თბილისი. კორპორაციული სოციალური პასუხისმგებლობის (CSR) შესახებ პრინტებისა და ფოტონამუშევრების კონკურსი დასრულებულია. საქართველოს სტრატეგიული კვლევებისა და განვითარების ცენტრის ინფორმაციით, ჟიურის რჩეული მარიამ მუმლაძის პრინტი გახდა, საზოგადოების მოწონება ნოდარ კოპალეიშვილის ნამუშევარმა დაიმსახურა. კონკურსი ჩატარდა CSRDG-ის ორგანიზებით პროექტის „სამოქალაქო საზოგადოების განვითარების ინიციატივა“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) წლებია სწავლობს ინფორმაციის პროაქტიული გამოქვეყნების საერთაშორისო პრაქტიკას და ამის გათვალისწინებით, საქართველოს ხელისუფლებას სთავაზობს რეკომენდაციებს. „ახალი კორონავირუსის პანდემიასთან დაკავშირებული ინფრომაციის პროაქტიული გამოქვეყნების საერთაშორისო პრაქტიკა აჩვენებს, რომ კრიზისული მდგომარეობის ფონზე ცალკეული ქვეყნები ახერხებენ მთელ რიგ საკითხებზე ინფორმაციის ხელმისაწვდომობის კარგი პრაქტიკის დამკვიდრებას. ასევე, გამოიკვეთა ოფიციალური ღია პლატფორმების მნიშვნელობა, სადაც მონაცემებს ქვეყნები ღია ფორმატში აქვეყნებენ. სხვა დაინტერესებულ პირებს, მონაცემთა ანალიტიკოსებს, კვლევით ორგანიზაციებს, დარგის სპეციალისტებსა და ჟურნალისტებს კი ეძლევათ საშუალება მოამზადონ საკუთარი ანალიზი და საინტერესო კვლევები პანდემიის გავრცელების სხვადასხვა ასპექტების შესახებ“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) მეხსიერების კვლევების საერთაშორისო პლატფორმის - The Sites of Conscience წევრი გახდა. „The Sites of Conscience (შემდგომში „კოალიცია“) არის მეხსიერების კვლევის პლატფორმა, რომელიც 1999 წელს დაარსდა და აერთიანებს 275 ორგანიზაციას 65 ქვეყნიდან. კოალიციის მთავარი მიზანია, გაზარდოს აღნიშნული ინსტიტუტეციების შესაძლებლობები საგრანტო დაფინანსების, ურთიერთდაკავშირების და საერთო ქსელში ჩართვის, ტრენინგების, გარდამავალი სამართლიანობის მექანიზმების ამოქმედებისა და ადვოკატირების გზით“. სრულად... წყარო: idfi.ge

თბილისი. საერთაშორისო გამჭვირვალობა - საქართველო იმ მინისტრებისა და მოადგილეების ათეულს აქვეყნებს, რომელთაც ყველაზე მაღალი საბანკო სესხები აქვთ. „მთავრობის 63 თანამდებობის პირიდან 40-ს (ან მათ მეუღლეებს) აქვს საბანკო ვალდებულება, 2019 წლის დეკემბრის მდგომარეობით. „„საერთაშორისო გამჭვირვალობა - საქართველოს” მიაჩნია, რომ საზოგადოებისთვის შეიძლება საინტერესო იყოს მინისტრებისა და მათი მოადგილეების ფინანსური ვალდებულებების შესახებ ინფორმაცია, რომელსაც ისინი თავად ასაჯაროებენ ქონებრივ დეკლარაციებში. ამ შემთხვევაში ჩვენ რაიმე დარღვევაზე არ მივუთითებთ“, ნათვქამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს რუსეთის სამხედრო ძალების მიმოხილვას: გამოცემა 35, 13 აპრილი - 19 აპრილი, 2020. „რუსეთის სამხედრო ძალების მიმოხილვა არის ყოველკვირეული დაიჯესტი, რომელიც მკითხველს სთავაზობს ინფორმაციას რუსეთის ფედერაციის შეიარაღებული ძალების საკვანძო აქტივობებისა და იქ მიმდინარე ცვლილებების შესახებ. მიმოხილვა გამოადგება მკვლევრებს, საჯარო მოხელეებსა და ყველა სხვას, ვისაც აინტერესებს თუ რა ხდება მსოფლიოს ამ ერთ-ერთი ყველაზე აგრესიული სახელმწიფოს სამხედრო ძალებში“. სრულად... წყარო: www.gfsis.org

თბილისი. Ertianoba • ერთიანობა მოხალისეთა გაერთიანებაა, რომელიც Covid-19 პანდემიის გავლენისგან განსაკუთრებით დაუცველ ადამიანებს სურსათს და მედიკამენტებს საჩუქრად აწვდის მთელი საქართველოს ტერიტორიაზე, მათ შორის მაღალმთიან სოფლებში. ღია საზოგადოების ფონდი ამ წამოწყების ერთ-ერთი დამფინანსებელია. პირდაპირ ჩართვაში იდეის ავტორები და განმახორციელებლები პროექტის შესახებ საუბრობენ თუ ვის შეუძლია დახმარების მიღება და როგორ ერთვებიან ამ საქმეში მოხალისეები. პირდაპირი ჩართვა ჟესტური ენაზე თარგმანის თანხლებით წარიმართა. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტისა (IDFI) და მონაცემთა გაცვლის სააგენტოს თანამშრომლობის საფუძველზე, 21 აპრილს მონაცემთა გაცვლის სააგენტოს წარმომადგენლებმა ინფორმაციის თავისუფლების განვითარების ინსტიტუტის თანამშრომლებს და IDFI-ს კორუფციასთან ბრძოლის სასერტიფიკატო პროგრამის მონაწილეებს ონლაინ რეჟიმში ჩაუტარეს ლექცია კიბერუსაფრთხოების შესახებ. „ონლაინ ლექციას უძღვებიდა CERT-GOV-GE -ის მენეჯერი დავით ქვათაძე, რომელმაც მსმენელებს კონკრეტულ მაგალითებზე დაყრდნობით, დეტალური ინფორმაცია მიაწოდა კიბერუსაფრთხოებისა და კიბერჰიგიენის იმ ძირითადი პრინციპების შესახებ, რომელთა დაცვაც კიდევ უფრო კრიტიკული მნიშვნელობისაა დღევანდელ სიტუაციაში“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. 2019 წლის 5-6 დეკემბერს, ღია საზოგადოების ინსტიტუტის ბუდაპეშტის ფონდის ფინანსური მხარდაჭერით, ინფორმაციის თავისუფლების განვითარების ინსტიტუტმა (IDFI) ჩაატარა კონფერენცია - „სახელმწიფო არქივების ღიაობა და მეხსიერების კვლევები“. „ორგანიზაციის განცხადებით, კონფერენციაში მონაწილეობდნენ 30 ქვეყნის წარმომადგენელი ისტორიკოსები, არქივის მკვლევრები, იურისტები, სამოქალაქო საზოგადოების ორგანიზაციების წარმომადგენლები, სახელმწიფო არქივების თანამშრომლები. კონფერენციის შედეგების და მასზე წარმოდგენილი მოხსენებების/ პრეზენტაციების შესახებ IDFI-მ რამდენიმე სტატია დაწერა, თუმცა უფრო დეტალურად თემების შესახებ ინფორმაციის მოწოდება ჩვენ პარტნიორებს ვთხოვეთ თეზისების სახით და უმრავლესმა მათგანმა მოგვაწოდა მათ მიერ წარდგენილი თემების მოკლე შეჯამება“. სრულად... წყარო: idfi.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თეოლოგ შოთა კინწურაშვილის მოსაზრებას საპატრიარქოს გადაწყვეტილებაზე. „ეკლესიის ისტორიას და ზოგადად ღვთისმსახურების, მათ შორის ევქარისტიის მიღების წესს თუ გადავხედავთ, კოვზით ზიარება მოგვიანებითი პრაქტიკაა, და საჭიროების შემთხვევაში შეიძლება ცვლილებასაც დაექვემდებაროს. თუმცა, თავისთავად ქრისტიანულ ეკლესიას, განსაკუთრებით მართლმადიდებელ ეკლესიას რომელიც რიგ ტრადიციებს, მათ შორის საღვთისმსახურო ფორმებს დიდ სიმბოლურ ღვთისმეტყველებათა ნიშნებს სძენს, უჭირს იყოს სხარტი და ქმედითი გადაწყვეტილებების მიმღები, იქნება ეს ცვლილებების შეტანა მაგალითად ლიტურგიკულ ცხოვრებაში“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრისთვის ცნობილი გახდა, რომ შეიხი მირტაგი ასადოვი და სრულიად საქართველოს მუსლიმთა უმაღლესი სასულიერო სამმართველოს რამდენიმე დამფუძნებელი სახელმწიფო უსაფრთხოების სამსახურში დაიბარეს. „მირტაგი ასადოვი ამ პროცესს გუშინ ტელეკომპანია მთავარში მის მიერ მიცემულ ინტერვიუს უკავშირებს, სადაც მან განმარტა, რომ საქართველო არ არის თეოკრატიული ქვეყანა, ის სეკულარული სახელმწიფოა და დაყოფა „ჩვენ-სხვები“ სწორი არ არის. ჟურნალისტის კითხვაზე კი, თუ რას ფიქრობდა მთავრობის გადაწყვეტილებაზე, რომ ეკლესიები არ დაიკეტებოდა დღესასწაულზე, მან კითხვითვე უპასუხა: „მაშინ ჩვენ გავხსნით მეჩეთებს რამადანზე და ვნახოთ პრემიერ-მინისტრი ჩვენ მიმართ როგორ მოიქცევა“. მირტაგის განმარტებით ეს მხოლოდ რიტორიკული კითხვა იყო“. EMC მირტაგი ასადოვს და სხვა პირებს საადვოკატო დახმარებას უწევს. რამდენიმე საათში ორგანიზაციის ადვოკატი მარნეულში, სუს-ის შენობაში მირტაგი ასადოვთან და სხვა დაბარებულ პირებთან ერთად მივა. საქმის შესახებ ახალ დეტალებს EMC უახლოეს საათებში გაგიზიარებთ. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს დიაკონ, ირაკლი ჯინჯოლავას თვალსაზრისს საქართველოს საპატრიარქოს გადაწყვეტილებაზე. „ეკლესიის ხელმძღვანელობამ, ერთის მხრივ, გაითვალისწინა ნაწილი რეკომენდაციებისა, მეორე მხრივ კი, ძირითადი რეკომენდაციები - შეზღუდულიყო თავყრილობები და ადამიანები დარჩენილიყვნენ სახლებში - ჯერ კიდევ არ არის გაზიარებული და გათვალისწინებული. ცხადია, პანდემიის პირობებში, ეს საფრთხეს უქმნის ადამიანების ჯანმრთელობასა და მათ სიცოცხლეს, რაც არსობრივად მნიშვნელოვანია წმინდა ეკლესიის სისავსისთვის. შესაბამისად, საქართველოს ეკლესის მიერ მიღებულ დადგენილებაში რთულია თეოლოგიური ხედვის პოვნა, ვინაიდან როგორც განკაცებული ღმერთი, უფალი იესო ქრისტე ბრძანებს: „აქ არის ის, ვინც ტაძარზეც უმეტესია“, და იქვე დასძენს: „წყალობა მნებავს და არა მსხვერპლი“ (მთ. 12,6-7). სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თეოლოგ, ზურაბ ჯაშის თვალსაზრისს: პანდემია და ეკლესია. ორგანიზაცია პერიოდულად წარმოგიდგენთ სხვადასხვა თეოლოგებისა და სასულიერო პირების განმარტებებს საპატრიარქოს გადაწყვეტილებაზე. „რწმენას ხშირად ვაიგივებთ გრძნობის ორგანოებით მიუწვდომელი და ლოგიკურად დაუსაბუთებელი რაიმე სახის მოვლენის ნამდვილობის დაჯერებასთან. რწმენაზე ამგვარი წარმოდგენა რელიგიური ადამიანისთვის ადვილად იქცევა ფანატიზმის საფუძვლად, რაც კრიტიკულად მოაზროვნე ადამიანში ბუნებრივად აღძრავს ბრალდებას მისი რწმენის სიბრმავის შესახებ. მართლაც, ამგვარი რწმენას სხვას ვერაფერს ვუწოდებთ თუ არა ბრმა რწმენას. ხოლო როდესაც ამგვარი რწმენა მიმართულია საეკლესიო რიტუალებისადმი, შედეგად ვიღებთ ამ რიტუალების მაგიურ გაგებას. არა და სწორედ ამის საპირისპიროს წარმოადგენს ქრისტიანული გაგება როგორც რწმენისა ასევე რიტუალისა“. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: ერთი წელი ბათუმთან საბჭოთა რეპრესიების მსხვერპლთა სამაროვანის აღმოჩენიდან. „აღნიშნული სამარხების აღმოჩენა უმნიშვნელოვანესი მოვლენაა საქართველოსთვის. რეპრესირებულთა ისტორიების შესწავლა, მათთვის სათანადო პატივის მიგება და ხსოვნის უკვდავყოფა აქტუალური საკითხია პოსტ საბჭოთა და პოსტ ტოტლიტარულ სივრცეში. ბევრ ქვეყანაში რეპრესირებულთა დახვრეტის და დამარხვის ადგილებზე მოწყობილია მემორიალური კომპლექსები, ხელისუფლების ხელშეწყობით, იმართება რეპრესირებულთა ხსოვნისადმი მიძღვნილი საგანმანათლებლო და სხვა სახის ღონისძიებები და წახალისებულია ამ მიმართულებით კვლევები. ყოველივე ამას უმნიშვნელოვანესი როლი აქვს ქვეყნების კოლექტიური მეხსიერების ფორმირებაში და ტოტალიტარული წარსულის გააზრებაში. ხელვაჩაურში აღმოჩენილი სამარხები კი პირველი ამგავრი აღმოჩენაა საქართველოს ტერიტორიაზე, რაც სათანადო ყურადღებას მოითხოვს სახელმწიფოს მხრიდან“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ანგარიში „ევროკავშირსა და საქართველოს შორის ასოცირების შეთანხმებით საქართველოს მიერ 2014-2018 წლებში ენერგეტიკის სფეროში აღებული ვალდებულებების შესრულების მდგომარეობის ანალიზი“ შექმნილია პროექტის – „სამოქალაქო საზოგადოების განვითარების ინიციატივა“ – ფარგლებში. მასში მიმოხილულია: - საქართველოს ენერგეტიკული ბაზარი, წარმოდგენილია საქართველოს ელექტროენერგეტიკული და ბუნებრივი გაზის ბაზრების ძირითადი მაჩვენებლები წლების მიხედვით; - მოცემულია ინფორმაცია ენერგეტიკის სფეროში ასოცირების შეთანხმებით საქართველოს მიერ აღებული ვალდებულებების შესახებ და აღწერილია 2014-2018 წლებში აღნიშნული ვალდებულებების შესრულების მდგომარეობა. სრულად... წყარო: საქართველოს სტრატეგიული კვლევებისა და განვითარების ცენტრის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კოტე ჩაჩიბაიას მიმოხილვას: რელიგია, ერი და სახელმწიფო საქართველოში: ქრისტიანობის გავრცელება მუსლიმურ აჭარაში. „საბჭოთა კავშირის დაშლის შემდეგ, სახელმწიფოს მიერ მხარდაჭერილი ათეიზმის და კომუნიზმის აღსასრულმა ხელი შეუწყო რელიგიის გამოღვიძების პროცესს ათწლეულის განმავლობაში. პოსტ საბჭოთა სახელმწიფოების უმრავლესობაში ეს პროცესი გამოიხატა გასაბჭოებამდე არსებულ მდგომარეობაში დაბრუნებით, მაგრამ აჭარაში - საქართველოს სამხრეთ-დასავლეთ ნაწილში მდებარე მხარეში ეს პროცესი სრულიად განსხვავებულად წარიმართა“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თამთა მიქელაძის ბლოგპოსტს: პოლიტიკური და საეკლესიო ძალაუფლებების ქორწინება და უგულებელყოფილი სოციალური ინტერესები. „მე სრულად მესმის, რომ ეს მხილება შეიძლება გამაღიზიანებელი იყოს ბევრი ადამიანისთვის, ვისთვისაც სოციალური და პოლიტიკური უიმედობის პირობებში, ეკლესია, საკრალურობა გადარჩენის და შვების რესურსი და იდეაა. არაერთსასულიერო პირს ვიცნობ, ვინც მის სამრევლოში სოლიდარობის და განვითარების ძალიან მნიშვნელოვან პრაქტიკას ქმნის. ცხადია, რომ ეს კრიტიკა არ მიემართება მათ, არც გულწრფელ მორწმუნეებს. ისმხოლოდ ძალაუფლების აქტორებს მიემართება, რადგან მგონია, რომ ჩვენი გათავისუფლება მათი მხილების გამბედაობაზე დგას“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. 6 აპრილს, საქართველოს ახალგაზრდა იურისტთა ასოციაციამ საქართველოს პარლამენტს წერილობითი მოსაზრებები წარუდგინა, რომელიც საერთაშორისო მექანიზმების მიერ მიღებული გადაწყვეტილებებისა და განჩინებების აღსრულებაზე საპარლამენტო კონტროლის მექანიზმის გაძლიერებას შეეხება. სრულად... წყარო: gyla.ge

ტექნოლოგიების სფეროში ჩართულ აქტივისტებს, როგორც აღმოსავლეთ პარტნიორობის ქვეყნებიდან, ისე მთელი მსოფლიოს მასშტაბით, შეუძლიათ მონაწილეობა მიიღონ გლობალურ ჰაკათონში, რომლის მიზანია კორონავირუსის მიერ გამოწვეულ კრიზისს უპასუხოს. ჰაკათონი იმართება ესტონეთის მიერ, ევროკავშირის მხარდაჭერით, 9-12 აპრილს, გლობალურად და ონლაინ, ნებისმიერი დროის სარტყელში. გაიგეთ მეტი... წყარო: ევროკავშირის გვერდი სოციალურ ქსელში

თბილისი. ამერიკის საელჩო საქართველოში დაუფთავების თანამშროლებს გაწეული შრომისთვის მადლობას უხდის. „დღეს ჩვენ გვსურს, მადლობა გადავუხადოთ დასუფთავების სამსახურის თანამშრომლებს, რომლებიც ქართველი ხალხისთვის სუფთა და უსაფრთხო გარემოს უზრუნველსაყოფად დღედაღამ თავდაუზოგავად შრომობენ. ამ სიტუაციაში ჩვენ ყველა ერთად ვართ და ისეთი პროფესიონალების ძალისხმევით, როგორიც ამ ფოტოზეა აღბეჭდილი, ამ ყველაფერს გადავლახავთ“. სრულად... წყარო: საელჩოს გვერდი სოციალურ ქსელში

თბილისი. ევროკავშირის ENPARD-ის პროგრამის მხარდაჭერით მიმდინარე პროექტის „ქედა ლიდერი“ ფარგლებში, CENN, დემოკრატიის ინსტიტუტი (IoD) და ქედის ადგილობრივი განვითარების ჯგუფი (LAG), აცხადებს საგრანტო კონკურსს: „ახალი გამოწვევები - ახალი შესაძლებლობები“. გრანტის მიზანია სწრაფი რეაგირება მოახდინოს და უპასუხოს იმ ახალ გამოწვევებს, რომლის წინაშეც დადგა საქართველო კორონა ვირუსის გავრცელებით გამოწვეული “COVID-19” პანდემიის შედეგად. საგრანტო კონკურსი იწყება 27 მარტს და დასრულდება 6 აპრილს 18:00 საათზე. სრულად... წყარო: kedalag.ge

ეკონომიკური პოლიტიკის კვლევის ცენტრი (EPRC) აგრძელებს პერიოდული საინფორმაციო-ანალიტიკური პუბლიკაციების სერიას, რომელიც დაკავშირებულია COVID-19-ის პანდემიის და მისგან გამომდინარე ეკონომიკური ეფექტის თემებთან. „პუბლიკაციაში წარმოდგენილია საერთაშორისო საფინანსო ინსტიტუტების ინიციატივები, რომლებიც მიმართულია მსოფლიო მასშტაბით პანდემიით გამოწვეული ეკონომიკური ზეწოლის შერბილება-შემსუბუქებისკენ“. სრულად... წყარო: eprc.ge

29 მარტს კარგი მოქმედებების დღე აღინიშნება. „როდის უთხარით ბოლოს თქვენს მშობლებს, ბებიებსა და ბაბუებს, რომ ძალიან გიყვართ ისინი? - ახლა ამის დრო ყველას გვაქვს. იმისათვის, რომ შევაჩეროთ COVID-19 ვირუსის გავრცელება - დავიცვათ ჩვენი და ჩვენ გარშემო მყოფი ადამიანების ჯანმრთელობა, აუცილებელია დავრჩეთ სახლში. როგორც იცით, მოხუცები რისკ ჯგუფის წარმომადგენლები არიან და ამიტომ მათთვის ემოციურად ყველაზე რთულია თვითიზოლაციის პროცესი. ვუერთდებით საერთაშორისო კამპანიას - „გაუგზავნე ღია ბარათი...“  იმისათვის რომ გამოწვევაში ჩაერთო, საჭიროა ჯერ სოციალურ ქსელში ატვირთო შენი ღია ბარათი ჰეშთეგით #მევზრუნავ #ჰელფინჰენდ, #GoodDeedsDay, #კარგიმოქმედებებისდღე გამოიწვიო შენი სამი მეგობარი და შემდეგ გაუგზავნო თქვენი ბარათი თქვენს მშობლებს, ბებიებს, ბაბუებს და/ან იმ მოხუცს, რომელსაც თქვენი თანადგომა ყველაზე მეტად სჭირდება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში