იმერეთი. სამოქალაქო საზოგადოების ინსტიტუტი (CSI) აგრძელებს კონსულტაციებს საქართველოს რეგიონებში მომუშავე საზოგადოებრივი ორგანიზაციებისთვის.  დღეს, 17 მაისს შეხვედრა გაიმართა ქუთაისში ა(ა)იპ-ების სარეგისტრაციო მონაცემების ახალ კანონთან შესაბამისობაში მოყვანის საკითხებზე.

თბილისი. ღია მმართველობის პროცესში ჩართული არასამთავრობო ორგანიზაციები შეშფოთებას გამოთქვამენ საქართველოს მთავრობის მიერ OGP-ის ძირითადი ღირებულებებისა და პრინციპების უხეშად დარღვევის გამო. „ბოლო წლებში საქართველოს მთავრობამ არაერთხელ ღიად დაადასტურა OGP-ის ფუნდამენტურ ღირებულებებთან შეუსაბამობა ე.წ აგენტების რუსული კანონის მხარდაჭერით, სასამართლო სისტემის დამოუკიდებლობის შელახვით, სამოქალაქო საზოგადოების ორგანიზაციებზე, უფლებადამცველებსა და კრიტიკული მედიის წარმომადგენლებზე ღია თავდასხმითა და მათი საქმიანობის შეზღუდვის მცდელობებით, პირადი ცხოვრების ხელშეუხებლობის პრინციპის დაცვის ვერ უზრუნველყოფით, საჯარო ინფორმაციაზე ხელმისაწვდომობის შეზღუდვით... შეჩერებულია OGP-ის ეროვნული პროცესიც. ქვეყანას უკვე მეოთხე წელია OGP-ის ფარგლებში ეროვნულ დონეზე არცერთი რეფორმა არ განუხორციელებია. საქართველოს OGP სამოქმედო გეგმა 2019 წლის შემდეგ არ აქვს, რითაც ორჯერ დაარღვია OGP-ის მონაწილეობისა და თანა-შექმნის სტანდარტები. სამწუხაროდ, ახალი სამოქმედო გეგმის შემუშავების თითქმის სამწლიანი პროცესი კვალავ ჩიხში შევიდა... არსებული ვითარებიდან გამომდინარე, საქართველოს ღია მმართველობის უწყებათაშორისი საკოორდინაციო საბჭოს/ფორუმის წევრმა არასამთავრობო ორგანიზაციებმა ღია მმართველობის პარტნიორობის (OGP) მმართველ კომიტეტს მივმართეთ წერილით „რეაგირების პოლიტიკის“ ამოქმედების მოთხოვნასთან დაკავშირებით. აღნიშნული მექანიზმი მიზნად ისახავს OGP საერთაშორისო სამდივნოს, პარტნიორი დონორი თუ საერთაშორისო ორგანიზაციების გაზრდილ ჩართულობას შექმნილი კრიზისის მოგვარებაში“, ნათქვამია ერთობლივ განცხადებაში. სრულად... წყარო: transparency.ge

გამოქვეყნდა სსო მეტრის 2022 წლის ანგარიში. შედეგების მიხედვით, საქართველო, საზოგადოებრივი ორგანიზაციებისთვის, აქტივისტებისა და ადამიანის უფლებათა დამცველებისთვის, საშუალო რისკის ქვეყანას წარმოადგენს. საქართველოში არსებულ გარემოს მაქსიმალური 7 ქულიდან - მინიჭებული აქვს 4,8 ქულა (საკანონმდებლო გარემო შეფასებულია – 5,2 ქულით, ხოლო პრაქტიკა – 4,4 ქულით). ანგარიში მიმოიხილავს და აფასებს 2022 წლის იანვრიდან ნოემბრის ჩათვლით მომხდარ მოვლენებს. შესაბამისად, 2022 წლის სსო მეტრი, საშუალებას გვაძლევს გავიგოთ თუ როგორი იყო გარემო „გუშინ“ და შევადაროთ იგი დღეს არსებულ მდგომარეობას. სსო მეტრი – ქვეყნის ანგარიში, 2022 მიუხედავად იმისა, რომ 2022 წლის საანგარიშო პერიოდში არ გამოკვეთილა ისეთი მოვლენები, რომლებმაც, წინა წელთან შედარებით, სსო-ების საარსებო გარემო მნიშვნელოვნად შეცვალა, ანგარიშში ხაზგასმულია საზოგადოებრივი სექტორის მიმართ სიტყვიერი თავდასხმების გაზრდილი მაჩვენებელი და თანმდევი ინიციატივები, რომლებიც, თავის მხრივ, მიანიშნებენ სსო–ების საარსებო გარემოს გაუარესების პოტენციალზე. ორგანიზაციების სარეგისტრაციო საფასურის გაორმაგებამ, მეწარმეთა შესახებ საქართველოს კანონში ფუნდამენტურმა ცვლილებებმა, საბანკო ანგარიშის გახსნის ეტაპზე იდენტიფიცირებულმა პრობლემებმა ნეგატიური გავლენა მოახდინეს, და წინა პერიოდთან შედარებით ქულები შემცირდა, შემდეგი მიმართულებით: გაერთიანების თავისუფლება (სამართლებრივ კომპონენტში ქულამ დაიკლო 6.2-დან 6.1-მდე) თანასწორობის უფლება (პრაქტიკის კომპონენტში ქულამ დაიკლო 5.4-დან 5.3-მდე) და პირადი ცხოვრების ხელშეუხებლობის უფლება (პრაქტიკის კომპონენტში ქულამ დაიკლო 3.1-დან 3.0-მდე). ანგარიშზე მუშაობდნენ სამოქალაქო საზოგადოების ინსტიტუტი (CSI), საქართველოს ახალგაზრდა იურისტთა ასოციაცია (GYLA) და ინფორმაციის თავისუფლების განვითარების ინსტიტუტი, პროექტის „სამოქალაქო საზოგადოების ორგანიზაციების გაძლიერების და ხელსაყრელი გარემოს შექმნის გზამკვლევის“ ფარგლებში. პროექტს ახორციელებს არაკომერციული სამართლის ევროპული ცენტრი (ECNL), ევროკავშირის (EU) ფინანსური მხარდაჭერით.

რაჭა-ლეჩხუმი. რაჭა-ლეჩხუმის და ქვემო სვანეთის რეგიონული ჰაბის - ფონდი „აფხაზინტერკონტის“ ორგანიზებით, 2023 წლის 10-11 მაისს ტრენინგები ჩატარდა ამბროლაურის და ონის მუნიციპალიტეტში მოქმედი სამოქალაქო საზოგადოების ორგანიზაციების, სათემო კავშირების წარმომადგენლებისა და საჯარო სკოლების სამოქალაქო განათლების პედაგოგებისთვის. ტრენინგის ჩატარების მიზანი იყო: რეგიონში მოქმედ სამოქალაქო საზოგადოების ორგანიზაციების და სათემო კავშირების წარმომადგენელთა გადამზადება შემდეგი მიმართულებებით: პროექტის წერა პროექტების ფინანსური მენეჯმენტი/მართვა პროექტის ბიუჯეტი ფონდების მოძიება ორგანიზაციის ფინანსური მდგრადობა ტრენინგები ჩატარდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. სრულად... წყარო: ორგანიზაციის გვერდი სოციალურ ქსელში

აჭარა. 9 მაისს, აჭარის ჰაბის ორგანიზებით, შუახევის მუნიციპალიტეტის სოფელ დაბაძველში, მოსახლეობასთან შეხვედრა გაიმართა. ადგილობრივებს შშმ ქალთა ალიანსის  წარმომადგენელი - დეა ერემაშვილი ესაუბრა. გააცნო ორგანიზაციის საქმიანობა და სოფლად არსებული გამოწვევების საფუძველზე, მოსახლეობას შესთავაზა უფასო სერვისები: სწავლება/ტრენინგები ქალთა, შშმ გოგონათა და მათი ოჯახის წევრების უფლებრივი თუ ეკონომიკური  გაძლიერების კუთხით. აჭარის რეგიონული ჰაბი ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში შეიქმნა და ახორციელებს აქტივობებს. სრულად... წყარო: ორგანიზაციის გვერდი სოციალურ ქსელში

თბილისი. კოალიცია ინფორმაციის სანდოობისთვის ეხმიანება რუსეთის ფედერაციის გადაწყვეტილებას საქართველოსთან ფრენების აკრძალვის მოხსნისა და სავიზო რეჟიმის გაუქმების შესახებ. „იმ პირობებში, როდესაც რუსეთს ოკუპირებული აქვს საქართველოს ტერიტორიები, განაგრძობს ფართომასშტაბიან აგრესიას უკრაინის წინააღმდეგ, რეგულარულად არღვევს ომის კანონებს და ბომბავს სამოქალაქო ობიექტებს, რუსეთის ფედერაციის ნაბიჯები სავიზო რეჟიმის გაუქმებასა და სანქცირებული რუსული ავიაკომპანიების ფრენების დანიშვნასთან დაკავშირებით წარმოადგენს პროვოკაციას და საქართველოს წინააღმდეგ ჰიბრიდული ომის მორიგ ელემენტს. კოალიცია მიიჩნევს, რომ კრიტიკულად მნიშვნელოვან მომენტში, როდესაც სასწორზე დევს საქართველოსთვის ევროკავშირის კანდიდატი ქვეყნის სტატუსის მინიჭების საკითხი, საქართველოს მთავრობამ არ უნდა დაუშვას რუსული გავლენის გაზრდა და ყველაფერი გააკეთოს ევროკავშირთან ინტეგრაციის მისაღწევად“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

კახეთი. 8 მაისს, ძალადობისგან დაცვის ეროვნულმა ქსელმა, პარტნიორ ორგანიზაცია ფონდ „ლელისთან“ ერთად, პროგრამის „სწრაფი რეგიონული განვითარება იმერეთსა და კახეთში“ ფარგლებში, ლაგოდეხის მუნიციპალიტეტის მერთან გაცნობითი ხასიათის შეხვედრა გამართა. შეხვედრაზე ისაუბრეს პროგრამის ფარგლებში დაგეგმილი აქტივობების შესახებ. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

კახეთი. სამოქალაქო საზოგადოების ინსტიტუტი (CSI) აგრძელებს კონსულტაციებს საქართველოს რეგიონებში მომუშავე საზოგადოებრივი ორგანიზაციებისთვის. დღეს, 5 მაისს შეხვედრა გაიმართა თელავში, ა(ა)იპ–ების სარეგისტრაციო მონაცემების ახალ კანონთან შესაბამისობაში მოყვანის საკითხებზე.

ქალთა ფონდი საქართველოში გიზიარებთ ქეთი ხიდაშელის, კატო მიქელაძის 2017 წლის პრემიის მფლობელის ნაამბობს ფემინისტური საქმიანობის, მძიმე პოლიტიკური პროცესების, სოციალური და ეკონომიკური სიძნელეების და ემიგრანტობის სირთულეების შესახებ. „ჩვენი ორგანიზაცია „ქალები რეგიონის განვითარებისთვის“ ჩემი წასვლის შემდეგ დაშლის პირამდე მივიდა. უამრავი გეგმა მქონდა, სანამ ამ გზას დავადგებოდი, მაგრამ ისეთი იმედგაცრუებული და გადამწვარი ვიყავი, რომ სხვა გზა ვერ დავინახე. ჩვენი საქმიანობიდან გამომდინარე უამრავი პრობლემა გვექმნება, ოფისის დაცვლაც კი მოგვთხოვეს, სადაც 7 წელი ვიმუშავეთ. ადგილობრივი თვითმართველობა თანამშრომლობის ნაცვლად, როგორც მტრებს ისე მოგვიაზრებდა. იგივე განწყობები იყო მოსახლეობის მხრიდანაც, ფაქტობრივად, მუშაობა შეუძლებელიც კი გახდა. საზოგადოებრივი ორგანიზაციების მიმართ ხელისუფლების დამოკიდებულება ღიად გამოჩნდა ე.წ. რუსული კანონის მიღების მცდელობით, თუმცა ამ მესიჯებს გაცილებით ადრე ავრცელებდა ხელისუფლება და ამაზე ხშირად ვსაუბრობდი შეხვედრების დროს.  გადაწყვეტილება მყისიერად მივიღე და ბოლო სამი წელია აბსოლუტურად რუტინულ საქმეს ვაკეთებ. ემიგრანტის ცხოვრება ნიშნავს რომ წყდები შენს ძირითად საქმეს, თავისუფალი დრო თითქმის არ გაქვს და საქართველოში მიმდინარე პროცესებსაც ინტერნეტით ვადევნებდი თვალ-ყურს. საშინელი, მძაფრი შეგრძნებები მქონდა. ოჯახის წევრების ნებისმიერ პრობლემას ხვდები სასოწარკვეთილი, იმიტომ რომ მათ გვერდით არა ხარ. ამ ყველაფერმა ჯანმრთელობაც კი შემირყია, მივიღე გულის ინფარქტი, რის გამოც საავადმყოფოშიც მოვხვდი.  სიცარიელის შესავსებად დავიწყე ემიგრანტი ქალების ზეპირი ისტორიების ჩაწერა. 14 ამბავი მაქვს უკვე ჩაწერილი და გაშიფრული, ვაპირებ პუბლიკაციად გამოვცე და საერთოდ, თუკი გადავრჩით საზოგადოებრივი ორგანიზაციები საქართველოში, როცა დავბრუნდები, ისევ ვაპირებ გავაგრძელო ჩემი საქმე“, ამბობს ქეთი. სრულად... წყარო: ორგანიზაციის გვერდი სოციალურ ქსელში

იმერეთი. LDA Georgia - ადგილობრივი დემოკრატიის სააგენტო საქართველომ საკონსულტაციო შეხვედრა გამართა ტყიბულის მუნიციპალიტეტის სამოქალაქო საზოგადოებრივი ორგანიზაციების წევრებთან და აქტიურ მოქალაქეებთან. შეხვედრის მიზანი იყო იმერეთის რეგიონში მოქმედი სამოქალაქო საზოგადოების ორგანიზაციების საჭიროებების კვლევის საფუძველზე მომზადებული დოკუმენტის გაცნობა, ინფორმაციის მიწოდება იმერეთის რეგიონში გამოცხადებული საგრანტო კონკურსების შესახებ. შეხვედრა გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სამოქალაქო საზოგადოების ორგანიზაციები ნიკა გვარამიას საქმესთან დაკავშირებით ერთობლივ განცხადებას ავრცელებენ. „3 მაისი პრესის თავისუფლების საერთაშორისო დღეა. 1993 წლიდან დღემდე ეს თარიღი სიმბოლური მანიფესტია ყველა ხელისუფლებისთვის, რათა პატივი სცენ პრესას, როგორც თავისუფლების ერთ-ერთ მთავარ საყრდენ კედელს. ამ დღესთან დაკავშირებით, სამოქალაქო საზოგადოების ორგანიზაციები კიდევ ერთხელ ვეხმიანებით „მთავარი არხის“ გენერალური დირექტორის ნიკა გვარამიას საქმეს. მოვუწოდებთ: საქართველოს უზენაეს სასამართლოს დროულად, ობიექტურად და მიუკერძოებლად განიხილოს ნიკა გვარამიას წინააღმდეგ მიმდინარე სისხლის სამართლის საქმე; საქართველოს პრეზიდენტს, საქართველოს მიმართ ევროკომისიის რეკომენდაციების გათვალისწინებით, და საქმეზე საერთაშორისო და ადგილობრივი ორგანიზაციების, სახალხო დამცველის შეფასებების შესაბამისად, მიიღოს გადაწყვეტილება ნიკა გვარამიას შეწყალების თაობაზე“. სრულად... წყარო: gyla.ge

თბილისი. 5 მაისს, განათლების განვითარების და დასაქმების ცენტრი (EDEC), მოხალისეობის ციფრული პლატფორმით www.volunteer.ge, თბილისში, ევროპის დღისადმი მიძღვნილ ღონისძიებას შეუერთდება.  ამ დღეს ევროკავშირის მიერ დაფინანსებული პროექტების ფარგლებში გასართობი ღონიძიებები გაიმართება. www.volunteer.ge-ის პავილიონში მოსული ახლაგაზრდები შეძლებენ ჩაერთონ მოხალისეობის თემაზე შექმნილ ვიქტორინაში, უპასუხონ შეკითხვებს და მიიღონ პრიზები... მოხალისეობრივი ციფრული პლატფორმა www.volunteer.ge შექმნილია ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) წარმოგიდგენთ 2022 წლის ანგარიშს. ანგარიშში თავმოყრილია ორგანიზაციის მიერ 2022 წელს განხორციელებული აქტივობები და მიღწეული შედეგები შემდეგ მიმართულებებში: ღია მმართველობა, კორუფციასთან ბრძოლა, ეკონომიკა და სოციალური პოლიტიკა, კანონის უზენაესობა და ადამიანის უფლებები, ადგილობრივი მმართველობა, მედია და გამოხატვის თავისუფლება, ინტერნეტი და ინოვაციები, მეხსიერებისა და დეზინფორმაციის კვლევები. წყარო: idfi.ge

სამეგრელო. 28 აპრილს, LDA Georgia - ადგილობრივი დემოკრატიის სააგენტო საქართველოს ორგანიზებით, იმერეთის რეგიონის სამოქალაქო და სათემო ორგანიზაციების წარმომადგენლები, ზუგდიდის მუნიციპალიტეტში სოციალურ საწარმოებს („მეგობარი“, „ჰანგი“, „ჩირიგე“) ეწვივნენ. ორგანიზაციები გაეცნენ წარმატებულ მაგალითებს და შესაძლებლობა ჰქონდათ მიეღოთ ინფორმაცია მოსაზღვრე რეგიონებში მოქმედი სოციალური საწარმოების შექმნისა და საქმიანობის შესახებ. სასწავლო ვიზიტი განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

შიდა ქართლი. სამოქალაქო საზოგადოების ინსტიტუტის (CSI) ინციატივით, საკონსულტაციო შეხვედრა გაიმართა შიდა ქართლში მომუშავე საზოგადოებრივი ორგანიზაციების წარმომადგენლებთან. კონსულტაციის თემა იყო – ა(ა)იპ–ების სარეგისტრაციო მონაცემების ახალ კანონთან შესაბამისობაში მოყვანა. სრულად...

თბილისი. „საერთაშორისო გამჭვირვალობა - საქართველოს“ გადაცემათა ციკლი „ვილიკლიკოთ ევროპაზე - დათო ლიკლიკაძესთან ერთად“ გრძელდება. გადაცემის მორიგ ეპიზოდში საუბარია შემდეგ თემებზ: რატომ ვირჩევთ ევროპას და დასავლურ ღირებულებებს? რა საფრთხეები მოდის რუსეთისგან? ეს და სხვა საკითხები განიხილა გადაცემის ავტორმა დათო ლიკლიკაძემ სტუმრებთან, ტურიზმის სფეროს წარმომადგენლებთან: რუსუდან სილაგაძესთან, ლელა მესხთან და ანტონ სინეტაშვილთან. სრულად... წყარო: radiodk.ge

ქვემო ქართლი. 2023 წლის 27 აპრილს სოციალური სამართლიანობის ცენტრის ინიციატივით და USAID-ის სამართლის უზენაესობის პროგრამის მხარდაჭერით, დმანისელებისთვის სამართლებრივი დახმარების შეხვედრა გაიმართება. „ჩვენი იურისტები ადგილობრივ მოსახლეობას სთავაზობენ უფასო სამართლებრივ კონსულტაციას მათთვის პრობლემატურ სამართლებრივ საკითხებზე. მათ შორის პოლიციის თანამშრომლების მხრიდან არასათანადო მოპყრობის, მიწაზე საკუთრების უფლების რეგისტრაციის საკითხებზე, სოციალურ დაცვის მექანიზმებზე, ოჯახში და ქალთა მიმართ ძალადობის  და სხვა საკითხებზე. ჩვენი ორგანიზაციის წარმომადგენლები უზრუნველყოფენ მოსახლეობის სოციალური პრობლემების იდენტიფიცირებას და გაზიარებული პრობლემების შესახებ ინფორმაციის მიწოდებას შესაბამისი სახელმწიფო უწყებებისთვის“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „ღია საზოგადოების ფონდის“ ლიდერობით, რვა ორგანიზაციამ მოამზადა შეფასების დოკუმენტი – სტატუსმეტრი, რომელიც საქართველოს ხელისუფლების მიერ 2023 წლის 31 მარტამდე პერიოდში ევროინტეგრაციის მიმართულებით მიღწეულ პროგრესს, არსებულ მდგომარეობასა და სამომავლოდ განსაზღვრულ ნაბიჯებს ასახავს. საზოგადოებრივი ორგანიზაციების შეფასებით, მოცემულ ეტაპზე სრულად არის შესრულებული ერთი პირობა, დიდწილად შესრულებულია ორი პირობა, ნაწილობრივ შესრულებულია ოთხი პირობა და შესასრულებელია ევროკავშირის ხუთი პირობა. სრულად... წყარო: osgf.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…