შიდა ქართლი. 13 ივნისს, გორში, USAID-ის სამოქალაქო განათლების პროგრამის 2022-2023 სასწავლო წლის შემაჯამებელი ღონისძიება გაიმართა. ღონისძიებაზე „საზოგადოება ბილიკის“  წარმომადგენელმა ლია გორელიშვილმა პროგრამის ერთი წლის შედეგები მიმოიხილა. შიდა ქართლის პარტნიორი სკოლების მოსწავლეებმა კი წარმატებული სამოქალაქო კლუბის,   მოსწავლეთა თვითმმართველობის, მცირე საგრანტო პროექტების და კერძო სექტორთან თანამშრომლობის შესახებ გააკეთეს პრეზენტაციები. სამოქალაქო განათლების პედაგოგთა ეროვნული ფორუმის რეგიონალურმა კოორდინატორმა ისაუბრა პედაგოგებისთვის შეთავაზებული რესურსისა და დაგეგმილი აქტივობების შესახებ. ხიდისთავის საჯარო სკოლის მოსწავლეებმა წარადგინეს ეკო თოჯინების თეატრი თემაზე „უფლებები“. შეხვედრის ბოლოს დაჯილდოვდა მხარდამჭერები და აქტიური მოსწავლეები. ღონისძიებას დაესწრებიან  USAID-ის სამოქალაქო განათლების პროგრამის შიდა ქართლის რეგიონის პარტნიორი სკოლების, საგანმანათლებლო რესურსცენტრების, ადგილობრივი ხელისუფლების, ბიზნესისა მედიის და არასამთავრობო სექტორის წარმომადგენლები. USAID-ის სამოქალაქო განათლების პროგრამა ხორციელდება  PH International -  საქართველოს მიერ, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. შიდა ქართლის რეგიონში პროგრამის პარტნიორია „საზოგადოება ბილიკი“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

იმერეთი. სამოქალაქო საზოგადოების ინსტიტუტის (CSI) ორგანიზებით, ქუთაისში გაიმართა შეხვედრა ახალგაზრდებთან. ახალგაზრდებმა მიიღეს ინფორმაცია სამოქალაქო კამპანიის “ეს ქვეყანა შენიას” ფარგლებში გამოცხადებული კონკურსის პირობების შესახებ. წლევანდელი კონკურსის თემაა: „საქართველო ევროპაა“. შეხვედრაზე მოწვეულმა სტუმრებმა ისაუბრეს ქვეყნის ევროინტეგრაციის მნიშვნელობაზე. შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში.

რაჭა-ლეჩხუმი. სამოქალაქო საზოგადოების ინსტიტუტი (CSI) აგრძელებს რეგიონულ შეხვედრებს. დღეს ამბროლაურში გაიმართა ახალგაზრდული კონკურსის „ეს ქვეყანა შენიას“ პრეზენტაცია.  კამპანია „ეს ქვეყანა შენიას“ მიზანია საქართველოში სამოქალაქო საზოგადოების გაძლიერება, საზოგადოებრივი ორგანიზაციების პოპულარიზაცია და სამოქალაქო აქტივიზმის ხელშეწყობა. წლევანდელი კონკურსის თემაა – საქართველო ევროპაა! სამოქალაქო კამპანია „ეს ქვეყანა შენია“ მიმდინარეობს ევროკავშირისა და კონრად ადენაუერის ფონდის მხარდაჭერით, პროექტის „სამოქალაქო საზოგადოების ინიციატივის“ ფარგლებში.

კახეთი. სამოქალაქო საზოგადოების ინსტიტუტმა, 9 ივნისს, გურჯაანში (ტექნოპარკში) ადგილობრივი ახალგაზრდებისთვის კონკურსის - „ეს ქვეყანა შენიას“ პრეზენტაცია გამართა. სამოქალაქო კამპანია „ეს ქვეყანა შენიას“ მიზანია საქართველოში სამოქალაქო საზოგადოების გაძლიერება, საზოგადოებრივი ორგანიზაციების პოპულარიზაცია და სამოქალაქო აქტივიზმის ხელშეწყობა.  2023 წელს კონკურსის თემაა: საქართველო ევროპაა! შეხვედრას ესწრებოდნენ სტუმრები, რომლებიც ახალგაზრდებს ესაუბრნენ საქართველოს ევროკავშირში გაწევრიანების მნიშვნელობასა და იმ სარგებელზე, რასაც ქვეყანა მიიღებს. ასევე ევროპულ იდენტობასა და ღირებულებების სიახლოვეზე და იმაზე, რომ საქართველო ევროპაა. რეგიონული შეხვედრები იმართება საქართველოს ყველა რეგიონში.  სამოქალაქო კამპანია „ეს ქვეყანა შენია“ მიმდინარეობს ევროკავშირისა და კონრად ადენაუერის ფონდის მხარდაჭერით, პროექტის „სამოქალაქო საზოგადოების ინიციატივის“ ფარგლებში.

9 ივნისს, USAID-ის „ადგილობრივი თვითმმართველობის პროგრამამ“ და სამოქალაქო საზოგადოების ინსტიტუტმა (CSI) გამართეს ახალი პროექტის – „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერების“ – ონლაინ პრეზენტაცია. შეხვედრაში მონაწილეობდა 20–მდე საზოგადოებრივი ორგანიზაციის წარმომადგენელი საქართველოს სხვადასხვა რეგიონიდან. პროექტის მიზანია სამოქალაქო ჩართულობის გაზრდა ადგილობრივ დონეზე გადაწყვეტილებების მიღების პროცესებში და მონაწილეობითი მმართველობის გაძლიერება შემდეგ სამიზნე მუნიციპალიტეტებში: ბათუმი, ჩოხატაური, დმანისი და მარნეული. პრეზენტაციის შემდგომ შეხვედრა წარიმართა კითხვა–პასუხის რეჟიმში, რომელიც მოიცავდა თემებს დეინსტიტუციონალიზაციის, თვითმმართველობის საქმიანობაში მონაწილეობის, სამოქალაქო ბიუჯეტირების მიმართულებით. როგორც უკვე აღვნიშნეთ, პროექტს ახორციელებს სამოქალაქო საზოგადოების ინსტიტუტი, USAID-ის „ადგილობრივი თვითმმართველობის პროგრამის“ მხარდაჭერით. „ადგილობრივი თვითმმართველობის პროგრამა“ წარმოადგენს ხუთწლიან ინიციატივას, რომელიც აშშ საერთაშორისო განვითარების სააგენტოს (USAID) დაფინანსებით ხორციელდება საქართველოში. პროგრამა მიზნად ისახავს საქართველოში მიმდინარე დეცენტრალიზაციის და საჯარო მმართველობის რეფორმის მხარდაჭერას და ადგილობრივ თვითმმართველობებში ეფექტიანობის, ანგარიშვალდებულებისა და მოქალაქეთა ჩართულობის გაზრდას. პროგრამა მუშაობს ადგილობრივ თვითმმართველობის დონეზე ანგარიშვალდებულების გაძლიერების, ინკლუზიური და მომხმარებელზე ორიენტირებული საჯარო სერვისების მიწოდების გაუმჯობესების კუთხით და დახმარებას უწევს ცენტრალურ ინსტიტუტებს დეცენტრალიზაციის და საჯარო მმართველობის რეფორმის განხორციელებაში.

აჭარა. ევროკავშირის ელჩი პაველ ჰერჩინსკი აჭარის რეგიონს პირველად ეწვია. ვიზიტის ფარგლებში, 7 ივნისს ელჩი შეხვდა სამოქალაქო საზოგადოების წარმომადგენლებს და მოისმინა მოსაზრებები, ქვეყნის ევროინტეგრაციასთან დაკავშირებულ პროცესებსა და არსებულ პრობლემებზე. დისკუსიის ფარგლებში, ხაზი გაესვა ევროკავშირის მხარდაჭერას სამოქალაქო საზოგადოების გაძლიერების მიმართულებით. ელჩის  შეხვედრას სამოქალაქო საზოგადოების წევრებთან ორგანიზება გაუწია აჭარის რეგიონულმა ჰაბმა -  თავისუფალ ჟურნალისტთა სახლი. აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში  შეიქმნა. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ეროვნულ დემოკრატიულმა ინსტიტუტმა (NDI), პროექტის „საარჩევნო და პოლიტიკური პროცესების მხარდაჭერა საქართველოში“ ფარგლებში, მოამზადა მოქალაქის საბიუჯეტო გზამკვლევი. დოკუმენტში განხილულია ისეთი მნიშვნელოვანი საკითხები, როგორებიცაა: ადგილობრივი თვითმმართველი ერთეულის ბიუჯეტი და მისი დაგეგმვის, განხილვისა და დამტკიცების ეტაპები, მუნიციპალიტეტის უფლებამოსილებები, საბიუჯეტო პროცესის მონაწილე მხარეები. მთავარი აქცენტი კი გაკეთებულია მოქალაქის მიერ ჩართულობის მექანიზმების გამოყენებასა და მნიშვნელობაზე. ასევე, გზამკვლევში კონკრეტული მაგალითები არის განხილული, რომლებიც მოქალაქეებისა და თვითმმართველობის საერთო თანამშრომლობის კარგ პრაქტიკას აღწერს. ეროვნულ დემოკრატიული ინსტიტუტი (NDI) აქტიურად თანამშრომლობს  სამოქალაქო ჯგუფებთან და სხვადასხვა აქტორებთან, რომლებიც ხელს უწყობენ ადგილობრივ თვითმმართველობასთან თანამშრომლობის პროცესს, ღიაობას და ინკლუზიურობას. გამოცემა შესაძლებელი გახდა ამერიკელი ხალხის მიერ ამერიკის შეერთებული შტატების საერთაშორისო განვითარების სააგენტოს USAID-ის მიერ გაწეული დახმარებით. სრულად... მოქალაქის გზამკვლევი: რა უნდა ვიცოდეთ მუნიციპალიტეტის ბიუჯეტზე...  გზამკვლევი ხელმისაწვდომია ქართულ, აზერბაიჯანულ და სომხურ ენებზე. წყარო: ორგანიზაციის გვერდი სოციალურ ქსელში

ქვემო ქართლი. განათლების განვითარების და დასაქმების ცენტრის და ქვემო ქართლის რეგიონული ჰაბის ორგანიზებით, ბოლნისის ახალგაზრდული საბჭოს წევრებისთვის გაიმართა მორიგი ვორკშოფი თემაზე „მოხალისეობა და სამოქალაქო აქტივიზმი“. სამუშაო შეხვედრის მიზანი იყო ახალგაზრდებში მოხალისეობის კულტურის პოპულარიზაცია, სამოქალაქო აქტივიზმის შესახებ ღია დიალოგის წარმართვა, ახალგაზრდული საბჭოების როლისა და საქმიანობის მხარდაჭერა, მოხალისეობასა და სამოქალაქო აქტივიზმს შორის არსებული კავშირების და მახასიათებლების გაცნობა. ვორკშოფის გაუძღვა ეროვნული ბიბლიოთეკის დირექტორი გიორგი კეკელიძე. სრულად... შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. წყარო: STAR პროექტის გვერდი სოციალურ ქსელში

თბილისი. სამოქალაქო საზოგადოების ორგანიზაციები საგანგებო განცხადებას ავრცელებენ უფლებადამცველების დაკავების ფაქტებზე. „ჩვენ, სამოქალაქო საზოგადოების ორგანიზაციები, მტკიცე მხარდაჭერას ვუცხადებთ საქართველოს პარლამენტთან დაკავებულ უფლებადამცველებს, რომლებიც გაბედულად იბრძვიან გამოხატვის თავისუფლების შინაარსობრივი შეზღუდვების წინააღმდეგ. პოლიციამ პარლამენტის მიმდებარე ტერიტორიაზე სრულიად თვითნებურად, უკანონოდ და მკვეთრად აგრესიული მანერით დააკავა მშვიდობიანი შეკრების 7 მონაწილე. დაკავებულთა შორის არიან ტოლერანტობისა და მრავალფეროვნების ინსტიტუტის იურისტი - შოთა თუთბერიძე (ამჟამად გათავისუფლებულია ხელწერილის საფუძველზე), საქართველოს დემოკრატიული ინიციატივის თავმჯდომარე - ედუარდ მარიკაშვილი, ღია საზოგადოების ფონდის თანამშრომელი - საბა ბრაჭველი, აქტივისტი - ნიკა რომანაძე და სხვები. შემაშფოთებელია, რომ ქართული საზოგადოება ხდება ამგვარი ნეგატიური ტენდენციის მოწმე, რომელიც ძირს უთხრის დემოკრატიის ფუნდამენტურ პრინციპებს და, ფაქტობრივად, არარად აცხადებს გამოხატვის თავისუფლების ძირითად უფლებას. ადმინისტრაციული დაკავებების თვითნებური პრაქტიკით კი სისტემა ცდილობს საპოლიციო კონტროლს დაუქვემდებაროს მშვიდობიანი შეკრების მონაწილეები და ორგანიზატორები, რაც მოქალაქეების თვითორგანიზების დასუსტებას, საზოგადოების დაშინებასა და აქტივისტების შევიწროებას ისახავს მიზნად“, ნათქვამია ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. კოალიციამ ინფორმაციის სანდოობისთვის მასშტაბური საინფორმაციო კამპანიის „ახლა“ პრეზენტაცია გამართა. „ევროკავშირის წევრობა საქართველოს მოსახლეობის ურყევ მისწრაფებად რჩება. კამპანია „ახლა“ წარმოაჩენს თუ რა მნიშვნელოვან სარგებელს მიიღებს თითოეული ოჯახი საქართველოს ევროკავშირში გაწევრებით. ის გვიჩვენებს მაგალითებს, თუ რამდენად სწრაფად და თვალსაჩინოდ შეიცვალა სოციალურ-ეკონომიკური მდგომარეობა უკეთესობისკენ იმ ქვეყნებში, რომლებიც ახლახან შეუერთდნენ ევროკავშირს. თუმცა, ამ სიკეთეების მისაღებად საჭიროა მოქმედება ახლა! კამპანიის პრეზენტაციაზე საზოგადოების სხვადასხვა სფეროს წარმომადგენლები, მუსიკოსები, მსახიობები, მეწარმეები, ექიმები, ჟურნალისტები, ერთი მიზნით შეიკრიბნენ -  აჩვენონ ევროპული მომავლისკენ საკუთარი მტკიცე და ურყევი არჩევანი და მოითხოვონ კანდიდატის სტატუსის მისაღებად საჭირო ქმედითი ნაბიჯები და რეფორმები ახლა.  ღონისძიების გამომსვლელები შეკრებილ აუდიტორიას ესაუბრნენ საქართველოს მისწრაფებაზე დაუახლოვდეს ევროპულ ოჯახს; იმ სიკეთეებზე, რასაც ქვეყანას ევროკავშირის წევრობა მოუტანს. პრეზენტაციაზე აუდიტორიამ პირველად ნახა კამპანიის ფარგლებში შექმნილი ახალი ვიდეო, რომელიც სხვადასხვა თაობის ადამიანებზე გვიყვება, თუ როგორ შეცვლის ევროკავშირში წევრობა მათ ცხოვრებას პენსიებისა და დასაქმების ზრდით, ასევე განათლების, აგრობიზნესის და მეცნიერების მხარდაჭერის გზით. რეზო კიკნაძის ჯაზბენდმა საქართველოს და ევროკავშირის ჰიმნებიც შეასრულა... კამპანია „ახლა“, როგორც სოციალურ ქსელებში, ასევე თბილისსა და საქართველოს სხვა ქალაქებში ბილბორდებზე, ავტობუსებსა და მეტროში ბანერების განთავსებით აპრილის თვიდან დაიწყო. მომდევნო თვეების განმავლობაში, ევროინტეგრაციის მხარდამჭერ არაერთ პარტნიორთან ერთად, კამპანია სხვადასხვა არხებისა და ღონისძიებების მეშვეობით საქართველოს მასშტაბით გაიშლება.  ახლა მოქმედების დროა! მოითხოვე რეფორმები დაპირებების ნაცვლად!“ კოალიციის ფეისბუქ გვერდი... წყარო: კოალიცია ინფორმაციის სანდოობისთვის

თბილისი. 24 მაისს, კოალიციამ დამოუკიდებელი და გამჭვირვალე მართლმსაჯულებისთვის შეხვედრა გამართა გორში ადგილობრივ არასამთავრობო ორგანიზაციებთან, მედიის წარმომადგენლებთან, სტუდენტებთან და სხვა დაინტერესებულ პირებთან.   „შეხვედრა შეეხებოდა მართლმსაჯულების სფეროში არსებულ  ძირითად გამოწვევებს, მათ შორის, სასამართლოში არსებულ არაფორმალური მმართველობის პრობლემას, იუსტიციის უმაღლეს საბჭოში ძალაუფლების კონცენტრაციასა და გამჭვირვალობის ნაკლებობას და ა.შ. მომხსენებლებმა ისაუბრეს ამ გამოწვევების მოგვარების პერსპექტივებზეც. შეხვედრისას ასევე განხილული იქნა, როგორ უკავშირდება მართლმსაჯულების რეფორმა საქართველოს ევროპულ პერსპექტივას და რა რეკომენდაციები გასცა ევროკომისიამ საქართველოსთვის სასამართლო ხელისუფლებასთან დაკავშირებით“. სრულად... წყარო: ორგანიზაციის გვერდი სოციალურ ქსელში

აჭარა. საქართველოს ახალგაზრდა იურისტთა ასოციაციის (საია) აჭარის ფილიალს ამერიკის შეერთებული შტატების გერმანიის მარშალის ფონდის წარმომადგენლები ეწვივნენ. სტუმრებს შორის, ასევე, იყვნენ სხვადასხვა საერთაშორისო მედიის ჟურნალისტები. საუბარი შეეხო ქვეყანაში ადამიანის უფლებების მდგომარეობასა და საია-ს საქმიანობას. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. 25 მაისს, ახალციხეში, განათლების განვითარებისა და დასაქმების ცენტრის (EDEC) და სამცხე-ჯავახეთის რეგიონული ჰაბის - დემოკრატ მესხთა კავშირის (UMD) ორგანიზებით, მოხალისეობის ფორუმი გაიმართა სამცხე-ჯავახეთის მხარეში მოქმედი სამოქალაქო საზოგადოების, ახალგაზრდების, პროექტის წარმომადგენლებისა და მოწვეული სტუმრების მონაწილეობით.   ფორუმი გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

აჭარა. ბათუმში მოხალისეობის რეგიონული ფორუმი გაიმართა. ფორუმი მიმდინარეობს ევროკავშირისა და კონრად ადენაუერის ფონდის მხარდაჭერით, პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

საქართველოს რამდენიმე ქალაქში – რუსთავსა და ოზურგეთში, ევროპის საბჭოსა და შესაბამისი მუნიციპალიტეტების ორგანიზებით, მოქალაქეთა მონაწილეობის ახალი მექანიზმი – მოქალაქეთა ასამბლეის დანერგვა დაიწყო. რუსთავში მოქალაქეებმა ჭალის ტყის განვითარების რეკომენდაციები შეიმუშავეს, რომელსაც რუსთავის მუნიციპალიტეტს წარუდგენენ. ხოლო ოზურგეთში პარკირების სისტემის გაუმჯობესების მიმართულებით იმუშავეს ადგილობრივმა მაცხოვრებლებმა.  სამოქალაქო საზოგადოების ინსტიტუტის (CSI) წარმომადგენლები ჩართულნი იყვნენ სამუშაო პროცესში – მოდერაციას უწევდნენ შეხვედრას, რათა მოქალაქეების მიერ რეკომენდაციების შემუშავება და ინიციატივების კენჭისყრა ეფექტურად წარმართულიყო.  რა არის მოქალაქეთა ასამბლეა?  მოქალაქეთა ასამბლეა სათათბირო დემოკრატიის ფორმაა, რომელიც საშუალებას აძლევს მოქალაქეებს, შეისწავლონ და ასამბლეის წევრებთან ერთად განიხილონ კონკრეტული საკითხი და ადგილობრივ დონეზე გადაწყვეტილებების მიღების პროცესში ჩაერთონ.  ასამბლეის წევრები შემთხვევითობის პრინციპით, წინასწარ გაწერილი მეთოდოლოგიით შერჩეული მოქალაქეები არიან, რომლებიც ერთად ქმნიან მრავალფეროვან, დემოგრაფიულად წარმომადგენლობით ჯგუფს, ისეთი კრიტერიუმების მიხედვით, როგორიცაა, ასაკი, სქესი, განათლების დონე და საცხოვრებელი უბანი. წყარო: ევროპის საბჭოს ოფისი საქართველოში

თბილისი. არასამთავრობო ორგანიზაციები ერთობლივ განცხადებას ავრცელებენ და მოუწოდებენ ხელისუფლებას „შეწყვიტოს კანდიდატის სტატუსის საბოტაჟი, დაუყოვნებლივ თქვას უარი საქართველოს ინტერესების დამაზიანებელ გადაწყვეტილებაზე რუსეთთან პირდაპირი ფრენების დაწყების შესახებ“. „ევროკავშირმა მკაფიოდ დააფიქსირა, რომ ის და მისი პარტნიორები არ უშვებენ ფრენებს რუსეთიდან, ან რუსეთში, ხოლო საქართველოს მთავრობის ეს გადაწყვეტილება შეშფოთებას იწვევს საქართველოს ვალდებულების კუთხით, რომ შეესაბამებოდეს საგარეო პოლიტიკაში ევროკავშირის დადგენილებებს, როგორც ეს ასოცირების შეთანხმებითაა გათვალისწინებული. ქართველი ხალხის 89%-ის ნებისა და საქართველოს კონსტიტუციის 78-ე მუხლის საწინააღმდეგოდ, ხელისუფლება აგრძელებს საგარეო კურსის შეცვლას. ევროკავშირის წევრობის კანდიდატის სტატუსის შესახებ გადაწყვეტილების მიღების წინ ამგვარი დემარში უგულებელყოფს ქართველი ხალხის მიერ არჩეულ საგარეო კურსს, რამაც უკვე მოგვიტანა უვიზო მიმოსვლა და პირდაპირი ფრენები ევროკავშირში და არა რუსეთში. ჩვენი მოსახლეობა უკვე ზარალდება მთავრობის არსებული საგარეო პოლიტიკის გამო, რომლის ერთ-ერთი შედეგი რუსული იმიგრაციის ზრდაა საქართველოში. ფასების მკვეთრი მატება და ინფლაცია ამ პოლიტიკით გამოწვეული დამატებითი საფასურია, რომლის გადახდაც საქართველოს მოქალაქეებს გვიწევს“, ნათქვამია განცხადებაში. სრულად... წყარო: transparency.ge

სამეგრელო. სამოქალაქო საზოგადოების ინსტიტუტმა, დღეს, ზუგდიდში საკონსულტაციო შეხვედრა გამართა ადგილობრივი საზოგადოებრივი ორგანიზაციებისთვის. შეხვედრის მიზანია ა(ა)იპ–ების სარეგისტრაციო მონაცემების ახალ კანონთან შესაბამისობაში მოყვანის საკითხების განხილვა.

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…