თბილისი. „საერთაშორისო გამჭვირვალობა - საქართველო" აქვეყნებს ბლოგპოსტს: „მაესტროს" ახალი რეალობა - ტელეკომპანიის მფლობელების და მმართველების ცვლილების ქრონიკა". სტატიაში ტელეკომპანია „მაესტროსთან" დაკავშირებული მოვლენები ქრონოლოგიურადაა მიმოხილული. სრულად... წყარო: www.transparency.ge

თბილისი. არასამთავრობო ორგანიზაციების განცხადებას ავრცელებენ ტელეკომპანია „მაესტროში" მიმდინარე ცვლილებებთან დაკავშირებით. „მიგვაჩნია, რომ მიუხედავად ტელეკომპანია „მაესტროს" ირგვლივ მიმდინარე დავების და სასამართლო საქმეების კერძო ხასიათისა, საპარლამენტო არჩევნებამდე რამდენიმე თვით ადრე რეიტინგით ქვეყნის მესამე ტელეკომპანიის მფლობელობაში მომხდარი მოულოდნელი ცვლილები ბადებს საფუძვლიან ეჭვებს პროცესის შესაძლო პოლიტიკურ მოტივებთან დაკავშირებით. ტელეკომპანია „მაესტროს" ირგვლივ განვითარებული პროცესები კიდევ უფრო ამძაფრებს სამოქალაქო სექტორის ეჭვებს წინასაარჩევნო პერიოდში მედიაზე პოლიტიკური კონტროლის დამყარების მცდელობის შესახებ. მსგავსი ქმედების მაგალითად შეგვიძლია განვიხილოთ 2015 წლის ზაფხულში დაწყებული ერთი შეხედვით კერძო ხასიათის დავა „რუსთავი 2"-ის წილების მფლობელობასთან დაკავშირებით", ნათქვამია ერთობლივ განცხადებაში. არასამთავრობო ორგანიზაციები დაინტერესებულ მხარეებს პროცესის გამჭვირვალედ წარმართვისკენ მოუწოდებენ. სრულად... წყარო: www.transparency.ge

თბილისი. საქართველოს ჟურნალისტური ეთიკის ქარტია „ლიბცენტრის" ახალი ჯგუფის დაკომპლექტებას იწყებს. „შერჩეული აპლიკანტები ექვსი თვის განმავლობაში მოისმენენ საჯარო ლექციებს ადამიანის უფლებებზე, სამოქალაქო საზოგადოებაზე, ლიბერალიზმსა და დემოკრატიასთან დაკავშირებულ საკითხებზე. გარდა ამისა, მოამზადებენ გამოკითხვებს, შექმნიან ჟურნალისტურ მასალებს, დაწერენ პოსტებს სხვადასხვა თემაზე, რაც განთავსდება ცენტრის ვებგვერდზე www.libcenter.ge. კანდიდატი უნდა იყოს ბაკალავრიატის ნებისმიერი ფაკულტეტის სტუდენტი ან დამამთავრებელი კლასის მოსწავლე", ნათქვამია ორგანიზაციის ვებ-გვერდზე. სრულად... წყარო: libcenter.ge

თბილისი. ევროკავშირის წარმომადგენლობამ 2015 წლის ჟურნალისტიკის პრიზის დაჯილდოებაზე გამარჯვებულები გამოავლინა. ჯილდო შეეხო შემდეგ ნომინაციებია: საუკეთესო საგამომძიებლო სტატია ბეჭდვით ან ონლაინ მედიაში, საუკეთესო საგამოძიებო ტელე/რადიო სიუჟეტი, საუკეთესო ონლაინ ან ბეჭდური ბლოგი, ყველაზე ინფორმატიული ონლაინ მედიასაშუალება, საუკეთესო დოკუმენტური ფოტო, EUMM-ის ჯილდო მშვიდობის ჟურნალისტიკაში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ფონდმა „ღია საზოგადოება საქართველომ" პანკისის ხეობაში ეროვნული უმცირესობის სამოქალაქო ინტეგრაციის ხელშეწყობის მიზნით, მხარი დაუჭირა პროექტს, რომლის ფარგლებშიც პანკისის ხეობაში სათემო რადიო შეიქმნება. „WAY - სათემო რადიოსთვის ამ სახელის დარქმევა პანკისის ხეობაში მცხოვრები ახალგაზრდების ინიციატივაა. WAY ინგლისურად გზას ნიშნავს, ჩეჩნურად - ჩვენი. პროექტი ითვალისწინებს რადიოს ამუშავებას (ინტერნეტმაუწყებლობა), სათემო აქტივისტების მოზიდვას, ღია დიალოგისა და დემოკრატიული პროცესების ხელშეწყობას, საინფორმაციო გადაცემების მომზადებას ქართულ და ჩეჩნურ ენებზე. რადიოს მიერ განსაკუთრებული ყურადღება დაეთმობა იმ პრობლემების გაშუქებას, რომელიც პანკისის ხეობის მოსახლეობას აწუხებს, რაც თემისთვის პრიორიტეტულია", ნათქვამია ორგანიზაციის ვებ-გვერდზე. სრულად... წყარო: www.osgf.ge

თბილისი. საერთაშორისო გამჭვირვალობა საქართველო აქვეყნებს ბლოგპოსტს: „ცვლილებები „ტელეარხ 25-ში" საპარლამენტო არჩევნების წინ". „კონფლიქტი, რომელმაც ტელევიზიაში დაძაბულობა გამოიწვია, „ტელეარხ 25-ის" ეთერში 14 დეკემბერს, აჭარის სავაჭრო-სამრეწველო პალატის თანამშრომლის დაკავების შესახებ გასულ სიუჟეტს მოჰყვა. დაკავებული არხის მთავარი რეჟისორის ოჯახის წევრია. სიუჟეტის გასვლიდან მეორე დღეს არხის რეჟისორმა ნიაზ კონცელიძემ მაია მერკვილაძეს სიუჟეტის გასვლის გამო სიტყვიერი შეურაცხყოფა მიაყენა და დაემუქრა", ნათქვამია ორგანიზაციის ვებ-გვერდზე. „საერთაშორისო გამჭვირვალობა საქართველო" აფიქსირებს საკუთარ პოზიციას და თვლის, რომ „არხის მენეჯმენტმა ნათლად უნდა განუმარტოს საზოგადოებას საინფორმაციო სამსახურის უფროსის, ასევე პოლიტიკური ტოკ-შოუს წამყვანის და სხვა ჟურნალისტების სამსახურიდან დათხოვნის მიზეზები", „პროკურატურამ დროულად უნდა გამოიძიოს "ტელეარხ 25-ის” ნათესავებზე ქონების ერთ ლარად გადაცემის ფაქტი" და „ტელეარხ 25-ის” დამფუძნებლებზე განხორციელებული სავარაუდო ფსიქოლოგიური ზეწოლის ფაქტები". სრულად... წყარო: www.transparency.ge

თბილისი. 20 იანვარს, „ფრონტლაინ კლუბში" მედიაკრიტიკის პლატფორმა mediachecker.ge ერთწლიანი მუშაობის შედეგები შეაჯამეს. შეხვედრაზე განიხილეს მედია ეთიკასთან და პროფესიულ სტანდარტებთან დაკავშირებული საკითხები. პროექტს mediachecker.ge გერმანიის საერთაშორისო თანამშრომლობის საზოგადოება (GIZ) ფინანსური მხარდაჭერით, ჟურნალისტური ეთიკის ქარტია 2015 წლის თებერვლიდან ახორციელებს. „გასული თვეების მონიტორინგის მანძილზე გამოიკვეთა მედიაში არსებული ისეთი პრობლემატური მიმართულებები, როგორიცაა: სარეკლამო და სარედაქციო მასალების ერთმანეთისგან გამიჯვნა, პირადი ცხოვრების ხელშეუხებლობის დარღვევა, სამართლებრივი ტერმინოლოგიის არასწორად გამოყენება და სხვა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: სოციალური ქსელი

თბილისი. არასამთავრობო ორგანიზაციები „ტაბულას" ჟურნალისტებზე თავდასხმას ეხმაურებიან. „უკიდურესი შეშფოთებით ვეხმაურებით 2016 წლის 12 იანვარს ტელეკომპანია "ტაბულას” ჟურნალისტებზე განსხვავებული შეხედულების გამო, სიძულვილის მოტივით თავდასხმის ფაქტს და მოვუწოდებთ სამართალდამცავ ორგანოებს, სწრაფად და ეფექტურად გამოიძიონ მომხდარი. ასევე, მნიშვნელოვანია, ქმედებას მიეცეს სათანადო კვალიფიკაცია და შს მინისტრის 2014 წლის 23 დეკემბერის N47 მითითების შესაბამისად, გამოძიებამ, დანაშაულის გარემოებების აღწერის დროს, მიუთითოს საქმეში სისხლის სამართლის კოდექსის 53-ე მუხლის 31 ნაწილით გათვალისწინებული სიძულვილით მოტივირებული დანაშაულის ნიშნების არსებობის შესახებ", ნათქვამია ორგანიზაციის ვებ-გვერდზე. სრულად... წყარო: www.tdi.ge

თბილისი. სახალხო დამცველი „ტაბულას" ჟურნალისტებზე თავდასხმას ეხმაურება. „სახალხო დამცველი გმობს ყველანაირ ძალადობას და მათ შორის, განსაკუთრებით საგანგაშოა ძალადობა ჟურნალისტების მიმართ, მათი პროფესიული საქმიანობიდან გამომდინარე. განუზომელია გამოხატვის თავისუფლებისა და თავისუფალი მედიის როლი ინკლუზიური, ინფორმირებული საზოგადოებებისა და დემოკრატიის მშენებლობაში, ჯეროვანი მმართველობის დამკვიდრებაში. აუცილებელია ზემოაღნიშნულ ფაქტზე ჩატარდეს დროული და ეფექტური გამოძიება, ხოლო დამნაშავე პირები ადეკვატურად დაისაჯონ", ნათქვამია ომბუდსმენის განცხადებაში. სრულად... წყარო: www.ombudsman.ge

სამცხე-ჯავახეთი. ახალციხეში, „პროექტ ნდობის მშენებლობა სამხრეთ კავკასიაში" ფარგლებში, სადისკუსიო შეხვედრა გაიმართა თემაზე: მედიის როლი, ქვეყანაში მიმდინარე პროცესებში. პროექტს ახორციელებს საქართველოს გაეროს ასოციაცია, შვედეთის გაეროს ასოციაციის ფინანსური მხარდაჭერით, პროგრამის პარტნიორი სამცხე-ჯავახეთში საზოგადოებრივი ორგანიზაცია დემოკრატ მესხთა კავშირია. სრულად... წყარო: ორგანიზაციის ვებ-გვერდი სოციალურ ქსელში

თბილისი. 22 დეკემბერს, „ლიგამუსში", მედიის განვითარების ფონდის, ილიას სახელმწიფო უნივერსიტეტისა და საქართველოს გაეროს ასოციაციის მედიაკონკურსის „ტოლერანტობის პრიზი 2015" გამარჯვებულები გამოვლინდნენ. „ტოლერანტობის პრიზი" მედიის განვითარების ფონდმა, ილიას სახელმწიფო უნივერსიტეტმა და საქართველოს გაეროს ასოციაციამ 2014 წელს დააწესეს. იგი იმ ჟურნალისტებსა და ბლოგერებს გადაეცემა, რომლებიც საზოგადოებაში ტოლერანტობის კულტურის დამკვიდრებას უწყობენ ხელს და ეთიკურად აშუქებენ მრავალფეროვნების საკითხებს", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 19 დეკემბერს, სასტუმრო „დივანში", იუნისეფის გაეროს ბავშვთა ფონდის ორგანიზებით ჟურნალისტებისთვის საინფორმაციო ხასიათის შეხვედრა გაიმართა. კვებითი დეფიციტზე და მისგან გამოწვეულ გვერდით მოვლენებზე ორგანიზატორების თქმით, ჟურნალისტების გადამზადება ძალიან მნიშნელოვანია. აღნიშნულ საკითხებთან დაკავშირებით, არსებული მდგომარეობის ანალიზის ამსახველი პრეზენტაცია გაკეთდა და ჟურნალისტებს ჯანსაღი კვების შესახებ საერთაშორისო რეკომენდაციები გააცნეს. სემინარს საქართველოს სხვადასხვა რეგიონის მედია საშუალებების წარმომადგენლები და ჯანდაცვის მინისტრის მოადგილე ესწრებოდნენ.

კახეთი. 18-20 დეკემბერს, „სიდას" ორგანიზებით, ჟურნალისტებისთვის ტრენინგი გაიმართა მიგრაციის საკითხებზე. ტრენინგის მიზანი იყო მიგრაციის სფეროში მსოფლიოში მიმდინარე მოვლენების გაცნობა მედიის წარმომადგენლებისთვის. ტრენინგის დროს მონაწილეებმა მიიღეს ინფორმაცია შემდეგ საკითხებზე: არალეგალური და ლეგალური მიგრაციის საკითხები, მიგრაციასთან დაკავშირებული მოლოდინების მართვა, შრომით ბაზარზე და სოციალურ ინტეგრაციასთან დაკავშირებული გამოწვევები, ტრეფიკინგის საფრთხეები, რეინტეგრაციის მიმართულებით მიმდინარე პროგრამები, ევროინტეგრაციის კუთხით საქართველოში მიმდინარე პროცესები, ვიზა-ლიბერალიზაციის და ასოცირების ხელშეკრულების მიმართულებით განხორციელებული პროგრესი", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. მედიის განვითარების ფონდი (MDF) ახორციელებს პროექტს, რომლის მიზანია მედიის სარედაქციო დამოუკიდებლობის გაძლიერება და ჟურნალსტთა პროფესიული სტანდარტების გაუმჯობესება. პროექტის ფარგლებში ერთი წლის განმავლობაში განხორციელდება მედია შინაარსის მონიტორინგი, რომლის მიზანია ტელევიზიების საინფორმაციო გადაცემების სარედაქციო პოლიტიკის აღწერა და შემდგომი ანალიზისათვის აუცილებელი ფაქტობრივ მონაცემთა ბაზის შექმნა. რიგით მეორე ანგარიში წარმოადგენს ერთთვიანი დაკვირვების მთავარ მიგნებებს, რომელიც 2015 წლის 1-30 ნოემბერს ხორციელდებოდა”. ...საინფორმაციო ბადეში განთავსების მხრივ, მონიტორინგის ფარგლებში განხილული საინფორმაციო გამოშვებების პრიორიტეტული თემების მხოლოდ 7% დაემთხვა ერთმანეთს. კერძოდ, ყველა საინფორმაციო გამოშვების ნოემბრის პრიორიტეტულ თემებს შორის მოხვდა რუსთავი 2-ის საქმე და მის გარშემო მიმდინარე პროცესები; აგრეთვე, უკრაინულ საიტზე გავრცელებული ყოფილი ხელისუფლების წევრებისა და მათი გარემოცვის ფარული აუდიო ჩანაწერები", ნათქვამია განცხადებაში. სრულად... წყარო: mdfgeorgia.ge

თბილისი. საქართველოს ახალგაზრდა იურისტთა ასოციაცია (საია) ახალ პროექტს იწყებს, რომლის მიზანია თავისუფალი მედია გარემოს განვითარება საქართველოში. „პროექტის ფარგლებში საია სისტემურად შეისწავლის ჟურნალისტებისა და მედია საშუალებების საქმიანობაში ჩარევისა და ხელშეშლის ფაქტებს და შეაფასებს მათზე სახელმწიფოს რეაგირებას. განსაკუთრებულ შემთხვევებში, საია გაუწევს სამართლებრივ დახმარებას ჟურნალისტებსა და მედია ორგანიზაციებს. საია მოუწოდებს თითოეულ ჟურნალისტსა თუ მედია საშუალებას, მედიის წარმომადგენლების საქმიანობაში ჩარევისა თუ ხელშეშლის შესახებ ინფორმაციის მიღებისთანავე, დაგვიკავშირდნენ ელ. ფოსტის მეშვეობით", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. ISFED-ის საჩივრის საფუძველზე, კომუნიკაციების ეროვნულმა კომისიამ „რეპორტიორი"-ისა და MPress-ის მიერ საზოგადოებრივი აზრის შედეგების გამოქვეყნების წესის დარღვევის ფაქტი დაადასტურა. „საინფორმაციო სააგენტოებმა კანონის დარღვევით გამოაქვეყნეს საზოგადოებრივი აზრის გამოკითხვა არჩევნებამდე 48 საათის განმავლობაში. ასევე, აღსანიშნავია, რომ ერთ -ერთი საინფორმაციო სააგენტოს მიერ მითითებულ ინტერნეტ მისამართზე გამოკითხვის შედეგები არ იძებნება", ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. ინფორმაციის თავისუფლების განვითარების ინსტიტუტის(IDFI) განცხადების საფუძველზე კომუნიკაციის ეროვნულმა კომისიამ საქართველოში ORT-ს მაუწყებლობა აკრძალა. „შპს „რ.ბ.ჯ"-ს დაეკისრა 2500 ლარის ოდენობით ჯარიმა, რადგან კომპანიას მაუწყებლობის დაწყებამდე სამაუწყებლო პროდუქციის მართლზომიერი ფლობის შესახებ შესაბამისი ნებართვები და ლიცენზიები არ წარმოუდგენია. კომპანია ასევე, წერილობით გაფრთხილდა კომისიაში რეგულირების საფასურის გაანგარიშებების წარმოუდგენლობის და საკუთარ ვებგვერდზე შესაბამისობის დეკლარაციის გამოუქვეყნებლობის გამო", ნათქვამია ორგანიზაციის ვებ-გვერდზე. სრულად... წყარო: idfi.ge

ორგანიზაცია „საერთაშორისო გამჭვირვალობა - საქართველო” 24-26 ნოემბერს ქუთაისში, ზუგდიდსა და ბათუმში რეგიონული მედიისა და სამოქალაქო სექტორის წარმომადგენლებს გააცნობს ორგანიზაციის მიერ მომზადებულ მედია კვლევას - „ვის ეკუთვნის ქართული მედია." სრულად... წყარო: www.transparency.ge

თბილისი. საქართველოს ჟურნალისტური ეთიკის ქარტიის საბჭოს მიერ განხილული საქმეების რაოდენობა წლიდან წლამდე იზრდება. ქარტიამ 2010 წლიდან დღემდე კი ჯამში 72 საქმეზე გამოიტანა გადაწყვეტილება, 2015 წელს კი საბჭომ 32 საქმე განიხილა. ყველაზე მეტჯერ პირველი პრინციპის (სიზუსტე) დარღვევა დადგინდა. სტატისტიკური ინფორმაციის გარდა, ქარტიის ვებ-გვერდზე შეგიძლიათ ნახოთ განსახილველი და განხილული საქმეების სრული სია და დასაბუთებული გადაწყვეტილებები. სრულად... წყარო: qartia.org.ge

თბილისი. საქართველოს რეგიონულ მაუწყებელთა ასოციაცია (GARB) თხოვს ეკონომიკის და მდგრადი განვითარების მინისტრს, დიმიტრი ქუმსიშვილის, დაინტერესდეს ბათუმის ტელეკომპანია „ტელეარხი - 25" -ის პრობლემით და მასზე მოახდინოს რეაგირება. ასოციაციისთვის მიერ მიწოდებული ინფორმაციის თანახმად, დღემდე ვერ ხერხდება ციფრული მაუწყებლობისთვის საჭირო აპარატურის დამონტაჟება ბათუმთან ახლოს მდებარე ომბოლაურის ანძაზე. არხი მესამე თვეა ელოდება ნებართვას ანძის გამოყენებაზე და ვერ იღებს პასუხს. „განსაკუთრებით სამწუხაროა ის გარემოება, რომ შექმნილი პრობლემის გამო შეწყვეტილია ,,ტელეარხ 25-ის” სიხშირული, უფასო მაუწყებლობა, რაც აუცილებელს ხდის პრობლემაზე ოპერატიულ რეაგირებას", აღნიშნულია წერილში. სრულად... წყარო: www.media.ge

შიდა ქართლი. „დემოკრატიული ჩართულობის ცენტრში" „ინტერნიუსი - საქართველოს" ორგანიზებით ბოლო შეხვედრა გაიმართა ახალგაზრდებთან „ინფორმირებული ახალგაზრდები სახელმწიფოს დემოკრატიული განვითარებისთვის" პროექტის ფარგლებში. შეხვედრაზე აჩვენეს ფილმები „ახალი თაობა და არჩევანი - გორი", „ახალგაზრდები და არჩევნები". „ფილმების ჩვენების შემდეგ გაიმართა დისკუსია. ახალგაზრდებმა ისაუბრეს ქვეყნის საზოგადოებრივ ცხოვრებაში თანატოლების ჩართულობის მნიშვნელობაზე, რითია გამოწვეული მათი პასიურობა, რა უნდა გაკეთდეს ახალგაზრდა ამომრჩევლის აქტიურობის გასაზრდელად და საარჩევნო კულტურის ამაღლების ხელშესაწყობად", ნათქვამია ორგანიზაციის ვებ-გვერდზე. სრულად... წყარო: www.media.ge

თბილისი. საერთაშორისო გამჭვირვალობა – საქართველო აქვეყნებს პუბლიკაციას „ტელეკომპანია „რუსთავი2"–ის ისტორია 2012 წლის საპარლამენტო არჩევნების შემდეგ". პუბლიკაცია მოიცავს 2012 წლიდან დღემდე „რუსთავი 2"–ის გასხვისებისა და თავად ტელეკომპანიაში განხორციელებული ცვლილებების შესახებ ქრონოლოგიას. სრულად... წყარო: transparency.ge