თბილისი. მედია და ინფორმაციული წიგნიერების გლობალური კვირეულის ფარგლებში სამართლიანი არჩევნები (ISFED)-ს მიერ ევროკავშირის მხარდაჭერით ჩატარდა კონფერენცია და პანელური დისკუსია მედია და ინფორმაციულ წიგნიერებასა და დეზინფორმაციის მიმართ მოსახლეობის მედეგობის გაძლიერების სხვა გზებზე. „ევროკავშირი მზადაა, დაეხმაროს საქართველოს მოსახლეობას გახდეს უფრო მედეგი და კარგად შეიარაღებული დეზინფორმაციის წინააღმდეგ. ერთობლივად, შეგვიძლია გავზარდოთ ჩვენი იმუნიტეტი დეზინფორმაციის მიმართ და ეფექტიანად ვებრძოლოთ მას.“ - განაცხადა ევროკავშირის ელჩმა საქართველოში პაველ ჰერჩინსკიმ მისასალმებელი სიტყვით გამოსვლისას. სრულად... წყარო: ევროკავშირის გვერდი სოციალურ ქსელში

სამეგრელო. საერთაშორისო გამჭვირვალობა - საქართველო განაგრძობს შეხვედრებს რეგიონებში.  26 ოქტომბერს სამეგრელოში, სოფელ ლესიჭინეში, 27 ოქტომბერს კი ქალაქ ჯვარში ორგანიზაციამ ადგილობრივებს გაუზიარა მოლოდინები, თუ რა სასიკეთო ცვლილებები შეიძლება შემოიტანოს 12-პუნქტიანი გეგმის შესრულებამ ევროკავშირთან დაახლოვებისა და კანდიდატი ქვეყნის სტატუსის მიღების გზაზე. პროექტის მხარდამჭერია კონრად ადენაუერის ფონდი. სრულად...  წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სახალხო დამცველის აპარატის თანამშრომლებმა სამოქალაქო განათლების პედაგოგებისთვის ტრენინგი გამართეს ბავშვის უფლებების მნიშვნელოვან ასპექტებზე. ტრენინგის მიზანი იყო პედაგოგებისთვის ბავშვის უფლებების სხვადასხვა კომპონენტზე ცოდნის გაღრმავება, რათა გარკვეული სპეციფიკის თემებზე მათ შეძლონ მოსწავლეთათვის ბევრად დეტალური ინფორმაციის მიწოდება და ასევე, ბავშვის უფლებების დარღვევის შემთხვევაში მათი დაცვის მიზნით კონკრეტული მექანიზმების იდენტიფიცირება და რეაგირება. სრულად... წყარო: www.ombudsman.ge

კახეთი. 9 ნოემბერს, კახეთში, სასტუმროში „ლოპოტა სპა რეზორტი“ საქართველოს სტრატეგიული კვლევებისა და განვითარების ცენტრი (CSRDG) „სათემო ლიდერთა ფორუმს“ გამართავს. ფორუმი მრავალფეროვანი პროგრამით არის წარმოდგენილი და მისი მიზანია: CSRDG-ის მიერ განხორციელებული სამუშაოს გაცნობა (პროექტები, სოციალური გავლენის კვლევა, „ქრაუდფანდინგის“ ხელშეწყობა); 2020-2021 წლების საუკეთესო სათემო ინიციატივის გამოვლენა - დაჯილდოება; რეგიონებისთვის აქტუალურ საკითხებზე მულტისექტორული დიალოგი. სრულად... წყარო: ორგანიზაციის გვერდი სოციალურ ქსელში

შიდა ქართლი. ქალთა საინფორმაციო ცენტრის ცნობით, გორის საპატიო მოქალაქის წოდება არასამთავრობო ორგანიზაციის წარმომადგენელს თინა ბრეგვაძეს მიენიჭა. თინა ბრეგვაძემ შიდა ქართლში, შშმ პირების გასაძლიერებლად პირველი არასამთავრობო ორგანიზაცია „კეთილდღეობისა და განვითარების ცენტრი“ დააფუძნა. ის წლებია შშმ ადამიანებისთვის მუშაობს, რომ შეუქმნას მათ დამოუკიდებლად ცხოვრების შესაძლებლობა, ზრუნავს მათ პროფესიულ განვითარებასა და დასაქმებაზე. „განსაკუთრებული პატივია ჩემთვის გორის საპატიო მოქალაქის წოდება, რომელიც დიდ პასუხისმგებლობას მაკისრებს ჩემი გორისა და ჩემი ადამიანების წინაშე, რომლებსაც უშუალოდ ეკუთვნით ეს წოდება, გორის კეთილდღეობისა და განვითარების ცენტრის კოლექტივს და ჩემს შშმ ბავშვებს. პირველი პრეცედენტია არასამთავრობო სექტორის წარმომადგენლისთვის და მიხარია, რომ ეს პატივი მერგო, საპატიო მოქალაქის წოდება ცხოვრებაში მეტ სტიმულს მაძლევს, რომ უფრო ბევრი კარგი საქმე ვაკეთო ხალხის საკეთილდღეოდ“, განაცხადა თინა ბრეგვაძემ. სრულად... წყარო: ორგანიზაციის გვერდი სოციალურ ქსელში

გურია. გურიის რეგიონული ჰაბის „პროგრესის სახლის“ ორგანიზებით, სოფელ მთისპირში სამოქალაქო საზოგადოების ორგანიზაციების გამოფენა გაიმართა. გამოფენაში მონაწილეობდა გურიაში მოქმედი სამოქალაქო საზოგადოების ხუთი ორგანიზაცია. გამოფენა ჩატარდა პროექტის „სამოქალაქო საზოგადოების ინიციატივის" ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: STAR პროექტის გვერდი სოციალურ ქსელში

იმერეთი. იმერეთის რეგიონულმა ჰაბმა - LDA Georgia - ადგილობრივი დემოკრატიის სააგენტო საქართველო-მ, პროექტის „სამოქალაქო საზოგადოების ინიციატივა“ ფარგლებში, კონსულტაციები გასცა ახალგაზრდების, სამოქალაქო საზოგადოებრივი და სათემო ორგანიზაციების წარმომადგენლებისათვის საჩხერის და ჭიათურის მუნიციპალიტეტში. შეხვედრის ფარგლებში დამსწრე პირებს: გაეცნოთ CSI-ს მიერ ჩატარებული კვლევის შედეგები, რომელიც ეხებოდა სამოქალაქო საზოგადოებრივი ორგანიზაციების საგადასახადო გარემოს; კონსულტაცია გაეწიათ ორგანიზაციის მართვის საკითხებზე მათი გაძლიერების მიზნით; ინფორმაცია მიეწოდათ  იმერეთის რეგიონში გამოცხადებული საგრანტო კონკურსების შესახებ; კონსულტაციების გაცემა გაგრძელდება იმერეთის მხარის მუნიციპალიტეტებში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. USAID-ის ხელშეწყობით ანიმაციური სერიები შეიქმნა. დღეს წარმოდგენილია სერია, რომელიც ტოლერანტობას ეხება. ანიმაციური სერიალში ახსნილია დემოკრატიის პრინციპები და მოსწავლეებს სამოქალაქო ცხოვრებაში ჩართულობისკენ მოუწოდებს. კლიპები ხელს უწყობს სამოქალაქო განათლების მნიშვნელობის გააზრებას და ცნობიერების ამაღლებას მნიშვნელოვან საკითხებზე. ანიმაციური სერიები შეიქმნა USAID-ის სამოქალაქო განათლების კამპანიის ფარგლებში. სრულად... წყარო: ორგანიზაციის გვერდი სოციალურ ქსელში

მიიღეთ მონაწილეობა გამოკითხვაში, რომლის მიზანია საზოგადოებრივი ორგანიზაციების მიერ უკრაინელი ხალხისადმი განხორციელებული დახმარების შესწავლა, რაც შემდგომში დახმარების გზების მოძიებას შეუწყობს ხელს. კვლევის საგანს ასევე წარმოადგენს სსო–ებსა და ხელისუფლებას შორის დახმარების პროცესში თანამშრომლობითი მაგალითების შესწავლა.  გამოკითხვა – https://bit.ly/3yXhNzi კვლევა რუმინეთსა და საქართველოში ტარდება, პროექტის – „კრიზისულ სიტუაცებიში მდგრადი სათემო ჯგუფების შექმნა. საქართველოს და რუმინეთის სამოქალაქო საზოგადოების გამოცდილება“ (Building Resilient Communities in Crisis Situations. The Romanian and Georgian civil society experience") – ფარგლებში. საქართველოში პროექტის პარტნიორია სამოქალაქო საზოგადოების ინსტიტუტი (CSI), ხოლო რუმინულში სამოქალაქო რესურსების ცენტრი (CRC)

იტალია. „საერთაშორისო გამჭვირვალობა - საქართველოს“ აღმასრულებელმა დირექტორმა, ღია მმართველობის პარტნიორობის (OGP) მმართველი კომიტეტის წევრმა ეკა გიგაურმა და მისმა მოადგილემ, გიორგი ონიანმა OGP-ის ევროპის რეგიონულ შეხვედრაში მიიღეს მონაწილეობა, რომელსაც 11-12 ოქტომბერს იტალიამ უმასპინძლა. შეხვედრის თემატური ფოკუსი იყო კორუფციასთან ბრძოლის გაძლიერება, ციფრული ინოვაცია და დემოკრატიული ჩართულობა. ორგანიზაციის ცნობით, ევროპის რეგიონული შეხვედრის გარდა, ღია მმართველობა საქართველოს ფორუმის/საბჭოს წევრმა არასამთავრობო ორგანიზაციებმა აღმოსავლეთ პარტნიორობის (EaP) საზოგადოების დიალოგში მიიღეს მონაწილეობა, რომელიც ევროკავშირისკენ მიმავალ გზაზე არსებული საერთო გამოწვევების განხილვას დაეთმო. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ქალთა ფონდის დირექტორმა ნანა ფანცულაიამ თანამდებობა დატოვა. ორგანიზაციის აღმასრულებელი დირექტორის მოვალეობას სალომე ჩაგელიშვილი შეასრულებს. „როგორც ფონდის უკვე ყოფილი ლიდერი, მოხარული და იღბლიანი ვარ, რომ ცვლილების შემდეგ ფონდს არ ვტოვებ, საშუალება მეძლევა ჩვენს გუნდთან ერთად დავრჩე და ფონდის ერთ მიმართულებას, ფემინისტური რეზიდენციის პროექტის გამართვას მოვახმარო უფრო მეტი დრო და ენერგია. ჩემთვის ეს მართლაც დიდი პრივილეგიაა, რადგან გავაკეთებ იმას, რაზეც ვოცნებობდი და შევძლებ დავასრულო ის, რის დაწყებასაც ასევე დიდი გაბედულება სჭირდებოდა თავის დროზე. დიდი იმედი მაქვს ფემინისტური რეზიდენციის ამუშავებას მოკლე დროში შევძლებთ და ვახარებთ ჩვენს პარტნიორებს და მხარდამჭერებს“, წერს ნანა ფანცულაია. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. შეზღუდული შესაძლებლობის მქონე პირები, შშმ პირთა მშობლები და მათ საკითხებზე მომუშავე ადამიანები და ორგანიზაციები საქართველოს პარლამენტის წევრებს, ფრაქციებსა და პოლიტიკურ ჯგუფებს მიმართავენ, სახალხო დამცველის კანდიდატად მხარი ანა აბაშიძეს დაუჭირონ. „ჩვენი შეფასებით, ანა აბაშიძეს აქვს საქართველოს მომავალი სახალხო დამცველისთვის საჭირო ყველა აკადემიური, პროფესიული და პიროვნული თვისება, ღირებულება და ფასეულობა; თავის საქმიანობაში, შშმ პირთა, ქალთა და ბავშვთა უფლებების დაცვისას, ის გამოირჩეოდა პარტიული მიუკერძოებლობით, დაბალანსებულობით, კეთილსინდისიერებითა და გულისხმიერებით, ორიენტირებული იყო თანასწორობაზე; ის უამრავი შშმ პირის ინტერესებს წარმოადგენს სასამართლოსა და სხვა ორგანოში, როდესაც მათ არ აქვთ წვდომა საჭირო სერვისებზე, დამხმარე საშუალებებზე, გარემოზე, განიცდიან დისკრიმინაციასა თუ ძალადობას დახურულ ინსტიტუციებში“, ნათქვამია ერთობლივ განცხადებაში. სრულად... წყარო: PHR-ის გვერდი სოციალურ ქსელში

თბილისი. ევროკავშირი საქართველოს ყველაზე მსხვილი დონორია. წლების წარმატებული რეფორმების კვალდაკვალ, გაიზარდა ევროკაშირის ფინანსური მხარდაჭერის მოცულობა. აღსანიშნავია, რომ 2014 – 2020 წლებში, ევროკავშირი საქართველოს ჯამში, 938.4 მილიონი ევროთი დაეხმარა. •ევროკავშირის დახმარებიდან ყველაზე დიდი დახმარება სოფლის მეურნეობის განვითარებისთვის გამოიყო – 235 მილიონი ევრო.  ევროკავშირისა და საქართველოს თანამშრომლობის ძირითადი სფეროები •სოფლის მეურნეობა და სოფლის განვითარება  •საჯარო მმართველობის სისტემის რეფორმმა და საჯარო ფინანსების მართვა •მართლმსაჯულება, კანონის უზენაესობა და დემოკრატიული მმართველობა  •ეკონომიკური განვითარება, ბაზრის შესაძლებლობები და პროფესიული უნარ–ჩვევები  •ურთიერთკავშირები (გარემო, კლიმატის ცვლილება, ტრანსპორტი, ენერგეტიკა)  •მობილურობა და ადამიანების შორის კავშირი სრულად... წყარო: ევროკავშირის ვებგვერდი

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: განათლების სექტორის მიმოხილვა, ეთნიკური უმცირესობების და სოციალურად მოწყვლადი ჯგუფების გამოწვევების იდენტიფიცირება. კვლევის მიგნებების თანახმად: 2021 წელს განათლებაზე, მეცნიერებაზე და პროფესიულ მომზადებაზე დანახარჯები დაახლოებით 2.2 მლრდ. ლარია, რაც მშპ-ს 3.6%-ს შეადგენს. აქედან ინკლუზიურ განათლებაზე მხოლოდ 1.2 % დაიხარჯა.   2021 წელს გაორმაგდა სპეციალური საგანმანათლებლო საჭიროების მქონე პირებს შორის სტატუსშეჩერებული სტუდენტების რაოდენობა. 2021 წ. საქართველოში უმუშევრობის დონემ უმაღლესი განათლების მქონე სამუშაო ძალაში 15.5% შეადგინა, რაც ბევრად მაღალია ვიდრე OECD (6.1%) და ევროკავშირის (5.5%) ქვეყნებში. სრულად... წყარო: idfi.ge

თბილისი. საერთაშორისო გამჭვირვალობა - საქართველოს ორგანიზებით და კონრად ადენაუერის ფონდის მხარდაჭერით, 7-9 ოქტომბერს ჩატარდა სემინარი: „დეზინფორმაციული კამპანია ევროკავშირის კანდიდატის სტატუსთან დაკავშირებით“. სემინარი განიხილეს შემდეგი საკითხები: რა კონკრეტული ნაბიჯებია გადასადგმელი ევროკავშირის მიერ მოთხოვნილი 12 პუნქტის შესასრულებლად? როგორ უნდა გავუმკლავდეთ ევროკავშირის წევრობის სტატუსის მიღების პროცესის პარალელურად გააქტიურებულ ანტიდასავლურ პროპაგანდას?  რა როლი აქვს ამ პროცესში სამოქალაქო საზოგადოებას, მედიას მოქალაქეების სწორად ინფორმირების მიზნით? სრულად... წყარო: ორგანიზაციის გვერდი სოციალურ ქსელში

2022 წლის ნობელის პრემია მშვიდობის დარგში გადაეცათ უკრაინელ, ბელარუსს და რუს უფლებადამცველებს, ისინი მრავალი წელია იცავენ ადამიანის უფლებებს თავიანთ ქვეყნებში: •უკრაინულ საზოგადოებრივ ორგანიზაციას „სამოქალაქო თავისუფლების ცენტრს“ •საბჭოთა რეპრესიების შემსწავლელ ორგანიზაციას „მემორიალს“, რომელიც რუსეთის სასამართლომ 2002 წელს გააუქმა •ბელარუს უფლებადამცველს ალეს ბიალიატსკის, რომელიც თანამოაზრეებთან ერთად პატიმრობაშია სრულად... 

თბილისი. 4-7 ოქტომბერს, ინფორმაციის თავისუფლების განვითარების ინსტიტუტმა (IDFI) და ელექტრონული მმართველობის აკადემიამ (ესტონეთი) სამოქალაქო საზოგადოებრივი ორგანიზაციებისა და საჯარო დაწესებულებების წარმომადგენლებისთვის 1.5-დღიანი ინტერაქტიული მასტერკლასი/ტრენინგი გამართეს. ტრენინგის მიზანი იყო საქართველოში ციფრულად მოწყვლადი მოქალაქეების წინაშე არსებულ გამოწვევებზე საპასუხო საერთო ინიციატივების დაგეგმვა წარმოადგენდა. ორი 1.5-დღიანი მასტერკლასი მოიცავდა პროექტის/სერვისის/ინიციატივის/პოლიტიკის იდეის შექმნის შესავალს, ასევე მეთოდოლოგიის შემუშავების თეორიას. მასტერკლასის სტრუქტურა ეფუძნება მიდგომას - „სწავლა კეთებით”, სადაც თითოეული მონაწილე გუნდი მათ წინაშე არსებულ გამოწვევებზე საპასუხოდ სხვადასხვა სახის ინსტრუმენტს და მეთოდს იყენებს. სრულად... წყარო: idfi.ge

დანია. ორგანიზაცია საფარის ინფორმაციით, კოპენჰაგენში, სასწავლო ტურის ფარგლებში, საქართველოდან და უკრაინიდან ორგანიზაციებმა, „3F მშრომელთა უფლებებისთვის“ ოფისი მოინახულეს და დანიური ორგანიზაციის წევრებს შეხვდნენ. გაცნობითი შეხვედრის ფარგლებში, სხვადასხვა ორგანიზაციის წარმომადგენლებმა შრომით უფლებებზე იმსჯელეს და საკუთარი ქვეყნების პრაქტიკა და გამოცდილება გააზიარეს. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…