CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

LDA Georgia - ადგილობრივი დემოკრატიის სააგენტო საქართველომ, მშვიდობის კორპუსის ამერიკელ მოხალისეებს უმასპინძლა. შეხვედრაზე LDA საქართველოს აღმასრულებელმა დირექტორმა, ნინო ხუხუამ მოხალისეებთან ორგანიზაციის საქმიანობის შესახებ ისაუბრა. მან მოხალისეებს, ასევე უკვე განხორციელებული და მიმდინარე პროექტების ფარგლებში შესრულებული და დაგეგმილი აქტივობები გააცნო. სრულად… წყარო: ორგანიზაციის გვერდი სოციალურ ქსელში

ადგილობრივი დემოკრატიის სააგენტო საქართველოს აღმასრულებელმა დირექტორმა, ნინო ხუხუამ მონაწილეობა მიიღო ALDA - ევროპული ასოციაცია ადგილობრივი დემოკრატიისათვის მიერ ორგანიზებულ გენერალურ ასამბლეაში, რომელიც საფრანგეთის ქალაქ კაენში ჩატარდა. ასამბლეის ფარგლებში, მონაწილეებმა განიხილეს და მხარი დაუჭირეს ასოციაციის საქმიანობის გაძლიერებას თავიანთ სამოქმედო არეალში. სრულად... წყარო: ორგანიზაციის გვერდი სოციალურ ქსელში

თბილისი. „ღია საზოგადოების ფონდი" 2019 წლის 30 მაისს, ხუთშაბათს, გრანტის მაძიებლებთან მორიგ საკონსულტაციო შეხვედრებს გამართავს. შეხვედრები ფონდის ოფისში, თამარ ჭოველიძის #10-ში, შემეგი რიგითობით გაიმართება: ეროვნული ინტეგრაცია – 11:00 სთ; საზოგადოებრივი ჯანმრთელობა – 12:00 სთ; მონაწილეობითი დემოკრატიის პროგრამა – 14:00; მედია – 15:00 სთ; ადამიანის უფლებები – 16:00 სთ; ევროინტეგრაცია – 17:00 სთ; როგორ შევავსოთ საგრანტო განაცხადი ონლაინ – 17:30სთ.  სრულად... წყარო: ორგანიზაციის ვებგვერდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

კახეთი. საქართველოს სახალხო დამცველი, მოადგილეებთან ერთად, თელავის დემოკრატიული ჩართულობის ცენტრში, ადგილობრივი სამოქალაქო საზოგადოების წარმომადგენლებს შეხვდნენ. შეხვედრაზე ისაუბრეს ადამიანის უფლებების თვალსაზრისით, კახეთში არსებული პრობლემების შესახებ, მოქალაქეთა არასაკმარისი მონაწილეობის თაობაზე, ადგილობრივი თვითმმართველობის ორგანოების მიერ ისეთი მნიშვნელოვანი საკითხების განხილვასა და გადაწყვეტილების მიღების პროცესში, როგორიც ბიუჯეტის დაგეგმვა, ან სოციალური პროგრამებით უზრუნველყოფის საკითხებია, სხვა. სრულად... წყარო: ორგანიზაციის ვებგვერდი

თბილისი. „საქართველოს სტრატეგიული კვლევებისა და განვითარების ცენტრის" (CSRDG) და საქართველოს პრო ბონო ქსელის ორგანიზებით, 20 მაისს, თბილისის მედიათეკაში „პრო ბონო მარათონი 2019" გაიმართა. სრულად... წყარო: ორგანიზაციის გვერდი სოციალურ ქსელში

აჭარა. 21 მაისს, „სიტყვის თავისუფლების მხარდაჭერის” პროექტის ფარგლებში კიდევ ერთი სტუდენტური დისკუსია ჩატარდა. „დისკუსიის მომხსენებელმა ისაუბრა სამოქალაქო აქტივიზმის მნიშვნელობაზე, მის საჭიროებასა და სარგებელზე. განიხილა სხვადასხვა ფილოსოფოსის მოსაზრება. მონაწილეებმა გაიხსენეს ფაქტები, რომლებმაც უახლოესი პერიოდის განმავლობაში ქართული საზოგადოება გააერთიანა, აგრეთვე ის სამოქალაქო აქტივისტები, რომლებმაც სხვადასხვა თემაზე თავიანთი ქმედებებით საზოგადოებას თავი დაამახსოვრეს”, ნათქვამია ორგანიზაციის გვერდი სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. ასოციაცია „ათინათის” პროექტის „ახალგაზრდების ჩართულობა და განვითარებამ” გაცვლითი ვიზიტის ფარგლებში, ორსანტიისა და ჩხორიის საჯარო სკოლების ახალგაზრდული კლუბის წევრებისათვის მოიწვია მწერალი დათო ტურაშვილი, რომელიც ახალგაზრდებს ესაუბრა საკუთარი შემოქმედების, ახალგაზრდების აქტიურობის მნიშვნელობასა და სამოქალაქო განათლებაზე. სრულად... წყარო: ორგანიზაციის გვერდი სოციალურ ქსელში

შიდა ქართლი. 15–16 მაისს გორში, სამოქალაქო საზოგადოების ინსტიტუტის მიერ გამოცხადებული კონკურსის „გახდი პასუხისმგებლიანი მოქალაქის" ფარგლებში შერჩეული კონკურსანტებისთვის გაიმართა ტრენინგ–სემინარი. კონკურის პირველი ეტაპი, მოიცავდა კონკურსის ფარგლებში შერჩეულ მონაწილეებთან სამოქალაქო მონიტორინგის თემაზე თეორიული ინფორმაციის მიწოდებას, ასევე პრაქტიკულ სავარჯიშოებს და კონკრეტული მაგალითების განხილვას. რაც ხელს შეუწყობს, რომ მონაწილეები აქტიურად ჩაერთონ ადგილობრივ დონეზე გადაწყვეტილების მიღების პროცესში. კონკურსის მეორე ეტაპი შესაძლებლობას აძლევს ტრენინგის მონაწილეებისგან შემგარ საინიციატივო ჯგუფებს, შემოიტანონ განაცხადი და ტრენინგზე მიღებული ცოდნის საფუძველზე პრაქტიკაში განახორციელონ სამოქალაქო მონიტორინგის პროცესი. საუკეთესო განაცხადების მქონე საინიციატივო ჯგუფები დაჯილდოვდებიან 1000 ლარის ოდენობის საპრიზო თანხით.აქტივობები ხორციელდება პროექტის „ადგილობრივი განვითარების აქტორების მდგრადი კავშირების შექმნა საქართველოში" – ფარგლებში, რომელსაც ახორციელებს სამოქალაქო საზოგადოების ინსტიტუტი Bread For The World–ის მხარდაჭერით.

გურია. 15 მაისს, „საერთაშორისო გამჭვირვალობა - საქართველო" ჩოხატაურში, ივლიტას სახელობის ბიბლიოთეკას და ოზურგეთში, სოფელ ლიხაურის მოსახლეობას ეწვია. ორგანიზაცია მოსახლეობას იმ საფრთხეებზე ესაუბრა, რაც რუსულ რბილ ძალას უკავშირდება და მიმართულია საქართველოს ევროპული და ევროატლანტიკური მისწრაფებების წინააღმდეგ. სრულად… წყარო: ორგანიზაციის ვებგვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, 2019 წლის აპრილში V-DEM-მა სხვადასხვა ქვეყნებში დემოკრატიის ხარისხის ამსახველი 2018 წლის მონაცემები გამოაქვეყნა, რომლის მიხედვითაც, საქართველოში დემოკრატიის საშუალო ხარისხი გაუარესდა. „მონაცემთა ანალიზისას თვალშისაცემია ის მიმართულებები, რამაც ბოლო წლებში გაუარესება განიცადეს და შესაბამისად ნეგატიური ასახვა ჰპოვეს საქართველოს რეიტინგში. მათ შორისაა: მიმდინარე პროცესებში სამოქალაქო საზოგადოების ჩართულობა; კანონის წინაშე თანასწორობა; სასამართლოს ანგარიშვალდებულება; სამოქალაქო საზოგადოებრივი ორგანიზაციების რეპრესიები", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საქართველოს დემოკრატიული ინიციატივა აქვეყნებს საზოგადოებრივი ორგანიზაციების ერთობლივ ბლოგპოსტს: არასამთავრობო ორგანიზაციების 140 წელი საქართველოში. „140 წლის წინ, 1879 წლის 15 მაისს, საქართველოს ისტორიაში ერთ-ერთი პირველი არასამთავრობო ორგანიზაცია „ქართველთა შორის წერა-კითხვის გამავრცელებელი საზოგადოება" შეიქმნა, რომელმაც მნიშვნელოვნად შეცვალა ჩვენი საზოგადოების ყოფა და მას განვითარების ახალი შესაძლებლობა მოუტანა. დღევანდელი დღე მნიშვნელოვანია არამხოლოდ იმ ნაყოფიერი შრომისა და შედეგის გამო, რაც ამ ორგანიზაციის საქმიანობამ მოიტანა, არამედ იმის გასააზრებლადაც, თუ რა როლი ეკავათ და დღესაც უკავიათ არასამთავრობო ორგანიზაციებს ქართული საზოგადოების განვითარებაში", ნათქვამია ორგანიზაციის ვებგვერდზე. სრულად... წყარო: gdi.ge

თბილისი. საქართველოს სტრატეგიული კვლევებისა და განვითარების ცენტრის ორგანიზებით დაიწყო სასწავლო პროგრამა „სამოქალაქო ლიდერობის“ მეოთხე რაუნდი. პროგრამის მონაწილეები ინტენსიურად გაივლიან ლიდერობის, პროექტის მართვის, კომუნიკაციის და ფონდების მოძიების საკითხებს. სასწავლო პროგრამა იმართება პროექტის „სამოქალაქო საზოგადოების განვითარების ინიციატივის“ ფარგლებში, რომლის მხარდამჭერია ევროკავშირი და კონრად ადენაუერის ფონდი.

თბილისი. არასამეწარმეო სამართლის ევროპული ცენტრის (ENCL) მხარდაჭერით, მონაწილეობითი მიდგომის გამოყენებით, ექსპერტთა ჯგუფმა მონიტორინგის ინსტრუმენტი - „სსო მეტრი" შეიმუშავა. ეს ინსტრუმენტი, რომელიც საერთაშორისო სტანდარტებსა და საუკეთესო პრაქტიკას ეფუძნება, უზრუნველყოფს სამოქალაქო საზოგადოების ორგანიზაციების (სსო-ების) საარსებო გარემოს მუდმივ მონიტორინგს და შეფასებას აღმოსავლეთ ევროპის პარტნიორობის ქვეყნებში. ინსტრუმენტი მოიცავს სტანდარტებისა და ინდიკატორების ჩამონათვალს 10 სხვადასხვა სფეროში, რომელიც ზომავს, როგორც კანონმდებლობას, ისე - პრაქტიკას.  ინსტრუმენტის შემუშავებაში, 3-ეტაპიანი კონსულტაციის შედეგად, მონაწილეობა მიიღო აღმოსავლეთ ევროპის 807-ზე მეტმა საზოგადოებრივმა ორგანიზაციამ. შესაბამისად, „სსო მეტრი" არის ადგილობრივ საჭიროებებსა და რეგიონის სპეციფიკას მაქსიმალურად მორგებული ინსტრუმენტი. მის საფუძველზე მომზადებული ქვეყნებისა და რეგიონულ ანგარიშებზე დაყრდნობით, თქვენ შეგიძლიათ: შეაფასოთ ქვეყნის პროგრესი ან რეგრესი თითოეულ სფეროში; წლების მიხედვით შეადაროთ ქვეყნების მიღწევები და გამოწვევები; ადვოკატირებისთვის, შეიმუშაოთ ფაქტებით გამყარებული რეკომენდაციები, ისევე, როგორც პოლიტიკის ფორმირების პროცესში, შეაფასოთ საკანონმდებლო ინიციატივები, რომელიც სამოქალაქო საზოგადოების საარსებო გარემოს ეხება; შეგროვებული ინფორმაციის საფუძველზე, შეიმუშაოთ უფრო დეტალური თემატური ანგარიშები.  იხილეთ მეტი „სსო მეტრი"-ს შესახებ

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. ა.წ. აპრილში, საია-მ ოჯახში ძალადობის 53 მსხვერპლს გაუწია უფასო სამართლებრივი კონსულტაცია, 5 მსხვერპლს მოუმზადა სამართლებრივი დოკუმენტი და წარმატებით დაასრულა 6 სასამართლო დავა. სრულად... წყარო: ორგანიზაციის გვერდი სოციალურ ქსელში

„საქართველოს დემოკრატიულმა ინიციატივამ” საქართველოს ქალაქებში დაიწყო ონლაინ პლატფორმა „სამოქალაქო განათლება ყველასთვის” პრეზენტაციების ახალი ციკლი. „Civiceducation.ge სამოქალაქო განათლების ონლაინ სახელმძღვანელოა, რომელიც შეიქმნა გასულ წელს და 2018-2019 სასწავლო წელს სრულად გაეშვა, რაც სამოქალაქო განათლების სწავლების პროცესში მნიშვნელოვან დახმარებას უწევს როგორც პედაგოგებს, ისე მოსწავლეებს”, ნათქვამია ორგანიზაციის გვერდზე სოციალურ ქსელში სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. 22-24 აპრილს, „საერთაშორისო გამჭვირვალობა - საქართველოს” და საქართველოს პარლამენტის აპარატის ორგანიზებით, ჩატარდა ტრენინგები დასავლეთ საქართველოს მაჟორიტარი პარლამენტის წევრების ბიუროს თანამშრომლებისთვის. შეხვედრა შეეხო შემდეგ საკითხებს: კორუფციის კვლევა და პრევენცია: თანამედროვე მიდგომები, ცენტრალური და ადგილობრივი ხელისუფლების ფუნქციები და უფლება-მოვალეობები, საზოგადოებასთან ურთიერთობა და მედიაკომუნიკაცია. სრულად... წყარო: ორგანიზაციის გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს სოციალური უფლებების ევროპულმა კომიტეტის (ECSR) 2018 წლის დოკუმენტს საქართველოს შესახებ. დოკუმენტი შეეხება ევროპის სოციალური ქარტიით (ESC) გათვალისწინებულ შრომით უფლებებთან (რატიფიცირებულ ნაწილებთან მიმართებით) საქართველოს კანონმდებლობის შესაბამისობას და მოიცავს ისეთ საკითხებს, როგორიცაა: სამუშაო საათების გონივრულობა, უქმე დღეების ანაზღაურება, ყოველკვირეული დასვენების პერიოდი, ღამის სამუშაო, ქალი და მამაკაცი მუშაკების უფლება თანაბარი ღირებულების სამუშაოსათვის თანაბარი ანაზღაურების მიღებაზე, დასაქმების შეწყვეტის შესახებ გონივრული ვადით ადრე ინფორმირება, ორგანიზების უფლება, ერთობლივი კონსულტაციები, მოლაპარაკების პროცედურები, ინფორმაციისა და კონსულტაციის უფლება კოლექტიური გათავისუფლების პროცედურების შემთხვევებში, კოლექტიური მოქმედება.  სრულად... წყარო: ორგანიზაციის ვებგვერდი