აჭარა. სამოქალაქო საზოგადოების ინსტიტუტმა (CSI), ხელვაჩაურში გამართა კონკურსის „ეს ქვეყანა შენიას“ პრეზენტაცია. წლევანდელი კონკურსის თემაა – საქართველო ევროპაა! ქემალ თურმანიძის სახელობის ეთნოგრაფიულ მუზეუმში შეკრებილი ახალგაზრდებისთვის, სამოქალაქო საზოგადოების ინსტიტუტის მოწვეულმა სტუმრებმა გამართეს ლექცია – საქართველოს ევროკავშირში გაწევრიანების მნიშვნელობასა და სარგებელზე. ასევე ევროპულ იდენტობასა და ღირებულებებთან სიახლოვეზე და იმაზე, რომ საქართველო ევროპაა.

სამეგრელო. სამოქალაქო საზოგადოების ინსტიტუტმა (CSI) ფოთში გაიმართა შეხვედრა ახალგაზრდებთან კონკურსის „ეს ქვეყანა შენიას“ ფარგლებში.  წლევანდელი კონკურსის თემაა – საქართველო ევროპაა! სამოქალაქო საზოგადოების ინსტიტუტის მოწვევით შეხვედრას ესწრებოდნენ სტუმრები, რომლებმაც ისაუბრეს საქართველოს ევროკავშირში გაწევრიანების მნიშვნელობასა და სარგებელზე, ევროპულ იდენტობასა და ღირებულებების სიახლოვეზე და იმაზე, რომ საქართველო ევროპაა.

იმერეთი. LDA Georgia - ადგილობრივი დემოკრატიის სააგენტო საქართველომ საკონსულტაციო შეხვედრა გამართა საჩხერის მუნიციპალიტეტის სამოქალაქო საზოგადოებრივი ორგანიზაციების წევრებთან და აქტიურ მოქალაქეებთან. შეხვედრის მიზანი იყო იმერეთის რეგიონში მოქმედი სამოქალაქო საზოგადოების ორგანიზაციების საჭიროებების კვლევის საფუძველზე მომზადებული დოკუმენტის გაცნობა, ინფორმაციის მიწოდება იმერეთის რეგიონში გამოცხადებული საგრანტო კონკურსების შესახებ. შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ (LDA Georgia), პროექტის „სამოქალაქო საზოგადოების ინიციატივა“ ფარგლებში, გამართა საკონსულტაციო შეხვედრა  ხონის მუნიციპალიტეტის სამოქალაქო საზოგადოებრივი ორგანიზაციების  წევრებთან და აქტიურ მოქალაქეებთან.   შეხვედრის მიზანი იყო იმერეთის რეგიონში მოქმედი სამოქალაქო საზოგადოების ორგანიზაციების საჭიროებების კვლევის საფუძველზე მომზადებული დოკუმენტის  გაცნობა, ინფორმაციის მიწოდება იმერეთის რეგიონში გამოცხადებული საგრანტო კონკურსების შესახებ. შეხვედრა გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით.  სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ინსტიტუტმა (CSI), 14 ივნისს, რეგიონული საზოგადოებრივი და სათემო ორგანიზაციებისთვის გამართა ონლაინ საკონსულტაციო შეხვედრა. საკონსულტაციო შეხვედრა ეხებოდა არასამეწარმეო (არაკომერციული) იურიდიული პირების სარეგისტრაციო მონაცემების „მეწარმეთა შესახებ“  ახალი კანონის მოთხოვნებთან შესაბამისობაში მოყვანის საკითხებს. შეხვედრა ჩატარდა ევროკავშირისა და კონრად ადენაუერის ფონდის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში. წყარო: jobs.ge

სამეგრელო. სამოქალაქო საზოგადოების ინსტიტუტმა (CSI) ზუგდიდში ახალგაზრდული კონკურსის „ეს ქვეყანა შენიას“ პრეზენტაცია გაიმართა. წლევანდელი კონკურსის თემაა – საქართველო ევროპაა! მოწვეულმა სტუმრებმა ისაუბრეს საქართველოს ევროკავშირში გაწევრიანების მნიშვნელობასა და სარგებელზე, ასევე ევროპულ იდენტობასა და ღირებულებების სიახლოვეზე. იხ. კონკურსის შესახებ დეტალური ინფორმაცია... კონკურსი ტარდება სამოქალაქო საზოგადოების ინსტიტუტის ადმინისტირებით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში.

გურია. წყალწმინდის საჯარო სკოლის ეზოში, გურიის რეგიონული ჰაბის ორგანიზებით, ორგანიზაციებმა „ინოვაციების და ცვლილებების ინსტიტუტი“, „გურიის სამოქალაქო ცენტრი“, „პროგრესის ვექტორი“ და „ლანჩხუთის ახალგაზრდული საბჭო“ ადგილობრივ მოსახლეობას თავიანთი საქმიანობა წარუდგინეს. „გამოფენის მიზანი იყო მოქალაქეთა ინფორმირება იმ საზოგადოებრივი სიკეთის შესახებ, რომელსაც რეგიონში ადგილობრივი სამოქალაქო საზოგადოების ორგანიზაციები ქმნიან“. შეხვედრა ჩატარდა ევროკავშირისა და კონრად ადენაუერის ფონდის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. მცხეთა-მთიანეთის რეგიონული ჰაბის მიერ ორგანიზებულ მოხალისეობის კვირეულს მცხეთის მუნიციპალიტეტიდან მუხრანიც შემოუერთდა.  მონაწილეებმა ბისერებისგან დამზადებული სამაჯურები და ყელსაბამები გადასცეს დღის ცენტრის „მომავლის რწმენა“ ბავშვებს, მოაწყვეს შეხვედრა კლუბის სივრცეში... მოხალისეობის კვირეული ტარდება პროექტის „სამოქალაქო საზოგადოების ინიციატივა“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: მცხეთა-მთიანეთის ჰაბის გვერდი სოციალურ ქსელში

იმერეთი. სამოქალაქო საზოგადოების ინსტიტუტის (CSI) ორგანიზებით, ქუთაისში გაიმართა შეხვედრა ახალგაზრდებთან. ახალგაზრდებმა მიიღეს ინფორმაცია სამოქალაქო კამპანიის “ეს ქვეყანა შენიას” ფარგლებში გამოცხადებული კონკურსის პირობების შესახებ. წლევანდელი კონკურსის თემაა: „საქართველო ევროპაა“. შეხვედრაზე მოწვეულმა სტუმრებმა ისაუბრეს ქვეყნის ევროინტეგრაციის მნიშვნელობაზე. შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში.

იმერეთი. ორგანიზაცია „როდემდეს?!“ პროექტმა „მიუსაფარი ძაღლების მართვის სტრატეგია უსაფრთხო გარემოსათვის“ სათემო იდეების საგრანტო კონკურსში გაიმარჯვა. პროექტის ფარგლებში, „როდემდეს?!“ მიზანია შეიმუშაოს მიუსაფარი ცხოველების მართვის ჰუმანური პოლიტიკა და ამგვარად, უზრუნველყოს საცხოვრებელი გარემოს უსაფრთხოება ქუთაისის მუნიციპალიტეტის მოსახლეობისათვის.  რა იგეგმება? მოსახლეობისთვის ინფორმაციის მიწოდება ძაღლების მოვლა-პატრონობის რეგულაციებისა და სერვისების შესახებ; შემუშავდეს და ხელი შეეწყოს მიუსაფარი ძაღლების ჰუმანური მართვის სტრატეგიის დანერგვასა და განხორციელებას. პროექტის განხორციელების 10 თვის მანძილზე გექნებათ შესაძლებლობა მიიღოთ მონაწილეობა: საჯარო ღონისძიებებში; საზოგადოებრივ დისკუსიებში; მოქალაქეთა გამოკითხვაში; პეტიციის შემუშავებაში; და სხვა. პროექტი ხორციელდება საქართველოს სტრატეგიული კვლევებისა და განვითარების ცენტრის მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. მცხეთა-მთიანეთის რეგიონული ჰაბის მიერ ორგანიზებულ მოხალისეობის კვირეულში ახალგორის მუნიციპალიტეტიდან წეროვანის დევნილთა დასახლება ჩაერთო. მოხალისეები საბავშვო ბაღში ბუნების დაცვის თემატიკით გაერთიანდნენ. ბავშვებისათვის მოეწყო შემეცნებითი შეხვედრა გარემოს დაცვის თემატიკაზე. ანიმაციური გმირების ფორმებში გამოწყობილმა მოხალისეებმა ბაგა-ბაღის მოსწავლეებს სახე მოუხატეს, პატარებთან ერთად ქოთნის მცენარეები დარგეს და ეზო ნაძვებით გაამწვანეს. მოხალისეობის კვირეული ტარდება პროექტის „სამოქალაქო საზოგადოების ინიციატივა“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის ორგანიზებით,  გაიმართა მასტერკლასი თემაზე „მდგრადი და პასუხისმგებელი ბიზნესი გლობალურ დღის წესრიგში“. მასტერკლასი ჩაატარა CSR-ის სფეროს წამყვანმა საერთაშორისო ექსპერტებმა. „მასტერკლასს 60-მზე კომპანიის წარმომადგენელი დაესწრო. მათ განიხილეს კორპორაციული პასუხისმგებლობის და მდგრადობის გლობალური ტენდენციები და ევროკავშირის ახალი რეგულაციები ამ სფეროში, ასევე თუ როგორ აისახება ეს რეგულაციები ქართულ ბიზნესზე. მომხსენებლებმა ლიეტუის, ირლანდიისა და ესპანეთის კომპანიების მაგალითზე წარმოაჩინეს კორპორაციული პასუხისმგებლობის საუკეთესო პრაქტიკა“. მასტერკლასი ჩატარდა ევროკავშირისა (EU) და კონრად ადენაუერის ფონდის (KAS) მხარდაჭერით, პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში