თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას: „OGP მმართველ კომიტეტში სამოქალაქო საზოგადოების წარმომადგენლებს ირჩევს". „ღია მმართველობის პარტნიორობა (OGP), რომელიც ხელისუფლების გამჭვირვალობასა და ანგარიშვალდებულების გაზრდას ისახავს მიზნად და 69 სახელმწიფოს აერთიანებს, მმართველ კომიტეტში (Steering Committee) სამოქალაქო საზოგადოების წარმომადგენელ ორგანიზაციებს ირჩევს. მმართველი კომიტეტი OGP-ის აღმასრულებელი, გადაწყვეტილების მიმღები ორგანოა და მისი მთავარი მისიაა ღია მმართველობის პარტნიორობის პრინციპების დაცვა და გავრცელება. მმართველი კომიტეტი პასუხისმგებელია ღია მმართველობის პარტნიორობის საქმიანობის მეთვალყურეობაზე, პოლიტიკისა და თანამშრომლობის წესების განსაზღვრაზე", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. „სამართლიანი არჩევნებისა და დემოკრატიის საერთაშორისო საზოგადოება" ეხმიანება აჭარის ავტონომიური რესპუბლიკის უმაღლესი საარჩევნო კომისიის თავმჯდომარის არჩევის პროცესს. „სამართლიანი არჩევნები" მიიჩნევს, რომ აღნიშნული მუხლით დადგენილი პროცედურები ორივე უწყებამ დაარღვია. ერთი მხრივ, უმაღლესმა საბჭომ არ განახორციელა კანონით მასზე დაკისრებული ვალდებულება და ვერ უზრუნველყო კანონით დადგენილი წესით ხელახლა კენჭისყრის ჩატარება, ხოლო, მეორე მხრივ, აჭარის მთავრობის თავმჯდომარემ არ შეასრულა კანონის მოთხოვნა და უმაღლეს საბჭოს არ წარუდგინა კონკურსის შედეგად შერჩეული უსკოს თავმჯდომარეობის სხვა 2 კანდიდატი", ნათქვამია ორგანიზაციის განცხადებაში. სრულად... წყარო: www.isfed.ge

თბილისი. ინფორმაციის თავისუფლების განვითარების ინსტიტუტი (IDFI) „სტრატეგიული გეგმა საქართველო - 2020"-ის ფარგლებში აქვეყნებს სტატიას: „საქართველოს ფისკალური პოლიტიკის მდგრადობის ანალიზი". „ამ სტატიაში განხილული იქნება თუ რამდენად შესაბამისია საქართველოს ბიუჯეტი საშუალოვადიან პერსპექტივაში ვალის სტაბილურობის შესანარჩუნებლად. შეფასებებიდან ირკვევა, რომ თუ ფინანსთა სამინისტროს პროგნოზები ბიუჯეტის შედგენის პროცესში შესრულდება მშპ-ის ზრდის და საპროცენტო განაკვეთთან მიმართებით, მაშინ საშუალოვადიანი პერსპექტივით, დაგეგმილზე მაღლა გადასახადების მობილიზების აუცილებლობა არ დგას", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 25-26 თებერვალს, ჟურნალისტებისთვის ჩატარდა ტრენინგი „იძულებით გადაადგილებულ პირთა-დევნილთა საკითხების გაშუქების თაობაზე". „პროგრამა მიზნად ისახავდა, მონაწილეთა ცნობიერების ამაღლებას იძულებით გადაადგილებულ პირთა-დევნილთა უფლებების საკითხებზე", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „ხანგრძლივი სამედიცინო მომსახურების (შინმოვლის) განვითარების პრობლემები საქართველოში". „საქართველოში, ისევე როგორც განვითარებად ქვეყნებში ქრონიკულ ავადმყოფთა ხანგრძლივი მოვლის, სამედიცინო და სოციალური მომსახურების სერვისები (სამედიცინო მეთვალყურეობა, მკურნალობა, რეაბილიტაცია, მოვლის ინტერდისციპლინარული თერაპია) განსაკუთრებით ხელმიუწვდომელია მოსახლეობის ღარიბი ნაწილისთვის", ნათქვამია სტატიაში. სრულად... წყარო: idfi.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „მოვლენების ქრონოლოგია მამუკა ახვლედიანის პირველი განცხადებიდან მის გათავისუფლებამდე". „ბოლო თვეების განმავლობაში საზოგადოება იუსტიციის უმაღლეს საბჭოსა და თბილისის საქალაქო სასამართლოს თავმჯდომარეს შორის არსებული დაძაბულობის მომსწრე გახდა, რომელიც საბოლოოდ მამუკა ახვლედიანის თავმჯდომარის თანამდებობიდან გათავისუფლებით დასრულდა", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. „ევროპის ფონდმა" საზოგადოებას ეკომიგრანტებისა და პოტენციური ეკომიგრანტების პრობლემების შესახებ ახალი კვლევა წარუდგინა. „არასამთავრობოთა სექტორის მოსაზრებები ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომდგენლებმაც მოისმინეს. მათი განმარტებით, ევროკავშირის ფინანსური მხარდაჭერით, 2016 წლიდან ეკომიგრანტთა ბაზების მოწესრიგება დაიწყო და წლის ბოლომდე, უწყებას ზუსტი მონაცემები ექნება", ნათქვამია ორგანიზაციის ვებ-გვერდზე. სრულად... კვლევა... წყარო: garb.ge

შიდა ქართლი. პროფესიულ კოლეჯ „განთიადში" დევნილებისა და სოციალურად დაუცველი ახალგაზრდებისთვის ჩატარდა ტრენინგი „ოჯახური ძალადობა და დაცვის მექანიზმები". შეხვედრის მიზანი იყო ახალგაზრდებისთვის ინფორმაციის მიწოდება ოჯახში ძალადობის შესახებ. ახალგაზრდებმა ერთ-ერთ მთავარ პრობლემად საზოგადოების დამოკიდებულება და სტერეოტიპული მიდგომები დაასახელეს. პრობლემის მოგვარების ძირითად გზად კი ცნობიერების ამაღლება და კანონის გამკაცრება დაასახელეს. ღონისძიება ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 25 თებერვალს, გორის სამოქალაქო აქტივიზმის ცენტრის მოხალისეებისათვის ჩატარდა თანატოლგანმანათლებელთა ტრენინგი „კულტურული მრავალფეროვნება”. „ტრენინგის მიზანი იყო ეთნიკური უმცირესობების შესახებ მეტი ინფორმაციის მიწოდება. აქტივობა ორგანიზებულ იქნა „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით”, ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

26 თებერვალს, 19:30 საათზე, ფონდი „პარტნიორობა საგზაო უსაფრთხოებისთვის", Critical Mass და ილიას სახელმწიფო უნივერსიტეტი აწყობენ ერთობლივ საქველმოქმედო ღონისძიებას სახელწოდებით - იმგზავრე ველოსიპედით და მიირთვი ორცხობილა. პროექტი, რომლის მიზანია უსაფრთხო სატრანსპორტო საშუალების - ველოსიპედის პოპულარიზაცია თბილისში, ითვალისწინებს ილიას სახელმწიფო უნივერსიტეტის შენობის წინ, ჭავჭავაძის გამზირზე, ველოსიპედის სადგომების მონტაჟს. მისამართი: თბილისი, ვარდების მოედანი (ველოსიპედის ძეგლის პირდაპირ)

26 თებერვალს, 17:00 საათზე, სახალხო დამცველი უჩა ნანუაშვილი გამართავს მორიგ საჯარო დებატებს თემაზე: „სეკულარიზმის გამოწვევები საქართველოში". მისამართი: თბილისი, ი. ჭავჭავაძის გამზ.1, თბილისის სახელმწიფო უნივერსიტეტის I კორპუსი, 107-ე აუდიტორია

26 თებერვალს, 12:00 - 16:00 საათამდე თავისუფლების მეტროსთან შეგროვდება თანხა ტყიბულში გაფიცული მუშების მხარდასაჭერად. სრულად... მისამათი: თბილისი, თავისუფლების მეტრო

თბილისი. ინფორმაციის განვითარების ინსტიტუტი (IDFI) აქვეყნებს ბლოგპოსტს: „სსრ უმაღლესი საბჭოს ყოფილი დეპუტატების კომპენსაცია". „საქართველოს სსრ-ის ყოფილი დეპუტატებისთვის კომპენსაციის მიცემა, შეიძლება სამართლიან მოთხოვნად მოგეჩვენოთ (ინიციატივის ავტორებს მოყვანილი ჰყავთ გერმანიის მაგალითი, სადაც სახელმწიფო კომპენსაცია გაიცემა მათ შორის გერმანიის დემოკრატიული რესპუბლიკის ყოფილი დეპუტატებისთვის), თუმცა ჩვენი ქვეყნისთვის ძალიან მნიშვნელოვანია სწორად განვსაზღვროთ რამდენად სამართლებრივად, ზნეობრივად და ამავდროულად ეკონომიკურადაც გამართლებულია საქართველოს სსრ უმაღლესი საბჭოს დეპუტატებისთვის კომპენსაციის მიცემა", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „ტყიბულის გაფიცვა შრომით დავას გასცდა და მასშტაბურ სოციალურ პროტესტად იქცა". „ტყიბულში და სხვა ინდუსტრიულ ქალაქებში შექმნილი ვითარება სახელმწიფოს შრომის პოლიტიკის ფუნდამენტურ პრობლემებს აჩვენებს, რაც განსაკუთრებით მძიმე მრეწველობაში დასაქმებული ადამიანების უფლებრივ მდგომარეობაზე აისახება. ტყიბულის გარდა გაფიცულები არიან ქსნის მინისტრის ქარხანაში, მედიაციის პროცესია ზესტაფონის ფეროშენადნობთა ქარხანაში. ხოლო, ჭიათურის მაღაროსა და რუსთავის მეტალურგიულ ქარხანაში სამუშაო პროცესი გაჩერებულია", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ორგანიზაცია „ახალგაზრდა ადვოკატები" თბილისის საქალაქო სასამართლოში განხორციელებულ საკადრო ცვლილებებთან დაკავშირებულ მოვლენებს ეხმაურება. „პასუხისმგებლობის ნაკლებობა იგრძნობა, როდესაც მართლმსაჯულებაში მიმდინარე მოვლენები პირადი დაინტერესებით ფასდება. ცალკეული სუბიექტები, ნებსით და უნებლიეთ, სასამართლო ხელისუფლების, ცალკეული მოსამართლეებისა და სასამართლო ორგანოების დისკრედიტაციითაა დაკავებული, რაც გამოუსწორებელ ზიანს აყენებს მოსამართლეთა კორპუსის მიმართ ნდობისა და ავტორიტეტის საკითხს", ნათქვამია ორგანიზაციის ვებ-გვერდზე. სრულად... წყარო: barristers.ge

იმერეთი. ქუთაისის ახალგაზრდული ცენტრის წევრებისათვის ჩატარდა დისკუსია თემაზე: „არალეგალური მიგრაცია და ტრეფიკინგი". დისკუსიის მიზანი იყო ახალგაზრდების ინფორმირებულობის გაზრდა არალეგალური მიგრაციის და ტრეფიკინგის საკითხებზე, რა რისკები აქვს არალეგალურ მიგრაციას, რა შედეგების მოტანა შეუძლია კონკრეტული ადამიანებისა და ქვეყნისთვის. ღონისძიება ორგანიზებული იქნა ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია ქუთაისის განათლების განვითარების და დასაქმების ცენტრი. სრულად... წყარო: ორგანიზაციის ვებ-გვერდი სოციალურ ქსელში

თბილისი. გარემოსა და ბუნებრივი რესურსების დაცვის სამინისტროს და ბიოლოგიური მრავალფეროვნების შესახებ კონვენციის (CBD) სამდივნოს ორგანიზებით, რეგიონული სამუშაო შეხვედრა გაიმართა. შეხვედრა გაეროს განვითარების პროგრამის (UNDP) პროექტის - „გლობალური გარემოს მონიტორინგის გაუმჯობესებისა და მის შესახებ ცოდნის ამაღლების მიზნით ინფორმაციის მართვის ჰარმონიზება საქართველოში" ფინანსური მხარდაჭერით გაიმართა. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „კახი ბექაურის არადეკლარირებული კომპანიები". „საქართველოს კომუნიკაციების ეროვნული კომისიის წევრს კახი ბექაურს ქონებრივ დეკლარაციაში მის მფლობელობაში არსებული კომპანიები სრულად არ აქვს მითითებული”, ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია აქვეყნებს მიშა ბოხუას ბლოგპოსტს: „ЧЕЧЕН ВЕЧЕН". „ჩეჩნეთში ჩემი მოხვედრის მიზანი იყო რუსეთის რბილი ძალის მიერ ჩვენთვის წარმატებული მოდელის ჩვენება, დიახ, ჩეჩნეთი რუსეთის „რბილი" ძალის წარმატებად ითვლება. მეორეს მხრივ, ჩეჩნეთი, ესაა რეგიონალურ-ეთნიკური კონფლიქტის დედა სახელმწიფოს მიერ თავისთვის წარმატებულად გადაჭრის მოდელი. სწორედ ამგვარ გადაჭრასთან ვიყავით ახლოს 2008 წელს, ძნელია ამჟამად წარმოიდგინო თუ რა მოხდებოდა ომი ჩვენ რომ მოგვეგო?! თუმცა ყველა, ვინც ფიქრობს ან ფიქრობდა, რომ ომი არის კონფლიქტის გადაჭრის გზა აუცილებლად უნდა ჩავიდეს გროზნოში", ნათქვამია ბლოგპოსტში. სრულად... წყარო: gyla.ge

25 თებერვალს, 12:00 საათზე, გაეროს ბავშვთა ფონდი საქართველოში და საქართველოს კოალიცია ბავშვთა და ახალგაზრდობის კეთილდღეობისათვის გთავაზობთ საჯარო დისკუსიას თემაზე - ხარისხის კონტროლი არასრულწლოვანთა მართლმსაჯულების კოდექსის იმპლემენტაციის პროცესში. სრულად... მისამართი: თბილისი, ფრონტლაინ ჯორჯია, ლადო ასათიანის 62

25 თებერვალს, 11:00 საათიდან 17:00 საათამდე, 1921 წელს საბჭოთა რუსეთის მიერ დამოუკიდებელი, დემოკრატიული საქართველოს ოკუპაციის დღესთან დაკავშირებით საზოგადოება „მემორიალი” და ინფორმაციის თავისუფლების განვითარების ინსტიტუტი (IDFI) ხუთშაბათს, ყოფილი პარლამენტის შენობის წინ გიწვევთ გამოფენაზე: „გასაბჭოების შედეგები საქართველოში რეპრესირებულთა ფოტოებისა და სიების სახით”. სრულად... წყარო: თბილისი, რუსთაველის გამზირი

25 თებერვალს, 11:30 საათზე, „პირველ პრესკლუბში” „ახალგაზრდა ადვოკატების” ხელმძღვანელი, სპეციალურ ბრიფინგს გამართავს და სასამართლო სისტემაში მიმდინარე მოვლენებზე განცხადებას გააკეთებს. მისამართი: თბილისი, წერეთლის 116, ბიზნეს ცენტრი „დიდუბე პლაზა”, მეორე სართული