თბილისი. „საქართველოს ახალგაზრდა კონსტიტუციონალისტთა ასოციაციის" მობილური ჯგუფი 27 ოქტომბრის საპრეზიდენტო არჩევნებს მთელი დღის განმავლობაში აკვირდებოდა. ორგანიზაციის წარმომადგენლებმა თბილისის მასშტაბით 60-მდე საარჩევნო უბანზე განახორციელეს მონიტორინგი. „აღსანიშნავია, რომ ხმის მიცემის პროცესი მშვიდ ვითარებაში მიმდინარეობდა და არ დაფიქსირებულა მნიშვნელოვანი დარღვევები. ამასთან, ასოციაციის წევრებმა რამდენიმე მოქალაქეს აღმოუჩინეს დახმარება ხმის მიცემის უფლების განსახორციელებლად", ნათქვამია ორგანიზაციის გვერდზე სოციალურ ქსელში. წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოცაიციამ 27 ოქტომბრის საპრეზიდენტო არჩევნების კენჭისყრის დღის შეფასება გამოაქვეყნა. საპრეზიდენტო არჩევნების დღეს საია თბილისისა და 8 რეგიონის 36 საარჩევნო ოლქში 400-ზე მეტი დამკვირვებლით აკვირდებოდა. ასევე საზღვარგარეთ გახსნილ საარჩევნო უბნებზე ორგანიზაციას დამკვირვებლები ჰყავდა დიდ ბრიტანეთსა და გერმანიაში. საიას დამკვირვებლებმა დაწერეს 33 საჩივარი და 50 შენიშვნა დააფიქსირეს ჩანაწერთა წიგნში. არჩევნების შეჯამების შემდეგ საია წარმოადგენს მთლიან ანგარიშს, სადაც გაანალიზებული იქნება არჩევნების მთლიანი სურათი წინასაარჩევნო პერიოდის, კენჭისყრის დღის, დავების განხილვისა და არჩევნების შედეგების შეჯამების პროცესის ჩათვლით. სრულად წყარო: gyla.ge

თბილისი. საერთაშორისო გამჭვირვალობა საქართველომ „საპრეზიდენტო არჩევნების შეჯამება" გამოაქვეყნა. ორგანიზაციამ საპრეზიდენტო არჩევნებს 370 ადგილობრივი დამკვირვებლით გაუწია მონიტორინგი. „საარჩევნო პროცესი დღის განმავლობაში ძირითადად მშვიდ და თავისუფალ გარემოში მიმდინარეობდა. ჩვენს დამკვირვებლებს არ დაუფიქსირებიათ ადმინისტრაციული რესურსების გამოყენების არც ერთი ფაქტი. პოლიტიკური პარტიის წევრებისა და აქტივისტების მხრიდან არ ყოფილა ამომრჩევლებზე პირდაპირი ზეწოლა. პოზიტიურ შეფასებას საჭიროებს ის, რომ ე.წ. სპეცუბნები მხოლოდ სპეციალური რეჟიმის ქვეშ მყოფი სამხედრო თუ პოლიციის თანამშრომლებისთვის იყო გახსნილი და მათში მხოლოდ ყაზარმულ მდგომარეობაზე მყოფი მოსამსახურეები იღებდნენ მონაწილეობას. ცენტრალური საარჩევნო კომისია და მათი წარმომადგენლები ძირითადად ინარჩუნებდნენ ნეიტრალიტეტს. დარღვევების უმრავლესობა პროცედურული ხასიათის იყო, რაც საარჩევნო ადმინისტრაციის მოხელეთა კვალიფიკაციის ამაღლების საჭიროებაზე მეტყველებს. მთლიანობაში დარღვევებს არჩევნების შედეგებზე გავლენა არ უნდა ჰქონოდა", ნათქვამია ორგანიზაციის ვებ–გვერდზე. სრულად წყარო: transparency.ge

თბილისი. 27 ოქტომბერს, საარჩევნო მედიაცენტრში არასამთავრობო ორგანიზაციები მთელი დღის განმავლობაში კენჭისყრის დღის დაკვირვების შედეგებს აქვეყნებდნენ. მედიაცენტში ბრიფინგები გამართეს: საქართველოს ახალგაზრდა იურისტთა ასოციაციამ, სამართლიანი არჩევნებისა და დემოკრატიის საერთაშორისო საზოგადოებამ, საერთაშორისო გამჭვირვალობა - საქართველომ, საზოგადოებრივმა დამცველმა, განვითარებისა და დემოკრატიის ცენტრმა, სამოქალაქო მოძრაობამ „მრავალეროვანი საქართველომ", ადამიანის უფლებათა ცენტრმა, ადამიანის უფლებათა და სოციალური სამართლიანობის დაცვის კვლევითი ცენტრმა, ფონდმა „ლიბერალური აკადემია თბილისი". ორგანიზაციების მიერ გამოქვეყნებული შედეგები შეგიძლიათ იხილოთ ორგანიზაციების ვებ–გვერდებზე. საქართველოს ახალგაზრდა იურისტთა ასოციაცია სამართლიანი არჩევნებისა და დემოკრატიის საერთაშორისო საზოგადოება საერთაშორისო გამჭვირვალობა - საქართველო  საზოგადოებრივი დამცველი განვითარებისა და დემოკრატიის ცენტრი სამოქალაქო მოძრაობა „მრავალეროვანი საქართველო"  ადამიანის უფლებათა ცენტრი

თბილისი. სამართლიანი არჩევნები საპრეზიდენტო არჩევნებზე ხმების პარალელური დათვლის შედეგებს აქვეყნებს. სამართლიანი არჩევნების ხმების პარალელური დათვლის შედეგები (სოციალურ ქსელში) სამართლიანი არჩევნების ხმების პარალელური დათვლის შედეგები (ვებგვერდი) წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ საპრეზიდენტო არჩევნების დღე ინფოგრაფიკებში ასახა და გამოაქვეყნა. კენჭისყრის დღე ინფოგრაფიკებით წყარო: gyla.ge

თბილისი. დღის განმავლობაში არასამთავრობო ორგანიზაციები მედიაცენტში გამართავენ შეხვედრებს. ისინი საზოგადოებას და ჟურნალისტებს მიაწვდიან ინფორმაციას საპრეზიდენტო არჩევნების მონიტორინგის შედგების შესახებ. საარჩევნო მედიაცენტში დღევანდელი განრიგი ასე გამოიყურება: 14.30 - სამართლიანი არჩევნები 15.00 - ახალგაზრდა იურისტები 15.30 - ადამიანის უფლებათა ცენტრი 16.00 -საერთაშორისო გამჭვირვალეობა-საქართველო 17.00 - მრავალეროვანი საქართველო 17.30 - განვითარებოსა და დემოკრატიის ცენტრი 18.00 - ახალგაზრდა იურისტები 18.30 - საზოგადოებრივი დამცველი 19.00 - სამართლიანი არჩევნები 19.30 - განვითარებისა და დემოკრატიის ცენტრი 20.00 - საერთაშორისო გამჭვირვალეობა-საქართველო 21.00 - ახალგაზრდა იურისტები 21.30 - ადამიანის უფლებათა ცენტრი 22.00 - მრავალეროვანი საქართველო 22.30 - სამართლიანი არჩევნები პირდაპირი ეთერი ამ გვერდზე http://www.livestream.com/archevenebi?utm_source=lsplayer&utm_medium=ui-content&utm_campaign=archevenebi&utm_content=archevenebi წყარო: ფონდ „ღია საზოგადოება საქართველოს" გვერდი სოციალურ ქსელში

თბილისი.არასამთავრობო ორგანიზაციებმა: საქართველოს ახალგაზრდა იურისტთა ასოციაციამ, საერთაშორისო გამჭვირვალობა – საქართველომ და სამართლიანი არჩევნებისა და დემოკრატიის საერთაშორისო საზოგადოებამ, 26 ოქტომბერს ერთობლივად წარადგინეს წინასაარჩევნო გარემოს შეფასება. იგი მოიცავს საკანონმდებლო ბაზის, თავისუფალი და სამართლიანი არჩევნებისთვის უწყებათშორისი კომისიის, საარჩევნო ადმინისტრაციის, ამომრჩეველთა სიის, საარჩევნო მიზნით ადმინისტრაციული რესურსების გამოყენების და ა.შ. საკითხებს. წინასაარჩევნო გარემო წყარო: transparency.ge

აჭარა. 25 ოქტომბერს. ბათუმის ბულვარის ცენტრალურ შესასვლელთან ახალგაზრდულმა ორგანიზაციამ - „ცვლილებები თანაბარი უფლებებისათვის" და კოალიციამ დამოუკიდებელი ცხოვრებისათვის აქცია გამართეს, დევიზით - „დამოუკიდებელი პიროვნება - თავისუფალი არჩევნები!". მასში მონაწილეობას შეზღუდული შესაძლებლობების მქონე პირები და მათი მეგობრები იღებდნენ. აქციის მიზანი ადგილობრივი შშმ პირებისათვის გააქტიურებისკენ მოწოდება, კერძოდ, 27 ოქტომბერს საპრეზიდენტო არჩევნეზე მისვლა და მოქალაქეობრივი მოვალეობის შესრულება. აქციაზე დარიგდა საინფორმაციო ფლაერები. ღონისძიება გაიმართა პროექტების - „შშმ პირთა საარჩევნო უფლებების დაცვისა" (დონორი: საარჩევნო სისტემების საერთაშორისო ფონდის (IFES) და „თანაბარი საარჩევნო გარემო-პირობების შექმნის ხელშეწყობა შშმ ადამიანებისთვის" (დონორი: საარჩევნო სისტემების განვითარების, რეფორმებისა და სწავლების ცენტრი) ფარლგებში.

თბილისი. საერთაშორისო გამჭვირვალობა – საქართველომ გამოაქვეყნა ანგარიში: „მედია გარემო 27 ოქტომბრის საპრეზიდენტო არჩევნების წინ". ორგანიზაცია ვებგვერდზე ასევე აქვეყნებს ბლოგპოსტს, სადაც მოცემულია წინასაარჩევნოდ რომელი გადაცემები უფრო პოპულარული და, შესაბამისად, რომელს შეუძლია მეტი გავლენა მოახდინოს საზოგადოებრივ აზრზე. არჩევნებისწინა პერიოდში ტელეკომპანიების რეიტინგები. „მედია გარემო 27 ოქტომბრის საპრეზიდენტო არჩევნების წინ" წყარო: transparency.ge

თბილისი. „საქართველოს ახალგაზრდა კონსტიტუციონალისტთა ასოციაცია" წინასაარჩევნოდ შექმნილ ვითარებას ეხმაურება. „მიუხედავად საარჩევნო გარემოს მკვეთრი გაუმჯობესებისა, რასაც ბოლოდროინდელი კვლევებიც ადასტურებს, საპრეზიდენტო არჩევნების დღეს კამომრჩეველთა დაბალი აქტივობის საფრხეს ხედავს", ნათქვამია ორგანიზაციის გვერდზე სოციალურ ქსელში. ახალგაზრდა კონსტიტუციონალისტები მოუწოდებენ საქართველოს მოქალქეებს 27 ოქტომბრის საპრეზიდენტო არჩევნებზე მაქსიმალური აქტიურობისკენ. 26 ოქტომბერს ახალგაზრდა კონსტიტუციონალისტთა ასოციაციის წარმომადგენლები სამოქალაქო კამპანიის ფარგლებში თბილისის ქუჩეში თანამოქალაქეებს შეხვდებიან და არჩევნებზე თითოეული მათგანის მონაწილეობის მნიშვნელობას შეახსენებენ. წყარო: ორგანიზაციის გვერდი სოციალურ ქსელში

თბილისი. 27 ოქტომბრს საქართველოს პრეზიდენტის არჩევნებისთვის დამკვირვებლად რეგისტრირებულ ადგილობრივ ორგანიზაციებს შორის არის კოალიცია დამოუკდებელი ცხოვრებისათვის. კოაცილიის წევრები დააკვირდებიან მიმდინარე საარჩევნო პროცესს, რაც ხელს შეუწყობს შშმ პირთათვის თანაბარი საარჩევნო გარემოს უზრუნველყოფას. წყარო: კოალიციის გვერდი სოციალურ ქსელში

თბილისი. 25 ოქტომბერი. 15:00 საათზე კოალიციის – "დამოუკიდებელი ცხოვრებისათვის" –  ინიციატივით, გაიმართება აქცია დევიზით - „დამოუკიდებელი პიროვნება - თავისუფალი არჩევნები!", რომელშიც მონაწილეობას შეზღუდული შესაძლებლობების მქონე პირები და მათი მეგობრები მიიღებენ. მიუხედავად იმ პრობლემისა, რასაც გადაადგილების დროს აწყდებიან ეტლით მოსარგებლე პირები, ისინი მაინც საარჩევნო უბანზე მისვლით იღებენ არჩევნებში მონაწილეობას და საზოგადოებასაც მოუწოდებენ იყვნენ მოქალქეობრივად აქტიურები. აქციაზე დარიგდება საინფორმაციო ფლაერები. ამ ღონისძიების პარალელურად, აქცია გაიმართება გორში, ზუგდიდში, თელავში, ბათუმში, ქუთაისსა და ოზურგეთში. კოალიცია დამოუკიდებელი ცხოვრებისათვის წარმოადგენს შეზღუდული შესაძლებლობის საკითხებზე მომუშავე 27 არასამთავრობო ორგანიზაციის კავშირს, რომლის მიზანია ხელი შეუწყოს შშმ პირთა დამოუკიდებლობას და კეთილდღეობას ქართულ საზოგადოებაში. მქონე პირთა სამოქალაქო ინტერესები და უფლებები. სრულად წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ წინასაარჩევნო პერიოდის მონიტორინგის ანგარიშის პრეზენტაცია წარმოადგინა. ანგარიში მოიცავს 2013 წლის ივლისიდან სექტემბრის ჩათვლით განხორციელებული მონიტორინგის შედეგებს. სამთვიანი პერიოდის განმავლობაში წინასაარჩევნო პროცესებს საია თბილისსა და საქართველოს შვიდ რეგიონში: კახეთში, შიდა ქართლში, ქვემო ქართლში, მცხეთა-მთიანეთში, იმერეთში, აჭარასა და ოზურგეთში საიას მონიტორების დახმარებით ახორციელებდა. წინასაარჩევნო გარემოს მონიტორინგის ანგარიში – ივლისი–სექტემბერი, 2013 წყარო: gyla.ge

თბილისი. 24 ოქტომბერს საერთაშორისო გამჭვირვალობა – საქართველომ წარმოადგიგინა 2013 წლის 1 ივლისიდან 23 ოქტომბრამდე პერიოდის წინასაარჩევნო მონიტორინგის შუალედური ანგარიში. „საანგარიშო პერიოდში ჩვენ მიერ განხორციელებულმა მონიტორინგმა აჩვენა, რომ, 2012 წლის საპარლამენტო არჩევნებთან შედარებით, ამ პერიოდში გაცილებით ნაკლები იყო ადმინისტრაციული რესურსების საარჩევნო მიზნებით გამოყენების შემთხვევები, რაც საარჩევნო გარემოს უფრო მშვიდ და კონკურენტულად წარმოაჩენდა", ნათქვამია ორგანიზაციის ვებგვერდზე. ანგარიში წყარო: transparency.ge

თბილისი. 24 ოქტომბერს, სამართლიანმა არჩევნებმა (ISFED) 2013 წლის 27 ოქტომბრის საპრეზიდენტო არჩევნების წინასაარჩევნო კამპანიის მონიტორინგის მეექვსე და ბოლო შუალედურ ანგარიში წარმოადგინა. ანგარიში მოიცავს 2013 წლის 7 ოქტომბრიდან 24 ოქტომბრის ჩათვლით გამოვლენილ საარჩევნო კანონმდებლობის დარღვევის ფაქტებს. ასევე, ინფორმაციას საარჩევნო სუბიექტების მიერ გამართული წინასაარჩევნო ღონისძიებებისა და გაცემული დაპირებების თაობაზე. სამართლიანი არჩევნების ინფორმაციით, საანგარიშო პერიოდში პოლიტიკური პარტიებისა და კანდიდატების მიერ 377 შეხვედრა გაიმართა. ყველაზე მეტი, 199 შეხვედრა კოალიცია „ქართულმა ოცნებამ" გამართა, შემდეგ მოდის „ერთიანმა ნაციონალურმა მოძრაობა" 85 შეხვედრით, „დემოკრატიული მოძრაობა - ერთიანი საქართველო" - 76 შეხვედრა და სხვა პარტიები. ანგარიში წყარო:isfed.ge

იმერეთი. ქუთაისის დემოკრატიული ჩართულობის ცენტრში, 24 ოქტომბერს, ახალმა თაობამ–ახალმა ინიციატივამ სადამკვირვებლო მისიის წარმომადგენლებისთვის ტრენინგი გამართა. ტრენინგის განმავლობაში ნაჩვენები იყო ორგანიზაციის მიერ გადაღებული ფილმი, რომელიც დეტალურად აღწერს იმ პროცედურას, თუ როგორ მიმდინარეობს საარჩევნო პროცესი და რაზე უნდა გაამახვილონ დამკვირვებლებმა ყურადღება, ასევე განიხლეს დამკვირვებლების ქცევის წესები.

ქვემო ქართლი. „ახალი თაობა – ახალი ინიციატივა"-ს  (nGnI)  ტრენერთა ჯგუფმა, ქვემო ქართლში, რუსთავის, გარდაბნის, მარნეულის, ბოლნისის, დმანისის და წალკის მოკლევადიანი დამკვირვებლებისთვის არჩევნების თემაზე ტრენინგი გამართა. შეხვედრაზე დეტალურად განიხილეს  კენჭისყრის დღის პროცედურები. ქვემო ქართლის   ოლქების დამკვირვებლებს დეტალურად ეცნობათ ორგანიზაციის პრინციპების, მათი უფლება–მოსილებებისა და ორგანიზაციის მიერ შემუშავებული „დამკვირვებლის ქცევის კოდექსის" შესახებ. პროექტი ხორციელდება ნიდერლანდების სამეფოს საელჩოს პროგრამა "მატრას" ფინანსური მხარდაჭერით. წყარო:ორგანიზაციის გვერდი სოციალურ ქსელში

თბილისი. არასამთავრობო ორგანიზაცია „ჯამპსტარტ ჯორჯია" ახალ ვიზუალიზაციას აქვეყნებს საარჩევნო თემატიკაზე. როგორც ორგანიზაციის გვერდზე წერია „2012 წლის მონაცემების დამუშავების შედეგად, „ჯამპსტარტ ჯორჯიამ" უზუსტობები აღმოაჩინა. მიუხედავად იმისა, რომ ეს უზუსტობები არ აისახა არჩევნების შედეგებზე, ჩვენ ვფიქრობთ, რომ მსგავსი მსგავსმა უზუსტობებმა შეიძლება გავლენა მოახდინოს მომავალ არჩევნებზე, თუ საუბნო საარჩევნო კომისიის წევრები, დამოუკიდებელი დამკვირვებლები და ცესკო არ მიიღებს ზომებს ცესკოს ოფიციალური არჩევნების მონაცემების სიზუსტის უზრუნველსაყოფად". ვიზუალიზაცია: „შენი საარჩევნო ხმა ჩაითვალა?" წყარო: feradi.info

თბილისი. საერთაშორისო გამჭვირვალობა საქართველომ, საქართველოს ახალგაზრდა იურისტთა ასოციაციამ და სამართლიანი არჩევნებისა და დემოკრატიის საერთაშორისო საზოგადოებამ არჩევნების თემაზე მორიგი ვიდეო–რგოლები გაავრცელეს. წყარო:ორგანიზაციის გვერდი სოციალურ ქსელში

თბილისი. 22 ოქტომბერს რვა არასამთავრობო ორგანიზაციამ ერთობლივი საარჩევნო მედიაცენტრი გახსნა. არასამთავრობო ორგანიზაციების წარმომადგენლები, საპრეზიდენტო არჩევნების დღეს, 27 ოქტომბერს, ჟურნალისტებს არჩევნების მიმდინარეობის შესახებ მიაწვდიან ინფორმაციას. ცენტრი ფონდ „ღია საზოგადოება – საქართველოს" ფინანსური მხარდაჭერით გაიხსნა და საპრეზიდენტო არჩევნების შედეგების გამოცხადებამდე იმუშავებს. მედიაცენტრში, რომელიც თბილისში ქობულეთის ქუჩის 34–36 ნომერში მდებარეობს, პრესკონფერენციები 8:30–დან 22:30 საათამდე ნახევარ საათში ერთხელ გაიმართება და არასამთავრობო ორგანიზაციები ჟურნალისტებს დაკვირვებისა და მონიტორინგის შედეგებს გააცნობენ. წყარო:media.ge

თბილისი. 22 ოქტომბერს, საქართველოს ჟურნალისტური ეთიკის ქარტიამ, IREX–S.A.F.E.-სა და ომისა და მშვიდობის გაშუქების ინსტიტუტთან (IWPR) თანამშრომლობით მოაწყო სემინარი არჩევნების გაშუქებაზე მომუშავე ჟურნალისტებისთვის. სესია საპრეზიდენტო არჩევნების მოახლოებასთან დაკავშირებით ჟურნალისტური ეთიკის ქარტიის ოფისში ჩატარდა და მედიის წარმომადგენლებისთვის საჭირო პრაქტიკულ საკითხებს შეეხო. ღონისძიებაზე ჟურნალისტური ეთიკის ქარტიის აღმასრულებელმა დირექტორმა თამარ რუხაძემ მედიის წარმომადგენელთა უფლებები, პასუხისმგებლობა და გაშუქების ეთიკური საკითხები განიხილა. პრაქტიკული მეცადინეობები ჩაატარეს საერთაშორისო გამჭვირვალობა-საქართველოს მედია ანალიტიკოსმა დიანა ჩაჩუამ და IREX S.A.F.E. პროექტის ტრენერებმა. სემინარზე საუბარი შეეხო ჟურნალსიტების ფიზიკურ და ციფრულ უსაფრთხოებას, კანონმდებლობას და რეგულაციებში მიმდინარე ცვლილებებს, მედიაცენტრის და არასამთვრობო სექტორის მუშაობას არჩევნების დროს. IWPR-ის რეგიონალურმა დირექტორმა, ბექა ბაჯელიძემ აღნიშნა, რომ არჩევნების თემაზე მუშაობა არ მოიცავს მხოლოდ ერთ დღეს და არანაკლებ საინტერესოა ზოგადი ფონი, განსაკუთრებით ანალიტიკური სამუშაოსთვის. ბაჯელიძემ და IWPR-ის კავკასიის საინფორმაციო სამსახურის რედაქტორმა, გიორგი კუპატაძემ სემინარის მონაწილეებს ინფორმაციის ანალიზისთვის საჭირო სპეციფიკა, მედია კომუნიკაციების ეფექტური გამოყენება და სხვა პრაქტიკული რჩევები გააცნეს. წყარო:media.ge