თბილისი. 23 აპრილს, ილიას სახელმწიფო უნივერსიტეტი Iliauni-ის PITA თბილისის ახალგაზრდული ცენტრი-ში MDF-მა უმცირესობებით კომპაქტურად დასახლებულ რეგიონებში რუსული პროპაგანდის შესახებ ჩატარებული კვლევის პრეზენტაცია და დისკუსია გამართა. სრულად... წყარო: ორგანიზაციის გვერდი სოციალურ ქსელში

თბილისი. „ინფორმაციის თავისუფლების განვითარების ინსტიტუტი" (IDFI), არქივების მეტი გამჭვირვალობისა და საარქივო დოკუმენტების ხელმისაწვდომობის უზრუნველსაყოფად, პარლამენტს „ეროვნული საარქივო ფონდისა და ეროვნული არქივის შესახებ" საქართველოს კანონში ცვლილებისა და დამატებების შეტანის ინიციატივით მიმართა. „საქართველოში საარქივო დოკუმენტებზე ხელმისაწვდომობის მხრივ დაწესებულია ერთ-ერთი ყველაზე შემზღუდველი რეგულაციები აღმოსავლეთ ევროპის მასშტაბით. აღნიშნული საკითხი პრობლემურია იქიდან გამომდინარეც, რომ, შედეგად, საზოგადოებას, განსაკუთრებით კი მათ, ვინც დაინტერესებულია ისტორიული თუ საბჭოთა კვლევების საკითხით, ექმნება დაბრკოლება გაეცნოს მასალებს და სწორედ გაიაზროს წარსული. IDFI-ის მიაჩნია, რომ აუცილებელია საქართველოში გაიზარდოს საარქივო დოკუმენტებზე ხელმისაწვდომობა, ამ მიზნით კი, პირველ რიგში, მოქმედ კანონმდებლობაში უნდა განხორციელდეს შესაბამისი ცვლილებები და დამატებები", - აღნიშნულია IDFI-ის მიერ გავრცელებულ ინფორმაციაში. სრულად... წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია (საია) ეხმაურება 2019 წლის 15 აპრილს ზვიად მთავრიშვილის გარდაცვალების ფაქტს, რომელიც პოლიციელთა მხრიდან მის მიმართ განხორციელებული სავარაუდო ძალადობის შემდეგ, რამდენიმე დღეში გარდაიცვალა. ორგანიზაცია მოუწოდებს პროკურატურას ჩაატაროს დროული და ეფექტიანი გამოძიება, მათ შორის, დაადგინოს პოლიციელთა შესაძლო პასუხისმგებლობა მომხდარ ფაქტთან დაკავშირებით. სრულად... წყარო: gyla.ge

აჭარა. 18 აპრილს, ქობულეთის მუნიციპალიტეტის სოფელ საჩინოში, ჩატარდა დისკუსია თემაზე: „სიტყვის და გამოხატვის თავისუფლება". დისკუსიის მონაწილეებს, პროტესტის გამოხატვის მნიშვნელობაზე, სახეებსა და ფორმებზე „თავისუფალ ჟურნალისტთა სახლის" წევრი, ია ბაკურიძე ესაუბრა. „დისკუსიის დროს, განიხილეს ბოლო დროის, ყველაზე საინტერესო პროტესტის ფორმები საქართველოში და მის ფარგლებს გარეთ", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრი (CSRDG) მიერ ორგანიზებული ტრენინგი „ევროკავშირ-საქართველოს ასოცირების შეთანხმების თაობაზე”, ეხმარება არასამთავრობო ორგანიზაციების წარმომადგენლებს ასოცირების შეთანხმებით გათვალისწინებული ვალდებულებათა შესრულების მონიტორინგის განხორციელებაში. „გაითვალისწინეთ, ტრენინგების ციკლის დასრულების შემდგომ, გამოცხადდება მცირე გრანტების კონკურსი ქართული რეგიონული არასამთავრობო ორგანიზაციებისათვის, ასოცირების შეთანხმებით გათვალისწინებულ ვალდებულებათა შესრულების მონიტორინგისათვის”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

ელ–ბიულეტენი 300: გრანტები, სტიპენდიები, კონკურსები... CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

აჭარა. 12 აპრილს, „თავისუფალ ჟურნალისტთა სახლის" წევრმა, ხატია ტაკიძემ ხულოს მუნიციპალიტეტში, სოფელ ბოძაურის საჯარო სკოლაში ჩაატარა დისკუსია თემაზე „გამოხატვის თავისუფლება". „დისკუსიის პროცესში ისაუბრეს გამოხატვის თავისუფლების ისტორიაზე, ძირითად არსზე და გამოწვევებზე. როგორც შეხვედრის მონაწილეებმა აღნიშნეს, მათთვის ერთ-ერთი მნიშვნელოვანი პრობლემა უფროსების მხრიდან თავიანთი აზრის უგულებელყოფაა", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. უზენაესი სასამართლოს მოსამართლეთა არჩევის წესთან დაკავშირებით მიმდინარე მოვლენების თაობაზე, საქართველოს სახალხო დამცველი განცხადებას აქვეყნებს.  „საქართველოს პარლამენტში იხილება კანონპროექტი, რომელიც ინიცირებულია საპარლამენტო უმრავლესობის წევრების მიერ და მისი მიღება უკვე მოხდა პირველი მოსმენით. პარლამენტის თავმჯდომარემ მიმართა ვენეციის კომისიას და კანონპროექტის შესახებ დასკვნის მომზადება მოითხოვა. ასევე საჯაროდ დაფიქსირდა პოზიცია, რომლის მიხედვითაც ვენეციის კომისიის მოსაზრების მიღებამდე, არ მოხდებოდა კანონპროექტის მეორე მოსმენით მიღება", - აღნიშნულია განცხადებაში, - „2019 წლის 12 აპრილს ცნობილი გახდა რომ იურიდიული კომიტეტი გეგმავს კანონპროექტის განხილვას მეორე მოსმენით 2019 წლის 15 აპრილისთვის. სამწუხაროდ, ეს ხდება ვენეციის კომისიის მოსაზრების წარდგენამდე და საზოგადოებას არ განემარტა აღნიშნულის მიზეზები საჯაროდ.  გამომდინარე იქიდან, რომ საქართველოს პარლამენტში ფორსირებულად მიმდინარეობს პროცესი უზენაესი სასამართლოს მოსამართლეთა არჩევის წესთან დაკავშირებით, სახალხო დამცველმა, პირველად ინსტიტუტის არსებობის მანძილზე, მიიღო გადაწყვეტილება – გამოიყენოს საქართველოს პარლამენტის რეგლამენტით განსაზღვრული კომპეტენცია და მიმართოს მოხსენებით საქართველოს პარლამენტის წევრებს უზენაესი სასამართლოს მოსამართლეთა არჩევის პროცედურებთან დაკავშირებულ კანონპროექტზე და მასში არსებულ ხარვეზებზე. მოხსენების შემდეგ, სახალხო დამცველი გამოთქვამს მზადყოფნას უპასუხოს პარლამენტის წევრთა კითხვებს".  სრულად... წყარო: ორგანიზაციის ვებგვერდი

იმერეთი. LDA Georgia - ადგილობრივი დემოკრატიის სააგენტო საქართველომ გამართა სამოქალაქო საზოგადოების რეგიონული ფორუმი, რომლის მთავარი მიზანი გახლდათ დონორთა და პოტენციური დამფინანსებლების მოზიდვა და იმერეთის მხარის სამოქალაქო საზოგადოების გაძლიერება. ფორუმში მონაწილეობა მიიღეს იმერეთის მხარის 12-ვე მუნიციპალიტეტის ადგილობრივი თვითმმართველობის, სამოქალაქო საზოგადოების, მედიისა და დონორი ორგანიზაციების წარმომადგენლებმა. სამოქალაქო საზოგადოების რეგიონული ფორუმი ორგანიზებული იყო ადგილობრივი დემოკრატიის სააგენტო საქართველოს მიერ, პროექტ "სამოქალაქო საზოგადოების განვითარების ინიციატივის" ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების, განვითარების და დასაქმების ცენტრთან (EDEC) პარტნიორობით. წყარო: გვერდი სოციალურ ქსელში

თბილისი. „საერთაშორისო გამჭვირვალობა - საქართველო" აქვეყნებს საზოგადოებრივი აზრის გამოკითხვის შედეგებს. „საქართველოში გავრცელებულია თანამდებობის პირთა მიერ უფლებამოსილების პირადი გამორჩენისთვის გამოყენება, ხოლო ხელისუფლება ასეთ შემთხვევებზე სათანადოდ არ რეაგირებს. ამავე დროს, წვრილმანი კორუფციის შემთხვევები კვლავაც უკიდურესად იშვიათია”, ნათქვამია ორგანიზაციის ვებგვერდზე. სრულად... წყარო: www.transparency.ge

აჭარა. 11 აპრილს, „თავისუფალ ჟურნალისტთა სახლის" მოხალისემ, ვიტალი კილასონიამ ხელვაჩაურის მუნიციპალიტეტში, სოფელ ზედა ახალშენის საჯარო სკოლაში ჩაატარა დისკუსია, სადაც მონაწილეებს პროფესიის არჩევანის თავისუფლებასა და ინკლუზიურ განათლებაზე ესაუბრა. სრულად... წყარო: ორგანიზაციის გვერდი სოციალურ ქსელში

აჭარა. შუახევის მუნიციპალიტეტში, ახალგაზრდა მეცნიერთა კავშირი „ინტელექტისა" და კონსულტაციის და ტრენინგის ცენტრის (CTC) ერთობლივი ორგანიზებით, ჩატარდა ტრენინგი თემაზე: „პროექტის მართვა". სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. მიმდინარეობს ტრენინგის ახალი სერია ვროკავშირ-საქართველოს ასოცირების შეთანხმების თაობაზე.ტრენინგი განკუთვნილია არასამთავრობო ორგანიზაციების წარმომადგელებისათვის და ეხმარება მათ ასოცირების შეთანხმებით გათვალისწინებული ვალდებულებათა შესრულების მონიტორინგის განხორციელებაში ტრენინგების ციკლის დასრულების შემდგომ, გამოცხადდება მცირე გრანტების კონკურსი ქართული რეგიონული არასამთავრობო ორგანიზაციებისათვის, ასოცირების შეთანხმებით გათვალისწინებულ ვალდებულებათა შესრულების მონიტორინგისათვის. ტრენინგი მიმდინარეობს პროექტის „სამოქალაქო საზოგადოების განვითარების ინიციატივა“ ფარგლებში, ევროკავშირისა და კონრად ადენაუერის ფონდის (KAS) ფინანსური მხარდაჭერით.

თბილისი. ადგილობრივი დემოკრატიის სააგენტო საქართველო, 2019 წლის12 აპრილს, მართავს სამოქალაქო საზოგადოების რეგიონულ ფორუმს, რომლის მთავარი მიზანია დონორთა და პოტენციური დამფინანსებლების მოზიდვა და იმერეთის მხარის სამოქალაქო საზოგადოების გაძლიერება. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის ორგანიზებით, პროექტის „სამოქალაქო საზოგადოების განვითარების ინიციატივის“ ფარგლებში გაიმართა ტრენინგი ჟურნალისტებისთვის – „კორპორაციული სოციალური პასუხისმგებლობა და მედიის როლი“. ტრენინგზე, რომელსაც ესწრებოდა ცენტრალური და რეგიონული მედიის წარმომადგენლები, განიხილეს პასუხისმგებლიანი ბიზნესის განხორციელების ევროპული გამოცდილება, მიდგომები და ადგილობრივ კომპანიების პროექტები. პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი, ხოლო თანადამფინანსებელია კონრად ადენაუერის ფონდი.

იმერეთი. საქართველოს ახალგაზრდა იურისტთა ასოციაციის ქუთაისის ფილიალის წარმომადგენლებმა ზესტაფონის მუნიციპალიტეტში პროექტის პრეზენტაცია გამართეს. მისი სახელწოდებაა „ყველაზე მოწყვლადი პირებისა და თემების სოციალურ-ეკონომიკური უფლებების დაცვა და ხელშეწყობა საქართველოში". „აღნიშნული პროექტის ერთერთი ამოცანაა: ყველაზე მოწყვლადი პირებისა და თემების უფლებების დაცვა და მყისიერი, ხელშესახები შედეგების მიღწევა სოციალური, ეკონომიკური, კულტურული უფლებების სფეროში, მძლავრი გენდერული განზომილებით", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

შიდა ქართლი. კამპანიის, „ძალა ევროპაშია", ფარგლებში, „საერთაშორისო გამჭვირვალობა - საქართველომ" ხაშურის მუნიციპალიტეტის სოფელ ხცისში მოსახლეობასთან შეხვედრა გამართა. შეხვედრაზე ისაუბრეს იმ საფრთხეების შესახებ, რომელიც რუსულ რბილ ძალას უკავშირდება და ჩვენი ქვეყნის ევროპული და ევროატლანტიკური მისწრაფებების წინააღმდეგ არის მიმართული. სრულად... წყარო: ორგანზიაციის გვერდი სოციალურ ქსელში

თბილისი. 29 მარტს ევროკავშირის, კონრად ადენაუერის ფონდისა და საქართველოს მთავრობის მხარდაჭერით „სამოქალაქო საზოგადოების განვითარების ინიციატივისა" და აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის მიერ ჩატარდა ეროვნული კონფერენცია - „ახლოს ხალხთან - უფრო ძლიერი სამოქალაქო საზოგადოება“. სამოქალაქო საზოგადოების ორგანიზაციებისა და სხვადასხვა სამთავრობო სტრუქტურების 250–ზე მეტმა წარმომადგენელმა განიხილა საქართველოს ევროკავშირთან ასოცირების შესახებ შეთანხმების განხორციელების პროცესში სამოქალაქო საზოგადოების ჩართულობის როლი. განსაკუთრებული ყურადღება დაეთმობა რეგიონული განვითარების საკითხებს. კონფერენციის გახსნაზე აუდიტორიას სიტყვით მიმართა საქართველოს პრემიერ-მინისტრმა, მამუკა ბახტაძემ და საქართველოში ევროკავშირის წარმომადგენლობის ხელმძღვანელის მოადგილემ, კარლო ნატალემ. კონფერენციის პარალელურად მიმდინარეობდა რეგიონული სამოქალაქო საზოგადოების ორგანიზაციების ფორუმი , რომელშიც 130-ზე მეტმა რეგიონულმა ორგანიზაციამ მიიღო მონაწილეობა, და ჟურნალისტთა კონკურსის - „ჟურნალისტები სოციალური ცვლილებებისთვის“  - გამარჯვებულთა დაჯილდოება.

29 მარტს, „კეთილდღეობისა და განვითარების ცენტრთან" არსებული გორის სამოქალაქო აქტივიზმის ცენტრის, მშვიდობის კორპუსის მოხალისე, დებორა ზულიკმა, პროფესიული კოლეჯი განთიადის სტუდენტებისათვის ჩაატარა ტრენინგი „დასაქმებისათვის საჭირო უნარ-ჩვევები". ტრენინგი შეეხებოდა დასაქმებისათვის საჭირო აუცილებელ უნარ-ჩვევებს, როგორიცაა: გასაუბრების და ინტერვიუს წარმართვის უნარები, წინააღმდეგობების დაძლევის პრინციპები. სრულად... წყარო: ორგანიზაციის გვერდი სოციალურ ქსელში

თბილისი. 29 მარტს, სასტუმრო "ჰუალინგში" გაიმართა ჟურნალისტთა კონკურსის გამარჯვებულთა დაჯილდოება. კონკურსს „ჟურნალისტები სოციალური ცვლილებებისთვის" ატარებს სამოქალაქო საზოგადოების ინსტიტუტი, ევროკავშირისა და კონრად ადენაუერის ფონდის მიერ დაფინანსებული პროექტის - „სამოქალაქო საზოგადოების განვითარების ინიციატივა" ფარგლებში. კონკურსის მიზანი იყო საქართველოს მასშტაბით (ყველა რეგიონში) გამოგვევლინა ის ჟურნალისტები, რომლებიც რეგულარულად და კომპეტენტურად აშუქებენ სამოქალაქო საზოგადოებას, მის წინაშე არსებულ გამოწვევებს, განვითარების შესაძლებლობებს და საზოგადოებრივი ორგანიზაციების საქმიანობას. ამასთანავე, თავიანთ საქმიანობაში ეყრდნობიან სამოქალაქო საზოგადოების ძირითად ფასეულობებს (ადამიანის უფლებები, მათ შორის უმცირესობათა უფლებები, სოციალური სამართლიანობა, ადამიანის ღირსების პატივისცემა, სიტყვის თავისუფლება, დემოკრატია, თანასწორობა და კანონის უზენაესობა), იცავენ ჟურნალისტური ეთიკისა და პროფესიონალიზმის მაღალ სტანდარტებს.  სრულად... წყარო: გვერდი სოციალურ ქსელში