თბილისი. ინფორმაციის თავისუფლების განვითარების ინსტიტუტმა ფოთის მერიიდან მიღებული საჯარო ინფორმაცია გამოაქვეყნა. ორგანიზაციის ვებგვერდზე გაეცნობით გათავისუფლებული თანამშრომლების, ორგანიზაციის ბალანსის, თანამდებობისა და თანამშრომლების პრემიების, შესყიდვების, ავტოპარკის, საკუთარი განცხადების საფუძველზე გათავისუფლებული თანამშრომლების შესახებ ინფორმაციას. სრულად წყარო: opendata.ge

თბილისი. ინფორმაციის თავისუფლების განვითარების ინსტიტუტი (IDFI) საქართველოს ენერგეტიკისა და წყალმომარაგების მარეგულირებელი ეროვნული კომისიისაგან ინფორმაციის გაცემას ითხოვდა. ქუთაისის საქალაქო სასამართლომ 2013 წლის 24 ივნისის გადაწყვეტილებით არ დააკმაყოფილა IDFI-ის სარჩელი. ინსტიტუტის მოთხოვნა იყო საქართველოს ენერგეტიკისა და წყალმომარაგების მარეგულირებელი ეროვნული კომისიის დავალდებულება გაეცა 2013 წლის 26 მარტს მოთხოვნილი ინფორმაცია ხელმძღვანელსა და მის მოადგილეზე (ცალ-ცალკე) დარიცხული პრემიების ოდენობის შესახებ; ინფორმაცია თანამშრომლებზე (საერთო ოდენობა) დარიცხული პრემიების ოდენობის შესახებ; მოქმედი საშტატო ნუსხა თითოეული პოზიციის თანამდებობრივი სარგოს მითითებით; ინფორმაცია ხელმძღვანელის ქვეყნის გარეთ განხორციელებულ ოფიციალურ და სამუშაო ვიზიტებზე გაწეულ სამივლინებო ხარჯების შესახებ; ინფორმაციის თავისუფლების განვითარების ინსტიტუტი „მიიჩნევს, რომ ქუთაისის საქალაქო სასამართლოს გადაწყვეტილება სარჩელის დაკმაყოფილების თაობაზე არ შეესაბამება საქართველოს კანონმდებლობით დადგენილ ნორმებსა და საქართველოს საკონსტიტუციო სასამართლოს მიერ აღნიშნული ნორმების ინტერპრეტაციას". სრულად წყარო: opendatablog.wordpress.com

თბილისი. საერთაშორისო გამჭვირვალობა – საქართველომ საკუთრების უფლებების დარღვევის შესახებ მოპოვებული რამდენიმე ისტორიაზე ფილმი გადაიღო. სადაც უფლებაშელახული მესაკუთრეები თავად ყვებიან საკუთარ ისტორიებს. „საერთაშორისო გამჭვირვალობა – საქართველო" დაზარალებულებს საქართველოს რამდენიმე ქალაქში ესაუბრა: თბილისი, გარდაბანი, რუსთავი, სიღნაღი და ლაგოდეხი. ფილმი  წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა სენაკისა და დმანისის მუნიციპალიტეტების გამგეობებიდან მიღებული ინფორმაცია გამოაქვეყნა. ვებგვერდზე განთავსდა ინფორმაცია გამგეობების თანამშრომელთა პრემიების, სახელმწიფო შესყიდვების, საჯარო ინფორმაციის გაცემის ანგარიშების, ავტოპარკის შესახებ. ინფორმაცია სენაკის მუნიციპალიტეტის გამგეობიდან  ინფორმაცია დმანისის მუნიციპალიტეტის გამგეობიდან წყარო: opendata.ge

თბილისი. ინფორმაციის თავისუფლების განვითარების ინსტიტუტმა ქარელის მუნიციპალიტეტის გამგეობიდან მიღებული ინფორმაცია გამოაქვეყნა. ვებგვერდზე განთავსებულია 2012 წლის 10 დეკემბერის ანგარიშისა და თანამდებობის პირებისათვის გაცემული პრემიების შესახებ, ასევე ინფორმაცია თანამშრომლებზე დარიცხული პრემიების შესახებ, თუმცა ნაცვლად 2012 წლის იანვრიდან გაცემული პრემიებისა, დოკუმენტში 2012 წლის ნოემბრიდან გაცემული პრემიებია აღრიცხული. დაინტერესებულ პირებს შეუძლიათ იხილონ ინფორმაცია ავტოპარკის, საკუთარი განცხადების საფუძველზე გათავისუფლებული, ასევე ხელმძღვანელობის მიერ გათავისუფლებული თანამშრომლების შესახებ ინფორმაცია სრულად წყარო: opendata.ge

თბილისი. ინფორმაციის თავისუფლების განვითარების ინსტიტუტმა წალენჯიხის მუნიციპალიტეტისა და ჩოხატაურის გამგეობებიდან მიღებული ინფორმაცია გამოაქვეყნა. ვებგვერდზე განთავსდა დოკუმენტები ორგანიზაციის ბალანსის, თანამდებობის პირების პრემიების, თანამშრომლების პრემიების, სახელმწიფო შესყიდვების, საჯარო ინფორმაციის გაცემის ანგარიშების, ავტოპარკის, საკუთარი განცხადების საფუძველზე განთავისუფლებული თანამშრომლების, ხელმძღვანელობის მიერ განთავისუფლებული თანამშრომლების შესახებ. ინფორმაცია წალენჯიხის მუნიციპალიტეტის გამგეობიდან   ინფორმაცია ჩოხატაურის მუნიციპალიტეტის გამგეობიდან   წყარო: opendata.ge

თბილისი. ახალგაზრდა იურისტთა ასოციაციამ ადვოკატ გიორგი ნარმანიას ბლოგპოსტი – „პრემიის გაცემის წესი საჯარო სამსახურში" – ვებ–გვერდზე განათავსა. „საიას მიერ განხორციელებული კვლევის თანახმად, საქართველოს სამინისტროთა აბსოლუტურ უმრავლესობაში, საქართველოს მთავრობის კანცელარიაში, საქართველოს პარლამენტში და საქართველოს პრეზიდენტის ადმინისტრაციაში არ არსებობს პრემირების წესის განმსაზღვრელი ადმინისტრაციულ-სამართლებრივი აქტი. მიუხედავად ამგვარი აქტის არარსებობისა, უწყებები აქტიურად გასცემენ პრემიებს და ეს, როგორც წესი, ხორციელდება უწყების ხელმძღვანელის ერთპიროვნული გადაწყვეტილების საფუძველზე. წინასწარ დადგენილი კრიტერიუმების არარსებობა შეუძლებელს ხდის, ობიექტურად შეფასდეს უწყების ხელმძღვანელის მიერ მიღებული გადაწყვეტილება პრემიის გაცემისა თუ პრემიის ოდენობის შესახებ. შესაბამისად, ჩნდება მნიშვნელოვანი კითხვები გაცემული პრემიის მიზანშეწონილობასთან დაკავშირებით", ნათქვამია ბლოგპოსტში. სრულად წყარო: gyla.ge

თბილისი. ინფორმაციის თავისუფლების განვითარების ინსტიტუტმა გარდაბნის, ქედისა და ტყიბულის მუნიციპალიტეტების გამგეობებიდან მიღებული ინფორმაცია გამოაქვეყნა. ვებგვერდზე განთავსდა დოკუმენტები გამგეობების ორგანიზაციის ბალანსის, პრემიების, სახელმწიფო შესყიდვების, ავტოპარკის ხარჯების, განთავისუფლებული თანამშრომლების შესახებ.  გარდაბანის გამგეობამ ინსტიტუტს პასუხი არ გაუგზავნა ინფორმაცია ორგანიზაციის ბალანსის, პრემიების, სახელმწიფო შესყიდვების, საჯარო ინფორმაციის გაცემის ანგარიშებისა და ავტოპარკის შესახებ. ინფორმაცია გარდაბნის მუნიციალიტეტის გამგეობიდან ინფორმაცია ქედის მუნიციპალიტეტის გამგეობიდან ინფორმაცია ტყიბულის მუნიციპალიტეტის გამგეობიდან წყარო:opendata.ge

თბილისი.ინფორმაციის თავისუფლების განვითარების ინსტიტუტმა საგარეჯოსა და ვანის მუნიციპალიტეტების გამგეობებიდან მიღებული ინფორმაცია გამოაქვეყნა. ვებ-გვერდზე განთავსდა დოკუმენტები გამგეობების ორგანიზაციის ბალანსის, პრემიების, სახელმწიფო შესყიდვების, ავტოპარკის ხარჯების, განთავისუფლებული თანამშრომლების შესახებ.  ინფორმაცია საგარეჯოს მუნიციალიტეტის გამგეობიდან ინფორმაცია ვანის მუნიციპალიტეტის გამგეობიდან წყარო:opendata.ge

თბილისი. სამართლიანმა არჩევნებმა გამოაქვეყნა ბლოგი – „ადმინისტრაციული რესურსი: 14 მილიონამდე ლარი წინასაარჩევნოდ აჭარაში". ორგანიზაციის ინფორმაციით აჭარის ავტონომიური რესპუბლიკის 2013 წლის ბიუჯეტში შესატანი ცვლილებები უმაღლესმა საბჭომ 24 ივლისს რიგგარეშე პლენარულ სხდომაზე 11 ხმით დაამტკიცა. კანონპროექტის მიხედვით, ბიუჯეტი გაიზარდა 14 მილიონ 722 ათას 700  ლარით, საიდანაც 13 მილიონ 554 ათას 400 ლარი განკუთვნილია ინფრასტრუქტურული და სოციალური პროექტებისთვის. „აჭარის ავტონომიური რესპუბლიკის უმაღლესმა საბჭომ, აღნიშნული გადაწყვეტილებით უგულვებელყო საქართველოს საარჩევნო კოდექსის 49-ე მუხლის მოთხოვნები, რომლის მიხედვით არჩევნების დანიშვნის დღიდან არჩევნების შედეგების შეჯამებამდე, აკრძალულია იმ საბიუჯეტო პროგრამების ზრდა, რომლებიც არჩევნებამდე გათვალისწინებული არ იყო ბიუჯეტით, აგრეთვე არაგეგმური ტრანსფერების ინიცირება ან გეგმიური ტრანსფერის ზრდა ადგილობრივ ბიუჯეტში. გარდა ამისა, ოფიციალური წინასაარჩევნო კამპანიის განმავლობაში აკრძალულია ისეთი პროექტების განხორციელება, რომლებიც მანამდე არ იყო გათვალისწინებული სახელმწიფო/ადგილობრივ ბიუჯეტში", – ნათქვამია სამართლიანი არჩევნების ბლოგზე. სრულად წყარო: www.isfed.ge

თბილისი.„სამართლიანი არჩევნებისა და დემოკრატიის საერთაშორისო საზოგადოებამ" (ISFED) 2013 წლის საპრეზიდენტო არჩევნების წინა პერიოდში, ქართული გაზეთების მონიტორინგი დაიწყო.  15 ივლისიდან 15 ნოემბრამდე ორგანიზაცია შვიდ ქართულ გამოცემას დააკვირდება. აღნიშნული პერიოდის განმავლობაში.  მონიტორინგი ხორციელდება პროექტის – „პროფესიონალური მედია არჩევნებისთვის" –ფარგლებში, გაეროს განვითარების პროგრამისა და ევროკავშირის მხარდაჭერით. პროექტის მთავარი მიზანია საპარლამენტო და საპრეზიდენტო არჩევნების პერიოდში, პროფესიული, მიუკერძოებელი და დაბალანსებული მედია გაშუქების ხელშეწყობა, მონიტორინგის გზით. წყარო:isfed.ge

თბილისი. საერთაშორისო გამჭვირვალობა საქართველო საზოგადოებას აცნობს თუ რა შეიცვალა სასამართლო სისტემაში საპარლამენტო არჩევნების შემდეგ. მოგეხსენებათ, რომ 2012 წლის ოქტომბრის არჩევნების შემდეგ ახალმა მთავრობამ „საერთო სასამართლოების შესახებ" კანონში ცვლილებების პაკეტი შეიმუშავა, რომელიც  2013 წლის 21 მაისს შევიდა ძალაში. კანონი მრავალ პროგრესულ დებულებას შეიცავს და სასამართლოს გამჭვირვალობის, მოსამართლის როლის გაზრდასა და მართლმსაჯულების სისტემის დამოუკიდებლობის გაძლიერებისკენ არის მიმართული. კანონპროექტი საერთაშორისო და ადგილობრივი არასამთავრობო ორგანიზაციების რეკომენდაციების საფუძველზე შემუშავდა.  სასამართლო 1 ოქტომბრის არჩევნების შემდეგ წყარო: transparency.ge

თბილისი.საერთაშორისო გამჭვირვალობა – საქართველო მოუწოდებს აჭარის ავტონომიური რესპუბლიკის უმაღლეს საბჭოს „თავის შეიკავოს წინასაარჩევნო პერიოდში ბიუჯეტში ცვლილებების განხორციელებისაგან". როგორც ორგანიზაციის გვერდზეა აღნიშნული მათთვის ცნობილი გახდა, რომ აჭარის ავტონომიური რესპუბლიკის უმაღლესი საბჭო აჭარის ბიუჯეტში ცვლილებების შეტანას გეგმავს, რომელთა შორისაა ჯანდაცვის პროექტებისა და ადგილობრივი თვითმმართველობისთვის დაფინანსების ზრდა. „აღვნიშნავთ, რომ „საერთაშორისო გამჭვირვალობა – საქართველო" არ ეწინააღმდეგება ბიუჯეტის ერთ-ერთ ცვლილებას, რომელიც აჭარის ტელე-რადიო დეპარტამენტის დაფინანსებას ეხება, ვინაიდან ეს უკანასკნელი გამოწვეულია გამოუვალი მდგომარეობით და მისი გადადება დეპარტამენტის არსებობას საფრთხეს შეუქმნის. გარდა ამისა, ეს ინიციატივა თავისი არსით, ადმინისტრაციული რესურსის საარჩევნო მიზნებით გამოყენებასთან არ ასოცირდება. იმ შემთხვევაში, თუ უმაღლესი საბჭო მაინც განახორციელებს საბიუჯეტო ცვლილებებს, „საერთაშორისო გამჭვირვალობა – საქართველო"  ხარჯების შესაჩერებლად მიმართავს სასამართლოს", ნათქვამია ორგანიზაციის ვებგვერდზე. სრულად წყარო: transparency.ge

თბილისი.ინფორმაციის თავისუფლების განვითარების ინსტიტუტმა ცაგერის, ჩხოროწყუს მუნიციპალიტეტების გამგეობებიდან და ქუთაისის მერიიდან მიღებული ინფორმაცია გამოაქვეყნა. ვებგვერდზე განთავსდა დოკუმენტები გამგეობების ბალანსის, პრემიების, სახელმწიფო შესყიდვების, განთავისუფლებული თანამშრომლების შესახებ. ინფორმაცია ცაგერის მუნიციპალიტეტის გამგეობიდან ინფორმაცია ჩხოროწყუს მუნიციპალიტეტის გამგეობიდან ინფორმაცია ქუთაისის მერიიდან წყარო: opendata.ge

თბილისი. ინფორმაციის თავისუფლების განვითარების ინსტიტუტმა კონსტიტუციური უსაფრთხოების დეპარტამენტის აუდიტის ანგარიში გამოაქვეყნა. ანგარიშში წარმოდგენილია 2011 წლის 1 იანვრიდან 2012 წლის 30 ნოემბრამდე დეპარტამენტის საქმიანობასთან დაკავშირებული ფინანსური ნაკლოვანებები. სრულად წყარო: opendatablog.wordpress.com

თბილისი. ინფორმაციის თავისუფლების განვითარების ინსტიტუტმა საჯარო ინფორმაციის ანალიტიკურ ბლოგზე გამოაქვეყნა პუბლიკაცია „სასამართლო სტატისტიკა 2007–2013". ინსტიტუტმა 2012 წელს შეიმუშავა სასამართლო სტატისტიკის მოდული, რომელიც წარმოადგენდა სასამართლოების მიერ ოფიციალურად გამოქვეყნებული მონაცემების ელექტრონულ ვიზუალიზაციის საშუალებას. სწორედ ამ მონაცემებს ეფუძნება ბლოგზე განთავსებული პუბლიკაცია, რომელიც „გარკვეულ წარმოდგენას შეგვიქმნის ბოლო წლების განმავლობაში საქართველოში  პირველი ინსტანციის სასამართლოების საქმიანობაზე". სრულად წყარო: opendatablog.wordpress.com

თბილისი. ინფორმაციის თავისუფლების განვითარების ინსტიტუტმა ყაზბეგისა და ყვარელის მუნიციპალიტეტების გამგეობებიდან მიღებული ინფორმაცია გამოაქვეყნა. ვებ–გვერდზე განთავსდა დოკუმენტები ორგანიზაციის ბალანსის, პრემიების, სახელმწიფო შესყიდვების, ავტოპარკის, საკუთარი განცხადების საფუძველზე განთავისუფლებული თანამშრომლების, ხელმძღვანელობის მიერ განთავისუფლებული თანამშრომლების შესახებ.  ინფორმაცია ყაზბეგის მუნიციპალიტეტის გამგეობიდან  ინფორმაცია ყვარელის მუნიციპალიტეტის გამგეობიდან  წყარო: opendata.ge

თბილისი. ინფორმაციის თავისუფლების განვითარების ინსტიტუტის, USAID-სა და საქართველოს იუსტიციის სამინისტროს ორგანიზებით 18 ივლისს ჩატარდა მრგვალი მაგიდა საჯარო ინფორმაციის პროაქტიულად გამოქვეყნების შესახებ. შეხვედრას ესწრებოდნენ სამთავრობო დაწესებულების წარმომადგენლები, ინფორმაციის თავისუფლების საკითხების ექსპერტები, არასამთავრობო ორგანიზაციები და ჟურნალისტები. მრგვალი მაგიდის პირველი ნაწილი დაეთმო ექსპერტების პრეზენტაციებს საჯარო ინფორმაციის პროაქტიული გამოქვეყნებისა და ზოგადად ინფორმაციის თავისუფლების კანონმდებლობის გაუმჯობესების შესახებ. მეორე ნახევარში მთლიანად დაეთმო „საჯარო ინფორმაციის პროაქტიულად გამოქვეყნებისა და ინფორმაციის ელექტრონულ მოთხოვნასთან" დაკავშირებით მთავრობის დადგენილების პროექტის პრეზენტაციას და მის გარჩევას მონაწილეების მიერ. სრულად წყარო: idfi.ge

თბილისი. ინფორმაციის თავისუფლების განვითარების ინსტიტუტმა გამოაქვეყნა ქობულეთის მუნიციპალიტეტის გამგეობიდან მიღებული საჯარო ინფორმაცია. კერძოდ, ინფორმაცია ორგანიზაციის ბალანსის, 2012–2013 წლების პრემიების შესახებ, ინფორმაცია სახელმწიფო შესყიდვების, ავტოპარკის, გათავისუფლებული თანამშრომლების შესახებ და ა.შ. სრულად წყარო: opendata.ge

თბილისი. ინფორმაციის თავისუფლების განვითარების ინსტიტუტმა ჭიათურის მუნიციპალიტეტის გამგეობიდან მიღებული ინფრომაცია გამოაქვეყნა. ვებგვერდზე განთავსდა ინფორმაცია ორგანიზაციის ბალანსის, 2012 წლის პრემიების, 2013 წლის პრემიების, სახელმწიფო შესყიდვების, საჯარო ინფორმაციის გაცემის ანგარიშების, ავტოპარკის, განთავისუფლებული თანამშრომლების შესახებ. გამგეობამ ინსტიტუტს არასრულყოფილად მიაწოდა ინფორმაცია გათავისუფლებული თანამშრომლების შესახებ, რადგან არ არის მითითებული პოზიციები და გათავისუფლების მიზეზი. სრულად  წყარო: opendata.ge

თბილისი. ინფორმაციის თავისუფლების განვითარების ინსტიტუტმა ხელვაჩაურის, ხაშურის, ხარაგაულისა და წყალტუბოს მუნიციპალიტეტების გამგეობებიდან მიღებული ინფორმაცია გამოაქვეყნა. ვებგვერდზე განთავსდა ინფორმაცია ორგანიზაციის ბალანსის, 2012 წლის პრემიების, 2013 წლის პრემიების,   სახელმწიფო შესყიდვების, ინფორმაციის გაცემის ანგარიშების, განთავისუფლებული თანამშრომლების შესახებ. ინფორმაცია ხელვაჩაურის მუნიციპალიტეტის გამგეობიდან ინფორმაცია ხაშურის მუნიციპალიტეტის გამგეობიდან ინფორმაცია ხარაგაულის მუნიციპალიტეტის გამგეობიდან ინფორმაცია წყალტუბოს მუნიციპალიტეტის გამგეობიდან წყარო: opendata.ge

თბილისი. არასამთავრობო ორგანიზაცია „საქართველოს დემოკრატიული ინიციატივა" აქვეყნებს 2013 წლის პირველი ნახევრის ანგარიშს საქართველოში ადამიანის უფლებათა და თავისუფლებათა მდგომარეობის შესახებ. „ანგარიში მოიცავს 2013 წლის პირველ ნახევარში  ქვეყანაში განვითარებულ მოვლენებს, რომლებიც უკავშირდება ადამიანის უფლებათა თემატიკას და კანონის უზენაესობის პრინციპის დაცვის საკითხებს. იმავდროულად ანგარიშში ასახულია რამდენიმე ისეთი შემთხვევა, რომელიც, მართალია, საანგარიშო პერიოდს სცდება, მაგრამ, მათი მნიშვნელობიდან გამომდინარე, აუცილებლად მივიჩნიეთ ამ თემების განხილვა მოცემული ანგარიშის ფორმატში", – ნათქვამია ორგანიზაციის ვებგვერდზე. ანგარიში წყარო: gdi.ge