თბილისი. 4 მაისს დასრულდა სამოქალაქო ლიდერობის სასწავლო პროგრამის პირველი ნაკადის ტრენინგები. პროგრამის 29 მონაწილემ წარმატებით გაიარა როგორც დისტანციური, ასევე დასწრებული სწავლების პროგრამის მოდულები: სამოქალაქო ლიდერობა, ეფექტიანი კომუნიკაცია და ჩართულობა, პროექტის მართვა და ფონდების მოძიება. სასწავლო პროგრამა მომზადდა და ტარდება "კონსულტაციის და ტრენინგის ცენტრის" (CTC) მიერ ევროკავშირის პროექტის ფარგლებში – "სამოქალაქო საზოგადოების განვითარების ინიციატივა". პროექტს ახორციელებს კონსორციუმი კონრად ადენაუერის ფონდის ხელმძღვანელობით.  კონსორციუმში შედიან: სამოქალაქო საზოგადოების ინსტიტუტი, საქართველოს სტრატეგიული კვლევებისა და განვითარების ცენტრი, კონსულტაციისა და ტრენინგის ცენტრი, განათლების განვითარების და დასაქმების ცენტრი.

თბილისი. საქართველოს სტრატეგიული კვლევებისა და განვითარების ცენტრი აქვეყნებს მოკლე, საინტერესო ვიდეორგოლს ევროპული ღირებულებების შესახებ. გამოყენებულია, ანსაბლ ირაოს მიერ დამუშავებული ევროპის ჰიმნი. ვიდეო მომზადდა „საქართველოს სტრატეგიული კვლევებისა და განვითარების ცენტრის" მიერ, პროექტის „სამოქალაქო საზოგადოების განვითარების ინიციატივა" – ფარგლებში, ევროკავშირისა და კონრად ადენაუერის ფონდის (KAS) ფინანსური მხარდაჭერით. წყარო: ორგანიზაციის ვებგვერდი სოციალურ ქსელში