თბილისი. ვარშავის ნატოს სამიტის მოლოდინში ჰაინრიჰ ბიოლის ფონდი აქვეყნებს მორიგ ვებ-დოსიეს, სადაც განიხილება ნატო-საქართველოს ურთიერთობები და მცირე ქვეყნების სუვერენული უფლებები უსაფრთხოების კონტექსტში. ვებ–დოსიე... წყარო: ge.boell.org

თბილისი. მწვანე ალტერნატივამ, ადამიანის უფლებების სწავლებისა და მონიტორინგის ცენტრთან თანამშრომლობით გამოაქვეყნა პოლიტიკის ნაშრომი: „სასარგებლო წიაღისეულის მოპოვება გარემოზე ზემოქმედების შეფასებისა და საზოგადოების მონაწილეობის გარეშე". მოცემული მიმოხილვის მიზანია წამოწიოს საჯარო პოლიტიკის კონკრეტულ სფეროში გარემოს დაცვის კუთხით გადაუდებლად გადასაჭრელი საკითხები და ხელი შეუწყოს დისკუსიას ქვეყნაში მდგრადი ეკონომიკური და სოციალურ განვითარებას. სრულად... წყარო: emc.org.ge

თბილისი. მედიის განვითარების ფონდმა გამოაქვეყნა „მედია და არჩევნები: პოლიტიკური პარტიების საჭიროებების კვლევა". წინამდებარე კვლევის მიზანია 2016 წლის საპარლამენტო არჩევნების წინ შეისწავლოს „პოლიტიკური პარტიებისა და სხვა აქტორების საჭიროებები მედიის, როგორც ელექტორატთან კომუნიკაციის ინსტრუმენტის, საარჩევნო პროცესში ეფექტიანი გამოყენების მიზნით. საარჩევნო სუბიექტების მედიისადმი დამოკიდებულების კვლევა, მათი განწყობებისა და საჭიროებების იდენტიფიცირება და კვლევის საფუძველზე შემუშავებული რეკომენდაციები ხელს შეუწყობს პოლიტიკური სუბიექტების უკეთ წვდომას მედიაზე და საბოლოოდ ამომრჩეველთა მიერ ინფორმირებული არჩევანის გაკეთებას. ...". კვლევა... წყარო: mediameter.ge

თბილისი. საქართველოს დემოკრატიული ინიციატივა აქვეყნებს ადამიანის უფლებათა მაისის თვის საინფორმაციო ბიულეტენს. მასში მიმოხილულია საკონსტიტუციო სასამართლოს შესახებ კანონმდებლობაში განხორციელებული ცვლილებები და ზემოხსენებულ საკითხზე ვენეციის კომისიის დასკვნა და ა.შ. ბიულეტენი... წყარო: gdi.ge

თბილისი. სამართლიანი არჩევნებისა და დემოკრატიის საერთაშორისო საზოგადოება წინასაარჩევნო შეფასებას აქვეყნებს. იგი მოიცავს კანონმდებლობის, საარჩევნო ადმინისტრაციის საქმიანობის, პოლიტიკური და მედია პლურალიზმის კუთხით არსებული მდგომარეობის ანალიზს. შეფასება... წყარო: ორგანიზაციის ვებგვერდი

თბილისი. საერთაშორისო გამჭვირვალობა – საქართველო აქვეყნებს ახალ ბლოგს: „27 მუნიციპალიტეტში შრომის ანაზღაურების ხარჯები კანონით განსაზღვრულ ოდენობაზე მეტია". ადგილობრივი თვითმმართველობის კოდექსის 156-ე მუხლი მე-3 ქვეპუნქტის თანახმად, „გამგეობის/მერიის და საკრებულოს აპარატის საჯარო მოსამსახურეთა შრომის ანაზღაურების ხარჯები არ უნდა აღემატებოდეს მუნიციპალიტეტის ბიუჯეტით გათვალისწინებული ხარჯების 25 პროცენტს." გამჭვირვალობამ შეისწავლა საქართველოს ყველა მუნიციპალიტეტის ბიუჯეტი და რეგიონების მიხედვით აქვეყნებს ინფორმაციას იმ მუნიციპალიტეტებზე, რომელთაც „კანონის ზემოაღნიშნული მოთხოვნა შრომის ანაზღაურების ხარჯების განსაზღვრისას არ აქვთ გათვალისწინებული...". სრულად... წყარო: transparency.ge

თბილისი. გამოცემა სახელწოდებით „13 მითი სტალინის შესახებ" ნიდერლანდების მრავალპარტიული დემოკრატიის ინსტიტუტის (NIMD) დაკვეთით მომზადდა. გამოცემის მიზანია სტალინის შესახებ იმ მითების გაქარწყლება, რომლებიც ტოტალიტარულმა სახელმწიფომ შექმნა და ჯერ კიდევ გავრცელებულია საქართველოში. ნარკვევში ახსნილია 13 ყველაზე აქტუალური მითის წარმოშობის წყარო, მიზეზი და ხანგრძლივობის საფუძველი. ტოტალიტარულ რეჟიმებსა და პერსონებს გამუდმებით თან სდევთ მითები, რომელთა ნაწილი თავად რეჟიმის არსებობის პერიოდში იქმნება და სისტემის გაძლიერებას ემსახურება. მეორე ნაწილი იქმნება მოგვიანებით, განსხვავებულ სოციალურ გარემოში, საზოგადოების მოთხოვნის შედეგად ან გამიზნულად ამ მითების შემქმნელი სახელმწიფო თუ სოციალური ინსტიტუტების მეშვეობით თუ მათი დაკვეთით. სტალინის ბიოგრაფიასთან დაკავშირებული მრავალი მითი არსებობს. ორგანიზაციამ შეარჩია ქართული საზოგადოებისთვის ყველაზე აქტუალური და ყველაზე ტირაჟირებული 13 მითი სტალინის შესახებ" . „13 მითი სტალინის შესახებ"... წყარო: nimd.ge

თბილისი. საქართველოს პარლამენტში ინიცირებულია „საქართველოს სისხლის სამართლის კოდექსში" და სხვა თანმდევ საკანონმდებლო აქტებში შესატანი ცვლილებების პაკეტი. ცვლილებების თანახმად, სისხლის სამართლის კოდექსს ემატება სპეციალური მუხლი არჩევნებთან მიმართებით, ასევე იცვლება საარჩევნო უბანზე (მიმდებარე ტერიტორიაზე) სამართალდამცავი უწყებების გამოძახებისა და ყოფნის კუთხით მოქმედი რეგულაციები. საია-მ აღნიშნულ საკანონმდებლო პაკეტთან დაკავშირებით მომზადებული სამართლებრივი დასკვნა უკვე წარუდგინა საქართველოს პარლამენტს, ასევე საკუთარი მოსაზრებები გააჟღერა შესაბამის კომიტეტებში კანონპროექტის განხილვის მიმდინარეობისას. ამჯერად ფართო საზოგადოებისთვის აქვეყნებს გამოხმაურებებს ორგანიზაციის ვებგვერდზე. სრულად... წყარო: gyla.ge

თბილისი. მედია სკოლის სასწავლო კურსი 3 თვე გრძელდებოდა და მისი მიზანი ჟურნალისტებისთვის ფინანსური განათლების ამაღლება იყო. ჟურნალისტებმა სპეციალური კურსისა და სახელმძღვანელოების მიხედვით ეკონომიკის საფუძვლები შეისწავლეს. „საზოგადოება და ბანკები" ეკონომიკური მედია სკოლა მეექვსე ნაკადის მიღებას შემოდგომიდან დაიწყებს. სრულად... წყარო: ორგანიზიციის ვებ-გვერდი სოციალურ ქსელში

თბილისი. 18 ივნისს, ევროკავშირის პროექტის „კერძო და ადმინისტრაციული სამართლის სისტემების განვითარების ხელშეწყობა საქართველოში" ფარგლებში გაიმართა მრგვალი მაგიდა თემაზე „სამართლებრივი ურთიერთდახმარება - პრაქტიკის გამოწვევები საქართველოში". „შეხვედრის მიზანი იყო პრაქტიკოსებს შორის სამოქალაქო სამართლის საქმეებზე სამართლებრივი ურთიერთდახმარების სასამართლო პრაქტიკის მიმოხილვა და ერთიან მიდგომებზე შეთანხმება," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 20 ივნისს, ლტოლვილთა/დევნილთა საერთაშორისო დღეს, სასტუმრო „თბილისი მერიოტში" მრგვალი მაგიდის სხდომა გაიმართა თემაზე „დევნილთა საარსებო წყაროები: მიგნებები და საჭიროებები". „მრგვალი მაგიდის სხდომაზე საარსებო წყაროების თემაზე მომუშავე ორგანიზაციების მიერ განხილული იყო შემდეგი საკითხები: დევნილთა ამჟამინდელი მდგომარეობა საქართველოში, მათი საჭიროებები და გზები პრობლემის აღმოსაფხვრელად, მხარეების მაქსიმალური ჩართულობა დევნილთა საარსებო წყაროების გაზრდისა და განვითარების ხელშეწყობის მიზნით და სხვ.," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

21 ივნისს, 19:00 საათზე, გაიმართება დოკუმენტური ფილმის „სურათების ზღვა" ჩვენება და დისკუსია. „სურათების ზღვა" მოგვითხრობს, თუ როგორ გახდა თურქეთის სანაპიროზე გამორიყული სირიელი ლტოლვილი ბიჭის, აილან კურდის ფოტო ლტოლვილთა კრიზისის სიმბოლო. ფილმი ეხება იმ ეთიკურ დილემებს, რაც ახლავს მიგრაციის გაშუქებას და მსგავსი ფოტოების გამოყენებას. სრულად... მისამართი: თბილისი, ლადო ასათიანის #62

21 ივნისს, 18:30 საათზე, კავკასიური სახლი იწყებს საჯარო დისკუსიების ახალ ფორმატს: „შეხვედრები დიპლომატებთან კავკასიურ სახლში". აღნიშნულ დისკუსიათა სერიის პირველი სტუმარი იქნება თურქეთის რესპუბლიკის საგანგებო და სრულუფლებიანი ელჩი საქართველოში, ზაქი ლევენთ გუმრუქჩუ. სრულად... მისამართი: თბილისი, გალაქტიონ ტაბიძის #20

21 ივნისს, 15:00 საათზე, ზუგდიდში, დემოკრატიული ჩართულობის ცენტრში ასოციაცია „ათინათის" ახალგაზრდული ცენტრის ორგანიზებით გაიმართება საჯარო ლექცია „ამბავი და ლიტერატურა". ლექციას გაუძღვება მწერალი ზვიად კვარაცხელია. მკითხველს პრეზენტაციის განმავლობაში შეუძლია შეიძინოს წიგნები: „ჰაე", „ილია სამეგრელოში", „ყიფლიბანდი", „ფორმა N100". სრულად... მისამართი: ზუგდიდი, დემოკრატიული ჩართულობის ცენტრი

21 ივნისს, 12:00 საათზე, სამართლიანი არჩევნებისა და დემოკრატიის საერთაშორისო საზოგადოება" წინასაარჩევნო მონიტორინგის ოფიციალურად დაწყებამდე პრესკონფერენციას გამართავს და წინასაარჩევნო გარემოს შეფასებას წარმოადგენს. მისამართი: თბილისი, ონიაშვილის ქ. #37

21 ივნისს, 12:00 საათზე, Holiday Inn-ში „ადამიანის უფლებების სწავლებისა და მონიტორინგის ცენტრი (EMC)” გამართავს საჯარო დისკუსიას თემაზე - „საკადრო პოლიტიკა შინაგან საქმეთა სამინისტროში: გამოწვევები და სამომავლო რეფორმები”. სრულად... მისამართი: თბილისი, 26 მაისის მოედანი #1

21 ივნისს, 11:00 საათზე, სასტუმრო „ქორთიარდ მარიოტში" სახალხო დამცველი იძულებით გადაადგილებულ პირთა და კონფლიქტით დაზარალებული მოსახლეობის უფლებრივი მდგომარეობის შესახებ ანგარიშს წარადგენს. მისამართი: თბილისი, თავისუფლების მოედანი #4

21 ივნისს, 10:30 საათზე, „პირველის პრესკლუბში” „ახალგაზრდა ფინანსისტთა და ბიზნესმენთა ასოციაცია - აფბა”-ს ანალიტიკოსი ანდრია გვიდიანი ბრიფინგს გამართავს. თემა: „გაზპრომსა" და „გასკო+"-ს შორის გაფორმებული ხელშეკრულების შეფასება. შეუძლია თუ არა ხელისუფლებას აღნიშნულ ურთიერთობებში ჩარევა?! მისამართი: თბილისი, წერეთლის 116, ბიზნეს ცენტრი „დიდუბე პლაზა”, მეორე სართული.

თბილისი. კამპანია „ეს შენ გეხება" ეხმაურება ფარული მოსმენა-მიყურადების რეფორმის საკითხზე მომზადებული კანონპროექტების ინიცირების საკითხს. „კამპანიისთვის მნიშვნელოვანია დროულად და სრულყოფილად აღსრულდეს საკონსტიტუციო სასამართლოს 14 აპრილის გადაწყვეტილება, შესაბამისად, კამპანიის წევრები გასული კვირეების განმავლობაში მუდმივად გამოთქვამდნენ მზადყოფნას დამატებითი მხარდაჭერა და დახმარება გაეწიათ დეპუტატებისთვის, რათა კანონპროექტების დარეგისტრირება გონივრულ ვადებში მომხდარიყო. ამ პირობებში, ჩვენთვის მოულოდნელია ის განცხადება, რაც გუშინ საპარლამენტო ფრაქცია „რესპუბლიკელების" სახელით გაკეთდა," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 2016 წლის ბოლოს საქართველოში ბავშვთა ჰოსპისის გახსნაა დაგეგმილი. ეს იქნება პირველი დაწესებულება/სახლი, სადაც პალიატიურ მზრუნველობას გაუწევენ ქრონიკული და უკურნებელი სენით დაავადებულ ბავშვებს. „2013 წელს ჩატარდა კვლევა ბავშვთა პალიატიური მზრუნველობის საჭიროებაზე საქართველოში. როგორც კვლევამ აჩვენა, საქართველოში პალიატიური მზრუნველობა ყოველწლიურად 0-დან 18 წლამდე 839 ბავშვს ესაჭიროება. 2013 წელს ფონდმა დააფუძნა არასამეწარმეო, არაკომერციული იურიდიული ორგანიზაცია „ბავშვთა ჰოსპისი", რომლის გუნდი ბავშვებს უსასყიდლოდ, ბინაზე ემსახურება. კონკურსის ფარგლებში, ააიპ „ბავშვთა ჰოსპისი" და ფონდი „ღია საზოგადოება-საქართველო" იწვევს ფიზიკურ პირებს და ორგანიზაციებს შემოგვთავაზონ ჰოსპისის ლოგოს „ციცინათელების სამყარო" იდეები," ნათქვამია ორგანიზაციის ვებ-გვერდზე. სრულად... წყარო: www.osgf.ge

აჭარა. 17 ივნისს, ბათუმის დემოკრატიული ჩართულობის ცენტრში, არასამთავრობო ორგანიზაცია „შშმ პირთა უფლებებისთვის" დირექტორმა ბრიფინგი გამართა. ორგანიზაციის წარმომადგენლები სისხლის ბანკის დირექტორს დისკრიმინაციაში ადანაშაულებენ. ისინი ამბობენ, რომ მიმართეს „ჰემა 2012"-ს ადმინისტრაციის შენობაზე მოწყობილი პანდუსი სტანდარტთან შესაბამისობაში მოეყვანათ. ორგანიზაციის ხელმძღვანელისგან კი ოფიციალური წერილი მიიღეს. თამარ ფერცელიძის თქმით, წერილში ეწერა რომ, საქმიანობის სპეციფიკიდან გამომდინარე სისხლის დონორთა მიღება შესაბამისი პანდუსის მოწყობას არ საჭიროებს. არასამთავრობო ორგანიზაციის წარმომადგენლები ამ პოზიციას ანტიდისკრიმინაციული კანონის დარღვევად აფასებენ და შესაბამის უწყებებს რეაგირებისკენ მოუწოდებენ.

სამცხე-ჯავახეთი. „მრავალფეროვნების პლურალიზმის და რელიგიური ტოლერანტობის სალექციო კურსი სამცხე–ჯავახეთში და აჭარაში მცხოვრები ახალგაზრდებისთვის" ფარგლებში, აღმოსავლეთმცოდნე გიორგი ლობჟანიძეს სემინარი ჩატარდა თემაზე: ისლამი. სრულად... წყარო: ორგანიზაციის ვებ-გვერდი სოციალურ ქსელში