სამეგრელო. საერთაშორისო გამჭვირვალობა საქართველომ – „საჯარო მოხელეები წინასაარჩევნო აქციასა და კონტრაქციაზე ზუგდიდში" – ბლოგპოსტი გამოაქვეყნა. ორგანიზაცია ადგილობრივ თვითმმართველობაში დასაქმებულ საჯარო მოხელეებს მოუწოდებს, „სამუშაო დრო არ გამოიყენონ პოლიტიკური აქტივობისთვის და მათი სასურველი საპრეზიდენტო კანდიდატის მხარდასაჭერად თუ პროტესტის გამოსახატად. ამასთანავე, ორგანიზაცია ხაზს უსვამს, რომ პოლიციამ შეძლო ეფექტური პრევენციული ნაბიჯების გადადგმა პოლიტიკური პარტიის წევრებისა და მათი მხარდამჭერების დასაცავად და წინასაარჩევნო შეხვედრის მშვიდ და უსაფრთხო გარემოში ჩასატარებლად". სრულად წყარო:transparency.ge

იმერეთი. 11 სექტემებრს ქუთაისის ახალგაზრდული ცენტრის წევრებისათვის გაიმართა დისკუსიას თემაზე: „დემოკრატიული არჩევნები და არჩევის პრაქტიკა საქართველოში". დისკუსიას სამართლიანი არჩევნებისა და დემოკრატიის საერთაშორისო საზოგადოების (ISFED) ქუთაისის ოფისის წარმომადგენელი უძღვებოდა. დისკუსიის მიზანი იყო ახალგაზრდები გაცნობოდნენ თუ რა მნიშვენლობა აქვს არჩევნების დემოკრატიულად ჩატარებას ქვეყნის განვითარებისათვის და დემოკრატიული სახელმწიფოს მშენებლობისთვის. მსმენელებს გააცნეს ინფორმაცია თუ როგორ უნდა წარიმართოს საარჩევნო პროცესები დემოკრატიულად და კანონის ფარგლებში, როგორი უნდა იყოს ამომრჩევლის აქტიურობა და მონაწილეობა, თუ რა არის საქართველოში არჩევნების ჩატარების სამართლებრივი საფუძველი, რას ითვალისწინებს საქართველოს კონსტიტუცია, ადამიანის უფლებათა საერთაშორისო სამართლის საყოველთაოდ აღიარებული პრინციპები და ნორმები, საქართველოს საარჩევნო კოდექსი, სხვა საკანონმდებლო აქტები და საარჩევნო ადმინისტრაციის სამართლებრივი აქტები არჩევნების სამართლიანად ჩატარებისათვის. დისკუსია გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) მხარდაჭერით. წყარო:ორგანიზაციის გვერდი ოსიცალურ ქსელში

თბილისი. ცენტრალურ საარჩევნო კომისიას ახალი თავმჯდომარე ჰყავს. ცესკოში კენჭისყრა 11 სექტემბრს შედგა და კომისიის წევრებმა მხარი თამარ ძვანიას დაუჭირა. თამარ ჟვანიას კანდიდატურა საქართველოს პრეზიდენტს საარჩევნო საკითხებზე მომუშავე არასამთავრობო ორგანიაზციებმა წარუდგინეს. სრულად წყარო: isfed.ge

თბილისი. საერთაშორისო გამჭვირვალობა საქართველომ განცხადება – „უნდა გაუშვას თუ არა საზოგადოებრივმა მაუწყებელმა „ქართული ოცნების" ანტირეკლამა" – გაავრცელა. „10 სექტემბერს „ერთიან ნაციონალურ მოძრაობას" საზოგადოებრივმა მაუწყებელმა ექვსი პოლიტიკური შინაარსის ვიდეორგოლის ეთერში განთავსებაზე იმ მიზეზით უთხრა უარი, რომ ეს ვიდეომასალა წინასაარჩევნო რეკლამის მოთხოვნებს არ აკმაყოფილებდა. ... მოვუწოდებთ საზოგადოებრივი მაუწყებლის ხელმძღვანელობას, თავი შეიკავონ პოლიტიკური განცხადებებისგან და საკუთარ საქმიანობასა და განმარტებებში კანონის მოთხოვნებით იხელმძღვანელონ", ნათქვამია განცხადებაში. სრულად წყარო: transparency.ge

თბილისი. ადამიანის უფლებების სწავლებისა და მონიტორინგის ცენტრმა გიორგი დავითურის ბლოგპოსტი – „ორმაგი მოაქალაქეობის მქონე პირის საპრეზიდენტო არჩევნებში მონაწილეობის უფლება: კონსტიტუციური ასპექტები" – გამოაქვეყნა. „2014 წლამდე შემდგარ საპრეზიდენტო არჩევნებში გამონაკლისის წესით მონაწილეობისა და არჩევის უფლება, ევროკავშირის წევრი სახელმწიფოს მოქალაქესთან (რომელიც არ არის საქართველოს მოქალაქე) ერთად, გააჩნია ორმაგ მოქალაქეს, რომელიც იმავდროულად აკმაყოფილებს 1044მუხლით დადგენილ სხვა პირობებს (საქართველოს მოქალაქეობასთან ერთად ევროკავშირის მოქალაქეობა, ბოლო 5 წლის განმავლობაში მუდმივად საქართველოში ცხოვრება და საქართველოში დაბადების ფაქტი), ხოლო პრეზიდენტობის კანდიდატი, რომელიც ამორიცხულია ხსენებული ნორმის სუბიექტებიდან, უნდა აკმაყოფილებდეს საქართველოს კონსტიტუციით, საქართველოს სახელმწიფო მეთაურისთვის დაწესებულ ყოველ მოთხოვნას", ნათქვამია ბლოგპოსტში.  სრულად წყარო: emcrights.wordpress.com

თბილისი. საქართველოს ჟურნალისტური ეთიკის ქარტიამ მედიის წინასაარჩევნო ქცევის კოდექსი მოამზადა, რომელსაც 4 აგვისტოს ხუთი მედიასასუალება შეუერთდა. მათ შორის საქართველოსსაზოგადოებრივიმაუწყებელი, აჭარისსაზოგადოებრივიმაუწყებელი, ტელეკომპანია „რუსთავი 2", ტელეკომპანია „მაესტრო" დატელეკომპანია „იმედი. ქარტიამ კოდექსი საქართველოს კანონმდებლობის, საერთაშორისო დოკუმენტებისა და თვითრეგულირების პრინციპების საფუძველზე მოამზადა.  მედიის წინასაარჩევნო ქცევის კოდექსი წყარო:qartia.org.ge

თბილისი. საერთაშორისო გამჭვირვალობა საქართველომ ბლოგპოსტი – „უნდა მიეცეს თუ არა სალომე ზურაბიშვილს საპრეზიდენტო არჩევნებში მონაწილეობის უფლება" – გაავრცელა. „სალომე ზურაბიშვილს უფლება აქვს მიიღოს მონაწილეობა საპრეზიდენტო არჩევნებში. არც საარჩევნო კოდექსი და არც საქართველოს კონსტიტუცია არ მოითხოვს, რომ პრეზიდენტობის კანდიდატს ჰქონდეს მხოლოდ საქართველოს მოქალაქეობა", ნათქვამია ბლოგპოსტში. ორგანიზაციას ასევე მიაჩია, რომ სალომე ზურაბიშვილისთვის არჩევნებში მონაწილეობის უფლების არმიცემა 2013 წლის საპრეზიდენტო არჩევნებისადმი მოსახლეობის ნდობაზე ნეგატიურად იმოქმედებს. სრულად  წყარო: transparency.ge

ქვემო ქართლი. 31 აგვისტოს, არასამთავრობო ორგანიზაცია „საქართველოს აზერბაიჯანელ ქალთა კავშირის" ორგანიზებით  ბოლნისის რაიონის სოფლების მოსახლეობა გაეცნო ცენტრალური საარჩევნო კომისიის ეროვნული უმცირესობების ამომრჩევლებისათვის თანაბარი საარჩევნო გარემოს უზრუნველყოფის მიზნით, პრეზიდენტის არჩევნებისთვის მზადების პროცესში უკვე განხორციელებულ აქტივობებს, ასევე სამომავლოდ დაგეგმილ ღონისძიებებს.  შეხვედრა განხორციელდა, პროექტის - „საარჩევნო პროცესებში ეთნიკური უმცირესობების სამოქალაქო პასუხისმგებლობის გაზრდა და ამომრჩევლის როლის გააქტიურება" – ფარგლებში.  წყარო:ეთნოსთაშორისო თანამშრომლობისა და კონსულტაციების ანალიტიკური ცენტრის გვერდი სოციალურ ქსელში

თბილისი. საარჩევნო საკითხებზე მომუშავე არასამთავრობო ორგანიზაციებმა პრეზიდენტს ცენტრალური საარჩევნო კომისიის თავმჯდომარის ვაკანტურ თანამდებობაზე თამარ ჟვანიას კანდიდატურა ოფიციალურად წარუდგინეს. „იმედს გამოვთქვამთ, რომ თქვენ მხარს დაუჭერთ წარმოდგენილი არასამთავრობო ორგანიზაციების არჩევანს და საქართველოს ცენტრალურ საარჩევნო კომისიას ქალბატონი თამარ ჟვანიას კანდიდატურას წარუდგენთ", ნათქვამია მიმართვაში. სრულად წყარო:საერთაშორისო გამჭვირვალობა – საქართველოს გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა კოკა კიღურაძის ბლოგი – საერთაშორისო პრაქტიკაში არსებული საარჩევნო სისტემების დადებით და უარყოფით მხარეებზე – გამოაქვეყნა. „სუვერენული სახელმწიფოებისთვის საარჩევნო სისტემის არჩევა საკმაოდ პრივატულ საკითხს და ქვეყნის პოლიტიკური ძალების კონსესუსის საგანს წარმოადგენს, მაგრამ არსებობს საერთაშორისოდ აღიარებული ზოგადი პრინციპები, რომელიც გათვალიწინებული უნდა იყოს", ნათქვამია ბლოგში. სრულად წყარო:emcrights.wordpress.com

თბილისი. Mediamoitor.ge-ზე წინასაარჩევნო მედია მონიტორინგის მორიგი შედეგები გამოქვეყნდა. 17 ივლისი – 17 აგვისტოს ანგარიში მოიცავს სატელევიზიო არხების, რადიო საშუალებების, ბეჭდური მედიისა და ონლაინ მედია საშუალებების მონიტორინგს.  წინასაარჩევნო მედია მონიტორინგი ხორციელდება ევროკავშირისა და გაეროს განვითარების პროგრამის მიერ დაფინანსებული პროექტის "პროფესიონალური მედია არჩევნებისთვის" ფარგლებში. პროგრამის მთავარი მიზანია საპარლამენტო და საპრეზიდენტო არჩევნების პერიოდში, პროფესიული, მიუკერძოებელი და დაბალანსებული მედია გაშუქების ხელშეწყობა მონიტორინგის გზით. ანგარიში  წყარო:mediamonitor.ge

აჭარა. 23–24 აგვისტოს, ბათუმის დემოკრატიული ჩართულობის ცენტრში, კოალიციამ „დამოუკიდებელი ცხოვრებისათვის" ტრენინგ–სემინარი ჩაატარა. კოალიციის წარმომადგენლები შეხვედრების პირველ დღეს ადგილობრივ შშმ პირებს, მათ მშობლებსა და შშმ პირების თემაზე მომუშავე ორგანიზაციების წარმომადგენლებს შშმ პირების უფლებებზე ესაუბრნენ. მეორე დღეს კი საპრეზიდენტო არჩევნებთან დაკავშირებით შშმ პირებისათვის შექმნილ სპეციალურ მობილურ ჯგუფებთან გამართეს შეხვედრა. ეტლით მოსარგებლეთათვის აღნიშნული არჩევნებისთვის საარჩევნო უბნები ადაპტირებული იქნება. უსინათლო შშმ პირები  ხმის მიცემას დამოუკიდებლად, პლანშეტში ჩაწერილი სპეციალური პროგრამის საშუალებით შეძლებენ. სმენადაქვეითებულთავის – ყველა საარჩევნო უბანზე skype call-ის გამოყებეით თარჯიმანი იმუშავებს, რომელიც მათ ყველაფერს გადაუთარგმნის.

თბილისი. 23 აგვისტოს საარჩევნო საკითხებზე მომუშავე არასამთავრობო ორგანიზაციებმა ცესკოს თავმჯდომარის თანამდებობაზე თამარ ჟვანიას კანდიდატურა წარადგინეს. კანდიდატის შერჩევის კრიტერიუმად ორგანიზაციებმა „მხედველობაში მიიღეს ადგილობრივ და საერთაშორისო ორგანიზაციებში საარჩევნო საკითხებზე მუშაობის დიდი გამოცდილება, საარჩევნო ადმინისტრაციის საქმიანობის სპეციფიკის კარგი ცოდნა, კანდიდატის არაპარტიული წარსული, პიროვნული ღირსებები, მათ შორის, პრინციპულობა და ობიექტურობა". კანდიდატის წარმდგენი ორგანიზაციები: სამართლიანი არჩევნებისა და დემოკრატიის საერთაშორისო საზოგადოება (ISFED), საერთაშორისო გამჭვირვალობა - საქართველო, საქართველოს ახალგაზრდა იურისტთა ასოციაცია, ადამიანის უფლებების სწავლებისა და მონიტორინგის ცენტრი (EMC), ფონდი „ღია საზოგადოება - საქართველო", კონსტიტუციის 42-ე მუხლი, მრავალეროვანი საქართველო, კოალიცია „სამოქალაქო განვითარებისთვის", განვითარებისა და დემოკრატიის ცენტრი (CDD), საქართველოს დემოკრატიული ინიციატივა, საარჩევნო გარემოს განვითარების ცენტრი. სრულად წყარო: transparency.ge

ქვემო ქართლი. ცსკ–მ 17-18 აგვისტოს ეთნიკური უმცირესობების წარმომადგენლებთან გასვლითი შეხვედრები გამართა. 17 აგვისტოს შეხვედრა სოფელ აიაზმაში (წალკის რაიონი) შედგა, 18 აგვისტოს კი მარნეულის რაიონში. შეხვედრები სსიპ საარჩევნო სისტემების განვითარების, რეფორმებისა და სწავლების ცენტრის მიერ დაფინანსებული და ცენტრალური საარჩევნო კომისიის მიერ მხარდაჭერილი პროექტის ფარგლებში ხორციელდება. სოფელ აიაზმაში არასამთავრობო ორგანიზაცია „საზოგადოებრივი დამცველმა”, „საარჩევენო პროცესებში ეთნიკური უმცირესობების სამოქალაქო პასუხისმგებლობის გაზრდა და ამომრჩევლის როლის გააქტიურების” პროექტის ფარგლებში კარდაკარ შემოვლის პრინციპით გამართა შეხვედრები. ხოლო, არასამთავრობო ორგანიზაციამ „საქართველოს აზერბაიჯანელ ქალთა კავშირმა”, მარნეულის სამ სოფელში გამართა მოსახლეობასთან შეხვედრები, რაც მიზნად ისახავს ზემოაღნიშნულ სოფლებში, საინფორმაციო კამპანიის ჩატარებას ღია ცის ქვეშ. პროექტის ფარგლებში ეთნიკური უმცირესობების ამომრჩევლებს შესაძლებლობა ეძლევათ გაეცნონ არჩევნების დღეს საკუთარ უფლებებსა და ვალდებულებებს. წყარო: cesko.ge

თბილისი. „საერთაშორისო გამჭვირვალობა – საქართველოს" და „ახალგაზრდა იურისტთა ასოციაციის" წარმომადგენლებმა რადიო „თავისუფლების" გადაცემაში მიიღეს მონაწილეობა. მათ ცესკოს თავმჯდომარის პოზიციიდან ზურაბ ხარატიშვილის გადადგომის შემდგომ შექმნილ ვითარებაზე ისაუბრეს. გადაცემა – რას ცვლის ცსკ–ს თავმჯდომარის გადადგომა? წყარო: საერთაშორისო გამჭვირვალობის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოებამ ბლოგი – „აქვს თუ არა ორმაგ მოქალაქეს უფლება მონაწილეობა მიიღოს 2013 წლის საპრეზიდენტო არჩევნებში?" – გაავრცელა. სამართლიანი არჩევნები მიიჩნევს, რომ საქართველოს კონსტიტუცია არ უკრძალავს ორმაგი მოქალაქეობის მქონე პირებს უფლებას, კანდიდატის სტატუსით მონაწილეობა მიიღონ საპრეზიდენტო არჩევნებში.  „მიგვაჩნია, რომ ცესკოს თავმჯდომარის განკარგულებები, ორმაგი მოქალაქეობის მქონე პირთათვის რეგისტრაციაზე უარის თქმის შესახებ შესაბამისობაში არ მოდის საქართველოს კონსტიტუციასთან", ნათქვამია ბლოგში. სრულად  წყარო: isfed.ge

თბილისი. სამართლიანი არჩევნებისა და დემოკრატიის  საერთაშორისო საზოგადოება (ISFED) გამოაქვეყნა 2013 წლის 27 ოქტომბრის საპრეზიდენტო არჩევნების წინასაარჩევნო პერიოდის მეორე ანგარიში. წარმოდგენილი ანგარიში მოიცავს 2013 წლის 20 ივლისიდან 4 აგვისტოს ჩათვლით პერიოდს. სრულად წყარო: isfed.ge

თბილისი. 6 აგვისტოს სამართლიანმა არჩევნებმა და ახალგაზრდა იურისტთა ასოციაციამ პრესკონფერენცია გამართეს. ორგანიზაციებმა „იმ საშიშროებაზე ისაუბრეს, რომელიც აჭარის ბიუჯეტის გაზრდითა და სასამართლოს უმოქმედობის შედეგად აზიანებს წინასაარჩევნო პროცესს", ნათქვამია სამართლიანი არჩევნების ვებგვერდზე. საია და სამართლიანი არჩევნები მოუწოდებენ ბათუმის საქალაქო სასამართლოს საარჩევნო დავა კანონით დადგენილ გონივრულ ვადაში განიხილოს. შეგახსენებთ, რომ 30 ივლისს, სამართლიანი არჩევნებმა და საქართველოს ახალგაზრდა იურისტთა ასოციაციამ ბათუმის საქალაქო სასამართლოში სარჩელი შეიტანა, რათა აჭარის უმაღლესმა საბჭომ შეაჩეროს რესპუბლიკური ბიუჯეტის შესახებ კანონში შეტანილი ცვლილება, რომლის თანახმადაც 13 მილიონ 554 ათას 400 ლარი ინფრასტრუქტურულ და სოციალურ პროექტებს მოხმარდება. სრულად წყარო: isfeg.ge

თბილისი.„საერთაშორისო გამჭვირთალობა – საქართველომ" ახალი პუბლიკაცია გამოაქვეყნა – „შეესაბამება თუ არა „ახალ პოლიტიკურ სტანდარტს" მარგველაშვილის წინასაარჩევნო კამპანია?". „სწორედ როგორც „ახალი პოლიტიკური სტანდარტების" დამკვიდრებისკენ გადადგმული ნაბიჯი ახსნა გიორგი მარგველაშვილმა განათლებისა და მეცნიერების მინისტრობიდან გადადგომა, მაშინ, როდესაც მოქმედი კანონმდებლობა ამას არ ავალდებულებდა. პრეზიდენტობის მომავალი კანდიდატის ეს გადაწყვეტილება უდავოდ მისასალმებელია. თუმცა მარგველაშვილის ერთგულება მის მიერვე გაცხადებული პოლიტიკის მიმართ ეჭვქვეშ დააყენა ბოლო პერიოდში მისი საჯარო გამოჩენის სპეციფიკამ. მხედველობაში გვაქვს მისი დასწრების ფაქტი იუსტიციის სამინისტროს მიერ ორგანიზებულ შრომის კოდექსის ბეჭდური ვერსიის პრეზენტაციაზე და ახმეტის მუნიციპალიტეტის მიერ ორგანიზებულ თუშეთობის დღესასწაულზე ომალოში, სადაც მარგველაშვილმა ვერტმფრენით იმგზავრა. ჩვენთვის უცნობია არის თუ არა სატრანსპორტო საშუალება სახელმწიფო საკუთრებაში", ნათქვამია ორგანიზაციის პუბლიკაციაში. პუბლიკაციაში აღნიშნულია, რომ გიორგი მარგველაშვილი ამ დრომდე საპრეზიდენტო კანდიდატად ოფიციალურად  დარეგისტრირებული არ არის „თუმცა, იქიდან გამომდინარე, რომ წინასაარჩევნო კამპანია ფაქტობრივად უკვე დაწყებულია, საპრეზიდენტო კანდიდატად რეგისტრაცია კი მხოლოდ ფორმალურ პროცედურას წარმოადგენს, კოალიცია „ქართული ოცნების" პრეზიდენტობის მომავალ კანდიდატს მოვუწოდებთ: დაიცვას ეუთოს კოპენჰაგენის დოკუმენტი, რომლის თანახმად სახელმწიფოსა და პოლიტიკურ პარტიებს შორის მკაფიო განსხვავება უნდა არსებობდეს, რაც ამ შემთხვევაში დარღვეული იყო. დაიცვას მის მიერვე დეკლარირებული მაღალი პოლიტიკური სტანდარტი და კანდიდატად ოფიციალურად დარეგისტრირებამდეც არ დაუშვას ადმინისტრაციული რესურსების გამოყენება, ვინაიდან ამომრჩევლისთვის ის უკვე აღიქმება, როგორც საპრეზიდენტო კანდიდატი". სრულად წყარო: transparency.ge

თბილისი. სამოქალაქო განვითარების ინსტიტუტმა განაახლა მედიამონიტორინგი ევროკავშირისა და გაეროს განვითარების პროგრამის მიერ დაფინანსებული პროექტის ფარგლებში. საპრეზიდენტო წინასაარჩევნო მონიტორინგის ფარგლებში ინსტიტუტი აკვირდება 12 ვებგვერდს: netgazeti.ge, droni.ge, politico.ge, liberali.ge, news.ge, presa.ge, civil.ge, tabula.ge, garbonline.tv, for.ge, dfwatch.net, palitratv.ge. აღნიშნული ანგარიში მოიცავს მედიამონიტორინგის შედეგებს 15 ივნისიდან 15 ივლისის ჩათვლით. ონლაინ მედიის წინასაარჩევნო მონიტორინგი– 15 ივნისი–15 ივლისი წყარო: mediamonitor.ge

თბილისი. წინასაარჩევნო მედიამონიტორინგის ფარგლებში სატელევიზიო და რადიო არხების მონიტორინგის უახლესი ანგარიშები გამოქვეყნა, რომელიც მოიცავს 15 ივნისიდან 15 ივლისამდე მონაცემებს. სატელევიზიო სივრცის მონიტორინგს კავკასიის კვლევითი რესურსების ცენტრი ახორციელებს, ხოლო რადიო არხების მონიტორინგს ინტერნიუს–საქართველო. მონიტორინგი ევროკავშირისა და გაეროს განვითარების პროგრამის მიერ დაფინანსებული პროექტის – „პროფესიონალური მედია არჩევნებისთვის" – ფარგლებში ხორციელდება. სატელევიზიო არხების წინასააარჩევნო მონიტორინგი – 16 ივნისი–16 ივლისი რადიოების წინასაარჩევნო მონიტორინგი – 15 ივნისი–15 ივლისი წყარო: mediamonitor.ge

თბილისი. განვითარებისა და დემოკრატიის ცენტრმა გაავრცელა განცხადება, რომლითაც უწყებათაშორისო კომისიას, ცენტრალურ ხელისუფლებასა და ადგილობრივ თვითმმართველობებს მიმართავს. განცხადებაში საუბარია ,,აჭარის ავტონომიური რესპუბლიკის 2013 წლის რესპუბლიკური ბიუჯეტის შესახებ" კანონში ცვლილებებზე. „სამწუხაროდ, საქართველოს საარჩევნო კოდექსის 49-ე მუხლის მე 3 პუნქტში ცვლილებები არ ყოფილა განხილული და შეჯერებული საარჩევნო კანონმდებლობის გაუმჯობესების მიზნით შექმნილ  პარლამენტის ინტერფრაქციული ჯგუფის ფორმატში, რომლის მუშაობაში აქტიურად იყო ჩართული, როგორც პოლიტიკური პარტიები, ასევე ადგილობრივი და საერთაშორისო ორგანიზაციების წარმომადგენლები.   ...განვითარებისა და დემოკრატიის ცენტრი (CDD) მოუწოდებს თავისუფალი და სამართლიანი არჩევნებისათვის უწყებათაშორის კომისიას, ცენტრალურ ხელისუფლებასა და ადგილობრივ თვითმმართველობებს, რომ მიიღონ შესაბამისი ზომები აღნიშნული ტენდენციის შესაჩერებლად, რათა 2013 წლის საპრეზიდენტო არჩევნების წინასაარჩევნო პერიოდი წარიმართოს  მაქსიმალურად ჯანსაღ – კონკურენტუნარიან გარემოში და აღმოფხვრილ იქნას ადმინისტრაციული რესურსების გამოყენება საარჩევნო მიზნით", ნათქვამია ორგანიზაციის ვებ–გვერდზე. სრულად წყარო: cdd.ge