თბილისი. კავკასიის კვლევითი რესურსების ცენტრმა (crrc) ოქტომებრში დაიწყო ახალი კვლევა ნატო-საქართველოს პროფეcიული განვითარების პროგრამის შესაფასებლად. ამ პროგრამის მიზანია საჯარო სამსახურის თანამშრომლების პროფესიული განვითარების და საჯარო სამსახურის რეფორმის ხელშეწყობა. პროგრამა დაიწყო 2009 წელს და 2011 წელს გადავიდა მეორე ფაზაში შეფასება ფოკუსირებული იქნება ნატო-საქართველოს პროფეიული განვითარების პროგრამის მეორე ფაზაზე და უფრო კონკრეტულად გაწეულ დახმარებასა და ფაქტიურ ცვლილებებს შორის ურთიერთმიმართების კვლევაზე. პროგრამის შესაფასებლად სი-არ-არ-სი საქართველო გამოიყენებს თვისებრივი მეთოდების ნაკრებს, რომელიც მოიცავს დოკუმენტების ანალიზს, ფოკუს ჯგუფებს და სიღრმისეულ ინტერვიუებს. ეს შეფასება შემდგომ განსაზღვრავს ნატო-საქართველოს პროფესიული განვითარების პროგრამის მესამე ფაზის აქტივობებს. წყარო: crrc.ge

თბილისი. საერთაშორისო გამჭვირვალობა საქართველომ საპარლამენტო ამბების აუდიო პოდკასტი გამოაქვეყნა. 4 ნოემბრის გადაცემის თემებია: პარლამენტმა მუშაობა განაახლა; კომიტეტებმა „საერთაშორისო გამჭვირვალობა - საქართველოს" საკანონმდებლო წინადადება განიხილეს. ასევე „საერთო სასამართლოების შესახებ" კანონპროექტზე პრეზიდენტის ვეტო დაიძლია; იმპიჩმენტის წესით თანამდებობიდან კომუნიკაციების ეროვნული კომისიის წევრი კარლო კვიტაიშვილი გადააყენეს; რელიგიური გრძნობების შეურაცხმყოფელი განცხადებები შესაძლოა დასჯადი გახდეს. პოსკასტი 4 ნოემბერი წყარო: transparency.ge

თბილისი. 1 ოქტომბერს, „ღია მმართველობის პარტნიორობის" ფარგლებში 2014-2015 წლების განახლებული პრიორიტეტების განსაზღვრით მიზნით, კორუფციის წინააღმდეგ ბრძოლის უწყებათაშორისი საკოორდინაციო საბჭოს ინიცირებითა და ,,ინფორმაციის თავისუფლების განვითარების ინსტიტუტის" ორგანიზებით გაიმართა შეხვედრა. შეხვედრის დროს განხილულ იქნა 2012 – 2013 წლების სამოქმედო გეგმის შესრულება და გაანალიზდა ნაკლოვანებები, ასევე, 2014-2015 წლების სამომავლო ხედვის ჩამოყალიბების მიზნით, წარმოდგენილ იქნა არასამთავრობო ორგანიზაციების მიერ შეთავაზებული რეკომენდაციები. შვიდი სხვადასხვა საჯარო დაწესებულების წარმომადგენლებმა გააკეთეს პრეზენტაციები მათი დაწესებულებების მიერ „პარტნიორობის ღია მმართველობისთვის" სამოქმედო გეგმის ფარგლებში მიღწეული შედეგების შესახებ. ეს დაწესებულებებია: კონკურენციისა და სახელმწიფო შესყიდვების სააგენტო, მონაცემთა გაცვლის სააგენტო, საჯარო სამსახურის ბიურო, შინაგან საქმეთა სამინისტრო, იუსტიციის სახლი, შრომის, ჯანმრთელობისა და სოციალური დაცვის სამინისტრო და სახელმწიფო სერვისების განვითარების სააგენტო. სრულად წყარო: ogpgeoblog.wordpress.com

ქვემო ქართლი. 2 ნოემბერს, „სამოქალაქო საზოგადოების რეგიონული ქსელი" წევრი ორგანიზაციის წარმომადგენლების სამუშაო ჯგუფების შეხვედრა შედგა. ქსელის ფარგლებში სულ შვიდი სამუშაო ჯგუფია შექმნილი, როგორებიცაა: ჯანდაცვა და სოციალური საკითხები, თვითმმართველობის რეფორმა და რეგიონული განვითარება, საარჩევნო გარემო, მართლმსაჯულება და ადამიანის უფლებები, გარემოს დაცვა, კონფლიქტების მართვა და ახალგაზრდობა და მოხალისეობა. შეხვედრის მონაწილეები კონკრეტულ საკითხებზე არიან პასუხისმგებლები. წყარო:ორგანიზაციის გვერდი სოციალურ ქსელში

აჭარა. 1 ნოემბერს, ბათუმის დემოკრატიული ჩართულობის ცენტრში, ახალგაზრდული ორგანიზაციის „ცვლილებები თანაბარი უფლებებისათვის" და ფონდს - „გზა უკეთესი მომავლისკენ" შეხვედა გაიმართა. შეხვედრის მიზანი ორგანიზაციებს შორის საქმიანობის გაცნობა, შშმ პირებთან დაკავშირებული პრობლემების ერთობლივი კვლევა და მისი გადაჭრის გზების დაგეგმვა იყო. მათი თანამშრომლობის პირველი ნაბიჯი სოციალურად დაუცველი ოჯახების დახმარება და მათი დასაქმების პერსპექტივის ხელშეწყობა იქნება.

ლონდონში ინიციატივის „პარტნიორობა ღია მმართველობისთვის" ყოველწლიური სამიტის პარალელურად ონლაინ გამოკითხვა მიმდინარეობს. გამოკითხვამ უნდა გამოავლინოს ღია მმართველობის საუკეთესო მიღწევა საპრიზო ნომინაციაზე – „Bright Spots Prize". საქართველო წარმოდგენილია პროაქტიული გამოქვეყნების სტანდარტის დანერგვით და იბრძვის 6 სხვა ქვეყანასთან ერთად (ფილიპინები, რუმინეთი, ესტონეთი, ჩილე, მონტენეგრო, ინდონეზია და ესტონეთი). გამოკითხვაში მონაწილეობის მიღება ნებისმიერ მსურველს შეუძლია. შეგახსენებთ, სამიტში მონაწილეობას ინფორმაციის თავისუფლების განვითარების ინსტიტუტის დირექტორი იღებს, რომელმაც ღონისძიებაზე საქართველოს მთავრობის მიერ პროაქტიულად გამოსაქვეყნებელი ინფორმაციის ნუსხის მიღებაზე ისაუბრა. მიიღეთ მონაწილეობა გამოკითხვაში: https://www.surveymonkey.com/s/OGP-Bright-Spots

თბილისი. აღმოსავლეთ–დასავლეთის მართვის ინსტიტუტის, საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების (G-PAC) პროგრამას სამწლიანი მუშაობის ვიზუალური და ვიდეო შედეგები გამოაქვეყნა. აღნიშნული პროგრამის მიზანია საჯარო პოლიტიკის შემუშავებისა და ადვოკატირების პროცესში სამოქალაქო საზოგადოების მონაწილეობის გაზრდა და მისი სადამკვირვებლო ფუნქციის გაძლიერება. პროგრამის სამი წლის შედეგები წყარო: პროგრამის გვერდი სოციალურ ქსელში

ლონდონში ინიციატივის „პარტნიორობა ღია მმართველობისთვის" ყოველწლიური სამიტი მიმდინარეობს. მასში მონაწილეობას იღებს ინფორმაციის თავისუფლების განვითარების ინსტიტუტის დირექტორი, რომელიც ღონისძიებაზე ისაუბრებს საქართველოს მთავრობის მიერ პროაქტიულად გამოსაქვეყნებელი ინფორმაციის ნუსხის მიღებაზე. შეგახსენებთ რომ ამ მიმართულებით აქტიურად იყვნენ ჩართულნი საზოგადოებრივი ორგანიზაციების წარმომადგენლები. „აღსანიშნავია, რომ საქართველოში დანერგილი ეს ცვლილება იბრძოლებს პარტნიორობის წევრების 7 წარმატებულ ინიციატივას შორის გამორჩეულ მიღწევათა ჯილდოსთვის (Bright Spots prize)", ნათქვამია ინფორმაციის თავისუფლების განვითარების ინსტიტუტის ვებგვერდზე. სამიტის მონაწილეებს შეეძლებათ ხმა მისცენ შერჩეული პროექტებიდან ერთ-ერთს თითოეულ მათგანის შესახებ გაკეთებული პრეზენტაციის მიხედვით. წყარო:ორგანიზაციის გვერდი სოციალურ ქსელში

თბილისი. „ჯამპსტარტ ჯორჯიამ" ფერადინფოზე ახალი ინფოგრაფიკა გამოაქვეყნა: „10 მანქანა, რომელიც ყველაზე ხშირად აჭარბებს სიჩქარეს საქართველოში". საქართველოს საპატრულო პოლიციის მიერ სიჩქარის გადაჭარბებისთვის დაჯარიმებული მძღოლების მონაცემებზე დაყრდნობით, "ჯამპსტარტ ჯორჯიამ" შეადგინა სია 10 ავტომანქანისა, რომელიც ყველაზე ხშირად აჭარბებს სიჩქარეს. ვიზუალიზაციაში ასევე მოცემულია დაჯარიმებულ მძღოლთა სქესობრივი და ასაკობრივი დანაწილება და რამდენიმე საინტერესო ფაქტი, რომელიც ყველა მძღოლმა უნდა გაითვალისწინოს, სანამ სიჩქარის მომატებას გადაწყვეტს. ვიზუალიზაცია წყარო: feradi.info

თბილისი. ჰაინრიჰ ბიოლის ფონდის სამხრეთ კავკასიის რეგიონულმა ბიურომ 2013 წლის 10 ოქტომბერს დაასრულა განაცხადების მიღება დაფინანსების მოპოვებაზე რეგიონული სასტიპენდიო პროგრამის ფარგლებში. ფონდში განსახილველად 82 აპლიკაცია არის შემოსული აზერბაიჯანიდან, საქართველოდან და სომხეთიდან. მიღებული განაცხადები უახლოესი სამი კვირის განმავლობაში შეფასდება და მიმდინარე წლის ნოემბრის დასაწყისში ფონდის რეგიონული სასტიპენდიო პროგრამა აპლიკანტებს კონკურსის შედეგების შესახებ შეატყობინებს. სრულად წყარო: ორგანიზაციის გვერდი სოციალურ ქსელში

თბილისი. 24 ოქტომბერს აღინიშნება გაეროს დღე. გაეროს წარმომადგენლობა საქართველოში რიგი ღონისძიებებით აღნიშნავს გაეროს დღეს, რომლის მიზანია საზოგადოების ყურადღების მიპყრობა გაეროს საქმიანობის ზოგიერთ ძირითად ასპექტებზე. კერძოდ, გაიმართება შეხვედრები და დისკუსიები შეზღუდული შესაძლებლობის პირთა უფლებებისა და ეროვნულ უმცირესობათა საკითხებზე; საინფორმაციო სესიები და კონფერენციები სტუდენტებისა და მოსწავლეებისათვის; გაეროს მოდელირების სესიები მშვიდობისა და განვითარების საკითხებზე სტუდენტებისათვის. ასევე იგეგმება გაეროს გლობალური კვლევის - „ჩემი სამყაროს" ფარგლებში საქართველოში ჩატარებული გამოკითხვის პირველადი შედეგების განხილვა საქართველოს მთავრობის, აკადემიური წრეების, სამოქალაქო საზოგადოების წარმომადგენლებისა და სტუდენტების მონაწილეობით. ღონისძიებები: 24–25 ოქტომბრის ღონისძიებების სრული განრიგი წყარო: www.ge.undp.org

თბილისი. ვისკონსინის შტატის სენატორი ახალგაზრდული პარლამენტის დეპუტატებს შეხვდა. ლინა ტეილორის შეხვედრა კითხვა პასუხის რეჟიმში გაიმართა. ახალგაზრდებმა პასუხები მიიღეს კითხვებზე სამოქალაქო საზოგადოების, საზოგადოებრივი ორგანიზაციების, განათლების სისტემის, მოხალისეობის შესახებ. ახალგაზრდული პარლამენტის წევრებმა სენატორისგან რეკომენდაციებიც მოისმინეს, თუ როგორ უნდა წარმართონ მომავალში ორგანიზაციის საქმიანობა.

იმერეთი. 22 ოქტომბერს ქუთაისის ახალგაზრდული ცენტრის ორგანიზებით ქუთაისის საჯარო სკოლების დირექტორებისათვის გაიმართა ეროვნული ინტეგრაციის გაძლიერების პროექტის და ახალგაზრდული ცენტრის პრეზენტაცია. პრეზენტაციის მიზანს წარმოადგენდა დირექტორების ინფორმირება ეროვნული ინტეგრაციის გაძლიერების პროექტის მიზნების და ამოცანების შესახებ. პრეზენტატორებმა ისაუბრეს ქუთაისის ახალგაზრდული ცენტრის პრიორიტეტების, სტრუქტურის, განხორციელებული ღონისძიებების და მიღწეული შედეგების, სტატისტიკური მონაცემების და სამომავლო საქმიანობების შესახებ. პრეზენტაციის დასრულების შემდეგ შეხვედრა კითხვა-პასუხის რეჟიმში წარიმართა. ქუთაისის საჯარო სკოლების დირექტორებმა აღნიშნეს, რომ პროგრამა მნიშვნელოვნად შეუწყობს ხელს ახალგაზრდების უნარ-ჩვევების განვითარებას, სამოქალაქო განათლებას და ტოლერანტული გარემოს პრეზენტაცია გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ინსტიტუტს ვისკონსინის შტატის სენატორი ეწვია. ლინა ტეილორმა ხუთდღიანი ვიზიტის ფარგლებში პირველი შეხვედრა ორგანიზაციის თანამშრომლებთან გამართა. სენატორი დეტალურად გაეცნო სამოქალაქო საზოგადოების ინსტიტუტის საქმიანობას, პროექტებს, თუ რა როლს თამაშობს ორგანიზაცია სამოქალაქო ცხოვრებაში და რა შედეგები მიიღო განხორციელებული პროექტებით. ლინა ტეილორმა საკუთარი გამოცდილების შესახებაც ისაუბრა. შეხვედრის ბოლოს მონაწილეებმა მომავალი თანამშრომლობის გეგმებიც დასახეს.

აჭარა. 18 ოქტომბერს, ბათუმის უნივერსიტეტის ჰოლში  მშვიდობის კორპუსის მოხალისეების მიერ ორგანიზებული გამოფენა გაიმართა. გამოფენაზე მოწვეულნი იყვნენ არასამთავრობო ორგანიზაციების წარმომადგენლები, რათა სტუდენტებისთვის გაეცნოთ თავიანთი ორგანიზაციის საქმიანობა და ჩაებათ ისინი მოხალისეობრივ საქმიანობაში. წყარო:თავისუფალ ჟურნალისტთა სახლის გვერდი სოციალურ ქსელში

კახეთი. 20 ოქტომბერს, საბჭოთა წარსულის კვლევის ლაბორატორია აწყობს თელავში საქალაქო ტურს: თელავის საბჭოთა ისტორია. ტურის ფარგლებში მონაწილეები გაიგებენ სად იყო შინსახკომის სარდაფები თელავში და მის კედლებზე შემორჩენილი წარწერებით გაიგებენ რას წერდნენ პატიმრები. „თუ თელავში ხართ არ გამოტოვოთ ტური", გვირჩევენ ორგანიზატორები. წყარო: ორგანიზაციის გვერდი სოციალურ ქსელში

ქვემო ქართლი. 18 ოქტომბერს, არასამთავრობო ორგანიზაცია „სიდამ" ოფისში შედგა შეხვედრა სახალხო დამცველთან არსებული ეროვნული უმცირესობების საბჭოს წევრებსა და რუსთავის არასამთავრობო ორგანიზაციების წარმომადგენლებს შორის, რომლებიც ეთნიკური უმცირესობების საკითხებზე მუშაობენ. ეროვნული უმცირესობების საბჭო საქართველოს რეგიონებში ტოლერანტობისა და სამოქალაქო ინტეგრაციის 2012 წლის ანგარიშის და სამოქმედო გეგმის მონიტორინგს ახორციელებს. სწორედ მონიტორინგის ფარგლებში შედგა აღნიშნული შეხვედრა. წყარო: ორგანიზაციის გვერდი სოციალურ ქსელში

ქვემო ქართლი. 18 ნოემბერს სიქას ფრანგმა და რუმინელმა მოხალისეებმა მარტყოფის საჯარო სკოლების სამოქალაქო კლუბების წევრებისათვის ჩაატარეს სემინარი „ევროკავშირი და საქართველო". მოსწავლეებმა სემინარის განმავლობაში მიიღეს ინფორმაცია ევროკავშირის დაფუძნების, განვითარებისა და სამომავლო პერსპექტივების შესახებ. წყარო:ორგანიზაციის გვერდი სოციალურ ქსელში

იმერეთი. 15 ოქტომბერს ქუთაისის ახალგაზრდული ცენტრის წევრებისათვის ორგანიზება გაუკეთა ტრენინგს თემაზე „ოჯახური ძალადობა". ტრენინგის მიზანს წარმოადგენდა ახალგაზრდების ცნობიერების ამაღლება ადამიანის უფლებების და ოჯახური ძალადობის საკითხებზე. განხილული იქნა მნიშვნელოვანი საკითხები: ოჯახური ძალადობის ფორმები; ოჯახში ძალადობის დინამიკა; საქართველოში ოჯახში ძალადობის შესახებ კანონმდებლობის შემუშავებისა და მის განხორციელებასთან დაკავშირებული საკითხები; ოჯახში ძალადობის გამომწვევი მიზეზები და ოჯახში ძალადობის ძირითადი მახასიათებლები. ტრენინგების მსვლელობისას გამოყენებული იყო სხვადასხვა სახის სავარჯიშოები. ტრენინგის მონაწილეებს საშუალება ჰქონდათ გაემართათ დისკუსია ოჯახური ძალადობის და მისი პრევენციის საკითხებზე, ასევე ეხილათ ვიდეო რგოლები ოჯახური ძალადობის პრევენციაზე. წყარო:ორგანიზაციის გვერდი სოციალურ ქსელში

კახეთი. „სამოქალაქო ინიციატივამ" და სათემო კავშირმა  „ნუკრიანმა" ვაქირში, „ბილიანის" ანძასთან დაკავშირებით განცხადება გაავრცელეს. „ადგილობრივების ღრმა რწმენით ნერვული სისიტემის, გულ-სისხლძარღვთა, ონკოლოგიური თუ სხვა დაავადებების მიზეზი მობილური ტელეფონის ანძებია. ვაქირის ადგილობრივი მოსახლეობა არამართებულად მიიჩნევს საცხოვებელ ადგილებში, განსაკუთრებით სკოლის მიმდებარე ტერიტორიაზე სატელეფონო ანძების არსებობას". გავრცელებულ განცხადებაში ნათქვამია, რომ ორგანიზაციების ინიციატივით რადიაციის სიხშირე დამოუკიდებელმა ექსპერტმა გაზომა, რის შედეგადაც დადგინდა, რომ ანძას „ადამიანების ჯანმთელობისთვის საშიში არანაირი გამოსხივება არ აქვს".  წყარო:ორგანიზაციის გვერდი სოციალურ ქსელში

თბილისი. ორგანიზაცია „ახალგაზრდა ადვოკატები" პროექტ „ინსტიტუციური დიალოგი აღმასრულებელ, საკანონმდებლო, სასამართლო ხელისუფლებასთან" ფარგლებში, სოფლის მეურნეობის მინისტრ შალვა ფიფიას შეხვდნენ. ორგანიზაციის წარმომადგენლებმა მინისტრს დღეისათვის აქტუალური შეკითხვები დაუსვეს. დიალოგის მთავარი საკითხები იყო: ქართული პროდუქციის გატანის საკითხი რუსეთსა და სხვადასხვა ქვეყნებში, რთველის მიმდინარეობის შეფასება კახეთში და ციტრუსის დაწყებისთვის მოსამზადებელი სამუშაოები აჭარაში, მოსავლის დაზღვევისა და აგროსესხების საკითხები, ქართული პროდუქციის ბედი კონკურენტულ ქართულ ბაზაზე, ფერმერთა პრობლემებისა და მათი გადამზადების შესახებ, საკითხებზე, რომელიც უაკვშირდება სოფლის მეურნეობის სფეროში გატარებული რეფორმების, ინიციატივებისა და სიახლეების შეფასებას, სფეროს გამჭვირვალობასა და კონკურენტუნარიანობას. წყარო: ორგანიზაციის გვერდი სოციალურ ქსელში

იმერეთი. 16 ოქტომბერს, აკაკი წერეთლის სახელმწიფო უნივერსიტეტში გაიმართა საია-ს ქუთაისის ფილიალის ღია კარის დღე. ღია კარის დღეზე ორგანიზაციის წარმომადგენლებმა სტუდენტებს დეტალურად გააცნეს საია-ს ქუთაისის ფილიალის ყველა პროგრამა. აღნიშნულ პროგრამებში მონაწილეობის მსურველებს 1 ნოემბრამდე საშუალება აქვთ შეავსონ განაცხადი. წყარო: ფილიალის გვერდი სოციალურ ქსელში