თბილისი. ,,ადგილობრივი თვითმმართველობის მონიტორინგის  სახელმღვანელო" შემუშავდა კავკასიის ეკონომიკური და სოციალური კვლევითი ინსტიტუტის მიერ, პროექტის „ადგილობრივი თვითმმართველობის მონიტორინგის სახელმძღვანელო რეგიონული არასამთავრობო ორგანიზაციებისა და მედიისათვის" ფარგლებში. აღნიშნული პროექტი განხორციელდა ევრაზიის თანამშრომლობის ფონდის" მხარდაჭერით და შვედეთის საერთაშორისო განვითარების სააგენტოს (Sida) დაფინანსებით. სახელნძღვანელოს რელევანტურობის შესაფასებლად და სარეკომენდაციო წინადადებების დასაფიქსირებლად, ინსტიტუტი გთხოვთ, შეავსოთ ქვემოთ მოცემული  კითხვარი. თქვენი შეფასებები და მოსაზრებები  მნიშვნელოვანია გამოცემის ავტორებისთვის. ადგილობრივი თვითმმართველობის მონიტორინგის  სახელმღვანელო კითხვარი გთხოვთ შევსებული კითხავრი  მიმდინარე წლის 6  ივლისამდე გამოაგზავნეთ შემდეგ  ელექტრონულ მისამართზე:  info@ciesr.org

თბილისი. „საერთაშორისო გამჭვირვალობა – საქართველომ", „საერთაშორისო გაჭვირვალობა – აზერბაიჯანმა" და „საერთაშორისო გამჭვირვალობა – სომხეთმა" დღეს ახალი ანაგარიშის პრეზენტაცია გამართეს. ანგარიშში „სახელმძღვანელოს სამხრეთ კავკასიის ქვეყნებში ინფორმაციის თავისუფლების შესახებ"  განხილულია სამი ქვეყნის (საქართველო, სომხეთი , აზერბაიჯანი) საკანონმდებლო ბაზა ინფორმაციის ხელმისაწვდომობის კუთხით, ასევე საერთაშორისო გამჭვირვალობის ოფისებმა საჯარო დაწესებულებების ტესტი ჩატარეს და გამოითხოვეს გარკვეული ინფორმაცია. ანგარიშში გამოკვლეულია საზოგადობრივი აზრი იმაზე, ითხოვენ თუ არა მოქალაქეები საჯარო ინფორმაციას, რა ტიპის ინფორმაცია დააინტერესებდათ მათ და ა.შ.  საქართველოში, აზერბაიჯანსა და სომხეთში ინფორმაციიის საჯაროობის კვლევა ჩაატარა კავკასიის კვლევითი რესურსრბის ცენტრმა.  ანგარიში მომზადებულია რეგიონული პროექტის „ინფორმაციის თავისუფლება სამხრეთ კავკასიის ქვეყნებში" ფარგლებში. პროექტი დაფინანსებულია ჩეხეთის რესპუბლიკის საგარეო საქმეთა სამინისტროს მიერ. 

თბილისი. „სამართლიანი არჩევნებისა და დემოკრატიის საერთაშორისო საზოგადოება" (ISFED) წინასაარჩევნო გარემოს მონიტორინგის მეორე შუალედურ ანგარიშს აქვეყნებს. ანგარიშში მოიცავს 2012 წლის 4 მაისიდან 4 ივნისის პერიოდს, თუმცა მასში ასევე ასახულია 4 მაისამდე განვითარებული ის მოვლენები, რომლებიც მონიტორინგის პერიოდშიც მიმდინარეობდა. სამართლიანი არჩევნები" წინასაარჩევნო გარემოს მონიტორინგს საქართველოს 73 საარჩევნო ოლქში ახორციელებს. წყარო: www. isfed.ge  მონიტორინგის მეორე შუალედურ ანგარიში 

თბილისი. საზოგადოებრივი ორგანიზაცია „ადამიანის უფლებათა ცენტრი" აქვეყნებს 2011 წელს ჩატარებული მედია მონიტორინგის შედეგებს. მონიტორინგი ეხებოდა ქართულ მედიაში გარემოს დაცვის საკითხების გაშუქებას და მოიცავდა შემდეგ მედია საშუალებებს: გაზეთები „ალია", „რეზონანსი", „ახალი თაობა" და საზოგადოებრივი მაუწყებლის დღის მთავარი საინფორმაციო გამოშვება „მოამბე".  შუალედური ანგარიშში ასახულია მონიტორინგის პირველი ორი ეტაპის მონაცემები:  30 მაისიდან 3 ივლისამდე პერიოდი და 18 ივლისიდან 4 სექტემბრამდე დროის შუალედი. წყარო: www.humanrights.ge  მონიტორინგის შუალედური ანგარიში  

თბილისი. 14 ივნისს ორგანიზაციებმა საქართველოს ახალგაზრდა იურისტთა ასოციაციამ და საერთაშორისო გამჭვირვალობა – საქართველომ  თბილისის და ბათუმის სისხლის სამართლისა და ადმინისტრაციულ საქმეთა მონიტორინგის შედეგები გააცნეს საზოგადოებას.  საქართველოს ახალგაზრდა იურისტთა ასოციაცია  თბილისის საქალაქო სასამართლოს სხდომების მონიტორინგის პროექტს 2011 წლის ოქტომბრიდან ახორციელებს. ამავე პერიოდიდან ახორციელებს მონიტორინგს საერთაშორისო გამჭვირვალობა – საქართველო თბილისისა და ბათუმის პირველი ინსტანციის სასამართლოებში. მონიტორინგის შედეგები – ახალგაზრდა იურისტთა ასოციაცია. 2011 წ. მონიტორინგის შედეგები – ახალგაზრდა იურისტთა ასოციაცია. 2012 წ. მონტორინგის შედეგები –  საერთაშორისო გამჭვირვალობა – საქართველო. 2011–2012 წწ.   

თბილისი. 12 ივნისს, თბილისის ბიუჯეტის მონიტორინგის შუალედური შედეგები წარმოადგინა სამმა საზოგადოებრივმა ორგანიზაციამ ფონდ „ღია საზოგადოება – საქართველოს" ოფისში.  ქალაქის ბიუჯეტის მონიტრონგი დაახლეობთ სამი თვეა მიმდინარეობს და მას სხვადსხვა მიმართულებით სამი სხვადასხვა ორგანიზაცია ახროციელებს. ეს ორგანიზაციებია: "პი-ემ- სი კვლევითი ცენტრი", „ეკონომიკური პოლიტიკის კვლევის ცენტრი" და „კავკასიის ეკონომიკური და სოციალური კვლევების ცენტრი". მონიტორინგი შემდეგი მიმართულებით ხორციელდება:  თბილისის ჯანდაცვისა და სოციალური პროგრამების მონიტორინგი, თბილისის დასუფთავებისა და სანიტარულ წესრიგზე დახარჯული თანხების მონიტორინგი, სარეზერვო ფონდის მონიტორინგი და სკოლამდელი განათლების დაწესებულებების მონიტორინგი.  „კვლევის შედეგად დაფიქსირდა, რომ მეტი გამჭვირვალობაა საჭირო თბილისის ბიუჯეტის დაგეგმვისა და განხორციელების პროცესში.  ერთ–ერთი მიგნება ისა, რომ წლების მანძილზე მცირდება დანახარჯები გარემოს დაცვასა და განათლებაზე, მაშინ როდესაც უსაფრთხოების დაცვაზე, კულტურის პროგრამასა და გართობაზე მეტი თანხები იხარჯება. ასევე, სარეზერვო ფონდების მონიტორინგისას გამოიკვეთა, რომ სარეზერვო ფონდებისთვის არ არის აუცილებელი საქართველოს შესყიდვების კანონმდებლობის დაცვა , რაც ზრდის ამ ფონდებიდან დახარჯული თანხების არაგამჭვირვალობის რისკს" – ამბობს ფონდი „ღია საზოგადოება–საქართველოს" წარმომადგენელი, ირინა ლაშხი.

გურია. საქართველოს დემოკრატიული განვითარების კავშირმა დაასრულა მუშაობა ორ ძირითად დოკუმენტზე, რომელიც ეხება ოზურგეთისა და ჩოხატაურის მუნიციპალიტეტების 2011 წლის ბიუჯეტის შესრულების ანგარიშის განხილვასა და შეფასებას. აღნიშნული ნამუშევრები უახლეს მომავალში განთავსდება საქართველოს სტრატეგიული კვლევებისა და განვითარების ცენტრის ოფიციალურ ვებ-გვერდზე.

იმერეთი. კამპანიის – ,,ეს შენ გეხება" – ფარგლებში, „სამართლიანი არჩევნებისა და დემოკრატიის საერთაშორისო საზოგადოება" (ISFED) ქუთაისის პოლიტიკური პარტიების, საზოგადოებრივი ორგანიზაციების, ასევე ადგილობრივი მედიის წარმომადგენლებს შეხვდა. ორგანიზატორებმა დამსწრე საზოგადოებას, კამპანიის ფარგლებში, მომზადებული ინიციატივები და წინასაარჩევნო მონიტორინგის შედეგები გააცნეს. შეხვედრაზე პოლიტიკურ პარტიებსა და საზოგადოებრივ ორგანიზაციებს შორის მსჯელობა გაიმართა შემდეგ საკითხებზე – წინასაარჩევნო გარემო, სახელმწიფოს მიერ დახარჯული თანხები 2012 წელს, კონტროლის პალატის უფლებამოსილება, საკონსტიტუციო ცვლილებები. რაც შეეხება მონიტორინგს, იგი მოიცავს  2012 წლის 1 იანვრიდან 20 მარტამდე პერიოდს და სამი მიმართულებით ჩატარდა: საბიუჯეტო პროცესები, საქართველოს ბიუჯეტი და კონკრეტული ქალაქების ბიუჯეტი, პოლიტიკური ნიშნით ზეწოლის ფაქტები. მონიტორინგი ჩატარდა 4 ქალაქში: თბილისში, ქუთაისში, ბათუმსა და გორში.

გურია. საზოგადოებრივმა ორგანიზაციამ „დემოკრატიული განვითარების კავშირმა" განახორციელა სამონიტორინგო გასვლა ჩოხატაურის მუნიციპალიტეტის კოხნარის თემში.  შეხვედრა გაიმართა  ახალგარზდული ცენტრის „კოხნარას'' ოფისში და საუბარი შეეხო თემში არსებულ პრობლემებს. ორგანიზაცია პროექტს ახორციელებს საქართველოს სტრატეგიული კვლევებისა და განვითარების ცენტრის ერთობილივი ქსელური პროგრამის ფარგლებში.

თბილისი. „რეაბილიტაციის პროცესი ფასადს მიღმა" - ასე ჰქვია კვლევას, რომელიც საქართველოს ახალგაზრდა იურისტთა ასოციაციამ მოამზადა. სპეციალისტებმა შეისწავლეს ოთხი კონკრეტული არასამეწარმეო, არაკომერციული იურიდიული პირის მიერ განხორციელებული საქმიანობა და მასთან დაკავშირებული ისეთი საკითხები, როგორიცაა მათი ფინანსური და ქონებრივი შენატანები, ფინანსების გამჭრივალობა,საჯაროობა და ა.შ.   სრულად

გურია. 1-4 მაისი, საზოგადოებრივი ორგანიზაციის ლანჩხუთის საინფორმაციო ცენტრის ორგანიზებით, ოზურგეთსა და ლანჩხუთში, სათემო ლიდერებისა და ჟურნალისტებისთვის ჩატარდა ტრენინგ–კურსი. რომელიც მოიცავდა ისეთ საკითხებს, როგორიცაა საზოგადოებრივი მონიტორინგი, ეფექტური კომუნიკაცია და სოციოლოგიური კვლევების წარმოება. კურსის დასრულების შემდეგ მონაწილეები მზად არიან საკუთარ სოფლებში განახორციელონ 2011 წელს წარმოებული მუნიციპალური სერვისების მონიტორინგი და აღნიშნული სერვისებით მოსახლეობის დამოკიდებულების ხარისხის კვლევა, მოამზადონ ანალიზი და წარუდგინონ იგი საზოგადოებას. პროცესი ჩატარდება ოზურგეთისა და ლანჩხუთის 5-5 სოფელში. ტრენინგ–კურსი ჩატარდა პროექტის –  "საზოგადოებრივი მონიტორინგი ცვლილებებისთვის" – ფარგლებში, რომელიც დაფინანსებულია ევრაზიის თანამშრომლობის ფონდის მიერ.

თბილისი. „საკუთრების დაუცველი უფლება საქართველოში" – ასე ჰქვია რიგით მესამე ანგარიშს, რომელიც ოთხმა საზოგადოებრივმა ორგანიზაციამ მოამზადა. (საერთაშორისო გამჭვირვალობა – საქართველო, საქართველოს ახალგაზრდა იურისტთა ასოციაცია, საქართველოს რეგიონალური მედიის ასოციაცია, ასოციაცია „მწვანე ალტერნატივა"). ანგარიშში აღწერილია საკუთრების უფლების ხელყოფის შემთხვევები და ძირითადად ორი ნაწილისგან შედგება: 1. მოქალაქეების მიერ ქონების სახელმწიფოსთვის ჩუქება და მიტოვება 2. მესაკუთრეების მიერ უკვე რეგისტრირებული უძრავი ქონების სახელმწიფოს სახელზე თვითნებური დარეგისტრირება. ანგარიში პროექტის „საკუთრების უფლების დაცვის ხელშეწყობა ახალ ტურისტულ ზონებში" ფარგლებში გამოქვეყნდა. პროექტი ფონდი „ღია საზოგადოება– საქართველოს" ფინანსური მხარდაჭერით ხორციელდება. ანგარიში