თბილისი. საქართველოში ევროკავშირის წარმომადგენლობა მიესალმება ახალ ელჩს, პაველ ჰერჩინსკის. „საქართველოში ევროკავშირის ელჩობა ჩემთვის პატივი და ასევე დიდი პასუხისმგებლობა არის. ამ თანამდებობაზე დანიშვნა ევროკავშირი - საქართველოს ურთიერთობების ერთ-ერთ ყველაზე მნიშვნელოვან მომენტს ემთხვევა. ევროპული საბჭოს ისტორიული გადაწყვეტილება საქართველოსთვის ევროპული პერსპექტივის მინიჭების შესახებ ახალ რეალობას ქმნის. ჩემს გუნდთან ერთად დაუღალავად ვიშრომებ ევროკავშირისკენ მიმავალ გზაზე საქართველოს მხარდასაჭერად. ამ პროცესში წვლილის შეტანის შესაძლებლობა უზარმაზარი პრივილეგიაა“, ნათქვამია ელჩის მიმართვაში. სრულად... წყარო: www.eeas.europa.eu

თბილისი. საქართველოს საზოგადოებრივი ორგანიზაციები ერთობლივ განცხადებას ავრცელებენ ომბუდსმენის კანდიდატის შერჩევის ინკლუზიური პროცესის ხელშესაწყობად. „საქართველომ ევროკავშირის წევრობის კანდიდატის სტატუსის მოსაპოვებლად 12 რეკომენდაცია უნდა შეასრულოს, მათგან ერთ-ერთი სახალხო დამცველის არჩევის პროცესს ეხება. ომბუდსმენის ნომინირების პროცესში უპირატესობა მიენიჭოს დამოუკიდებელ კანდიდატს, პროცესი წარიმართოს გამჭვირვალედ და დაცული იყოს აპარატის ეფექტიანი ინსტიტუციური დამოუკიდებლობა. ხელისმომწერმა ორგანიზაციებმა ფართო კონსულტაციების შედეგად გადავწყვიტეთ ერთობლივად შევიმუშაოთ ომბუდსმენის კანდიდატობის ნომინირების წესი და ის კრიტერიუმები, რასაც უნდა აკმაყოფილებდეს ომბუდსმენის კანდიდატი“. სრულად... წყარო: ქალთა საინფორმაციო ცენტრის გვერდი სოციალურ ქსელში

ქვემო ქართლი. ფრიდრიხ ნაუმანის ფონდის მხარდაჭერითა და თავისუფალი დემოკრატიული ინსტიტუტის ორგანიზებით სოფ. პანტიანში დაიწყო რიგით მეოთხე პროექტი „ახალგაზრდული ჰაბი თავისუფლებისთვის“. პროექტის ფარგლებში  მონაწილეები შეხვდებიან საინტერესო   მომხსენებლებს და აქტიურად ჩაერთვებიან  ვორკშოპებსა და ჯგუფურ სამუშაოებში. სრულად... წყარო: ორგანიზაციის გვერდი სოციალურ ქსელში

27 სექტემბერს, სამოქალაქო საზოგადოების ინსტიტუტი (CSI) გიწვევთ ფორუმზე „ადგილობრივ დონეზე მოქალაქეთა მონაწილეობის გაძლიერება“. ფორუმის მიზანია მოქალაქეთა ჩართულობის კუთხით არსებული გამოცდილებისა და საუკეთესო პრაქტიკების გაზიარება, გამოწვევებისა და შესაძლებლობების გაანალიზება. ამ კუთხით მნიშვნელოვან საკითხებზე დიალოგისა და დისკუსიის სივრცის შექმნა, რაც ხელს შეუწყობს სამოქალაქო მონაწილეობის საკითხით დაინტერესებული აქტორების შესაძლებლობების გაძლიერებას და მათ შორის თანამშრომლობის სტიმულირებას.  მონაწილეობით დემოკრატიის პრინციპების დანერგვა ადგილობრივი მმართველობის პროცესებში განსაკუთრებით აქტუალურია. გადაწყვეტილების მიღებაში მონაწილეობა, ფართო გაგებით მოიაზრებს კონკრეტული პოლიტიკისა თუ სტრატეგიის შექმნის, რეგულაციების შემუშავების, სერვისების დანერგვა-გაუმჯობესების და ზოგადად, მოქალაქეებისთვის მნიშვნელოვანი საკითხების გადაწყვეტის პროცესს. შესაბამისად, არსებული ინოვაციური მექანიზმებისა და კარგი პრაქტიკების გაზიარება ხელს შეუწყობს მუნიციპალიტეტების საქმიანობაში მონაწილეობითი მიდგომების გაძლიერებას, ანგარიშვალდებულებისა და გამჭვირვალობის ზრდას, საჭიროებებზე მორგებული პოლიტიკის განხორციელებასა და გადაწყვეტილების მიღების პროცესში მოქალაქეთა ჩართულობის წახალისებას.  აღნიშნული ფორუმი ქმნის სივრცეს ყველა დაინტერესებული პირისთვის უკეთ გააცნობიეროს მოქალაქეთა მონაწილეობის მნიშვნელობა პოლიტიკის დაგეგმვის, განხორციელებისა და შეფასების პროცესში, და ასევე თავად წარუდგინოს აუდიტორიას მონაწილეობითი პროცესის წარმატებული მაგალითები, მექანიზმები, რესურსები და ა.შ.  მონაწილეობისთვის, გთხოვთ გაიაროთ ონლაინ რეგისტრაცია შემდეგ ბმულზე: https://forms.gle/sKM2G9TMgDRXh9Ly5 ონლაინ რეგისტრაციის ბოლო, განახლებული თარიღია 19 სექტემბერი. ფორუმი გაიმართება 27 სექტემბერს (განახლებული თარიღი), თბილისში, სასტუმრო "რუმსში", "Garden Hall" (მ. კოსტავას 14). დამატებითი კითხვების შემთხვევაში დაგვიკავშირდით:  ტელ: 555 94 50 66  ელ–ფოსტა: n.mgvdeladze@civilin.org  ფორუმი ორგანიზებულია სამოქალაქო საზოგადოების ინსტიტუტის (CSI) მიერ, „ადგილობრივი განვითარების აქტორების მდგრადი კავშირის შექმნა საქართველოში“ პროექტის ფარგლებში, რომელიც დაფინანსებულია გერმანული საერთაშორისო ფონდის, Bread for the World-ის მიერ. ინიციატივა მიზნად ისახავს ადგილობრივი თვითმმართველობის დონეზე განვითარების სფეროში ჩართული აქტორების გაძლიერებას, რათა მათ ეფექტურად შეძლონ ადგილობრივი საჭიროებებისა და განვითარების პრიორიტეტების განსაზღვრა და პოლიტიკური გადაწყვეტილებების მიღების პროცესში აქტიური მონაწილეობა.

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

საზოგადოებრივი ორგანიზაციების ერთიანი პორტალი (www.csogeorgia.org) საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. „საფარის“ გუნდის წევრებმა ორგანიზაციის 2023-2025 წლების სტრატეგია და საკომუნიკაციო გეგმა განიხილეს. ორგანიზაციის ცნობით, პროცესში ჩართული იყო ორგანიზაციის ყველა თანამშრომელი, მათ შორის იურისტები აჭარის, იმერეთის, ქვემო ქართლისა და კახეთის რეგიონებიდან. „შეხვედრებზე ვიმსჯელეთ, როგორ შეიძლება ორგანიზაციის სერვისების ხელმისაწვდომობის გაზრდა მთელი ქვეყნის მასშტაბით. გარდა ამისა, დავსახეთ მომდევნო წლების სამოქმედო გეგმა, რომელიც გულისხმობს როგორც არსებული რესურსების ეფექტიანობის გაზრდას, ისე ახალი სერვისების შემუშავებასა და დანერგვას“, ნათქვამია ორგანიზაციის ვებგვერდზე. სრულად... წყარო: sapari.ge

იმერეთი. „ადგილობრივი დემოკრატიის სააგენტო საქართველომ” სამუშაო შეხვედრა გამართა ბაღდათის ახალგაზრდული საბჭოს წევრებთან.  შეხვედრის მიზანი გახლდათ  ადგილობრივი ახალგაზრდების საჭიროებებზე დაფუძნებით შემუშავებული მუნიციპალური პროგრამის წარდგენა და განხილვა.  საბჭოს წევრების ინიციატივებზე დაფუძნებით მომზადებული მუნიციპალური ახალგაზრდული პროგრამა შემდგომი განხილვისთვის წარედგინება ბაღდათის მუნიციპალიტეტს.  ბაღდათის ახალგაზრდული საბჭოს გაძლიერება ხდება პროექტის “სამოქალაქო საზოგადოების ინიციატივის” ფარგლებში, ევროკავშირისა და კონრად ადენაუერის ფონდის მხარდაჭერით. სრულად...  წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, კონსულტაციები გასცა სამოქალაქო საზოგადოებრივი და სათემო ორგანიზაციების წარმომადგენლებისათვის ტყიბულის მუნიციპალიტეტში. შეხვედრის ფარგლებში დამსწრე პირებს: გაეცნოთ  CSI-ს  მიერ ჩატარებული კვლევის შედეგები, რომელიც ეხებოდა სამოქალაქო საზოგადოებრივი ორგანიზაციების საგადასახადო გარემოს; კონსულტაცია გაეწიათ ორგანიზაციის მართვის საკითხებზე მათი გაძლიერების მიზნით; ინფორმაცია მიეწოდათ  იმერეთის რეგიონში გამოცხადებული საგრანტო კონკურსების შესახებ; კონსულტაციების გაცემა გაგრძელდება იმერეთის მხარის მუნიციპალიტეტებში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად...  წყარო: ორგანიზაციის გვერდი სოციალურ ქსელში

თბილისი. შავი ზღვის ფონდის (Black Sea Trust for Regional Cooperation) ფინანსური და „სამართლიანი არჩევნების“ ტექნიკური მხარდაჭერით მიმდინარე პროექტის „სამოქალაქო საზოგადოების ადგილობრივი ლიდერების ახალი თაობის გაძლიერება საქართველოში“ ფარგლებში, 11-12 ივნისს, შემაჯამებელი შეხვედრა გაიმართა. შეხვედრაში მონაწილეობა მიიღეს სამოქალაქო განათლების ვორკშოპების კურსდამთავრებულმა ახალგაზრდა ლიდერებმა საქართველოს სხვადასხვა მუნიციპალიტეტიდან. შეხვედრის მთავარი მიზანი იყო კურსდამთავრებულებისთვის მიეცა საშუალება ერთმანეთისთვის გაეცნოთ პროექტში მონაწილეობის შედეგად დაგროვებული წარმატების ისტორიები. სრულად...  წყარო: isfed.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სოციალური სამართლიანობის ცენტრის ინფორმაციით, შშმ პირთა უფლებების კონვენციის იმპლემენტაციის უწყებათაშორისი საკოორდინაციო კომიტეტის საკონსულტაციო საბჭოს წევრმა შშმ პირებმა და მათ უფლებებზე მომუშავე ორგანიზაციებმა საქართველოს უსინათლოთა კავშირში განვითარებულ მოვლენებთან დაკავშირებით განცხადებით მთავრობას მიმართეს და ყველა დაინტერესებული მხარის ჩართულობით, კონსტრუქციული ფორმით კონფლიქტის მოგვარების ხელშეწყობისკენ მოუწოდეს. „სიტუაციის სიმწვავიდან გამომდინარე, განცხადებაზე ხელმომწერებმა მიმართეს მთავრობას, მოიწვიოს საკოორდინაციო კომიტეტის რიგგარეშე სხდომა, რომლის ფარგლებშიც განხილული იქნება კავშირში შექმნილი სიტუაცია და შეჯერდება გამოწვევების დაძლევის მოკლე და გრძელვადიანი გეგმა/ხედვა. საქართველოს უსინათლოთა კავშირში შექმნილი ვითარების სიმწვავიდან გამომდინარე და მოშიმშილე ადამიანების სიცოცხლისა და ჯანმრთელობის დასაცავად უმნიშვნელოვანესად მიგვაჩნია ისეთი სივრცის შექმნა, რომელიც ყველა დაინტერესებულ მხარეს მისცემს შესაძლებლობას, დააფიქსიროს საკუთარი პოზიცია, გაცვალოს მოსაზრებები და იპოვოს არსებული კრიზისული სიტუაციიდან გამოსვლის შესაძლებლობა. მიგვაჩნია, რომ ამგვარი სივრცის შექმნა სწორედ უწყებათაშორისი საკოორდინაციო კომიტეტის ფარგლებში უნდა მოხდეს, რის საფუძველსაც ეროვნული კანონმდებლობა და საერთაშორისო დონეზე არსებული სტანდარტები/რეკომენდაციები იძლევა. შესაბამისად, მოგმართავთ თხოვნით, მოიწვიოთ კომიტეტის რიგგარეშე სხდომა, რომელზეც ყველა დაინტერესებული მხარის მონაწილეობით განხილული იქნება კავშირში შექმნილი სიტუაცია და შეჯერდება გამოწვევების დაძლევის მოკლე და გრძელვადიანი გეგმა/ხედვა“, ნათქვამია განცხადებაში. სრულად... წყარო: socialjustice.org.ge

რაჭა-ლეჩხუმი. რაჭა-ლეჩხუმისა და ქვემო სვანეთის რეგიონული ჰაბის - ფონდი „აფხაზინტერკონტის“ ორგანიზებით, რეგიონული საკოორდინაციო შეხვედრა გაიმართა. შეხვედრის მიზანი იყო სამოქალაქო საზოგადოების ორგანიზაციების მუდმივი ინფორმირება, სექტორთა შორის თანამშრომლობის და ხელსაყრელი გარემოს (განვითარების შესაძლებლობები, არსებული გამომწვევები, დაფინანსების შესაძლებლობები) შექმნის ხელშეწყობა; ადგილობრივი ბიუჯეტიდან დაფინანსებების მოპოვების შესაძლებლობების გაცნობა, თანამშრომლობის პერსპექტივებზე მსჯელობა. შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სამოქალაქო საზოგადოების ორგანიზაციები საქართველოში ევროკავშირის ელჩს, კარლ ჰარცელს მიმართავს. „ბატონო ჰარცელ, საქართველოს სამოქალაქო საზოგადოების სახელით, გვსურს მადლობა გადაგიხადოთ საქართველოში თქვენი მრავალწლიანი წარმატებული საქმიანობისთვის და იმ მხარდაჭერისთვის, რომელსაც ჩვენი სამშობლო და სამოქალაქო საზოგადოება ყოველთვის გრძნობდა ევროკავშირისგან - და პირადად თქვენგან. თქვენ ყველაფერი გააკეთეთ საქართველოს ევროპული მომავლისთვის, საქართველოში ყოფნის დროს უდიდესი პატივისცემითა და მოწიწებით ეკიდებოდით ქართულ კულტურასა და ყველას დაგვამახსოვრეთ თავი თითოეული ჩვენგანის საყვარელი კომპოზიტორის, გია ყანჩელის, შემოქმედების დაფასებით. ეს პატივისცემა და ქართული კულტურის, ჩვენი სიამაყის, დაფასება ყოველთვის გვემახსოვრება“. სრულად... წყარო: transparency.ge

მცხეთა-მთიანეთი. 19-20 ივლისს, საგურამოში სამოქალაქო საზოგადოების ინსტიტუტის ორგანიზებით იმართება სამუშაო შეხვედრა საზოგადოებრივი ორგანიზაციების თვითრეგულირება საქართველოში - არსებული გამოწვევები და სამომავლო პერსპექტივა. შეხვედრა იმართება ევროკავშირისა და კონრად ადენაუერის ფონდის მიერ დაფინანსებული პროექტის - „სამოქალაქო საზოგადოების ინიციატივა:  მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ - ფარგლებში. სრულად...

რეგიონები. კავკასიის გარემოსდაცვითი არასამთავრობო ორგანიზაციების ქსელმა (CENN) გერმანიის მთავრობის მხარდაჭერით საქართველოს 5 მუნიციპალიტეტში მოქმედ 85 CSO-სთან SDG-ების ადგილობრივ დონეზე დანერგვის ხელშეწყობის მიზნით შეხვედრები გამართა. გაეროს მდგრადი განვითარების მიზნების (SDGs) ადგილობრივ დონეზე დანერგვის ხელშესაწყობად ტრენინგ-შეხვედრები ქუთაისში, ბათუმში, ზუგდიდში, თელავსა და რუსთავში გაიმართა. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო მიიჩნევს, რომ მმართველმა პარტიამ პარლამენტის რიგგარეშე სესიას ბოიკოტი არ უნდა გამოუცხადოს და ევროკავშირის კონკრეტული მოთხოვნების შესრულება უნდა დაიწყოს. „რიგგარეშე სესია პრეზიდენტმა 46 ოპოზიციონერი დეპუტატის მიმართვის საფუძველზე მოიწვია. დღის წესრიგით  სწორედ ის საკითხებია განსაზღვრული, რომლებიც ხელს შეუწყობს დემოკრატიულ ცვლილებებს, პოლიტიკურ პლურალიზმს და მნიშვნელოვანი წინ გადადგმული ნაბიჯი იქნება ევროკავშირის 12-პუნქტიანი რეკომენდაციების შესრულების გზაზე. მოვუწოდებთ საპარლამენტო უმრავლესობის წევრებს რიგგარეშე სესიით განსაზღვრული საკითხები განიხილონ კომიტეტის სხდომებზე, დაესწრონ რიგგარეშე პლენარულ სხდომას და მხარი დაუჭირონ საკანონმდებლო ცვლილებებს, რაც ჩვენ ქვეყანას წინ წასწევს ევროკავშირში ინტეგრაციის გზაზე“. სრულად... წყარო: transparency.ge ფოტო: parliament.ge

თბილისი. ინფორმაციის თავისუფლების განვითარების ინსტიტუტი (IDFI) გიზიარებთ 2021 წლის საქმიანობის ანგარიშს. ანგარიშში თავმოყრილია ორგანიზაციის მიერ 2021 წელს მიღწეული შედეგები შემდეგ მიმართულებებში: ღია მმართველობა, კორუფციასთან ბრძოლა, ეკონომიკა და სოციალური პოლიტიკა, კანონის უზენაესობა და ადამიანის უფლებები, ადგილობრივი მმართველობა, მედია და გამოხატვის თავისუფლება, ინტერნეტი და ინოვაციები, მეხსიერებისა და დეზინფორმაციის კვლევები. წყარო: idfi.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

აჭარა და რაჭა. 5 და 8 ივლისს, პროექტის „სამოქალაქო საზოგადოების ინიციატივა“ ფარგლებში, აჭარისა და რაჭის  მუნიციპალიტეტებში, მოეწყო სასაწავლო ვიზიტები.  ადგილობრივი სამოქალაქო საზოგადოების ორგანიზაციების წარმომადგენლები ბათუმის მუნიციპალიტეტში ეწვივნენ ა(ა)იპ „თავისუფალ ჟურნალისტთა  სახლს“,  ხოლო ამბროლაურის მუნიციპალიტეტში, ფონდ „აფხაზინტერკონტსა“ და „ზრდასრულთა განათლების რესურს ცენტრს“. სასწავლო ვიზიტების მიზანია ერთის მხრივ, გაიზარდოს, იმერეთის მხარის CSO’s/CBO’s წარმომადგენლების გამოცდილება ორგანიზაციის მართვისა და განვითარების მიმართულებით და მეორეს მხრივ, გაფართოვდეს საკონტაქტო პირთა წრე მოსაზღვრე რეგიონებში მომუშავე ორგანიზაციების სახით.  სასწავლო ვიზიტები იმართება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. დღეს, ევროკავშირის ელჩს გამოსამშვიდობებელი შეხვედრა ჰქონდა სამოქალაქო საზოგადოების ორგანიზაციებთან. „მათ ერთმანეთს გაუზიარეს ხედვები, თუ როგორ შეუძლია საქართველოს ევროკომისიის მიერ გაწერილი 12 პრიორიტეტის შესრულება. ელჩმა, ასევე, მადლობა გადაუხადა საქართველოს სამოქალაქო საზოგადოებას მხარდაჭერისა და ერთგულებისთვის და აღნიშნა, რომ ევროკავშირი გააგრძელებს მათ მხარდაჭერას მომდევნო თვეებისა და წლების განმავლობაში“. სრულად... წყარო: ევროკავშირის გვერდი სოციალურ ქსელში