამ რეზონანსული საქმის განხილვის პროცესში, განუხრელად უნდა დაიცვას შემდეგი სამი ფუნდამენტური საკითხი: სასამართლო გადაწყვეტილებები უნდა დაეფუძნოს მხოლოდ კანონს და მხოლოდ მტკიცებულებებს; სასამართლო არ იქნება ტოლერანტული გიორგი პაპუაშვილის მიმართ, მხარეები ერთად შეეცდებიან საკონსტიტუციო და არამხოლოდ საკონსტიტუციო მართლმსაჯულების ღირსების აღდგენას," ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. 14 ივნისს, რუსთაველის სამეცნიერო ფონდსა და საქართველოს რეგიონულ მაუწყებელთა ასოციაციას შორის მემორანდუმი გაფორმდა. „შეთანხმების საფუძველზე მხარეები ითანამშრომლებენ განათლებისა და მეცნიერების პოპულარიზაციისთვის და თანხმდებიან, რომ ამ მიზნის მისაღწევად მნიშვნელოვანია მოსწავლეების, პედაგოგების, სტუდენტებისა და მკვლევრების, სამეცნიერო-შემოქმედებითი და სხვა სახის აქტივობების წახალისება და ხელშეწყობა...," ნათქვამია ორგანიზაციის ვებ-გვერდზე. სრულად... წყარო: rustaveli.org.ge

15 ივნისს, 14:00 საათზე, თელავის დემოკრატიული ჩართულობის ცენტრში ევროპის ფონდი გამართავს ანგარიშის პრეზენტაციას რეგიონებში „სურსათის უვნებლობის სახელმწიფო რეგულირება: საქართველოს ხელისუფლების მიერ 2015 წელს გაწეული საქმიანობის შეფასება". მისამართი: თელავი, ვაჟა–ფშაველას #3

15 ივნისს, 10:00-13:00 სთ-მდე, აღმოსავლეთ-დასავლეთის მართვის ინსტიტუტი (EWMI) ACCESS-ის პროექტის ფარგლებში გამართავს საჯარო დისკუსიას თემაზე „ბუნებრივი და ტექნოგენური კატასტროფებისადმი სახელმწიფოს მზადყოფნა: რა შეიცვალა თბილისის ტრაგედიიდან ერთი წლის თავზე”. სრულად... მისამართი: თბილისი, ვარდების რევოლუციის მოედანი #1

15-16 ივნისს, 09:00-18:30 საათამდე, ოქსფამის საქართველოს წარმომადგენლობა თბილისში, სასურსათო უსაფრთხოებისა და ნუტრიციის საერთაშორისო კონფერენციას გამართავს. ღონისძიებას დაესწრებიან სამთავრობო უწყებებისა და სამოქალაქო სექტორის წარმომადგენლები აღნიშნულ სფეროში ჩართულ მთავრ მხარეებთან და საერთაშორისო ექსპერტებთან ერთად, როგორც სამხრეთ კავკასიის რეგიონიდან, ასევე ევროპიდან. სრულად... მისამართი: თბილისი, თავისუფლების მოედანი #4, სასტუმრო ქორთიარდ-მარიოტი

თბილისი. 14 ივნისს, სამმა არასამთავრობო ორგანიზაციამ, „საერთაშორისო გამჭვირვალობა - საქართველომ", „საქართველოს ახალგაზრდა იურისტთა ასოციაციამ" და „მედიის განვითარების ფონდმა" სასტუმრო მარიოტში წარმოადგინეს კვლევები საქართველოს სარეკლამო ბაზარზე არსებული ვითარების შესახებ. ორგანიზაციების მკვლევარებმა ისაუბრეს სატელევიზიო რეიტინგების მზომავი კომპანიების აუდიტის საერთაშორისო სტანდარტებზე და წარმოადგინეს მონაცემები რეკლამის და ინფორმაციის გავრცელების მიზნით მედიაში საბიუჯეტო რესურსების განაწილების პრაქტიკაზე. პრეზენტაციების შემდეგ გაიმართა დისკუსია. წყარო: გამჭვირვალობის ვებგვერდი სოციალურ ქსელში

თბილისი. 14 ივნისს, საქართველოს ახალგაზრდა იურისტთა ასოციაციამ (საია) კვლევის პრეზენტაცია: "სატელევიზიო რეიტინგების გამზომველი კომპანიების საგადასახადო კონტროლი: საქართველოს საკანონმდებლო ჩარჩო და საერთაშორისო სტანდარტები" გამართა. კვლევაში მიმოხილულია საქართველოში მოქმედი კანონმდებლობა, რომელიც არეგულირებს სატელევიზიო რეიტინგების გამზომველი კომპანიების საგადასახადო კონტროლს. სრულად... წყარო: gyla.ge