თბილისი. კოალიცია „მედიის ადვოკატირებისათვის" ჟურალისტისთვის საქმიანობაში ხელის შეშლის ფაქტის გამოძიებას ითხოვს. „გავრცელებული ინფორმაციით 23 სექტემბერს წნორში თავისუფლების ქუჩაზე მიმდინარე სამუშაოების წარმოებისას „კახეთის საინფორმაციო ცენტრის" ჟურნალისტს გელა მთივლიშვილს გამგებლის წარმომადგენელმა, ნასვამ მდგომარეობაში მყოფმა თამაზ მათეშვილმა ჟურნალისტურ საქმიანობაში უკანონოდ ხელი შეუშალა, უცენზურო სიტყვებით მიმართა და სახეში დაარტყა. ... აუცილებელია დაწყებული გამოძიება წარიმართოს სწრაფად, სრულყოფილად და ობიექტურად. ასევე მნიშვნელოვანია, სახელმწიფომ გაატაროს ყველა პრეცენციული ღონისძიება, რათა უზრუნველყოს მედია მშვიდი და უსაფრთხო სამუშაო გარემოთი და დაიცვას ჟურნალისტები ყოველგვარი თავდასხმისა და უკანონო ხელისშეშლისგან," ნათქვამია კოალიციის განცხადებაში. სრულად... წყარო: gyla.ge

თბილისი. გარემოსდაცვითი ინფორმაციისა და განთლების ცენტრში პროექტის - „მედია გარემოსთვის" ფარგლებში ბლოგერებისთვის ტრენინგი ჩატარდა. „ტრენინგზე ბიომრავალფეროვნების წინაშე არსებული საფრთხეებისა და მისი კონსერვაციის გარდა ადამიანის ეკოლოგიური უფლებები, დაცული ტერიტორიები, ბუნების ტურიზმი, მედიის როლი გარემოს დაცვაში და საგამომძიებლო გარემოსდაცვითი ჟურნალისტიკა იყო განხილული," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 22 სექტემბერს, საერთაშორისო გამჭვირვალობა - საქართველომ წარადგინა მედიასივრცის შეფასება 2012 წლის საპარლამენტო არჩევნებიდან დღემდე. „2012 წლიდან დღემდე ქართული მედიასივრცე უფრო პლურალისტური გახდა, რასაც სხვადასხვა საერთაშორისო რეიტინგებში ცვლილებებიც მიუთითებს. 2015 წლის ზაფხულში საქართველო მთლიანად ციფრულ მაუწყებლობაზე გადავიდა რაც უდაოდ პოზიტიური მოვლენაა ქართული მედია გარემოსთვის. ბოლო ოთხი წლის მანძილზე საქართველოს მაჩვენებელი მედიის თავისუფლების რეიტინგებში გაუმჯობესდა. 2015 წელს მაუწყებელთა სარეკლამო შემოსავლებმა მნიშვნელოვნად იკლო. თუმცა, 2012 წლამდე პერიოდისგან განსხვავებით სახელმწიფო არ ერევა სარეკლამო ბაზარში და ის ნაკლებად მონოპოლიზებულია," ნათქვამია ორგანიზაციის ვებ-გვერდზე. სრულად... წყარო: www.transparency.ge

კახეთი. 20-21 სექტემბერს, საიას იურიდიული განათლების ხელშეწყობის ფონდის ორგანიზებით ჩატარდა ჟურნალისტთა ტრეინინგი „ძლიერი მედია სამართლიანი არჩევნებისთვის". „პროექტის ფარგლებში გაიმართა 3 იდენტური ტრენინგი, სადაც მონაწილეობა მიიღო 65 ჟურნალისტმა მთელი საქართველოს მასშტაბით. ტრენინგზე განხილულ იქნა შემდეგი თემები: არჩევნების მნიშვნელობა დემოკრატიულ საზოგადოებაში და მედიის როლი; არჩევნების სამართლებრივი საკითხები; წინასაარჩევნო კამპანია და პროცედურები; არჩევნების დღის პროცედურები და წესები; საარჩევნო დავების განხილვა; მედია ორგანიზაციების მოვალეობები პოლიტიკური რეკლამების გაშუქებისას," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

კახეთი. 13-14 სექტემბერს, ყვარელში, საიას იურიდიული განათლების ხელშეწყობის ფონდის ორგანიზებით ჩატარდა ჟურნალისტთა ტრეინინგი „ძლიერი მედია სამართლიანი არჩევნებისთვის." „ტრენინგზე განხილულ იქნა შემდეგი თემები: არჩევნების მნიშვნელობა დემოკრატიულ საზოგადოებაში და მედიის როლი; არჩევნების სამართლებრივი საკითხები; წინასაარჩევნო კამპანია და პროცედურები; არჩევნების დღის პროცედურები და წესები; საარჩევნო დავების განხილვა; მედია ორგანიზაციების მოვალეობები პოლიტიკური რეკლამების გაშუქებისას, ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 9 სექტემბერს, სასტუმრო „რედისონ ბლუ ივერიაში" 2016 წლის საპარლამენტო არჩევნების მედიამონიტორინგის შუალედური შედეგების პრეზენტაცია გაიმართა. „ანგარიშის მიხედვით სახელისუფლებო შტოებისა და პოლიტიკური სუბიექტების მედიით გაშუქების მხრივ არსებული მდგომარეობა წინა წლებთან შედარებით გაუმჯობესებულია. მონიტორინგი სამმა არასამთავრობო ორგანიზაციამ, საქართველოს ჟურნალისტიკის ეთიკის ქარტიამ, „ინტერნიუს – საქართველომ" და სამოქალაქო განვითარების ინსტიტუტმა (CDI) ჩაატარა," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს საზოგადოებრივი მაუწყებელი სამ კერძო ტელეკომპანიასთან ერთად არჩევნების დღეს ეგზიტპოლს ჩაატარებს. გადაწყვეტილება მაუწყებლის სამეურვეო საბჭომ 7 სექტემბერს გამართულ სხდომაზე მიიღო. „მოვუწოდებთ საზოგადოებრივი მაუწყებლის სამეურვეო საბჭოსა და მენეჯმენტს კიდევ ერთხელ გადახედონ მიღებულ გადაწყვეტილებას და თავი შეიკავონ ისეთი პროექტების განხორციელებისგან, რომლებიც მაუწყებლის მიუკერძოებლობას ეჭვქვეშ დააყენებს. მიგვაჩნია, რომ საზოგადოებრივი მაუწყებლის მენეჯმენტი და სამეთვალყურეო საბჭო მეტი პასუხისმგებლობით უნდა მოეკიდოს მსგავსი ტიპის გადაწყვეტილებებს. მიუღებელია მათი განცხადება, რომ ეგზიტპოლების შედეგებზე პასუხისმგებლობა ეკისრება მხოლოდ კვლევით ორგანიზაციას და არა უშუალოდ მაუწყებელს. ვთვლით, რომ ამ შემთხვევაში, საზოგადოებრივი მაუწყებლის საბჭოსა და მენეჯმენტის ცალკეულმა წევრებმა სათანადოდ ვერ შეაფასეს წარმოდგენილი გეგმით ეგზიტპოლის ჩატარების რისკები," ნათქვამია ერთობლივ განცხადებაში. სრულად... წყარო: www.transparency.ge

თბილისი. კოალიცია „მედიის ადვოკატირებისთვის" ეხმიანება საზოგადოებრივი მაუწყებლის მიერ კერძო ტელეკომპანიებთან ერთად საარჩევნო ეგზიტპოლის ჩატარების გადაწყვეტილებას. „ჩვენ ქვეყანაში ეგზიტპოლი არაერთხელ გამხდარა პოლიტიკური მანიპულაციის იარაღი. კოალიცია „მედიის ადვოკატირებისათვის" მიიჩნევს, რომ კერძო ტელეკომპანიებთან ერთად საარჩევნო ეგზიტპოლის ჩატარება უარყოფითად აისახება საზოგადოებრივი მაუწყებლის მიმართ მაყურებლის ნდობაზე და გააღრმავებს კითხვებს მაუწყებლის პოლიტიკური დამოუკიდებლობის შესახებ. კოალიცია თვლის, რომ საჯარო ფინანსები არ უნდა იხარჯებოდეს არხისთვის ზიანის მომტან ქმედებებზე. კოალიცია „მედიის ადვოკატირებისათვის" მოუწოდებს საზოგადოებრივ მაუწყებელს შეცვალოს მიღებული გადაწყვეტილება და მაუწყებლის ყველა რესურსი მიმართოს მიმდინარე პროცესების სრულყოფილად, დროულად და მიუკერძოებლად გასაშუქებლად," ნათქვამია ორგანიზაციის განცხადებაში. სრულად... წყარო: qartia.org.ge

თბილისი. არასამთავრობო ორგანიზაციები ტელეკომპანია GDS-ზე გასულ გადაცემათა ციკლს განცხადებით ეხმაურებიან. „ვინაიდან გადაცემა ოფიციალური წინასაარჩევნო რეკლამის სტატუსით არ გადის, ეს ქმედება შესაძლოა წარმოადგენდეს „მოქალაქეთა პოლიტიკური გაერთიანებების შესახებ" ორგანული კანონის 25-ე მუხლის მე-2 პუნქტის გათვალისწინებული იურიდიული პირისგან უსასყიდლოდ ან ფასდაკლებით მიღებული მომსახურებას, რაც იმავე ნორმის თანახმად შემოწირულებად ითვლება. აქედან გამომდინარე, მიგვაჩნია, რომ თითოეული გადაცემა ტელეკომპანია GDS-ის მხრიდან „ქართული ოცნება - დემოკრატიული საქართველოს" სასარგებლო განხორციელებულ შემოწირულებად უნდა ჩაითვალოს. ასევე, მიგვაჩნია, რომ აღნიშნული სატელევიზიო ფორმატი წინასაარჩევნო პერიოდში უგულებელყოფს საქართველოს კომუნიკაციების ეროვნული კომისიის მიერ დამტკიცებულ „საქართველოს მაუწყებელთა ქცევის კოდექსის” რამდენიმე პრინციპს," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 6 სექტემბერს, განვითარებისა და დემოკრატიის ცენტრის (CDD) ორგანიზებით, ტელევიზია „ერთსულოვნების" ჟურნალისტებისა და პროდიუსერებისათვის გაიმართა სემინარი „საქართველო და ევროკავშირი". „სემინარის ფარგლებში არაფორმალურ გარემოში განხილული იქნა ისეთი მნიშვნელოვანი საკითხები, როგორიცაა: საქართველო - ევროკავშირის ურთიერთობის ისტორია, ასოცირების ხელშეკრულება, ღრმა და ყოვლისმომცველი თავისუფალი ვაჭრობა (DCFTA) და სხვ.,” ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ჟურნალისტური ეთიკის ქარტია იწყებს „ლიბცენტრის" ახალი ჯგუფის დაკომპლექტებას. „შერჩეული აპლიკანტები ექვსი თვის განმავლობაში მოისმენენ საჯარო ლექციებს ადამიანის უფლებებზე, სამოქალაქო საზოგადოებაზე, ლიბერალიზმსა და დემოკრატიასთან დაკავშირებულ საკითხებზე. გარდა ამისა, მოამზადებენ გამოკითხვებს, შექმნიან ჟურნალისტურ მასალებს, დაწერენ პოსტებს სხვადასხვა თემაზე, რაც განთავსდება ცენტრის ვებგვერდზე," ნათქვამია ორგანიზაციის ვებ-გვერდზე. სრულად... წყარო: libcenter.ge

ქვემო ქართლი. რუსთავის დემოკრატიული ჩართულობის ცენტრში, ჟურნალისტებისთვის ტრენინგი გაიმართა. „ტრენინგი ჩატარდა ლევან მიქელაძის სახელობის ფონდის პროექტის („სამოქალაქო საზოგადოების შესაძლებლობების განვითარება ეთნიკური უმცირესობებით დასახლებულ რეგიონებში" ) ფარგლებში. პროექტის მიზანია ცნობიერების ამაღლება ევროკავშირსა და საქართველოს თანამშრომლობასა და ურთიერთობების გაღრმავებაზე მედიის, არასამთავრობო ორგანიზაციებისა და ადგილობრივი თვითმმართველობის წარმომადგენელთათვის," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჟურნალისტური ეთიკის ქარტია აქვეყნებს კვლევის გაშუქების სახელმძღვანელო წესებს. „საზოგადოებრივი აზრის კვლევის შედეგები ხშირად მანიპულაციის საფუძველი ხდება. კვლევის მხოლოდ ერთ მონაცემზე აქცენტირებით შესაძლებელია მთელი კონტექსტი დაირღვეს, ამიტომაც მიღებული შედეგების სრულად ასახვა ერთგვარი გამოწვევაა ჟურნალისტისთვის. მედიასაშუალება უნდა ეცადოს შეცდომაში არ შეიყვანოს აუდიტორია და ამით არ დააზიანოს საკუთარი სანდოობა და მიუკერძოებლობა. წინამდებარე სახელმძღვანელო წესები მოიცავს რეკომენდაციებს თუ როგორ უნდა გაშუქდეს საზოგადოებრივი აზრის კვლევა როგორც წინასაარჩევნო, ისე არასაარჩევნო პერიოდში და რა პრინციპებით უნდა ხელმძღვანელობდეს მედია სხვადასხვა ორგანიზაციის მიერ გამოქვეყნებული ანგარიშების გაშუქებისას, გამოკითხვებისა და ინტერაქტივების მომზადებისას,” ნათქვამია ორგანიზაციის ვებ-გვერდზე. სრულად... წყარო: qartia.org.ge

სამეგრელო. ქალთა საინფორმაციო ცენტრის პროექტის ფარგლებში, ანაკლიაში, ჟურნალისტიკის ფაკულტეტის სტუდენტებისთვის ტრენინგები ტარდება. „ჟურნალისტურ ბანაკში ხუთ გუნდად დაყოფილი ახალგაზრდები ნიუსრუმის როლებს ირგებენ: ზოგი პროდიუსერია, ზოგი ჟურნალისტი, ზოგი ოპერატორი, ზოგი კი სცენარს წერს. სათემო მობილიზება, ქალთა ეკონომიკური გაძლიერება, გენდერული როლები, ცხოვრება გამყოფ ხაზთან, ქალები სამშვიდობო პროცესებში - ეს ის თემებია, რაზეც ჩვენი ბანაკის წევრები ოთხი დღის მანძილზე იმუშავებენ. ტრენინგი თეორიული და პრაქტიკული სესიებისგან შედგება. თეორიული სწავლების დროს, ტრენინგის მონაწილეები გაეცნობიან კონფლიქტურ და პოსტ-კონფლიქტურ სიტუაციებში გენდერულად მგრძნობიარე საკითხების გაშუქების პრინციპებს. პრაქტიკული სწავლება კი მოიცავს ადმინისტრაციული გამყოფი ხაზის გასწვრივ საველე გასვლებსა და მოკლემეტრაჟიანი ფილმების მომზადებას," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 26-30 ივლისს, ანაკლიაში, სასტუმრო „პალმ ბიჩში" ქალთა საინფორმაციო ცენტრი ჟურნალისტიკის ფაკულტეტის სტუდენტებისთვის გენდერული თანასწორობის, კონფლიქტის პრევენციისა და პოსტ-კონფლიქტური სიტუაციების გაშუქების თემაზე ტრენინგს მართავს. „გასვლითი ტრენინგი თეორიული და პრაქტიკული სესიებისგან შედგება. თეორიული სწავლების დროს, ტრენინგის მონაწილეები გაეცნობიან კონფლიქტურ და პოსტ-კონფლიქტურ სიტუაციებში გენდერულად მგრძნობიარე საკითხების გაშუქების პრინციპებს. პრაქტიკული სწავლება მოიცავს ადმინისტრაციული გამყოფი ხაზის გასწვრივ საველე გასვლებსა და მოკლემეტრაჟიანი ფილმების/რეპორტაჟების გადაღება/მომზადებას. ტრენინგი ტარდება ქალთა საინფორმაციო ცენტრის პროექტის „გაძლიერებული ქალები მშვიდობისა და განვითარებისათვის" შესახებ ფარგლებში, რომელიც ხორციელდება აშშ-ს სახელმწიფო დეპარტამენტის მხარდაჭერით," ნათქვამია ორგანიზაციის ვებ-გვერდზე. სრულად... წყარო: www.ginsc.net

თბილისი. საქართველოს ჟურნალისტური ეთიკის ქარტიამ 2016 წლის საპარლამენტო არჩევნების მედიაში გაშუქების მონიტორინგის შუალედური ანგარიში გამოაქვეყნა. აღნიშნული ანგარიში მოიცავს 11 ტელევიზიის მთავარი საინფორმაციო გამოშვებების მონიტორინგის შედეგებს, ანგარიშში მოცემულია 20 მაისი – 10 ივლისის პერიოდი. მონიტორინგი ხორციელდებოდა შემდეგ სატელევიზიო არხებზე: საზოგადოებრივი მაუწყებლის 1-ლი არხი, რუსთავი 2, იმედი, მაესტრო, GDS,  ტაბულა, კავკასია,  ტვ პირველი,  ობიექტივი, აჭარის ტელევიზია, ტელეარხი 25. სრულად... წყარო: qartia.org

თბილისი. მედიის განვითარების ფონდი, 16-17 ივლისს რუსთავი 2-ის, იმედისა და მაესტროს ეთერში განთავსებული ვიდეო რგოლის საარჩევნო და მაუწყებლობის შესახებ კანონმდებლობასთან შესაბამისობის შესწავლას ითხოვს. „სადავო ვიდეო რგოლს, რომელიც ტელევიზიებში ფინანსთა სამინისტროს მიერ განთავსდა, მინიჭებული აქვს სოციალური რეკლამის სტატუსი. მედიის განვითარების ფონდის აზრით, ვიდეო რგოლი, რომელიც ქვეყნის სწრაფი განვითარებისაკენ მიმართული ეკონომიკური რეფორმის ოთხ პუნქტიან მთავრობის გეგმას შეეხება, პოლიტიკური რეკლამის ნიშნებს შეიცავს და მმართველი გუნდის სასარგებლოდ ადმინისტრაციული რესურსის გამოყენების ნიშნებს ატარებს," ნათქვამია ორგანიზაციის ვებ-გვერდზე. სრულად... წყარო: mdfgeorgia.ge

თბილისი. 18-19 ივლისს, მედიის წარმომადგენლებისთვის საზაფხულო სემინარი ნატოს შესახებ იმართება. „სემინარებში ტელევიზიის, რადიოს, ბეჭდური და ონ-ლაინ მედიის ჟურნალისტები მონაწილეობენ. სემინარზე განიხილავენ ჩრდილოატლანტიკური ალიანსის პრინციპებს, გაფართოების პოლიტიკას, ნატო- საქართელოს თანამშრომლობას, ვარშავის სამიტის შედეგები, საქართველოს გაწევრიანების პერსპექტივებსა და საერთაშორისო სამშვიდობო მისიებში საქართველოს მონაწილეობის მნიშვნელობას," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. არასამთავრობო ორგანიზაციები „რუსთავი 2"-ის საქმესთან დაკავშირებით განცხადებას აქვეყნებენ. „ამ, და განსაკუთრებით პირველ ინსტანციაში, საქმის განხილვისას დაფიქსირებული სხვა გარემოებების ფონზე, განმტკიცდა ეჭვი სასამართლოს საქმიანობაზე შესაძლო პოლიტიკურ გავლენებთან დაკავშირებით, რაც, ჩვენს სერიოზულ შეშფოთებას იწვევს. განსაკუთრებით წინასაარჩევნოდ, კრიტიკულად განწყობილი ტელეარხის გარშემო მოვლენათა ისეთი განვითარება, რომელმაც შესაძლოა შედეგად მოიტანოს მისი სარედაქციო პოლიტიკის შეცვლა, დააზიანებს ქვეყანაში პლურალისტულ მედია გარემოს და დემოკრატიის ხარისხს. მოვუწოდებთ საქართველოს უზენაეს სასამართლოს, დასაშვებად ცნოს და კანონმდებლობის სრული დაცვით მოახდინოს საქმის განხილვა. რათა გამოირიცხოს ის კითხვის ნიშნები , რომლებიც მოცემული საქმის განხილვისას პოლიტიკურ ინტერესთან დაკავშირებით არსებობს," ნათქვამია ერთობლივ განცხადებაში. სრულად... წყარო: gyla.ge

თბილისი. ლიბერალიზმის სასწავლო ცენტრი დაინტერესდა ენდობიან თუ არა მოქალაქეები ქართველ ექიმებს. წყარო: ორგანიზაციის ვებ-გვერდი სოციალურ ქსელში

თბილისი. საქართველოს რეგიონულ მაუწყებელთა ასოციაცია (GARB) აქვეყნებს თბილისში ეუთოს ეგიდით მიმდინარე მედია-კონფერენციის ვიდეო-მიმოხილვას. კონფერენცია ძირითადად ეხებოდა შემდეგ საკითხებს: „რა გამოწვევები არსებობს სამხრეთ კავკასიის ქვეყნების მედიაში და როგორია სოციალურ ქსელებში არსებული ტენდენციები". სრულად... წყარო: garb.ge

თბილისი. მედიის განვითარების ფონდი აქვეყნებს თამარ კინწურაშვილის ბლოგპოსტს: „პროკურატურისა და მედიის „რომაული არდადეგები". სტატია მაგდა პაპიძის საქმეს ეხმაურება. „ერთი მხრივ, მედიამ ვერ შეძლო ბალანსის დაცვა საზოგადოების ინფორმირებასა და ბრალდებულის პირადი ცხოვრების ხელშეუხებლობას შორის, მეორე მხრივ, ეს უფლება თავად ბრალდების მხარემ უგულებელყო, როცა დახურული სხდომის დეტალები ხელისუფლების მიმართ ლოიალურ მედია საშუალებების მეშვეობით გაასაჯაროვა. პროკურატურის მიერ დახურული სხდომის დეტალების ცალკეული მედიუმების მეშვეობით გასაჯაროვებამ აზრი დაუკარგა თავად პროცესის დახურვას, რაც განსასჯელის მიმართ წაყენებული ბრალდებისთვის მეტი დამაჯერებლობის მიცემას და ნაფიც მსაჯულებზე ზემოქმედებას ისახავდა მიზნად," ნათქვამია ორგანიზაციის ვებ-გვერდზე. სრულად... წყარო: mediameter.ge